#امهات_ومراهقات_بقلم_هلاغرابلي
@rwayate
#الجزء الاول:انتهت القصة
المخرج احمد: ......جاهز كل شي ....قوو الاضاءة لسا شوي .....تمام هيك .....سيدة غيداء مرتاحة عندك بالكرسي ؟
غيداء:اي مرتاحة ابني بس ما بدي وجهي يبين
المخرج احمد : ..اكيد ما تاكلي هم .. مدام رنا وجهك للكاميرا 1 .....يلا نبدأ ....1 2 3
المذيعة:مسالخير اعزائي المشاهدين ،متل ما وعدناكن كل اسبوع نطل عليكن بحلقة جديدة من برنامج امهات و مراهقات ، اليوم ضيفتنا سيدة من مجتمعنا ،هي ام لاربع بنات ،كل بنت فين الها قصة مختلفة عن التانية بس الام كان الها النصيب الاكبر من التعب بتربيتن و حل مشاكلن ، اهلا و سهلا فيكي سيدة غيداء
غيداء :اهلين فيكي مدام رنا
المذيعة:اليوم كلنا رح نكون اذان صاغية فقط لتحكي تجربتك كأم و المشاكل يلي واجهتيا مع بناتك
و كيف حليتيها بصراحة و على المكشوف
غيداء:انا حابة قبل ما ابدأ بقصص بناتي ،حابة احكي عن قصتي باختصار ، اهلي زوجوني بعمر ال 13سنة لرجال بيكبرني ب 12سنة،كان سيء جدا و شفت معو ايام بشعة كتير من ضرب و ذل و اهانة و خيانة
المذيعة: ما حاولتي تغيريه للاحسن؟
غيداء:لما الرجال بكون كفة سيئاتو غالبة على كفة حسناتو بكون التغيير ضرب من المستحيل و زوجي كان يسكر و يزني و يكفر و يضرب و كل صفة سيئة كانت موجودة فيه ،حاولت غيرو بس ما قدرت و ايقنت انو مستحيل ينصلح حالو ،لهيك كنت اكتفي بانو ادعيلو الله يهديه لانو كان معيشنا ببيئة و جو مريض و بناتي تأثرو كتير بهالشي
المذيعة: سؤالي الك سيدة غيداء مع انو يمكن طلعنا شوي عن محور البرنامج ، كام مرة خانك زوجك و كنت تسامحيه بكل مرة ؟
غيداء:خاني كتير بس ولا مرة سامحتو و ما في مرة بتسامح خيانة زوجا الها ،المرة بتتناسى بس لتقدري تكمل حياتا معو بس يلي انكسر ما بيرجع يتصلح ،بس اكتر خيانة اثرت فيني هي وقت كنت بالمشفى مع بنتي عم تعمل عملية قلب و كنت تعبانة كتير نفسيا و جسديا و رجعت من المشفى على البيت لاتحمم و غير تيابي لارجع على المشفى،فتت شفت زوجي نايم مع وحدة ببيتي و على تختي
المذيعة :شو عملتي ؟
غيداء:ما عملت شي ،فتت اخدت تيابي من الخزانة و طلعت و هن متفاجئين ببرود اعصابي و رجعت على المشفى لعند بنتي
المذيعة:ما طلبتي الطلاق بعد الشي يلي شفتيه؟
غيداء:لا لانو بايامنا كان بيت زوجك هو قبرك و جنتك و ما في شي اسمو طلاق لا الاهل بتقبلو و لا المجتمع و هالشي تغير كتير هالايام يلي صارت المرة هي يلي بتطلب الطلاق و بتخلع زوجا مع انو الطلاق بالوقت الحالي صار مبالغ فيه و على اتفه الاسباب
المذيعة :طيب ما فكر زوجك يبرر و يعتذر او مثلا يحط اللوم عليكي لانو خانك ؟
غيداء:اكيد طبعا مع انو انا حاربته بالصمت و ما ناقشتو ابدا بالشي يلي شفتو لانو كان كل تفكيري ببنتي يلي كانت حالتا حرجة و مخطرة لهيك لحقني على المشفى فورا و قلي انو الغلط علي و انو انا قصرت معو هالفترة و هو رجال ما بيقدر يتحمل و يصبر كتير ،مع انو الرجال الطبيعي بحالتو بقدر ظرف مرتو و حتى هو بكون تعبان و مقهور على وضع بنتو و بيتناوب هو و مرتو على رعاية البنت بس هو كان اناني و اكتر كمان بس انا كنت اتحمل كل هالشي كرمال بناتي ندى و ناديا ومريم و ابتسام يلي كانو ذخيرتي بهالدنيا ،كنت حط ملح على الجرح و اسكت بس كان عندي امل انو شوف حياة بناتي غير حياتي تماما بس كانت تربية الاربع بنات متعبة جدا و خاصة انو كنت لحالي و الاب كان وجوده و عدمو واحد و اول ما كبرو و صارو صبايا اتلقيت اول صدمة من بنتي ابتسام ،ابتسام كانت بعمر ال 15سنة ،وقت اجت عندي رفيقتا بعد ما راحت بنتي على مدرستا و خبرتني انو بنتي ابتسام ملحدة ،كانت صدمة كبيرة علي اني تكون بنت من بناتي ما بتآمن بوجود الله مع انو انا ملتزمة ب لباسي الشرعي وبأدي صلاتي بمواعيدا
المذيعة:شو السبب ؟يعني بنت بهيك عمر من وين جابت هيك افكار ؟
غيداء:جابتن من رفيقتا اسيل يلي معا بالمدرسة ،اسيل بنت من ام اوروبية و اب عربي ،و البنت انولدت باوروبا و اجت بعمر ال 12 سنة على البلد بس اجت و حاملة افكار براسا ما بتشبه افكارنا ابدا و حبت تزرع هالشي ببنتي يلي كانت تربة خصبة لهل الشي
المذيعة:معناها فينا نقول الرفقة السيئة كان الا دور كبير بقصة بنتك ابتسام ؟
غيداء:طبعا و زوجي كمان الو تأثير كبير بهالموضوع لانو على طول كان يكفر قدام البنات
المذيعة:شو تصرفتي مدام غيداء ؟
غيداء:تصرفت متل اي ام ،اول ما رجعت بنتي ابتسام من المدرسة ضربتا كتير و حبستا و منعتا من المدرسة و عن رفقاتا و خاصة رفيقتا اسيل
المذيعة:برايك هيدا التصرف الصح ؟
غيداء:لااا هيدي ردة فعل غبية مني و اعطت نتائج وخيمة صارت بنتي ابتسام تشهر الحادها قدامي و تكفر قدامي و تقلي انا حرة بافكاري و معتقداتي و ما حدا الو عندي ،و حتى لو بقيتي حابستيني ما رح تقدري تغيري شي براسي ،وصلت لنتيجة بانو الضرب و العنف معا ما رح يعطي نتيج
@rwayate
#الجزء الاول:انتهت القصة
المخرج احمد: ......جاهز كل شي ....قوو الاضاءة لسا شوي .....تمام هيك .....سيدة غيداء مرتاحة عندك بالكرسي ؟
غيداء:اي مرتاحة ابني بس ما بدي وجهي يبين
المخرج احمد : ..اكيد ما تاكلي هم .. مدام رنا وجهك للكاميرا 1 .....يلا نبدأ ....1 2 3
المذيعة:مسالخير اعزائي المشاهدين ،متل ما وعدناكن كل اسبوع نطل عليكن بحلقة جديدة من برنامج امهات و مراهقات ، اليوم ضيفتنا سيدة من مجتمعنا ،هي ام لاربع بنات ،كل بنت فين الها قصة مختلفة عن التانية بس الام كان الها النصيب الاكبر من التعب بتربيتن و حل مشاكلن ، اهلا و سهلا فيكي سيدة غيداء
غيداء :اهلين فيكي مدام رنا
المذيعة:اليوم كلنا رح نكون اذان صاغية فقط لتحكي تجربتك كأم و المشاكل يلي واجهتيا مع بناتك
و كيف حليتيها بصراحة و على المكشوف
غيداء:انا حابة قبل ما ابدأ بقصص بناتي ،حابة احكي عن قصتي باختصار ، اهلي زوجوني بعمر ال 13سنة لرجال بيكبرني ب 12سنة،كان سيء جدا و شفت معو ايام بشعة كتير من ضرب و ذل و اهانة و خيانة
المذيعة: ما حاولتي تغيريه للاحسن؟
غيداء:لما الرجال بكون كفة سيئاتو غالبة على كفة حسناتو بكون التغيير ضرب من المستحيل و زوجي كان يسكر و يزني و يكفر و يضرب و كل صفة سيئة كانت موجودة فيه ،حاولت غيرو بس ما قدرت و ايقنت انو مستحيل ينصلح حالو ،لهيك كنت اكتفي بانو ادعيلو الله يهديه لانو كان معيشنا ببيئة و جو مريض و بناتي تأثرو كتير بهالشي
المذيعة: سؤالي الك سيدة غيداء مع انو يمكن طلعنا شوي عن محور البرنامج ، كام مرة خانك زوجك و كنت تسامحيه بكل مرة ؟
غيداء:خاني كتير بس ولا مرة سامحتو و ما في مرة بتسامح خيانة زوجا الها ،المرة بتتناسى بس لتقدري تكمل حياتا معو بس يلي انكسر ما بيرجع يتصلح ،بس اكتر خيانة اثرت فيني هي وقت كنت بالمشفى مع بنتي عم تعمل عملية قلب و كنت تعبانة كتير نفسيا و جسديا و رجعت من المشفى على البيت لاتحمم و غير تيابي لارجع على المشفى،فتت شفت زوجي نايم مع وحدة ببيتي و على تختي
المذيعة :شو عملتي ؟
غيداء:ما عملت شي ،فتت اخدت تيابي من الخزانة و طلعت و هن متفاجئين ببرود اعصابي و رجعت على المشفى لعند بنتي
المذيعة:ما طلبتي الطلاق بعد الشي يلي شفتيه؟
غيداء:لا لانو بايامنا كان بيت زوجك هو قبرك و جنتك و ما في شي اسمو طلاق لا الاهل بتقبلو و لا المجتمع و هالشي تغير كتير هالايام يلي صارت المرة هي يلي بتطلب الطلاق و بتخلع زوجا مع انو الطلاق بالوقت الحالي صار مبالغ فيه و على اتفه الاسباب
المذيعة :طيب ما فكر زوجك يبرر و يعتذر او مثلا يحط اللوم عليكي لانو خانك ؟
غيداء:اكيد طبعا مع انو انا حاربته بالصمت و ما ناقشتو ابدا بالشي يلي شفتو لانو كان كل تفكيري ببنتي يلي كانت حالتا حرجة و مخطرة لهيك لحقني على المشفى فورا و قلي انو الغلط علي و انو انا قصرت معو هالفترة و هو رجال ما بيقدر يتحمل و يصبر كتير ،مع انو الرجال الطبيعي بحالتو بقدر ظرف مرتو و حتى هو بكون تعبان و مقهور على وضع بنتو و بيتناوب هو و مرتو على رعاية البنت بس هو كان اناني و اكتر كمان بس انا كنت اتحمل كل هالشي كرمال بناتي ندى و ناديا ومريم و ابتسام يلي كانو ذخيرتي بهالدنيا ،كنت حط ملح على الجرح و اسكت بس كان عندي امل انو شوف حياة بناتي غير حياتي تماما بس كانت تربية الاربع بنات متعبة جدا و خاصة انو كنت لحالي و الاب كان وجوده و عدمو واحد و اول ما كبرو و صارو صبايا اتلقيت اول صدمة من بنتي ابتسام ،ابتسام كانت بعمر ال 15سنة ،وقت اجت عندي رفيقتا بعد ما راحت بنتي على مدرستا و خبرتني انو بنتي ابتسام ملحدة ،كانت صدمة كبيرة علي اني تكون بنت من بناتي ما بتآمن بوجود الله مع انو انا ملتزمة ب لباسي الشرعي وبأدي صلاتي بمواعيدا
المذيعة:شو السبب ؟يعني بنت بهيك عمر من وين جابت هيك افكار ؟
غيداء:جابتن من رفيقتا اسيل يلي معا بالمدرسة ،اسيل بنت من ام اوروبية و اب عربي ،و البنت انولدت باوروبا و اجت بعمر ال 12 سنة على البلد بس اجت و حاملة افكار براسا ما بتشبه افكارنا ابدا و حبت تزرع هالشي ببنتي يلي كانت تربة خصبة لهل الشي
المذيعة:معناها فينا نقول الرفقة السيئة كان الا دور كبير بقصة بنتك ابتسام ؟
غيداء:طبعا و زوجي كمان الو تأثير كبير بهالموضوع لانو على طول كان يكفر قدام البنات
المذيعة:شو تصرفتي مدام غيداء ؟
غيداء:تصرفت متل اي ام ،اول ما رجعت بنتي ابتسام من المدرسة ضربتا كتير و حبستا و منعتا من المدرسة و عن رفقاتا و خاصة رفيقتا اسيل
المذيعة:برايك هيدا التصرف الصح ؟
غيداء:لااا هيدي ردة فعل غبية مني و اعطت نتائج وخيمة صارت بنتي ابتسام تشهر الحادها قدامي و تكفر قدامي و تقلي انا حرة بافكاري و معتقداتي و ما حدا الو عندي ،و حتى لو بقيتي حابستيني ما رح تقدري تغيري شي براسي ،وصلت لنتيجة بانو الضرب و العنف معا ما رح يعطي نتيج
