قصة اليوم: #الرحمة

.............
قراءة ممتعة🦋💙"
#ⴅÂÐЄĦÂ

#الرحمة
#بقلم_مايا_سمير

كلنا منغلط بس ما حدا منا بيعترف بغلطو ممكن تكون غلطاتنا كارثية اوقات بس مع هيك منحط حجج كتير لنكمل بهاد الغلط و ما منحسب حساب لقدام كتير منركد ورا مشاعرنا بدون ما نفهم يا ترا نحنا صح او غلط فعلياً لو كان هالشي غلط بس مندرجو تحت قائمة كلشي ممنوع مرغوب كلشي غلط منحب نجربو. 

الجزء الاول

انا رنيم عمري 20 بيحكو اني بنت حلوة مافي بجمالي بشعري الي متل الدهب و عيوني الخضر و شقاري
يمكن اليوم فيي صنفو من ابشع ايام حياتي لانو مافي شي عم يصير انا موافقة عليه 💔 انا مافيي خون الوعد و الثقة و حب سنين

قبل سنتين 

كان اول يوم الي بالجامعة و كنت كتيررر متحمسة و اخيرااا رح ادخل على عالم الجامعة الي طول عمري بحلم فيه و بالتخصص الي بدي اياه كتير تعبت و درست حتى قدرت اني ادخل طب و كان كلشي جديد بالنسبة الي صح اول فترة كانت صعبة بالنسبة لطالبة جديدة متلي بس مع هيك كنت قدا و قدرت اني ادخل بسرعة ببالجو و كون صداقات كنت كتيرر مندفعة للمجتمع الي صرت فيه و بعد فترة تعرفت على مراد الشب الي بحياتي ماشفت متلو و مارح لاقي متلو دخل على حياتي و حلالي اياها اكتر مجرد وجودو حدي كان بيعطيني الامان كان السنة الرابعة الو بطب الأطفال كان كلشي حلو و علاقتنا بينضرب المثل فيها و كل بيحسدنا على بعض كان كتير حنوون و مجنون و عصبي و بغار عليي كان كلشي فيه بيشدك لتحبيه اكتر و اكتر مرقت اول سنة و كان كلشي فيها متل الحلم من جهة دراستي و من جهة تانية مراد و خلصت السنة الأولى بمعدل عالي و نجحتتت 

على مقعد بحديقة الجامعة

رنيم:حبيبي ايمت رح تجي تخطبني هي صرلنا سنة و 10 شهور
مراد:يلا هانت يا قلبي ماضل الي هالشهرين و بتخرج و دغرري بجي بطلبك من ابوكي
رنيم :و اخيرااا يا عمري و اخيرا رح نضل سوا للابد
مراد : بوعدك ضل معك و ماخلي شي يفرقنا بحبك رنيمم بحبككك
رنيم:يخليلي اياك ياروحي و انا بحبك

بالرغم من تشدد اهلي تجاه هي القصص بس ما كنت قدرانة انو بعد عنو....
و قدرت اني خبي علاقتي فيه عن اهلي و ما حسستهن بشي طول فترة ارتباطنا
و اخيرااا اجا اليوم الي رح يخطبني فيه مراد كان احلاا يوم بحياتي و كان كلشي متل الحلم مراد الوحيد الي بنظرة من عيونو بضوعني رح يصير خطيبي
اخد موعد من اهلي عاساس انو ناس دالينو عليي لانو بيعرف تشدد اهلي تجاه علاقتنا و اجا بدون اهلو لانو اهلو عايشين كلهن بدبي و هاد الشي الي زعج ابي كتير و ما قبل هي الخطبة و بعدا حاول مراد ينزل اهلو بس ماقدرو ينزلو بسبب تأخر وراقهن و حاول مراد يخطبني اكتر من مرة بس ابي كان رافض رفض قاطع بحجة انو اذا اهلو ما اجو و طلبو مستحيل يوافق...

و بعد فترة قرر بابا يسكر على الموضوع نهائياً و ماعد رح يستقبلو و مراد اهلو ماقدرو ينزلو على سوريا هالفترة حسينا الدنيا كلهاا تسكرت بوشنا بس كنا منصبر بعض دايماً و منتأمل انو بكرة احلى و اكيد رح تنحل قصتنا بس ما كلشي منتمناه بيصير بعد فترة تقدملي ابن عمي الي اليوم كتبب كتابي عليه بالغصب و طبعاً بابا مشي تحت قاعدة ابن عمك اولا من الغريب
كان كلشي ضدنا انا و مراد
بكيت كتير ترجيت بابا انو يوافق على مراد لانو انا مافيي بلاه و لما عرف بابا اني بحبو عند اكتر و اكتر و صار كلشي اذا مو بالطيب بالغصب
بنفس المقعد الي شهد على كل قصتهن
رنيم تبكي :مراد خلص ماعاد في امل بابا بدو اياني لابن عمي بالغصب
مراد كان قاعد و حاطط ايديه بين راسو و عيونو حمر : خلص يعني رح تكبي كل حبنا رح تتركيني هيك و تروحي ببساطة و انا الي حبيتك حب ما بيعلم فيه غير الله لاني قد ما حكيت مارح اقدر اوفيه
رنيم تبكي :يعني مفكر هاد الشي الي عم يصير برضاي مفكر انو قلبي ما رح يندعس عليه بهي الزواجة... قامت و مسحت دموعا الي كانت ماعم توقف.. مفكر انو بس انت الي عم تتعزب مراد انا حبيتك و لسا بحبك انا ماعم اقدر اتحمل الي عم يصير هلق حاسة كلشي فوق راسي... و بعدا انهارت و وقعت و هية عم تشهق و تبكي.... ما عم اقدر اتخيل حالي بلاك و انااا بحبك ... قام ضماا
مراد:و انا بحبك يا روحي 
رنيم:لا انا مارح اتركك مستحيل اتركك مراد انا مافيي بلاك هنة مافيهن يظلمونا هيك
مراد: الله يسامحو ابوكي

تاني يوم

كانت قاعدة مقابل المراية و دموعا عم ينزلو و عم تسمع صوت الزلاغيط برا... اليوم كتب كتابا على مصطفى ابن عمها
فاتت امها
ام رنيم:لك رنيم لك امي وصلو العالم و انتي لساتك ما جهزتي يلا لك امي قوومي
رنيم:مابدي هيك منيح
ام رنيم: شو منيح شوفي لبسك في وحدة بتلبس اسود بكتب كتابها لك حتى نقطة ميكب مو حاطة
رنيم:امي خلص تركيني
ام رنيم:سمعي رنيم تحملتك كتير هاا يا بتقومي بتلبسي متل العالم و الناس و بتجهزي حالك يا امااا والله اه بنادي ابوكي و هوة بيعرف شغلو معك... بنات اخر زمن
طلعت و طبشت الباب وراها و رجعت رنيم لبكاها
رن تلفوانا
رنيم:حبيبي
ممراد: رنيم انا مسافر....
يتبع.

#الرحمة
#بقلم_مايا_سمير

الجزء الثاني 

رنيم:شو عم تحكيي
مراد:حبيبتي سدقيني انا مجبور سافر امي كتير مريضة وعفراش الموت انا لازم اطلع لعندها و شوفها
رنيم تبكي :طب و انا مراد لمين بدك تتركني انت عرفان شو عم بيصير فيي هون عم قلك اليوم كتب كتاابي
مراد: وعد يا قلبي رح ارجع و اخدك و نهرب من هون استنيني
رنيم تبكي :كلكن تعالو ورا بعض اي ما تريحوني حتى انت
مراد: معلش يا روحي بحياتي ما تبكي رح عوضك عن كلشي
سمعت امها عم تناديلا و تستعجلا
رجعت للتلفون
رنيم :دير بالك على حالك عم استناك بحبك
مراد:و انا يا عمري
سكرت التلفون و قامت و تم كتب كتابا على ابن عما مصطفى الي ما كانت طايقة تشوفو و بعد فترة تزوجو و كل هاد و مراد برا البلد رنيم جنت لاقدرت توقف هي الزواجة بأيا شكل من الأشكال و لا عم تقدر توصل لمراد بهد سفرو
بعد تلت اشهر
كانت قاعدة عم تبكي على نفس المقعد 
رنيم:مراد وينك رح يصرلك خمس شهور مسافر و غايب يلا رجاع مشان توفي وعدك انا ما عم اقدر عيش مع مصطفى ماني قدرانة اتخيل انو هوة صار زوجي شتئتلك و شتقت لمواساتك الي انا كتير محتاجتك هلق صدقني انا ههلق كتيررر محتاجة انك تقلي كلشي رح يصير بخير و انو انت جنبي
و ممر شهرين تانيات صصارو خمس شهور و هوة غايب عني لاني قدرانة كمل و لاقددرانة ارجع لبيوم كنت قاعدة و رن تلفوني
رنيم :الو
مراد :اشتقتلك
صارت ترجف رنيم
رنيم:مراد
مراد:بدي شوفك رنيم انا على نفس المقعد على مقعدنا انا رنيم يلا تعي.....
و بس سكرت كانت عم تلبس اي شي بتشوفو قداما و طول الوقت جوالا ما وقف رن من امها لحد ما فتحت 
ام رنيم :رنيم ابوكي 
رنيم:شبو ماما شو صرلو بابا
ام رنيم تبكي :ابوكي عم يموت يا رنيم تعالي طالب يشوفك
رنيم:كيف... و شلون... ط.. طب وين انتو
ام رنيم :بمشفى الي عند الدوار تعي ودعي ابووكي يا امي
نسيت رنيم مراد و لقائهن و راحت تركض عالمشفى لعند ابوها ابوا الي صحي ظلما بقصتا مع ممراد بس مافية تنكر انو هوه كتير حنوون و كان يحسسا اني طفلة لما بيشوفا
فاتت رنيم عالغرفة شافت ابوها ممدد على التخت و عليه اجهززة كتير فاتتت ركضت قعدت حدو كان دبلان و تعبان ايمت صار ابوها هيك وضعو وين كانت عنو طول هالسنة
كان عم يحكي معا ببطئ طلب منها تجي تقعد جنبو
ابو رنيم :انا بعرف انك عم تلوميني و تحكي عليي ظالم اني ما زوجتك الشب الي بتحبيه بس في شغلات كتير انتي ما بتعرفيها و انا للازم احكيها.... سبب عدم موافقتي على مراد ما كان لانو عيلتو ما نزلت بالعكس سبب اكبر بكتير
اتطلعت رنيم عليه بعدم فهم... و كمل
ابو رنيم: يا بنتي انا لما عرفت اسم عيلتو غيرت كل رأيي و لا ماكان في شي بخليني ارفضو بس ابو و جدو و كل عمامو عايشين بالحرام كل مصاريهن سرقة و حتى هوة ربي بمال الحرام كلو اختلاس و سرقة من المساكين كانو يستغلو مناصبهن بالدوولة للحتى يسرقو العالم و لما حسو انو ورقتهن رح تهر هربو كلهن على دبي و اخدو كل الاموال الي نهبوها من هالعباد لاتفكري انو انا بيوم بتمنالك الشر بالعكس انا بدي اياكي تستقري و انا زوجتك ابن عمك اجباري لحتى اقدر بعدك عن هالشب
كانت رنيم قاعدة مصدومة و عم تبكي عالساكت
رنيم:بس بابا هاد ما ذنب مراد
ابو رنيم:انا متأكد يا بنتي انو بيعرف.....
#يتبع

#الرحمة
#بقلم_مايا_سمير

الجزء الثالث 

رنيم :بابا شو عم تحكي هوه اكيد ما بيعرف مستحيل يكون بيعرف و يضل ساكت
ابو رنيم :يا بابا اصلا المصاري الحرام هية الي دخلتو عالجامعة
رنيم:طيب بابا انت لا تتعب حالك
ابو رنيم :انا بحبك يا بابا و بدي تكوني دايماً بخير لا تفكريني اني ظلمتك انا زوجتك من ابن عمك مشان ما اظلمك و مصطفى بحبك يا بابا
بهاد الوقت فاتت الممرضة و قالت انو خلص وقت الزيارة تركت رنيم ايد ابوها و الدموع مالية وشها و طلعت و هية ضايعة و عرفانة شو بدا تعمل استندت على الحيط و بعد وقعت قعدت عالارض لا مستحيل مراد ما بيعرف مستحيل يكون هوة هيك بابا غلطان مراد ما بيعرف ششي.... و بعدا تزكرت انو مراد عم يستناها دغري حملت تلفونا و دقتلو
مراد:رنيم وينك صرلي ساعتين عم استناكي
رنيم :مراد ما بقدر اجي
مراد :ليش شوفي شبك ليش عم تبكي
رنيم :بابا يا مراد بابا كتير تعبان
مراد :شبو وينك انتي
رنيم :بالمشفى
مراد :طب انا جاي
رنيم :لا ما تجي مصطفى هون و العيلة كلا هون انا بس لافضى بدقلك منشان نلتقا
مراد :طيب يا قلبي رنيم انا كتير شتقتلك
رنيم تمسح الدمعة من عيونا :و انا كمان يلا باي
ضل ابوها لرنيم يومين بالمشفى تعبان و تحت المراقبة و بعدا ما تحمل قلبو و مات نزل الخبر متل الصاعقة على رنيم و عيلتا

بعد اسبوع

خلص العزا و اندفن الميت و اندفنت معو كتير قلوب
و طول هالفترة رنيم ماقدرت تشوف مراد و كان مصطفى طول الوقت عم يواسيها و هية دايما ساكتة و ماعم ترد عليه بشي
بعد فترة دقت رنيم لمراد مشان يلتقو
كانت لابسة كلشي اسود وشا باهت كتير عيونا دبلانين من كتر البكي
راحت على نفس المقعد و قعدت تستناه لحد ما سمعتت حدا صرخلا صوت بصوت عالي دارت و نزلت الدمعة من عيون...

ركضت عليه و ضمتو و صارت تبكي
مراد:شتقتلك يا روحي شتقتلك
رنيم :حياتي بلاك ما الها معنى انا كتير محتاجتك مراد
مراد : ماعاد اتركك خلص انا جاي لاخدك
رنيم :اي خلينا نروح لوين ما كان بس خلينا نروح
مراد : طيب بس لاعاد تبكي خلص....
قرب مسحلا دموعا و كمش ايديها و قعدو عالمقعد
مراد:انا استأجرت بيت بنروح منقعد فيه فترة لحتى تزبط امورك و ندبرلك وراق جديدة لانو مستحيل خليكي ترجعي على هداك البيت و بعدين منسافر
رنيم:طَ.. طيب
مراد :يلا نقوم
اخد مراد رنيم عالبيت الي حكالا عليه كان بيت منيح غرفتين و صالون و بمنطقة بعيدة عن جوزا و اهلا
و مر شهر كامل و هية عايشة مع مراد كانت احلا اياما لرنيم كان كلشي عم يكون متل ما حلمت لحد ما اجا اليوم و فات مراد كان وشو ما بيتفسر
رنيم بقلق :مراد شبك شو صاير معك
سكت مراد و ما رد
راحت قعدت حدو و مسكت ايديه
رنيم:حبيبي شبك ليش هيك وشك ما بيتفسر
ترك ايدا و دار ووقعد و حط ايديه بين راسو
مراد:رنيم انا صار لازم قلك شي
رنيم:شوفي مراد خوفتني
مراد :رنيم ابي توفا من فترة و انا لليوم حتى دريت لانو كنت مسكر وسائل الاتصال و وضع الشغل و المصاري عم يتدهور هنيك
رنيم:اي و انا
... و كمل مراد..
مراد:في شي كنت مخبيه عليكي رنيم انا بسفرتي الماضية على دبي اتزوجت بس والله غص من عني كانت زواجة مصالح بس اليوم دريت كمان انو مرتي حامل
رنيم:ههه مرتك
مراد:رنيم انا حبيتك بس ماعاد فينا نكمل سوا انا في عندي اشغال و ولد عم يستنوني هنيك
رنيم صارت تصرخ:مرادد شو عم تخلص شو زواج و مصاري و عيلة و انا ششو انا الي تركت كل الاهلي و جوزي بس مشانك الي الي ماصدقت بابا لما حكا عليكن نصابين و عبادين القررش ليكك بدك تتركني مشان المصاري اما الي بعتك حالي و شرفي انا الحماررة الي كنت عم تضحك عليي طول هالشهر بس مشان بس تنبسط شوي معي تروح ترجع طب و اناا شوو بحياتك هلق اه
مراد:مارح احكي شي بعرفك معصبة تركتلك مصاري تمشي حالك فيهن لفترة و البيت مدفوع اجر تلت اشهر لقدام انا طيارتي بعد ساعة و نص انا حبيتك رنيم عنجد حبيتك بس في شغلات اهم من الحب بحياتنا 
و طلع و خبط الباب..
#يتبع

#الرحمة
#بقلم_مايا_سمير

الجزء الرابع 

قعدت عالارض صارت تصرخ و هية عم تبكي و تخبط حالها و تلوما عالشي الي صار فيها عالطريق الي ركضت وراه صاررت تبكي و هية ضايعة مو عرفانة شو بدا تعمل هلق و لوين بدا تروح او شو بدا تعمل
ضلت ساعة و اتنين على وضعا
و بعدا مسحت دموعا
رنيم:اجا وقتت تتحملي الي عملتيه بدك تتقبلي عيشتك لحالك من هون و رايح و لازم تدوري على شغل و تكملي حياتك
و فعلاً بلشت من تاني يوم تدور على شغل بس كانت ما تلاقي ضلت تدور كل يوم كل يوم و ماخلت جريدة و لا ومشفى ما قدمت عليها بس كانت دايما تنصدم بعدم القبول و المصاري الي معا بلشو يخلصو و اجار البيت ضللو فترة و بييخلص عقدو كانت اصعب ايام حياتا اضافتاً لدوخة و تعب مستمر الها لحتى اجت عليا الصدمة الي متل سطل المي البارد و انكب عليها طلعت حامل انهارت من هالخبر حاولت تنزلو بس ماقدرت قلبا ما تحمل تقتل ابنا ولو كان ابوه مراد و كان وضعا من اسوء لأسوء عقد البيت ضضللو بس عشرة ايام لحتى يخلص و المصاري الي معا خلصو كانت كتير تجوع و ما تلاقي شي تاكلو اخر شي قررت انها تروح لبيت اهلها و تخضع للامر الواقع ضبت كم غرض و نزلت على بيت اهلها
كانت عم تمشي و هية عم تلوم حالها على الشي الي صار معا و بتضل بتردد جملة بباها (انتِ الي اخترتي الشي الي صار معك و ماكان في شي غص من عنك) وصلت و دقت الباب طلعتلا امها
ام رنيم بصدمة :رنييمم
رنيم:ماما شتقتلك
ام رنيم:شو عم تعملي هون روحي انقلعي لعند الي بعتينا مشانو
رنيم:ماما سامحيني والله انا اتشردت من بعدكن مشان الله ما تتركيني
ام رنيم:عم قلك رووحي من هون لا يجي حدا من عمامك يشوفك
رنيم:ماما مشان الله بعرف انو الي عملتو غلط بس والله انذليت و اتعلمت منو 
ام رنيم : غلط؟!! بس غلط لك هي فضيحة بضل معنا لولد ولدنا روحي من هون لا نادي لعمك يجي يدبحك عالخالص هون
و طبقت الباب بوشا
رنيم حست بوجع ببطنا وقعت وصارت تصرخ
رنيم:اه يا امي بطنيي ماعد فيي
وقت سمعت ام رنيم صوت بنتا دغري فتحت الباب و ركدت عليها و صارت تسألها اذا هية منيحة اخدتا لجوا و هية مسندة رنيم على كتفا
ام رنيم:تستطحي شبك
رنيم تبكي :ماما انا حامل
م رنيم :نعممم!!!
صارت تبكي رنيم :والله ما كنت مفكرة انو رح يتركني هيك و يروح
اام رنيم :يييي يا مصيبتك يا رنيم
طلعت ام رنيم من الغرفة وهية عم تضرب بحالا عالمصيبة و تاركة رنيم وراها عم تبكي

رجعت فاتت بعد ساعة

ام رنيم :سمعي رح ترجعي على بيت زوجك و تقليلو انك كنتي عند خالتك مسافرة لانو نفسيتك تعبت بعد ما مات ابوكي و انا هلق حكيت مع خالتك هية كمان رح تحكي انك كنتي عندا إذا سألوها فهمتي و بعدا فترة من ما ترجعي لمصطفى بتقولي انك حامل من ابنو لمصطفى انتي بأي شهر حامل هلق
رنيم موطية راسا :التاني 
ام رنيم:اي لكان بس تولدي بنقلهن انو اجت ولادتك مبكرة فهمتي
رنيم:هززت براسا
ام رنيم و الدموع بعيونا :اه يا رنيم كسرتي ضهري انا و ابوكي لك ذليتي ابوكي بقبرو روحي ادعي الله يسامحك و يغفرلك هالخطيئة

و بالفعل صار متل ما حكت الام و اتاكدو اذا كانت عند خالتا اول لاء و خالتا اكدت انو كانت عندا و بعدا رجعت لمصطفى و بعد فترة اشهرت انها حامل كانت علاقتا بمصطفى منيحة و كانت تشوف الحب الها بعيونو هية ما قدرت تحبو لانو قلبا كان كتيرر مكسور مارح يتحمل حب جديد بس هية كانت تحترمو و تودو و وقت عرف مصطفى انها حامل طار من الفرحة و صارت كل طلباتها مجابة
صار وقت ولادتا كتير تعبت الكل كان يفكر انو هية بالسابع الا هية و امها بيعرفو انها بالتاسع و وقت ولدت اعطت دكتورتها مصاري مشان تقول انو ولدت بالسابع
و اخيرا اجت ملاكها الي كنت تحسو ملاك رحمة نزل عليها من السما سمتها ملاك
كأنو مع جيتها غاب كلشي سيء و كل الايام السودا انمسحت من ذاكرتا لرنيم

كانت تمر ايام رنيم باستقرار بعد ملاك خلفت توم ولاد سمتهن اياد و زياد و سر ملاك اندفن مع امها الي توفت بفترة حملها بالتوم لرنيم و اندفن بقلب رنيم و مرت سنين و ملاك عم تكبر و تحلا كانت زينة البيت و مدللة ابوها .....
#يتبع

#الرحمة
#بقلم_مايا_سمير

الجزء الخامس 

كبرت ملاك و صار عمرا 20 سنة كانت عم تحلا اكتر و اكتر و حياتي استقرت كتير و الدفاتر القديمة كلها اتسكرت كانت رفيقتي و انا كنت رفيقتا
كانت عم تدرس جامعة حقوق
لبيوم اجت لعندي
ملاك :ماما
رنيم :اي ماما تعي قعدي
ملاك : بدي قلك
رنيم:شبك حبيبتي فيكي شي ناقصك شي
ملاك :لا ماما بس في شب تعرفت عليه و هوة كتير منيح و هوة طلب مني انو اخد موعد منكن مشان يجي يخطبني
جلست قعدتا رنيم بأنتباه :طب يعني مين هالشب من وين
ملاك :مابعرف ماما هوة بس اجا حكالي انو هوة معجب فيي و بدو اياني اخد موعد منكن منشان يجي يخطبني هوة و امو 
رنيم :طيب انا اليوم بحكي مع ابوكي و هوة بيشوف الوقت المناسب
ملاك ابتسمت بخجل :طيب ماما
رنيم:دخيل الخجلان الي صار بدو يخطب و يتجوز و يتركني
ملاك ضمت امها :الله يخليلي اياكي يا احلا ام
اتنهدت رنيم :و يخليلي اياكن انت و اخوانك يا عمري يا ملاكي
و بالليل حكت رنيم مع زوجها منشان يعطيهن هوة الموعد و يشوف الشب و امو
حكاهن انو يوم التلاتا الساعة 6
و بالفعل اجا يوم التلاتا هوة و امو الساعة 6 عالموعد فاتو و بلش يحكي عن حالو
يوسف : انا عم ادرس ادارة اعمال مارح خبيي عليكن انا كنت عايش برا مع اهلي بس ابي انحبس بسبب تجارة المخدرات بس ما كان عندي انا و امي علم بهاد الشي كان عمري 3 سنين وقتا بعدا امي اخدتني و نزلت عالشام و هون كملت حياتي مع امي الي هية كلشي حلو بعمري انا حاليا عم اشتغل مع خوالي بالشركة و عندي بيت و امي اضطرت انو كنييتي تسميها على اسم كنية جدي بسبب مشاكل ابي بعرف انو يمكن تغيرو رأيكن عني بعد الشي الي سمعتو عن ابي بس ما تزرو وازرة وزر اخرى انا الحمدلله عايش على كلشي بالحلال و انا بحبا لملاك من اول ما شتفا و انا عم لاحقها بس لحتى اعرف ووين بيتها مشان اجي اخطبا و لما عرفت دغري رحت حكيتلا تاخد موعد لانو بدي كلشي بالحلال
مصطفى :انشالله خير
يوسف:انا حكيت الي عندي و ما حبيت خبي شي بس بتمنا تفكرو منيح فيي و تربطو شي من الي صار فيني

و بعد ما شربو قهوتهن طلعو و ضلو الباقيين بحيرة تجاه هالشخص

رنيم :متل ما حكا لا تزرو وازرةٌ وزر أخرى و هوة ما غلط و ما كذب علينا الشب انا برأيي انو سأال عنو و شوف رأيي الناس و اذا كان منيح ما بتوقع في مانع
مصطفى :بس ابوه
رنيم :ابوه بالشغل الله و اعلم ايمت رح يطلع
مصطفى :طيب بكرة نازل اسأل عن الشب و الله يختار الخير
رنيم :امين

و تاني يوم:

و راح سأل عليه و بالفعل كان الشب ما عليه شي
و تم الخطبة و زواج ملاك كانت احلا ايامهن للكل استقرار و حب و جمعات عيلة و ولدت ملاك و سمت بنتها رنيم يوسف كان حنون و محبوب من الكل

لحد ما اجا اليوم الي كانو كلهن مجتمعين على سفرة عزيمة سوا فجأه ندق الباب قام يوسف ليفتح
سمعو صوت صريخو
يوسف :بابا الحمدلله على سلامتك ايمت طلعت من السجن و ليش ماقلتلي
مجهول :الله يسلمك من اسبوع طلعت و لما عرفت انك هون دغري انزلت لعندكن
كان كلشي زابط لحد ما التقت عيون رنيم بعيونو
كانت صاعقة و صدمة كانت دموعا عم تنزل عالساكت
اجا و عرفو على ملاك و قلو انو هي مرتو و ما شاف رنيم لانو دغري اخدت شنتتا و نزلت تركض و تبكي بالشارع
رنيم:لاا ياااربي لااا مو هاد العقاب لا ياارب كانت عم تصررخ و تبكي
وصلت على بيتها كانت ضايعة مو عرفانة شو بدا تعمل مارح تقدر تواجه حدا بهاد الشي بهي الخطيئة الي فكرت انها خلص اتسكرت و راحت بس مافي شي بيضل مخبا قررت تكتب كلشي برسالة لانو مانها قد هيك مواجهة لا قدام بنتها ولا قدام حدا
(ملاكي بنتي الي كبرتا بدموع عيوني بعرف انك مارح تسامحيني لاني ما بستاهل هي المسامحة انا خطيئتي اني انجرفت ورا مشاعر كزابة اني ما سمعت أهلي و عاندتهن اني اخطأت بحق حالي و شرفي و ديني انا بستاهل عقاب كتير قاسي بس ما توقعت الله يعاقبني فيكي انا ما بستحق كون امك.... فكرت انو صفحة و اتسكرت من زمان بس ماشي بضل مخبا رح يجي يوم و كلشي ينفضح رح تتضطر تواجه كلشي عاملو بس انا مابقدر واجهكن الكن يمكن الموت افضلي هلق انا اسفة و لو بعرف انو اسفي مارح يغير واقعك بس اسفة على الواقع الي صرتي فيه بسببك
ملاك يوسف اخوكي ابو هوة الزلمة الي كسر قلبي و تركني و انا حامل فيكي سامحيني يا بنتي سامحيني)
بعتت الرسالة لبنتا و انتحرت رنيم ماقدرت تتحمل الشي الي صار. انتهت

بعرف انو رح تحكو انو ما بيصير و نهاية مو معقوله
بس برأيي انو النهاية كتير واقعية و ما بعتقد انو ممكن تزبط بأيطار تاني حبيت حط مشكلة واقعية بمجتمعنا و حتى بمسلسلاتنا دايماً منتعاطف مع الغلطانين من اول القصة تعاطفتو كتير مع رنيم مع انو برأيي ما بتستحق التعاطف لانو من الاول غلطانة عند اول فرصة سمحتلا هربت و بعدا زنت و بعدا حملت بالحرااام فما شي بيغفرلا و اذا بترجعو الأجزاء الأولى بتلاقو انو ابوها حذرا منو... الاهل بعمرن ما كانو ظالمين الاهل بس بيتمنو لالنا الخير بس نحنا منكون معميين لانو مو شايفين شي معميين بالحب الي هوة اصلاً