قصة اليوم: #انتظار_البدر
.............
قراءة ممتعة🦋💙"
#ⴅÂÐЄĦÂ

#انتظار_البدر
اخدو واعطو بالحكي كتير وتغيرت نفسيتو لجاد وقت سمع كلامها لسهر وحس انها عم تعزف عأوتار وجعو وكأنها عارفة من شو بيشكي او شو مدايقو ..حست عليه انو تعب كتير وماعرفت بينها وبين حالها ليش ارتاحتلو لهالشب لهيك قالتلو : ....انت تعبان ونعسان وهالشي واضح عليك ...وين بيتك .
جاد: بيتي بعيد من هون حوالي ربع ساعة .
سهر: ....طيب بتحب تنام هون.
جاد: ....وين يعني هون .
سهر: رح نيمك بغرفة المكتب مافيك تسوق وانت تعبان بتخاف تعمل شي حادث عالطريق.
راح معها عغرفة المكتب وعطتو مخدة وبطانية وتمنتلو ليلة سعيدة .قبل لينام ضل عم يفكر بكلام سهر وقال بحالو انو كلامها مزبوط بس انا بحبها وماعم يركب معي اللي سمعتو عنها ....وهي سهر حيرتني اكتر كيف هيك بتأمنلي وبتخليني نام هون ...بس هالبنت باين عليها قوية وقد حالها.
تاني يوم الصبح فاق جاد عريحة القهوة وشاف سهر عم تصبها ...ابتسمتلو وقت شافتو فاق ..
سهر: ....صباحوو .
جاد: صباح النور ....كم الساعة هلأ .
سهر: ....هلأ الساعة عشرة ونص ....يلا حاجتك نوم وكسلنة قوم بقى.
جاد: ....اووووف كل هالقد تركتيني نام .
سهر: مع انو عندي شغل كتير بس اجلتو هون بالمكتب لحتى تفيق .
جاد: انا اسف عطلتك يعني .
سهر: ههههه لا مافي مشكلة عملت شغلي برا المكتب بس هون باخد راحتي اكتر وبشتغل احسن ...بس ماصار شي ...يلا قوم اشرب القهوة معي .
قام جاد بعد مادلتو سهر عالحمام الموجود بالمكتب غسل وشو وقعد قبالها .
سهر عم ترشف من قهوتها: .....شو كيف حاسس حالك اليوم ان شاء الله احسن.
جاد: ....الدغري ....حاسس حالي احسن والله بس لسا في غصة بألبي .
سهر: ....شي طبيعي ...الجروح مابتندمل بسرعة وخصوصي من القريب والحبيب.
جاد: ...مزبوط كلامك .
بعد شوي قام جاد عالتراس برا وطلبتلو سهر فطور مرتب وجبرتو يفطر.
من بعيد لمحت سهر المشاكل جاية لعندها وقت شافت ابن عمتها جاي عالمطعم ....
كان ابن عمتها متعود يجيها كل صباحية جمعة ليعمللها مشاكل وفضايح لسهر بحجة انو بدو حق امو اللي اكلو ابوها لسهر عليها ...رغم انو كلامو مو صحيح .
شاف مجد الجرسون سالم وقت دخل للمطعم وانتبه انو سهر واقفة وناطرة سالم يحكي كلامو الأسبوعي ويرجع يعيدو عمسامعها من جديد .
سالم: ....صباح الخير بنت خالي .
سهر: ....خيييير شو بدك .
سالم: انتي بتعرفي شو بدي .
سهر: ....مليت من اسطوانتك تبع كل اسبوع غيرها هات شي جديد .
سالم: .....مارح غير اسطوانتي لتوافقي عطلبي وترجعي حق امي .
سهر: ليش انا اخدت شي من عمتي .
سالم: ....لأ مو انتي ابوكي .
سهر بعصبية: ....احترم حالك هاد خالك بكون ....وبعدين انت مابتستوعب لك يابني آدم انا ماارجيتك الاوراق اللي بتثبت انو عمتي ماالها شي عند بابا .
سالم: .....هالمرة انا رح قلك غيريلي هالاسطوانة حفظتا ..بتحبي سمعا .
بهاللحظة قرب جاد لعندو ماحملو عقلو كيف كان عم يتطاول عسهر حس حالو انو هالبنت الها دينة برقبتو وقت سمعتلو قبل بيوم وطعمتو غصب عنو وريحتو كتير بكلامها وسمحتلو ينام بغرفة المكتب وأمنت فيه .
مسكو جاد من قميصو من ورا وفتلو لعندو : ......شو ولااااا مو ناوي تحترم حالك وتحكي معها بأدب والا بتحب علمك اياه انا .
سالم: ....ومين انت لتدافع عنها وتحاكيني بهالطريقة.
جاد : ...انا بدي كسر راسك ازا مابتحترم حالك فهمت .
سهر راحت لعند جاد ومسكت ايدو : ....جاد ...بترجاك اتركو ...مابدي تتدخل بالموضوع لحتى مايصرلك مشاكل من تحت راسي .
جاد: .....مين العينتين.
سهر: ابن عمتي .
جاد: ...ابن عمتك وعم يحكي معك هيييك ....لك مابيستحي عحالو هاد .
سالم: .....اي انا ابن عمتها وحضرتك مين بتكون ....هه😏حبيب القلب.
بوكس طاير وقعو فيه عالأرض ....ورجعلو جاد وشحطو من قميصو بوكس تاني عبطنو وعوجهو ورمو لسالم.
سهر عم تحاول تهدي جاد بس شافتو مو بعقلو وحست انو عم يتفشش فيه .
سهر صرخت بالآخر: .....خلاااااااااااص جاد بكفي .
تركو جاد بس كرمال سهر.
سالم طالع عم يعرج ويبزق الدم من تمو وايدو عوجهو :......راجعلك ياااا....سهر ...ماا...خلصت كلامي ..معك .
جاد: ...بتنقلع من هون والا بكمل عليك .
مررت اصابعها بشعرها المخملي وغمضت عيونها مع تنهيدة كبيرة .
جاد: فهميني ليش هيك ابن عمتك عم يعمل .
سهر: ....مافي شي ... لا تشغل بالك قصة طويلة ....المهم ....انت منيح.
جاد: ...اي مافيني شي مااحلى ويلقني .
سهر: ماكان في داعي تضربو ...كنت تركتني احكي معو انا ...انا بعرف كيف اتعامل معو.
جاد: ....ماشفتي كيف عم يكبر بالحكي معك ...كيف بدك اياني اسكتلو ....صحي انا مابعرفك منيح بس اللي عملتي معي مبارح مابنسالك اياه.
سهر: ....لك ماعملت شي انا ....عموما كتر خيرك ...بس رجاء ماتعمل هيك شي مرة تانية .
جاد:...اممممم 🤔مابوعدك ازا رجع لنفس وقاحتو مابعرف شو بيطلع معي.
رجع جاد عالبيت وكانت امو فاير البها عليه من الخوف .
امو: ....لك وينك لهلأ ياامي والله غلي البي عليك وليه مسكر موبايلك .
جاد: طولي بالك امي انا منيح ....كنت مع رفقاتي