#بائعة_الورد_بقلم_رُلى_كوجك
Telegram@rwayate
الجزء التاسع
جمال: شو مادلين خانوم.. قال رافعة عليي دعوة انتي وبنت اخي..
مادلين: اي رافعة عليك دعوى وين المشكلة..
جمال: هههههه وبنت اخي ليال يلي لازم توقف جنبي وتدعمني ساحبة كل الأموال وكل الاملاك
ليال: عمي اذا ممكن اطلع لبرا.. مابدنا نغلط بحقك
جمال: عم استنى شو رح تعملوا ؟ 😂
ليال: هالأموال والأملاك يلي عم تحكي عنها هي لابي.. وانت نهبتها وطرت لهون
جمال: اذا بسمع هالحكي مرك تانية دافنك بأرضك.. والله ما بهمني.. بدكن تسحبوا الشكوى غصبن عنكن
مادلين: عن نفسي مارح اسحبا
جمال: رح تسحبيها.. واذا ما سحبتيها رح اشلفك لابوكي.. خليه يشوف شو بقدر اعمل فيه
مادلين: شو نسيت من وين اجيت وكيف ساويناك نحن يا ناكر الجميل..
جمال: لا عنجد 😂.. امانة قليلي من وين اجيت
كان مبين عليه سكران وطافي عالآخر
ليال: اهدوا شوي يا جماعة
Telegram@rwayate
مادلين: استني ليال.. خليني ذكر عمك من وين اجا
جمال: لا عنجد من وين اجيت.. لأني نسيان شوي
ليال: اهدوا شوي.. عمي غادر المكان رجاءاً
مادلين: اجيت من الزبالة يا زبالة.. استحملناك بريحتك المعفنة
هجم عمي على مادلين ولزقها بالحيط ومسكها من وجها
جمال: عيدي شو قلتي يا بنت ال......
مادلين: هههههه قلت انك جاية من الزبالة.. لا كون مخربطة؟ 😉
حط ايدو على رقبتا وبلش يخنقها
ليال: لكك بعد عنها شو عم تعمل
جمال: بدي موتك يا كلبة
ما كان قدامي غير المزهرية الفخار.. ثواني قليلة وكان عمي عالأرض وراسو غرقان بالدم.. اجوا اخواتي وانا فورا غطيت راسهن
مادلين: اننن.. انتي شو عملتي
ليال: 😭😭😭😭
ضبينا غراضنا وشلفناهن من الشباك لبرا..
وطلعنا لبرا
ليال: المعلم جوا بدو ياكن
اول مادخلوا لجوا اخدنا الشناتي وصرنا نركض بدون وجهة
يتبع.. 💜

#بائعة_الورد_بقلم_رُلى_كوجك
Telegram@rwayate
الجزء العاشر
وقفنا بعد ما بعدنا كتير.. اخدنا نفس وشربنا مي..
مادلين: عندي بيت صغير محدا بيعرف فيه.. منمشي حالنا فيه بعدين مندور عمكان نقعد فيه
ليال: طيب يلا بسرعة
وصلنا على بيتها.. كان بنص الغابة يلي هنيك.. دخلنا لجوا.. كان غرفة وحدة ومطبخ مفتوح عالصالة وحمام.. كان الوضع ممتاز وحمدنا ربنا انو نجينا
حياة: اختي مابدك تفهميني شو صاير؟
ليال: خلص هلأ انتوا ناموا
نيمت اخواتي بعدين رحت عملت كاسة نيسكافيه وقعدت عالكرسي قدام الشباك
بعد شوي اجت مادلين من الغرفة
ليال: ليكي اذا بدك في نيسكافيه زيادة بالمطبخ
كان الضو خافت كتير وبرا عم تمطر بقوة.. المنظر كان ساحر بالنسبة الي.. شكل الاشجار وهي عم تتمايل كأنها عم تتراقص بتناسق مع موسيقى كلاسيكية هادية.. صوت المطر يلي بيلامس الأرض عطا جاذبية لهيك هدوء وسكون..
اجت مادلين وقعدت قدامي
مادلين: شكلك بتحبي الطبيعة كتير
ليال: اي بعشقا
ما بنكر انو مادلين حلوة كتير.. الضو الخافت يلي من برا عاكس لون عيونها الازرق يلي كأنهن محيط.. شعرا الاشقر الملفوف الداكن عاطيها جمال اكتر.. اما بالنسبة الي ولاخواتي كلنا عيوننا باللون الاخضر.. انا شعري بني فاتح متل الحرير.. اما حياة وسما شعرن ملفلف..
مادلين: اوووف من هالدنيا
Telegram@rwayate
ابتسمت..
ليال: عنجد غريب.. بتعرفي كم ليلة قضيناها برا تحت هالمطر ونحن جوعانين وبردانين.. ما بتوقع في شي بيخليكي تقولي اووف من هالدنيا اكتر من هالشي
نزلت راسا مادلين وشربت شفة من كاستها..
ليال: انا داخلة جيب شالة.. بردت.. بتحبي جبلك معي
مادلين: ياريت
اول ما دخلت لجوا الغرفة سمعت صوت حركشة ومشي عالحشيش.. ركضت عالشباك وفتحت البرداية شوي.. لقيت رحال ومرة جايين باتجاه البيت.. انرعبت وركضت لعند مادلين
مادلين: اهدي اهدي بجوز عم يمشوا عادي..
اول مادق الباب ضمينا بعض انا ومادلين بخوف
مادلين: ااانا رح اففتح الباب.. ما تطالعي صوت..
عدلت شوي من شكلا وفتحت الباب.. وصاروا يحكوا بالتركي
- مرحبا
مادلين: اهلا وسهلا.. بشو فيني ساعدكم
- والله بس في عنا كلب هيك لونو ابيض واسود وكبير شوي.. وعلى رقبته في حبل احمر.. هرب ونحن. عم نتمشى.. شفتوه شي
مادلين: لا والله
- طيب شكرا الك
Telegram@rwayate
مادلين: العفو
سكرت الباب ودخلت لعندي
مادلين: انقطع قلبي
فقنا تاني يوم وكان في شوية اكل بالبراد بس للاسف مافي طاولة ناكل عليها
مادلين: انا طالعة لبرا شوف شي شغلة نمدا عالارض وناكل عليها
غابت مادلين شي ربع ساعة بعدين اجت ومعها جريدة
مادلين: مديها عالأرض وانا رح جيب الاكل من المطبخ.. وانا عم حط الجرايد انتبهت شو موجود فيهن
ليال: مادلين.. مادلين
مادلين: شبك ليش عم تعيطي
ليال: مو هي صورتنا
مادلين: ورجيني لشوف.. لك اي والله.. لحظة لاقرأ
(( امرأة وابنتها.. فقدناهما بجانب غابة _____ من يجدهما يحصل على مكافئة مالية.. الرجاء الاتصال على الرقم ((___))
ليال: يارب ما يشوفوا الجريدة يلي اجوا مبارح
يتبع..

#بائعة_الورد_بقلم_رُلى_كوجك
Telegram@rwayate
الجزء الحادي عشر
مر ساعتين لحد ما سمعنا دعسات رجال كتيرة.. كنا مجهزين غراضنا من شباك الحمام مشان أي حالة طوارئ.. اندفش الباب ونحن نطينا من الحمام فورا..
مادلين: لك يلا بسرعة
ليال: لحظة لشوف شو رح يعملوا✋😂
جمال: وينن؟ مو قلتوا انن هون يا كلاب
قرب عمي من كاسة الشاي ولمسها
جمال: اووف سخنة.. معناها قريبين من هون.. بدي تفتشوا كل المنطقة..
بسرعة دفشت مادلين وليال وصرنا نركض.. كان أتعس يوم بحياتي.. وقعت سما وتفشكلت بالحجر.. انجرحت رجلا وحملتا وصرنا نركض.. ركضنا مسافة كتير طويلة.. لأنو كنا بمنطقة نائية كتير عن جوا المدينة.. لحد ما وصلنا لشارع.. استنينا شي نص ساعة لحد ما مرت سيارة.. ركز فيني صاحب السيارة وصرنا نأشرله يوقف.. بس هو سحب لقدام.. بعد بأمتار وقف.. ورجع لورا لحد ما وصل لعنا.. نزل شباك سيارته وشال نضاراته عن عيونه..
- لك مو انتي ليال ؟
Telegram@rwayate
ركزت فيه لثواني.. وجهو مو غريب عليي.. انا بعرفو متأكدة
ليال: اي انا.. بتعرفني شي ؟
- لك نسيتيني.. لك انا اياد يلي كنت اشتغل سكرتير بالشركة يلي اشتغلتي فيها عنا
ليال: ايي اي تذكرتك.. والله اسفة بس من المشاكل ماعم اتذكر شي.. نزل راسو اكتر ليشوف مين معي لأنو مدام مادلين كانت طويلة..
اياد: اهلا وسهلا مدام مادلين تفضلي.. السيارة كلا الك
نزل من السيارة بسرعة وفتحلا الباب الخلفي وأشرلا تتفضل.. دخلت لجوا ودخلوا اخواتي.. وركبت معن وما وسعنا
اياد: تعي ليال اقعدي قدام مافي مكان ورا
ليال: ماشي
نزلت وركبت قدام ومشينا.. اول ما وصلنا عالبحر طلبت ينزلني هون ويكمل مع مادلين لمكان ما بدا
مادلين: رجلي على رجلك ليال
ليال: ما حابة وقعك بمشاكل
مادلين: ما انا واقعة خالصة.. شكرا اياد.. اسمع.. ما بتحكي لأي حدا انك شفتنا او عرفت منا شي.. وهي مصاري
اياد: ولو مدام سرك ببير.. ومافي داعي للمصاري انا فاعل خير مو اكتر..
مادلين: معلش خدن من ايدي
Telegram@rwayate
نزلنا عالبحر وقعدنا عالكرسي وصرنا نصفن لبعيد.. كل واحد هو وخيالو عم يفكروا سوا..
مادلين: يلا امشوا
_________________________________
بعد 7 سنوات
ليال: نتالي.. جيبيلنا قهوة وحطيا عالبرندة.. بدنا نشرب انا ومدام مادلين
نتالي: حاضر مدام
طلعت على درج القصر الطويل مشان اطلع نادي لمادلين.. بس لمحت باب غرفتا مردود.. وشفت مادلين حاطة ايد على قلبا وايد على رقبتا وفاكة أول زرين من القميص مشان تتنفس منيح.. دفشت الباب بسرعة ودخلت.. حطيت ايدي تحت راسا ورفعتو
ليال: مادلين.. مادلين ردي عليي
أشرتلي على علبة دوا عالمكتب.. رحت جبتا بسرعة وعطيتا مي.. بعد ما اخدت الحبة هديت شوي وبدأ نفسها ينتظم.. اطلعت عالعلبة وكان لمرضى القلب.. مو معقول.. مادلين مريضة قلب!!
نقلناها عالمشفى مشان نتطمن عليها وهون كان الصدمة
الطبيب: للأسف المريضة حالتا متأزمة كتير.. المرض محتل جسما صرلو اكتر من 30 سنة.. من زمان كان ممكن تنحل بس.. هلأ للأسف مستحيل
Telegram@rwayate
بدأت دموعي تنزل شوي شوي.. انا كل الناس يلي بحبن بيموتوا.. هيك آخرتي.. وبدأت اتذكر مواقف انا تغاضيت عنها
_____________________
ليال: مادلين
مادلين: نعم ليال
ليال: بدي افهم ليش بتضلي حاطة ايدك على قلبك؟!
مادلين: اااخ يا ليال من الهموم
______________________
ليال: مادلين شبك
مادلين: شو فيقك بنص الليل
ليال: سمعت صوت حركشة بالمطبخ قلت اجي شوف
اطلعت على علبة الدوا يلي بايدها وخبتا فورا ورا ضهرا
مادلين: اي انا بس جيت اشرب مي
قلت وانا عم اطلع على ايدها
ليال: تصبحي على خير
______________________
يا الله مأجدبني.. كيف ما انتبهت
دخلت لعند مادلين وانا عيوني دبلانة من كتر البكي.. لما شفتا نزلت دموعي لا إرادياً.. رفعت ايدا ومسحتلي دموعي وهي عالتخت
Telegram@rwayate
مادلين: كم مرة بدي علمك دموعك محدا بيستاهل ينزلو مشانو
ليال: انا مكتبلي اني دائما يموتوا كل يلي بحبن..
صرت اشهق بين كل كلمة
ليال: هي امي وابي.. وهي خوالي.. وهي عمي.. وهي سما اختي مرضت و كمان ماتت.. وهلأ بدك تتركيني وتروحي
مادلين: رح روح سلملك عليهن كلن.. الا عمك.. بيستاهل الموت
موت مادلين بالنسبة الي كان اصعب شي عليي.. كانت متل امي.. وقفت معي حتى اخدت كل املاكي.. وبفضلا انعدم عمي يلي كان عليه آلاف قضايا.. منها مخدرات وقتل وسرقة ونهب..
رحت على محل الورد تبعي وطالعت كل الموظفين.. وبدأت بيع.. يلي تطلب وردة اعطيها عشرة وببلاش.. لحد ما بقي 20 وردة.. حملتن وحطيتن بسلة صغيرة.. وصرت امشي بالشارع وبيع.. بعد ما صاروا خمسة.. رحت عالبحر.. لقيت اختي حياة قاعدة على كرسي مع قطتها يلي بتحبها وصافنة لبعيد.. طلعت عالجبل مرة تانية ووقفت بنفس المكان.. صرت طالع كل ورقة من كل وردة وهي لحالا تطير من ايدي من شدة الهوا.. وجاكيتي الطويل كان عم يطيرو الهوا
(( مادلين: هالمرة نيتك مو الانتحار.. نيتك شي تاني انا وياكي وحدنا منعرفو ))

#بائعة_الورد_بقلم_رُلى_كوجك
الجزء الأول - الثاني - الثالث - الرابع - الخامس - السادس - السابع - الثامن - التاسع - العاشر - الحادي عشر #انتهت
Telegram@rwayate
سلة صغيرة ومليانة ورد مشكل.. هاد راس مال شغلي.. عند الاشارات بمسك هالسلة وبركض فيها عالسيارات.. منن بياخدوا وحدة وبيعطوني مصاري كتير ومنن بياخدوا رزمة وبيسحبوا بالسيارة.. كنت عم اشتغل كتير كرمال وفر لاخواتي الاكل والشرب بعد ما توفوا ابي وامي ورمونا بيت جدي..
______________________
ليال: سما.. حياة.. وينكن
سما: اي اي اختي.. ليكنا
ليال: تعوا تعوا اليوم غير شكل.. جبتلكن سندويش فلافل
حياة: وانتي اختي وين تبعيتك
ليال: اه؟ اي اكلتا عالطريق
كتير فرحت وانا عم اطلع باخواتي وهنن عم ياكلوا بفرح.. اكلنا العادي هو شوية خبز يابس مع زعتر وزيتونة.. خلصنا اكل ومشينا لبرا.. هلأ صار لازم نلاقي مكان تاني ننام فيه.. هاد المكان مهجور شوي..
لاقينا مكان بوسط المدينة وقعدنا فيه..
بعد شوي اجت لعنا وحدة كبيرة شوي
- مرحبا يا بنتي
ليال: اهلين خالة
- فيني اقعد هون
ليال: ولو تفضلي
سحبت سما وحياة لجنبي وخليتها تقعد
- انا من زمان شايفتكن انتوا ال 3 من مكان لمكان.. مالكن حدا
حياة: لا خالة
Telegram@rwayate
قرصتا لحياة وزورتا بمعنى تسكت
- مممممم شو اسمكن
اجت لتحكي حياة بس قاطعتا
ليال: انا اسمي قمر وهي نور وهي جهان
اطلعوا فيني اخواتي مستغربين من يلي حكيتو
- ايه يعني مالكن ولا حدا ابدا
ليال: لا خالة.. النا ام واب بس نحن. هلأ عم نرتاح شوي.. لأنو كنا عم نركض ونحن رايحين عالبيت
اطلعت فينا بشك بعدين سألتني
- انتي كم عمرك بنتي
ليال: اسفة خالة بس صار لازم نمشي.. يلا نور.. جهان..
ما تركتلا فرصة تحكي
مشينا شوي شوي واول ما طلعنا برا المكان صرت اركض واسحب اخواتي معي
حياة: ليش ما قلتي اسماءنا عنجد
ليال: تاني مرة وقت بيجي حدا غريب انا بحكي.. انتوا ما بتحكوا شي
مديت راسي شوي لبرا لقيت نفس المرة عم تلتفت حواليها وكأنها عم تدور علينا
خفت كتير وسحبت نفس..
ليال: أي حدا بيسألكن عم اسمكن بتقولوا اسم تاني نهائيا..
سما: ليش اختي
نزلت لمستواها وقلت مع ابتسامة خفيفة
ليال: حبيبتي مو كل الناس كويسة.. في ناس أشرار وكل همن يأذوا الناس
هزت راسها بعدم فهم ورجعت اطلعت عالمرة ما لقيتها.. كملنا ركض لحد ما وصلنا جنب محل فطاير.. كنت عرفانة انو اخواتي كتير مشتهيين بس مو بايدي
وانا ماشية من جنبو بتوقفني نفس المرة ومعها 3 فطاير
- خدي هدول يا بنتي
شهقت بقوة وانا خايفة كتير..
Telegram@rwayate
ليال: لا خالة شكرا
- ليش حبيبتي خديهن الكن اكيد جوعانين
ليال: لا ابي وامي عم يشتروا من هداك المطعم.. عم نستناهن..
- هلأ انا جبتن عالفاضي
اخدتن منا وابتسمت مع اني من جوا ميتة خوف..
ليال: يلا اسمحيلنا
اول ما بعدنا شوي رميت الفطاير للعصافير وانا مرعوبة.. دبرت مكان حتى نقدر ننام فيه.. تاني يوم فقت بكير واخدت السلة الصغيرة تبعيتي.. ورحت عالحديقة العامة وقطفت ورداتي يلي زارعتن.. انا زرعت اكتر من 1000 وردة بهي الحديقة وكل الناس بيعرفوا انو هاد الركن خاص فيني.. كل يوم بجي بقطفلي كم وحدة وبروح ببيعن.. وانا لأني حلوة كنت اقدر حصل شوية مصاري
ليال: يا اخي ليك هي وردة.. خدها لامك او لمرتك او لبنتك.. الله يخليك. أجبر بخاطري
نزل شباك السيارة واخد آخر 4 وردات بالسلة وسحب بالسيارة
ليال: لككك وين رايح.. تعال
صرت اركض وراه بدون وعي لأنو هدول كانوا اخر شي معي..
ثواني قليلة وماعدت حسيت بشي.. اصوات ناس كتيرة وهي عم تصرخ والرؤية مشوشة عندي
يتبع...

#بائعة_الورد_بقلم_رُلى_كوجك
الجزء الثالث
Telegram@rwayate
ليال: لا اختي خلص مكتفيين
حياة: ليال.. انا ماعندي مشكلة.. ممكن اشتغل بالخدمة.. يعني جيب قهوة شاي.. هيك
ليال: يا اختي لساتك صغيرة
حياة: معلش اختي منتساعد..
ليال: آخر قرار..
حياة: اي
ضميتا لحضني بعدين فاقت سما
سما: شو وانا كمان بدي..
اضحكنا سوا.. وضميتا هي كمان
ونمنا كلنا بنفس التخت بما انو كبير شوي.. فقت تاني يوم ولبست اللبس الخاص بالتنضيف.. طلعت بكير لعند ام سامي وخبرتا انو اختي بتشتغل بالضيافة بالشركة.. وافقولنا وبدأنا نشتغل.. كنت كل شوي طل على اختي لاقيها مبسوطة وعم تبتسم للكل.. اليوم كان متعب كتير لأنو زوجة الرئيس كانت جاية زيارة لمديرة شركتنا.. كانت عم تعمل جولة بين الشركات.. جهزنا كلشي ونضفنا الشركة منيح انا وكم صبية معي.. اجت زوجتو.. كانت بآواخر ال 30 وانا كنت عم راقبها من بعيد.. تيابها كلها فخمة وعم تمشي بكعب عالي متل يلي كان عند امي الله يرحمها... بعد 5 دقايق طلبوا من اختي قهوة.. بس انا خفت انها ما تعرف تتصرف قداما فاخدت القهوة بدال اختي.. اول ما دخلت صفنت فيني زوجة الرئيس.. ضيفتا فنجان القهوة بس ما اخدتو.. وانا كنت مسحورة بريحة عطرها.. ضلت صافنة
Telegram@rwayate
فيني لحد ما نطقت المديرة
انتصار: يا خانوم تفضلي
مادلين: اه؟ اي اي شكرا حبيبتي..
وانا طالعة سألتني بالتركي
مادلين: انتي شو اسمك
ليال: اسمي قمر
مادلين: اسم على مسمى.. كم عمرك
ليال: 20
مادلين: ممممم... طيب استنيني برا بعد ما نخلص بدي احكي معك شوي
انصدمت من يلي صار بس اكتفيت اني نزل راسي..
طلعت لبرا وانا خايفة كتير.. ما بعرف ليش.. رحت لعند ام سامي وحكيتلا يلي صار معي
ام سامي: يا بنتي والله مابعرف.. بس احتمال تاخدك لعندا عالقصر تشغلك..
ليال: كيف يعني
ام سامي: قمر.. هي فرصة كتير كبيرة الك.. بتاخدي راتب عالي وبتعيشي بالقصر.. هاد يلي بتوقعه..
ونحن عم نحكي اجت مدام مادلين
مادلين: قمر تعالي معي..
لحقتا وطلعنا لبرا
مادلين: شو اسمك
ضحكت بخفة وقلت
ليال: قلتلك يا خانوم اسمي قمر
مادلين: اسمك الحقيقي
تلبكت شوي وماعرفت شو احكي
Telegram@rwayate
ليال: كيف يعني.. اسمي قمر
مادلين: بسألك للمرة الأخيرة.. اذا قلتيلي اسمك اكيد بقدر ساعدك
ليال: بشو تساعديني
مادلين: بكل شي.. انا شايفة وجهك من قبل.. بس ما متذكرة وين.. وجهك مألوف بالنسبة الي
ليال: بس انا ما بعرفك ولا مرة شفتك يا خانوم
مادلين: قوليلي شو اسمك حتى اقدر ساعدك
ترددت كتير بس هي حصرتني
ليال: اسمي ليال
مادلين: مممم.. ليال...
يتبع.. 💜

#بائعة_الورد_بقلم_رُلى_كوجك
Telegram@rwayate
الجزء السادس
ليال: عمي! 😳
لحظات صمت صابت الجمهور وكل حدا حاطط تمو بادن التاني وعم يتهامسوا.. مادلين وقعت شنتايتا من ايدها وصفنت فينا..
نزلت دمعة من عمي.. يلي هلأ صار رئيس.. تذكرت كلشي صار.. من وقت ما صار يمنني انو عم يصرف عليي لحد ما رماني برا البيت وترك الشارع يحميني.. نزل من عالمنصة وهو عم يمشي بخطوات بطيئة باتجاهي.. وانا صرت امشي باتجاه معاكس وركضت لبرا القصر.. سمعتو عم يعيط عرجالو ليجيبوني بسرعة بس انا لأني كنت نحيفة كتير كنت اسرع منن.. تخبيت بدخلة وشفتن هنن كملو لقدام.. ارتحت شوي ونبضات قلبي بدأت تخف.. ما بدي ارجع عيش عندو.. مابدي ارجع عيش عند هالظالم
شفت الرجال راجعين وهنن متلبكين كتير.. استنيت 5 دقايق بعدين قمت.. صرت اركض بدون وجهة.. بس رجليي لحالا اخدتني عالحديقة.. ورداتي كبرانين والعم أسعد عم يسقيهن. منيح.. صاروا كلن بألوان بتجنن وعاملة منظر حلو للحديقة.. قطفت رزمة واخدت سلة من عند عمي اسعد.. ورحت عالشوارع لبيع.. نهايتي بائعة ورد.. هي الشغلة يلي تأسست عليها.. جمعت شوية مصاري حتى اقدر اشتري شي آكلو.. غصيت كتير وانا عم اتذكر اخواتي.. يا ترا شو عم يصير فيهن هلأ.. اكلوا ؟ شربوا ؟.. خلصت السندويش ورحت عالبحر.. هنيك المكان يلي بفرغ فيه همومي.. صارت الساعة 12 بالليل ومافي حدا.. وقفت قدام البحر.. واخدت نفس عميق.. وصل لكل ذرة بجسمي.. صرت احكي كلشي صار معي بصوت واطي.. بركي هالبحر الكبير بساعدني..
Telegram@rwayate
فقت تاني يوم على زقزقة العصافير.. رجعت عالحديقة قطفت رزمة وصرت بيع.. لحد ما شفت سيارة سودة.. هي.. هي نفسها سيارة مدام مادلين.. قطعت الشارع من قداما وركضت وهي ضربت بريك وصل صوتو لآخر الشارع.. صرت اركض وهي بعتت المرافقة يلحقوني.. بس رجعت ضيعتن.. صار اخر الليل وما معي اشتري شي مشان اكلو.. رحت عالبحر.. وطلعت عالجبل يلي هنيك.. اخدت قراري.. ما الي غير اغطس جوا هالبحر الغميق.. بركي بتاخدني أمواجو وبتعطف عليي وبتريحني من عيشتي هي..
- بسهولة بدك تتخلي عن اخواتك
فتحت عيوني وانا عم التفت حواليي
مادلين: بعمري ما شفت وحدة بتترك اخواتا بسهولة وبتمشي
ليال: بس انا كتير ساندتن ووقفت معن.. واللقمة ما باكلها الا لاطمن انهن اكلو
مادلين: وعند اول مطب بتتركيهن.. لك هدول اخواتك
ليال: هاد مو اول مطب.. هاد يمكن ال 500
مادلين: بدك ترمي حالك ارمي.. بس حبيت قلك انو اخواتك عندي بالقصر.. بتعرفي عنوان القصر.. بدك تجي اهلا وسهلا.. مشيت لبعيد وانا لسا عم دور كلامها براسي.. ناديتلا بس ما ردت عليي ولا التفتت عليي.. كملت مشي لحتى ركبت بسيارتا يلي بآخر الجبل وانطلقت.. ضليت عم اطلع عالسيارة لحتى غابت عن نظري.. رجعت وقفت عالحافة وانا مترددة
..

#بائعة_الورد_بقلم_رُلى_كوجك
Telegram@rwayate
الجزء السابع
تراجعت.. معها حق.. ما بصير اترك اخواتي عند عمي الظالم.. لازم اخدهن.. رجعت بسرعة وصرت اركض.. وصلت عالقصر وانا عم الهث.. اول ما وصلت سحبوني رجالين من ايدي بقوة ودخلوني
- معلم لقيناها برا
كمال( عمي) : اطلعوا لبرا
نزل سيجارتو البنية وطفاها.. واطلع فيني
كمال: انتي كيف عرفتي اني صرت رئيس؟
ليال: ..............
اكتفيت اني اطلع فيه نظرات تحدي
كمال: عم احكي معك
ليال: ..............
كمال: شوفي انا بعرف اني ظلمتك بس والله ندمان.. دورت عليكي كتير بس ما لقيتك.. اخر شي انتقلت لاسطنبول ورشحت حالي لهالمنصب
ليال: ووافقوا عليك بالواسطة😏😏
كمال: لا والله مو هيك.. انا تعينت هي السنة وأثبتلن اني بحمل المسؤولية..
ليال: وين اخواتي بدي شوفن
كمال: لسا ما خلصت حكيي
ليال: بس انا خلصت.. بدي اخواتي
Telegram@rwayate
كمال: انا عمك.. احترمي حالك واحكي معي بأدب.. والا والله بتشوفي شي ما بيعجبك..
ليال: ايواا.. هاد عمي يلي بعرفو.. براافو
صرت صفقلو على إنجازو الكبير.. وانبسطت لما حقيقتو ظهرت
ليال: لازملك تصفيق اكتر.. حيااة.. سمااا
طلع صوتن عم ينادولي من غرفتي
حياة: يا اختي نحن هون محبوسين
ليال: شو هاد يلي عم اسمعه
كمال: انا عمن وأدرى بمصلحتن
ليال: اي من هيك رميتنا مشان تطيع مرتك.. صحي وينها مرتك الاولى.. ايي طلقتا وتجوزت مدام مادلين مشان المنصب والجاه.. لأنها بتليق فيك يااا.. عمي
ضربني كف رن صوتو بادني
ليال: يلا كمان.. اضروب.. لا عنجد ضروب.. ليش في بيناتنا مزح يلا اضروب..
كمال: ليال اخرسي.. قللتي ادب كتير.. ولصبري حدود
بدات دموعي تهر وحدة ورا وحدة لحد ما انفجرت وصرت اصرخ
ليال: السيد الرئيس.. مو حضرتك يلي رميتنا من 4 سنين للشوارع.. تركتنا ايام بدون اكل.. ضرب تعذيب اهانات ذل تمنين.. كل هاد استحملناه منك مشان لقمة عيشنا.. سافرنا تعرضنا للخطر اشتغلنا وعشنا.. صرلنا 3 سنين عايشين بفضل الله.. تجي هلأ تتمرجل وتصير عمن.. وين كنت من 4 سنين ااه؟
رحع ضربني كف اقوى من يلي قبلو ووقعني عالارض
صرت اضحك بشكل هستيري وانا عم ابكي
Telegram@rwayate
ليال: يلا برافو عمي.. قصدي حضرة الرئيس.. هاد هو يلي بعرفو.. ما تعودت عليك غير هيك..
رجعت وقفت وانا حاطة ايدي مكان الكف..
كمال: والله لسا بدك ترباية.. الشوارع خربتك
ليال: هالشوارع يلي خربتني انت يلي زتيتني عليها.. وهالشوارع يلي خربتني هي يلي خلتني عيش اخواتي وطعميهن.. والشوارع يلي عم تحكي عنها هي يلي حمتني وآوتني بعيد عنك..
اجا بدو يضربني مرا تانية بس ايد مادلين وقفتو
مادلين: لك شو عم تعمل ااه.. هي بنت اخوك.. بتعرف شو يعني.. يعني هي امانة شو عم تعمل انت
كمال: انتي ما دخلك.. بدي ارجع ربيها على ايدي
مادلين: البنت متربية احسن ترباية.. بس انت لازم تفتح مخك شوي
كمال: اخرسي انتي وما تتدخلي
مادلين: شو نسيت انك لولايي ولولا ابي ما كنت وصلت لهون.. ولا بتحب ذكرك.. احترم حالك
سكت عمي وهو منفجر
كمال: لك تضربي منك لابوكي..
Telegram@rwayate
وطلع بعدها من البيت.. انا كنت عم ارجف وخايفة كتير.. ضمتني مادلين واخدتني لعند اخواتي
فرحت كتير اول ما شفتهن ونسيت شوي من الالم يلي واجهتو من شوي.. صرنا نحكي سوا ونضحك ومادلين بس عم تطلع فينا وتبتسم..
بعد ما نامو اخواتي فتحت معي موضوع مهم
مادلين: شوفي ليال.. انا تعرفت عليكي عن طريق الصور يلي ورجاني اياها كمال.. ما قلي ابدا انو عاملك هيك.. قلي انك هربتي مع اخواتك بدون علمو.. ابي عندو سلطات قوية.. وهو يلي زوجني كمال غصب عني.. لأنو كمال وعد ابي يعطيه مبلغ كبير اذا بيتوسطلو يصير رئيس.. وبعد ما صار رئيس.. ابي زوجني الو مشان كون تحت اسم " زوجة الرئيس ".. بس بدي قلك عن شي مهم
ليال: عم اسمعك
مادلين: متل ما بتعرفي ابوكي عندو املاك كتيرة واموال اكبر.. ما سألتي حالك وين راحوا
ليال: لا والله صحي.. وينن
مادلين: هنن مع عمك بالحساب بالبنك
ليال: شو يعني حساب بالبنك
Telegram@rwayate
مادلين: يعني واحد بيحط مصاري ببنك مشان يضلوا محفوظين فيه..
ليال: ممم.. ما فهمت بس ماشي
مادلين: وكل املاك ابوكي مسجلة بورق بالخزنة.. حتى هاد القصر انبنى على ارض ابوكي.. يعني من حقك الك
ليال: كيف فيني استرجع هدول الاملاك
مادلين: انا رح ساعدك.. انا بعرف وين مكان الطابو ورقم حساب البنك.. بس بشرط واحد صغير
ليال: عم اسمعك
مادلين: بدي تساعديني اتطلق منو
ليال: وانا كيف فيني ساعدك
مادلين: الطريقة بسيطة كتير.. بس بدي تقولي للمحكمة شفتيه عم يضربني وانا بدبر جروحات على ايدي
ليال: بدك ياني اشهد زور
مادلين: مو هيك.. يعنيي
ليال: اسفة مافيني.. لاقي طريقة تانية
Telegram@rwayate
مادلين: طيب بالاول رح نرجعلك املاكك بعدين منتناقش
ليال: انشالله.. تصبحي على خير
مادلين: وانتي بخير.. ااه صح ليال.. بدي نبهك.. ما لازم يعرف عمك او أي حدا بحرف واحد
ليال: على خير انشالله

#بائعة_الورد_بقلم_رُلى_كوجك
Telegram@rwayate
الجزء الثامن
فقت تاني يوم بكير.. تمددت شوي لصحصح لقيت بس سما جنبي.. اجيت بدي اخل عالحمام ولا لقيت حياة بالحمام.. رحت لاطلع عالحمام الخارجي بس كان الباب مقفول.. صرت حاول افتحه بقوة بس ما كان يفتح.. حطيت ايدي على راسي ورجعت شعري لورا..
قلت بهدوء
ليال: حدا يفتحلي الباب
بس محدا رد ولا بكلمة.. ما كان بدي اتعب حالي اكتر.. بعرف مارح يفتحولي..
مادلين: ليال.. عمك هو يلي قفل عليكي.. استني بعد ما يروح بعدين نطي من الشباك
ليال: الله يخلصني من هالعيشة
استنيت لشفتو راح وبالفعل نطيت من الشباك بما انه واطي.. ولقيت مادلين بآخر الحديقة.. مشيت لعندها بعدين قعدنا عالمرجوحة الكبيرة نحن التنين
مادلين: اذا بدك هلأ فيكي تحصلي كل املاكك
Telegram@rwayate
ليال: واذا بدك هلأ فيكي تتطلقي
مادلين: يعني رح تساعديني وتشهدي
ليال: اي رح اشهد.. بس مو بيلي قلتيلي عليه
مادلين: لكن؟
طالعت الموبايل من جيبتي وورجيتا الفيديو
ليال: دائما بيجي سكران عالبيت.. وعالطالعة والنازلة بيقتل رجالو..
غمزتا وابتسمت
مادلين: برأيك بيمشي الحال وبتطلق
ليال: مو بس بتطلقي.. بروح فيها شي 10 سنين سجن بعدين ابعاد عن البلد
ضمتني بحنان وهي طايرة من الفرح
ليال: طيب هلأ بس جيبيلنا الورق مشان نقدر فورا نروح.. اي صح.. بصمتيه وهو سكران؟
مادلين: كلشي زابط
Telegram@rwayate
طلعت لفوق جابت شوية وراق.. انا نطيت من السور مشان الرجال ما يشوفوني وهي راحت من الباب الرئيسي.. اول شي عملناه انو رحنا عالبنك وحطينا كل الاموال بحسابي.. كان مبلغ هائل بيخليني عيش 10 سنين بدون شغل.. كنت عم فكر أتراجع واكتفي بهدول بس مادلين اقنعتني انو هاد حقي.. وبالفعل ما لازم اسمح للشر يتوسع.. رحنا عالمحكمة ورفعنا قضية.. وكمان ورجيناهن الفيديو يلي معي وقبلوا انو تتسجل شكوتنا.. وهون بتركيا في نظام وبينطبق حتى لو كان عالرئيس.. راحت مادلين ضبتلنا غراضنا وغراضها من القصر واخدتنا لكوخ بعيد واخدت 2 رجال معنا.. كان كوخ كبير وبجنن.. كتير بحب هيك قعدة وخصوصي انه مطل عالبحر.. وبالليل اول ما حطينا راسنا للنام سمعنا صوت باب الكوخ انكسر.. قمنا انا ومادلين بسرعة مفزوعين لنشوف شو في
عمي: انا رجالي ما بخونوني 😏
مادلين: ههه.. وانا كرامتي ما بتخوني كمان 😉
ليال: ..............
يتبع.. 💜

#بائعة_الورد_بقلم_رُلى_كوجك
الجزء الرابع
Telegram@rwayate
تفاجأت فيها بدأت تحكي سوري
مادلين: انا متأكدة اني بعرفك
ليال: 😳😳
مادلين: لا تنصدمي.. انا متعلمة سوري.. انتي من وين
ليال: من.. من سوريا
مادلين: كم عمرك
ليال: 18
مادلين: هاد الحقيقي؟
ليال: اي والله
مادلين: انا مابقدر اتركك هيك وروح
ليال: كيف يعني
مادلين: بدي اخدك لعندي عالقصر
ليال: بصفتي شو
مادلين: بصفتك ضيفتي..
ليال: واخواتي؟
مادلين: بضلوا هون
ليال: انا اسفة مابقدر اترك اخواتي لحالن
مادلين: رح ترجعي تلتقي فيهن
بيال: مابقدر عيش بدونهن..
Telegram@rwayate
مادلين: بعد اسبوع جاية اخدك.. وحكيت المديرة.. اياكي تعملي شي غلط او تهربي
مشيت بدون ما تسمع جوابي.. فتحولا الحراس باب السيارة.. دخلت نص جسما بالسيارة بعدين التفتت عليي..
مادلين: متل ما نبهتك
دخلت جوا السيارة ومشيت..
لساتني مصدومة بيلي صار.. بصفتا شو بتتحكم فيني.. طبعا لأنها مرت رئيس.. هيك الدنيا بتعطي الصلاحية للظالم.. دخلت لجوا وانا مكسورة.. محطمة.. صادفتني ام سامي.. حاولت تسألني شو بدها مني بس ما جاوبتا بشي.. بآخر الليل كنت قاعدة عالتخت انا واخواتي
سما: ليال
ليال: نعم حبيبتي
سما: كيف هيك انتي حلوة كتير.. بدي كون حلوة متلك
ليال: حبيبتي انتي احلى مني بكتير..
سما: بس انا حابة كون متلك ومتل وجهك
Telegram@rwayate
ضميتا لعندي وصرت ابكي عالصامت.. كنت عرفانة اني رح انتقل على هداك القصر الكبير.. الكل بيحلم يكون فيه بس انا بعتبرو جهنم.. حاولت خلي سما تنام جنب حياة مشان تتعود عليها وفعلا صار هيك.. اول شي واجهت صعوبة بس بعدين مشي الحال.. كل يوم عم يمر وانا عم ادعي ربي يكون حلم.. بيوم اجت لعندي حياة
حياة: اختي ليكي عطوني هاد الموبايل وقال خلوه للضرورة
ليال: مين يلي عطاكي اياه؟
حياة: مابعرف رجال غريب.. اجا عطاني اياه وقلي خليه معك..
فتحت الموبايل وصرت اتفحص اذا فيه شي بس ما لقيت أي شي غير طبيعي.. حطيت الموبايل بجيبتي وصرت فكر منيح مين يلي عطاها اياه..
Telegram@rwayate
شرحت لحياة يلي رح يصير بكرة واني رح انتقل للقصر.. بكيت كتير وما كانت تهدى.. الموبايل ضل معي واشتريتلا واحد صغير.. مشان نتواصل.. وما خبرت سما مشان ما تبكي قدامي.. اجا هداك اليوم.. يوم موتي.. رح ابعد عن اخواتي.. اجت مادلين.. تمنيت لو انها تكون نسيانة.. بس لا اجت بكير كمان.. كنت مجهزة اغراضي.. ركبنا بسيارة سودة فخمة وصارت تمشي فينا السيارة.. لحد ما وصلنا للقصر.. قصر كبير كتير وفخم.. كلو من. حجر أثري.. دخلنا لجوا وطلعت الخادمة عم ترحب فينا ( بالتركي )..
مادلين: هي الغرفة عاليمين الك.. ما تطلعي ابدا.. مابدي حدا يشوفك.. الخادمة بتدخلك الاكل وبتطالعو.. وهي جرس بالغرفة اذا بدك أي شي اكبسية والخدامة بتجي لعندك..
هزيت راسي وانا عم ابكي ودخلت.. غرفة بتشبه غرفة الاميرات.. الاغطية من افخم الانواع.. فتحت الخزانة كلها تياب راقية بنفس مقاسي.. دخلت عالحمام كان افخم بكتير من حمام الشركة.. طلعت وانا عم اتأمل هالغرفة.. كبيرة وواسعة.. صرت اتمنى لو اخواتي معي.. كنا رح ناخد جزء بسيط من هالتخت الكبير.. أحجامنا صغيرة كتير.. بس انا طويلة.. دقت الخادمة الباب ودخلت
الخادمة: بتحبي تاكلي شي
ليال: من وين بتحكي عربي
الخادمة: انا بحكي سوري.. وقت اخدتني مدام مادلين عسوريا تعلمت هنيك
بسوريا؟!!! استغربت كتير.. مدام مادلين كانت بسوريا
هزيت براسي بعمنى لا وطلعت.. يوم عن يوم وانا مخنوقة بهالغرفة.. بس كل مرة تطل عليي مادلين تحذرني انو حدا يشوفني.. وبيوم كانت الخادمة برا القصر وباقي الخدم كلو بالحديقة عم يجهز لحفل المسا.. رن التلفون برا ومحدا كان يرد.. كنت عم اقرأ رواية ومزعوجة من الصوت.. ضل يرن كتير وما كان يوقف.. طلعت لبرا وانا مزعوجة كتير مشان طفي التلفون.. بس بتفاجأ بولد مارر من قدامي
ليال: حمزة!؟
التفت عليي بسرعة..
Telegram@rwayate
ليال: حمزة هاد انت
حمزة: مين انتي؟
ليال: لكك انا بنت عمك ليال.. انتي ما بتعرفني.. بس انا بعرفك من 8 سنين انت ولدت.. وضليت معك 4 سنين بس بعدين انا رحت.. حمزة ما تذكرتني
كنت. عم احكي مع حمزة بدخلة مدام مادلين.. وقعوا الكياس من ايدا وهي مصدومة
مادلين: حبيبي تعا لعندي
حمزة: امي انا بعرفا لهي.. وين شايفا
مادلين: لا حبيبي ما بتعرفا
حمزة: لا انا شايفا من قبل
مادلين: حبيبي هي خدامة جديدة من وين بدك تعرفا..
زورتني مادلين وسحبت حمزة على غرفته وهو عم يتطلع فيني.. فجأة رن موبايل.. موبايل مين؟ كان الصوت جاية من غرفتي.. وتذكرت وقتا انو الموبايل يلي عطتني ياه حياة هو يلي عم يرن
اخدته ورديت.. طلعلي صوت واحد عم ياخد انفاسه بصعوبة وكلامو متقطع
- حياة.. انتي وسسما بخطر.. اهربوا من الشركة بسرعة..
سمعت صوت ضربة قوية وتسكر الخط
يتبع... 💜

#بائعة_الورد_بقلم_رُلى_كوجك
Telegram@rwayate
الجزء الخامس
ليال: الوو.. الوو
تسكر الخط وماعاد عرفت شو اعمل.. بنزلة مدام مادلين عالدرج كنت عم اركض باتجاه الباب
مادلين: يا بنت.. ليال تعي لهون
كنت عم اركض بدون ما حس على حالي.. لحد ما لاحظت سيارتين سود عم يلحقوني.. كانت مدام مادلين عم تسوق وحدة ووراها مرافقة
قربت لصارت جنبي ونزلت الشباك
مادلين: اطلعي بالسيارة
ليال: اخواتي بخطر لازم الحقن
مادلين: طيب اطلعي لوصلك بسرعة
وقفت شوي وبدون تردد ركبت معها..
ليال: عالشركة بسرعة
Telegram@rwayate
صرت اتصل على ام سامي بس ما كانت ترد
اول ما وصلنا قلتلا تروح من الباب الأمامي وانا روح من الخلفي يلي بيودي على غرفتنا.. اول ما وصلت انفتح الباب وطلعوا اخواتي ووراهن وحدة.. بعرفها.. وين شايفتها..
ليال: انتي.. انتي مو معقول
استرجعت ذاكرتي وتأكدت انو هي نفسها يلي تعرضتلنا من شهور وهربنا منها.. طالعت سلاح ووجهتو على اخواتي
- اي حركة بقتلهن..
ليال: ششو بدك
- ولا شي.. بس بدي ياكي انتي وهالحلوات
ليال: ششو بدك منا
- بدي اكسبلي كم قرش منكن
Telegram@rwayate
مادلين: طيب واذا انا خليتك تكسبي كم رصاصة براسك
كانت واقفة مادلين وراها بالضبط وحاطة المسدس على راسها
بدأوا يطلعوا المرافقة حوالينا وحاوطونا ووجهوا السلاح عليها..
- تركوني.. بدي روح.. اذا ما سمحتولي روح بقتلن والله.. انا ما بتهمني حياتي.. والله بعملها
كانت عم تحكي بنبرة حادة ومبين انها عنجد بتعملا
ليال: نزلوا أسلحتكن.. مدام مادلين الله يخليك نزلي سلاحك
صرت ابكي واترجاهن ينزلوا بس محدا تحرك.. بدأت تعد
- 1..
ليال: مشان الله نزلوا اسلحتكن
نزلت مادلين سلاحها وبعدها فورا الكل نزل سلاحو مشيت وهي عم تتحامى باخواتي
سما: اختي لا تتركينا..
كتمت شهقاتي بصعوبة وانا عم اطلع عليهن بعيون دامعة
مادلين: رح اوصلك وين ما كنتي.. رح اوصلك
وبكل سهولة انسحبت هي واخواتي وسحبت مصطلح السعادة من حياتي معها..
لاحظت حدا مرمي عالحشيش.. ركضت لهنيك لقيت رجل بعمر ال 40 وجنبو موبايل ومضروب بالفأس على راسو.. وهون تأكدت انو هاد هو يلي حكا معي..
ركبنا بالسيارة وانا عم ابكي عالصامت بعد ما مرينا عالبحر
طالعت مادلين موبايلها واتصلت عالخادمة
مادلين: ايلين.. بدأت الحفلة ولا لسا.. اي منيح.. يلا يلا جاية
مشينا شوي لحد ما وقفتنا بنت بنص الشارع
مادلين: خالة الله يخليكي اشتري مني هالوردة
سكرت مادلين شباكها بغضب وصارت تسبها وانا غصيت اكتر
ليال: ليش هيك عاملتي البنت
مادلين: هدول كذابين عاملين حالن بريئين
Telegram@rwayate
اكتفيت بالصمت لأنو بعرف هي العقول الغنية مستحيل تتوقع شو عم نعيش نحن..
مادلين: لكك هففف شو هالزحمة هي.. هلأ وقتكن
ضلينا اكتر من ساعة ونحن علقانين بالزحمة لحد ما وصلنا للقصر
مادلين: ما بتوقع تكون بلشت الحفلة..
انفتح باب القصر الكبير ودخلت.. فتحت تمي بتعجب وتوقفت دموعي..
الرئيس: وبتشرف بحضور..
اول ما شافني سكت لمدة طويلة.. طلع صوتو عالمايك
الرئيس: لل.. ليال!! 😳😳
بعد هالكلمة وقع المايك من ايدو.. ركضوا الرجال ليجيبوا المايك بس هو ما تحرك من مكانو ولساتو على نفس الصفنة