#الــــورقـــه_الـــرابـــحـــه
#الــجــــزء_الــرابــــع_عـــشـــر
#بــقـــلمي_امـــل_احــمـــد_ســــلوم
@rwayate
*╚══════ღღ══════╝

تاني يوم الصبح كالعادة الكل لآزٍمٍ يكون مجموع عصفرة الفطور ..

كان واضح م̷ـــِْن تصرفات نهال انها مبسوطة وابتسامتها الحلوة مافارقت ثغرها الصغير... لدرجة خلت كل الحاضرين يستشعرو هالشي.

ياسمين: شو ماما نهال ..شايفتك مبسوطة
نهال: شو كمان البسط بهالقصر ممنوع؟
ياسمين «اتغيرت ملامحها واتطلعت بجاسم »:....
جاسم: مين حكا انو البسط ممنوع وخصوصي الك يا عمري ...

كان أمير حامل الشوكة والسكين وعم ياكل بكل هدوء وهوة شارد ... فكرو ابدا ماكان مرتاح كان مبسوط انو رجع شاف رواد بس يلي كان قاهرو زواجها م̷ـــِْن باجس ...

دعاء «حطت قدامو فنجان الشاي وانتبهت عليه كيف عم يمضغ وهوة شارد »:اميير .. امييير
امير صحي اخيرا م̷ـــِْن شرودو: اه..اي رواد

انصدمت دعاء واتطلعت بباقي أفراد العيلة وشافت وجوهون اللي ماعد تفسرت بس غلط أمير بإسمها ...

بس صدمتها ماكانت اكبر م̷ـــِْن صدمة شمس.. اول مرة غلط أمير بأسم شمس وناداها دعاء عرفت انو متزوج... بس هالمرة يلي أخدلو عقلو هية رواد .. رواد اللي ماحدا قابل يعترف فيها كفرد م̷ـــِْن عيلة الشامي ..

أمير بعدو ما استوعب انو غلط بإسم دعاء وناداها رواد وقدام كل العيلة ..

امير: شوبدك؟
دعاء: ولاشي ..
بدور: شو ابني ماقلتلنا... كيف الشغل
أمير: عال العال
جاسم:ومافي اي حدا عالخط!
أمير: مافهمت خالي
جاسم: انتة فهمان كتير منيح عن شو عم بحكي
أمير«ضحك »: والله مافهمت خال ..
جاسم: خلص انسى ..

نهال: بابا .. ممكن اطلب مـڼـڱ طلب
جاسم: م̷ـــِْن عيوني حبيبتي
نهال: ممكن تخبر باجس ابن عمي خلي يجي يتغدا عنا الًيَوُمًِ ..
جاسم «اتطلع بأبوه بتوتر .. جاسم ابدا ماكان ناوي يرفض اي طلب لبنتو .. وبنفس الوقت مابدو يكسر كلمة أبو :.....

بس الجد فاجأ الكل بجوابو لنهال: تكرم عيون حفيدتي الغالية ... ألف طلب متل هالطلب

أمير باستغراب. :عنجد بدك باجس يجي لهون جدي!
الجد: اي ..انا قررت رجع باجس لتحت جناحي

قرار الجد المفاجأ صدم العيلة كلها وخصوصي أمير ... أبدا ماكان أمير حاسب حساب رجعة باجس عالقصر وانو يرجع الكل بالكل متل الأول ...

بدور: بس يا أإأبـْيے .. باجس اتغير كتير وقلبو صار قاسي
الجد مع ابتسامة مو مفهومة: وانا هاد اللي بدي اياه .. كل ماكان الشخص قاسي ... كل ما بينشد الضهر فِيَھ أكتر
أمير: مع احترامي الك ياجدي .. باجس قاسي عالعيلة وعليك شخصيا مو عالغريب ...
الجد: لَيــِْـِْش. ايمتا شفتني حنون عليكون!
شمس: بس باجس عصاك. . ومو معقول يعني تسامحه بهالسهوله مبارح اتهجم عالقصر واليوم بتفاجأنا انك ناوي تسامحو ..
الجد: باجس بالنهاية مرجوعو عهالقصر لأنو هوة حامل اسم العيلة .. بما انو بطل فِيَھ أمل منكون

انصدم جاسم واتطلع بأبوه بصدمة...
لمعة بعيونو نظرة حقد اتجاه ابوه. وقال بقلبو: رغم انك سبب كل مصايبي اللي صارت فِيَي.. رغم اني خسرت ابني قبل مايشوف النور وياسمين انصابت بالعقم بسبب قرار متهور مـڼـڱ وخسرت بنتي الطاهرة اللي كنت متأكد انها بريئة ومع هيك قتلتها بأمر م̷ـــِنك لحتا ما اعصي اومرك .. ورغم انو بعدني عم عاني م̷ـــِْن آثار قرارك بتزويج نهال لأمير ... وبالنهاية بطل فِيَھ امل منا! ! ههه بالفعل القط مابحب غير خناقو ..

بس عقل أمير اخدو لمكان تاني وهوة عم يفكر يرمي ورقتو اللي ماسكها علئ باجس لحتا يحمي مكانتو اللي وصللها بالسبل الملتوية
امير بقلبو : رجعة باجس وبهالوقت بالذات ابدا مو م̷ـــِْن صالحي .. ازا رح يرجع رح آخسّـٌـٌـٌر كلشي .. لأنو م̷ـــِْن نظرة جدي مبين انو حن عليه وانا لآزٍمٍ قسي البو اكتر عليه .. لآزٍمٍ يضل باجس بعيد عن هالعيلة ..

بدور لما دققت بملامح جاسم وأمير فهمت انو محدا رضيان برجعتو ابدا ... بس بالنهاية هية بتضل العمة الحنونة اللي مابهون عليها ترمي ابن اخوها. ..
بدور: أإأبـْيے ازا كانت رجعة باجس رح ترجع الأمل لهالعيلة وتلم شملها .. فلازم يرجع .. ومو بس هيك كمان .. لآزٍمٍ تزوجو وتفرح فِيَھ وتشوف ولادو ..

أمير مع ابتسامة كلها خبث: اي لٱ م̷ـــِْن هالناحية يا امي باجس طلع شاطر وأمن عحالو
ياسمين: كيف يعني أمير!
أمير حط فنجان الشاي م̷ـــِْن ايدو وابتسم : يعني باجس اتجوز

انصدمت نهال وشهقت بقوه وشفايفها عم. ترجف… تــ جــوز !!

الجد بنبرة حادة: اتجوز؟ ؟؟ هيك بدون اذني؟
كلهم اتفاجأو بالخبر .. لَـگِنْ ماحدا عرفان النار اللي شعلت بقلب نهال ..هالخبر اجاها متل الصاعقة اللي ضربتها .. كلشي كانت متوقعتو الا هالشي ...
أمير: وليش لحتا ياخد ازنك جدي؟ مو هوة اللي عصاك وهوة اللي اختار يطلع عن العيلة؟ بس ....