#جوري_بقلم_زهرة_الشام
Telegram@rwayate
#الجزء_السادس_السابع_الثامن_التاسع_والعاشر_والاخير
(( وقت فتح ابو جوري الرسالة آصفر وجهو ورتفع ضغطو وزت حالو على كرسي :: شو ... شو هااااد

العسكري: شوفي سيدي

(( ضل ابو جوري ساكت وبس عم يطلع بلرسالة بدون ما يحكي ولا حرف ...قرب العسكري لعندو وحط ايدو على كتف ابو جوري : سيدي شوفي ...شو فيها الرسالة .

رجع ندق باب المكتب وفات منو عسكري : سيدي الضابط مؤيد بمشفى الرحمة

ابو عصام : وكيف حالو

العسكري : لهلق ما فاق ...

حاول عصام (ابو جوري ) يقوم ومسك جاكيتو من ورا المكتب واخذ المفاتيح والمسدس من على المكتب وتوجه على مشفى الرحمة ...

______________________________________

أما جوري بهل وقت كانت عم تحاول تربط اجرها بقطعة قماش لانو صارت توجعها كثير وتعيط وتبكي منها لأجا واحد من الشباب يلي كانو برا وحامل بأيدو سلاح ومغطي وجههو ومعهم صبية بعمر العشرين قصيرة شوي ورافعة شعرها الاحمر لفوق وعيونها عسلي .
‎

جوري : ااااجري ااااه مشان الله ساعدوني ..كثير عم تجعني

ركضت لعندها البنت وكانت حاملة بأيدها شنته بيضا عليها علامة الصليب الاحمر ..طلعة من الشنته المعدات وصارت تفحصلها ياها

الطبيبة : لو سمحتي تسطحي ولا تتحركي

جوري : عم توجعني كثير ...

الطبيبة : طيب انتي أستلقي ولا تتحركي لو سمحتي

(( مديت جسمي على تخت وماسكت طرف التخت وعم شدو من قوة الوجع ))
الطبيبة : لا تشدي هيك حاولي ترخي اعصابك

جوري : بلا وكيف بدي أرخي اعصابي ااااه
Telegram@rwayate
اجى واحد من الرجال الواقفين وعيط : أعملي يلي عم تحكيلك عليه وخليكي هادية ..احسن ما نتركك عم تستوي على مهلك ..

(( سكتت لانو بهل وقت بس كان بدي يروح الوجع وحاولت اعمل يلي عم تقلي عليه ))

بعد ما خف الوجع شوي ربطتلي ياها وقعدت جنبي

الطبيبة : هاا خلصنا

مسكت ايدها وصرت اترجاها : امانه شو عم اعمل انا هون

تجاهلة سؤالي وحكت : هلق بعد الاكل رح خليهم يعطوكي حبة من هاد الدوا الالتهاب

جوري : امانه ردي عليي انتي بتعرفيهم ....هدول خاطفيني ..هدول مجرمين

تطلعت بوجهي وكان واضح عليها انها نزعجة : لا ما بعرفهم

وبعدها قامت من جنبي وراحت بأتجاه الباب الحديد الكبير بسرعة ودقت عليه دقتين وأجا واحد من الرجال وفتحلها

وسمعتها انو عم تحكيلهم عن الحبة ....انا حسيت انو سودة الدنيا بوجهي بس كان عندي امل انو بابا يطلعني من هون
Telegram@rwayate
______________________________________

((فات ابو جوري على غرفة مؤيد كان مدد على التخت الابيض ولافيلو راسو بشاش ابيض وطلب من الدكتورة تحكيلو وضعو ))

الدكتورة : وضعو منيح بس عم نستنا ليستعيد وعيو ويفيق

ابو جوري:شو الاضرار يلي صايبتو

الدكتورة : رض بصيط بلايد وضربة بلرأس بس الحمد لله طلعة سليمة

ابو جوري: اي الحمد لله وفينا نطلعو وقت يصحى

الدكتورة: اكيد فيكم .. بس الافضل يضل يومين او ثلاثة هون

ابو جوري : طيب انا كل 7 ساعات بشوفو

((ركب ابو جوري سيارتو وراح لعند العميد ليعطيه الرسالة يلي وصلتو ))

_________________________________________

فات واحد من الرجال لعند جوري وبأيدو صينية فيها سندويشة وجنبها كاسة شاي وكاسة ميي وصفحة الحب .

مجهول : تفضلي ...كلي احسن ما تموتي جوع ...

جوري : خليني اموت جوع احسن ألي

مجهول : اذا ما اكلتي مارح تحسني تاخذي الحبة واذا ما اخذتي الحبة رح تصير أجرك تجعك وماعد تقدري تسكي من وجعك ...واذا ماعد سكتي مارح تخليني اعرف نام واذا ما نمت رح اجي وبأيدي اقطعلك ياها فهمانه ...
Telegram@rwayate
تطلعت فيه وعيوني عم يطلع منهم نار : تعاااال ...تعاااال قطعها

مسكني الرجال من وجههي وشدني لعندو : هه كلي احسن ما انا اكلك

حاولة أبعدو عني وصرت أعيط وادفشو بأيدي : اتركني يا حيوووان .... تركني

بس هوي مسكني من شعري وضربني كف على وجهي وقال : اذا رجعت وما كنتي اكلة وحياتك لتضلي بلا اكل ليومين .... فاهمة

جوري : الله لا يوفقكم والله بس يجي بابا ليمسح فيكم الاراضي يا كلاب ...

فتل ورجع لعندي وحط المسدس براسي وهوي عم يعيط فيني : مين لكلاب وليه ...رجعي احكي مين

انا قلبي صار يرجف وماعد طلع مني كلمة وحدة ...

خرطش الفرد وزاد نبرة صوتو : اااااااحكي مين
Telegram@rwayate
(( بس كان الحظ معي أجا الرجال الثاني وهوي عم يركض ومسك منو المسدس وطلعو لبرا ...وانا حاطة ايدي على تمي وابكي واشهق من الخوف ))
_____________________________________
(( وصل ابو جوري على قسم وفات على مكتب اللواء وضرب تحية ))
ابو جوري: أحترامي سيدي

اللواء : اهلين عصام شو صار معك كرمال شغلة بنتك

ابو جوري: لقينا هيي الرسالة جنب وقوع الحادث سيدي

اللواء : وشو فيها هيي الورقة

ابو جوري : مكتوب عليها انو الفلاشات والمستندات مقابل بنتي

اللواء : ايواه وهدول كيف قدرو يعرفو مكان بنتك ...