كنتنا_الغالية
#بقلم_جمايكا
#الجزءالثالث#والاخير..

الجزء الثالث..

ريهام :- زينة لي هيك حكيتي.

زينة :- والله مانا طبيعية والله كيف بدا تجي لهون وشو بدا

ريهام :- لك مابتجي

زينة :- لاء بتجي هاي عقلا جوزتين بخرج..

ريهام :- خلص لا تهتمي خلينا ننزل لتحت..

امي :- بنات وينكن لهلاء

ريهام :- عماتي كانو بدهن يشوفوا التحضيرات

امي :- بس مو وقتو هلق لا تتركوني هون لحالي لان مابعرف حد

ريهام:- ليكنا امي معك

امي :- شبها زينة

ريهام :- هاي سارة اتصلت عليها وخبرتها قال بدا تجي.. وجن جنانها زينة

امي :- وين تجي مافهمت..

ريهام :- لهون

امي :- لا فعلا هاي طاقق مخها.. ليكني جاي خليكن هون وقفو مشان الضيوف..

زينة :- امي وين رايحة

امي :- بدي اتصل ع بيك يحكي مع زياد ليلاقي حل يحكي مع حد ناقصنا فضايح ومشاكل..

زينة :- وانا هيك قلت..

امي :- اي الو يا عمري.. لا مافي شي بس حواليك زياد..

ابي :- عم يرقص ليه في شي..

امي :- هاي مرتو سارة بدها تجي لهون قاطعة تذكرة سفر

ابي :- شو هالحكي شو يجيبها

امي :- الله يستر احكي لزياد يحكيها وتوقف هالامور يلي بتعملها

ابي : الله يجيبك ياطولة الروح..

زياد :- ابي في شي

ابي :- هاي سارة

زياد :- سارة على التلفون

ابي :- لا امك عم تخبرني انو سارة متصلة ع زينة وقايلة انها قطعت تذكرة وجاي لهون ع باكستان

زياد :- جاي لهون شو تعمل وكيف بتعرف نحنا وين

ابي :- امك عم تقول اخده العنوان من كرت الدعوة من حساب دبيكا..

زياد :- طيب رح دقلا مع انو مابتعملها بس مشان تكركبنا مو اكثر..

ابي :- اي ابي دقلا خليها تحط عقلا براسها..

زياد :- ان شاء الله..

امي :- شو صار معك ابو زياد..

ابي :- عم يحاكيها.. استني شوي لنعرف شو صار..

زياد :-.. موبايلا مانو بالخدمة اتصلت على امها قالت مانها بامريكا.. سافر ع تركيا لتجيب تياب لجهازها

ابي :- ايوه وكيف بتروح بتسافر بدون ماتعرف انت

زياد :- هي هلق يابي مانها تحت مسؤوليتي ابوها مسؤول عنها..

ابي :- يعني مسافرة ع تركيا ومشان تنزع مراقنا قالت جاي لهون..

زياد :- هو هيك

.. خبرتنا امي.. انو سارة بتركيا ومانزلت ع باكستان ارتحنا داخليا شوي وبلشنا نستقبل عروستنا يلي كانت قطعة من القمر هربانة.. كان الفرح غير عادي.. كل شي فيو مختلف حتى الاغاني وطريقة الرقص وكل شي مختلف..
اخي زياد كان بعالم تاني من فرحتو.. حتى امي وابي يلي كانو عم يرقصو متلن..

زينة :- شبك متوترة

ريهام :- لك ستها ماحلت عني..

زينة :- اي وشو بدا

ريهام :- بدا ضل ارقص وعم ترش حولي الورد

زينة :- شفت امبارح حد مارفع عيونو عنك بالزفة
.
ريهام :- شفتي والله انا استغربت

زينة :- بس ع فكرة شخصيتو حلوة..

ريهام :- طيب خلص سكري ع هالموضوع..

امي :- قال بقولوا انو العريس والعروس رح يطلعو هلق ونحنا رح نبقى لعند مايضل حد من المعازيم وبجوز للصبح

ريهام :- لا مستحيل ماغفت عيونا من يومين..

امي :- قال هيك العادات

زينة.:- والله ليفرط قلبي .

بقينا لوجه الصبح لعند ما خلص العرس والزف والرقص كنت عم اغفى وانا واقفة.. وماسدقنا نغفى الا عم فيق على صوت ريهام..

ريهام :- لك زينة فيقي شوفي..

زينة :- لك اتركيني نايمة والله تعبانة..

ريهام :- لك شوفي مين بالغرفة

زينة :- مين بدو يكون يعني

ريهام :- سارة

زينة :- شوووووو.. لك شوووو جااابك انتي جنيتي..

قمت من فزعتي كمشتا من رقبتا..

امي :- زينة امي بس خلص حاجتنا فضايح

زينة :- بدي اقتلا ونرتااح منها

ابي :- اتركيها زينة.. لك ياعمو كيف جيتي لهون انتي رح تسببي مشاكل مالها حل..

زينة :- شلون وصلتي لهون

امي :- بيك شايفها نازلة من السيارة لو حد من الناس شافها شو كان حكى..

سارة :- اتواصلت مع بنات باكستانيات وهني ساعدوني واخدوني من المطار

امي :- طيب ليش اجيتي لهون

سارة :- مرت عمي والله ماقدرت اتحمل خطيبي وحبيبي عم ينزف لوحدة تانية وهو هلق معها بدكن كيف اصبر

زينة :- ايوه يعني مو دبيكا يلي تحكي هالحكي انو جوزها بدها تقاسمو حبيبتو القديمة فيه

سارة :- انا الاساس

زينة :- انتي خلص دورك من زمان لو ماطلعتي من تاني بحياة اخي ولا بعمرك بترجعي

سارة :- بس خيك بحبني وهو بدو ارجع..

زينة :- لك أخي شفق عليكي لا اكثر وانا اسمعتك وانتي عم تتوسلي لالو..

سارة :- بدي حاكي زياد

زينة :- قلتلك زياد مانو هون مانو فارغ لجنونك.. زياد عم يقضي احلى ايام بحياتو قبل ليرجع يعيش الصدمة معك من تاني..

سارة :- مرت عمي انتي قلبك حنون الله يخليكي احكيه..

امي :- بنتي مافيني هو مع مرتو كيف بدي روح خبرو.

سارة :-حاجي تحكو مرتو

ابي :- ييي شو هالحكي بنتي متل ماهي اتقبلتك بدك تتقبليها.. لانك انتي يلي عملتي بحالك هيك وانتي يلي رضيتي..

زينة :- شوفو لالها عين تحكي من بعد كل يلي عملتو

امي :- زينة خلص امي.. ليكي شكلو زياد طلع من غرفتو لان بلشو يطبلو

زينة :- شو يعني ماخلصنا عرس يا ربي كمان اليوم

#فرت_من_قسورة
#بقلم_جمايكا
الجزء الاول. ...ابتداء القصة ٣/٥/٢٠٢٠ الاحد ..
الجزء الثاني ...

الجزء الثالث ..انتهت القصة

لا لا ماتخافو ابدن من وجهي المشوه ، مانو بايدي هالشي صار بس شي مرة صدقوا ، انا قلبي جميل من جوا وطاهر ، بس هني قلوبهم المشوهه ، كنت بيوم من الايام جميلة متلكن ووجهي صافي مابضاهي بجمالي بنت من الحارة ، متعلمة ومثقفة ورزينة وصاحبة ااخلاق عالية ، ابي ضحى بسعادتو هو وامي ليربو بنت حاملة شهادة ، رغم انو نحنا عيلة فقيرة وع البساط البسيط عايشين لا كنت بحلم بغرفة نوم منفردة ببيرو ميك اب وخزانة تياب واحذية ماركة ولا كنت بحلم اكون حاملة جواز سفر عم دور فيه العالم ، كانت هالغرفة الصغيرة عم تحضني انا واخوتي الخمسة ٣ بنات وصبيين صغار ، كنا ننام مرصوصين جنب بعض بالارض ع فرش عربي وحرمات الصوف يلي جدتي غزلتهن ع ايديها ، ووقت الاكل نجتمع ع طبلية صغيرة اكيد مابتعرفوها هي بتشبه الطاولة بس رجليها قصار بننلتف حواليها ونقعد بالارض لنتشارك الاكل يلي من طبق وطبقين والحمد لله ، كان ابي عم يشوف من وجهي النور لنطلع من هالحياة لحياة افضل ، ابي الحمد لله مانو مهندس ولا دكتور ابي رجال بسيط ببيع جرابات ع بسطة ، البسطة يلي اتبهدلت كتير وهي تتنقل من مكان لمكان خوف من هالبلدية تاخدها منا ونصفى بلا قوت يومنا ، ابي كان يدفشها بكل قوتو وهو ماقدران يمشي على رجليه ، قصدي على رجل وحدة ،لان رجلو التانية فيها شلل ولادة ، لا بيوم كل ولا مل ولا قال شي مرة مافي دبرو حالكن ، يقسم اللقمة من تمو ليطعمنا ويقول الحمد لله خير ربنا كثير ، ولا امي الحنونة يلي كانت اداري دمعتها وهي عم ترقع لالي تياب المدرسة ، وتفرح من حد يتسدق علينا بتياب شوي منيحة وتقلنا من باب الله يابنات البسو وانبسطو..زينب اللي هي انا كنت اكبر اخواتي اكتر حد حاسس بألم امي وابي وتعبهن كرمالي وكرمال اخوتي ، الصبح نفيق مع فيقة ابي .. @rwayate

ابي:- اللي مارح يفيق بسرعة مارح ركبوا ع عربة البسطة ووصلو للمدرسة ..

مابيوم خجلت من هالشي كنت فيق قبل اخوتي وجهز حالي ورتب بسطة ابي واقعد فيها ليوصلني ع المدرسة ، كانو رفيقاتي يلي اهاليهن يوصلوهن بسيارتهن الخاصة او باص المدرسة يتمسخروا ويستهزئو على حالي ..بس ابي ..

ابي :- ولا تزعلي يا زنوبة وعد اوصلك قبلن ع المدرسة ليعرفو انو بيك العاجز اقوى منهن شو رايك ..

زينب :- انا يا بابا مابزعل اساسا انا اكتر حد ابوها بحبها فيهن . كلن بيشكو لبعضن من مشاكلهن وهاي يلي ابوها تركهن وهاي يلي سافر وهاي يلي امها مطلقة وهاي يلي ابوها مشغول .بكفي انك بتكون اول حد باجتماع اولياء الامور موجود ، انا بفتخر فيك وما بزعل الا عليهن ..

ابي :- الله يرضى عليكي يا غالية ..

ومرقت الايام وكبرت فيني السنين ، ورجلين ابي العاجزين خلوني امشي بممرات الجامعة بمنحة اوائل الطلبة ..

امي :- بيك جبلك هالتياب للجامعة جدد والله يا زينب

زينب :- امي ليكون ابي صرف حق دواه

امي :- لا تقلقي الله انعم وفضل علينا الحمد لله واجتو شروة بضاعة منيحة بالسوق وجابلك هادول ..يالا قومي قسيهن لاشوف..

وسنة ورا سنة ، والتفوق محالفني لبيوم اتصادفت بدكتوري بالجامعة ..

دكتورة برهان ..

برهان :- كيفك زينب انا من اشد المعجبين بتفوقك ما شاء الله عليكي وانتي حديث الزملاء بالقسم وبتمنالك التوفيق وتصيري مهندسة قد الكون ، انا عندي طلب ومابدي خجلك انتي قد بنتي والله يرضى عليكي ، اذا تقدملك شاب ابن ناس ومحترم وهو كمان مهندس بتوافقي ..

زينب :- دكتوري الفاضل والنعم منك .. هاد الشي بالاول بيرجع لاهلي ليشوفوا اذا بناسبني او لاء وبعدها نحنا عنا عاداتنا وتقاليدنا اهلي بحبو يحافظو عليها .. والله كريم

برهان :- طبعا طبعا الله يخليلك اهلك اكيد انا بحترم هالشي وبحترم البنت يلي بتحط اهلها بالقائمة الاولى..طيب فيني اطلب رقم تلفون عائلتك ..

زينب :- والله للاسف
@rwayate
برهان :- لا لا تعتذري انا ما بدي تفكري انو الموضوع لالي لان عندي زوجتين لاء ماهيك طلبي لابني كرم الله يحفظك لاهلك وهو شافك بالقسم وطلب مني اتقدملك بس انا مابعرف شي عنكم بعتذر على هالطريقة اللي حكيتك فيها بس هيك التحضر صار ..

زينب :- انا ماقصدت هالشي انا اعتذرتلك لان ابي ما بيحمل تلفون ولا امي هني بشوفوا انو في اشياء كثير اهم من التلفون بحياتنا..بس انا معي هالتلفون البسيط ، انا مابدي ارفض طلبك بس هاد عنوان ابي بيشتغل على بسطة جرابات بسوق الراجي اسمو ابو علي او ابو زينب لان اخواتي الصبيان صغار واسم ابو زينب صرلو عمر ..الكل بيعرفوا فيه..وبيتنا بالمخيم الجنوبي، اول بيت جنب المطافي والطوارئ ..اسال عن ابو زينب الدرويشي ..بساعدوك الناس..

واذا قالو بتسال عن ابو زينب الاعرج قلن اي ..هاد ابي الغالي ..

..

وانتهى حديثي مع دكتور الجامعة واتيسرت على بيتي وخبرت امي باللي صار .. تاني يوم بنسمع دق الباب بموعد غير موعد رجعة ابي من شغلو وكان ابي ..

ام كرم :- تعال شوف كنتك يلي كنت سايق علينا علمها وثقافتها شو بتعمل ..جايبة امها وودجالة يعملو تبخير وسحور في بيت ابني وانا يلي كنت مفكرتا متعلمة الظاهر جهل اهلا بدها تنقلو لهون..

زينب : اذا سمحتي لا تحكي هيك عن اهلي

كرم :- اخرسي لا تردي بوجه امي

زينب :- مانك سامعها شو عم تحكي

كرم :- امي تقول يلي تقولوا

زينب : بس لا تحكي عن اهلي هيك ..

ام كرم :- ليكون غلطت ياهانم ماصرلك يومين فايتة الشقة وبلشتي تعملي هيك الله عالم شو كنتي تعملي في بيتنا تحت..

زينب :- عمي برهان والله العظيم انو فاهميني غلط..خليني اشرحلك ع جنب..

ام كرم :- وليه ع جنب ليه مو قدامنا ولا متل العادة بتلعبي بحركاتك ع عمك وتعملي حالك مسكينة وتحكي كلمتين تسكتيه لاء هالمرة ماراح اسمحلك..

زينب :- عمي الله يخليك اسمعني

برهان :- احكي بنتي هون قدامنا مو شو خايفة

زينب :- اول امبارح كرم بالليل ونحنا قاعدين حرك اصبعتو باتجاهي وقلي رح اقتلك يا نبيال

ام كرم :- ليك بدها تتهتم ابني وترجع تمرضو مارح نخلص من قصص النساوين الله ينتقم منكن ..

برهان :- كرم صار هالشي

كرم :- هاد طلعت انا ماني مجنون طلعت هي المجنونة

زينب :- انا رايحة لعند امي

ام كرم :- بكون احسن ناقصني انا ... منيح اني جيت وشفت كان الله اعلم شو عملو بابني فوق مابدهن يعملو بددهن يتبلوه.

حملت ابني وانا نازلة وقفني كرم..

كرم :- لوين اخده الصبي بدك تروحي روحي لحالك بدونو..

اخد كرم مني ابني وفات وقفل الباب وتركتني برا ..انقهرت ماقدرت اتحرك ميل واحد بعيد عن الباب من خوفي على ابني ليعملو شي لان متاكده انو رجع مريض انا لا بهلوس ولا بتوهم متاكده ...

بعد ساعة من صريخهن بالشقة طلع حماي لقاني بالباب..

برهان :- فوتي عند ابنك وماعاد تعملي مشاكل ماناقصنا يرجع تعبان

حكاني بطريقة كلها جمود شخص تاني وكأن بان على حقيقتو ..فتت على البيت ونزلت حماتي هي وابنها ..واخدو ابني معهم

زينب :- اتركلي الصبي

كرم :- ليرجعلك عقلك برجعو ليكو تحت عند امي و خواتي....

تركني ليل نهار عم ابكي عل ابني واترجاهن يرجعوه..مرق ٣ ايام عم شوف ابني من بعيد وماقدرانة المسوو..الله لايسامحهن..

الساعة ١ بالليل فيقني متل المجنون.

كرم :- انتي بتفكري اني ساكت هالسنتين من فراغ..انا صابر صابر انا بعرف يا نيبال كل شي..كنتي هربانة مني ماهيك ليكني جبتك وحبستك في بيتي انتي وابنك يلي من زوجك..ومارح تشوفيه لتعرفي انو الله حق ..لتعملي فيني هيك..

زينب :- لك انا ماني نبيال انا زينب زينب قوووم هيك...

كرم:- عاملة تجميل ماهيك هلق بظهر وجهك البشع يا بشعة لتعرفي تكذبي عليه مرة تانية عاملة حالك مسكينة وبنت فقيرة ومغيرة وجهك بالتجميل يا حقيرة.

ونزل فيني ضرب متل المجنون ..نزلت اصرخ والدم بشر من وجهي لبيت حماي ..وهو لاحقني حامل بايدو سكين..

كرم :- رح اقتلك يا نيبال رح اقتلك..

زينب :- سدقتو سدقتو ..وين ابني وين ابني .بعدو هيك اتحملت كتير انا متزوجة مجنون وصابرة...

ام كرم :- ابني حبيبي هات السكين انا رح اقتلها لهاي نيبال اعطيني اعطيني لا تلوث ايديك ياعمري بدمها النجس هات هات..

برهان :- ابني استهدي بالرحمن..

كرم :- انت لا تدخل انت السبب ..شفتي امي شفتي اللي بقلك اياه هو الصح..

ام كرم :- طيب ابني اعطيني السكين هات هات..

..اخدت منو امو السكين ...وقعد ع الدرج يبكي ..

كرم :- انا مابعرف شو بصير معي انا تعبان..

حماي اعطاه دوواه وفوتو البيت ليرتاح شوي ونام..وانا ماحكيت حرف اخدت ابني لفوق بدون مايحكو شي جهزت شنتايتي وشنتاية ابني وهني مشغولين اطلعت ..وتركتلن كل شي....
#بقلم_جمايكا

كان امان لالي ابقى انا وابني عند اهلي خبرتن بكل شي صار ..وطلبت منو انو بدي اطلق خلص ماعاد بدي ارجع..

ابي :- بنتي طبعا مافي الا هالحل ماحد بريد لبنتو الطلاق بس اكيد مارح ابقى واقف ناطر شايف بنتي بضيع من ايدي او يقتلها واحد مجنون..انتي وابنك ع راسي من فوق..ومتل ما ربيتك وربيت اخواتك بربي ابنك..

امي :- ابو علي

ابي :- خلص ام علي حاجة انضل نتنازل البنت رح اضيع من بين ادينا انا ما شقيت عمري اشحط رجلي ع بسطة لاشوف بنتي مقتولة او عامل لالها عاهة ..خلص ماعاد في نقاش بالموضوع نهائي

امي :- واذا طلبو منا تكاليف ومصاريف..

ابي :- الله بعين وقتها

زينب :- انا ما اخدت ذهب ولا شي

ابي :- ذهبهم ع حالهم مشان مايفكرو انو نحنا جوعانين الله يعوضك عن يلي راح من عمرك يابي..حسبي الله ونعم الوكيل..

..

اتصالات عمي ومرتو وزياراتهن لالنا ما انتهت ابي كان اخد قرار وكان مانع يحكو معي ع انفراد كرمال ما يأثرو فيني..

ابي :- انتو بدكن خدامة لابنكن تعيونو ..ابنك لازم يفوت مصح اذا بتتركوه هيك رح ياذيكم

ام كرم :- لا تحكي عن ابني هيك

ابي :- انا بحكي اللي لازم ينقال

برهان :- والصبي

ابي :- الصبي بحضانة امو مافيني احرمها منو ..

ام كرم :- هاد الطفل ابنا

ابي :- اذا بيطلع لالكن بالمحاكم خدوه .