#الجزءتالت_عشر
______________
@rwayate
كنت عم تقولي انو يعقوب صحفي ماهيك..

ايه هيك خبرني

طيب بتعرفي اسمو الكامل..

ايه اسمو يعقوب ال*** صحفي كبير..

معقول صحفي كبير ماحدا دقق بسبب دخوله المشفى..

ماحدا بيعرف لانو هو شخص اختفى..

كيف صار هيك ..

بحسب ماقلي يعقوب كان عم يسوق ليوصل ع منطقة قريب من البحر اخد طريق فرعي مافي حدا واتعطلت سيارته هونيك وقف شاف سيارة سودا لاحقته بعدها بيتذكر انو خدروه وبعدها فاق ولقى حاله بهل مشفى لاحدا سال عنه ما حدا بيعرف عنو اي شي..

ممتاز هاي نقطة لصالحنا ..
@rwayate
كيف يعني ..

يعني رح ننشر انو يعقوب لساته عايش ونقدم طلب لمحكمة بإخلاء سبيله واخراجه من مشفى ومحاسبة كل واحد كان سبب بدخوله...

ايمتى رح نبلش

من هلا امشي معي

ان شاءالله تزبط..

رح تزبط اوثقي فيني ولو ..انا اكبر المظلومين ثبتت برائتهن ع ايدي..

فعلا بعد ماقدمت نهلة اوراق واثبت انو يعقوب سليم عقليا وانو انحط ظلم بهل مشفى وبعد مااثارت هل خبرية ضجة بالإعلام وسوشل ميديا كلها ظهرت براءة يعقوب بس للأسف السبب الرئيسي بدخول يعقوب مشفى ماكان في اثباتات مشان هيك ماحسنا نوصل لواحد منهن..

كنت واقفة برا المشفى اول ماشفت يعقوب طالع ركضت لعنده وانا عم اصرخ باسمه ..

يعقوب...يعقوب واخيرا طلعت. .الحمدلله ع سلامتك

لفني لحضنه ورفعني لفوق وانا كنت مبسوطة كتتير برجعته
بس في ناس عم تفور وتغلي بالزور ضل واقف هو عم يتطلع ع مشهد دخل ع سيارة حتى مايرتكب جريمة قتل. .

قربت نهلة مني ومن يعقوب..رفعت ايدها..
الحمدلله على سلامتك سيد يعقوب
@rwayate
الله يسلمك ياانسة..

يعقوب هاي محامية نهلة هي سبب خروجك من هون..

لا تبالغي نارا لولا براءته ماكان هون

بتشكرك انسة نهلة بتشكرك كتير

قربت من يعقوب ولفيت ايده
قرب من داني وصار يهمس..
ابن عمك رح ياكلني بسنانه شوفي كيف عم يتطلع فيني والله حاسه رح يجي ويقتلني..

لاتهكل هم هو من الأصل مابده ياك تطلع من هون مابعرف
بس بتعرف شو انا كنتير مبسوطة. .هلا رح نبلش..

مين اول واحد رح تبلشي فيه..

هو ع راس القائمة اخي عفوا كان اخي عباس ال*** بس انتي هلا ارتاح وبعدها رح نبلش ..

ايه خليني ارجع ع بيتي والله مشتاق لكل زاوية فيه..

بظن مارح تحسن ترجع ..لانك بخطر.

كيف يعني مافهمت
@rwayate
يعني الي كانوا سبب دخولك لهون مو معروفين..اكيد لما عرفوا انك طلعت مراقبين كل شي..

كنا عم نمشي انا و يعقوب سوا ونحنا عم نحكي لنوصل لسيارة
نقزت اول ماسمعت زمور سيارة

خلصونا عندي شغل كتير بالمشفى اجيت لرد عليه شد يعقوب ع أيدي

لاتردي عليه خليكي هادية يلا خلينا نروح..

هزيت براسي وعيوني عم تقدح نار من تصرفاته ركبنا انا ويعقوب ورا نهلة وخالد من قدام ضليت ماسكة ايد يعقوب وماتركتها كنت منتبها لنظرات خالد..

مابعرف ليش اضحكت يمكن لان بحسن نرفزو من دون ماعذب حالي..

____________________
كان عم يلاعب بنته اللي عمرها سنة اول ماسمع رنة هاتفه
سحبو من جيب بنطلون..
انزعج من اسم اللي طلع ع شاشة هاتف ترك مدام وبنته وفات ع غرفة مكتب..
شو صاير حتى عم تتصل بعد هل فترة..شووووووو
صرخ باعلى صوت إلو ورفع ايده ع راسه بعدها سفقها ع طاولة مكتب..
كيف يتطلعه من دون ماتخبروني شو انتو اغبياء ..اذا صار ووقعت كلكن رح توقعوا ..سكر هلا خليني فكر عم قلك سكر ..
اول ماسكر سماعة الهاتف اطلع فيه لثواني بعدها صرخ صوت عالي وضرب الهاتف بالحيط..
كان لازم اتخلص منكم انتو جوز..
كان بأشد حالة الغضب وكان عم يلهت من العصبية سحب سيجارة من العلبة وشعلها وصار يدخن ليفكر بطريقة يتخلص من شخصين ..رح يدمروا حياته استرخا ع كرسيه وغمض عيونه هو يسحب نفس ورا تاني من سيجارة
___________ @rwayate _____________
اول ماوصلنا سحبت يعقوب من ايده ..ونزلتوا

تعالي بدي خليك تشوف بيت ابي كله..

كنت من فرحتي ماشوف العيون شاعلة نار

سحبت يعقوب وخليته يشوف كل قسم بالبيت
لوصلنا لقسم المفضل بالحديقة قعدنا ع كراسي

ايه لازم هلا دور ع بيت جديد

مافي داعي البيت كبير وفي غرف كتتير.

بصفتي شو رح ضل هون..
بسيطة بصفتك خطيبي ورح نتزوج عن قريب..

شووو مجنونة انتي..

ايه صرت مجنونة من اول يوم قابلتك فيه..طيب رح قولها مباشرة..سيد يعقوب ال***** بتقبل تتزوجني..

وقفي وقفي..

شو في ليكون مابتحبني..
@rwayate
ولله انك رح تخليني عصب

ماشفته غير قام وقف وظبط تيابه

وبعدها ركع ع اجريه وهو عم يقول

رجال لازم يطلبوا مو بنات ...بنات اخر زمن

هههه طيب ماشي اتفضل ..

انسة نار ال***** بتقبلي تتزوجيني

حطيت ايدي ع تمي من فرحة وعم اطلع بيعقوب راكع قدامي..
وفي شخص اول ماطلب يعقوب ايدي جمد بارضه وماعرف شو يعمل غير انو يسمع ويراقب..

ايه خلصيني ..صرت كبير ع قعدي هيك..

اممممم للاسف لاني بحبك مارح اقدر قلك لا فجوابي ايه موافقة..

نطتت عليه ولفيته وانا مبسوطة
_______________________________