#الزوجة_الثانية_بقلم_جمايكا_احمد

الجزء الأول

صبية وبمرحلة العشرينات انيقة ومن عائلة ميسورة متعلمة..لكن ارملة قبل ما اتزوج ..صعب هالمصطلح بس المفهوم سهل..انا انسانة عادية طبيعية وطيبة..هيك العالم بيحكمو عليه ..وانتو هيك رح تحكمو عليه ..بعد ماتسمعو شهادتي..يومي كان ببلش برسالة صباحية..

..صباح الخير حبيبة قلبي..انا حبيت ابعتلك هالصباح قبل لاروح شغلي..انتبهي ع حالك وادعيلي..

(( هالرسالة كنت حبها وماحبها..الجزء الاول لانها كانت من خطيبي والجزء التاني لانها كانت للمكان اللي خطفو مني ..#نديم..هيك كانو اسمو قبل ما هالتراب تلمو تحتا..😢..عشنا قصة حب مستحيل قابل شخص عاش متلا..العفة والنقاء والاحترام كانو اشياء لا تنذكر قدام اخلاقو العالية..الوسامة والثقافة والعقل والقلب شغلات كانت بس لنديم وحدو ..خطيبي يلي عشنا قصة حب شي 7 سنين..واجت هالقذيفة واخدتو مني..كنا على وجه زواج مابقيان كثير يعني جهزت كل شي تيابي مكياجي واستاجرت فستاني الابيض كنت عم انشر بالقروبات شوفي اغاني حلوة وستايلات تااعملها بفرحي كنت ناطرة اليوم يلي تجمعنا غرفة وينقفل علينا باب..بس هالغرفة ماكان لالها باب كان لالها حجر وفوقو تراب وهو بقي لوحدو فيه وقفلو على حالو..3 سنين ماكانت كفيلة تجفف دمعتي يلي كنت ابكيها كل يوم على مخدتي كرمالو..يوم يلي اسمعت انو استشهد هيك روحي من جوا ماتت ماعاد لالي قلب ينبض ..ميتة هيك متل وقتي..

امي :- ريما امي الله يرضى عليكي حزنك مرق عليه بدل السنة ..ثلاثة عم تقتلي حالك هيك ادعيلو بالرحمة ياروحي وحاجي تصفني بصوروا وتعيدي بفيدوهات صوتوا برضاي عليكي تطلعي من هالحالة كبرت يا عمري على همك ارحميني..

..

هالندائات كلها ماكنت استجيب لالها..كنت صحيح عم اقتل حالي..بدي الحقو ..كنت لدرجة ادعي على حالي بالموت..بس مافي فايدة..مافي نتيجة لصبري..لوقت ما الدنيا دارت وضاقت بصحتها على امي..فقت على صوت صراخ ابي عم ينادي ع اخواتي اتصلو على الاسعاف..الكل كان عم يركض وانا ركضت لغرفة امي لاعرف شو في..وكانت قاعدة وتما ع جنب..كمشت ايدي ..وطلعت معهن بالاسعاف..عم يقولوا جلطة..هاي جلطة ..هيك كنت اسمع ..شلل نصفي يا دكتور..بدها فترة لتطلع من العناية..بعد مرور اسبوعين..الحمد لله على سلامتها بدها وقت لترجع لنصف الطبيعي باذن الله وهالشي عن طريق العلاج الطبيعي..

..العلاج الطبيعي على اقوال ابي ..رح يكون بالبيت ..رح يجي رجال متخصص يعمل لامي علاج طبيعي مساج ..وعلاج بالادوية ببيتنا..انا للعلم البنت الكبيرة يعني المسؤول الاول والاخير في البيت من بعد امي وابي..لهيك ابي يومها وكلني باستقبال المدعو..الممرض عمار ..

..حممت امي وجهزت الغرفة ..ونطرتوا دقت باب البيت لاستقبل يلي رح يرجعلي امي على طبيعتها لان ماكنت بدي اخسرها متل نديم.. ضربتين على الراس كفيلة بقتلي..

..زهور :- اختي الرجال اجا..

ريما :- امي هاد الممرض اوك حبيبتي رح يبلش العلاج متل ما ابي قلك..

زهور :- شو اختي فوتو

ريما :- اي زهور فوتيه لهون..

(( كان ضهري باتجاه الباب ..ووجهي لعند امي عم حاول اسند ضهرا لاجلسها منيح..كانت امي نظرها مركز هونيك ..بالباب..نظرة باتجاهي ونظرة باتجاه الباب..بان على عيونها في شي حلو او سعادة او في شي فيه امل..كانت صعب تحكي او تضحك بس عيون امي وبعرفا..

عمار :- السلام عليكم انا الممرض عمار..

(( بعدني ما التفت لاني مشغولة بترتيب امي..بس رديت قلتو وانا وجهي لامي و ضهري لالو..

ريما :- وعليكم السلام ثواني لاتواخذني بس..

عمار :- اتركيها هيك براحتها بكون احسن ..

(( التفت بوجهي..وكانت الصدمة الجديدة او لاء مابوصفها بالصدمة بوصفها بالمفاجئة..مامعقول لاء اكيد هاد حلم..مستحيل..

ريما :- نديم

عمار :- عفوا اسمي عمار الظاهر انسيت قلك..

ريما :- نديم بلا

عمار :-😊😊 الظاهر مشبه عليه ياستي متل مابتحبي نديم عمار المهم اعمل واجبي..

(( كانت نظرات امي هي لحالا عم تقلي بشبهو..اي والله يا امي بشبه نديم نفس العيون الدقن النحافة الطول..الشعر حتى رسمة الفم والشوارب..هو نفسو نديم بس بصوت واسم مختلف..لدرجة..طلبت..

ريما :- ماتواخذني بدي شوف بطاقتك

عمار :- اي حقك وهاي ياستي بطاقة التمريض ..وهاي صورتي .وهاي كمان رخصة السواقة شو مابدك لتاكيد هويتي ماعندي مشكلة..شي متعود عليه على الحواجز 😂..

(( ماكان في شي ينكر انو نديم بشخصية تانية لاء هو عمار بس بملامح نديم ..كنت فرحانة بس فرحة مو هي ..بس شي يسعدني اني عم شوفوا قدامي..نديم معقول هاد انت ..😢

زهور :- ريما تعي حبيبتي شوي

(( سحبتني اختي لاني كنت على وشك الجنون..كنت بدي قرب شمو وشم تيابو انا بحسن ميزوا بعرفوا حتى لو تنكر..بس اختي فيقتني من الصدمة..

زهور ؛- اختي شو صرلك..هاد مو نديم..لاتحرجينا دخيلك..

ريم :- شفتي ملامحو وعيونو

زهور :- شفت الله بيخلق من الشبه 40..

ريما :- زهور تعرفي هالشخص شو عمل فيني

زهور :- مممم يمكن الله بعت

#الزوجة_الثانية_بقلم_جمايكا_احمد

الجزء الثاني

في الطرف الاخر..

الساعة 10 مساءا..

عمار :- ها فايقين الحلوين..شو يامرتي ليش الصغار لهلاء مانن نايمين

لبنى: - جننوني ماعم يقبلو ينامو ..احمد ناطرك تجبلو يلي وعدتو فيه..ومرام ماعم تقبل تنام نامت بالنهار

احمد :- بابي وين الكادو

عمار :- اووف والله نسيت

احمد :-😔

لبنى :- مع اني ذكرتك اكتر من مرة..وبعدين شو سبب تأخيرك لهلاء

عمار :- كان عندي زيارة علاج منزلي

لبنى ؛- اي ولمين هالعلاج هالمرة ..ست ولا رجال

عمار :- ست

لبنى :-😑

عمار :- قد امك معها جلطة

لبنى :- اي الله يشفيها

عمار :- مافي عشا

لبنى :- بلا بس والله تعبانة من الصغار قوم بس انت اسكب لالك..

عمار :- اتعيشتو

لبنى :- اي اكلت انا واحمد ومرت عمي اجت لعنا من شي ساعتين .

عمار :- امي اي والله ذكرتيني ..صحيح بدي مر لعندا

لبنى : شو يلي اخد عقلك ..بعدين هلاء مرت عمي بتكون بسابع نومة..

عمار :- اعطتيها يلي وصيتك عليه

لبنى :- بصراحة لاء

عمار :- ليش من الصبح وانا عم قلك لاتنسي

لبنى :- صرفت منهن شي 200

عمار :- 200 ..ليش صارفة من مصريات امي

لبنى :- احتجهن ..يعني بصراحة طلعت اتمشى وعجبتني هالسكربينة..والله صرلي فترة ما جبت شي جديد..

عمار :- لبنى شو صرلك..انا من اسبوع عاطيكي 1000..

لبنى :- راحو تياب واغراض لاولادك

عمار :- بربك لا اطالعي جناني وصيتك بدل المرة مليون لاتقربي مصريات امي..مسكينة جاية اليوم تاخدهن..اتاخرت عليها فكرتني ناسيتا..لك هلاء بتقول ابني نسي يعطيني حق الدوا

لبنى :- خلص كفي 200 من عندك

عمار :- من وين كل يلي معي حق مواصلات للشغل.. شو بدي قلك هاي اول مرة واخر مرة بكمشك مصاري

لبنى :-😏😏.

عمار :- بسيطة يالبنى

لبنى :- لوين

عمار :- رايح لعند امي

لبنى :- نايمة هلاء

عمار :- قومي هاتي باقي المصاري بدي كفي من عندي وحطهن جنب راسها

لبنى :- وحق مواصلات شغلك

عمار :- بدبر حالي الله كريم

لبنى :- شلون

عمار :- اتحركي حاجي علاك...بدي ارجع لاقي مجهزة العشا..

لبنى :-😏 اتفضل

...

(( عنيدة متل العادة..بتصرف تصرفات تجبرني ما اتحمل..بكون موصيها بشي بتعمل شي تاني..وخبرتها كتير يالبنى امي شي بعد الله ..لا اتعبيني فيها..لكن ابد مصرة تنزعلي مراقي..شي تاني امي بتحب ابني احمد..كتير معلق قلبها فيه ..حفيدها الاول ..لهيك بتتحملها كتير لمرتي كرمال احمد وكرمالي..وبصراحة انا بحبها اي بحبا لبنى انا اتزوجتا عن حب..ودائما في شغلات بقلبي بتغفر لالها زلاتا..وعنادها..رغم اني شايف تقصير كثير منها تجاهي وتجاه اولادي..صفات مرتي متل كل صبية..بتحب تلبس وتكشخ على حساب اي ظرف سواء كنت بخير او ظروفي صعبة مابتقدر هالشي..ثانيا ..مافي نظام ولا ترتيب بحياتي عشوائية..الاطفال ما إلهن موعد لنومهن..البيت دائما مكركب..يعني مابترتب البيت الا بوجود زيارة لحدا من رفيقاتها او عائلتها او اخواتي..بصراحة لان اختي وامي كتير ازعجهن هالامر
...انا شغلي بمدينة تانية..واوقات من يكون عندي شغل متواصل بضطر غيب عن البيت 3 ايام..بالكثير...بتصادف الاطباق بالمجلى من قبل 3 ايام..الاكل برا البراد وصايبو العفن..تياب الاولاد والعابهن بالارض..الحفوضات بالحمام من ايام ما انشالت.. مستعدة تترك طبق قشر الفاكهة بالايام على الطاولة..وتطلع مشوار ..والحجة والمبرر مابتلحق طفلين فوق راسها..وشغل وتعب الاولاد مابينتهي..اوقات بعذرها وبساعدها بإجازتي بترتيب البيت..واوقات بطبخ عنها واوقات انا بحمم الاطفال لانها مشغولة باتصال مع رفيقتها....ام اولادي ووضعي معها محرج مافيني زعلها لاني لو زعلتا اول شي بتعملو بتترك لالي الاطفال وبتزعل لبيت اهلا..وانا مضغوط بالشغل..وامي مريضة ماقدرتها تعتني ببنتي الصغيرة وابني..لهيك بالنسبة لالي ضرب الحبيب اكل زبيب..بتذكر الاحداث اليومية والصراعات مابتنتهي..مشاكل صغيرة مابتخلى من البيت..وانا رجال اكثر شي بزعجني التطنيش.مثلا كون احكي شي..وهي ادير ضهرا وكأنها ماسمعتني..مو بس بزعجني بطالع لالي جناني..لهيك هاد دوا لبنى معي..نقطة ضعفي وهي بتستغلا ع طول..نزلت لعند امي المسكينة حطيتلا مصرياتها جنب راسها وبوستها وارجعت على بيتي بعرف مقصر معها وبالايام ممكن ماتشوفني لاني بطلع من الصبح وبرجع للمسا واوقات بغيب..وماحد ساكن بالبيت الا انا وهي..واخواتي كلهن متزوجات وانا وحيدها..لهيك مافيني فارقها بالبداية كنت ساكن عندها كنت شوفها مبسوطة ومرتاحة فيق افتح باب غرفتي لاقيها بوجهي بايدها فنجان القهوة وناطرتني لتقلي صباح الخير يامو..والله اشتهيتا من ايديها..ببوسلا ايدها وبتقلي مرتك فايقة قلا تجي تشرب قهوة عاملة حسابها..رغم حنية امي وطيبتها..الا انها مرتي ماتحملت العيشة في بيت العيلة..وبلش موال بدها سكن لحالا..بدها تعيش في بيت مستقر ..مابتتحمل بدها تلبس وتتفرع..بالاول كنت رافض ..والمبرر القوي يلي كانت كامشتها انو خواتي بس يزوروا امي بيجو معهن ازواجهن لهيك مابتاخد راحت

#الزوجة_الثانية_بقلم_جمايكا_احمد

الجزء الثالث

لبنى :- نزلت امك

عمار :- مو كان جيتي قلتي خليكي مرت عمي افطري معنا

لبنى :- اي بس ليكون بالاول في حواضر بالبيت

عمار :-😞..ليش ماصرلي يومين بالسوق

لبنى :- خلصو وابنك راح ع روضتو بلا شي

عمار :- 😔..لحقو شو مابتاكلو الا حواضر..اللحمة متروسة بالتلاجة والخضرا بدا تعفن..بتكبي اكثر ما بتعملي اطبخي شي طبخة بدل كل بتتغدو وبتتعشو وبتفطروا حواضر..

لبنى :- هلاء بدك تحاسبنا بأكلنا

عمار :- لك يالبنى انا مابحاسبك..ابنك من الصبح للعصر بالروضة واذا اجا بروح لعند ستو تغدية..والبنت اغلب وقتا نايمة انتي شو بتكوني تعملي بالبيت فهميني..البيت خمة ورمة..شوفي الاكل والعفن..شوفي الزبالة..لك التياب بالحمام بدا اطف لعند الجيران..ركبي ع الغسيل..لك حتى نشافة جايبلك.. وكل شي تحت ايديكي..شي مرة اشتهيت فوت بيتي لاقيه نضيف..مابينضف الا بالمناسبات او من تجي امي واختي يساعدوكي فيه..اي والله عيب عليكي الوقت يلي بتقضيه ع موبايلك..شوفي بيتك فيه..الوقت يلي بتقضيه بالاسواق وعند رفقاتك كل يوم شوفي بيتك فيه..انا لمتى بدي اتحمل هالتقصير كلو..ماكنتي هيك شو صرلك فجأة تغيرتي..

لبنى :- هاد حالي ماعجبك ليكو بيت ابي قلن بدك اطلقني

عمار :- شوفي لبنى انا ماني ولد صغير لاطلق والعب ببنات الناس..اصلحي حالك قبل ليجي يلي يصلحك ..

لبنى :- شو يعني ..تعااال شو يعني

عمار :- عم تمزحي لا جد عم تمزحي اتركي الكنزة..ايديك طولانين وماعاد عندك جنس الحيا

لبنى :- هلاء انا ماعدت استحي..انا شديتك صرت ماعدت استحي تعبتني اكيد هاي امك يلي بتعبي براسك بتجي قدامي بتبان الست الحنونة المسكينة ومن ورا ضهري بتبلش تحش فيني هي والحرابيات خواتك

عمار :-اخرسي 👊✋.

لبنى :- عم تضربني عمار

عمار :- وبدي كسر راسك لو ما بتحترمي حالك

لبنى :- والله لادق ع ابي ..والله ..لك وصلت تضربني الله يكسر ايديك..

(( ومن استفزازها وكلامها ركضت على موبايلها وكسرتو لالها..

لبنى :- لك لاءءءءءء الله يلعنك..والله لاطلع ما ارجع..

عمار :- اذا بتعتبي باب شقتك يمين الطلاق نازل عليكي..

(( لو بقيت شوي لكنت ضاربها تركتا تصارخ وتشتم..ونزلت لعند امي..كانت اول مرة تدهور اعصابي بالشكل هاد..مرت 7 سنين ولا مرة مديت ايدي عليها ..او اهنتها بالحكي..كنت ندمان..هدتني امي بكاسة ليمون..وطلبت مني روح استسمح خاطرها..بس الصدمة وانا طالع لعندا شفتا حاملة شنتة تيابا ونازلة ع الدرج..

امي :- لبنى وين رايحة بنتي

لبنى ؛- اشبعي فيه لابنك..

عمار :- لبنى

لبنى :- اي انا طالق..وعمريني ما ارجع..الله يصطفل فيك انت وامك واخواتك..

عمار :- لبنى..😤..

امي :- امي الله يرضى عليك صوتنا وصل للشارع ..استهدي بالله يابنتي وفوتي الله يرضى عليكي

لبنى :- مافشرتوا

عمار :- لك اتركيني امي....لمين ولي بتقولي مافشرتوا..

لبنى ؛- اي اضربني اذا كنت رجال كمان مرة..

امي :- لك خلص اتركها روحي روحي ..

عمار :- لك امي شو عملتي..لك ماسامعتيها

امي : هلاء بندق ع ابوها وبنخبروا

عمار :- لك ابو مين ابوها لابحل ولا بيربط..وامها مشية البيت..وهاي قوية متل امها..

امي :- فوت انت الله كريم

عمار :- وقع عليها يمين الطلاق..ماني مرجعها

امي :- طلقتها يامو

عمار :- الغبية قلتا لو بتعتبي باب البيت انتي طالق كسرت كلامي

امي :- اعوذ بالله من الشيطان الرجيم شو صار بينكن هيك..لك امي شو عملت هاي ام اولادك

عمار :- لك امييييي اتعبت اتعبت ..عم اتغاضى كتير كرمالك وكرمال اولادي والعشرة..

امي :- روق حبيبي هاي بنتك عم تبكي طالعة نزلها

عمار :- ليك هاي ام بلا حساس شلون فيها تترك بنتها وتنزل هيك..

امي ؛- يا امي والله صوتنا لم الجيران علينا اهدى الله يرضى عليك..تعي ياستو تعي..الله يهديها لامك..😔..

مرقت الساعة والاثنين..وكانت اعصابي تعبانة ضغط الشغل وضغط البيت..

امي :- امي كل لقمة الله يرضى عليك والله كل شي بنحل..

عمار :- مالي نفس يامو الله يخليكي اتركيني بحالي..

امي :- موبايلك برن

عمار :- هاي امها..ناطر تلفونها..

امي :- رد عليها .

عمار :- اكيد متل العادة بس انا طف فيني الكيل ..بدي ورجيها قرف بنتها..

امي :- روق امي واستهدي بالله..

عمار :- الوو اي مرت عمي..

ام محمد :- شو يلي بسمعو ياعمار هاي بنتي الامانة هيك بتضربها..شو وين نحنا عايشين بغابة..

عمار :- مرت عمي بنتك قليلة ادب ومانها مربية مابتحترمني ولا بتحترم امي

ام محمد :- بنتي مانها مربية ياعيب الشوم عليك وانا يلي فكرتك واحد من اولادي ..هيك بتقول..هاي اخرتا..

عمار :- انا ماغلطت فيكي وحقك على راسي..بس بنتك ماتركت لالي مجال عم تقلي مافشرت انت وامك بوجه امي

ام محمد :- بنتي مابطلع منها العيب الا اذا اطاولت عليها..وامك تتركها بحالها حاجتها تدخل بحياتا..متل مابناتها عايشين حياتهن تترك بنتي بحالا..

عمار :- امي مابتدخل فيها تعي شوفي بيت بنتك شلون صاير متل المزبلة

ام محمد :- الب

#الزوجة_الثانية_بقلم_جمايكا_احمد

الجزء التاسع

الحكي اختفي ..شو بدي قول ..او شو بدي اوصف ..انا هي ريما ..ريما يلي خدعت حالا من حالا..خدعت نظرها وعقلا وقلبا مستحيل يلي كنت متخيلتو كان واقعي انا صرلي اشهر عايشة بوهم..كنت عم كذب الاحداث والحقيقة..واقول مستحيل ترجع لبنى ومستحيل يرجعلا..نديم..لاء مو نديم هاد عمار ..هاد الكذبة يلي اوهمت عقلي وموتت احساسي..كان كلامو معها اهانة لالي لا كان قدران يوقفها..ولا حتى مستعطف لامري..

عمار :- بابا وين موبايلي

احمد :- مع خالتو ريما

عمار :- ريما

(( كنت كامشة الموبايل بايدي ع نفس صفحة المحادثة وعيوني كانو عم يبكو دم مو دمع..قرب لعندي اخد الموبايل وطفاه وخباه بجيبتو ..وقفل علينا الباب.. رفعت عيوني وخليتا على مستوى نظرتو لالي ..اضحكت على غبائي ..كانو دمعاتي ع خدي عم يركضو ويسابقو بعض..

ريما :- صرت مسخرة لبنى ومسخرتك

عمار :- بغض النظر كان فيكي ماتقربي موبايلي بدون اذني

ريما :- من متى موبايلك بكمشو بإذنك .

عمار :- ريما هاي لبنى بضلا مرتي

ريما :- اي مرتك بس انا ماني مسخرتكن فهمان..

عمار :- لاتعلي صوتك ..مابدي الصغار يسمعو صراخنا..

ريما :- انا ماعم صارخ انا عم احكي طبيعي معك..

عمار :- طيب شو يلي برضيكي زعلتي من كلامها حقك..وهي كمان كانت زعلانة هي الاساس وانتي الدخيلة انتي فتي اخدتي زوجا واولادها وحياتها ومن حكت ..حكت من باب الغيرة وحرقة القلب..وانا سايرتها لاني بدي مشي سنة الحياة..

ريما :- وانا مابدي دايقكن..مشي سنة الحياة بدون ما تنخنقو بوجودي..انت اتغزل بجمالا ورشاقتها واشتياقك لالها وهي تبرد قلبا باستهزائها فيني ..

عمار :- ريما انتي ماعم تفهميني ..

ريما :- بلا فهمتك..

عمار :- شو عم تعملي .

ريما :- عم جمع اغراضي..لانو تقريبا ماعاد لالك وقت كلهن يومين ..يادوب تلحق ترتب امورك لزوجتك الاساس ..

عمار :- حاجي تصرفات اولاد صغار مابدي احكي بالموضوع الف مرة..

ريما :- وانا مابدي واجه المواضيع الف مرة بالمختصر ..

عمار :- شو يعني

ريما :- كل واحد بطريق..واياك تخوفني بيمين الطلاق لاني رح روح ورح اطلق سواء قلت اي او لاء..

عمار :- اقعدي ضبي تيابك وحاجتك لعب ولاد صغار هالوضع انا فهمتك اياه من قبل لادخل عليكي وتصيري مرتي شرعا..وبدل المرة قلتو الف لهيك ما الك اي مبرر وعذر ..

ريما :- بس انا كمان لالي عذري وحاجتني ضحك على حالي..

عمار :- شو قصدك لالك عذرك..

ريما :- يعني عرفت مين عمار..

عمار :- بلشنا نخبص..ومين عمار ست ريما

ريما :- اتركني كفي ضب تيابي..

عمار :- انتي ليكون كنتي لهلاء عايشة معي كرمال شايفة فيني خطيبك الميت..

ريما :- لو كنت شايفتو فيك ماكنت اتحملت كل شي كرمالك وكرمال اولادك

عمار :- انتي مريضة..فعلا اتأكدلي انك مريضة نفسيا وهالحكي مابيطلع الا من مجنونة..ومافي بعقلا وزانة..وانا مفكرك فهمانة وعاقلة طلعتي عايشة حياتك بخيال اني خطيبك..

ريما :- لو سمحت ماتغلط فيني

عمار :- فيقي على حالك ..انا عم احكي الحقيقة انتي مريضة نفسيا..انتي بدك علاج نفسي لتفيقي من صدمة الماضي يلي عايشتيها لهلاء..

(( قلي الكلمتين..وطبق الباب وطلع وانا قلبي من جوا مو بس انحرق حسيت وقتا نديم فتح قبروا ودفني معو..ماكنت اتصور انو عمار ينعتني بالجنون والمرض النفسي من القهر والغلب..كفيت ترتيب تيابي..ويادوب اخدت يلي بقدر احسن احملو ..

ام عمار :- ريما بنتي وين رايحة واخدة شنتايتك..نازلة عند اهلك زيارة ..مو من عادتك تحملي هالتياب..

ريما :-.....

ام عمار :- شبك عم تبكي صاير معك شي..تعي تعي

ريما :- تركيني مرت عمي ..انا رايحة

ام عمار :- لوين رايحة مين مزعلك بس فهميني

عمار :- اتركيها امي خليها تروح

ام عمار :- وين تروح ..شو عم تحكي عمار اتخانقتو شي

ريما :- رايحة اتعالج من مرضي النفسي ..

عمار :- بكون احسن كرمال اولادك ..

ام عمار : استغفر الله اسكت ابني اسكت شو عم تحكي انت فوت لغرفتي فوت..بنتي تعي برضاي عليكي..تعي اذا لالي عندك خاطر

ريما :- ابوس ايديكي اتركيني روح مشان خاطري مرت عمي

ام عمار :- والله مابتروحي خلص حلفت يمين ..انا مابحسن اتخلى عنك شو مزعلك انا رح حلو وحقك عليه انا بس فهميني برضاي عليكي..

ريما :- هو بقلك مرت عمي ليش لتسأليني انا

ام عمار :- بدي اسمع منك رضاي عليكي وعلى اولادك

عمار :- لك امي اتركيها

ريما :- رح روح عمار لاتستعجل ..اساسا صار وقتا يامرت عمي ..بلش يستقلعني كرمالا

ام عمار :- لاء شو هالحكي انتي ماحد بياخد مكانك..لك ابني فوت مرتك وين مطالعها هيك بالبرد..

ريما :- لاتقلقي بروح هالبرد ادفى من قلوب كتير عالم

ام عمار :- وانا وين بدي لاقي ادفى من قلبك..الله يسعدك لاتخليني طخي كرمال ارضيكي

ريما :- اعوذ بالله مرت عمي لاتعملي هيك بس والله تعبت..

ام عمار :- تعي فوتي احكيلي شو مزعلك.

ريما :- خليني هون

ام عمار :- بنفوت ع غرفتي وبنحكي ..

ريما :- مرت عمي انا بحبك والله وبحب الاولاد مو

#الزوجة_الثانية_بقلم_جمايكا_احمد

الجزء العاشر

(( كانت مرت عمي مابدا تستقبلا للبنى لانو بعدا مكسورة منها ومن فعلتها..طلعنا ورحنا ع الدكتور لاعرف جنس اطفالي وكان ببطني بنوتين.. كنت فرحانة فيهن..وماني زعلانة على شي ..حتى مرت عمي كنت مفكرتا تزعل لانو مافي بينهن صبي لتسميه عبدالله.

ام عمار :- شو حلوين البنات الله يرضى عليهن شو طيوبات..

ريما :- 😍😍..مرت عمي مابدك نرجع ع البيت..

ام عمار :- يالا ماشي

(( صحيح اتأخرنا..كان فكرتها مرت عمي نرجع بعد جيت لبنى..مشان لا انا استقبلها وشوفها ولا حتى مرت عمي..بس للاسف رجعنا البيت وماكانت راجعة بعدا..جهزنا العشا ونطرنا متل العادة عمار ليتعشى معنا..هو واولادو..كنا قاعدين بالصالون ..واسمعنا صوت عمار واولادو..وصوتها للبنى وهي عم تضحك بصوت حلو وعالي ..متقصدة كانت تسمعني..

احمد :- تيته تيته

ام عمار :- انا هون حبيبي

احمد : ماما اجت

ام عمار :- حمد لله على سلامتا..

عمار :- امي يسعد مساكي

ام عمار :- اهلين عمار..

عمار :- طولت عليكي

ام عمار :- لاء حبيبي خد راحتك

احمد :- تيته رحنا ع المطعم واكلنا شغلات كتير طيبة..

ام عمار :- صحتين حبيبي مابدكن تتغشو يعني كنا ناطرينكن..

عمار :- لاء امي منفوخ مابحسن..كلو انتو ..

3..

(( ماعبرني كان واقف على باب ااشقة مابعمروا عملها حامل بنتو..وعم يحاكي مرت عمي شوي الا صوتا للبنى من فوق عم تنادي عليه لعمار..

لبنى :- حبيبي يالا تعا بدك تتركني ناطرة ع الباب هون ..

عمار :- اها نسيت المفتاح معي..ماشي امي طالع لفوق افتحلا الباب وطالع الشنط..

ام عمار :- خد راحتك..

...

قربت مرت عمي جنبي وقعدت تواسيني ..

ام عمار:- شو بصرلا لو فاتت ردة السلام يلي مافيو زوق مابتغير..

ريما :- بسيطة مرت عمي لاتهتمي..

ام عمار :- مانك جوعاني

ريما :- لاء مالي نفس

ام عمار :-😔 حقك هو مين لالو نفس بعد هالافعال..

عمار :- امي ..

ام عمار :- ليكني هون

عمار :- طالع لفوق مع عيلتي اذا نامو بجي

ام عمار :- خد راحتك..

(( كان صوت الضحكات وصوت الكعب العالي بسقف البيت مسموع..كانت فعلا عم تجاكرني..مرت عمي ملت بانتظارها ..عملت لالها ساندويش وجبتلا كاسة عصير لتشرب دواها وتنام..ومسكينة اكلتهن وبلشت تغفى على ايديها فيقتا وقامت نامت..وانا بعدني ناطرة عمار يعبرني حتى برسالة..كنت عم انحرق وموت هاديك الليلة الف موتة..وخاصة وقت كنت اسمع صوتها واضح من شباك غرفتي كأنها متقصدة تقرب تما جنب شباكها ليصل الصوت..غفيت بدون ما احس ..وفقت على صباح ممل لافيو صوت احمد ولا مرام ولا عمار ..لقيت مرت عمي عم تبكي

ريما :- صباح الخير مرت عمي فيكي شي

ام عمار :- صارت 11 الساعة ولا احمد راح روضتو ولا عمار طل..اشتقتلن ماهاين عليه فيق بدون مالاقيهن بوجهي..هاي اشهر يا ريما عايشين معي..

ريما ؛- مرت عمي شبك ليكن فوقنا شوي وبينزلوا..

ام عمار :-😔 ماحد ع السفرة غيري وغيرك والله كانو عاملين لالي جو

ريما :- هلاء كلن بينزلو لنفطر سوا..

(( نطرناهن ..لصارت 2 الظهر وقت اسمعنا باب الشقة انفتح..نزل عمار لوحدو..وهي عم تودعو بصوتا العالي..

لبنى :- حبيبي لاتتاخر ابوس قلبك يا قلبي..

عمار :- ماشي شوفي شو محتاجين الاولاد

لبنى :- من عيوني يانبض عيوني

ريما :- ☺ ليكو اجا

(( وللاسف بقي نازل بدون مايمر لعنا حتى يرد مساء الخير..بعد شوي ..طلع وحامل اكياس..وبالصدفة كان بوجهي..

عمار :- يالا شوي وجاي ريما

(( كفى ركض ع الدرج لفوق..بعد ماقلي هالكلمتين..سلمها الكيس ..وصار صوت البوس مقصود لاسمعو..ونزل لعنا..

عمار :- كيفك امي منيحة انتي ريما

ريما :- 😊 الحمد لله

ام عمار :- اهلين ابني

عمار :- مالها زعلانة ست الكل

ام عمار :- لا زعلانة ولا شي يامو

عمار :- طيب قومي معي

ام عمار :- لوين

عمار :- لفوق

ام عمار :- اها خير

عمار :- مرتي حابة اطيب خاطرك

ام عمار :- لا معلش انا لالي بيتي وبيتي مفتوح يامو ..اللي بدو يطيب خاطر يجيني مو انا اروح لعندو

عمار :- امي..افهمي عليه

ريما :- مرت عمي اذا بتحبو انا بروح زيارة لدار اهلي

ام عمار :- لاء بنتي مابتطلعي من بيتك هاد بيتك كمان..ويلي بدو يرجب بأهل البيت يطل علينا مابمنعو..

عمار :- طيب متل مابدك ..كانت مجهزة لالك القعدة وحابة لبنى تصلح الامور وترجع المي لمجاريها..

ام عمار ؛- كثر خيرها..

(( قعد معنا شوي..وفات الغرفة جمع كم قطعة تياب لالو من يلي غاسلتن وكاوييهن..وبجامات وشوية داخلي واخدهن لفوق لعندا..

ام عمار :- هالصبح التحس عقلو .بدو اياني روح لعندا معقول ابني هيك صار..

ريما :- يمكن مانها حابة تقابلني

ام عمار :- ليش نحنا اهل الدار جايين لنعيش عيلة وحدة ..مو نعمل احزاب من اول يوم..تفوت لعنا تندمج فينا ..

ريما :- بسيطة مرت عمي لا تكبريها مانها مستاهلة..

(( كان ماعنا شي نعملو غير نتابع شي فيلم لنسي حالنا شوية وقت..ومن الملل قمت اخدت حمام..وفتت غرفتي شي من جواتي حرك لالي غيرتي ..طالعت ا

#الزوجة_الثانية_بقلم_جمايكا_احمد

الجزء الحادي عشر

وقع مني الطبق وقت اسمعت كلاما..ماكنت اتصور عمار يأذيني لهدرجة..ماكنت بعرفوا كرمال يرضيها يوصل مو بس يسمحلا تتمسخر عليه..لاء بالاكثر يقلا شي انا وهو بس بنعرفوا..

لبنى :- يييي شو عملتي..اكيد ادايقتي..من كلامي..بس سدقيني انا حاسة فيكي ..وعارفة انك موجوعة..وحابة نكون متل الخوات..

ريما :- بعدي لو سمحتي لاتلمسيني

لبنى :- شبك عم تبكي ..مامستاهلة تنفعلي يعني هو بصراحة مابخبي عليه امبارح بالليل من كنا سوا سهرانين سهرة رومانسية قلتو ليش اتزوج عليه..اذا هو بحبني ....قلي انو شفقة فيكي.. مالازم تزعلي حتى انا شفقت..

ريما :- ماني بحاجة شفقتك..وللعلم انا عمار ماتزوجني شفقة..

لبنى :- عصبية دغري بتدايقي كنت عم اتناقش معك..

(( حملت الصنية وتركتا مشغول بفنجان القهوة..حطيت الصنية ع الطاولة وماتحملت ضلي معهن..مشيت لغرفتي ..

ام عمار :- ريما شبك ..

عمار :- ريما ريما ...

ام عمار :- اكيد هاي لبنى ابصر شو حاكيه معها..

عمار :- ريماااا

لبنى :-انا ..ماحكتلا شي..بس مابعرف شو صرلا عم قلا بدنا نصير متل الخوات الظاهر اتذكرت اختا او شي حد من عائلتها.

ام عمار :- اي باين ..

عمار :- افتحي الباب اشوف ..

ريما :- تعباني بدي ارتاح لو سمحت..

عمار :- قلت افتحي

ام عمار :' افتحي بنتي بس بدي اعرف شو صاير معك..

ريما :- ماصاير شي قلت بدي ارتاح حرام الواحد يرتاح

ام عمار :- اتركها ابني ترتاح ابصر شو صاير مزعلا.
عمار : بدك تفتحي ولا اكسر الباب..

(( قمت فتحت باب الغرفة..

ريما :- خير شو يلي بدك اياه

ام عمار :- فوت احكيها امي جوا..

(( قفلت حماتي علينا باب الغرفة..

عمار :- ليش عم تحكي معي هيك

ريما :- لسه عندك وجه تسألني

عمار :- اها بلشنا مشاكل ست ريما

ريما :- انا مابدخل بحد بس حلو عني حلو عن حياتي مالها مرتك بالماضي تبعي مادخلها..وانت ليش لتقلا عن نديم لك ارحموني بربكن ارحموني..

عمار :- هلاء كل هالعياط والبكي كرمال هالقصة..لبنى ماغلطت ..انا خبرتها وقلتلا شو احساسك كرمال لو عندها نية تآذيكي او تقهرك ما تعمل..

ريما ؛- قلتا كرمال تشفق عليه..ليش شايفتني انت ارملة زماني..ولا مقتولين اولادي..ولا شايفني شي شحادة استرت عليها..

عمار :- عيب هالحكي..

ريما :- اتركني ارتاح

عمار :- الله يصلح عقلك فكرتك اوعى من هيك..

(( طلع لبرا ..ليقعد معهن كنت سامعة حديثهن كلو من قلب غرفتي..

عمار :- لبنى شو قلنا مالازم تحكي بموضوع ماضيها لريما

ام عمار :- اي ماضي..

لبنى :' والله ماقصدت عم قلا الله يرحمو بعرف شو احساسك ..وقلتا كنت اخد نظرة عن الزوجة الثانية بس يشهد الله وقت سمعت قصتك من عمار ماهان عليه وقلت بدي اعتبرك متل اختي

ام عمار :- وصل فيك الحال ابني تقول اسرار مرتك لضرتها

عمار :- امي شبك انتي التانية

ام عمار :- المخلوقة هي قدرتها تتحمل افعالك..ماقدرتها لك ارحموها شو دخلها لبنى بحياتها لريما..ولا كل هاد كرمال لتنول رضاها..

عمار :- ياربي امي شو صرلك

ام عمار :- انا شووو صرلي

عمار :- حاجي عياط ..

ام عمار :- لابدي اعيط واصرخ من جوات قلبي..فوق كل شي عم تتحملو منك عم تزيدها عليها لريما ليش

عمار :- ماغلطت

ام عمار :- بلا غلطت..انت ولبنى من اول يوم مانكن ناووين على خير ..واذا بدك اضل على هاد الحال مابدي شوفك عندي

عمار :- امي شو صرلك

ام عمار :- مثل مابتسمع

عمار :- عم تطرديني كرمالا

لبنى :- مرت عمي اهدي اذا بدكن انا بعتذر والله ..هلاء بفوت بوس على راسها

ام عمار :- بعد شو بعد ماخربتيها وقعدي ع تلتها..

لبنى :- الله يسامحك مرت عمي ..هلاء شوفي والله رح اعتذرلا

عمار :- لبنى خدي الاولاد وروحي فوق..ماغلطتي لتعتذري

ام عمار :- طبعا ..ماغلطت بريئة.

لبنى :- الله يسامحك يامرت عمي طلع قلبك مانو صافي بالمرة عليه..الحق عليه انا 😢..

عمار :- قلت اطلعي فوق

لبنى :- حاضر حبيبي متل مابدك بصير 😢😢

ام عمار :- هالوجه اقسم بالله مانو مجبور بالمرة من تحت لتحت

عمار :- كنت اتوقع يامو تكوني احن من هيك كرمالي ..لبنى تغيرت ولو مانقرصت ما صارت هيك بس انتي وريما ما الكن صدر مفتوح ..وع العموم انا طالع وبوعدك ماتشوفي وجهي الا وانتي رضيانة عن مرتي قبلي..

ريما :- لحظة ..عمار لحظة لاتعمل هيك في مرت عمي مابصير

عمار :- خليها تنفعك يامو ..

(( طلع عم يركض لينول رضا لبنى من تاني..مرت عمي حسيتها ع لحظة وبدو يغط على قلبا..فركت ايديها ووجها بمي باردة واعطيتها دوا السكر..الظاهر ارتفع عندها من الزعل..

ام عمار :- ياخسارة..ياخسارة

ريما :- حقك عليه انا السبب

ام عمار :- الله لايسامحها لادنيا ولا اخرة..عملت المستحيل لتحرمني من ابني وصار يلي بدا اياه

ريما :- مارح تقدر عمار مابهون عليه يمر يوم بلا ما يشوفك..

ام عمار :- عمار يا ريما تنح ..واللي براسو بعملو

ريما :- انتي اهدي هلاء ومارح تشوفيه الا تحت ايديكي..

((2.
وللاسف مرق اليوم والاول والثان

#الزوجة_الثانية_بقلم_جمايكا_احمد

الجزء الثاني عشر

(( نزلت لعند مرت عمي من تاني..وفات عمار من بعدي لعندها وقفل غرفتها عليها..وبقي شي ساعة..وانا ناطرة شي ردة فعل ..او فتحة باب..كنت سامعة صوتهن عم يحكو بصوت هادئ بس ماكنت فهمانة شي..بعد ساعة لقيتو حامل مرت عمي وعم يغسلا وجها..كان باين عليها البكي..ومن بعدا قعدها بالصالون وفات للمطبخ جاب اكل وصار يطعميها..ارتاح قلبي من شفتهن رضيانين..

حملت الاكل وفتت رتب المطبخ وتركتهن ياخدو راحتهم..ومن بعدا هو غادر البيت..

ام عمار :- ريما تعي بنتي

ريما :- قليلي مرت عمي

ام عمار :- الله يريح قلبك ويقومك بالسلامة متل ماريحتي قلبي ..

ريما :- امين ارتاح بالك ع عمار

ام عمار :- اي ورح يريحلك بالك..هو وعدني بعرفوا قلبو طيب..

ريما :- الله كريم

ام عمار :- بس انتي اتجاوبي معو ولا تحملي بقلبك هو عرف غلطو ..ورايح يخلص كم شغلة وينزل الليلة لعندك روحي خدي حمام ورتبي امورك لجوزك..

ريما :- ان شاء الله..

(( ماحبيت اكسر خاطرها..بس اخدت حمام والبست بجامتى وقعدت بغرفتي بعد ما مرت عمي نامت مرتاحة..اندق باب غرفتي كان عمار جاي..استقبلتو بشكل طبيعي..

عمار :- مساء الخير

ريما :- مساء النور

عمار :- انتي منيحة

ريما :- اي الحمد لله

عمار :- شو اخبار حملك..عم تتعبي

ريما :- لاء الحمد لله كل اموري بخير..

عمار :- بعدك زعلاني..

ريما :- انا لاء مابزعل من حد

عمار :- ريما انا بعرف اني دايقتك وبعرف اني غلطت..بس والله انك ست اصيلة .رغم كل شي الا انك بقيتي متمسكة بأمي وببيتك..

(( بقي يحكي شي ساعتين..و وكان حكيو شي اعتذار وشي معاتبة..وشي يقلي عن لبنى وشو اتصرف معها..مضت ليتنا متل اي ليلة زوجية..من بعد هجر ايام..والصبح افطرنا سوا وراح لشغلو..وكان هاليوم لالي ..ويليى فهمتو من مرت عمي انو يوم لالي ويوم لالها ..وصار لازم اتعود على هيك شي ..

اول يوم قضاه معنا ..وحسيتو رغم انو عم يحاول يبين انو مرتاح..الا في شي معكر مزاجو.. بقي معنا لفترة العشا..حتى قضيت انا وهو قعدة لحالنا..وقبل الساعة 10..طلع لفوق لانو بلش يوم لبنى..وهاد الاسبوع الاول على هاد النظام يوم لالي يوم لالها.. كان مقبول نوعا ما..وكنت رضيانة فيه..وخاصة انو كان يمر يوميا لعنا..حتى بيوم لبنى..كان يجي ويطمن ويقعد ربع ساعة ويروح..

3..

اما الاسبوع الثاني..فالشي هاد بلش يتغير..وبلشت حركات لبنى تظهر ..حسيت انو هالشي ما ركب على راسها ولا عجبها..

وبيوم كان زوجي عندي ..يمكن كذب لو اتهنيت بقعدتي معو..كان الف اتصال والف رسالة..وصوت البنت عم تبكي ..وكل شويه يروح فوق..كنت قول معلش بنتو..بس هالشي اطور وقت تتمرض لبنى بالايام يلي زوجي يكون عندي..وتحجج بالحرارة والتعب ...

كان عمار فترة الصباح يفطر..ويطلع ع شغلو وبالليل وهو راجع يتعشا معنا..ونقعد سوا ..بس بهاي الفترة يا هي مريضة يا الاولاد فيهن شي..وبايام الاجازات كانت مقسمة لالنا يوم لالها ويوم لالي..يوم اجازتها..اولادها مايفارقونا..لتاخد راحتها...وتطلع تسهر وتتعشا بشي مطعم مع عمار..ويوم اجازتي ما احسن اطلع لانو اولادها عندي ..

ام عمار :- مو قالت شي ساعة وراجعة وينها لهلاء..

عمار :- دقيت مابترد متل عادتها..

ام عمار :- ابني انا بدي روح شوف خالتك..

عمار :- طيب روحي امي تيسري..

(( مرت عمي كرمال تترك لالي الجو..كانت تاخد مواعيد زيارات عند القرايب..وتطلع ..ووقت هي تروح..كمان لبنى تطلع وتقول مشوار قصير وماترجع..كانت تنكد عليه مشواري باولادها..ويروح الوقت ما احسن حتى اطلع من البيت مربوطة انا وعمار بالاولاد..واوقات كرمال ما يزعلني يضطر ياخدهم معنا..😔😔..

ووقت ترجع تتحجج مافي مواصلات او صار معها شي قصة ..

عمار :- خلص بوعدك هالجمعة تكون لالك لحالك ..

ام عمار :- قلا من هلاء للبنى بدها تطلع بدها تاخد اولادها معها مو يومها بدها تنبسط ويوم ريما بدها تنبسط على حسابها..

عمار :- ماشي امي ولا يهمكن.. اخدت مع الدكتورة غزل كرمال موعد ولادتك

ام عمار :- اي صحيح شو قالت

عمار :- قالت ولادتها قيصيرية ..لانهن توام...وبدها اندير بالنا كرمال مايصير طلق بهاي الفترة..

ام عمار :- ان شاء الله ربنا يقومها بالسلامة..

ريما :- امين

(( عمار خبر لبنى انو صار لازم تتحمل مسؤولية الاولاد منيح..وانو مرت عمي وانا ماعاد فينا حيل لنتحمل هالشي..وخاصة اني صرت على وجه ولادة..بس لبنى ماكانت تتغير..كانت حتى تياب عمار ترسلهن مع احمد
.

احمد :- خالتو ..هاي تياب بابا بدهن غسيل..

(( ماكانت تقبل حتى تغسل تياب عمار..وغير هيك انا وهي كنا مجبورين بمسح الدرج هي من فوق من عند بيتها..وانا من عند بيتي..ماكانت ترحمني..دائما الشوكو يلي احمد بشربوا مكبوب بالارض..مع انو هالشي ماكان قبل بس كنت حسو يوميا..واذا مرت عمي حكت لعمار ..هو يقلا عذروا طفل صغير مابيعرف شو يعمل ومن اسال احمد يقلي مو انا..😔

مرت ايام حملي وقربت ولادتي..والتعب والثقل زاد الضعف..صرت اذا بقعد بمكان

#الزوجة_الثانية_بقلم_جمايكا_احمد

الجزء الثالث عشر و الأخير

رواية عمار على الحدث..

(( بهاداك اليوم لاني اخدت ريما مشوار متل ما وعدتها..لبنى ماحبت تترك هالشي وحبيت اعدل بينهن..وقررت اخد لبنى كمان مشوار ..وهاد الشي صار بعد ما اتصلت عليه لبنى لتخبرني انو الاولاد تركتهن عند امها..وخاصة بعد ما دقت الباب على امي ولقت باب الشقة مقفول..

وخاصة انو امي مخبرتني انها طالعة لعند بدور فقلت احتمال كبير تكون اخدت ريما معها..

لبنى :- حبيبي يالا فرصة ماحدا بزعجنا

عمار :- طيب شي ساعة ونطلع

لبنى :- لاء هلاء ..امي مارح تتحمل الاولاد عندها كتير خلينا نروح كرمال نرجع بكير..

عمار :- طيب ع الاقل اشحن موبايلي

لبنى :- اتركوا ع الشاحن..وليكو موبايلي معي لو صار شي بدقو عليه..

(( وبالفعل طلعت..وما انشغل بالي بالمرة وقت اقنعتني لبنى بكلاما..ما اخدت موبايلي وهي كمان اتفاجأت انها نسيت موبايلها..سهرت انا واياها بمكان وقررت روح لعند امها لاخد اولادي.. وهونيك مرتي رفضت ترجع معي وقالت حابة تكفي عند اهلا سهرتا..انا من انشغل بالي على اختي بدور وبدي اعرف شو صار معها رجعت للبيت ..لقيت باب شقة امي شبه مكسور فكرت في شي حرامي فات الباب وخاصة وقت شفت الدم طار عقلي..وقمت اصرخ واركض على موبايلي لاطمن عليهن وهني وين..

ام عمار :- ابني مرتك بالعمليات..

عمار :- ليش كل هالدم

ام عمار :- صاير معها نزيف..وصلت البيت كان الباب مقفل عليها والله مابعرف مين قفلو عليها واخد المفتاح..جن عقلي..

عمار :- انا جيت لقيتو مقفول فكرتك اخدتيها معك

ام عمار ؛- مااخدتها تركتها نايمة ..والمفتاح بالعادة ماباخدو معي انا وانت بتعرف..

عمار :- انا جاي ع الطريق طمنيني شو صار ..

ام عمار :- الدكتورة غزل عندها جوا.. وماحد خبرنا لهلاء..

عمار :- طفي امي هلاء انا برجعلك..

(( عملت اتصالاتي ع المشفى وخبروني انو مرتي وضعها حرج وخاصة انو في طفلة من بناتي التوأم نزلت ميتة ..😢..يلي صار مع ريم انو حوضها شبه صغير واذا رح تولد طبيعي رح تكون عسيرة.
واحتمال يختنق الطفل..لهيك حولتها غزل للقيصري..بس اللي صار معها والنزيف الوقت يلي قضتو عم تصارخ لحالا بالبيت .. كان بنتيجة سلبية على ولادتها..وخاصة انو وحدة من بناتي ماتت بالولادة ..والتانية بالحضانة..😢😢..

ام عمار :- 😢 شو بدها تقول بس تفيق وتشوف هالشي...والله قلبي واجعني انا السبب الله يصطفل فيني وياخدني لعندو..

(( الكل ناطرها لريم تفيق من مخدر الولادة..بس فاقت خبرتها غزل بالخبر انو بنت ماتت وبنت الله يرحمها..انهارت مرتي رغم تعبها.. وماقبلت شوفها البنت الميتة..اعطيتها البنت السليمة..مع انها طلبت بدل المرة الف تشوفها ماكنت بدي وجعها بزيادة وماكنت بدي تشوف وجها كرمال ما اضلا تتحسر عليها العمر.. وتبكي عليها..كانت هاديك الايام محرجة وخبر مميت لالها وللكل..بقيت بالمشفى فترة طويلة..لقدرت بنتي التانية تتحسن..وريم تتحسن..انا كنت دافن بنتي ..واستودعتها بجنة الرحمن..

عمار :- رح انضل هيك يامو

ام عمار :- ماني قدراني يا عمار حاسة انا السبب
..ااخ لو اعرف مين قفل عليها الباب..ولو اعرف وين راح المفتاح..

عمار :- انسي امي هاد قدر ربنا والمكتوب..

رواية ريما..

فقدان وحدة من بناتي ..كان الخبر المميت التاني لالي..ومثل يلي خلص صار الموت جزء من حياتو..بس وجود بنتي وتين كان شي يريح قلبي كتير..كنت ابكي وقت شوفها وابكي بالاكثر لاني ما شفت اختها..ضل بقلبي حسرة لو بس ودعتها..

الايام كانت عم تمر..واللي صار لا انا ولا مرت عمي قدرانين ننساه مسكينة لدرجة تنام جنب سريري..تفرش فراشها وتنام خيفانة عليه وع البنت..كان ضميرها يوجعها. ... مضت 40 يوم ..وصحتي اتحسنت عن الاول..

ام عمار :- يا بحر يلي لونك ازرق لو شفت عيون وتين كان خجلت على دمك 😂😂..تقبشيني ياستو قمر مصور..

ريما :- مرت عمي

ام عمار :- اي ريما

ريما :- مانك ملاحظة انو عمار مابنام بالمرة فووق..

ام عمار :- بلا ملاحظة..

ريما :- ولبنى ماعاد لالها صوت

ام عمار :- والله هاد يلي محيرنا شو عدا مابدا شو صاير معها مابعرف..هالمخلوقة ماعاد اسمعت حسها..واولادها مضبوبين..لا عم شوفها عم تطلع ولا عم شوفها عم تنزل..

ريما :- ما سألتي عمار

ام عمار :- لاء بس حاسة في شي كبير بينو وبينها
ابني وبعرفوا..حتى عم تبعت لالو يتغدى ماعم يقبل..واستغربت كل يوم بتنزل شي طبخة لالو تحت شي جديد يختي ماكانت هيك..

ريما :- حتى انا انتبهت.

ام عمار :- سألتو يامو ليش مامرتك نزلت باركت لضرتها ..او عزتها..عيب يعني مابصير..بقلي مابدك هالشوفة..يووه استغربت معقول يلي كان طاير فيها وماشايف الا لبنى هيك بيحكي..

(( وفعلا بقي امر لبنى محيرني انا ومرت عمي..خاصة بعد الجفاوة يلي عم يتعامل فيها عمار معها..غير قفل الباب واعطاني نسخة لالي ونسخة لمرت عمي ونسخة معو..وطلب من مرت عمي ما اترك اي مفتاح بالباب الا بس انام كلنا...

(( وبقينا على هالوضع ايام..لوقت اسمعنا صو

#الزوجة_الثانية_بقلم_جمايكا_احمد

الجزء السابع

ريما :- وعمار شو كانت ردة فعلو

امي :- شو بدو يقول اول فرحتو وماحابب ينزعها..وهي امها شاطرة ملسنة عندها لسان حلو..كانت تقدر على عمار فيه..

ريما :-😂😂مرت عمي..كأنها اخر فترة صايرة تطلب تشوف اولادها كتير ماكانت هيك..

امي :- شغل نسوان..ماهو احمد الله يرضى عليه حاكي لامو رح يجيه اخو بيبي جديد..شكلا قرصتا الدودة.

ريما :- عم تبعت لعمار كتير ماحبيت اسأل بس هو بقلي عم تتصل وتبعت رسائل بحجة بدها تحاكي الاولاد..

امي :- اي من يومين كان عم يحكي معها ..صار يهمها صحة اولادها..شايفة..

..قبل يومين..

عمار :- قال بتقلي البنت نحفانة..ماحد عم يهتم فيها على اساس كانت تهتم فيها هي..

امي :- عندا موال جديد بدها تغنيه لبنى ..

عمار :- بعرف كنت حاسب هالحساب..

امي :- حتى احمد صاير يذكر امو كثير

عمار :- لو ماني طابخها وعاجنها للبنى ماكذبت احساسي..

امي :- وانت شو رايك

عمار :- اذا بينصلح حالا ليش لاء

امي :- ورأي ريما

عمار :- هالحكي قلتا اياه من اول يوم زواج....

...
ريما ؛- هو قلك هيك مرت عمي

امي :- انتي شو رايك

ريما :- بكذب عليكي لو كذبت كلامو هو فعلا حكالي هالحكي بس ماتوقعت بالسرعة هاي..وماتوقعت انو يرجعها من بعد ما اطلقت..

امي :- الله يلطف من يلي جاي

ريما :- مرت عمي ادعي ماترجع

امي :- والله يابنتي مابدعي هيك يلي كاتبو الله بصير وهي ام الاولاد.

ريما :- بس انا ماني مقصرة شفتو مني تقصير يشهد الله ماني مقصرة الله يخليكي مرت عمي شو تأمريني بعمل كمان..بس لاتوافقيه ليرجعها

امي :- بحاول حاكيه انا خلص لاتزعجي حالك..

..
في المسا..

ريما :- انا جهزت العشا

عمار :- شبك قالبة خلقتك مانك حابة تتعشي معي

ريما :- سبقتك مع مرت عمي والاولاد

عمار :- مو من عادتك حتى لو اكلتي مع امي الا تحبي تشاركيني في شي مدايقك اقعدي..

ريما :- لاء مافي شي

عمار :- هاتي كاسة مي

ريما :- اي تكرم

(( كنت حاملة كاسة المي وايدي عم يرجو وتفكيري مشتت وعقلي مو معي والف كلمة بدي احكيها..

عمار :- شفتي في شي..لو ماصاير معك شي مابترج الكاسة بايدك..قليلي في شي ببالك

ريما :- بس نفوت الغرفة بنحكي

عمار :- اها تمام..قومي لنفوت

ريما ؛- مابدك تكفي عشاك

عمار :- لاء

ريما :- عمار بس اتعشى بعدين بنحكي

عمار قلتلك قومي

...

في الغرفة..

عمار :- قولي ليكني سامعك صاير معك شي..

ريما :- لاء بس خايفة تزعل لو سألتك

عمار : لاء مابزعل

ريما :- وعد

عمار :- مابوعدك بس مابزعل

ريما :- انت بدك ترجع طليقتك

.

عمار :- مو ببالي الموضوع حاليا بس انا خبرتك من اول ليلة سوا هالشي احتمال يكون وارد

ريما :- انت بدك ترجعها لانك بتحبا

عمار :- مو شرط بس بضلا ام اولادي ..يعني هي احق فيهن
..وقبل لتكفي بعرف انك مابتقصري ويلي عملتيه هي ماعملتو كرمالهن..بس هي بضل امهن ومابدي اظلم اولادي واحرمهن هالشي..وخاصة بعد ما احمد حسيتو عم يحكي بأمر امو كتير..

ريما :- يعني عندك نية لترجعها

عمار :- مابكذب عليكي اي..بس طبعا اذا قبلت بشروطي واذا ماعجبها الله معها..عدتها يمكن خلصت على ما اعتقد..لهيك على كل الاحوال الموضوع مو وقتو..وبدي منك تتقبلي الامر لانو هالشي كنت واضح معك فيه من البداية..قومي لنتعشى سوا

(( تركني وانا قلبي بلش يوجعني فكرة انها ترجع مرتوا تشاركني فيه كان شي مانو مقبول صح هي الاولى..بس انا لالي قلبي ومشاعري ..حاولت مع الايام اتقرب اكثر من احمد واشتري لالو بكل مصروفي كل يلي بطلبو وادللو كرمال يبطل عن الحكي عن امو..بس يلي كنت شوفوا غير هيك ..قوة لبنى على اولادها اقوى مني حتى لو كنت حنونة عليهن..مرقت الشهور الاولى ..

امي :- بنتي اطلعي من يلي انتي فيه خلص حاجي تفكري فيها لاتنغصي عيشتك بكرة عمار بمل من هالحكي والتصرفات والاسئلة..

ريما :- مرت عمي والله عارفة بس ماحد حاسس باحساسي..

امي :- بلا يا بنتي انا والبنات كلنا معك وبنحبك..ومستحيل اذا رجعت تاخد مكانتك..وابني يلي انا بحبو هو بحبو كمان..واذا رجعها بكون رجعها كرمال اولادو..وانتي لالك الحصة الاكبر..بعدين هالنونو جاي ..وبدنا نروح على مستوصف عمار اخد موعد العصر مع الدكتور كرمال نشوفوا هلاء بكون كبر وبنشاف بالتلفزيون هاد تبع الدكتور..

ريما :- االايكو

امي :- اي مانك متشوقة متلي

ريما :- بلا..

امي :- طيب قومي نجهز الغدا..ونروح قبل رجعة احمد من روضتو ..يالا بنتي..

(( رغم انو يلي ببطني معروف اسمو عبد الله الا كنت من جوات قلبي مصممة انو اسمو الياس..احساس متناقض جواتي ماحد بيفهمو..انا بعدني عايشة على ذكريات..ووهم قديم..عم شوف عمار اوقات بشخصيتو الحقيقة وكرمال اتعايش واتحمل هالاجواء كنت اتخيلو نديم..هالاحساس كنت مخبيتو بيني وبين حالي..الخوف انى ارجع افقد عمار مرة تانية..او حد يشاركني فيه مو لانو زوجي يلي بعرفوا فيه..وباسمو عمار..لاء..الاحساس المخفيف يلي عشتو عن فقدان نديم هو يلي عم يتعايش بعدو معي مستعد

#الزوجة_الثانية_بقلم_جمايكا_احمد

الجزء الثامن

(( كانت فرحة حماتي وفرحتي مابدها كلام..الياس ووتين اكيد هادولي صبي وبنت..اشوفهن عم يركضو قدامي ..من حسيت اني رح جيب اتنين حسيت ميزاني اتعدل ورح صير ام اولادك الاثنين كمان واكيد لبنى مارح يثقل ميزانها عندك اكثر مني..واكيد رح تتغير افكارك كلها برجعتها..ان شاء الله..هالحديث كان بيني وبين حالي..كفينا مشوارنا لمدرسة احمد ..واخدناه معنا للمطعم يلي عزمنا عليه عمار بمناسبة الحمل بتوأم..كان الكل فرحان وعم يخططو شو يسموهن ..ارجعنا على البيت بعد قضاء طويل ليومنا بفسحة عائلية..الكل فات ينام..نيمت البنت واحمد..واخدت حمام ..وفتت غرفتي لاستقبل جوزي بوجهي البشوش يلي هو بحبو ..راجعت حالي وقررت منيح اني ما اعطيها فرصة لتاخدو مني..

عمار :- شو هالحلو هاد

ريما :- عجبك

عمار :- كثير جديد هاد

ريما : لاء بس انا ماكنت البسو قبل..لانو شوي كان واسع بس هلاء مع هالبطونة..ها بلش يناسبني..

عمار :- دخيل البطون واللي جوا البطون..وام اللي جوا البطون..تقبروني كلكن الهي..لك بموت ع الاطافيل انا

ريما :- بعيد الشر ان شاء الله بتشوفهن كلن قدامك ابن عمي ..وبترفع راسك فيهن

عمار :- الله يخليلي اياكي يا احن صبية بالدني كلا..

وفعلا خطتي كانت ماشية متل مابدي ..نسي عمار فكرة ترجيع لبنى..لاني ماتركت طريقة الا عملتا كرمال يتخلى عن هالفكرة اهتمام زائد بالاولاد..وبمرت عمي وفيو..لدرجة صار يشفق عليه ومابدو يزعلني بالموضوع..بس وقت صرت بالشهر السادس صدمني

عمار :- تعي امي ..تعي ريما

امي :- اي جينا حبيبي خير يامو خبرنا في شي..

عمار :- حابب احكي معكن بموضوع

امي :- خير يارب في شي صار معك

عمار :- انا يامو رايح رجع لبنى..

ريما :- شوو😲 عمار

عمار :- لحظة ريما لاتكفي

ريما :- مرت عمي قولي شي

امي :- اهدي بنتي خليه يكفي

عمار :- انا رايح رجعها هلاء..الشيخ رايح معي لاكتب عليها كتاب جديد..بدون مقدم ولا مأخر..لانها قبضتهن كلهن بطلاقها..هي راجعة بشروطي ومتل مابدي ..انا عارف انو هالموضوع صعب عليكي..بس انتي حامل بإثنين ويوم عن يوم عم شوفك عم تتعبي الضعف..وهي احق بالتعب هاد ..انتي بدي تتفرغي لاولادنا الجايين..بوعدك قدام الله برجعتها مابقصر معك وحقك بيصلك وزيادة ومتل ما الها في لالك..

ريما :- انا شكيتلك بتعبي انا رضيانة ياعمار انا قبلانة حطهن بعيوني

عمار :- بعرف..بس ابني بدو امو..وهي شاطرة عم تضغط عليه بإبني عارفة انو نقطة ضعفي..وانا مافيني احرم ابني من هيك شي..

ريما :- مستحيل هالحكي احمد ماقال هالكلام..انت يلي بدك ومن زمان..ليكني ماني مقصرة وشايلتك انت ومرت عمي والاولاد على عيني وراسي ليش لتكسرني فهمني..

عمار :- هاد الموجود

ريما :- وانا مابقبل فيه..

عمار :- انا رايح تصطفلي عجبك ولا ماعجبك

ريما :- وانا ماعجبني وانا رايحة قبلك..طالما انا ماني مقصرة هي مالها حق ترجع ..

عمار :- لوين رايحة

ريما :- روح رجعها انا مابدي انغص العيشة عليك وعليها

امي :- ريما بنتي..استهدي بالرحمن خلينا نتفاهم

عمار:- اتركيها امي..اذا ريما الشعلان وتطلع من غرفتها ..لتكون طالق..

امي :- والله انك مجنون مرة تانية يامو انت بعقلك شي

عمار :- هاد يلي بدها تفهمو انا الرجال بالبيت وانا يلي بقرر مافي مرة بتكسر كلمتي مفهوم..

امي:- يا ابني خلص روح

عمار :- لاء ناطرها لتطلع..

(( وقت اسمعت تهديدو قفلت على حالي باب الغرفة..سامعة مرت عمي عم تقلو يهدى وحاجي يكبر براسو سمعتا بتقلو ليش هالمصيبة بهيك وقت انطرها لتولد..اسمعتا بتقلو انو ليش ليكسرني طالما عم اعمل المستحيل..مرت عمي دافعت عني..بس عمار كان مصمم..وانا ماكنت بدي اطلق ..ماني حابة اخسر هالوجه..😢..ماني حابة افقدو من تاني..ماني حابة اتوجع.. استهديت بالرحمن..وقعدت على سريري عم اقرا سورة الواقعة..ووكلت امري لربنا ..ومابعرف كيف غفيت..رغم وجع قلبي..

عمار :- لهلاء ماطلعت..

امي :- ابني قوم شوفها ليكون صاير معها شي من الزعل

عمار :- استغفر الله بعدين مع هالنسوان..مقفلة على حالا الباب..

امي :- فوت من الشباك ..

( ماكان عندي طريقة الا نط من الشباك لقيتا نايمة وجنبها المصحف وعيونها باين عليهن مورمين من البكي ..انكسر قلبي عليها وحسيت قديش في فرق بينها وبين لبنى رغم انو لبنى كسرت كلمتى وقتها وشتمتني وطلعت...تركتا نايمة ..غطيتا..وانا قلبي مشغول فيها

امي ؛- طمني

عمار :- نايمة

امي :- بدك تروح

عمار :- اي امي الرجال والشيخ ناطرني

امي :-😔..وريما

عمار :- خليكي حواليها انا مارح جيب لبنى هلاء لتهدى الاوضاع ..بس مشان وعدت الرجال..

(( رحت لبيت ام محمد ..ورجعت لبنى على ذمتي وطلبت منهن اسبوع قبل لترجع على بيتها اتحججت بترتيب البيت..بس الفكرة مو هون..هالاسبوع كنت حابب خفف عن ريما هالموقف.. قابلت لبنى ..يلي كانت متغيرة كليا شكلا جسما..حتى عاملة عمليه تجميل لانفها..كانت جدا حلوة..وكنت مشتاق لهيك رشاقة وخاصة بعد حمل ريما با