قدام المراي واقف جاد عم يزبط بغرافته... لبس نظارة طبية و سرح شعره لورا بطريقة مرتبة... لبس جاكيت البدلة و حمل الشنتة الدبلوماسية و تأكد من وجود السماعة على أذنه... توجه مباشرة للبنك... وقفه الحارس على الباب اعطاه جاد بطاقته الشخصية و بعدها سَمحله يدخل... مشي لعند باب خاص و ما بيفتح إلا ببصمة ... اطلع يمين شمال بعدها فتح شنتته و طلع فلاشة دخلها بالجهاز و بشوية لعب منه فتح الباب... اخد نفس و مسح جبينه من التوتر
#جاد (مسك سماعته) : فتحت الباب الاول
#تيم : برافوا... تابع طريقك بس حاول تسرع قبل ما تنكشف
#جاد : عُلم
تابع جاد طريقه لحتى وصل لباب تاني أكثر أمان.... لما حاول يفتح الباب سمع صوت دعسات شخص قريبة ارتعب و حس انها النهاية... توتر كتير و حاول يتخفى بأي مكان بس هو ممر متوسط الحجم ما في غير هي الغرفة... جرب يستعجل بفتح الباب بس عبث كل شي وقف بوجهه ... غمض عيونه و اخد نفس ( اااااخ كل شي بيعتمد على نجاح مهمتي) لما فتح عيونه كان مراد قدامه.... لما شافه قعد على الارض من التوتر
#مراد : شُبك.. جيت ساعدك .. يلا قوم ما في وقت
#جاد : كان قلبي رح يوقف... اوووووف
#مراد : ههههههه اسف
وقف جاد و دخّل الفلاشة بالجهاز اما مراد عم يراقب و يستعجل فيه.... و قبل ما يضغط على الزر الاخير ليفتح الباب سمع تيم عم يقول......
#تيم : جاد انتبه... الباب اللي عم تفتح فيه هلا عليه نظام أمان... حاول تعطل نظام الأمان بالأول لانه أي اختراق رح يزمر الجهاز
#جاد : شكرا تيم... رح حاول
فتح جاد شنتته بالكامل ضغط على زر موجود بالشنتة و فتح قدامه شاشة لاب توب... شبكه مع الجهاز و اشتغل على انه يعطل نظام الامان .... هالشغل اخذ منه وقت اكثر من المتوقع... بس خلال 5 دقائق كان نظام الأمان معطل و فتح الباب
(((تنويه : الاجهزة اللي معهم كانت موجودة بالباص اللي اخده تيم اول القصة)))
#جاد : تم
#تيم : ممتاز.. بس هلا خلال 10 دقائق رح يكتشفوا الخلل حاول تخلص شغلك خلال هالوقت
#جاد : تمام
دخل جاد على الغرفة و بظهره واقف مراد ... بس انصدموا لما شافوا زلمة قاعد بالغرفة لما شافهن رفع مسدسه .. قبل ما يأوص ركض مراد و رجع ايده لورا ظهره و وقّع السلاح منه.. ضربه على رقبته و وقع الزلمة بالارض..... ركض جاد على الاجهزة و فتح على حساب "شركة ألما" و كان حسابهن 50 مليون دولار... نقل كامل المبلغ لحسابين تانيين واحد باسم "شركة تيم" و واحد باسم "شركة سالم" .... ظهر عنده على الشاشة انه باقي 15 دقيقة على عملية النقل
#جاد : تيم بدي 7 دقائق زيادة
#تيم : ليييييش!!!!
#جاد : كان في رجال بالغرفة و اخد منا وقت لنوقفه
#تيم : اممممم.... طيب رح حاول ماطل بالموضوع من عندي.... انت انتبه
#جاد : اوووك
فكر تيم يدخل على انظمة البنك بس خاف هالشي يعمل عائق بدل ما يساعدهن.... قرر يرن على موظفين المراقبة و استخدم معدّل صوت حتى يبين انه المدير... جاد حاول يسرع بعملية النقل بس ما زبط
#جاد (بتوتر) : يلاااا... انقل بسرعة اوووف
#مراد : شو صار معك جاد؟؟؟
#جاد : عم يحمّل... ما بقدر العب فيه و خليه أسرع
#مراد : طيب... بس جهز حالك نطلع فورا
#جاد : اوك... (ضغط على سماعته) تيم... تيم!!! اووووف ما عم يرد
#تيم : إي جاد
#جاد : مسحت تسجيل الكاميرات؟؟؟؟
#تيم : هه عيب... اكيد مسحتهن... هلا انتبه لازم تطلعوا فورا
#جاد : عم حاول
مسح جاد جبينه لما طلع على الشاشة "تمت عمليه النقل بنجاح" ارتاح كتير و اخد أغراضه و طلع فورا هو و مراد... بس ما رجعوا من نفس الطريق لانه البواب تسكرت تابعوا مشيهم بناءاً على تعليمات تيم... وصلوا باب الطوارئ و نزلوا الدرج بس شافوا بوجههم عامل النظافة
#العامل : ليش نزلتوا من هون؟؟؟
#جاد : ا.. اسهل (و ابتسم)
#العامل (بشك) : إي ... بس يفضل تطلعوا من الباب الرئيسي
#جاد : ان شاء الله .... هلا نحن مستعجلين فيك تفتحلنا طريق
#العامل : تفضلوا
مشيوا بهدوء لبين ما بعدوا عن الزلمة و بعدها ركضوا بسرعة و طلعوا من البنك... كان علي عم يستناهم بالباص ... أشرلهن مشان يسرعوا... طلعوا معه و مشي بسرعة للبيت
*********************************((2))
قاعد تيم بغرفته عم يراجع بتفاصيل الخطة ... رن تلفونه
#تيم : اهلا... كيفك
-- (تمام ... شو صار معك؟؟؟)
#تيم (ابتسم) : المرحلة الاولى خلصت... جاد عمل مهمته على اكمل وجه
--( كتير منيح.... اول هم انزاح عنك .... مع انه هالشي مو راضي عنه ابدا)
#تيم : طيب فهم.... (سمع تيم صوت برا غرفته مع انه بيعرف ما في حدا بالبيت) بحكي معك بعدين ... في صوت برا رح شوف
--(اوك)
سكر تيم الخط و سحب مسدسه عن المكتب ... مشي شوي شوي و فتح باب غرفته... اطلع يمين شمال و ما شاف حدا... مشي بخطوات حذرة و شاف خيال بالمطبخ توجه لهنيك.... رفع مسدسه و بدو يأوص.....
