#قــربان_غالـــيه
#الجــزء_الــسادس
#بقـــلمي_امـــل_احـــمد_ســـلوم

كانت مها واقفة قدام مرايتها وعلامات الانزعاج والغضب متملكها تماما ..
مها: ما .. حدا .. لآزٍمٍ ..يوقف ..بوجه ..حبي

وصل اوس عند باب بيت ستو وبلش يرن عالجرس ويدق بخوف عليها وهو بينادي :ستي فتحيلي انا اوووس ..ستييي ..ستيييييي

اما جوا كانت ام فراس واقفة بنص صالة بيتها ،، احساس غريب اتملكها وانو روح موجودة معها بنفس المكان ...
وفجأة اندفع شباك البيت بسرعة وانفتح علـّۓ. مصراعيه ونسمات هوا قوية دخلت م̷ـــِْن خلالو لتشكل زوبعة وعاصفة بقلب البيت ...

برغم هيك بقيت ام فراس واقفة صامدة قدام هالشي اللي عم بيصير بدون خوف ..

غمضت عيونها وبلشت تقرأ سورة الصافات بصوت عالي ،، وتكرر والصافات صفا فالزاجرات زجرا وتعلي صوتها اكتر واكتر

بهاللحظة كانت مها لسا واقفة قدام المراية وبتطلع عإنعكاس صورة غالية ..و شعرها بيتطاير بكل قرنة وعيونها مبحلقة بنظرات مرعبة ..

بلشت مها تتنفس بسرعة وهي سامعة صوت وسوسة غالية وصوت ام فراس وهي بتقرأ قرآن لما فجأة بلشت المراية تتشقق ببطئ وطقت مرة وحدة وهرت اشلاء لبين رجليها...

هدي الجو فجأة عند ام فراس واتسكر الشباك لوحدو وكأنو ماصار شي .. وفجأة انفتح باب البيت ليندفع اوس لجوا والخوف مسيطر عليه وركض لعند ستو اللي كانت لسا واقفة بهدوء وهي مستندة ع عكارتها ...
اوس: ستي صرلك شي .. الي فترة عم دق عالباب وماعم تفتحي

ابتسمت ام فراس وردت: لٱ ستي ماسمعتك ..بعدين انَـَـَتَ ليش لسا هون؟
اوس: مابعرف .. خفت يصيرلك شي لاسمح •اللّـہ̣̥ . .ستي شو رأيك تجي تقعدي عنا هالفترة
ام فراس: لٱ ابني انا مابرتاح غير ب

بيتي، ، روح ستي روح ولاتاكل همي
هز اوس براسو واخد نفس براحة والتفت وطلع م̷ـــِْن البيت بهدوء ...
ام فراس: •اللّـہ̣̥ يحميك ويبعدها عنك ..

رفعت مها راسها لتبان عيونها المدماية وشدة عقبضة ايدها بغضب وحكت بصوت اجش: مارح تنفدي منيييي

🧟‍♀️«««««««««««««««««««««««

برغم الخوف اللي كان متملك اوس علـّۓ. ستو واحساسو بعدم الراحة بالمقام التاني ..

رجع عالبيت بأفكار مشتتة ومشاعر ضايعة ليجيه الخبر الصادم الي اكدلو كلام ستو .. دخل لجوة وشاف امو عم تمشي روحة رجعة بالبيت وهي عم تبكي ...
اوس: شبك امي
قربت امو منو وسألتو: وين كنت لهلأ وليش قافل موبايلك؟
اوس: انا حكيتلك اني طالع مع ستي ..بعدين تلفوني شغال .. شو صاير
ام اوس: ابوك اجاني خبر انو عمل حادث واخدو عالمشفى وانا كسرت التلفونات وانا حاول اوصلك وانت ولا كأنك هوون
انصدم اوس :أبـْيے! !!!
اخد اوس امو وراحو بوجهن عالمشفى ...

اوس: يعني مافينا نشوفو دكتور؟
الدكتور: الوالد بحالة حرجة وما بحبذ انكون تشوفوه هلأ
ام اوس: لايمتا دكتور؟
الدكتور: رح ننطر لبكرا وبنشوف شو ممكن يصير ...

طلع الصبح علي اوس وهو بعدو قاعد علـّۓ. نفس القعدة ..
وفجأة الجو هدي حوالية وضجة المشفى اختفت وحس عحدا وقف قدامو مباشرة ..

رفع راسو ببطئ واتفاجأ بـ مها واقفة قدام عيونو بمنظر غير مألوف الو ..
كانت لابسة فستان بيج طويل وشعرها الاسود مفرود عراحتو وبتطلع فِيَھ بكل تركيز وملامحها هادية لدرجة مخيفة ..

اوس: مها! !! شو عم تعملي هون؟
مها: غالية
عقد اوس حواجبو وجلس قعدتو وهو بيهمس: مين غاليه
مها: اتأكد انك مارح تقدر تهرب مِڼـّي
اوس: شـ شو

فجأة اتغيرت معالم وجه مها لتبان عروق وجها المائلة للزراق وابيضت عيونها، ، ارتفع كل شعرها بالهوا وهي ارتفعت معو قدام عيون اوس ..

اوس «برعب »:مين انتييي
ردت مها بصوت مرعب: غااااليااااااااا

شهق اوس وانتفض وفتح عيونو عالاخر وهو بيتنفس بسرعة .. بلش يتلفت حواليه وهو مستغرب ..كان بعدو قاعد بالمشفى علـّۓ. كرسي الانتظار واتيقن اخيرا انو اللي شافو كان مجرد كابوس ..

اوس: يااارب .. لطفك يا •اللّـہ̣̥ ..

،،،،،،: عفوا انَـَـَتَ اوس
اوس: اي طمني يا انسة
الممرضة: الوالد صحي وطالب يشوفكون

ابتسم اوس ووقف وراح هوه وامو عند فراس عالغرفة واول مافاتو انصدمو بمنظرو .. كان الشيب طاغي عكل شعرو وعيونو جاحضه وعلامات الرعب بعدا واضحة عملامح وجهو ..

قرب اوس بسرعة منو ومسك ايدو ..
اوس: أبـْيے سامعني
فراس: أ أوس
اوس: اي اوس يا أبـْيے ..ابنك

كان فراس بيحاول يحكي ويفهم لَـگِنْ عقدة لسانو كانت اقوى..
اوس: ماعم بفهم عليك أبـْيے
فراس: تـ تحـ، ،سـ،
اوس: شو، ،، مو فاهم
فراس: تـ حـ تـ حسـ
اوس: تحسين ..بدك تشوف العم تحسين

هز فراس براسو وهو بيحكي: أ أي..
اوس: تكرم عـــــيونگ أبـْيے .. الًيَوُمًِ بكون العم تحسين عندك .. بس شو بدك فِيَھ

تعبت عيون فراس دموع واشر ع قلبه

فراس : ا ا نا ظـ ظلـ ظلمت تـ حـسين جيـ يـب تـحـ سـ ين و و و قـ لْـۆ حقـ حقـ و بـ رقبـ تـي و و و لـ لآزٍمٍ يـ رجـ ـع
اوس: بدك ترجع لعمي تحسين حقه! !!
هز فراس براسو وهمس بصعوبه، ،،
فراس: ا ا نـا مـ مـ وافق تـ تـ جــ و ز مــ ها

#الورقـــه_الرابـــــحه
#الجـــزء_الـــرابـــع
#بقـــلمي_امـــل_احـــمد_ســـلوم
Telegram@rwayate
*╚══════ღღ══════

رايحه جايه بقلب غرفتها عم تفرك ايديها بتوتر

شمس : لك شو ساوي بهالورطه كيف بيطلبني لباجس كيييف نسيان اني اكبر منه بعشر سنين ولما تجوزت مرتضى كان يادوب عمرو 12 سنه

قعدت عطرف التخت وطمرت راسها بين ايديها

شمس : الكره بعدها بملعبي وهنه يلي بحاجتي… لهيك يابتجوز جاسم او باخد الورته وبقلن بيباي

ضحكت بمسخره… هه ناقصني اتجوز ولد واربيه على ايديي… وبعدين زواجي من باجس مارح يفيدني ومافيي قرب عليه اساسا لانه دفع فاتورته من زمااان ومالازم يصيرلو شي الا بعد مايموت جاسم … لازم بأي طريقه يتم هالزواج
ورحمة ابي تحت التراب مارح ارتاح لدمر عيلة الشامي ..

*╚══════ღღ══════╝

كانت بدور بعدها قاعده مع ابوها وباين عليها علامات الرضا

بدور : خلص ياحج عصام افردها بقا هي رح تنحل كل مشاكلنا
جاوبها ابوها بسرعه : ماشفتي نظرة عيون شمس وقت عرضت عليها تتزوج باجس
بدور : امبلا شفت وشي طبيعي تنصدم بس مع الوقت رح تتعود
عصام : وباجس يابدور مافكرتي فيه
بدور : شبو كمان .. هي رح يتزوج ويتأهل
اتنهد بغصه… . ليش هي بتسميها جيزه باجس عمرو عشرين سنه ماضنيت يوافق يتزوج من ارملة عمه
بدور : بالنسبه لباجس اتركه عليي انا بعرف كيف اقنعه
عصام : لا… انتي ماتحكي معه .. انا يلي رح فاتحه بالموضوع لاني بعرف باجس من نظرة عيونو
بدور : ايه متل مابدك… وهلأ اسمحلي صار لازم امشي
عصام : بكير بنتي خليكي نتغدا سوا
بدور : غير مره ابي .. يالله بخاطرك
عصام : الله معك

طلعت بدور وبقي الجد قاعد مطرحه افكار بتاخدو وافكار بتجيبه معقول باجس يرفضله هالطلب وهو بعمرو ماقله لا ..!!
بس باجس تربيتي وهو اكتر واحد بيعرف صعوبة الموقف يلي عم تمر فيه العيله

غمض عيونو واخد نفس عميق… . الله يقدم اللي فيه الخير… سامحني باجس مضطر خليك كبش الفدا لحتى حافظ على كيان العيله

*╚══════ღღ══════╝

حل المسا ورجعوا يوسف وامير عالبيت…
يوسف : مسا الخير امي
بدور بضحكه واسعه : مسا الفل
يوسف : شو سر هالابتسامه الحلوه
بدور : احزر
يوسف : امممم عجزت
امير : يمكن ياسمين وافقت تجوز خالي لشمس
بدور : ههههه قربت امير

شلح امير جاكيته ورماها عالكنبه
امير : امي شو القصه هاتي من الاخر
بدور : اممممم رح ترجع املاك العيله النا من جديد

اتفاجأ يوسف وحس بفرحه اما امير حس انه في شي مخبى بين السطور ومارح يعجبه

يوسف :بصلاة محمد… . كيف شو صار !!
بدور : جدك قرر يجوز شمس لباجس
يوسف : شووو
بدور : شبك ولا
يوسف : وولاشي امي بس كأنها الخاله شمس اكبر من باجس بشي عشر سنين
بدور : اي بعرف بس شمس مو مبين عليها والف واحد بيتمناها
امير : وليش جدي اختار باجس بالذات
بدور : بصراحه انا يلي اقنعته
امير : يعني انتي ماعندك مشكله تتجوز شمس من واحد اصغر منها
بدور : اي وشو بيمنع هاد شرع الله
امير بخبث : مادامه شرع الله وهيك هيك بدكم تجوزوها لواحد من العيله ليش ما اتزوجها انا

انصدمت بدور وتوسعوا عيونها وصرخت بصوت عالي بدون وعي

بدور : انت جنيييييييت بدك تتجوز ارملة خالك
امير : هلأ صارت ارملة خالي ومن شوي كان هاد شرع الله ولا حلال لباجس وحرام علينا
بدور بلعثمه : اانا ماقصدت هيك وبعدين انت مو من عيلة الشامي انت ابن بنتو لعصام بيك وبس
امير بحقد : احكي من الاول انكم عم تخططوا لتكوشوا ع ورتة هالمسكينه

قبل مايخلص جملته كان كف بدور نازل على خدو بصفعه مدويه… بقيوا الاتنين عم يطلعوا ببعض للحظات والجو تكهرب عالاخر

بدور : الضاهر انك جنيت رسمي وهالكف لتوعى عحالك
امير : عم تضربيني امي !! عم تضربي ابنك الكبير !!
بدور : وبكسر راسك ازا بتحاول تفكر تهين ابي بكلامك فهمت
امير : لا مافهمت وهالكف رح تدفعوا تمنه غالي… غالي كتير يا بدور خانوم

نزل امير ايدو عن خدو بهدوء وفتل حاله واتناول جاكيته وطلع من البيت بسرعه جنونيه بدون مايهتم لندا امه اللي نهارت

*╚══════ღღ══════╝

رجع باجس عالبيت وكالعاده توجه لغرفة جدو لحتى يطمن عليه… .. بهالوقت كانت شمس عم تراقبه من لما صف سيارته ونزل منها وسبقته بخطوات سريعة بين ممرات القصر

بعد ماوصل باجس لعند غرفة جدو وكان ع وشك يدق الباب استوقفه صوت حدا عم يبكي تلفت وراه ولمح شمس واقفه بحد الشباك والحزن مخيم عليها…