لا.. لا ما قصدي شي بس.. يعني.. انو..

ام خالد: قليلة ادب شو هالبنات هاي
تركتا ومشيت ع غرفتا وسكرت الباب وراها
وبلشت نورا تقلدا رفعت حاجب ونزلت حاجب وصارت تحكي متلا شوكولا و وموكلا هههههههههههه
قال نصايح قال وحدة معقدة وبدا تمشيني ع عقدا اذا هيي هيك عاشت شو بدا فيي هههههههه
رجعت مسكت شوكتا ونزلت اكل

اجا جوزا ب اخر الليل كانت لساها قاعدة بالصالون عم تقلب بالتلفزيون
نورا: وينك لهلق

خالد: بالشغل وبعدين سهرت مع رفقاتي

نورا: طيب دقيتلك كتير ليش مارديت

خالد: ما انتبهت

نورا: هلق كل هالوقت ما انتبهت لا يكون في حدا تاتي بحياتك

خالد: لو في بحياتي حدا ما كنت اتجوزتك

نورا: رح اسكت مبدئيا بس خليني شوف عليك شي

قرب خالد ومسكا من خواصرا: شو رح تعملي يعني

حطت اصبعتا ع تما ومالت راسا : اممم مافكرت لسا.. طبخت معكرونة اسكبلك

خالد: لا.. بدي اكل شي تاني
قرب منا اكتر وبلش يتلمسا وهيي عاملة حالا زعلانة رفع خصل شعرا عن وجها وقرب شفايفو من رقبتا ودخلت امو وصارت تعيط:
ياقليلة الادب انا شو فهمتك شو علمتك نزعتيلي الولد .. لك انتزع الولد..
ركض خالد لعند امو وصار يهديا وبقي معا بغرفتا لحتى نامت
دخل لعند نورا كانت لساها عم تبكي
قرب منا وهمسلا: لا تزعلي بس هيي حاسة ابنا اخدتو وحدة تاني

نورا: بس انا ماعملتلا شي من اول ما اجيت عم تحاول تعمل مشاكل
فتلت نورا راسا وبدا تنام بس ماخلاها.......

_خالد كان منيح نوعا ما يمكن اخد من امو وابوه بعض الصفات بس لما كان بدو شي يصير حنون وكل الطلبات مجابة بس غير هيك بصير انسان مهمل ومستهتر ومابيسأل عن مرتو..
كانت كل سبت تروح لعند اهلا والكل لاحظ نحول جسما وشراهتا بالاكل أما فكرتا حامل بس قالتلا نورا مافيا شي
رجعت ع بيتا ولقت نص الغراض يلي جابن جوزا مختفين ما اجا ببالا الا حماتا دقت الباب عليا بعصبية

نورا: لك انت معقولة اخدتي الاكل من المطبخ ماحاجة بتاكلي لحالك متل الحرامية انو معقول بخلك

ام خالد : هلئ انا بخيلة

نورا: اي بخيلة وكحتوتة وغيورة كمان
وبدخلة خالد يلي هجم عليا وشدا من ايدا وضربا كف وحماتا بلشت تبكي وتشهق:
قال نحنا بخلا شوف مرتك بنت الحسب والنسب شو عم تقول

نورا حاطة ايدا ع خدا: عم تهتيني.. ع القليلة ببيت اهلي ما كنت جوع وبعدين يلي بياكل جاج بالسرقة شو بكون

رجع قرب عليا وضربا: خرسي عاد
ركضت على غرفتا وسكرت الباب وخالد طلع من البيت
فتحت حماتا الباب عليا وشدتا من ايدا ونورا تصرخ وتقلا اتركيني.. شدتا واخدتا ع غرفة تحت الدرج فتحت الباب وحطتا بقلبا وقفلت الباب وهيي عم تقلا: بدي ربيكي انا بفرجيكي اذا بترجعي بترفعي صوتك عليي
ركضت نورا ولزقت حالا بالباب وصارت تدق : افتحيلي مشان الله افتحيلييي خلص ماعاد اعمل شي انا بخاف من العتم.. بخاف من الوحدة.. بخااااف
بقيت تخبط وتخبط وتنادي ياخاااالللدد وتبكي....

#بصيص_امل

الجزء #الثالث (3) :

فتلت ظهرا وقعدت ع الارض وسندتوا ع الباب وضمت اجريا ع صدرا وبقيت هيك قريب الساعة وهيي صافنة وعيونا موجهة ع الفراغ ..
كانت الغرفة صغيرة ومرطبة فيا ضو احمر صغير بالسقف وتخت ع يسار الغرفة وحمام بالصدر ..
كانت عم تبكي وترجف من بردا حست مافي امل تفتحلا الباب وقفت ومشيت ع التخت واتغطت منيح وعم تحكي بصوت هادي بدي ماما.. بدي بابا..

بقيت تدعي ربا وتقرا المعوذات لتخفف من خوفا لغفيت..

دخل تاني يوم خالد ع البيت بعد ماخلص شغلو ومالقا نورا بغرفتا دق الباب ع امو
خالد: ماما وينا نورا

ام خالد بلهجة باردة: بغرفة الترباي

خالد: كيف يعني...

ام خالد: عم ربيا

تركا ومشي وهوي عم يتخيل حالو لما كان صغير لقطات قدامو عم تمشي متل فلم سريييع
فتح الباب عليا شافا مكومة بزاية الغرفة على التخت ضامة اجريا لصدرا وعيونا مورمة من البكي.. قرب منا ورفعلا وجها كانت متلجة وعم تمتم: (بدي ماما.. بدي بابا)

شالا ودخل ع الغرفة سطحا وغطاها منيح وطلع بدو يسكر بالباب نادتو بصوت عالي
نورا: لااا خلي مفتوح

خالد: طيب ارتاحي
رد الباب ومشي ع غرفة امو يلي ما بتبعد كام خطوة فتح الباب عليا
خالد: انت معقولة تعملي هيك بالبنت هاي صغيرة ما بتتحمل

ام خالد: ليش نحنا ما كنا صغار

خالد: معقول عم تنتقمي من ابي بهالبنت

ام خالد: لا.. لا عم ربيا بس مشان ماترفع صوتا عليي.. بكرا شوف معت تسترجي

قعد ع الكرسي قداما وصار يفرك راسو بقوة: انا قلتلك مابدي اتجوز ماكنت بحياتي مفكر ارتبط يلي مرق ع راسي كتير وزيادة كمان بس انتي غصبتيني عليا

ام خالد: يا ابني بدي افرح فيك وشوف ولادك

خالد: بس انا ما كان بدي.. مابدي شي.. بدي عيش مرتاح وبس هلق جبتيلي هالهم وانت عم تزيدي هالهم عليي

كانت نورا واقفة ع الباب وعم تسمع.. حاطة ايديا التنين ع تما وعم تكتم صوت البكي حست عليه طلع من غرفة امو ركضت واتمددت وغمرت حالا بالغطا ورجعت سكرت تما ب ايديا وهيي عم تبكي وتغص ( هلئ انا هم.. انا هم.. شو قصتن هدول !! )
دخل