#الذاكرة_بقلم_حلا_الشويكي
@rwayate
الجزء الأول + الثاني + الثالث + الرابع

الجزء الأول
كانت عم تتأمل السما .. جنبا كاسة شاي و مقابيلا البحر .. صوت الموج مع صوت دقات قلبا .. ابتسامة بسيطة و دمعة عم تلمع بعيونا
اجت اختا لارا .. شوي شوي بدون صوت وقفت وراها و سكرت عيونا بإيدا ..

لارا : احزري مين اناااا

ميرا : يا الله ليش هيك انتي ما بتتركي حد يقعد مع حالو

لارا : مممممم ( قعدت جنبا ) ضل شاي؟

اتطلعت ميرا على لارا وتجاهلت سؤالا .. وتسطحت عالشط و رجعت تطلع عالسما .. اشرت بأصبعتا .. على نجمة وهي عم تحكي مع حالا ..

ميرا : لوين وصلت انا ؟ لهي النجمة ولا لهي ؟ اي لهون .. بس ما بعرف ازا وصلت لهنيك او لا

لارا : هههههه لك شو عم تعملي ؟ شو في ؟

ميرا : عم عد النجوم

لارا : لكم وصلتي ؟

ميرا : لهالنجمة هي .. اللي ضاوية كتير شفتيا ؟

لارا : مجنونة وربي .. لو تعدي من هون ليطلع الصبح ما رح تخلصي عد ههههههه

ميرا : اشتقتلو كتير
@rwayate
عملت لارا متلا وتسطحت جنبا .. تنهدت و سكرت عيونا

لارا : وماهر ؟؟

ميرا : وربي يا لارا لو يرجعلي ليث .. بترك الدنيا كلا وبرتمي بحضنو .. ما عاد فيني اتحمل غيابو .. لو اعطاني مبرر واحد بس .. لو فهمني بشو غلطت .. غيرتي عليه غلط؟ حبي الو غلط ؟

لارا : لا .. بس انتي هلأ مخطوبة .. حاولي تحبي ماهر وتنسي ليث .. خلص ليث راح لازم تعيشي وتتأقلمي عالحياة بدونو

ميرا : طيب اسكتي هلأ اجت ماما

ام ميرا : شو عم تعملو لحالكن هون ؟ مو طلعنا نغير جو كلنا سوا ليش كل حدا فينا بمكان ؟

ميرا : انا حابة ابقي لحالي شوي .. لو سمحتو

لارا : ( عم تكتب عالرمل اسما ) وانا عم ابقى لحالي مع ميرا لحالا

ميرا : ما اغلظك

ام ميرا : تضربي منك الها .. وينو ماهر ؟

انتفضت ميرا من مكانا وقفت ونفضت تيابا .. و قربت شوي عالبحر .. لحقتا لارا وامهن عم تطلع فيهن بإستغراب .. قعدت بمكانا وصبت كاسة شاي وصارت تتزكر ميرا ولارا وهنن صغار وعم يلعبو عالشط سوا ..

ام ميرا : ولي انتي وياها تعو لهون

اتطلعو ببعض وابتسمو .. اجو قعدو جنبا كل وحدة على جهة وسندو راسهن على كتفا ..

ميرا : بس تناديني ولي .. بعرف انك شايفتيني طفلة لهيك بضحك

سكرت عيونا و صارت تتزكر ليث .. وقت كانو سوا و طلعو عالبحر سوا ..

ليث : لك لوين رايحة ؟

ميرا : بدي اسبح
@rwayate
ليث : لا ما رح خليكي تسبحي .. انتي جوات البانيو بتغرقي بدك تسبحي بالبحر ؟

ميرا : بالله شو ؟ طيب هلأ بتشوف

ركضت ونطت بالبحر وهو لحقا فورا ..

ميرا : روح خليني اسبح لحالي وما رح اغرق بتشوف كيف انا شاطرة كتير

بقي ماسكا من خصرا وطالعا من المي .. وهي عم تضحك .. نيما عالشط و نام جنبا وهو عم يتطلع بعيونا و ضحكتا و عم يمسح المي عن وشا ..

ام ميرا : ميرااااا شبك ؟ نمتي ؟

ميرا : اي امي فايقة بس تزكرت شغلة .. طيب انتو اسهرو انا رح ادخل لجوا و نام راسي عم يوجعني

ام ميرا : لك وين خطيبك ؟

ميرا : في مجال انسى اني مخطوبة اليوم بس ؟ ( قامت ونفضت تيابا ) تصبحو على خير

اتطلعو لارا و امها ببعض نظرة استغراب من هدوء ميرا و حزنا بهاليوم .. ملامحا كانت كلا تعب وحزن وقهر

بعد ربع ساعة ..
@rwayate
ماهر : مرت عمي بعدكن سهرانين ؟

ام ميرا : اي

ماهر : وميرا وينا ؟

ام ميرا : نامت

سكت ماهر شوي و صفن بالبحر .. اتطلع عالساعة ..

ماهر : وانا رح نام .. تأخر الوقت

لارا : شبك ماهر ؟

ماهر : ما عم تشوفي ميرا كيف عم تعاملني كأني غريب؟ لك ما مشيت معي عالبحر ما فقدتني ما حاولت تحس بمتعة السيران معي؟!

لارا : لا ولو .. زودتا .. بالعكس هي سألت عنك كتير بس ما لقتك .. و هي تعبانة اصلا ما تمشت كتير ولا تحركت .. لا تتحسس من شي مو صحيح وتزعل
@rwayate
ماهر : لا ما بزعل تعودت ع اهمالا الي .. بس تمنيت لو تتغير

لارا : بتتغير بتتغير .. اصبر شوي بس

ماهر : اي بصبر .. بعد كم شهر عرسنا وبعدا متل ما عرفتا .. مرت عمي بنت مجبورة علي شي؟؟ غصبتوها تقبل فيني ؟

لارا : شو هالحكي هاد ؟

ام ميرا : اكيد لا .. ولأنه لأ بدك تصبر .. هي بدا ياك بس اصبر على تصرفاتا شوي ..

تنهد ماهر و هز راسو بالقبول .. و مشي بإتجاه البيت

ام ميرا : لارا ابوكي جوا ؟

لارا : اي .. خايفة على الاسد ميرا ؟ لا تخافي بتقطعو بسنانا لو قرب منها ههههههه

ضحكت ام ميرا .. وقامت من مكانا .. اتطلعت على الساعة ..
@rwayate
ام ميرا : يلا لارا ندخل جوا .. ما فيني اتركك لحالك بهالوقت

لارا : يلا

اخدت موبايلا ودخلت مع امها عالبيت ..

لارا : يعني بهاد البيت رح تسكن ميرا ؟

ام ميرا : ياريت عاجبا .. اختك فيها شي عم تخبيه عنا

لارا : .....

اتطلعت امها فيها نظرة شك ..

ام ميرا : انتي بتعرفي شو في صح؟

لارا : لا طبعا
@rwayate
ام ميرا : ماني مصدقتك

لارا : براحتك بس فعلا ما بعرف شي

ام ميرا : طيب .. تصبحي على خير

ميرا بغرفتا عم تلعب بموبايلا .. دخلت لارا و سكرت الباب .. رفعت شعرا و تسطحت على التخت

#الذاكرة_بقلم_حلا_الشويكي
@rwayate
الجزء الخامس + السادس + السابع + الثامن + التاسع

الجزء الخامس

حطت ايدا على ادنيها مشان ما تسمع شي و صارت تبكي بحرقة ..
فاقت ميرا .. فتحت عيونا شوي شوي بتعب .. اتطلعت بلارا وكانت ما عم تشوف شي بوضوح .. رفعت ايدا وحطتا على راسا ..

ميرا : ( بصوت تعبان ) لارا .. لارا

شالت لارا ايديا عن ادنيها و اتطلعت على ميرا لتتأكد انها سمعتا عم تنادي .. تأكدت انها فاقت نزلت عن التخت بسرعة و وقفت جنبا ..

ميرا : تعبانة

لارا : سلامتك يا عمري .. ليكني معك شو بدك شو عم تحسي ؟

ميرا : ما بعرف بس تعبانة .. ما بدي شي .. ما عرف ليث اني هون ؟

لارا : ( تلبكت ) ش .. ش .. شلون بدو يعرف؟

ميرا : ااااخ راسي ما عم شوف منيح .. تعبانة كتير

لارا : رح نادي للدكتور

طلعت من الغرفة بسرعة .. ونزلت تدور على دكتور يساعدا ..
@rwayate
لارا : دكتور دكتور .. اختي فاقت وبتقول تعبانة

الدكتور : خير خير مين اختك ؟ روقي اهدي فهميني

لارا : اختي ميرا .. فوق هناك

الدكتور : طيب امشي معي امشي

لارا : اي يلا

طلعت هي والدكتور لعند ميرا بسرعة ..

الدكتور : مين الطبيب المشرف على علاجا ؟

لارا : ما بعرف .. بس هي مو مرضانة هي اخدت دوا كتير يعني كيف بدي قلك .. ما فيها مرض معين هي تعبت يعني بسبب دوا

الدكتور : اطلعي برا شوي لو سمحتي
@rwayate
ميرا : خليها دكتور .. انا ولارا ما بنخبي على بعض شي

غصت لارا بدمعتا .. رجعت خطوتين لورا و تنفست بصعوبة ..

الدكتور : ليش عملتي بحالك هيك ؟ يعني الانتحار كان رح يطلعك من عذاب الدنيا لعذاب اشد .. وهو عذاب الاخرة .. قولي الحمد لله انو ربنا نجاكي واعطاكي فرصة للحياة

ميرا : انتحار ؟ ( بصوت تعبان و عم تحاول تفتح عيونا بصعوبة ) لا لا دكتور انا ما بفكر بهالطريقة .. انا مريت بكتير شغلات صعبة ما عمري فكرت انتحر .. ما بعملا

لارا : انا قلت للكل ميرا ما بتعملا .. ما حد صدقني

ميرا : اي ما بعمل هيك شي .. بس كيف صرت هون ؟

رفعت ايدا وحطتا على راسا وصارت تتزكر كلشي صار معا .. لحتى وصلت لاخر يوم بس اخدت الدوا .. كان هاد اخر يوم بذاكرتها ..

لارا : ميرا شبك ؟

ميرا : تزكرت .. بوقتا كان راسي عم يوجعني كتير .. اخدت مسكن بس من الوجع ما عم اتزكر كم حبة اخدت بس والله ما كان قصدي انتحر ..

الدكتور : طيب .. معافاية حطيتلك مسكن هون .. هلأ بتهدي ويمكن تنامي .. الأحسن ما تحكي معا كتير مشان دقات قلبا ما ترتفع ..
@rwayate
لارا : حاضر دكتور رح اطلع برا

طلع الدكتور و لحقتو لارا بكم خطوة .. نادتا ميرا ..

ميرا : لارا

لارا : قال الدكتور ارتاحي .. خلص ارتاحي

ميرا : ليث اجا لهون ؟

لارا : .....

ميرا : جاوبيني .. انا حاسة انو كان هون ما بعرف متى بس كان هون

لارا : لا .. شلون رح يجي ؟ خلص ارتاحي هلأ مشان تروقي وتخفي ونرجع عالبيت و نرجع نتخانق انا وياكي ( نزلت دمعتا )

ميرا : ( بصوت تعبان وعم تحاول تفتح عيونا ) ليش عم تبكي ؟

لارا : اشتقتلك .. بس
@rwayate
ابتسمت ميرا وغفيت بلا ما تحس .. طلعت لارا وقعدت بالإستراحة جنب غرفة ميرا ..
الصبح اجا ابوها وامها وماهر سوا .. كانت لارا ساندة راسا على الحيط و غفيانة .. وقفت ام ميرا جنبا .. وفيقتا

ام ميرا : لارا .. لارا

لارا : اي اي فايقة .. ليش جيتو ؟

ام ميرا : شو ليش جينا ؟ بدنا نشوف ميرا و نتطمن عليها

اتطلعت لارا على ماهر .. ورجعت اتطلعت على امها

لارا : ادخلي انتي بس الدكتور قال ما نحكي معا كتير مشان دقات قلبا

ماهر : وانا ؟

لارا : ما في داعي هي نايمة اصلا ليش لتدخل عندا تشوفا من بعيد وخلص ؟

ماهر : طيب .. بس لو شفتا من بعيد او من قريب وما حكيت معا المهم شوفا واتطمن عليها لو شوي

لارا : بنشوف شو بيصير .. فوتي امي لعندا

دخلت ام ميرا لعند ميرا .. كانت نايمة .. اتطلعت بوشا التعبان .. الابرة اللي بإيدا .. دقات قلبا السريعة ومو منتظمة على جهاز المراقبة ..

لارا : يلا امي نطلع من هون .. هي ما عليها خطر بس تحت المراقبة لا تخافي

ام ميرا : ( تبكي ) اكيد ؟

لارا : ( لفت ايدا ورا كتف امها و مسكت ايدا وباستا ) اي اكيد .. يلا تعالي نطلع .. يلا

طلعت ام ميرا مع لارا وهي عم تطلع على ميرا وتبكي .. استغربت لارا من انهيار امها فجأة بالرغم انها قبل هاللحظة كانت متماسكة ..
بعد ما هديت شوي .. قعدت لارا جنبا بالإستراحة

لارا : امي شبك ؟ ليش بالبداية كنتي عادية ما كنتي هيك ابدا

طالعت ورقة من شنتايتا واعطتا للارا .. فتحت لارا الورقة .. كانت بخط ميرا وهي عم تشكي من الدنيا .. من الفراق والقهر والضغوطات اللي عم تتعرضلا بدون ما حد يحس فيها وبوجعها

لارا : اخر كلمات كاتبتا راسي عم يوجعني كتير .. انا ما عم ركز بشي .. انا كتير تعبانة ..

سكرت لارا الورقة .. حطتا بشنتايتا وهي عم تمسح دموعا ..