#القـــــــــــــلادة
@rwayate
#الجزء_الثالث
(في مكتب إلياس ورفيقو عندو
أحمد: هيك قلتلي لكن .. ظريفة هالقصة هههههه والله بتضحك شو هالبنات .. بس بتعرف هالنوع بيخوف بتكون مو معطلة ع حدا
إلياس : وأنا مشان هيك عم فكر كسرلها راسها كتير عم تجي بتفكيري هالقصة
أحمد : بالله شو .. وبتهمة شو ؟
إلياس : مو بتهمة .. بصفة أنها خطيبتي ولاحقاً زوجتي
أحمد : نعم !!!!!! شو جنيت صرلك كل هالعمر مابدك تتجوز مشان تتجوز هيك بنت آخر شي وحاطط ببالك عداوة من هلأ ؟؟! بدك تعمل حرب مع زوجتك
إلياس : أخي أنا مابحب النوع الشايف حالو اجا عبالي كسرلا راسها
أحمد : يسلملي اللي مو شايف حالو ابداً
إلياس : أولاً بيطلعلي .. تانياً أنا مو شايف حالي أنا فارض شخصيتي لأنو مابحب ولا بني آدم يعلى عليي ولا تنسى أنو لولا هيك ماكنت وصلت لهالرتبة
أحمد : طيب ماشي بس قيم هالجنان من مخك مو معركة القصة وقت بدك تتجوز اخطب وحدة تحبا وتبني معها حياة مستقرة مو حرب مسبقاً
إلياس : ماعليك أنت بعدين عم فكر لسا .. قوم قوم داق خلقي وخلص الدوام خلينا نمشي
ــــــــــــــــــــــــــــــــــــــــــــــــــــــــــــــــــــــــ
(تاني يوم كان عطلة وإلياس قاعد ببيتو فاق الصبح وهو عم يفكر بالمنام اللي شايفو)
إلياس : العمى شو جابها ع منامي هي .. شكلها الفكرة لح تتطبق عليها لشوف هالنفسية بدها تتكسر ولا لأ .. بعدين بتناسب مركزي .. فرق العمر منيح .. وصيدلانية .. وحلوة .. ههه وراسها كبير .. لنشوف بكرا شو الله كاتب
.. لنقوم نفطر حاجة نوم
.. ( فطر وتحمم دقلو أحمد يروحوا يتمرنوا بنادي الفروسية عالخيل بحكم أنو يوم عطلة و إلياس وافق فوراً لأنو مابيحب قعدة البيت )
(نزل من غرفتو عالطابق الأرضي ليشوف أمو قبل مايروح لقاها آعدة بالصالة المطلة ع حديقة البيت )
إلياس : كيفك يا ست الكل (باسها من راسها)
نداء : أهلين حبيبي كيفك أنت؟
إلياس : الحمدلله تمام .. أنا تحممت وفطرت بغرفتي و رايح ع نادي الفروسية أنا وأحمد .. بتوصي بشي؟
نداء : سلامتك حبيب قلبي الله يفرحني بهالشبوبية يارب
إلياس : ان شاءلله صارت قريبة دعيلي
نداء : وأخيراً لان راسك الله يوفقك ويكتبلك بكل خطوة سعادة
إلياس : ويديمك فوق راسي يارب .. وينو أبي نزل عالشركة؟
نداء : لا لساتو بالحديقة كان عم يشوف حصانو قبل مايمشي
إلياس : ماشي رايح شوفو .. بدك شي
نداء : سلامتك الله ييسرلك
(نزل عالحديقة لقى أبوه عم يطعمي حصانو)
إلياس : صباح الخير يامعلمنا
أبو إلياس : صباح الخيرات يا سيد إلياس .. شو شمستك عالية
إلياس : لا صرلي زمان فايق فطرت وتحممت ورايح ع نادي الفروسية .. لإيمتى بدك تتم تدير بالك ع هالحصان ما بدك تجيب حدا يدير بالو عليه والله مو حلوة بحقك
أبو إلياس : لا حلوة وكتير كمان أنا روح قلبي دير بالي عليه وطعميه وحممو بنفسي مابدها مساعدة
إلياس : الله يخليلنا ياك يا أحلى أب وأحلى معلم
أبو إلياس : الله يرضى عليك يارب
إلياس : أنا رايح ع نادي الفروسية بتوصي بشي؟
أبو إلياس : الله يهونلك بالسلامة ..
ــــــــــــــــــــــــــــــــــــــــــــــــــــــــــــــــــــــــ
(بعد نص ساعة بنادي الفروسية )
إلياس : كيفك أبو حميد
أحمد : أهلين أبو الليس
إلياس : تضرب شو بايخ روحتا للهيبة
أحمد : اي اوعك .. امشي نشوف الخيل امشي
....
...
..
إلياس : نزل يلا صرلنا ساعتين عم نتدرب امشي نرتاح شوي
أحمد : يلا اجيتك .. امشي نقعد ناكل بشي ارنة جعت ..
إلياس : شرف عالمطعم المعتاد يلي جنب النادي
أحمد : يلا منيح احسن من بلا تفضل
.....
(في المطعم )
أحمد : اي هات لشوف حكيلي لبين مايجي الأكل شو صار بقصة خطبة هديك البنت ان شاءالله غيرت رأيك وعقلت
إلياس : لا والله ياصديقي يؤسفني قلك أنو مالح رد عليك كالعادة
أحمد : ولح تندم كالعادة لأنك مابتسمع مني
إلياس : لا بإذن الله مافي ندم هالمرة .. بعدين أنا ماحكيتلك عليها .. والله احكي ضميري فيها شي بيجذب لو تشوفها ماشاءالله عيونها بياخدو العقل سود و مكحلين و كبار وحواجبها متل السيف طوال وعراض وسود كمان بالمقابل بشرتها بيضة ورايقة متل المراية وتمها تقول محمر خمري ولا ابتسامتها انا ماشفت هيك تقول هوليود يازلمة .. سنانها متل صف اللولو بتاخد العقل ابتسامتها ماشاءالله ماحسنت ما أتأملها .. بس طبعاً ماحست
أحمد : شووووو هالشرح المفصل هاد .. شكلك في بداية الغرق يا حرام
إلياس : لا غرق ولا شي .. بأيام المراهقة ماحبيت أنا .. مو عيب حدا يتحكم بقلبي !! .. كل القصة انو لفتت نظري أنو بتناسب مركزي .. محترمة مبينة من لبسها ودارسة صيدلة متخرجة .. وحلوة وعمرها مناسب
أحمد : والله حاسس في شي بمخك انا .. عكلن الله يقدملك الخير ..
إلياس : آمين .. اي شو آخر أخبارك أنت
@rwayate
#الجزء_الثالث
(في مكتب إلياس ورفيقو عندو
أحمد: هيك قلتلي لكن .. ظريفة هالقصة هههههه والله بتضحك شو هالبنات .. بس بتعرف هالنوع بيخوف بتكون مو معطلة ع حدا
إلياس : وأنا مشان هيك عم فكر كسرلها راسها كتير عم تجي بتفكيري هالقصة
أحمد : بالله شو .. وبتهمة شو ؟
إلياس : مو بتهمة .. بصفة أنها خطيبتي ولاحقاً زوجتي
أحمد : نعم !!!!!! شو جنيت صرلك كل هالعمر مابدك تتجوز مشان تتجوز هيك بنت آخر شي وحاطط ببالك عداوة من هلأ ؟؟! بدك تعمل حرب مع زوجتك
إلياس : أخي أنا مابحب النوع الشايف حالو اجا عبالي كسرلا راسها
أحمد : يسلملي اللي مو شايف حالو ابداً
إلياس : أولاً بيطلعلي .. تانياً أنا مو شايف حالي أنا فارض شخصيتي لأنو مابحب ولا بني آدم يعلى عليي ولا تنسى أنو لولا هيك ماكنت وصلت لهالرتبة
أحمد : طيب ماشي بس قيم هالجنان من مخك مو معركة القصة وقت بدك تتجوز اخطب وحدة تحبا وتبني معها حياة مستقرة مو حرب مسبقاً
إلياس : ماعليك أنت بعدين عم فكر لسا .. قوم قوم داق خلقي وخلص الدوام خلينا نمشي
ــــــــــــــــــــــــــــــــــــــــــــــــــــــــــــــــــــــــ
(تاني يوم كان عطلة وإلياس قاعد ببيتو فاق الصبح وهو عم يفكر بالمنام اللي شايفو)
إلياس : العمى شو جابها ع منامي هي .. شكلها الفكرة لح تتطبق عليها لشوف هالنفسية بدها تتكسر ولا لأ .. بعدين بتناسب مركزي .. فرق العمر منيح .. وصيدلانية .. وحلوة .. ههه وراسها كبير .. لنشوف بكرا شو الله كاتب
.. لنقوم نفطر حاجة نوم
.. ( فطر وتحمم دقلو أحمد يروحوا يتمرنوا بنادي الفروسية عالخيل بحكم أنو يوم عطلة و إلياس وافق فوراً لأنو مابيحب قعدة البيت )
(نزل من غرفتو عالطابق الأرضي ليشوف أمو قبل مايروح لقاها آعدة بالصالة المطلة ع حديقة البيت )
إلياس : كيفك يا ست الكل (باسها من راسها)
نداء : أهلين حبيبي كيفك أنت؟
إلياس : الحمدلله تمام .. أنا تحممت وفطرت بغرفتي و رايح ع نادي الفروسية أنا وأحمد .. بتوصي بشي؟
نداء : سلامتك حبيب قلبي الله يفرحني بهالشبوبية يارب
إلياس : ان شاءلله صارت قريبة دعيلي
نداء : وأخيراً لان راسك الله يوفقك ويكتبلك بكل خطوة سعادة
إلياس : ويديمك فوق راسي يارب .. وينو أبي نزل عالشركة؟
نداء : لا لساتو بالحديقة كان عم يشوف حصانو قبل مايمشي
إلياس : ماشي رايح شوفو .. بدك شي
نداء : سلامتك الله ييسرلك
(نزل عالحديقة لقى أبوه عم يطعمي حصانو)
إلياس : صباح الخير يامعلمنا
أبو إلياس : صباح الخيرات يا سيد إلياس .. شو شمستك عالية
إلياس : لا صرلي زمان فايق فطرت وتحممت ورايح ع نادي الفروسية .. لإيمتى بدك تتم تدير بالك ع هالحصان ما بدك تجيب حدا يدير بالو عليه والله مو حلوة بحقك
أبو إلياس : لا حلوة وكتير كمان أنا روح قلبي دير بالي عليه وطعميه وحممو بنفسي مابدها مساعدة
إلياس : الله يخليلنا ياك يا أحلى أب وأحلى معلم
أبو إلياس : الله يرضى عليك يارب
إلياس : أنا رايح ع نادي الفروسية بتوصي بشي؟
أبو إلياس : الله يهونلك بالسلامة ..
ــــــــــــــــــــــــــــــــــــــــــــــــــــــــــــــــــــــــ
(بعد نص ساعة بنادي الفروسية )
إلياس : كيفك أبو حميد
أحمد : أهلين أبو الليس
إلياس : تضرب شو بايخ روحتا للهيبة
أحمد : اي اوعك .. امشي نشوف الخيل امشي
....
...
..
إلياس : نزل يلا صرلنا ساعتين عم نتدرب امشي نرتاح شوي
أحمد : يلا اجيتك .. امشي نقعد ناكل بشي ارنة جعت ..
إلياس : شرف عالمطعم المعتاد يلي جنب النادي
أحمد : يلا منيح احسن من بلا تفضل
.....
(في المطعم )
أحمد : اي هات لشوف حكيلي لبين مايجي الأكل شو صار بقصة خطبة هديك البنت ان شاءالله غيرت رأيك وعقلت
إلياس : لا والله ياصديقي يؤسفني قلك أنو مالح رد عليك كالعادة
أحمد : ولح تندم كالعادة لأنك مابتسمع مني
إلياس : لا بإذن الله مافي ندم هالمرة .. بعدين أنا ماحكيتلك عليها .. والله احكي ضميري فيها شي بيجذب لو تشوفها ماشاءالله عيونها بياخدو العقل سود و مكحلين و كبار وحواجبها متل السيف طوال وعراض وسود كمان بالمقابل بشرتها بيضة ورايقة متل المراية وتمها تقول محمر خمري ولا ابتسامتها انا ماشفت هيك تقول هوليود يازلمة .. سنانها متل صف اللولو بتاخد العقل ابتسامتها ماشاءالله ماحسنت ما أتأملها .. بس طبعاً ماحست
أحمد : شووووو هالشرح المفصل هاد .. شكلك في بداية الغرق يا حرام
إلياس : لا غرق ولا شي .. بأيام المراهقة ماحبيت أنا .. مو عيب حدا يتحكم بقلبي !! .. كل القصة انو لفتت نظري أنو بتناسب مركزي .. محترمة مبينة من لبسها ودارسة صيدلة متخرجة .. وحلوة وعمرها مناسب
أحمد : والله حاسس في شي بمخك انا .. عكلن الله يقدملك الخير ..
إلياس : آمين .. اي شو آخر أخبارك أنت
