#صفقات_خاسرة
@rwayate
#بقلم_حنين_ابو_صلاح
(التكملة2)
هداك المسا كتير كان بشع, أبي كان كل الوقت يجحر فيني بعيونه...
وجهاد يلطش فيني حكي طالع نازل...
وأخوتي يلي أصغر مني كانوا عم يقلدوا لجهاد...
( أنا بنت على أربع صبيان جهاد يلي بكبرني بشي اربع سنين وعندي تلات اخوة أصغر مني..
باسل عمره 13 سنة..
بشار عمره 10 سنين..
ويامن عمره 7 سنين...)
أبي كتير كان بحبني , بالرغم انه كنت زعله كتير...
يمكن كنت أعرف انه أنا نقطة ضعف أمي وأبي لهيك كنت دائما استعطفهن وحاول اتمرد وخاصة على أمي...
قررت صالح أبي إذا كسبت أبي لصفي على الأقل بخلص من حكي جهاد يلي متل السم....
أبي حبيبي اعملك قهوة؟!
لأ أمك بتعمل انت اقعدي بدي أحكي معك...
كان متسطح على الفرشة على الأرض, مسك دخانته بايديه وشعلها...
وجه أصابعه التنين باتجاهي (السبابة والوسطى)
اسمعي يا صفاء, انا طولت روحي عليك كتير ها,
هاد اللبس يا ابي مو حلو...
الله امر بالستر...
اخوك معه حق...
لا تزعلي هو كمان شب بعرف كيف الشباب بتفكر...
أنا بقول انك كبرت انت مو صغيرة, صار الوقت تحطي على راسك شو رايك؟!
اممم يعني انا مو مفكرة ألبس على راسي هلأ, بدي البس منشان السيد جهاد يرضى عني, ليش انتوا هيك؟
لأ مو منشان جهاد, اذا ما بدك تلبسي ما بغصبك بس هاد لبسك كله ما بدي ياه واضح؟!
مد ايده على جيبته واعطاني مصاري...
بكرا بتنزلي على السوق انت وامك وبتجبيلك كم قطعة يكونوا مرتبين....
حاضر أبي...يخليلي ياك وما يحرمني منك يا حق...
كنت قاعدة معه وعقلي مو معي..يعني هلأ وقت محاضرات افف يا...
ابي بدي فوت على غرفتي بدك مني شي؟!
لأ الله يرضى عليك...
واخيرا خلصت من الاجتماع تبعهن, وهلأ رح استغل الفرصة...
فتت على الغرفة وسكرت الباب باحكام!
هلأ صار لازم أحكي مع فادي!
كنت عم اتصرف بدون وعيي...
مديت ايدي على جيبة بنطلوني ومسكت الورقة...
وقفت على المراآية فتحت الورقة...
يمكن من كتر ما اطلعت بالرقم حفظته بأقل من دقيقة...
ممم وهلأ شو لازم تعملي يا صفاء؟!
ما رح أقدر أحكي تلفون جهاد بالبيت...
رح ابعتله رسالة على الواتس أب...
ركضت على سريري وفتت تحت حرام...
حفظت رقمه عندي بالتلفون بأسم "سناء بنت عمي"
بس فتت على الواتس اب كان حاطط اله صورة...
ممم
هلأ اذا شافها جهاد ممكن يقلب الدنيا....
قررت إعمل لتلفوني رقم سري احتياط...
لانه اذا شاف جهاد صور فادي رح يعملي طنة ورنة ومشاكل انا بغنى عنها....
كنت تحت الحرام وما في غير ضو التلفون عم ينور عليي عتمتي, هالصفقة ان شاء الله تكون رابحة...
رح إعمل المستحيل لحتى فادي يحبني وعدت حالي بهالشي قبل ما بلش أحكي معه!!
بعد تفكير طويل شلت صورة الواتس اب يلي كانت عندي وبدلتها بصورة الي...
وهلأ صار الوقت لحتى احكي معه!
مرحبا كيفك؟ 😌
اهلا اهلا... شو ست صفاء معقول تأخرتي عليي كل هالوقت؟ 😡
اسفة بس كنت كتير مشغولة..وهلأ لحتى فضيت... ☺️
اها حلو.. يعطيك العافية
الصراحة انا كنت بدي اسألك ليه هيك عملت اليوم... 😕
هههه يا بنت عجبتني...أنت حلوة كتير..
ولبسك كتير حلو...
حبيت اتعرف عليك اكتر...
شكرا الك...شو بدك تعرف, وبصفتك شو؟!
ههه شو بصفتي شو؟
ولا شي يعني حكي نتسلى ونتعرف على بعض...
ايه وبعدين فادي, بعد ما نتعرف على بعض؟
اذا أعجبتيني وركب راسي على راسك بنخطب وبنتجوز...
صرت اخد واعطي معه بالحكي ما بعرف كيف صارت الساعة تلات الفجر وانا لسة عم احكي معه...
ما قدرت قاوم النعس أكتر نمت وانا ماسكة تلفوني بايدي...
ضليت نايمة للساعة وحدة الضهر...
كانت امي عم اتدق على باب غرفتي....
لك قومي صفاء شو صرلك افتحي هالباب....
أمي شو بدك خليني نايمة نعسانة كتير...
لك بعدين معك قومي يا بنت الساعة صارت وحدة الضهر...
بس قالت وحدة الضهر صحيت متل المجنونة حملت تلفوني ما كان في شحن...
ركضت متل المجنونة حطيت التلفون في الشاحن وفتحت باب الغرفة...
أمي انا اسفة حبيبتي...الليلة ما نمت منيح بسبب السيد جهاد...لا تزعلي مني وحياتك...
طريق الكذب بلش من اليوم...
عملت حالي الضحية!!
ما زعلانة,أنا خلصت كل شغل البيت وطبخت جهزت كل شي, أبوك اتصل وطلب مني نروح نشتري اواعي يلا جهزي حالك خلينا نطلع...
اي حاضر امي...
فتت اخدت دوش, ولبست اواعي حاولت ما يكونوا ضيقين كتير, يعني ما بدي تعليقات من امي حاليا...
بس طلعنا وصلتني رسالة من فادي..
(كيفك يا ئطه, أنا اليوم ما عندي تعليم شو رايك تيجي لعند منى وبشوفك اشتئتلك كتييير)
يا الله شو هالفادي هاد ما معقول تعلق فيني من اول يوم.....
كنت عارفة أمي ما رح تقبل روح خاصة بعد علقة مبارح مع جهاد...
بعثتله رد...
(صعب اجي بس انا طالعة مع امي على السوق...اذا حبيت تشوفني تعال)
طول الطريق كنت انا بعالم وامي بعالم!
كل همي كان كيف ارضي فادي!
اتفقت معه انه شوفه بالسوق...كانت امي ما عم تفارقني من حاولت بعد عنها ما قدرت..
بعثتله رسالة, ووضحتله اسم المحل يلي رح فوت اشتري منه اواعي...
@rwayate
#بقلم_حنين_ابو_صلاح
(التكملة2)
هداك المسا كتير كان بشع, أبي كان كل الوقت يجحر فيني بعيونه...
وجهاد يلطش فيني حكي طالع نازل...
وأخوتي يلي أصغر مني كانوا عم يقلدوا لجهاد...
( أنا بنت على أربع صبيان جهاد يلي بكبرني بشي اربع سنين وعندي تلات اخوة أصغر مني..
باسل عمره 13 سنة..
بشار عمره 10 سنين..
ويامن عمره 7 سنين...)
أبي كتير كان بحبني , بالرغم انه كنت زعله كتير...
يمكن كنت أعرف انه أنا نقطة ضعف أمي وأبي لهيك كنت دائما استعطفهن وحاول اتمرد وخاصة على أمي...
قررت صالح أبي إذا كسبت أبي لصفي على الأقل بخلص من حكي جهاد يلي متل السم....
أبي حبيبي اعملك قهوة؟!
لأ أمك بتعمل انت اقعدي بدي أحكي معك...
كان متسطح على الفرشة على الأرض, مسك دخانته بايديه وشعلها...
وجه أصابعه التنين باتجاهي (السبابة والوسطى)
اسمعي يا صفاء, انا طولت روحي عليك كتير ها,
هاد اللبس يا ابي مو حلو...
الله امر بالستر...
اخوك معه حق...
لا تزعلي هو كمان شب بعرف كيف الشباب بتفكر...
أنا بقول انك كبرت انت مو صغيرة, صار الوقت تحطي على راسك شو رايك؟!
اممم يعني انا مو مفكرة ألبس على راسي هلأ, بدي البس منشان السيد جهاد يرضى عني, ليش انتوا هيك؟
لأ مو منشان جهاد, اذا ما بدك تلبسي ما بغصبك بس هاد لبسك كله ما بدي ياه واضح؟!
مد ايده على جيبته واعطاني مصاري...
بكرا بتنزلي على السوق انت وامك وبتجبيلك كم قطعة يكونوا مرتبين....
حاضر أبي...يخليلي ياك وما يحرمني منك يا حق...
كنت قاعدة معه وعقلي مو معي..يعني هلأ وقت محاضرات افف يا...
ابي بدي فوت على غرفتي بدك مني شي؟!
لأ الله يرضى عليك...
واخيرا خلصت من الاجتماع تبعهن, وهلأ رح استغل الفرصة...
فتت على الغرفة وسكرت الباب باحكام!
هلأ صار لازم أحكي مع فادي!
كنت عم اتصرف بدون وعيي...
مديت ايدي على جيبة بنطلوني ومسكت الورقة...
وقفت على المراآية فتحت الورقة...
يمكن من كتر ما اطلعت بالرقم حفظته بأقل من دقيقة...
ممم وهلأ شو لازم تعملي يا صفاء؟!
ما رح أقدر أحكي تلفون جهاد بالبيت...
رح ابعتله رسالة على الواتس أب...
ركضت على سريري وفتت تحت حرام...
حفظت رقمه عندي بالتلفون بأسم "سناء بنت عمي"
بس فتت على الواتس اب كان حاطط اله صورة...
ممم
هلأ اذا شافها جهاد ممكن يقلب الدنيا....
قررت إعمل لتلفوني رقم سري احتياط...
لانه اذا شاف جهاد صور فادي رح يعملي طنة ورنة ومشاكل انا بغنى عنها....
كنت تحت الحرام وما في غير ضو التلفون عم ينور عليي عتمتي, هالصفقة ان شاء الله تكون رابحة...
رح إعمل المستحيل لحتى فادي يحبني وعدت حالي بهالشي قبل ما بلش أحكي معه!!
بعد تفكير طويل شلت صورة الواتس اب يلي كانت عندي وبدلتها بصورة الي...
وهلأ صار الوقت لحتى احكي معه!
مرحبا كيفك؟ 😌
اهلا اهلا... شو ست صفاء معقول تأخرتي عليي كل هالوقت؟ 😡
اسفة بس كنت كتير مشغولة..وهلأ لحتى فضيت... ☺️
اها حلو.. يعطيك العافية
الصراحة انا كنت بدي اسألك ليه هيك عملت اليوم... 😕
هههه يا بنت عجبتني...أنت حلوة كتير..
ولبسك كتير حلو...
حبيت اتعرف عليك اكتر...
شكرا الك...شو بدك تعرف, وبصفتك شو؟!
ههه شو بصفتي شو؟
ولا شي يعني حكي نتسلى ونتعرف على بعض...
ايه وبعدين فادي, بعد ما نتعرف على بعض؟
اذا أعجبتيني وركب راسي على راسك بنخطب وبنتجوز...
صرت اخد واعطي معه بالحكي ما بعرف كيف صارت الساعة تلات الفجر وانا لسة عم احكي معه...
ما قدرت قاوم النعس أكتر نمت وانا ماسكة تلفوني بايدي...
ضليت نايمة للساعة وحدة الضهر...
كانت امي عم اتدق على باب غرفتي....
لك قومي صفاء شو صرلك افتحي هالباب....
أمي شو بدك خليني نايمة نعسانة كتير...
لك بعدين معك قومي يا بنت الساعة صارت وحدة الضهر...
بس قالت وحدة الضهر صحيت متل المجنونة حملت تلفوني ما كان في شحن...
ركضت متل المجنونة حطيت التلفون في الشاحن وفتحت باب الغرفة...
أمي انا اسفة حبيبتي...الليلة ما نمت منيح بسبب السيد جهاد...لا تزعلي مني وحياتك...
طريق الكذب بلش من اليوم...
عملت حالي الضحية!!
ما زعلانة,أنا خلصت كل شغل البيت وطبخت جهزت كل شي, أبوك اتصل وطلب مني نروح نشتري اواعي يلا جهزي حالك خلينا نطلع...
اي حاضر امي...
فتت اخدت دوش, ولبست اواعي حاولت ما يكونوا ضيقين كتير, يعني ما بدي تعليقات من امي حاليا...
بس طلعنا وصلتني رسالة من فادي..
(كيفك يا ئطه, أنا اليوم ما عندي تعليم شو رايك تيجي لعند منى وبشوفك اشتئتلك كتييير)
يا الله شو هالفادي هاد ما معقول تعلق فيني من اول يوم.....
كنت عارفة أمي ما رح تقبل روح خاصة بعد علقة مبارح مع جهاد...
بعثتله رد...
(صعب اجي بس انا طالعة مع امي على السوق...اذا حبيت تشوفني تعال)
طول الطريق كنت انا بعالم وامي بعالم!
كل همي كان كيف ارضي فادي!
اتفقت معه انه شوفه بالسوق...كانت امي ما عم تفارقني من حاولت بعد عنها ما قدرت..
بعثتله رسالة, ووضحتله اسم المحل يلي رح فوت اشتري منه اواعي...
