قصة جديدة: #الحب_المحرم
.............
قراءة ممتعة🦋💙"
#ⴅÂÐЄĦÂ

#الحب_المحرم
الثأر عبارة عن حقد و كراهية و صعب تطلع من الانسان و بيتوارثوها الاجيال متل المال و الأراضي
ابو أحمد : لا يعني لأ و اذا بتنطبق السما ع الأرض ما بزوجك الو
نغم : بابا نحن شو دخلنا بالماضي و الشي صرلو زمان ليش الكراهية بتضل مستمرة فينا لايمت بدها تضل هالعيلتين عايشة بجو الكره و الحقد الأعمى
ابو احمد : عم تجاوبيني كمان و تردي بوشي ليكي ولي بدفنك بأرضك و ما بزوجك الو هالحقير بكون عمو قاتل جدك
نغم : و هو شو ذنبو هالشي صار قبل ما نخلق نحن حتى
ابو احمد : تفي عليكي الله يلعنك من بين الاولاد انقلعي من خلقتي ولي و ما في تطلعي برا البيت
تركت ابي و رحت على غرفتي عم ابكي و اندب حظي بتلحقني امي و بتحكيني لتهديني و تشيل حزني
نغم : امي شو ذنبنا نحن بمشاكل الماضي
ام احمد : يا بنتي نحن اهل ضيعة و التار عنا شي كبير و معروف للكل انو نحن بيت السلطان ما منعطي و لا مناخد من بيت المتوكل من وقت عمو لغيث قتل جدك الله يرحمو
نغم : امي فهميني ليش قتلو
ام احمد : اختلفو ع الارض و بلحظة غضب شلفو بحجرة كبيرة اجت عراسو و مات و بالزور و بعد ما اتدخلو كل وجهاء الضيعة و المدينة لاخدو تعهد ما يقربو ع بعض و هيك هديت النار بس ما انطفت
نغم : يعني بالغلط ما كان قاصد و ليش لنتحمل ذنب هالغلط انا و غيث شو ذنبنا
ام احمد : لا حول و لا قوة إلا بالله خلص بنتي ارضي بقرار ابوكي و فوضي امرك لربك
نغم : امي انا ما بدي اتزوج الا غيث و بموت و ما بتزوج غيرو انا بحبو
ام احمد : خلص اهدي هلأ. و وطي صوتك برضايي عليكي
تركتني امي و طلعت و النار بصدري عم تكويني معقول اخسر حبيبي بعد ما اجا طلبني و حسيت حلمي عم يتحقق و ضليت ابكي لغفيت
.......
غيث : بابا كرمال الله لاقي حل جيب وجاهة و نرجع نقنع ابو احمد
ابو غيث : انا كنت رافض القصة من اولها و ما وافقت اطلبلك هي الا من ورا نقك و نق امك قلت يالله بضل ابنك البكر و خليه يشوف حياتو بس بعد ما قلعنا من باب بيتو ما عاد بفتح تمي بهالموضوع و حتى لو هو وافق انا ما رح وافق شو ما عنا كرامة و لا عزة نفس لنخلي بيت السلطان يتحكمو فينا و يتكبرو
غيث : يا الله منكم و من تفكيركم
ابو غيث : اخرس يا ولد هلأ صرنا ما بقا منفهم
غيث : ما قصدي يابي بس انا ما بتزوج الا نغم و ما بدي غيرها لو بدي موت
ابو غيث : قوم روح من وشي جيل ما بيسمع كلمة و لا بيحترم اللي اكبر منو
........
ام احمد : يا اهلا و الله اشتقتلك يا ابني و اشتقت للملائكة اللي معك
احمد : اهلين امي هاتي ايدك لبوسها
ام احمد : الله يرضى عليك حبيبي و يحميك و توف بناتو كبرو و تزوجهم و تفرح فيهم
احمد : بوجودك امي الله يطول بعمرك .. يا زينة يا عسل يلا تعو سلمو ع التاتا
هيهيهي تاتا تاتا
ام احمد : ههههههه الله يخليلي ياكم شو بحبكم يا قطايط بيجننو ادخلو يلا سلمو ع جدو
احمد : امي خبريني شو صار
ام احمد : اخ شو بدي احكيلك بس اجا ابو غيث و غيث و عمو و طلبو ايد اختك نغم بس ابوك الله يهديه حكاهم كلام متل السم كأنو قلعهم تقليع
احمد : و الله ما بعرف شو احكي من جهة بقول صعبة انو ابوه انقتل ع ايدون و من جهة بقول هنن ما ذنبون و الشغلة صرلا زمان
ام احمد : انت عقلك غير الكل واعي و فهمان حملت حالك و تركت الضيعة و نزلت ع المدينة لتريح حالك من وجع الراس
احمد : اي و الله يا امي لولا انكم ساكنين هون ما بطلع ابدا بدي ربي اولادي بعيد عن المشاكل
ام احمد : برضايي عليك تفوت عند نغم تحكيا و تطيب خاطرها
احمد : يلا رح سلم ع ابي و فوت احكي معها
زينة : جدو حبيبي
ابو احمد : اهلين بزينة حبيبة قلبي
عسل : جتو جتو جتو
ابو احمد : هههههه اجت العسل ايمت رح تعرفي تنطقيا منيح اسمي جدو ما جتو تعو هاتوا بوسة .. شو صرتي صف شو زنزون
زينة : صرت صف رابع جدو
ابو احمد : كبرتي بسرعة و عسل الحلوة ايمت رح تدخل المدرسة
زينة : لسا بدها سنة عمرها خمس سنين
ابو احمد : يلا مشي لطعميكون فواكه من البستان
هيهيهي يلااااا
......
احمد : نغومة الحلوة ليش قاعدة لحالا ما بدها تسلم علينا
نغم : اهلين اخي 😭
احمد : ليش عم تبكي يا اختي
نغم : و الله رح جن يا اخي ما عم يرضى ابوك ع زواجي من غيث قلي شو الحل
احمد : طيب و الله ما بعرف شو لك يعني كمان ما سهلة عليه يحط ايدو بايد اهل قاتل ابوه
نغم : يعني انت كمان بتفكر متلو و موافقو الرأي
احمد : ما قصة موافق او لأ بس عم حاول بررلو تصرفو
نغم : اخي انا ما بدي غير غيث لو بدي موت ما باخد غيرو
احمد : خلص اختي اقتنعي اذا الله كاتب نصيبك الو رح تكوني الو بس اصبري امسحي دموعك و اطلعي نقعد برا اجو حبيباتك زينة و عسل
نغم : طيب وينون اشتقتلون كتير ..
..
كنت كل ما اتعب و انهم شوف زينة و عسل و انسى همومي كلها كنت حبون كتير و هنن بيحبوني و زينة كتير بتشبهني حتى بالشكل طالعة حلوة لعمتها يعني انا 😃😃 طلعت صرت العب معون و راح اخي و ابي ع البستان .. كان اتواصل انا و غيث عن طريق بنت خالتو كانت تجي لعندي و توصل

#الحب_المحرم 2
و انا عم ابكي بغرفتي بتجي بنت خالتو لغيث لعندي و بخبرها شو صار حكي و انو ابي قرر كتب كتابي الخميس الجاية و انو يدبر طريقة شو ما كانت المهم ما ينكتب كتابي على ابن عمي ما طولت عندي غادة و راحت تخبر غيث باللي قلتلا هو و انا غرقانة بحزني بتجي لعندي زينة
زينة : عمتو عمتو ليش عم تبكي
نغم : ما في شي حبيبتي بس عيوني مرمدة
زينة : عمتي انا بحبك كتير و كل العيلة بقولولي انا بشبهك و انا بدي اطلع متلك انت كتير حلوة
نغم : يا حبيبتي انتي احلا بنوتة بالدنيا و بدي تديري ع بالك ع دروسك و تتفوقي و تتعلمي لأن العلم هو اللي بيحميكي من التخلف و الجهل و الضياع
زينة : حاضر عمتو مشي نلعب برا و نقطف ورود
نغم : يلا حبيبتي بس تعي بالأول بدي اهديكي شريطة شعري بتلبسيا رح تطلع على شعراتك حلوة كتير
زينة : شكرا عمتو 😍😍
...
غادة : غيث غيث
غيث : اي غادة شو في ليش متلبكة
غادة : كنت عند نغم و خبرتني انو ابوها قرر يزوجها لابن عمها غدير و انو كتب الكتاب رح يكون الخميس الجاية و بتقلك لاقي اي طريقة تمنع هالشي هي ما بدها غيرك
غيث : يا ربي ما اعندو ابوها ليش هيك عم يتصرف و يحرمنا من بعض
غادة : شو بدك تعمل هلأ
غيث : ما بعرف رح لاقي حل اكيد
........
تركت بيت اهلي مكركبين و الحزن مخيم ع البيت نزلت انا و بناتي ع البيت و كانت مرتي ميادة اول ما جاية ع البيت كمان
ميادة : اهلين حبيباتي يلا فوتوا و حضروا حالكم للحمام . كيفك حبيبي
احمد : الحمد لله طمنيني كيف صار عمي
ميادة : الحمد لله تحسن شوي عن امبارح
احمد : الحمد لله على سلامتو
ميادة : الله يسلمك يا رب .. خير حبيبي شايفك ما على بعضك كأنو في شي زاعجك
احمد : اي و الله مزعوج اختي نغم بدها غيث و ابوي رافض هالفكرة تماما و قرر يزوجها لابن عمي غدير
ميادة : لا حول و لا قوة إلا بالله و الله صعبة تنجبر ع حدا ما بتحبو ليش هيك عم يعمل عمي
احمد : بتعرفي ابي كمان معو حق يعني كيف رح يزوجها لعيلة اللي قتل ابوه
ميادة : يعني انت موافق مع ابوك بس الشب ما ذنبو شي اذا عمو قتل جدك هو شو دخلو
احمد : ما بعرف بس في شي غلط بالقصة ما عم تزبط
ميادة : يعني اذا صار و اجا حدا طلب ايد بنتك منون بتعمل متل ابوك
احمد : لا تستعجلي الامور شو ما ضل غير هالعيلة بالبلد بعدين انا تركت الضيعة و سكنت بالمدينة ليرتاح راسي من هالامور
ميادة : مممم الله لا يقدر و يوقعنا بهيك قصة ... زينة ليش واقفة عم تتسمعي علينا
زينة : يعني جدو بيكره عمتو نغم
ميادة : حبيبتي ما في اب بيكره بنتو بس هي امور بتصير و بيختلفوا بالافكار بس لا تشغلي بالك بهيك امور لساتك صغيرة يلا مشي لحممك
........
يومين و غادة ما اجت لعندي فيون و انا قلبي ع نار و دموعي ما عم تهدا و ما عم دوق الاكل لاجت لعندي سحبتا من ايدا و دخلنا على غرفتي
نغم : احكيلي شو قلك غيث ليش صرلك يومين ما زرتيني
غادة : طولي بالك شوي لاخد نفس
نغم : يلا احكيلي شو صار معك
غادة : يا حرام غيث صرلو يومين و متلبك كتير و ما بيعرف شو يعمل بس اليوم اجا قلي مشان خبرك اذا بتحبيه بيقلك بتهربي معو ع المدينة و بتتزوجو هنيك و تستقروا بالمدينة بعيد عن الكل
نغم : شووووو و الله ما يصير هيك حتى ابي يدبحني
غادة : ما بعرف بقلك ما في غير هالحل
نغم : ...........
غادة : شو خبرو قوليلي
نغم : انا انا .. .. خلص بتقوليلو موافقة
غادة : معناها بيقلك بكرا الصبح شي بيطلع ابوكي ع البستان بتجيبي اغراضك من قريبو و بتنطريه ع موقف الباص .. و اليوم بتعملي حالك طبيعية جدا مع اهلك و ما بتبكي ابدا و بتاكلي كأنو ما في شي مشان ما حدا يشك
نغم : ماشي رح ضب شنتايتي من هلأ و جهز حالي روحي خبريه
غادة : الله يستركم و تمر هالشغلة على خير
نغم : آمين يا رب
راحت غادة من عندي و انا قمت لجهز اغراضي بس ما كان عندي شنتة لضب اغراضي فيها فدخلت على غرفة اخي احمد كان تارك فيها شنتة سفر قديمة قلت بدبر حالي فيها .. اخدتا و دخلت على غرفتي و بلشت جهز اغراضي و بعد ما خلصت حطيت الشنتة تحت تختي .. كنت خايفة كتير بس هالشي جبرني عليه ابي و كنت بتمنى اطلع معززة من بيت اهلي لبيت زوجي و حبيبي و ما اطلع هيك سرقة بس هاد قدري و مضطرة اعمل هيك و الا رح يعيش حياتي كلها بعذاب و حنين للماضي
طلعت على البستان و قلت بشم هوا و بشوف الورد لترتاح نفسيتي شوي و بالمرة بودع ضيعتي و بستان الورود و هالمناظر الحلوة ضليت قاعدة بالبستان شي ساعتين لما رجعت شفت امي بغرفتي و كانت شايفة الشنتة و قاعدة ناطرتني
ام احمد : شو هالشنتة و ليش ضابة اغراضك
نغم : انا انا .. اي انا ضبيتا مشان وقت انتقل ع بيت زوجي مو كتب كتابي الخميس
ام احمد : عم تضبي بشنتة قديمة و اغراض عادية و تياب خفيفة لجهاز عرس و لسا ما حددنا ايمت العرس شو عم تضحكي علي
كانت لهجة امي معي جدية كتير و مبين عليها العصبية و صوتا عم يعلي كتير
نغم : امي كرمال الله ما بدي اتزوجو كرمال الله
ام احمد : الله لا يوفقك لتكوني عم تفكري ت

#الحب_المحرم 3
اخدت مرتي و بناتي زينة و عسل و طلعنا لنحضر كتب كتاب اختي نغم و كنا مقررين نعمل حفلة صغيرة للعيلة بقلب بعضا و ع اساس ننام هنيك و نضل خميس و جمعة ببيت اهلي
دخلنا ع البيت و كانت امي و ابي هنيك عم يحضروا حالون هنن شافوا زينة و عسل ركضوا عليون و صاروا يلعبوهم و يبوسوهم كانوا طالعين بيجننوا الله يحميهم
أحمد : صرلنا ساعة و ما شفنا العروس وينا نغم
ام احمد : من الصبح بغرفتا بتكون عم تجهز حالا
احمد : بابا يعني وافقت نغم
ابو احمد : غصبا عنها شو هالشغلة ع كيفها من اول امبارح حابسها بغرفتا
احمد : حابسها؟؟؟ ليش يا أبي
ابو احمد : ما كنت دقلك و خبرك قلت ما في داعي اشغلك بالك . بس اختك كانت ضابة اغراضا و بدها تهرب مع هداك الواطي و انا حبستا بالغرفة
احمد : نغم كان بدها تهرب
ام احمد : اهدا يا ابني ابوك ما قصر فيها ضربها كف لو ضرب الحيط لهدو و من يومين محبوسة بغرفتها و ما عم نحكيا الا للضرورة
ميادة : بس يا عمي هيك عم تقسى عليها كتير حرام صبية تعاملوها هيك
ابو احمد : يا بنتي هو صح قسينا عليها بس ما كان في طريقة تانية و صدقيني ما في اب بيكره بنتو بس انا بعرف مصلحتها و ابن عمها شب محترم و بيخاف الله و رح يسعدها و بكرا باذن الله بس تتقبل وجودو بحياتها و تتعرف عليه اكتر رح تحبو و انا بطيب خاطرها بس تهدا
احمد : حرام نغم انسرقت منها السعادة الله يخليلنا ياك ابي تراضيها و تطيب خاطرها بكلمتين حلوين
ابو احمد : طيب زينة حبيبتي قومي اندهي لعمتك نغم
زينة : يلا جدو .... عمتو حبيبتي وينك وااااااع
احمد : لك شبها زينة عم تصرخ
ابو احمد : يا ساتر
احمد : لاااااا نغم اختي
ام احمد : لاااا يا ربي لا دخيلك نغم يا نغم
ابو احمد : بنتي حبيبتي قومي فتحي عيونك
.. لقد كنت معكم فعذبتموني .. فلما رحلت عنكم أحببتموني
.. أكرهتموني الحياة بظلمكم .. ما قتلت نفسي و لكن قتلتموني
.....
غادة : لك غيث غيث لحق نغم
غيث : لك شو في هي اختارت توافق و ترضى لابوها
غادة : لك قوم شو عم تحكي نغم ماتت انتحرت
غيث : شوووووو لك شو عم تحكي
غادة : اي و الله الضيعة كلها اجتمعت عند بيت ابو احمد و الشرطة و الاسعاف اجو
غيث : يا ربي لاااا ان شاء الله يكون كذب اللي سمعتو
غادة : لك تعا البس ع رجلك
هي خبرتني غادة و حسيت قلبي انكسر و دموعي متل المطر ركضت ما حسيت ع حالي بالبجامة و حفيان ركضت ع بيت ابو احمد شفتون اخدو جثة نغم بالاسعاف فتت ع البيت و بلشت سب و العن على ابو احمد و بالزور اهل الضيعة لطالعوني من بيتو و بعدها غميت و ما حسيت ع شي
......
صدمتنا كانت كبيرة اختي الصغيرة نغم انتحرت و بنتي زينة شافتا بعينها كيف شانقة حالا و انصدمت و ارتعبت و ابي ضعف كتير و امي اجتها الجلطة و هي بالعناية المشددة هلأ
مر اسبوع ع انتحار اختي و امي توفت من الصدمة و ابي ضعف كتير و غيث اختفى من الضيعة كلها بدون ماحدا يعرف عنو شي و. زينة كل يوم بتفيق عاملة تحتها و خايفة كتير و مرتعبة عانينا كتير هاد اسوأ اسبوع بيمر علي بحياتي ما لحقنا حزن ع اختي حتى توفت امي الله يرحمهم و ضليت بهمين هم ابي و هم بنتي زينة
......
شهر بعد ما انتحرت نغم ابي توفى من قهرو حس انو هو اللي قتل نغم كلشي بحبون خسرتون بشهر واحد كل اهلي خسرتون امي و ابي و اختي لولا الصبر اللي عطاني هو الله لكنت متت وراهم و هالشي خلا قلبي قاسي كتير و صرت اكره بيت المتوكل متل ما كان ابي يكرههم حسيت الغلط بالبداية من غيث و هالحب اللي دمر عيلتي كلها
.....
بعت بيت اهلي و كل الاراضي اللي بملكها بالضيعة و حلفت يمين ما بقى بزور الضيعة ابدا
بعد ست شهور معاناة من دكتور لدكتور حتى بلشت زينة ترجع لحالتها الطبيعية بس كل فترة كانت تشوف عمتها نغم بمنامها و تفيق مرعوبة كانت عم تتحسن عن قبل
......
بعد مرور عشر سنين
كنت راجعة من جامعتي لما بيعترض طريقي شبين زعران و بلشو يلطشو فيني و يلحقوني و انا خفت كتير و صرت اسرع بمشيتي و هنن يلحقوني لحد ما واحد منهم كمش جزداني و سحبو مني و صار يفتحو و يطلع اغراضي من جواتو ..
ازعر : شو هاد يا حلو لمين هالقلم الحمرة دخيل هالشفايف خود شوف حبيب هالبارفان ريحتو طيبة
ازعر ٢ : اي يا سلام تعي دخيل الله حطيلي هالبارفان الي
زينة : الله يخليكم رجعولي اغراضي
ازعر : انتي تعي معنا و منعطيكي فوق اغراضك كمان
زينة : لك تفوووو عليكم حيوانات كلاب
و انا عم صرخ عليهم بيجي شب اسمراني طويل بيطلع من مكتب سيارات قريب من محل ما واقفين و بيهجم ع الشبين و بيضربهم ما شاء الله عنو قدر ع الاتنين سوا و ضريهم لشبعهم ضرب بس يا حرام هو كمان اكل بوكس ع وجهو و انقطعت ساعة ايدو
بعد ما ضربهم و قلعهم رجعلي جزداني و شكرتو و انا خجلانة و رجعت ع البيت
فتت على غرفتي و كنت مبسوطة برجولة هالشب و شهامتو اكتر مما مزعوجة من هالزعران اللي لاحقوني و ضلت صورتو بخيالي طول الوقت ما فارقتني مدري كيف حسيت حالي مسحورة فيه
تاني يوم رحت ع الجامعة و كانت رفيقتي فاط

#الحب_المحرم 4
دخلت ع البيت و تمددت ع تختي و ما كان تفكيري إلا بكرم مدري كيف مدري ايمت صار قلبي ينبض بغير طريقة تغير لحن قلبي و حسيت الدنيا احلا
كان أبي مدللنا كتير و ما حارمنا من شي و بنفس الوقت كان يدخل بأزمة كل فترة و يصير ضيق الخلق و ما يطيق يحكي مع حدا بظن هالشي من أثر هديك الحادثة الله يرحمهم تركوه وحيد فجأة
عسل : زينة تعي ساعديني بدروسي ماا عم افهم عالدرس
زينة : يلا جاية ايمت بدك تكبري و تستوعبي دروسك
عسل : لادخل ع الجامعة 😄
........
هالبنت اخدت عقلي ليش عم فكر فيها كتير ... مممم زينة اي و الله زينة البنات بتجنن 😍😍
كيف بدي اتواصل معها اكتر ليش ما اخدت معلومات عنها و ما اخدت رقمها يلا خير الأيام جاية
أم كرم : كرومة حبيبي يلا ابني قوم نتغدا
كرم : يلاااا جاية دخيل هالوش انا
ام كرم : شايفتك مبسوط اليوم
كرم : اي طول ما انتي فوق راسي رح ضل مبسوط الله يطول بعمرك انتي و ابي
ام كرم : يلا غسل ايدك و تعا الاكل جاهز
ابو كرم : شو اخبار المكتب كيف حركة السوق
كرم : الحمد لله ابي في سوق منيح
ابو كرم : الحمد لله انت شب فلهوي و فهيم و سلمتك الشغل بكير لانك ذكي و ما بينخاف عليك
كرم : ما النا غنى عنك يا تاج راسي
ام كرم : شيلونا من سيرة الشغل .. ابو كرم اقنع ابنك يتزوج بقا ما في و لا بنت عم تعجبو
كرم : أمي الله يخليكي قلتلك بعدين بس لاقي انا العروس بخبرك تخطبيلي هي
ام كرم : يعني هلأ راما ما مناسبة
ابو كرم : مين راما
ام كرم : بنت المهندس ابو عادل المتعهد
ابو كرم : اي و النعم عيلة بترفع الراس
ام كرم : و البنت بيضا حلوة و طويلة و مثقفة يعني ما عليها عيب ليش ما عاجبتك
كرم : يا امي ما حبيتا و ما عجبتني الشغلة ما بايدي بعدين انا حابب اختار شريكة حياتي بنفسي
ام كرم : يعني اذا حابب شي بنت خبرنا و انا بروح بخطبلك هي
كرم : هلأ لأ بس ان شاء الله قريبا
ام كرم : يعني حاطط عينك ع شي بنت
كرم : مممم ما اطيب هالملوخية بتجنن يسلم ايديكي
ام كرم : ملوخية شو لك ابني انا طابخة فاصوليا
كرم : 😂😂 العتب ع النظر أمي
ام كرم : النظر و فهمنا شو مشان الطعمة
كرم : ههههههه مرقيا يا حجة
ابو كرم : اتركي الولد ياكل يا مراة
.....
تاني يوم لبست احلا تيابي و رفعت شعري و بخيت من احلا عطر عندي و ما بعرف شو السبب يمكن قلت بشوف كرم و باخدلو عقلو
فاطمة : لك يا زينة بشو سارحة صرلي ساعة عم حكيكي
زينة : بعيونو
فاطمة : عيون مين 🙄
زينة : عيون مين
فاطمة : شو صايرلك انتي ما على بعضك انتي قلتي بعيونو
زينة : انا لأ ما هيك قلت انا ما حكيت شي
فاطمة : يمكن انا صرت عم هلوس .. شو القصة يا حلوة مزبطة حالك و مرابة كتير اليوم
زينة : شو قصدك انا ما مرتبة انا طول عمري هيك حبيبتي
فاطمة : يعني ما بدك تحكيلي شو سرك عم تخبي عليي
زينة : مممم بتعرفيني ما بقدر خبي عنك شي .. بس امبارح رحت و سألت عنو بالمكتب و شفتو و هديتو الهدية طلع اسمو كرم 😍 و كان حلووو كتير
فاطمة : و ليييش ما خبرتيني لهلأ
زينة : ليكني عم خبرك
فاطمة : اي شو صار
زينة : طلع صاحب مكتب السيارات اللي بأول الشارع محل ما صارت المشكلة و شب اكابر كتير و مذوق
فاطمة : و شو عمرو
زينة : ما دخلنا بتفاصيل ابدا بس مبين عمرو ٢٣ سنة
فاطمة : بس معقول غني و حلو و ما يكون مرتبط
زينة : اي اطلعت ع ايديه ما كان لابس محبس
فاطمة : و الله شكلك مغرومة فيه
زينة : عم يرجف قلبي يا أمي و ماني بردانة .. ليل نهار بحس بدمي نار و شعلانة الهيئة مغرومة يا أمي و ماني عرفانة
فاطمة : هههههههه راحت البنت من ايدينا
زينة : ممم شو رأيك روح شوفو اليوم
فاطمة : لك لأ شبك تقلي حالك شو بدك تتحججي ليش بدك تشوفيه
زينة : ما بعرف بس كتير حابة شوفو
فاطمة : لا يا هبلة الشب ما بيحب البنت ترمي حالها عليه تقلي حالك و خليه هو يركض وراكي و اتدللي عليه ما فورا ترضي هو بيحب يحس انو قدر يخليكي تحبيه باسلوبو و طريقتو
زينة : معك حق بس بلكي هو ما تحرك
فاطمة : اي ما ضروري تبعدي عنو يعني مري من جنب مكتبو خليه يشوفك و اذا في شي بقلبو الك هو بصير يلحقك و بدو يتعرف عليكي اكتر
زينة : طيب امري لله بدي اتحمل و اصبر لنشوف ايمت بدو ياخد الخطوة الاولى
....
رحت ع المكتب مبكر هالمرة غير كل مرة و ضليت قاعد و متوتر كان بدي شوف زينة و احكي معها هيك حاسس برغبة قوية لاحكي معها بس انا ما بعرف شي عنها اذا رح تمر من هون او لأ و لا حتى هي شو بتدرس يعني ناطر المجهول
حطيت كرسي ع باب المكتب و ضليت قاعد شي ٤ ساعات و ما شفتا لييأست و قلت ل شغيلي فادي انو يوقف قدام المكتب و اذا لمحها مرت يندهلي بسرعة
فادي : استاذ كرم الانسة اللي قلتلي عنها شفتا جاية و رح توصل لقرب المكتب
كرم : يلا .. خليك انت هون
اطلعت و وقفت قدام المكتب و شفت هالملاك الجاية كانت بتجنن و احلا من المرتين اللي قبل كتير مرتبة اطلعت عليها و سرقتلي قلبي مني مرت جنبي اطلعت فيني و ابتسمتلي و لوحتلي بايدا و ضلت ماشية ما حكت شي لوح

#الحب_المحرم 5
ما كان اعتراضي على عبد القادر لأنو سيء ابدا بس كان قلبي عم يدق لشخص تاني اللي هو كرم و المسا قررت احكي معه ع الواتس
زينة : مسا الخير
كرم : مسا النور
زينة : عرفتني 🙈
كرم : لأ مين 😳
زينة : و الله ليش لكم بنت عاطي رقمك 😒
كرم : 😄😄 ما عاطي الا لملكة جمال الدنيا
زينة : 😌😌 اي و شو اسمها
كرم : اسمها زينة ❤
زينة : مممم و ليش هالقلب ؟
كرم : لأنو بس اذكر اسمها قلبي بيدق بقوة
زينة : 🙈🙈
كرم : يسلملي الخجول 😍
زينة : الله يسلمك .. بس حبيت احكي معك مشام تثبت رقمي
كرم : ثبتو 😊 عندك دوام بكرا
زينة : اي من تسعة الصبح ل ٣ العصر
كرم : يعني رح شوفك بكرا 😍
زينة : لبكرا بفكر 😌 .. يلا سلام
كرم : خليكي لسا شوي
زينة : ما فيني مشغولة يلا باي 🖐🏻🖐🏻
كرم : باي يا حلو
كانت اول مرة بحكيه ل كرم ع الواتس وقتا ضميت مدري ليش .
......
تاني يوم الصبح و انا رايحة ع الجامعة شفتو واقف قدام المكتب و حامل بايدو وردة كان ناطرني 😁 شكلي اخدتلو عقلو
كرم : يا أرض احفظي ما عليكي يسعدلي هالصباح
زينة : صباحك ورد
كرم : و جبت هالوردة الحمرا لاحلى وردة بالدنيا
زينة : ☺☺ يسلمو خجلتني
كرم : دخيل الله الورد الابيض لما بيخجل شو بصير حلو اكتر و اكتر
زينة : من وين بتجيب هالحكي حاج ما بقدر هيك انا شو انت شاعر
كرم : جمالك بيخليني انطق شعر 😍
زينة : يييي انا رايحة تأخرت يلا باي
كرم : رح شوفك بالرجعة
زينة : مممم بفكر 😄😅
صرت انا و كرم نحكي كتير و نتواصل مع بعض كتير و اوقات الفراغ كان يجي لعندي ع الكلية و نقعد بالكافيه كنا عم نتواصل بشكل كبير ما كنت متوقعة سلم قلبي لحدا
المسا اجت امي و فاتحتني مرة تانية بقصة ابن خالتي عبد القادر و قالتلي عبودة رح يسافر ع الخليج يشتغل هنيك و رح يرجع بس تتخرجي و يتزوجك و هو ناطر رد مني ع نار قلتلا ما قلت اني موافقة و من هون لاتخرج بيفرجها الله
بعد شهرين و نص صار يقلي بحبك و قلو بحبك و صرنا حبيبين ما نقدر نضل بلا بعض حتى ثواني
و ضلينا هيك سنة و نص صار يقلي بدو يخطبني
كرم : زينة صرلنا اكتر من سنة مع بعض و لازم نخطب انا ما بقى فيني ضل بعيد عنك و ما بقا فيني شوفك بالسرقة
زينة : حبيبي افهم عليي انا ابن خالتي طلبني من اهلي من زمان و انا تحججت وقتا و رفضتو لان ع اساس ما بخطب قبل ما اتخرج و اذا اجيت تقدمتلي امي رح ترفض مشان ابن اختها بقى بترجاك اصبر ضل بس هالكم شهر و بتخرج هانت
كرم : مين هاد ابن خالتك و ايمت طلبك ليش ما حكيتيلي من قبل
زينة : حبيبي طلبني قبل ما اتعرف عليك و ما قلتلك لان هو سافر و صرلا زمان القصة
كرم : انتي حبيتيه شي
زينة : لو بحبو ما كنت شفتني معك هلأ ليش هيك بتحكيني
كرم : لك ما قصدي حبيبتي بس ييجن جنوني لما بعرف انو ممكن حدا غيري يسرقك مني
زينة : لا تخاف حبيبي انا الك انت و بس بحبك
كرم : يا عمري و انا بموت فيكي
.....
بعد ما قدمت امتحانات السنة الاخيرة رد كرم فتح معي موسوع الخطبة
كرم : حبيبتي هي قدمتي الامتحانات و ما ضل شي يبعدنا عن بعض
زينة : اي حبيبي ولا شي رح يبعدنا عن بعض بس استنا لتطلع النتائج و تصير الفرحة فرحتين
كرم : مممم الله يعيني ع هالكم يوم
زينة : هههه بكرا بتكتب اسمي ع المكتب بتصير شركة زينة لتجارة السيارات
كرم : يا حياتي ما بيغلا شي عليكي بس اسم الشركة ما بقدر غيرو لانو اسم عيلتي و ابي ما بيرضا غيرو
زينة : مممم المتوكل على الله هيك كنيتكم
كرم : لأ انا من بيت المتوكل بس كتبنا على الله لان اعتمادنا كان على الله
زينة : بيت المتوكل 😱
كرم : اي شبك متفاجئة
زينة : انتو اصلكم من هون من المدينة
كرم : لأ نحن من ضيعة كرم الرمان
زينة : 😰😰
كرم : شبك حبيبتي
زينة : ما في شي بس بطني عم يوجعني لازم ارجع ع البيت
كرم : يا الله شو صرلك يا عمري اخدك عند.دكتور
زينة : كرم ما فيني شي بس تعبانة بدي روح ارتاح
كرم : طيب خليني وصلك
زينة : ما بدي حدا يشوفنا مع بعض هلأ يلا باي
كرم : طيب خبريني بس توصلي سلامتك يا حبيبتي
زينة : الله يسلمك باي
يا ويلي ع المصيبة اللي وقعت فيها هو قلي انو من بيت المتوكل و من نفس ضيعتي فورا شفت عمتي نغم بوشي و تذكرت المصيبة اللي صارت و حسيت انو مصيري رح يكون نفس مصيرها تمنيت لو اني كنت بكابوس و اقدر فيق منو .. رحت عند امي بدي استفهم منها
زينة : امي امي
ميادة : اي حبيبتي
زينة : هلأ ابي لسا بيروح بيزور قبر ستي و جدي و عمتو نغم
ميادة : اي و لهلأ يا حرام في حسرة بقلبو
زينة : يعني ما نسي قصة عمتي نغم
ميادة : يا حياتي شو ذكرك بهالقصة هلأ
زينة : ما بعرف بس تخيلت عمتي و شو يللي خلاها تعمل هيك بحالا و ليش جدي ضغط عليها هيك
ميادة : يا بنتي الرجال تفكيرها غير تفكيرنا و جرحهم غميق ما بينسوو بسرعة و التار بتضل نارو شاعلة
زينة : يعني ابي تفكيرو متل جدي
ميادة : ابوكي بيشبه جدك كتير و بتذكر بعد العزا بجدك كان بدو يطلع ع الضيعة و يقتل ابن المتوكل بس انا وقفتو و هديتو
زينة : يا ا

#الحب_المحرم 6
لا تعتب يا ابن قلبي فما اخترت فراقك إلا و الموت أحتب إلي و لكني خفت على عائلتي خفت على الثأر أن يشتعل مرة أخرى لا تعتب فإني و الله لأحبك أكثر من نفسي و سأبقى أحبك إلى أن يقبض ملك الموت روحي سامحني .
تجوزت و سافرت بعيد عن أهلي و عن بلدي و عن سكني و عن حبيبي اللي كان اهلي و بلدي و سكني . صرت مقيمة بالخليج ة ما بقدر ارجع ع بلدي إلا بعد سنتين لأن زوجي ما بيرضا انزل لوحدي و هو ما بيقدر ينزل اجازة الا بعد سنتين ....
.....
تركتني زينة و ما عرفت شو السبب تركتني بلا أمل بلا هوية بلا عنوان بلا روح بلا اسم حتى صرت اكره اسمي لأن كانت هي تحبو و بكره حدا يناديني باسمي لأن انحرمت انو هي تناديني فيه
حسيت بغصة بقلبي و شي عم يمنعني اتنفس منيح تعبت كتير بغيابها و بعدها عني و استسلمت لواقعي اني ما بقا قادر شوفها او احكي معها بس ما قدرت شيلا من قلبي و لا من بالي
ام كرم : يا ابني الله يرضا عليك قوم كول معنا صرلك فترة ما عم تاكل منيح
كرم : امي ما جوعان اكلت بالمكتب
ام كرم : انا متاكدة ما عم تاكل بالمكتب شوف حالك كيف نحفت و رح يختفي وشك
كرم : امس اتركيني ع راحتي فترة بس
ام كرم : بس بدي اعرف شو اللي عمل فيك هيك و شو غيرك هالوردة اللي كنت عم اسقيها و ربيها و اعتني فيها شو اللي خلاها تدبل
كرم : ما فيني شي امي يومين و بصير منيح ببوس ايدك
كنت متل العايش بلا روح جسد خاوي من كلشي ضليت ع هالحالة ٨ شهور و امي تحاول تقنعني باني اخطب و انا ارفض و حتى اكتر من مرة تعزم رفقاتا اللي عندون بنات لعنا يتغدو مشان شوفون بلكي انعجب بشي بنت بس عبث ما اقبل
بيوم كنت عم سوق السيارة و رايح ع المكتب بلمح بنت تفاصيل وجهها وقفتني كانت متل زينة نسخة طبق الأصل كانت بعمر زينة وقت تعرفت عليها نزلت من السيارة و ركضت بدي وقفها و سبقتا و اجيت مقابيلا لاتأكد و تأكدت انو هي ما زينة بس كلشي فيها ملامحها و طولها و حتى عيونها بتذكرني بزينة بتشبهها كتير مرت من قدامي و كملت طريقها اول مرة بنت بتشدني يمكن لانها بتشبه زينة او يمكن لاني بدي شوف زينة فيها كان قلبي بدو يعيش و عم يرفض يموت قررت ألحقها و شوف وين بدها تروح ما كنت بدي ضيعها و اتركا تروح من ايديي ضليت وراها لوصلت ع الجامعة كانت عم تدرس بكلية الاقتصاد و هي بداية الطريق اللي رح يوصلني الها و يرجع قلبي ينبض من جديد
صرت اتردد كل يوم ع باب الكلية و لحتى حفظت مواعيد دراستها و ايمت بتجي ع الجامعة و ايمت بترجع ع بيتها و قررت اتقرب منها كان بدي انسى زينة بشبيهة زينة كنت بدي انساها باللي بتذكرني فيا
اكتر من مرة كنت شوفا مع رفقاتا و ينادولا هني و ما كنت افهم شو يعني هالاسم بس اللي كنت متأكدو انو هاد دلعها و ما بقا قادر اتحمل الا احكي معها
كرم : انسة هني ممكن احكي معك شوي
هني : خير في شي
كرم : انا معجب فيكي و صرلي فترة عم راقبك سرقتي قلبي مني
هني : انا لاحظت اكتر من مرة انك لاحقني و عم تراقبني و بصراحة عم خاف منك ممكن اعرف كيف يعني معجب فيني و انت ما بتعرفني و شو بدك مني بالضبط
كرم : انا اول مرة شفت عيونك سرقتيلي قلبي و خليتيني الحقك من محل لمحل بس لشوفك
هني : يعني انت اسمي ما بتعرف حتى ما بعرف مستغربة
كرم : لا تستغربي ما سمعانة بالحب من النظرة الاولى .. شو اسمك
هني : هني بالاجنبي بالعربي يعني عسل
كرم : اسمك عسل 😍
عسل : اي بس رفقاتي المقربين بيقولولي هني
كرم : عسل اسم ع مسمى
عسل : هههه تسلم يا رب خجلتني 🙈
كرم : دخيل هالضحكة الله يديمها عليكي
عسل : تسلم ما فيني اتجمل هالكلام الحلو كلو
كرم : ممكن تعطيني رقمك مشان نتواصل اكتر
عسل : ما كأني مستعجل شوي
كرم : منتواصل مع بعض و نتعرف ع بعض و اذا ما عجبتك بامكانك تتركيني و اليوم ما في اسهل من انو الواحد يبدل رقمو
عسل : مممم طيب هي رقمي
كرم : رح دقلك هلأ ثبتي رقمي عندك
عسل : 😊 طيب يلا باي
كرم : الله معك 😊
تعرفت على عسل كانت بنوتة طيوبة كتير و رقيقة و حنونة كان كلشي فيا بيشبه زينة و كنت كل ما خطرت ببالي زينة بعد عن هالسيرة و حاول بعدها من بالي
ضليت معها ٣ شهور و كتير حبيتا و هي حبتني
كرم : عسل حبيبتي انا بدي اخطبك من اهلك و ضل معك
عسل : مممم و انا بتمنى صير بقربك بس شو مشان دراستي
كرم : بتضلي بتدرسي حتى لو اتزوجنا ما رح احرمك من دراستك
عسل : مممممم
كرم : يعني انتي موافقة
عسل : اكيد حبيبي شو بدي اكتر من اني صير بقربك
كرم : وين ساكنة حبيبتي
عسل : ساكنة بالبناء مقابل حديقة الزهور
كرم : قريب من مكتبي من بيت مين
عسل : انا من بيت السلطان
كرم : بيت السلطان اصلكم من ضيعة كرم الزيتون
عسل : اي هيك بيحكي ابي بس انا ما بعرفا
كرم : طلعنا جيران و نحن كمان من نفس الضيعة نحن من بيت المتوكل
عسل : عنجد
كرم : اي خبري اهلك بكرا مشان جيب اهلي و اطلبك
عسل : 😍 طيب
المسا خبرت اهلي بدي اخطب و امي طار عقلها من الفرحة و هيك ابي كانوا بدهم يفرحوا فيني
#يتبع

#الحب_المحرم 7
ابو كرم : مين هالبنت ابني من بيت مين
كرم : بنت متل القمر اسمها عسل متلها بتدرس جامعة بكلية الاقتصاد و من بيت السلطان اصلهم من ضيعتنا
ابو كرم : بيت السلطان مممم هدول بزمانهم كان في تار بينون و بينا مع بيت عمي و عمك غيث كان بيحب بنت من بيت السلطان اسمها نغم و انتحرت لان ابوها ما رضي يزوجها لعمك و عمك الله يرحمو هج برا البلاد و انقطعت اخبارو و عرفنا بعدين انو مات غرق بالبحر و كيف و شو وصلو ع البحر ما منعرف
كرم : الله يرحمو كنت صغير وقتا .. بس اكيد شغلة التار خلصت بابا بيناتنا
ابو كرم : ما ضل حدا ليطالب بالتار بقا اغلب الكبار بالعيلة ماتوا
كرم : ان شاء الله بتكون اشيا من الماضي و نفتح صفحات جديدة
ابو كرم : ان شاء الله و ايمت رح نروح نطلبلك هي
كرم : انا قلتلا تخبر اهلها و هي بتردلنا خبر
ابو كرم : ع خير يا ابني الله يكتبلك السعادة
.....
لما رجعت ع البيت كنت طايرة من الفرح و حاسة الدنيا كلها ورود و زهور ركضت عند امي لخبرها
عسل : ماما يا ماما
ميادة : لك اي اي شبك حبيبتي
عسل : مممم كيف بدي قلك
ميادة : هلأ كنتي عم تعيطي احكيلي حياتي شو في
عسل : امي انا بحب شب و هو بيحبني و قلي مشان خبركم ليجي يطلبني 🙈
ميادة : من ايمت بتعرفيه و مين هو و من بيت مين و شو بيشتغل و شو عمرو احكيلي كلشي يلا
عسل : هههه لك امي شوي شوي و الله رح احكيلك كلشي .. اسمو كرم تعرفت عليه من حوالي اربع شهور بيشتغل تاجر سيارات عمرو ٢٧ سنة و شافني مرة بالصدفة و عجبتو كتير و صار يلاحقني لصرت احكي معو و حسيتو صادق صرت اتواصل معو و هو كتير منيح و اخلاقو حلوة و قلي خبركم مشان يجي يطلبني
ميادة : الله يقدملك اللي فيه الخير و الله اذا بيكون متل ما حكيتي بكون الله رضيان عليكي اخلاق و مال و ادب
عسل : ٱمين يا أمي شو بقلون
ميادة : اي لا تستعجلي نحن منشوف ابوكي بالاول و بعدين بيجو يطلبوكي رسمي و بصير ابوكي يسأل عنو هيك الاصول
عسل : 😅 ما بعرف انا بالاصول و العادات ... يا الله ايمت رح يجي بابا
ميادة : لك شبك يا بنت بتحبيه
عسل : 🙈❤
ميادة : ههههه الله يسعدك يا بنتي
ضليت ساعتين و انا ناطرة البابا ليجي كانت فرحتي بوسع السما و كنت بدي خبر كرم بموافقة ابي 😍 بعد شوي اجا ابي و حكتو امي بموضوعي و ندهلي ليحكي معي
احمد : تعي يا بنتي احكيلي
عسل : بابا خلي ماما تحكيلك 🙈
احمد : اي امك حكتلي الموضوع الاساسي احكيلي انتي عنو من وين هو و شو بيشتغل
عسل : بيشتغل تاجر سيارات و اخلاقو ممتازة اي و طلع اصلو من نفس ضيعتنا
احمد : من بيت مين
عسل : قلي من بيت المتوكل
احمد : شووووووووووووو 😡
عسل : شو في بابا
احمد : قلتي من بيت مين
عسل : من بيت المتوكل😰
احمد : ما فشر حط ايدي بايدون و زوج بنتي لهالعيلة لو بتطبق السما ع الارض ما بزوجك.الو
عسل : يا بابا شو في ليش
احمد : اخرسي و انقلعي من وشي هاد الناقص تردي بوشي
حسيت الدنيا ضاقت فيني و ضاق نفسي و صرت ابكي و اشهق
.....
هي قالتلي عسل انو اللي بدو يخطبها من بيت المتوكل اسودت الدنيا بوشي و حضروا بوشي اختي و امي و ابي و رجعتلي كل الذكريات الأليمة و مدري كيف قسيت على بنتي لاول مرة و خليتا تبكي
ميادة : شو صرلك حبيبي كرمال الله هدي حالك
احمد : ما سمعتي شو قالت قال بدها تنخطب لابن المتوكل اللي قتلو عيلتي كلون
ميادة : انت شو عم تحكي لا تخلي الحقد و الكره يسيطر عليك انت بتعرف انو اختك انتحرت لانو ابوك رفض يزوجها لابن المتوكل اذا حدا بينلام ع هالشي بيكون ابوك و حس بغلطو و ندم و من قهرو مات الله يرحمه و يغفرلو ذنوبو
احمد : الله يرحمهم كلون بس لساتنا ع البر و انا شايف هالشي ما بيناسبنا
ميادة : حبيبي انت لاول مرة بتعيط و بتجرح بناتك طول عمرك طيب و حنون و كريم فجأة بتصير قاسي و لئيم و ع مين ع بناتك
احمد : لأ و ألف لأ ما برضا تتزوجو
ميادة : ليك احمد انا طول عمري بسمع كلمتك و ما بخالفك بس هالمرة الشي بيخص بنتي و انا ما مستعدة اخسرها و اللي خلقك اذا عسل بيصرلا شي لوقف بنص الطريق و ادعي عليك و اتركك
احمد : لك شبك حبيبتي اهدي
ميادة : ببوس ايدك ما بتحمل اخسر بنتي البنت بتحبو. و انا بعرف البنت بس تحب بتعمل كلشي
احمد : 😰
ميادة : كرمالي حبيبي هالشي صار من سنين و سنين خلينا نفتح صفحة جديدة و نفرح بعسل متل ما فرحنا بزينة
احمد : طيب خير يا رب
ميادة : الله يخليك فوق راسنا و ما يحرمنا منك نحن ما النا غيرك بترجاك قوم راضي عسل و طيب خاطرها بكلمتين حلوين
احمد : انا بحبا لعسل اكتر من عيوني لا تحافي ما رح اتركا زعلانة
........
ضليت عم ابكي كتير لدق ابي الباب و فات لعندي صار يحكيني و انا عم اتنهد و دموعي عم تنزل
احمد : حبيبتي عسل حاج لا تبكي قومي فرجيني وشك
عسل : 😭😭
احمد : حبيبتي لا تزعلي مني بس كنت معصب و الحقد مغطا قلبي و انا ما بقدر ع زعلك و لا شوفك حزينة او عم تبكي فرجيني ضحكتك الحلوة
عسل : بابا و كرم
احمد : 🙂 خبريه يجي بعد بكرا
عسل :

#الحب_المحرم 8 النهاية

كنت عم حضر العصير و الكاتو وقت سمعت الزلاغيط دخل خطيب اختي يا الله شو كنت حابة شوف هاللحظة وقت بيدخل خطيبا و بيقعد جنبا صرت اسرع بدي لحق سلم عليه و اتعرف عليه حطو اغاني و صرت ارقص من فرحتي و انا بالمطبخ هي اختي الصغيرة كبرت و صارت عروس و بدي افرح فيها
طلعت ع الصالون و قربت عليون بدي سلم ع العريس و انا عم قلو مرحبا يا عريس اطلعت بوجهو ما صدقت اللي شفتو حبيبي قصدي اللي كان حبيبي قاعد جنب اختي و عريسها و هو اطلع فيني و كأنو مصدوم و متفاجأ ثواني كانت عم تمر كأنها سنين عم نطلع ببعض بتقطع هالنظرات اختي عسل
عسل : زيزو حباتي هاد حبيبي و روحي خطيبي كرم
ما صدقت اللي سمعتو اختي عم تقول عن حبيبي حبيبي هاد كان حبيبي انا كيف بتقولي حبيبي معقول يا كرم بدك تعاقبني و تحرقلي قلبي و تتزوج أختي عم اطلع فيه و اسألو بعيوني و عيونو عم تلمع ما بعرف عم تضحك ما بعرف عم تدمع
عسل : هي هي زينة شبك سلمي ع خطيب اختك
زينة : اه اسفة تلبكت اهلين بالعريس الله يجعلها وش خير عليك
كرم : اهلين فيكي تشرفت بمعرفتك عم قول عسل من مين سارقة حلاها
زينة : تسلم
اجت امي و قالت يلا قوموا لبسوا الخواتم و صاروا يلبسوا الخواتم و النار عم تلبسني إلي و ام العريس عم تزغرد المفروض تكون حماتي صارت حماتا لاختي يا الله ليش هيك المفروض افرح لاختي و صرت بنار و حزن لبسو الخواتم و شغلو الاغاني و صاروا يرقصو و انا عم شوف عذابي بعيوني قاموا الصبايا و صاروا يرقصو و انا قاعدة بمكاني اجت امي و قومتني قالتلي عيب لازم ترقصي لاختك و انا النار فيني كيف ارقص ع لحن عذابي و جرحي تكابرت و رقصت شوي قدام عيون العالم ما حدا انتبه اني عم اتعذب إلا هو كنت عم راقب عيونو و عيونو عم تراقبني
.....
وصلت ع بيت حمايي و دخلت لجوا و الاغاني و الزلاغيط شغالة كنت بقمة سعادتي و خجلي البيت مليان و حبيبتي لابسة احلا فستان
سلمت عليها و قعدت جنبها و همست بادنها طالعة متل الملاك الله يعين هالانسان لولا خجلي لاصرخ قدامون كلون بحبك و انا عم حكيا اجت صبية عم تسلم عليي قالتلي عسل انو هي اختها زينة ما صدقت اللي عم اسمعو اطلعت فيها و عم حاول كذب عيوني بس اتأكدت هي زينة حبيبتي اصعب موقف بمر فيه حتى اصعب من اليوم اللي تركتني زينة فيه مرت الخطبة على خير و ما انكشف امرنا لاني ما قدرت امنع عيوني ما تطلع عليها و خفت حدا يحس
.....
كانت اجازتنا لسورية طويلة لمدة شهر و انا كان بدي ارجع ما بدي ضل عايشة بهالعذاب و الغربة بتنسيني شوي و ما عاد شوف بعيوني عذابي بس مستحيل فاتح زوجي بهالموضوع لأن ما في سبب لنرجع صرت نام انا و جواد ببيت اهلي و عبد القادر احيانا ينام معنا و اغلب ايامو يروح عند اهلو بعد يومين اجا كرم ليقعد مع خطيبتو و انا كنت ببيت اهلي فتت ع غرفتي و ما طلعت منها كنت عم اتعذب كتير و حسيت بالوجع جوا جسمي كلو قعد.كرم تلت ساعات و ما طلعت انا من غرفتي ابدا و لما اجت امي لتندهلي مشان اطلع سلم عليه عملت حالي نايمة ما قدرت اكل تعبانة نفسيا و قلبي عم يوجعني ما في غير ادعي الله يصبرني و صلي لله ما عم اقدر اتحمل شوفتهم مع بعض و ضليت تعبانة اسبوع لا اكل الا قليل و دوخ كتير لوقعت بأرضي كنت عم دوب متل الشمعة اخدوني ع المشفى و اجا زوجي ضل مغب و امي و اختي و ابي كلون كانوا خايفين عليي و قلي الدكتور لازم ضل يومين بالمشفى ليراقب وضعي
.....
مدري شبا اختي من يوم خطبتي و هي تعبانة و منغلقة على حالا لا عم تروح و لا عم تجي و حتى الاكل ما عم تاكل منيح فجأة وقعت بأرضا و اغمي عليها اخدناها ع المشفى طلع الدكتور و قلنا انو حالتا نفسية و صعبة مدري شو مزعلها و لازمها عناية و غذا لهيك رح تضل يومين بالمشفى لنمدها بالفيتامينات و التغذية و لازم تبعدوها عن جو الحزنوو خاصة انو هي لسا مرضعة مشانا و مشان ابنها
كنت زعلانة عليها كتير هي اختي قطعة مني بحبها كتير اتصلت بكرم و خبرتو ما يجي لعندي هالاسبوع لان اختي زينة بالمشفى
كرم : بأي مشفى خير شبا
عسل : بالمشفى الحكومي عند الدوار و الله يا حرام دايبة و تعبانة و بدها غذا و مراقبة
كرم : طيب انا جاية لعندكم
استغربت من لهفتو و اهتمامو قلت اذا هيك لهفتو ع اختي كيف لهفتو علي يا الله شو حنون كتير فرحت بحنيتو و اهتمامو
.....
انا سمعت انو زينة بالمشفى جن جنوني صرت بدي روح شوفا ركبت سيارتي و بسرعة جنونية اشتريت بوكيه ورد و شوكولا و رحت لعندا اتصلت بعسل لتدلني على غرفتا و طلعت شفتا معلقيلا السيروم و وشا مصفر و كانت نايمة و زوجا ماسك ايدا حسيت بحرقة جواتي لانو مريضة و لانو حدا غيري ماسك ايدا فتت و سلمت عليون و قعدت شوي بتتصل حماتي بعبد القادر و بتقلو ابنو عم يبكي مشان يجبلو حليب بيقوم و بيعتذر منا و بيروح بضل انا و عسل عندا و هي نايمة صرت اسأل عسل شو صايرلا و عن اخبارا و هيك و هي تفرجيني صور زينة و زوجا و ابنها جواد كنت تعبان كتير و نار عم تشعل جواتي بعد شوي بتقوم عسل و بتروح لتدخ