اب بنته ذاقت منه الأمرين عم يترقب باب غرفتها حتى تطلع منه عشيقته، اخوات تنتين كل وحدة على تلفونها..وام عم تحاول تقنع صديقاتها يلغوا مشوار يوم الغد لبعد الغد حتى ما تخسر الطلعة.
وبالصورة كمان شب عاشق بكل جوارحه رغم كل الاكاذيب يلي حاكها لفتاة احلامه حتى ما يخسرها!
___________

شووو..كيف صارت؟
"اسمع انا تركت التلفون بغرفتها رغم عنها..حكتلي ما رح تحكي معك..انسى البنت..وانا ما رح اقدر ساعدك اكتر..مراد اسفة بس ليلى ما رح تتقبلك وخاصة انها عرفت انه كنت متزوج وعندك بنت!

"بس ليلى بتحبني!!"

_اسمع مني مراد واترك هالبنت، لا تخاف على ابوها بكرا بزوجها..واحسن شب بالبلد متل خواتها التنين..وغصب عنك وعنها...
اطلع فيني وشعل سبجارة..
والله ورب الكعبة، ما حدا رح يغصب ليلى على شي..ليلى الي وبس..

بس نزلت من السيارة، تمنيت لو مراد حبني متل حبه لليلى، تمنيت كون أنا ليلى واكيد ما كنت رح فرط بواحد متل مراد.
_________

ضليت عم جرب اتصل كل الليل ما ردت ولا على تلفون..ما قدرت نام.
كنت بدي اطمن عليها..هبة انتهت مهمتها واكيد صارت نايمة، شو عم يصير معك يا ليلى
.كيف انت معقول بعدك تعبانة!
__
كان التلفون جنبي تركته هبة واطمنت انه يكون صامت...
كل الليل عم يحاول...ما استسلم للحظة!
وانا رغم ضعفي..قويت..علاقتي رح اقطعها معه!
انفاسي عم تتحسن..ولكن قلبي عم ينزف!
بعتلي رسالة..
"قرأتها...
شو اعمل؟! هالمجنون ما رح ينام...
..........
ليلى شايف انك عم تقرأي شو عم اكتب..انت منيحة طمنيني عنك..اقسم بالله اذا ما رديتي رح اجي على بيتكم هلأ..خلص انا انهرت..طمنينييي عليكِ!!

كيف أنسى..

قرأت كلماته بنبرة صوته، لمحت جنبي بعيونه يلي بلمعوا وبلهفته وخوفه عليِّ، جسمي ارتجف..وسرى مفعول حبه بجسمي..بس هالمرة مفعول حبه خنقني أكثر ..زاد وجعي أكتر..
كتمت نفسي ودموعي عم تجري متل النهر على خدي، كان شعور صعب..وجعي وضيقة نفسي وقلبي الي عم يوجعني، الوجع عم يتضاعف أكتر.
أنا كيف أنسى؟
أنا كيف اتراجع!
ليش هيك صار! ليش يا الله اخترني كون ضحية حب ملعون..
مسكت التلفون وايدي اليمين عم ترجف، اما ايدي الشمال فكانت ماسكة وضاغطة على قناع جهاز التنفس على وجهي..بدي اوكسجين عم اختتق..
رجعت برسالة..
#بدك تطمن على ضحيتك؟ خايف كتير على صحتي؟
أنا مو منيحة، أنا من لحظة ما عرفت حقيقتك عم موت..عم موت وجع وقهر...
كنت تحكيلي أنك بتحس بوجعي..بهاللحظة أنا بتمنالك تعيش الوجع وتجربه، حتى تعرف شو يعني وجع لازم تكون ليلى..
حاليًا أنا مو منيحة بتعرف ليه؟
أنا مو منيحة لأنه مفعول حبك عم يسري بجسمي..بتمنى انضف منك بأسرع وقت...باللحظة يلي بنضف منك تمامًا رح كون منيحة كون واثق!
مراد من حياتي مات.
انساني.

بعثت الرسالة.. بكيت اكتر..نفسي ضاق..شعرت انه عم ينقصني اوكسجين. وانه جهاز النفس ما عم يساعدني..مسكت التلفون سكرته وخبيته...طلعت ركض برة الغرفة..
دقيت على باب غرفة امي وابي..
_________________

رح نتخطى هالشي، رح تتفهميني..مراد وقت يموت من قلبك تأكدي أنه نهايته محتومة!
انسى؟
وكيف انسى!
"لعن الحب إن كان بعد كل هذا الحب نسيان..
ستغفري ..فالله من قبلك رحيم رحمن!"
_________

ما بعرف كيف وصلت المشفى..كانت الطريق للمشفى ببتجاوز ال ٣٠ دقيقة مرقوا بصعوبة..ابي كان سايق فيني..اما امي فبقيت بالبيت مع اخواتي . (كل يلي بصير فيكِ من تحت راس النجس..يلااا ينفعك بس تموتي)
كانت كلماته عم تقتلني لدرجة ا
تمنيت انه ما نخلقت لاب عديمة الرحمة متله!

وصلنا ومباشرة وصلوني على ماكنة الاوكسجين. هالماكنة بتساعد على زيادة انتاج الاوكسجين..وانا ما بتذكر اخذت اوكسجين بحياتي كلها، رغم ضيقة النفس يلي بتصحبني بين فترة لفترة كنت اتغلب على ضيقة نفسي بحبة دوا أو بجهاز التنفس..هالمرة كان وضعي صعب..
كيف بدي اتنفس من بعدك يا مراد!
انت اوكسجيني وبلاك صعبة الحياة حتكون.
يا الله ارحمني ونجيني من الهلاك.
كانت ليلة صعبة، نظرات ابي، صوت المرضى، الممرضات، وحتى ماكنة الاوكسجين كانوا عم يتكاتفوا ضدي..
( مجبور اروح عندي بكرا الصبح اجتماع، ببعت امك الصبح)
تركني وراح...وانا من شدة التعب نمت والماكنة عم تشتغل.
___________

النجوم صارت تختفي نجمة ورا نجمة..وما غمضت عيوني ولا حتى سهي جفني...
شمس الفجر بلشت بالشروق، كانت لحظة الشروق عم تنذر ببداية يوم جديد، كلي ترقب وامل بأنه الجلي رغم سواده رح يكون لصالحنا...
ساحة المشفى تقريبًا خالية ..وكل المرضى لا زالوا نايمين....
وحدي كنت عم راقب بتلفوني استنى برسالة اللحظة المناسبة حتى اقدر ادخل..وقبل ما يجي او يشوفني أي شخص من عيلة ليلى!

#حاليًا توكلي على الله يا بنتي، الي صار صار بدنا نستنى. خليكِ هون رح اعمل لفة ببلدكم اطمن على الوضع وارجع..
ديري بالك تفكري تطلعي.
________
كان بيت اهلي مقلوب. امي عم تصرخ وتبكي..
#لك شووو عامل انت..اخدووووا بنتك امي..بنتك اخدوها..شوووو المصيبة يلي جبتها يا امي..
صرت اضرب على جبيني. الا البنت. بنتي يا الله رح جنن. شو اعمل هلأ..
ما توقعت هالشي.
كان ابي عم يتواصل مع الشرطة وكنت واثق تمامًا انه بنتي ما رح ترجعي بهالسهولة.
ليلى وانا وليان وقعنا بأوسخ فخ.
شو اعمل يا رب. شو اعمل
.رن تلفوني..وسمعت صوته.
بنتك مقابل بنتي!
والفيديوهات وكلشي كلشي، كاشي ك ل ش ي بتعلق فيني. بينحذف من حياتك ومخيلتك وتلغونك.
واذا ما رجعت بنتي شوف من الله حق.
حكيتلك اللعب معي اصعب من ما كنت تتصور.
سكر الخط بوجهي..
#لك انت شو عامل، هالكلبة ما رح تنساها. بنتك شو ذنبا بخطفوها منشان وحدة كلبة يا نجس يااااا وسخ.
بلشت كسر كلشي عم شوفه قدامي..بلحظة قدر يدمر حياتي.
بنتي او ليلى.
صار لازم اختار.
تعقدت الامور اكثر ما كنت متخيل.
رجعت بتلفون.
#بدك تقتل بنتي؟
ما بصير عليها شي بس بحالة لعبت بذيلك اقسم بالله رح تدفنها وبعد دفنها رح يغسلولك.
سكر الخط بوجهي وبعدا بعتلي فيديو واتس اب..بنتي عم تاكل بوظة ومبسوطة.
_____
ما تحملت شوف ابني ضايع. وحيدي وما عندي غيره.
بنته صارت جزء من لعبتك يا وسخ يا مروان.
بعثت رجالي واطلقوا النار على الفيلا تبعه.
يا بتموت يا بتموت.
__
اجا العم ابو علي وحكالي شو صاير، ما قدرت ما احكي معه..اتصلتله .
كان صوته مبحوح. مخنوق..حماس مبارح تحول لقهر اليوم.
وما اصعب قهر الرجال!

#شو مراد..انت كيف طمني عنك؟
صحيح هالحكي.
خطفوها، كسروا شوكتي وشوكتك بهالعملة.

#انا خايفة مراد. خلص انا رح ارجع على البيت.
بنتك لازم ترجعلك .انا اسفة انه وصلتك لهيك مكان..ما كنت متخيلة ابي يكون بهالشراسة.
ليلى منشان الله تحملي، اصبري هلأ لا ترجعي رح يقتلك. رح يتخلص منك. ومني.
#وبنتك؟
ما عارف بنتي كسرت ظهري..
#ليلى انا ماسك على ابوكِ شي. كنت عم فكر انه بهالطريقة ممكن امسكه من ايده يلي بتوجعه.
سكتتت وخفت..
شو هالشي ؟
#بعدين بتعرفي.حاليًا ديري بالك على حالك. ليلى اذا صار معي شي تأكدي أنه أنا باليوم يلي كذبت عليكِ كنت عم اعيش اكثر حالة صدق.
حكتيلي انسى..
وكنت ناوي انسى.
بس ما كنت عارف والله ما عرفت.حاولت وما قدرت..جربت وما عرفت.
انا ما عرفت.
انا ما عرفت كيف يلي بحبوا بعرفوا ينسوا!!
جربت اعمل متلهم.
بس ما عرفت.
ليلى انا ما عرفت #كيف_انسى!
اذا متت أنا، انت لا تنسي. خليك الي واملي تكوني الي بالجنة.
هالحكي دبحني..كان عم يحكي وكنت عم اشعر بذبحة بصدري. يا ريت متت ولا سمعته مهدوم ومكسور بهالطريقة.
ليلى انا متأكد انه أنا وانت ما بنفع نكون لبعض.
بس بدي حارب لأنه بحبك. بتعرفي شو يعني بحبك؟؟
عرفوا كيف يقتلوني..حطوك انت وبنتي كل وحدة بخانة وحكوالي اختار.
انا شو اختاااار..اختار روحي او روحي؟
اخدت نفس عميق..ومسحت دموعي.كنت مجبورة قويه رغم ضعفي وقلة حيلتي. كنت بدي كون سنده وكنت بعرف انه كتفي مايل.
#اغلى شي بحياتي انت..اتأكد وقت تموت ما رح استنى رح موت بعدك. بعيد الشر عنك.
مراد بحبك. رح تجتاز هالمرحلة.
انا بحكيلك اختار بنتك.
اختار بنتك.
كون حذر ودير بالك على حالك.
حضل حبك لحتى موت.
سكرت الخط. كنت متخذة قراري ارجع على البيت. بالحالتين رح موت.
لازم انقذ مراد وبنته.
____
بهالعالم في ظلم كبير وفي رب كبير.
الله مع كل شخص مظلوم بحاوطه وبحميه، وبعمل كل شي لصالحه..
واثقة انا بربي.
رح ارجع لبيت اهلي حتى انقذ بنت مراد.
اذا متت بكفيني شرف انه حاولت ولأنه احنا عايشين بغابة فأكيد الحصة بتكون من حظ يلي بكشر عن أنيابه، الضحية غالبًا بتكون الأضعف.
ضعيفة بحكم أبي وظلم محمود والتهم الباطلة يلي لبسني ياها محمود بدون علم مني.
وقوية أنا بحكم ربي وثقتي أنه محاوطني ورح يساعدني.
شو ما كانت النتيجة، الموت أو الحياة بكفيني أنه حاولت. وشرفي رح اظهره حتى لو كفنوني.
طلبت من العم أبو علي يتواصل مع ٥ دكاترة نسائية ويجوا معي لبيت أهلي.
____

أبي عم يعوث بلارض فساد.
مجرم بحكمه وطاغي بأفعاله.
كان سبب استسي لشو بصير معنا، ما بده يستسلم ولا بقبل واحد يكسر شوكته. بس هلأ أنا رح غير القاعدة.
اللعب ضد كل ظالم بكون حلال!
(ويقتَل الظالم بظلمهِ)
ركبت سيارتي ورحت لمحمود الراسي الكلب.
لما شافني عرف انه الي عنده حق وجاي اوخده..اطلع فيني وقبل ما احكي شي بادر بالحكي..
#انا ما الي علاقة بشي، ابوك..ابوك ورا هالشي!
قربت منه وسكرت المحل علينا نحن التنين. وشغلت التسجيل الصوتي بتلفوني.