#صمود_فتاة_قصة
#بقلم_دلوفان_علي
الجزء 4
Telegram:@rwayate
الياس : غريبة ماخفتي .. بعرف البنات كتير ضعاف وبخافو بسرعة

رفيف : ليش لحتى اخاف ؟ .. انا متعودة ..مابخاف من شي ..

الياس : يعني انتي مانك خايفة مني ؟!

رفيف : لأ ماني خايفة .. انت بشر ومانك جني حتى خاف ..

الياس : بس انا مجرم .. قتلت روح ..

رفيف : كل واحد اله اسبابه .. اكيد بتكون قتلته لسبب معين ..

الياس: لهلأ ماعرفت اسمك ..

رفيف : رفيف اسمي رفيف .. توقعتك بتعرفه .. بما انك مخطط لكلشي .. بس ممكن اعرف شو سبب الجريمة الي ارتكبتا ؟

الياس : انا ......

رفيف : اوكي انت حر .. انا رح فوت لجوا ..
Telegram:@rwayate
قمت من مكاني .. مسكني من ايدي ورجعني عالمرجوعة وقام صار يحركا ..

الياس : انا قتلت ابي .. ابي كان واحد خاين.. كان يروح من بنت لبنت .. ومن كازينو ل فندق مع رقاصة .. كنت اكرهه كل الكره .. امي ماتت بسببه .. وحلفت اني اقتله .. قتلته .. وريحت راسي منه ..

رفعت راسي وطلعت فيه ..شفت الدمعة الي بعينو وهو عم يحكي .. كان عم يحكي بكسر .. وقهر وحرقة قلب..

رفيف : انا اسسفة .. اسفة كتير

الياس : ولا يهمك .. عادي .. بس انتي اول حدا بيعرف هالشي..

رفيف : بتعرف .. عم فكر اعمل متلك .. عم فكر اقتل ابي .. هوة كمان عم يخون ماما .. هو بيحكي مع بنات وبيتغزل فيون ..

الياس : انتي اقوى بنت شفتا بحياتي
اجا قعد جنبي وكمل حكيو : بتمنى تكون عجبتك باقة الورد ..

طلعت فيه بأستغراب .. رد علي بابتسامة دافيه .. ساوت كهربا بجسمي .. حمرو خدودي وقمت لروح لجوا .. وصلت عند الباب وصحلي
Telegram:@rwayate
الياس : بتمنى ما ازعجك بقعدتي هون اسبوع

رفيف : مو مشكلة .. ..
طلعت ع غرفتي وطلعت دفتر الملاحظات من المكان السري .. كتبت تاريخ اليوم .. وكتبت بخط كبير (((الياس))) ..
حطيت راسي ونمت .. فقت الصبح الساعة 10 .. كانت نور فايقة.. استغربت كتير .. لانو بالعادة بتنام لل12 .. نزلت على رؤوس اصابيعي وانا مفكرة انو الياس نايم .. وصلت عالمطبخ شفت الياس ونور عم يحطو الفطور .. ونور فرحانة وعم تضحك ..فركت عيوني لاتأكد انو الي عم شوفه صح .. وماعم اتوهم .. انتبه علي الياس ..

الياس : صح النوم
Telegram:@rwayate
رفيف : يصحصح بدنك .. شو شايفتكن اتفقتو ماشالله .. نور عاوزتك شوي ..

رفيف بهمس : شو صار ؟! ليش هيك فجأة حبيتيه .
نور : لك لا .. بس انا ظلمته .. الشب كتير ادمي وحباب ..
رفيف : ايوا .. يعني انشالله رح نقضي الاسبوع بدون بكي .. ههههه

نور : اي اي مافي بكي ههههههه

رجعنا عالمطبخ وقربت من الياس شفته عم يقلي بيض .. فورا قلبت معدتي .. ركضت عالحمام وراجعت .. غسلت وشي ورحت ع غرفتي بدلت تيابي .. لبست بجامة للبيت .. ونزلت رحت ع الجنينة وشميت هوا نضيف .. ارتاحت معدتي ودخلت لجوا .. جبت محرمة حطيت عليها عطر وحطيتا ع انفي مشان ريحة البيض .. رجعت عالمطبخ كان الاكل جاهز وعالطاولة .. قعدنا و بلشت اكل بدون ما احكي ولا حرف .. نور كانت عم تفتح مواضيع مع الياس ..
نور : امممم طيب عندك اخوة ؟
Telegram:@rwayate
الياس : لا وحيد .. لا بنات ولا شباب

نور : شو رفيف ماعم تحكي

شلت المحرمة : مافي داعي انتي بتكفي وبتوفي .. دايمة ..

طلعت ع غرفتي وانا مزعوجة .. يمكن كنت عم غار على الياس .. بس مو معقول حبه بهالسرعة .. فيه شي غريب هالشب وكأني بعرفه من زمان .. مستخيل يكونو الشرطة عم يلحقوه .. كانو مسكوه لانو بيتنا قريب ع مركز الشرطة.. لازم اعرف الموضوع ... هو مو مجرم انا متأكدة
#يتبع

#صمود_فتاة_قصة
#بقلم_دلوفان_علي
الجزء6
Telegram:@rwayate
الياس : حاضر سيدي .. لا تقلق .. حاضر .. انشالله بتكمل بنجاح .. لا رفيف بحماية تامة لا تقلق .. احترامي الك سيدي .. باي

كنت واقفة وراه وبيناتنا خطوتين .. اندار وشافني واقفة وراه ..

الياس : رفيف .. انتي من ايمت واقفة هون .. الجو برد .. دخلي لجوا
رفيف : لأ

الياس : بلا عناد.. دخلي لجوا هلأ بتمرضي

رفيف : قلت لأ .. مارح ادخل لحتى اعرف القصة .. كنت متأكدة انك مو مجرم .. بدي اعرف مين هاد الي كنت عم تحكي معه .. وليش كنت عم تقله سيدي ؟؟؟؟؟

الياس : رفيييف .. قلتلك بلا عناد

رفيف : وقلتلك مارح ادخل .. واعلى مابخيلك اركبه ..

الياس : لا حول ولا قوة بالله معك .. انا داخل لجوا .. وبتمنى تلحقيني .. والا رح يصير شي مابعجبك ..
Telegram:@rwayate
مشي وتركني واقفة بالجنينة .. بقيت واقفة وانا متلجة .. جسمي صار ابيض .. وبالاخص اني لابسة بيجاما رقيقة ..احمرو شفايفي ... وبقيت واقفة .. طلعت عالقمر وصرت انفخ بإيدي مشان يدفو ..

رفيف : ياترى انت كمان متل هالناس ؟..بتبين حلو ومضيء وبريء .. معقول تكون بشع .. او تكون منيح ونحن نفهمك غلط ؟...

بلش تمي يرجف وبلشت افقد توازني .. كنت رح اوقع عالارض بس حسيت بإيد مسكتني وشالتني ..
_________________
فتحت عيوني كانت الساعة 9 ..
كانو الياس ونور قاعدين مقابيلي عم يتهامسو .. سمعت نور عم تقول .. مالازم تعرف ..
Telegram:@rwayate
حكيت بصوت عالي : شو الي ما لازم اعرفه .. شو مخبين علي ؟؟؟ .. حتى انتي نور .. حتى انتي ..

قمت من مكاني وركضت بسرعة ع غرفتي ودموعي ينزلو .. دخلت وقفلت الباب.. سمعت نور عم تدق عالباب ..

نور : رفييف .. رفييف افتحي الباب .. رفيف بترجاكي افتحي الباب

رفيف : روحي من هون نور .. اتركوني لحالي .. تركووووني كرمال الله ...تركوني

نور : طيب ماشي .. ماشي انا رايحة ..

كنت شايفتا من تحت الباب انها واقفة وماتحركت ..صرت صرخ واضرب كلشي قدامي .. كنت عم فش قهر السنين كلن وقفت عالمراية وضربت ايدي فيا وكسرتا.. انجرحت ايدي وصارت تنزف .

صرخ الياس من برا : رفييف .. افتحي الباب انا اسف .. افتحي خلينا نتفاهم ..بترجاكي لا تعملي بحالك هيك.. صرلك شي .. قوليلي
Telegram:@rwayate
.حكيت بصوت عالي وانا عم ابكي ..

رفيف : لما كنت صغيرة كنت المفضلة بكلشي .. كنت الدلوله .. ماحدا يرفضلي طلب .. كان بابا مسميني فروجتي .. كانو عيلتي متفاهمين .. محدا بيحكي ع حدا .. والكل بيحبو بعض .. وكبرت .. وياريتني ماكبرت .. اتزوجو اخواتي .. وصار عندن ولاد .. صار نسوانن يزنو براسن ..كل وحدة تقول .. مرت اخوك هيك عملت واخوك هيك عمل .. كبرت اكتر وعرفت انو محدا بحب حدا .. كلو كذب .. بس حب واحد حقيقي وهو حب الام لبنتا .. بكرهكون .. بكرهكون كلكون .. روحو من هون .. روحوووو

ضليت عم ابكي لصارت الساعة 10 ونص .. حطيت ادني عالباب ماكان في صوت .. طلعت من تحت الباب ماكان في حدا ..

#يتبع

#صمود_فتاة_قصة
#بقلم_دلوفان_علي
الجزء7
Telegram:@rwayate
فتحت قفل الباب .. وفورا انفتح الباب .. دخلو الياس ونور

نور : شو عاملة ... لك ليش هيك عاملة بحالك .. ليش ايدك عم تنزف ..امشي نزلي لتحت .. خليني ضمدلك ياها ..

هزيت براسي ب لأ

الياس : اي لا بكفي عناد ..
حملني ونزلني لتحت .. انا ماقاومت ولا عيطت ولا ضربت .. نزلني لتحت وجابت نور علبه الاسعافات الاولية .. اخدهن الياس وصار يضمدلي الجرح ونور عم تمسحلي وشي وانا ساكته.. ماكنت حاسة بالم بايدي .. بس كنت عم اتطلع ع الياس .. حتى وهو معصب بحبو .. مابعرف شو هالسرعة الي حبيته فيها ..
Telegram:@rwayate
الياس : بدك تعرفي رح قلك ..انا هون بمهمة .. لانقذ حياتك وحياة رفيقتك .. من ابوكي .. الي باعكن .. باعكن بالمصاري .. وتركك بالبيت قصدا مشان يجي المشتري وياخدك انتي ونور .. وهو حتى رتب كلشي .. عرف انك رح تجيبي نور لعندك .. وعرف انو في عاصفة جاية ورح تسكر الطرقات لمدة اسبوع .. ولهيك توجه عالضيعة .. مشان يفسح مجال للثعلب ياخدكن .. عرفتي ليش انا هون .. ابوكي تاجر ... عم يتاجر ببنات الناس .. ولما ماعاد يلاقي حدا .. انجبر انو يبيعك .. شو ليش ماعم تحكي .. مصدومة ؟؟

نور : كلشي قاله الياس صح .. القصة هيك .. وهو ضابط .. واجا لحتى ينقذنا .. بعدك مصدومة ؟!.. حتى انا نصدمت متلك .. ابوكي مو ظاهر عليه .. بس الناس مخباية بتيابا

اتجمعو الدموع بعيوني ..وقمت من مكاني وطلعت عالجنينة .. لحقتني نور

رفيف : نور لو سمحتي بدي ابقا لحالي شوي ..
Telegram:@rwayate
نور : طيب بس خدي جاكيتي .. مشان ماتبردي ..

رفيف : مابدي .. بترجاكي دخلي لجوا ..

كملت مشي .. وصلت لعند الورد .. كان في وردة جورية .. كنت انا زارعتا .. قعدت جنبا وصرت احكي

رفيف : بتعرفي انا وانتي كتير منشبه بعض .. تنيناتنا ناعمين .. وبس حدا يحاول يئذينا او يقطفنا .. منطالع الشوك الي جواتنا .. بس انتي حياتك احلا من حياتي .. على الاقل مرتاحة .. مرتاحة من النفاق والكذب .. أحياناً الحقيقة بتوجع .. بس قد ماكان بتكون أحسن من الكذب .. انتي وردة وانا وردة .. كل وحدة عندا حياتا .. انا بحكي وبشكي همي .. بس انتي كيف بتحكي ؟! كيف بتشكي ؟ كيف بتلومي ... الله يصبرك بس ..

الياس : اول مرة بشوف وردة عم تحكي مع وردة
Telegram:@rwayate
طلعت فيه ابتسمتلو و رجعت طلعت عالورد .. كانت الساعة 1 .. قعد جنبي .. غطاني ب لفاحة وحضني بإيده .. سندت راسي ع كتفه وصرت اتفرج عالنجوم

الياس : بتعرفي انو نحن منعرف بعض من قبل ؟.. نحن كنا صغار لما التقينا .. امي وامك كانو رفقات كتير .. تزوجو سوا .. بس امك الله رزقها بولاد اما امي لأ .. بعدا اجيت انا عالدنيا .. كنت فرحة امي .. بعد ولادتي ب 9 شهور جيتي انتي عالدنيا .. صرنا رفقات .. امي كانت تقلي انو كبرنا سوا .. كنا ندافع عن بعض .. نوقف جنب بعض .. كانت امي تقلا لامك ((هي البنت مابتروح لحدا .. هي لابني وبس .. فيا شي خيالي .. مو موجود بالواقع )) قبل ما تتوفى عطتني رقم امك .. حكيت معا وتعرفت ع احوالا واندليت ع بيتكن .. عملت اجرائات ونقلت شغلي لهون .. مشان كون قريب منك .. كنت راقب تصرفاتك .. شو بتعملي شو بتاكلي .. وكان امي فعلا معا حق .. فيكي شي من الخيال مو موجود بالواقع ..
Telegram:@rwayate
نور : احم احم ... فيني شارككن القعدة ..

رفيف : قعدي .. محدا ماسكك ..

نور : النومة هون كتير حلوة .. شو رايكن ننام هون

رفيف : اي والله فكرة حلوة ..

نور : يعني خلص .. صافي يالبن ؟

رفيف : هههه اي .. خلينا نجيب الفرش لهون

#يتبع

#صمود_فتاة_قصة
#بقلم_دلوفان_علي
الجزء 1
Telegram:@rwayate
كنت عم فكر لو انا عايشة غير حياة .. لو عندي عائلة بتحبني حب نضيف وصادق .. كان في بخيالي عالم كامل ..حلوووو ..كتيير حلوو .. كان عالمي الخاص بحط فيه الي بدي ياه وبطالع منه الي مابدي ياه ... بشكر الله الف مرة انو عطانا خيال .. نعمل فيه الي بدنا ياه .. صحيت من افكاري ع صوت امي
ام رفيف : لك رفييف .. هاتي الكيس يلا ايدي تكسرو

رفيف : اي امي حاضر

رحت وجبت الكيس عطيته لامي وسألتا اذا بدا شي وكملت ع غرفتي ..((انا عيلتي مكونة من امي وابي واخي الكبير متزوج وعندو بنت وصبي ..واخي الاصغر منو كمان متزوج وعندو صبيين .. واخي الاصغر منو متزوج وعندو بنت.. اما الاصغر ف هو مو متزوج.. وكان عندي اخ واخت توأم اصغر منو توفو .. اما انا البنت الوحيدة لهي العيلة )).. دخلت وقفلت الباب .. رحت ع مخبأي السري .. هو عبارة عن درج محدا بيعرف فيه غيري انا .. كان مخزني الخاص .. فيه صوري و ذكرياتي وحتى رسائلي الي كتبتا لاشخاص وما بعتا ... طلعت منو دفتر ملاحظات صغير .. هاد الدفتر فيه كل شي من بداية السنة .. بكل يوم اكتر شي مميز بصير .. بكتبو بهالدفتر ...
كنت عم اكتب لما انفتح الباب فجأة وبقوة ... ومنيح انتي كنت قافلته ... رجعت كلشي لمكانه وفتحت الباب ...
كان اخي #خالد الكبير
خالد : شو عم تعملي هون وليش قافلة الباب ؟
Telegram:@rwayate
رفيف : اناا .. كنت .. بدي بدل تيابي ..

خالد : امممم.. طيب نزلي يلا جبنا اكل جاهز

رفيف : سبقني ورح الحقك .. بس بدل تيابي

طلع اخي من غرفتي .. سكرت الباب واخدت نفس .. بدلت تيابي ونزلت .. تغدينا وشلنا السفرة .. ورجعت ع غرفتي .. طلعت شوكولا من الدرج السري لانو بابا كان مانعن من البيت لهيك كنت اجيب بالسرقة ..اكلتا ونزلت لتحت .. سهرنا الكل سوا ورجعت طلعت ونمنا الساعة 11 ..
صحيت بعد ساعتين .. كانت الساعة 1 ..كنت حاسة بعطش كتييييييير .. نزلت على روس اصابيعي مشان ما فيق حدا .. وبيتنا لازم تعدي عالصالون لحتا تدخلي المطبخ .. والكنابايات ضهرن علي .. لمحت ضو عالكنباية .. قربت شوي .. لقيت بابا .. عم يراسل وحدة !!... كان عم يتغزل فيا .. وعم يقلا رح اجي ومارح طول .. انا نصدمت .. ركضت عالمطبخ وجبت مي.. وغسلت فيا وشي عبيت منا قنينة صغيرة وطلعت ع غرفتي عالسكيته .. دخلت وقفلت الباب وسندت حالي عليه وانا بعدني مصدومة ... حطيت حالي Telegram:@rwayate بالفرشة وبلشت طق بأصابيعي من التوتر .. فكرت كتير شو رح اعمل .. ماطلع معي شي .. لو خبرت ماما مارح يطلع بإيدا شي .. ولو خبرت اخواتي رح يدبحوه !!..نعست وبلشت اغفى شوي شوي. .. شفت حلم كتيير حلو .. شفت اني ب مكان كلو خضار وورد وفيه شلال بينولد من الشلال نهر .. بس مية النهر قوية كتير ... كنت واقفة مع اهلي من الطرف التاني من النهر .. طرف الصحراء و الصبار والنشفان .. كانت كل عيلتي موجودة معي ..صار الكل يحاول يعدي النهر .. ابي صار يركد و ما اهتم فينا .. هو عدا قويت المي كتييير وماقدر يتماسك وراح مع المي .. بعدا اخي خالد شال ولاده بحضنه و ركض فين .. ووصلو للجهة التانية بس بصعوبة كبيرة .. اما اخي الاصغر منو وائل بكل سهولة عدا النهر مع مرتو وولاده .. ورجع مرة تانية لعنا لحتى يساعدنا ... اخي الأصغر منو يامن كان همه انو ينقذ مرته وبنته .. ويوصل للجهة التانية بسلامة .. وصل بس بعد محاولات ... اخي الصغير سالم .. كان نسخة عن ابي .. عمل نفس الحركات ونفس التصرف .. Telegram:@rwayate وغرق بالمي .. كنت شايفة ع هديك الجهة اخواني التوأم هدى وهادي .. كانو عم يطلعو فيني وعم يبتسمو .. مديت ايد لامي والايد التانية لاخي الي رجع لعنا .. وعدينا النهر .. لما عدينا وقفت حركة المي وعدينا بسهولة كبيرة ...
_______________
فقت عالساعة 10 وكان راسي رح ينفجر .... نزلت لتحت شربت حبة ودورت ع امي ما لاقيتا ... البيت كان فاضي .. مافيه اي حدا .. اي صوت .. اي نفس.. بيت كبيييييير وفاضي.. بحكم شغل بابا انو تاجر كانت حالتنا فوقةالممتاز .. كان بيتنا اشبه بقصر .. طلعت لفوق جبت موبايلي ونزلت .. اتصلت بأمي ..
ردت
Telegram:@rwayate
رفيف : الوو .. وينكن ماما .. البيت مافيه حدا .. وليش تاركيني لحالي

ام رفيف : بنتي على مهلك .. عطيني مجال لاحكي .. كنتي نايمة قلنالك طالعين عالضيعة ... قلتيلنا روحو ماني رايحة .. ورحنا

رفيف: طيب وين انتو هلأ ؟

ام رفيف : نحن ب الضيعة ... واحتمال ما نرجع ليومين

رفيف :شوووو ... كيف ماترجعو وابقى لحالي .. افففف .. طيب رح اتصل بنور تجي لعندي تبقى معي الليلة

ام رفيف :يلا مع السلامة بنتي .. وانتبهي ع حالك

سكرت الخط .. واتصلت بنور .. نور هية رفيقتي .. او توأمي .. بتعرف كلشي عني ... ردت علي

رفيف : مرحبا دبدووبة .. شو عم تعملي

نور : اهلين .. كنت نايمة .. خربتيلي نومتي ..

صمود_فتاة_قصة
#بقلم_دلوفان_علي
الجزء 2
Telegram:@rwayate

كان رائد اخوها لنور .. شب اسمر طويل ونحيف .. عيونو بنيات وشعرو اسود

رائد : انا مارح طول... نور جيبيلي كاسة مي

نور : حاضر ..

راحت نور وبقينا واقفين انا ورائد ..

رائد : اذا لزمكن شي اتصلو فيني .. انا رح كون موجود

رفيف : لا .. مافي داعي .. الشوفير موجود .. منطلب منه

رائد : اي بس انا قلت انا موجود مافي داعي للشوفير ..

بلش يقرب مني شوي شوي وانا اتراجع ..

رائد : شكلك مارح تفهمي علي بالالغاز ؟!.. بعرفك ذكية .. وبتلقطيا عالطاير

توترت كتير وركضت عالمطبخ .. شافتني نور وقالتلي شبك .. تهربت من سؤالا .. اخدت المي لاخوها وبمجرد ما طلع انا طلعت من المطبخ ..
Telegram:@rwayate
نور : اي .. وهلأ

رفيف : اول شي خلينا نفطر وبعدا منفكر ..

حطينا فطور وفطرنا .. وقعدنا بالصالون ..

نور : الجو كتير ملل .. اذا رح نمضي اليوم هيك .. رح ارجع عالبيت هاا ..

رفيف : لك لا شو ترجعي عالبيت .. امممم .. تروحي ناكل بوظة ؟

نور : اي ليش ماروح بروح ..

رفيف : يلا تكة لالبس

طلعت ع غرفتي .. طلعت بنطرون جينز وفوقه قميص طويل ابيض .. وشلت شعري لفوق وربطته .. ولبست جاكيت جلد زهري مشان الجو لانو كان خريف .. ونزلت لتحت .. كانت نور عم تحكي عالموبايل ومو منتبهة علي ..

نور : لحظة اسألها ... لك اي ..اي ..ماشي .. لحظة
اندارت لورا وتفاجأت فيني

رفيف (بهمس): مين هاد ؟!؟

نور : هاد اخي عم يقول هو رح ياخدنا .. خليه يجي ؟
Telegram:@rwayate
رفيف : رح نتأخر هيك لبينما يوصل لهون

نور : لا هو قدام الباب عم يستنانا ..

رفيف : طيب خلص امشي يلا

طلعنا لبرا كان رائد واقف عم يحكي مع الحارث .. اول ماشافني جمد بمطرحه .. قربنا عليه وهو بعده صافن فيني ...

رفيف : احم احم .. شو مابدنا نمشي
رائد : اه ؟!.. اي منمشي ليش لأ منمشي ..

ركبنا بالسيارة وقال: لوين بدكن تروحو ؟

نور : يعني لوين .. لعند اقرب محل بوظة ..

رائد : بوظة .. بهالجو !

رفيف : اي شو فيها .. اصلا هالجو كاير حلوو ... ياريت تروح وترجع بسرعة .. لانو مافي حدا بلبيت .

رائد :طيب .. ماشي ..

رحنا اكلنا بوظة وتفتلنا شوي ورجعنا .. بلشت الشمس تغيب .. والدنيا زادت برودة .. وصلنا عالبيت وودعناه وراح .. اول مادخلنا عالبيت شميت ريحة عطر .. كانت ريحة طيبة كتير ..

رفيف : نوور .. شامة الي انا شاممته .. هالريحة .. وليي شو طيبة ..

نور : اي بس .. من وين الريحة .. مافي غير انا وانتي ..
Telegram:@rwayate
رفيف : اي والله .. مابعرف .. لحظة .. شو هاد !!

كان في عالطاولة بالصالون باقة ورد جوري كبيرة ... سكرت الباب وقفلته .. دخلنا لجوا .. شلت الباقة وشميتا .. اخدت نفس طوييييل منا ..

رفيف : بعشق الورد الجوري انا .. ليكي معا رسالة ..

نور : يلا فتحيا بسرعة .. بدي اعرف مين العاشق الولهان فيكي ..

رفيف : بلا غلاظة ...

فتحت الرسالة
محتوى الرسالة :
‏- كانَ العُمرُ باهتّ ومنّذُ أنَ عرفّتكَ تورّد 🌸 ✨.
المرسل : عاشقك ..

نور : ايوااا .. وطلع عندك معجب تاني ..

رفيف :ههههه.. ليش في معجب اول ؟

نور : اي .. اخي .. هلأ جد مانك ملاحظة اهتمامه الزايد فيكي ..

رفيف : شو يعني !؟ بدك روح وقلو انا كمان بحبك ؟.. دبة انتي .. بتعرفيني مابحب هيك شغلات .. بس هالورود بجننو كتييير حلوين

نور : انا جعت .. ياريت عدينا ع مطعم ..
Telegram:@rwayate
رفيف : له يا نونو .. هلأ منطلب ديليفري ..
طلبنا ديليفري .. واكلنا .. وقعدنا ونحن مالين ..

نور : شو رأيك نتفرج ع فلم رعب ؟؟

رفيف : فكرة حلوة .. هلأ بجيب فلم من غرفة اخي .. استنيني ..

طلعت ع غرفة اخي .. جبت الفلم وطلعت .. كنت عم امشي بالممر باتجاه الدرج .. حسيت بخطوات شخص وراي .. انداريت بسرعة .. مالقيت حدا .. كملت ركض لتحت .. بدون ماوقف ..
رفيف : اي ليكو .. هاد اكتر فلم برع.... نور ..نوووور .نور وينك ..

وقفت بمكاني وصرت صيحلا .. تعبت من الصياح رحت قعدت وصحت بصوت عالي : رح شغل الفلم هاا .. تصطفلي ..
استنيت ماردت علي .. فجأة انحطت محرمة ع تمي .. وغبت عن الوعي ..
#يتبع

#صمود_فتاة_قصة
#بقلم_دلوفان_علي
الجزء8
Telegram:@rwayate
جبنا الفرش وحطيناه .. كنت انا بالنص والياس من طرف و نور من طرف .. مسكت ايديهن .. وقلت : الله لايحرمني منكن انتو اكتر اشخاص وفيين عرفتن بحياتي ... بس

نور : بس شو ...

رفيف : تخيلي ينزل مطر .. والله لنروح فيا

نور : ييي ما اتقل دمك .. تصبحو ع خير ..

كنت ماسكة ايد الياس وشادة عليها .. كنت خايفة يكون حلم وفيق منو

الياس : لك على مهلك على ايدي .. رح تقطعيا ..

رفيف : اسفة .

الياس : قلك شغلة ..
رفيف : قوول
الياس : بحبك ...
رفيف : بعرف ..
الياس : طيب وانتي .. مابتحبيني
Telegram:@rwayate
رفيف : شوو انا ؟!.. ليش لحبك .. انا الف واحد بتمنى يحكي معي بدي طلع عليك ؟!

الياس : اي ماشي .. تصبحي ع خير

عطاني ضهرو وانا بلشت احكي : لك الياس .. الياس اندار بلا غلاظة .. لك كنت عم امزح .. الياااااس .. لولو .. يا سوسو .. لك رد علينا ابو السوس .. لك رد علي .. لك انا .. انااا.. انا بحبك

الياس : اي بعرف بتحبيني

رفيف : لك اسمع .. شو هالصوت.. لك هاد صوت الباب الرئيسي .. شو عم يصير ..

الياس : هدول اكيد رجال الثعلب .. فيقي نور بسرعة وروحو لورا الفيلا .. وما تجي لصحلك هاا

رفيف : الياس انتبه ع حالك .. بحبك

الياس : وانا بحبك روحي يلا
Telegram:@rwayate
فيقت نور ورحنا لورا الفيلا .. كانت عم تبكي ..

رفيف : نور .. نحن شو اتفقنا .. مافي بكي .. مافي زعل .. يلا مسحيلي هالدموع .. الياس رح ينقذنا لا تخافي ..

كنت متوترة كتير .. عم طق اصابيعي من التوتر .. سعنا صوت رصاص .. حدا اتصاوب .. بعد 5 دقايق سمعنا صوت سيارات الشرطة .. كانو معبيين المكان .. الفيلا كلها رجال شرطة ..انفتح الباب الخلفي للفيلا وصاحلنا واحد من الشرطة .. كنت حاضنةنور وعم امشي بسرعة .. حسيت بشي دخل بكتفي .. كانت رصاصة .. بلشت انزف .. كنت عم اتوجع .. بس ما طلعلي صوت .. نقلوني عالمشفى فورا .. وبعدا ع غرفة العمليات .. عطوني مخدر .. بتذكر اخر شي حكيته كان ((((الياس))))
_________________________________
Telegram:@rwayate
فتحت عيوني كان الدكتور جنبي.. دخلت الممرضة وفتحت البرادي .. ضوت الغرفة كلا واتفتحت ..

الدكتور : الحمد لله عالسلامة .. قدرنا نطالع الرصاصة .. وانشالله بتطلعي بكرا

نطقت بصعوبة : ن__و_ر

فجأة انفتح الباب : انا هون .. لاتخافي .. انا دائماً جمبك ..

ابتسمتلها .. ورجعت طلع عالباب .. كنت عم استناه .. اشرتلا لنور بإيدي .. فهمت علي .. طلعت لبرا ..بعد ب 5 دقايق .. شفت امي دخلت ..

#يتبع

#صمود_فتاة_قصة
#بقلم_دلوفان_علي
الجزء9
Telegram:@rwayate

ابتسمتلا ... وتعبو عيوني بالدموع لما تذكرت انو ابي هيك عمل .. بلشت ابكي .. ركضت امي لعندي

ام رفيف : خلص لاتبكي ياروحي .. خلص .. كلشي رح يتصلح ... وابوكي الله اخدلنا حقنا منه ..

رفيف : ش__و صا__ر

ام رفيف : هشش .. لا تتعبي حالك .. منحكي بعدين .. هلأ ارتاحي ..

طلعت من الغرفة وانا بقيت عم اتذكر كلشي صار .. دمعو عيوني وقمت من عالتخت.. فكيت السيروم .. واتوجهت للباب .. كنت عم اتوجع كتير .. بس كنت مستعدة اعمل اي شي مشان شوف الياس .. وصلت للباب وفتحته .. ماكان في حدا .. كملت طريقي وبلش جرحي ينزف .. كنت عم دور عليه .. بكل غرفة .. بكل ممر .. مالقيته .. لدرجة فكرت اني خسرته .. وماعاد شوفه .. وقعت عالارض .. وبلشت اتوجع .. اجت نور وشافتني

نور : رفييف .. لك شو عم تعملي هون .. ليش طلعتي من الغرفة .. ليكي كيف عم تنزفي .. قومي معي ..قومي يلا

اخدتني نور ع غرفتي .. وجابتلي ممرضة ..

رفيف : نور .... الياس ...
Telegram:@rwayate
ماردت علي وطلعت من الغرفة ..
________________________
بعد 3 ايام
________________________

اندق الباب ...

ام رفيف : رفييف .. امي فتحي الباب .. انا عم خيط .. ماني فاضية ..

رفيف : اي امي جاية ..

نزلت من فوق ورحت عالباب .. طلعت من العين السحرية .. ماشفت حدا .. فتحت الباب .. نطت نور بوشي

نور : بخخخخخخ ... كيفو الحلو اليوم

رفيف : تضربي خوفتيني .. دخلي دخلي ..

نور : كيفك خالة ... جيت اخد رفيف نتمشى شوي ..

ام رفيف : اي روحو بتغيرو جو.. ومنو عدو عالسوبرماركيت شترو بزر و فستق وهيك شغلات .. جايينا ضيوف بكرا ..

نور : ضيوف ... امممم الي بالي بالك ... ههههههه

ام رفيف : ههههه .. اي الي بالي بالك ...

رفيف : شو الي ببالكن ... ع شو عم تتفقو ..

نور : هلأ روحي بدلي تيابك وبعدا منحكي ..

طلعت لفوق لبدل تيابي .. ونزلت

#يتبع