#لهيب_الحقد
@rwayate
#الجزءالاول_التاني_التالت_الرابع_الخامس_السادس
_________________________
جسمك عم يرجف غصب عنك.....كل خلية فيكي عم تتوجع..مربطة مافي تتحركي..مافيكي تصرخي.. اشخاص حواليكي عم يشوفوا العذاب وهنن عم يضحكوا..
شعور بشع مافيكي تحكي او تقاومي.. فيكي بس تبكي لانو هاد الي مسموح..بتتمني تغمضي عيونك وتفتحيهن ويكون كل العذب كابوس بشع وانتهى وانك بحضن عيلتك اللي اشتقتيلها..بس حتى النوم والاحلام ممنوعة..
بس غمضتي عيونك اعتبري حالك منتهية. .لازم تكوني قوي لازم ضلي تتذكري مين انتي وشو اسمك وليش انتي هون ..ومين سبب بكل هل العذاب اللي عم دوقي..لازم يدفعوا تمن غالي ..هنن عم يزيدوا من اصراري لحتى كمل ..مارح استسلم بهل سهولة رح كمل وهاد وعد مني وجواتي حقد كبير ..وكره كبير رح خليكن تركعوا عند اجريه لحتى تطلبوا السماح وماتلاقوا ... لحظة.. استنوا.. لوين رايحين.. لسا فيني نفس.. تعوا ادعسوا قلبي اكتر.. كتروا في طعناتكم.. حطوا الملح عجروحي مشان ما طيب.. لا تخلوا في قلبي رحمة.. لانو لما انتقم ما رح ارحم.. ما رح يرفلي جفن.. رح دمر و بس.
___________________________________
كان منظر البحر كتتير هادي بس اللي جواته شي غميق كتتير باي لحظة ممكن يقلب اكبر عاصفة كبيرة ..بحب البحر لانو بيشبهني كتتير من برا هادية وباردة ومن جوا نار وشاعلة كل ماتتحرك بتحرق الاخضر واليابس كنت متل نار..كانت عم تنتقم من اللي اذوها وحطموها من أول مامات ابوها انقلبت حياتها لجحيم كبير من عمرها 19 سنة انحبست ظلم ليبعدوها وينسوها اسمها كلو مشان وسخ دنيا..والاملاك والمصاري..مشان طمع اخوها وعمامها..تعذبت كتتير ..وعدت حالي اني انتقم ..بس قلب انتقامي لحب واني حب الد اعدائي كان صعب علي بس الحب غلب الكره والحقد..وخلاني انسا كل شي

نقزت اول ما حسيت ع حدا عم يمسح دموع ع خدودي..

ليش.دموع هلا ..ماقلتلك انسي كل شي ..وفتحنا صفحة جديدة

اسفة حبيبي بس اللي عشتوا مو سهل علي وانسى صعب..انتي ماجر...

هسسس لاتكملي ..خلص نسينا كل شي ..ماشي اتفقنا...

هزيت براسي وانا عم اطلع فيه..كان سبب حبي لهاد شخص كتتير معقد يمكن قصة حبنا اغرب قصة .....رجعت شردت بالبحر والامواج نقزت اول ماحسيت ع شفافه باست كتفي ..
لفيت لعندوا وانا رافعة حاجبي الايمن عم اطلع فيه ..

مابقا تعرف تبطل حركاتك هاي..

رما حالوا ع رمل ورفع ايده وحطهن ورا راسه وهو عم يتطلع فيني..

مو ذنبي اذا كنتي كاشفة كتفك وحاطة اسمي عليه..

بعدها غمزني..حطيت ايدي ع كتفي وانا عم اتحسس وشم اللي منقوش ع كتفي..

اطلعت فيه..

ياترى مين سبب بهاد وشم ع كتفي يااستاذ..

رفع حاله بسرعة لعندي..لصار وجهي وجه مقابل بعض وهو عم يلعب بحواجبه..

مشان يعرفوا انك ملكية خاصة وعندك اللي بحبك وبغار عليكي..

شو انك مغرور وغليظ كمان..

ابتسم ابتسامة حتى يغيظني..

بس بتحبيني وبتموتي في ماهيك..

عطيتوا نظرة اني مابهتم بامره..وبعد ابتسمت ابتسامة خبيثة وانا عم كمل كلامي..

شو واثق بحالك..بلكي اجا نهار واختفيت من حياتك...

هون اختفت الابتسامة من وجه واطلع في بطريقة بتخوف بس خليت ملامح وجهي باردة متلي...

انتي بس جربي انك تعمليها ورح تشوف بحياتك سجن غير اللي كنت فيه ..

قرب شفايفه من شفايفي وهو عم يتطلع بعيوني يحكي ويهدد غمض عيونه وانا ما رمشت او سويت اي ردت فعل..بعد عني هو عم يلهث لياخد نفس.

لا تلعبي بالنار..نارا حبيبتي بعدين بتحرقي اصابعك..

ضحكت وانا عم قلوا..

قلتها اسمي نارا ونار لعبتي ونار مابتحرق نار..

وقف ع اجريه وراح لشاليه عندي هوية عصبوا ونرفزو بس بحبه مابنكر ...لان نحن شخصين متعاكسين هو بارود وانا نار..رجعت شردت بالبحر ..لترجع ذكريات من اول وجديد..
_____________________________

فتحت عيوني ع ضجة قوية فوق راسي ..كان جسمي موجوع وعم يصرخ من الألم. بعد عذاب ليلة امبارح جسمي لهلا ماارتاح..رفعت عيوني وابتسمت ابتسامة تعب بوجه شخص اللي فوقي ..

كيف صرتي ..حاسي حالك احسن..

هزيت رأسي بمعنى ايه

الله يلعنهن ليش عم يعملوا هيك فيكي انتي مانك متحملة..

نزلت دموعي غصب عني مسحهن وهو عم يهديني..

هسس اسكتي ليش دموع خليكي قوي نارا لاتضعفي هنن هيك بدهم ..

حاولت احكي بس ماطلع معي حكي حتى لساني تعبان من العذاب..

صار يسمح ع شعري بايده ..ليحسسني بالامان وانو رح يضل معي طول العمر..

هلا ربع ساعة رح يعطونا الأدوية أن شاءالله بترتاحي..

هزيت براسي بمعنى ايه..

كنت عم اتصفن بالحيطان بيضا وشبابيك غمضت عيوني لارجع بالزمن شوي..
_______________

كان في صراخ قوي بالبيت نزلت بسرعة من غرفتي لاعرف مصدر صوت ...صوت كان جاي من غرفة المكتب قربت اكتر لما شفت باب مفتوح شوي..
كان ابي واخي الكبير عباس..كان اخي عم يصرخ ويضرب بايده ع طاولة مكتب..

بدي اعرف ليش سجلت كل شي باسمها كل ممتلكاتك باسمها

لاني هي وحيدة اللي خايفة عليها اذا صابني شي من بعد ماموت ولانك مابتستاهل..