الجن_عندما_يعشق - خزانة الفوائد

#الجن_عندما_يعشق
Telegram@rwayate
بلشت حكاية هالقصة بيوم 9/1/2014 عند صلاة المغرب
مرة كنت ماشي بمنطقة كثر فيها القتل والدم والجثث المرمية بالشوارع ...طلعت من بيت خالي لبيت خالي الثاني المسافة بيناتهن مابتطلع مية متر طلعت لاسهر وانا ماشي بالشارع مافيو حدا غير انا ومظلم مافيو كهربا حتى جمرة السيكارة لازم تخبيها
مشيت مش مفتكر بشي من كثر ماكنت فرحان قبل بيوم والناس كانت تهنيني قبلها بتفوقي بالدراسة
مشيت جنب رجلي قطة صغيرة ضلت شي خمسين متر ماشية شكلها قطة بيت مرباية
رحت سهرت ورجعت عالساعة تسعة لبيت خالي لحتى اقعد معهم شوي وكانو مجهزين الحمام لاتحمم
فتت عالحمام كانوا مشغلين مولدة وانا بقلب الحمام طفوها لأنو صار قصف وممنوع تشتغل اي انارة بالمنطقة وقت الضرب
تحممت وقبل ما اخلص بشوي واطلع لبرا حسيت حالي دخت شوي
طلعت فورا ع فرشتي ع أساس
Telegram@rwayate
بعد ماطلعت من الحمام لقيت مرة خالي لحالها بالغرفة فتت قعدت معها شوي وعدردشة كانت بتعتبرني ابنها الصغير....
واحنا قاعدين بلش نظري يشوش وراسي يوجعني لدرجة شافتني مسكت راسي قالتلي خير انشالله
قلتلها لا عادي يمكن خفت من الضرب وخايف ع اهلي مقطوعة اخبارنا عن بعض صار يومين
بعد ربع ساعة ماحسيت الا جسمي بلش يتشنج بالكامل ماكنت اعرف شو صابني
صاحت لولادها قالتلهم تعو شوفوه تعب
اجو ولاد خالي شافو انو جسمي بالكامل متشنج شالوني واخذوني عالمشفى من الموت حتى وصلنا المشفى لأنو كان القصف شغال
وصلنا المشفى وفورا ع غرفة الاسعاف اجا الدكتور اتطلع علي وعايني
قال لاتخافوا شوي تشنج يمكن معصب اعطاني ابرة مهدئ مامشي الحال ضل جسمي متشنج ضل التشنج لمدة 3 ساعات تقريبا وخلال هال3 ساعات علقولي كيسين سيروم و8 ابر مهدئ عالي لحتى حسنت أغفى
فقت الساعة 4 بالليل من ألم مكان السيروم
Telegram@rwayate
شلتو لحالي كانو ولاد خالي نايمين جنبي
اجا الدكتور الصبح كتبلي ع دوا قلي اخذ منو
وكل مابتحس حالك جسمك بلش يتشنج هي ابر اضربها
رجعنا وكان الوضع شبه نظامي عالادوية بعد 3 ايام من هالحادثة رجعت تكررت بس بأخف فعلاً ضربت ابرة وغفيت بعدها بس ابقى يوم كامل بعد الابرة مرتخي جسمي ومبسوووووووووط.

ضليت اسبوع بعدها ببيت خالي لحتى فتح الطريق ع منطقتي ورجعت ع اهلي
اول مارجعت خبرت امي بالقصة زعلت وانشغل بالها عاللي صار معي
ثاني يوم عند اهلي رحت عالشغل وبعد ماوصلت الشغل بشي ساعة تكررت القصة والتشنج نفسو بس هالمرة بقوة مع الم راس مو طبيعي
Telegram@rwayate
اسعفوني عالمشفى وع نفس الحالة ابر وسيروم ومهدئ
اخذني والدي لعند دكتور عصبية لحتى يشوف صحيح عصب
الدكتور شخص الحالة بدون تحاليل اعطاني ادوية جديدة مفعولها قوي وشبه ممنوعة.
ضليت ع حالة المرض نفسو لمدة شهر تقريباً وكل كم يوم عالمشفى اسعاف لحتى فرط جسمي من الادوية
لماكنت بدي اطلع ع رفقاتي او عالحارة يطلع حدا من اخوتي معي مشان يدير بالو علي لما امرض
بهالشهر ضعفت لدرجة واكلي نقص وتغيرت 180
لحد ما اجا هاليوم يلي طلعت فيو لحالي برا البيت

📚قصص||روايات||منوعة📚

📚قصص||روايات||منوعة📚