#الغريب_قصص
#الغريب_6 #الغريب
@rwayate
الحلقة السادسة
قلي هاد البيت اللي توفى فيه هالموته البشعه ومن يوم ما توفى ومرته صارت تشوف خيالات مرعبه كل يوم وتيجي لعنا تبكي.. كل ليلة تشوف الطريقة اللي نقتل فيها زوجها وأكتر من شخص بقتلوه وبعذبوه وتشوف زوجها بدخل عليها على الغرفة بدون عيون وبدون ملامح وكله دم ومرات بدون راس وتصحى تلاقي نفسها بتحلم .. كوابيس مزعجة شافتها عدا عن صرخات زوجها اللي كانت تسمعها بالواقع من الغرف التانية اللي بالبيت!!.. ومن وقتها سكرنا البيت واجت سكنت عنا وبعد ما الجيران كلهم صارو يسمعوا اصوات صراخ وضرب بتطلع منه والجيران وصلت معهم انهم اتهمو مرته انها على علاقة مع حدا بتتخانق معاه بالبيت! وانه بضربها وبعذبها وهالشخص هوه اللي قتل زوجي بس بعدين وضحنالهم انه البيت صار فيه هيك من بعد الجريمة.. طهرنا البيت وجبنا حدا يقرأ ادعية بالغرف بس هالشي ماجاب نتيجة لأنه الشغلة شكلها اكبر من هيك واللي صار بالنسبة للكل كتير غريب! والبيت صار مسكون وروح فؤاد شكلها محبوسة جواته وبدليل الشغلات اللي شهدت عليها مرته واللي سمعوها الجيران بنص الليل.. فإذا انتي بتعرفيه احكيلنا وريحينا واذا انتي قتلتيه احكيلنا عشان نساعدك.. حلفتلهم اني مابعرفه لا من بعيد ولا من قريب وأنا مافيه أقتل أنا جاي اعرف الحقيقة منكم وبس.. حكولي هاد الحكي اللي عنا واذا صار معك شي جديد احكيلنا.. وبنتشرف فيكي.. طلعت من البيت مرعوبة وعيوني على البيت اللي جنبهم ! كيف كنت بدي ادخله بكل قوتي !! كيف بده يجيلي قلب ادخله بعد الكلام المخيف اللي سمعته.. وكيف بدي اعمل اللي طلبته مني ام فارس .. مارح اقدر اعمل هالشي الا اذا بدي اشيل قلبي واحط مكانه قلب حديد مابحس ولا بشعر بشيء.. رحت لأم فارس فوراً وكنت لحالي قالتلي شفتي الموته اللي ماتها فؤاد ؟ هاي الموته اللي رح تموتيها بالزبط.. رح يجي شخص غريب يفصل راسك عن جسمك ويشيل عيونك من جوا جمجمتك ويقّطع أعضائك ويغرز بجلدك سكاكينه.. وهالشي اللي حسيته بس ماقدرت اقوله وحالياً بقدر احكيلك انه لا تنسي انه بقيلك عشرين يوم من حياتك واللي مفروض عليكي تحفري قبره بإيدك وترمي جواته الورق اللي شفتيه واجت عينك عليه.. ومع صورته كمان.. احرفي لحد مايطلعلك وتشوفيه بعيونك بما انه ماصارله زمان متوفي.. يعني اقل من شهر ولسه اكيد ماتحللت كل جثته بالقبر وما لحقت الديدان توكل جسمه.. خلي قلبك قوي.. وحتى تجتازي هالمهمة لازم تواجهي هالمهمة لحالك فقط! .. تروحي المقبرة بالوقت اللي نقتل فيه فؤاد بالزبط.. ويارب ما اكون خربطت بشي ! .. وتأكدي رح يروح كل هالشي عنك وينقلب عالشخص اللي كان المفروض ينأذى!.. حكيتلها بركي امي هاد الشخص؟! بركي بابا.. أنا بتمنى اموت أنا ولا اخسر واحد منهم مابدي اكون انانية مابدي !! .. حكتلي اذن موتي هيك موته واشبعي موت .. لازم تكوني انانية مش بإيدك فاهميتني!! .. بكرا بالليل روحي على المقبرة اللي حكولك دفنوه فيها وبالوقت اللي حكولك توفى فيه.. والله معك.. طلعت ببكي من بيتها ومش عارفة شو اعمل !؟ تفكيري نشل وروحي نفصلت عن جسدي والخوف سكن جواتي.. روّحت على البيت وكنت برجف .. ماما سألتني مالني ماجاوبت حكيتلها بكرا رح انام عند لما.. حكيت مع لما وقلتلها شو رح اعمل .. وبس اخلص المهمة فوراً رح اجي انام عندها.. ماما حكت لبابا ومشي الموضوع بسرعه.. داليا شكت أنه رح اعمل شي بكرا لأنها شافتني طول الوقت عم ببكي بالتخت وبرجف من الخوف.. حسيت بشكها بس ماحكتلي هالشي.. اليوم التاني اجا.. صارت الساعه سبعة وصرت مستعدة .. الوقت اللي توفى فيه فؤاد كان تمنية ونص .. حطيت الورق والصورة بشنتة صغيرة بإيدي ومنكوش بكيس زبالة طويل .. ركبت تكسي وحكيتله على اسم الشارع.. نزلت بعيد شوي عن المقبرة .. وقفت على بابها وقلبي برتعش واللي لاحظته وصدمني أكتر إنه كان رقم المقبرة سبعمية وأربعة وعشرين!! .. فتحت الباب وشفت القبور والهدوء الفظيع اللي ساكنها.. قربت من كل قبر وشغلت المصباح اللي جبته معي وصرت اتفحص اسم كل شخص على القبر لأنه كانت عتمة كتير.. ضيعت المكان اللي أنا فيه من كتر ماقرأت اسماء على القبور.. وضعت وتهت بين الأموات.. رعشات قلبي ماوقفت ثانية .. بعد وقت طويل لقيت القبر.. كان جديد ولسه مش مبني منيح.. وتربته لسه جديدة كمان.. المكان كان قاتل للهدوء.. طفيت تلفوني وحكيت لازم انقذ نفسي.. عشان احلامي عشان طموحاتي عشان بدي اعيش!.. حملت المنكوش ووجهته ناحية القبر وصرت احفر بالتربة.. الجو تغير وصار بارد وأنا ماعدت حسيت بجسمي لأني لابسه لبس خفيف وصرت احفر بالقبر بدون احساس ووأخيراً وصلت لنصه.. حسيت في جسم عم يطلعلي من التربة .. إيد أو طرف لوجه.. حفرت شوي كمان ولقيت طرف من وجهه فؤاد طالع من القبر .. حكيت وصلت وماضل شي شوي ورح اكشف عن وجهه واشوفه.. حفرت كمان شوي المنكوش علق جوا.. حاولت اسحبه ما انسحب .. سحبته بأقصى ما عندي من قوة وحسيت فعلاً انه طرف من وجهه غاص فيه المنكوش..
#الغريب_6 #الغريب
@rwayate
الحلقة السادسة
قلي هاد البيت اللي توفى فيه هالموته البشعه ومن يوم ما توفى ومرته صارت تشوف خيالات مرعبه كل يوم وتيجي لعنا تبكي.. كل ليلة تشوف الطريقة اللي نقتل فيها زوجها وأكتر من شخص بقتلوه وبعذبوه وتشوف زوجها بدخل عليها على الغرفة بدون عيون وبدون ملامح وكله دم ومرات بدون راس وتصحى تلاقي نفسها بتحلم .. كوابيس مزعجة شافتها عدا عن صرخات زوجها اللي كانت تسمعها بالواقع من الغرف التانية اللي بالبيت!!.. ومن وقتها سكرنا البيت واجت سكنت عنا وبعد ما الجيران كلهم صارو يسمعوا اصوات صراخ وضرب بتطلع منه والجيران وصلت معهم انهم اتهمو مرته انها على علاقة مع حدا بتتخانق معاه بالبيت! وانه بضربها وبعذبها وهالشخص هوه اللي قتل زوجي بس بعدين وضحنالهم انه البيت صار فيه هيك من بعد الجريمة.. طهرنا البيت وجبنا حدا يقرأ ادعية بالغرف بس هالشي ماجاب نتيجة لأنه الشغلة شكلها اكبر من هيك واللي صار بالنسبة للكل كتير غريب! والبيت صار مسكون وروح فؤاد شكلها محبوسة جواته وبدليل الشغلات اللي شهدت عليها مرته واللي سمعوها الجيران بنص الليل.. فإذا انتي بتعرفيه احكيلنا وريحينا واذا انتي قتلتيه احكيلنا عشان نساعدك.. حلفتلهم اني مابعرفه لا من بعيد ولا من قريب وأنا مافيه أقتل أنا جاي اعرف الحقيقة منكم وبس.. حكولي هاد الحكي اللي عنا واذا صار معك شي جديد احكيلنا.. وبنتشرف فيكي.. طلعت من البيت مرعوبة وعيوني على البيت اللي جنبهم ! كيف كنت بدي ادخله بكل قوتي !! كيف بده يجيلي قلب ادخله بعد الكلام المخيف اللي سمعته.. وكيف بدي اعمل اللي طلبته مني ام فارس .. مارح اقدر اعمل هالشي الا اذا بدي اشيل قلبي واحط مكانه قلب حديد مابحس ولا بشعر بشيء.. رحت لأم فارس فوراً وكنت لحالي قالتلي شفتي الموته اللي ماتها فؤاد ؟ هاي الموته اللي رح تموتيها بالزبط.. رح يجي شخص غريب يفصل راسك عن جسمك ويشيل عيونك من جوا جمجمتك ويقّطع أعضائك ويغرز بجلدك سكاكينه.. وهالشي اللي حسيته بس ماقدرت اقوله وحالياً بقدر احكيلك انه لا تنسي انه بقيلك عشرين يوم من حياتك واللي مفروض عليكي تحفري قبره بإيدك وترمي جواته الورق اللي شفتيه واجت عينك عليه.. ومع صورته كمان.. احرفي لحد مايطلعلك وتشوفيه بعيونك بما انه ماصارله زمان متوفي.. يعني اقل من شهر ولسه اكيد ماتحللت كل جثته بالقبر وما لحقت الديدان توكل جسمه.. خلي قلبك قوي.. وحتى تجتازي هالمهمة لازم تواجهي هالمهمة لحالك فقط! .. تروحي المقبرة بالوقت اللي نقتل فيه فؤاد بالزبط.. ويارب ما اكون خربطت بشي ! .. وتأكدي رح يروح كل هالشي عنك وينقلب عالشخص اللي كان المفروض ينأذى!.. حكيتلها بركي امي هاد الشخص؟! بركي بابا.. أنا بتمنى اموت أنا ولا اخسر واحد منهم مابدي اكون انانية مابدي !! .. حكتلي اذن موتي هيك موته واشبعي موت .. لازم تكوني انانية مش بإيدك فاهميتني!! .. بكرا بالليل روحي على المقبرة اللي حكولك دفنوه فيها وبالوقت اللي حكولك توفى فيه.. والله معك.. طلعت ببكي من بيتها ومش عارفة شو اعمل !؟ تفكيري نشل وروحي نفصلت عن جسدي والخوف سكن جواتي.. روّحت على البيت وكنت برجف .. ماما سألتني مالني ماجاوبت حكيتلها بكرا رح انام عند لما.. حكيت مع لما وقلتلها شو رح اعمل .. وبس اخلص المهمة فوراً رح اجي انام عندها.. ماما حكت لبابا ومشي الموضوع بسرعه.. داليا شكت أنه رح اعمل شي بكرا لأنها شافتني طول الوقت عم ببكي بالتخت وبرجف من الخوف.. حسيت بشكها بس ماحكتلي هالشي.. اليوم التاني اجا.. صارت الساعه سبعة وصرت مستعدة .. الوقت اللي توفى فيه فؤاد كان تمنية ونص .. حطيت الورق والصورة بشنتة صغيرة بإيدي ومنكوش بكيس زبالة طويل .. ركبت تكسي وحكيتله على اسم الشارع.. نزلت بعيد شوي عن المقبرة .. وقفت على بابها وقلبي برتعش واللي لاحظته وصدمني أكتر إنه كان رقم المقبرة سبعمية وأربعة وعشرين!! .. فتحت الباب وشفت القبور والهدوء الفظيع اللي ساكنها.. قربت من كل قبر وشغلت المصباح اللي جبته معي وصرت اتفحص اسم كل شخص على القبر لأنه كانت عتمة كتير.. ضيعت المكان اللي أنا فيه من كتر ماقرأت اسماء على القبور.. وضعت وتهت بين الأموات.. رعشات قلبي ماوقفت ثانية .. بعد وقت طويل لقيت القبر.. كان جديد ولسه مش مبني منيح.. وتربته لسه جديدة كمان.. المكان كان قاتل للهدوء.. طفيت تلفوني وحكيت لازم انقذ نفسي.. عشان احلامي عشان طموحاتي عشان بدي اعيش!.. حملت المنكوش ووجهته ناحية القبر وصرت احفر بالتربة.. الجو تغير وصار بارد وأنا ماعدت حسيت بجسمي لأني لابسه لبس خفيف وصرت احفر بالقبر بدون احساس ووأخيراً وصلت لنصه.. حسيت في جسم عم يطلعلي من التربة .. إيد أو طرف لوجه.. حفرت شوي كمان ولقيت طرف من وجهه فؤاد طالع من القبر .. حكيت وصلت وماضل شي شوي ورح اكشف عن وجهه واشوفه.. حفرت كمان شوي المنكوش علق جوا.. حاولت اسحبه ما انسحب .. سحبته بأقصى ما عندي من قوة وحسيت فعلاً انه طرف من وجهه غاص فيه المنكوش..
