الأخبار - خزانة الفوائد

.. .او تنين بيحبو بعض وما بتكمل معهن
ريهام : مزبوط ، بس خلينا ننبسط بالأوقات الحلوة الي منقدر نعيشها... العمر قصير ... بس تحبي حدا حبيه وبس ... خلص اتركي كل شي وحبيه .. ما مهم النهاية المهم البداية
مرام : دايماً البدايات حلوة .. والنهايات بشعه ..
ريهام : لهيك ما تفكري بالنهاية .. بس تجي ... ما رح تحسي بشي .. رح تتخدري .. وتنسي ... بتنسي كل شي .. سدئيني بتنسي من الوجع .. ))
___________________
بعد مرور سنة واحدة
محمد : ماما ... ماما
مرام : ايه محمد شو بدك ؟
محمد : بتي هيييييييي
مرام : شو هي ؟
جيت قعدت جنبو كان عم يأشرلي على الشباك برا .. لقيت وحده اجنبيه وشايله بنتها الشقرا وعم تلاعبها
مرام : ههههههههههههههههههههههه بدك هي ؟
هزلي راسو بكل براءة و فرك خدودو بخجل
مرام : لك ازعر انته تعال شوف ماما عملتلك بسكويت كتير طيب
رحنا على الصالون وحطيت البسكويت على الطاولة وشغلت التلفزيون على قناة الأخبار مشان تابع شو عم يصير بفترة الأنتخبابات بالبلد
#الأخبار : وبعد أغتيال مسؤول رفيع المستوى .. وجه إصبع الإتهام إلى المرشح المنافس له على وزارة الإقتصاد .. ولا زالت التحريات جاريه
#الأخبار كشف سلسلة من الافراد في مناطق متفرفة تقوم بترويج المخدرات و بيعها و التجارة بالفتيات القاصرات للعمل في أمكان مشبوهة، يطلقون على نفسهم اسم الخفافيش
#الأخبار : بعد فرار عصابة الخفافيش السلطات تكثف نقاط التفتيش و قامت بتعميم بعض الأسماء في المطارات لمنعهم من السفر
#الأخبار : تسريبات تؤكد أن عصابة الخفافيش ما هي إلا إمتداد لأعمال الوزير السابق المغدور ... و وجود أدلة تم تقديمها للمحكمة
#الأخبار : جزء كبير من عصابة الخفافيش قامت بتسليم نفسها للعدالة
كنت ماسكة راسي وعم تابع بقرف ...
محمد : كفافيش
تطلعت فيه بعصبيه :شو قلت ماما ؟
اشرلي على التلفزيون : كفافيش !!
طفيت التلفزيون ورميت الجهاز : ايه لا حبيبي ما في كفافيش
محمد : لكن سو ؟
مرام : لكن بدي عضك يا شقي .. من كل هاللت والعجن ما عجبك إلا الكفافيش ؟

بعد ما اخدت ورثة بكل املاك ريهام .. البيت وسيارة وليد و عيادتها .. بعت كل شي وقررت اطلع برا البلد.. القضيه كلها لبستها نجاح و شوية رجال ما دخلهن بشي تلفلف الموضوع متل ما بيتلفلف كل شي بهل بلد .. وصلت لهون و بلشت دراسة القانون
وليد حاول ينزل على البلد لما ما عاد بينلي اثر ... وانمسك بالمطار .. اتصلت بالمحامي رفيق ليث وسألتو عن الوضع ، قال انو وليد ما كان بيعرف نجاح بدها تقتل ريهام و الاتفاق انها بس تهددها لتاخود منها الملفات
مرام بفرح : كيف ؟ يعني وليد جاب سيرة الملفات ؟
المحامي : مرام ما تفرحي ... وليد اليوم قتلو واحد معو بالسجن .. طعنو تلات طعنات و مات قبل ما يكمل اعترافاتو ... الي عملتيه انتي الصح ... الهروب هو احسن حل .. لا تندمي ابداً ..

ليث ما نسيتو ولا لحظة .. مات بهديك الليلة و عاش بقلبي عمر كامل ... و هيفاء بحكي معها على الفيس بوك وما رضيت خبرها انا بأي بلد
و بعتتها مرتين تروح تسلملي على عبد الحليم بس قالتلي اخر شي انو سكر المكتبة لأن صحتو عم تتراجع
اتصلت فيه واتطمنت عليه وقلي انو زعلان مني لان رحت بدون ما ودعو .. وقلي انو ما خلى ابنو يتزوج ولسه ناطرني ارجع مشان يجوزني ياه هههه ..
#تــــــــــــمــــــــــــــــت

كنت عم حط لمساتي الأخيرة على كتابي الي اسمو (( الخفافيش )) بس طبعاً باللغة الإنجليزية ...
## هناك ثقافة واحدة هي ثقافة القوة، حين أكون قوياً يحترم الناس ثقافتي وحين أكون ضعيفاً أسقط أنا وتسقط ثقافتي معي ##
- يا أنسة لو سمحتي
رفعت عيني وشفت شب واقف قدامي .. كان هيئتو أجنبي ما مبين عربي بنوب
مرام : تفضل ؟!
- بعتذر على الإزعاج .. بس انتي وابنك دايماً بتجو لهون و انا بضل شوفك عم تقرأي وبايدك كتاب .. عندي فضول كبير اقرأو
مرام : أول شي هاد ابن اختي ... تاني شي قصدك هاد الكتاب ؟
- اي هاد الكتاب
مرام : ما بعرف ازا رح يعجبك بس ما عندي مشكلة تشوفو
- انا خالد الرسان ... كاتب سلسلة رواية النور
وقفت بسرعه : انت !!
- اي لهيك كان عندي فضول قوي شوف شو عم تقرأي باهتمام كل هالوقت
مرام : كيف يعني ... عنجد انت خالد الرسان ؟ قول والله !!
نزل راسو وضحك : والله
مرام : ولي .. ما عم سدء .. ممكن توقعلي هون الله يوفئك .. ليك هاد الكتاب انا كاتبتو
كتير كتير حلو ومهم ورائع
- طيب خليني اقرأو وقرر
مرام : لك بدون ما تقرأو سدئني انا عم احكيلك الحقيقه ... بدي اسالك .. ليش بروايتك خليت البطل يموت مو حرام عليك ؟ والله ضليت ادعي عليك ليلة كاملة صليت قيام ليل بس مشان ادعي عليك .. بس لو بعرفك حلو هالئد ما كنت دعيت عليك يعني كنت سامحتك
- عفواً ؟
مرام : يبعتلي حمى .. مو مهم انسى عم امزح معك .. شوفلي هالكتاب .. اي و وقعلي هون كمان
- حاضر
مرام : شو بدي ئلك معليه اخود سيلفي معك ؟
- هههه ماشي بس بشرط
مرام : شو ؟
- بتقبلي عزيمتي على فنجان قهوة
مرام : والله ما بعرف يعني مح

مكتبة المجلسي ودارالتراث

📚قصص||روايات||منوعة📚