قـصة اليوم: #المحقق_كونان
.....
قراءة ممتعة💙🌸"
#ⴅმძ3Һค

#المحقق_كونان 😎

بقلم : نيرمين

الجزء الأول:

ام جهاد: لك يا رنوشي يا تيتة تعي اعدة هون حاج تلعبي بالمي والله مو صغيرة معقول لهلأ بتلعبي بالمي.
رنا: طيب يا تيتة بحب لمي في احلى من لمي.
ام جهاد:هلأ بتمرضي يا عيوني والله ما بخلص من ابوكي وامك.
رنا: تيتة انا جوعانة بدي اكل قومي حطيلي اكل الله يخليكي.
ام جهاد: حاضر قومي غيري تيابك ونشفي حالك وانا قايمة حطلك اكل.

صحي انسيت عرفكن بحالي انا رنا عشت طفولة حلوة كتير بين امي وابي وتيتة والي عمة وحدة مسافرة .....وامي اهلها ماتو وربوها بيت عمها يلي هني اهل ابي ....ولما كبرت اتزوجها ابي وجابوني الي مدللة العيلة وغنوجة لبيت كانو يحبوني كتير لاني وحيدة اهلي شو ما بدي كانو يجبولي ياه..... ما كان يزعجنا غير نق تيتة انو بدها حفيدها الصبي وعطول اتسمع امي حكي يزعجها مشان هالقصة.... وهاد الشي خلى امي وابي ما يخلو دكتور الا يروحو لعندو مشان العلاج.... مرت لايام والشهور وما كانت امي تحمل وزاد حكي تيتة ونقها وصارت تحكي امي حكي جارح ...بس واخيرا اجا لوقت وامي حملت والكل انبسط بالخبر وتيتة معد فارقت امي وتغيرت معاملتها معها وتهتم فيها لان حمل امي صعب كتير وبدها اهتمام..... وهيك مرت لايام ولشهور وبلش بطن امي يكبر وناطرين ليوم يلي تولد فيه لوقت اجا هداك اليوم...

رنا: ماما تيتة ماما تيتة انا اجيت جوعاانة كتير ماما وينك ليوم عطوني وظائف كتير بالمدرسة بدي اكل بسرعة وفوت ادرس.
ام سالم: اهلين بالامورة لحلوة يلا بنتي روحي غيري تيابك وغسلي ايديكي وتعي لحتى غديكي.
رنا: خالتوو ام سالم شو عم تعملي هون وين ماما وين تيتة 😐.
ام سالم : امك اجاها الطلق اليوم الصبح وراحت عالمشفى كم ساعة بتجي وهيي حاملة اخوكي لصغير.
رنا: ييييي مو مصدقة ايمت يجو بدي احمل اخي ولاعبوو بحبو كتيير انا ما رح غار منو اذا اهتمو فيه لان هوي كتير صغير وانا كبيرة صار عمري 13 سنة هههه
ام سالم:اي حبيبتي انت احلا صبية بالدني يلا قومي ناكل مشان تدرسي شوي قبل ما يجو ويعجق لبيت.

قعدنا انا وخالتو ام سالم ومرت لساعات لوقت دق لباب كانت تيتة جاي لحالها وما معها حدا .

ام سالم: لك مية اهلا وسهلا مبارك ما اجاكن شو وينن ليش ما اجو معك وين بطلنا لحلووو .
تيتة: الله يبارك فيكي يارب بدن يخلون ليوم بالمشفى يطمنو ع صحتن وانشالله بكرا لصبح بيجو.
رنا: اففففف لسا بدي انطر لبكرا هلأ هلأ بدي يجو اشتقتلن كتير بدي شوف اخي لحلو تيتة اكيد بيشبهني مو.
تيتة: قومي جيبيلي مي نشف ريقي واسكتي ولا اتكتري حكي مالي خلق اسمع ولا صوت.
رنا: حاضر بس ما رح اسكت بدي ضل نق واحكي.
ام سالم: شبك ام جهاد شوفي ليش هيك عم تحكي مع لبنت والله غلي البي .
تيتة: انا انا لسبب من ورا نقي وتدخلي بحياة ابني صار هيك والله كان بدي فرحن بس ما كنت متوقعة يصير هالشي.
ام سالم : لك شو صار والله رعبتيني رولا صرلها شي لطفل صرلو شي مشان الله تحكي.
تيتة: رولا اخخخخ يا رولا لك ماتت ماتت وهيي عم تولد ما قدرت تتحمل ماتتتت.

وقعت كاسة لمي من ايدي وانا عم اسمع هالحكي شو ماتت شو يعني ما عم افهم معقول معد شوف امي ليش هيك صار خلص معد بدي اخ خلي امي ترجع صرت اصرخ وعيط .

رناا: لك بدي امي وينها ليش تركتني وراحت 😢😢
تيتة : لا تبكي يا عيوني انت كبيرة وواعية ما لازم تعملي هيك بحالك.
رنا: تيتة انت لسبب ضليتي اتنقي واتسمعي امي حكي حتى حملت وماتت.

وصارت تيتة وخالتو ام سالم يهدوني وانا تركتن وركضت ع غرفة امي شم تيابها وابكي عليها بذكر هداك ليوم ما نمت لطلوع لضو وانا ضامة تياب امي عصدري مو مصدقة يلي صار.... وهيك راحت اغلى انسانة بحياتي صار لبيت فاضي انا اعدة بغرفتي وابي بغرفتو وتيتة اعدة وبحضنها اخي رامي وضلينا اكتر من شهر ع هاد لحال... بس بعدين رجع ابي عشغلو لان مافي مصدر غيرو لنعيش منو وكمان انا رجعت ع مدرستي وصرت داوم وارجع عالبيت فوت ع غرفتي وما حكي حدا وحتى اخي صار عمرو شهرين لهلأ ما شفتو ولا حملتو.