#إلى_متى_بقلم_رُلى_كوجك
@rwayate
الجزء الثالث
وعيت على ضو الشمس ضارب على عيني جوا غرفتي.. فتحت عيوني وغمضتا أكتر من مرة حتى اتأكد اني جوا الغرفة.. اتطلعت حواليي لقيت سطل مي وكمادات وعابدين غفيان عالكنبة يلي بالغرفة.. أول ما حاولت قوم فتح عابدين عيونو بسرعة ونطق
عابدين: خليك مرتاح
جلال: شو صار؟
عابدين: مبارح ارتفعت حرارتك وانا جبتلك كمادات.. على كل حال الدكتور رح يوصل
جلال: اي بسس
عابدين: لكك انت كيف بتتجرأ وبتحاول تنزل عالنفق آآه؟
جلال: - - - - - - - -
عابدين: بتعرف لو دخلت لجوا شو كان صار فيك؟.. كنت ماعدت طلعت بالمرة.. حااجتك فضول وعناد.. كنت رح تودي حالك بدوامة كبيرة.. لكك يا ابني دخول الحمام مو متل خروجه
جلال: كيف عرفت اني رايح لهنيك
عابدين: من الصبح حالك مو عاجبني.. شفتك متوتر فقررت اعمل حالي نايم والحقك.. أحمد ربك انو صقر كان نايم
جلال: مين صقر
عابدين: لكك شو مين صقر.. صقر حارس الجهة الخلفية
جلال: ممممممممم
عابدين: اوعك تفكر ترجع تروح لهنيك.. هالمرة أنا أنقذتك.. بس مو كل مرة بتسلم الجرة
طلع عابدين من الغرفة وبقيت صافن مكان ما سكر الباب
--------------------
وقف عابدين قدام الفيلا وفتش جيوبو..
عابدين: اووف وين موبايلي
رجع دخل عالبيت ودور كتير عالموبايل وما لقاه.. دخل عند جلال ودور هنيك بس ما كان في أي أثر للموبايل.. وقف قدام الفيلا وضل صافن.. ضرب راسو بخفة ونطق بصوت أقرب للهمس
عابدين: لا يكون وقع مني وانا عم طالع جلال..
راح للجهة الخلفية وفتح النفق.. اطلع لتحت ولقا موبايلو عالأرض.. نزل لتحت ومسك موبايلو.. اجا ليطلع بس اخد نظرة عالمكان.. هربت دمعة من عيونو لما سمع صراخ الاطفال.. كلشي متغير.. حتى الجدران عليها دم.. واخدتو الذكريات قدام هالسجن
// امشي قدامي لشوف.. ما رح تعترف؟.. طيب ماشي
بدأ يضربو بكل قوتو والشر عم ينزل من عيونو
عابدين: مارح اعترف.. مارح اعترف
- بدك تحكي.. والله لخليك تحكي يا ابن ال... //
طلع من صفنتو على ايد انحطت على كتفو.. التفت بسرعة واتفاجأ فيه.. مسح دمعتو بسرعة وحكى بصوت صارم
عابدين: لك شو جابك ما قلتلك لا تقوم من تختك
جلال: بدي اتعرف على هالمكان
عابدين: متأكد؟
جلال: اي
مسك عابدين ايدي ومشينا.. ممر طويل.. ريحة نتنة.. وضو وحيد ابيض خافت بكل الممر.. ما بيضوي غير الجزء الأوسط منو.. ضلينا نمشي لحتى انفتح ضو اصفر بسرعة.. وقفنا مكاننا.. التفت عابدين لفوق وحكى بصوت عالي
عابدين: اناا عابدين.. سكر الضو
اجا صوت من فوق (( حاضر سيدي )) انطفا الضو وكملنا مشي.. بآخر الممر لفينا عاليمين.. أشر عابدين على زنزانة كتير ديقة ويادوب شخص واحد يوقف فيها
عابدين: هون قضيت مرحلة عذابي.. وهون كنت انت رح تقضي عذابك لو نزلت.. وهو رح تقضي عذابك لو ما انضميت النا.. اعرف مصلحتك..

يتبع..

#إلى_متى_بقلم_رُلى_كوجك
الجزء الرابع
@rwayate
عابدين: رح. يذلوك.. يسبوك.. مارح. يتركوا ولا طريقة لحتى تصير منن
جلال: وليش لهلأ ما صار شي؟
عابدين: هلأ سلموك الي.. اذا ما مشي الحال رح تقعد هون.. والقى يا جلال اذا بتلقى
ضلينا عم نمشي بهدوء لحتى وقف عابدين فجأة وصفن بالغرفة يلي بالصدر
ذكريات
// عابدين: لا.. لا الله يخليكن..
حمل سطل مي ورش فيه كيس ملح كامل
- هههههههههههه خلينا نتسلى شوي شبك //
عابدين: هون.. هون.. هاد المكان اسمو الجحيم.. بعد ما بيضربوك وبيعذبوك بدخلوك. عالغرفة.. سطل مي مع كيس ملح كافي ليخليك تتوجع عن سنين..
كملنا مشينا وانا عم اسمع صراخ الناس.. وكل دقيقة يقطع مشيتنا رجال عم يجر وراه شخص عم ينقط منو دم متل الكلاب..
وقف عابدين قدام باب كبير غير عن الباقي.. مد ايدو على جيبو وطالع رز مفتايح.. اختار المفتاح يلي باللون الازرق وفتح الباب.. دخلوا لجوا بعدين عابدين سكر الباب علينا.. قعد على كرسي وانا قعدت مقابيلو
عابدين: هون يا جلال هي الجنة.. تخت واسع.. باب أنيق.. بحطوا فيه الناس يلي وافقت تشتغل معن.. بكل ممر في متل هالغرفة.. وشي يوم اذا صار ودخلوك لهون..
-----------------
بعد ما خلصنا جولة طلعنا لبرا وانا دايق نفسي.. أول ما طلعت سحبت كمية هوا كبيرة.. دخلنا عالبيت.. مسكت الرواية بايدي ودخلت جوا غرفتي.. اخدت دوش سريع وتسطحت عالتخت.. ايدي ورا راسي وصافن بالسقف..
جلال: يا ترا محمود شو عم يعمل بغيابي؟!.. ولا سمير.. يا ترا نجح ولا لاء.. ممم طيب هادي.. لسا مشاغب ولا تغير..
طلعت من افكاري وفتحت الكتاب وبدأت اقرأ محل ما وصلت
(( حاول.. لا بأس.. حاول أن تنقذ جميعهم.. إذا نجحت بإنقاذ البعض... إليك طريقة الهروب.. التي لم أستطع تتفيذها..#بقلم_رُلى_كوجك ))

عابدين: شو عم تعمل
جلال: عم اقرأ
عابدين: تعا عالحديقة نتسلى شوي..
طلعت لبرا معو وقعدنا عالمرجوحة الكبيرة.. لف رجل على رجل عابدين وصار يتأمل غروب الشمس
عابدين: انا رح ماطل معن لحتى أمن أنك تهرب لمكان بعيد كتير
جلال: بس أنا مابدي روح من هون

يتبع..

#إلى_متى_بقلم_رُلى_كوجك
الجزء الخامس
@rwayate
عابدين: كيف يعني؟
جلال: انا بدي طالع كل المظلومين يلي هون
عابدين: ههههههههههههه
جلال: عم احكي عنجد
عابدين: ههه بتعرف هههههههه اول مرة بضحك هيك من كل قلبي
قمت وقفت بعصبية وحكيت بحزم
جلال: انا ما حكيت نكتة
عابدين: اقعد اقعد.. ههههه لك خلص بقا فردا..
رجعت قعدت وانا معصب من ردة فعل عابدين..
عابدين: احكيلك قصة؟
جلال: احكي
عابدين: بس بشرط
جلال: شو
عابدين: بتحط راسك هون وانا عم احكي
وأشر على رجليه... استغربت من طلبو ولبيتو.. وصار يلعب بشعري
عابدين: كان في رجال اسمو عبد.. عمرو 27 سنة.. متزوج وعندو ولد.. كتير كان مبسوط بحياتو.. بس الشي الوحيد يلي معكر عيشتو هو المصاري.. بهالوقت ما كان في شغل.. وبصعوبة كتير لتتوفر اللقمة.. وبأحد أيام حياتو التعيسة.. قرأ إعلان بالجريدة.. عن طلب شغل بميتم.. طبعا عبد ما تردد.. وتواصل معهن فوراً.. أخد العنوان بس مرتو وابنو كانوا عم يبكوا.. حمل ابنو جرّاح يلي عمرو 12 سنة وباسو.. ودع مرتو الحامل بالشهر الأول وبعدين راح.. ضل ماشي لأنو مامعو حق تكسي.. اول ما وصل عالمنطقة سأل شوي لحتى وصل للميتم.. دخل لجوا.. بس الميتم ما كان فيه روح.. كان الميتم بارد كتير ومافيه ولا صوت طفل.. استغرب كتير بس قبل ما يلتفت كان حدا لازق محرمة على انفو وبعدا ما حس على شي.. صحي على مي عم تنرش على وجهو.. وعلى ناس عم تضربوا.. اشكال بتخوف كتيير غير اشكال الناس الدراويش يلي من طبقتو.. بعد ما طالع آخر صرخة دخل رجال كبير كتير بالعمر.. وصار يحكي معو
- لازمنا شغيلة بالميتم..
وضحك ضحكة صفراوية.. ربت على خدو بهدوء بعدين طلع.. سنة كاملة عاشها محدا يدخل لعندو ولا يحكي مع حدا.. يدخلوا الأكل من بين قضبان الحديد ويمشوا.. لدرجة وصلت معو يحكي حالو مشان يتأكد اذا صوتو لسا موجود ولا راح.. السنين عم تمشي وحالو عم يتبهدل.. نفس الروتين.. كل وجبة بتدخل بوقتا بعدين بيجي حدا وبياخدها.. ما بيهمو أديه مر الوقت أو كم يوم صرلو.. مر 8 سنين وهو على هالحال.. لحد ما بلشت مرحلة عذابو تتطور.. كل يوم ضرب وذل وإهانة.. سطل مي وملح بعد كل ضربة.. لحد ما مر 28 سنة.. شكلو تبهدل.. شعرو شاب.. وحتى انه نحفان كتيير.. لحد ما وافق ينضم الهن.. شغل كلو وسخ.. بس هو قلبو لسا نضيف.. كان مضطر يجاريهم بعد 28 سنة من العذاب.. مرت السنين وهو على نفس الشغل.. سرقة تجارة اعضاء مخدرات.. وهو كل مرة بيعتصر فيها قلبو على مرتو و ولادو.. وعم يحاول بس عالأقل يشوفن.. ياترى لسا عايشين؟ طيب اذا شافوه ممكن يتقبلوه مرة تانية؟ شو صار فيهن.. عم ياكلوا ؟ طيب مرتاحين ؟ ولادو تزوجوا؟ طيب هو صار جدو؟
كل هالاسئلة كانت عم تدور ب باله

رفعت راسي من على رجلو وهمست بصوت أقرب للمسموع
جلال: قصتك انت!!
عابدين: ههه.. أي أنا هو عبدالله
ضحك بمرارة بس انا عم حاول جمع المعلومات
جلال: عبد القبطان؟!
تبدلت ملامح عابدين بسرعة من الضحك للصدمة

يتبع..

#إلى_متى_بقلم_رُلى_كوجك
@rwayate
الجزء السابع - الثامن والأخير
فتح عيونو عابدين على وسعهم وهو مصدوم
عابدين: شو عرفك؟!
جلال: يعني هاد انت
عابدين: هالاسم محدا بيعرف فيه
جلال: يعني أنت جدي
عابدين: كيييف ؟
جلال: ابنك اسمو جرّاح.. يلي بكون أبي.. وأنا اسمي جلال جراح عبد القبطان
عابدين: انت شو جابك لهون ؟
جلال: أبي قلي أجي لهون
عابدين: جرّاح يلي قلك ؟
جلال: اي.. أجتو جلطة قلبية وقبل ما يموت قلي أجي لهون مكان ماهو بيشتغل
عابدين: يعني جرّاح كان بيشتغل هون
جلال: أي هون.. بس معقول انت ما شفتو ولا مرة ؟
عابدين: هو آخر سنتين كان يجي رجال غريب لهون بس ماكنت بعرف اسمو
جلال: يعني أنت هو جدي يلي أبي كان عم يدور عليه
قرب عابدين وضمني لحضنو بخوف
عابدين: انت لازم تطلع من هالجحيم
جلال: ما بتركك هون لحالك
عابدين: ياربي شو عنيد هالولد
---------------
تاني يوم فقت بكير.. رحت عالمطبخ وعملت فنجان قهوة وقعدت بغرفة القعدة.. يلي لفتني هو الساعة.. عقاربها ماشية بس ما الهم صوت.. قمت بسرعة وطالعت الرسالة من وراها وكان المكتوب كالتالي:
(( جلال القبطان.. حي أو ميت ))
ماعرفت شو أعمل.. كانوا بدهم ياني وهلأ أكيد نزلت هالورقة عند كل الساعات.. رحت لغرفة جدي لقيتو عم يتحمم.. تذكرت كلامه يلي قلي اياه
تذكر
// عابدين: إذا شي يوم ودخلوك لهون.. فاعرف أنو محدا رح يزعجك.. لو شو ما صار.. محدا بدق عليك الباب.. ولا حدا بيدخل لعندك.. متل ما شايف هون براد.. غسالة.. وخزانة مليانة تياب.. كلها بتخليك تعيش برفاهية.. هي تلفزيون موصول عالنت.. فيك تتفرج عاليوتيوب.. كلشي متوفر لخدمتك..
جلال: فعلاً هي الجنة //

ركضت على جاكيت بدلته يلي معلق عالكرسي.. سحبت منه المفاتيح وهربت.. طلعت عالمدخنة ونطيت لورا البيت.. بعتت قطة لعند صقر وهو انشغل فيها.. وبهالأثناء أنا نزلت لتحت.. كان المكان هادي لدرجة إذا رميت إبرة بترن.. لأنو الكل مشغول وعم يدور عليي.. ركضت بسرعة لهداك الباب.. طالعت المفتاح الأزرق وفتحت الباب وأنا متوتر.. دخلت لجوا وسكرت عليي الباب
شغلت التلفزيون فوراً وفتحت على جوجل.. دخلت على حسابي بالفيس بوك وحكيت مع أمين مرافق أبي
جلال: مرحبا أمين
أمين: أهلين يا بيك.. شو وين غبت
جلال: أمين أنا مخطوف
أمين: كييف ؟؟
جلال: رح أبعتلك موقعي.. بتجيب ال (( )) وبتجي.. أكبر عدد ممكن جيبو معك.. جهزوا حالكن لمعركة كبيرة
بعتت موقعي لأمين.. نقزت لما سمعت صوت دقة الباب وصوت عم يقول (( يا بيك.. لازم نفتش الغرفة.. في عضو مفقود وعم ندور عليه ))

يتبع..

#إلى_متى_بقلم_رُلى_كوجك
الجزء السابع
@rwayate
حكيت بنبرة حادة
جلال: استنى شوي عم بدل تيابي..
- لكن نحن رح نمر عباقي الغرف ومنرجعلك يا بيك
جلال: تمام..
رجعت كتبت لأمين (( معك ربع ساعة.. بعدو ما بتلحقوني.. رح ابعتلك كتاب pdf بسرعة روح للصفحة الأخيرة وهنيك رح تعرف مكاني.. بتدخل بالممر.. آخر غرفة بالصدر.. بابها كبير وفخم.. انتبهوا منيح.. )) بعتلو الكتاب pdf وطلعت من حسابي.. بعدين سكرت التلفزيون.. مر 10 دقايق بعدين بسمع صوت هيلكوبتر وسيارات كلها صفت قريب من مكاني.. مافي ثواني إلا كان في معركة رصاص عم تصير برا.. استغليت انشغال الرجال وفتحت الباب.. لقيت الممر فاضي بالكامل.. طلعت لفوق وكنت انا ورا الرجال.. تخبيت ورا شجرة بعد ما أخدت سلاح واحد ميت.. بعدين بلشت صوب عليهن.. ما كانت شغلة صعبة أبدا لأني تعلمت هالشي وأنا وصغير.. قتلت واحد ومن بعدها افترقوا نصين.. نص ملتفت لالي ونص ملتفت لأمين ورجالو..
أمين: يا بيك لا تعلق معهم
جلال: اهتم بشغلك
كل ما اقتل رجال يجي بدالو عشرة.. كان عددهم هائل وكبير كتير..
جلال: أمين اشلفلي مشط رصاص بسرعة
أمين: تفضل معلم
جلال: استدعيتو ال FBI؟
أمين: عالطريق جايين.. معلم تعا لجنبنا.. محسن.. بلال.. غطوا عالمعلم.. رح عد لل 3 وانت اركض لهون
تخطيت الطلقات الطايشة من أسلحتهم ووصلت بسرعة
أمين: شاهين.. بسسرعة طالع المعلم بالهيلكوبتر..
شاهين: طيب
مسكني شاهين من كتفي وسحبني بسرعة.. وانا عم اركب بالهيلكوبتر وقفت شوي.. التفت أمين لعندي ليتأكد اني طلعت
أمين: معلم.. يلا بسرعة.. لا تاكل هم
جلال: جدي.. استنوا شوي..
نزلت بسرعة عالدرج بس أمين صار يصرخ
أمين: معلم ارجع مكانك
شاهين: أمين انتبه !!!!
_____________________________
عابدين: الله يرحمه
جلال: لولاه ما كنت رح اطلع من هديك. الدائرة يلي ما الها نهاية
عابدين: أمين مات بسببي.. أنا
جلال: لا تقول هيك.. هو كان عم يدافع عني
عابدين: بتعرف لولاك كانوا دفنوني
جلال: ماعاش يلي بيأذي جدي..
عابدين: حررتوا كل المساجين يلي بالقبو؟
جلال: اي جدي لا تقلق
_____________________________
طلعت من الحمام وأنا عم نشف شعري.. انتبهت لورقة قدام الباب.. مسكتها بين ايديي وقرأت محتواها (( جلال اهرب.. لا تكون ضحية الهن.. بسرعة اهرب من الفيلا.. انا صرت بعالم تاني.. لا تدور عليي.. عابدين))
الرسالة رعبتني كتير.. تركت يلي بين ايديي وجمعت الخدم.. صرفتن كلن من الفيلا وبقيت لحالي.. بلشت أتفتل بتوتر وأنا عم فكر بحل مناسب.. الهروب مو من عاداتي.. لحد ما سمعت كسر باب الحديد الخارجي

خلص الفصل الأول من قصة إلى متى.. الفصل الثاني لاحقاً..

#إلى_متى_بقلم_رُلى_كوجك
الجزء الأول
@rwayate
قاعد مع رجال ما بعرفو لحد الآن.. جيت لهالمكان النائي وانا لسا عمري 16 سنة..لازم روح عمدرستي بس ماعم يسمحولي.. تأملت كل البيت بعيوني وتذكرت أحداث من شهر يلي خلتني اجي لهون وعلى هالمكان بالتحديد
____________________________
/// تذكر ///
أبي: جلااال
جلال: ابي لا تتعب حالك الاسعاف هلأ جاية
طالع ورقة من جيبو وايدو عم ترجف..
أبي: بعد ما موت روح على هاد العنوان وقلن انك ابني
جلال: ابي انت مارح تموت.. رح تضل معي.. اكيد مارح تتركني متل ما امي عملت.. موو؟
ما اخدت ولا ردة فعل منو.. وضلت عيونو معلقة بالسقف.. حطيت ايدي على عيونو وسكرتها.. وصرت ابكي بالتدريج
_____________________________
/// تذكر ///
- شو جايبك لهون ؟
القيت نظرة عالورقة ورجعت اطلعت بالمكان
جلال: انااا.. انا مابعرف شي
- شو جاية تتسلى بهيك منطقة.. روح من هون
جلال: بس ابي قلي اجي لهون
- مين ابوك؟
جلال: جرّاح القبطان
اتطلعوا الاتنين عليي بعدين غمزوا بعض ودخلوني لجوا..
______________________________
جلال: اوووف.. عابدين شوفي نعملو هون؟
عابدين: ولا شي..
أشر عالروايات يلي جنبي وابتسم
عابدين: فيك تلاقي حياتك مع هدول
قمت وقفت وسمهدت تيابي.. تصفحت الروايات بس لفتني اسم رواية " لنذهب الى الجحيم " بيطلع من 5 او 6 ورقات
مسكتو بين ايديي وانا ناوي اقرأوا
عابدين: نصيحة ابعد عن الجحيم ولا تقرب عليها
جلال: هالرواية الها علاقة بشغلكن؟
عابدين: عن أي رواية عم تحكي
اطلعت عالرواية يلي بين ايديي ورجعت رفعت نظري لعندو
ضحك بخفة وقال
عابدين: هي صدفة.. بس انا عم نبهك بعد عن الجحيم يلي هون و اوعى توثق بالرجال يلي برا
جلال: يعني ما كان قصدك على هي الرواية
عابدين: هدول اجوا جديد.. وما بعرف شي عنهن
اخدت كاسة النسكافيه وفتحت الرواية.. قعدت على الكنبة الفردية ولفيت رجل على رجل.. واخدت أول شفة من الفنجان..

الرواية: (( لو أنك ضعيف القلب فابتعد من هنا.. سبيلك ليس مساره في هذه الرواية.. سبيلك مختلف عن سبيلنا قطعياً..
ذلك ليس بسبب ضعف قلبك.. ولكن بسبب قساوة الحياة.. إن لم تكن حمل المسؤولية فلا تقرب هذه الصفحات.. لأنها لن تنفعك لطالما حييت.. لربما تنفعك أثناء غفوتك في قبرك.. #بقلم_رُلى_كوجك ))

صوت عقارب الساعة كان عم يعلى بالتدريج لحد ما صار قوي كتير لدرجة خلاني عصب وما ركز بالرواية.. بعدين اختفى.. اطلعت بهالساعة المزعجة بس هون كانت الصدمة
جلال: عابدين.. اطلع عالساعة
اطلع عابدين بعدم اهتمام ورجع نزل راسو ليكمل متابعة موبايله.. بعدين رجع رفع راسو بسرعة ومشي لعند الساعة.. سحب من تحتها ورقة وقرأها
عابدين: قوم اعمل حفلة.. جاييتنا مهمة
جلال: شو قصة هالساعة
عابدين: بس تكبر شوي وتصير رجال بتعرف ✋️
شق الورقة لقطع كتير صغيرة ورماها من الشباك.. وأشرلي لألحقه.. تركت فنجاني وحطيت قلم جوا الرواية..
جلال: الله يرحمك يا ابي.. هي عملة بتعملها فيني؟! 😑
ولحقته لبرا
عابدين: جهزوا السيارة شباب
جلال: لوين وجهتنا
عابدين: بضاعة جاية عن طريق الساحل.. منقطع طريقها
جلال: هي الكن؟
عابدين: الظاهر رح لاقي صعوبة معك..
جلال: ليش انت شو بالنسبة الي حتى تربيني
ضرب على راسي بخفة باصبعه السبابة وقال
عابدين: معلمك انا يا ولد.. معلمك
جلال: مو ولد انا
ضحك شوي وجلس ضهرو عكرسي السيارة ولساه على ابتسامتو
_________________________________
رجعت بعد ما شفت الظلم يلي شافوه صحاب البضاعة.. تعبانين كتير ونحن بمجرد ثواني سرقناها منهن
فتحت جاكيتي وجبت كاسة مي.. شربتا دفعة وحدة وشلت الكتاب يلي عالكنبة يلي كنت قاعد عليها وقعدت مكانو شلت القلم من الكتاب.. قبل ما ارجع اقرأ دخل عابدين وهو عم يدخن
جلال: شو هاد يلي عم تحطو بتمك؟
عابدين: بس تكبر بتع..
جلال: بس تكبر بس تكبر بس تكبر.. خلص طفح الكيل.. بدي ارجع عالفيلا تبعنا
عابدين: المشكلة انو الدخلة لهون مو متل الطلعة منها.. نصحية مني الك.. اذا هربت بلاقوك تحت سابع ارض وبجيبوك.. وبيدبحوك قدام العالم كلا
جلال: ليش عم تحكي بصيغة الغائب.. قال يعني انت مو منهن
عابدين: والله شكلك انت يا ولد وقح
جلال: انا مووو ولد
عابدين: ماعلينا.. انا مو منهن.. اجيت بنفس الطريقة يلي انت جيت فيها لحد ما تعودت عليهن..
جلال: ممم عم تبشرني اني رح صير متلك بالمستقبل
عابدين: بالتأكيد
رجعت نزلت نظري عالكتاب وبلشت اقرأ بالصفحة الأولى
الكتاب:(( كل ما عليك الآن هو احضار كوب قهوة للاستعداد لتجربة أقسى.. ألم تحضر كوب القهوة بعد؟.. لا بأس.. لنذهب الى الجحيم سوية.. اختيارك لهذه الرواية يعني أنك تريد الغوص في الجحيم لتلتهب بدل المرة ألفاً.. لا تحكم على نفسك بالجحيم بسبب قرائتك لمجرد صفحات لا تحمل سوى بضعة حروف وكلمات.. #بقلم_رُلى_كوجك))
سحبت نفس ورحت جبت كاسة مي وشربتا كمان دفعة وحدة

#إلى_متى_بقلم_رُلى_كوجك
الجزء الثاني
@rwayate
وصلنا عالغابة وصرت اتبع الخطوات يلي بالكتاب.. لحد ما وقفنا قدام البيت يلي كنا فيه
عابدين: عم تضحك عليي.. يعني لفينا كتير وآخر شي رجعتنا عالبيت.. تعا تعا دخول.. بعدين بقول للشباب يجيبوا السيارة
ضليت عم انقل نظري بين الكتاب والبيت.. متأكد هيك قالوا بالكتاب.. مسحت وجهي بطرف ايدي ولفينا من ورا البيت ودخلنا..
عابدين: يا صقر.. روح جيب السيارة يلي ببداية الغابة.. ولا قلك.. خليا ممكن نحتاجا بعدين
صقر: حاضر سيدي
رحت شربت مي ورجعت
عابدين: شو صاير معك؟
جلال: ما.. مافي شي
قعدت عالكنباية وكملت قراءة
(( نعم.. قد وصلت.. هذا مخزن لأسلحة.. أعضاء.. قنابل وما شابه.. ولكن اذا أردت أن تصل إلى مخبأ البشر.. فستحتاج قوة وشجاعة أكبر.. يجب أن تكون لك قدرة كافية على تحمل مناظر المظلومين.. ها أنا أحدهم.. ولكن نجوت بفضل ربي وأخذ روحي رأفة بي.. بعد أن وصلت إلى الجهة الخلفية للبيت.. 9 خطوات إلى اليسار.. ستجد شجرة.. خطوة واحدة إلى اليمين وستجد نفقاً يؤدي بكَ إلى الأسفل.. ها قد وصلت.. انتبه قبل أن تنزل.. لربما يغدرك أحدهم ))
سكرت الكتاب وأعصابي تالفة.. استنيت للمسا بصعوبة وبعدين بس ناموا يلي جوا البيت.. اطلعت من الشباك لقيت عشر رجال برا.. طلعت من المدخنة ونطيت لبرا عالجهة الخلفية يلي ما كان عليها غير حارس واحد يلي غرقان بسابع نومة.. وصلت لعند هديك الشجرة وفعلاً حسيت بشي حديد تحتي.. فتحت الباب يلي كان مغطى بالعشب وحطيت رجلي عالسلم.. نزلت درجتين بس ما مر ثانية إلا بيجي حدا من فوقي وبيحط محرمة على انفي.. خلال ثواني كنت عم قاوم النوم بس هو كان أقوى مني.. حسيت عحدا عم يسحبني لفوق بعدين غبت عن الوعي
يتبع..