#عشق_الأسمر
#بقلم_زهرة_اللوتس
#الجزء_الثاني



اسمر: طلعت لعندا بدي حاول صلح يالي عملتو… فيها قبل شوي بعرف انو … بس كرمالا كرمال ما تتشوه سمعتا من اول يوم… دخلت الغرفة عم دور نظري بكل مكان ما شفتا… طلعت للبلكونة ما كانت موجودة رحت وقفت قدام الحمام…
اسمر: رنا
اسمر: رنا عم تسمعيني
اسمر: ازا ما رح تحكي رح اكسر الباب وادخل….
بعد ما شاف انو ما في نتيجة ضرب الباب بكتفو… اطلع بالارض وانصدم برنا وكيف مغمى عليها… .ودما رح يصفى بالارض.. بسرعة نزل لمسواها وحط راسا بحضنوو… وعم يضرب خدودا كرمال تصحى… .
اسمر: رنا رنا اصحي شوو صرلك… رنا لك الله يلعني شوو جحش شو عملت بالبنت انا… .
حملا سطحا على التخت ونزل بسرعة على الدرج… دق على باب الغرفة
اسمر: امي امي
فتحت ام العز الباب واطلعت باسمر
ام العز: شبك
اسمر: امي رنا عم تنزف
ام العز: شو هل حكي
بسرعة طلعت لفوق واسمر طلع بعدا… دخلت ام اسمر وقربت من رنا وبس شافت منظرا…
ام العز: لك البنت رح يصفى دما… بسرعة جبلي شي لبسا ياه ..رح ناخدا للمشفى
بعد ما لبستا ام العز لرنا لتياب حملا اسمر ونزل فيها… فتحتلو ام العز باب السيارة
سطحا على المقعد وراح ركب مكانو وام العز حطت راس رنا بحضنا…
وصلو المشفى وبسرعة اسمر حملا ونزل فيها… دخلا للغرفة والدكتورة طلعتوو لبرا ما سمحتلو يبقى… كان عم يضرب ايدو بالحيط محمل نفسو المسؤولية… بيالي صار برنا وعم يلوم نفسوو
اسمر: انا حجش غبي ما بفهم… كيف بتعامل معا بهل قسى هاد لك الله ياخدني شوو حيوان…
طلعت اموو وسكرة الباب بعدا… قرب منا اسمر
اسمر: كيفا رنا شو حكت الدكتورة
ام العز: رنا بخير… بس قالتلي خبرك الدكتورة انو ما بقى تقرب منا… لفترة لوقت تتحسن رنا وما يتكرر هل شي…
اسمر بعصبية: لك ما رح قرب بس رنا كيف وضعا…
ام العز: ما تخاف رنا بخير ..وهاد الشي بصير مع كل بنت بس انت انتبه منيح…
مسح وجهو وشعراتو وزفر بضيق…
اسمر: اي امي اي رح انتبه… وهلق شوو بعدا
ام العز: بس يخلص السيروم منقدر ناخدا ونرجع للبيت
بعد وقت فتح الباب اسمر ودخل كانت رنا… واقفة وام العز ماسكتا…
اسمر: كيف حاسة حالك ازا تعبانة منبقى
رنا كرمال ما تلفت نظر لمرة عما ابتسمت وحكت: انا منيحة
قرب اسمر بدو يحمل رنا
رنا: ما في داعي انا منيحة بمشي لوحدي… .
اسمر: خليني احملك
حملا اسمر وطلع فيها ..ابتسمت ام العز ولحقتهم
وبالبيت اول ما دخلت رنا الغرفة وسكر الباب اسمر… .
اسمر: رنا خلينا نحكي..
رنا: ما في حكي احكيه معك
تركتوو وراحت نامت على التخت واعطتو ضهرا… .
ما حب اسمر يضغط عليها اكتر…نزع قميصو ورح لمكانوو وتسطح حط اديه ورا راسو عم يفكر بيالي عملو كيف رح يصلح هل شي… .
الصبح صحيت رنا بكير كان اسمر لساتو نايم…
تركتو وفاتت للحمام عملت دوش وطلعت… وقفت قدام لمرايا عم تسرح شعرا…. بهل وقت صحي اسمر وكان صافن فيها ورنا موو منتبها…
تجلس وكان عم يحرك شعروو البني… بطريقة مهذبة وحلوة
اسمر: صباح الخير
ما اهتمت رنا الو لبست الحلقة بأذنا وحطت خاتم الخطبة بايدا… وفتلت ضهرا وكانت رح تتطلع…
رنا: بتمنى تجهز بكير وتلحقني هلق بيت عمي بيوصلو… ومو حلوة بحقك استقبلن لوحدي…
كانت رح تطلع بس ايد اسمر يالي سكرة الباب منعتا من هل شي…
اسمر: خلينا نحكي رنا
اطلعت فيه رنا
رنا: شو بدك تحكي اسمر بيك
اسمر: بليلة مبارح
رنا: ما في شي نحكيه بخصوص هل ليلة… وصفحة وتسكرت وما في داعي نحكي فيه…
اسمر: لا رنا في وكتير
رنا: غلطان ما في شي… وازا في شي احكي لوحدك انا ما رح اسمعك ..متل ما تجاهلتني وما سمعتني بليلة امس… انا اليوم رح اعمل معك نفس الشي.… صح ما كنت بتمنى علاقتي فيك هيك تكون… بس انت لخترت هل شي بأيدك… .
بعدتلو ايدو عن الباب فتحتوو وطلعت…
اسمر: معا حق شو ما حكت…
نزلت رنا لتحت ورسمت الابتسامة على شفايفا… كان عما ومرة عما قاعدين… مشيت لعندن رنا
رنا: صباح الخير
أبو العز /أم العز: صباح النور
قربت رنا وباسة ايد عما
أبو العز: الله يرضا عليكي
ورجعت قربت من ام العز وكانت رح تبوس ايدا وما سمحتلا… .
ام العز: يرضى عليكي يا بنتي تعي قعدي مع جنبي…
رنا: لا مرة عمي رح روح ساعد الخالة بحط لفطور…
(طبعا اخوات اسمر كل واحد ساكن ببيتو… وبل بيت هاد ما في الا اسمر )
ام العز: لا انتي لساتك عروس تركي ام فاطمة بتشتغل لوحدة…
رنا :متل ما بتامري
بعد بوقت نزل أسمر من فوق وكان يحكي على الموبايل… .
اسمر: خلص بعدين بشوفك ومنتفاهم… درمل الله معك
اسمر: صباح الخير
الكل :صباح النور
قرب اسمر وقعد بحد رنا… .ورنا ما رفعت راسا أبداً دخلت ام فاطمة ..

ام فاطمة: لفطور جاهز يا خانوم

#عشق_الأسمر
#بقلم_زهرة_اللوتس
#الجزء _الثالث



صحيت رنا الصبح بكير… دخلت عملت دوش وسرحت شعرا رح تطلع بس صحي أسمر…
أسمر: شو طالعة للجامعة
رنا: شو شايف انت…
أسمر: ايه ما تروحي لوحدك هلق انا بجهز حالي وبوصلك….
رنا: ما في داعي…
أسمر: قلت رح وصلك انا
تركا ودخل الحمام… ورنا نزلت لتحت ..
رنا: صباح الخير
أبو العز/أم العز: صباح النور حبيبتي…
قعدة رنا تنتظر بأسمر شوي ونزل…
أسمر: يالله
ام العز: افطرو وبعدا روحو…
رنا: لا مرة عمو مو جاي على بالي… بدكن شي
ام العز: السلامة
طلعت رنا مع أسمر وراحو بالسيارة…
أسمر: اي ساعة ارجع اخدك…
رنا: ما ترجع بس خلص بدي روح مشوار…
أسمر: اممم انتي ومين
رنا: بهمك انا ومين
أسمر: لا من باب الفضول…
رنا: اي قول لفضولك ما دخلك…
وقف أسمر السيارة باب الجامعة فتحت رنا الباب ونزلت… وأسمر كمان
رنا: وين نازل
أسمر: خليني اتعرف على جامعتك… وأصدقائك…
رنا: انت مو بحفلة أسمر بيك…
ما سمع منا أسمر حط أديها بجياب بنطلونو ومشى… ورنا لحقتو تنفخ ..
دخلو الحامعة ماشين بحد بعض…
بعد شوي قربو مجموعة من شباب وبنات… بكونو اصدقاء رنا
رنا: صباح الخير
الكل: صباح النور
رامي: رنا مين هاد
رنا: بعرفكن زوجي أسمر… أسمر هدول أصدقائي…
الكل: اهلا وسهلا تشرفنا…
أسمر: ألي الشرف
الكل: انشالله الف مبروك…
رنا/أسمر: الله يبارك فيكن ..
اطلعت رنا بالساعة وكان باقي عشر دقايق… لتبدا المحاضرة ..عملت بعيونا لأسمر روح ..دخل أسمر أيدو بأيد رنا
أسمر: رح اسرقا منكن شوي بتسمحولي…
الكل: طبعاً
مشي فيها أسمر لعند باب الجامعة…
رنا: شو في
أسمر: ومصاحبا شباب كمان
رنا: ليش لا تكون غيران…
أسمر: وليش بدي غار… لا تكوني مفكرا حالك حلوة..
رنا: حلوة لدرجة كل من شاف عيوني الخضر … غرق فيهن من اول نظرة…وفات بعشق الله اعلم فيو
أسمر: امممم يالله لكان يا ام عيون خضر… روحي لعند رفقاتك بلا ما تتاخري عليهن… .
تركا وراح ورنا رجعت لعند رفقاتا… .
ركب اسمر سيارتو… وحاس شي مدايقو
أسمر: وليش يعني انت مدايق… وازا عندا رفقات شباب شو دخلك فيها
تفكير اسمر :كيف شو دخلك فيها ..انت زوجا يا غبي ومن حقك تحاسبا على هاد الشي
اسمر: بس البنت من البداية ما كانت معتبريتني زوجا… باي صفا بدي حاسبة
تفكير اسمر: انت بتحبا وعشقانة
اسمر: لا ما بحبا ومو عشقانة
تفكير اسمر: مو على حالك تكذب انا بعرف انك غرقان فيها…
اسمر: لا مو غرقان ولا شي… بس بدك تقول عاجبيتني
تفكير اسمر: وقلبك بدء يدق كرمالا
اسمر: لا ما دق
تفكير اسمر: امبلا عم يدق
اسمر: ايه دق بس مو درجة العشق…
تفكير اسمر: بس ازا البنت بتعطيك لو علامة صغيرة… رح تغرق بعشقا…
اسمر: لااا
صحي على صوتو من شرودو… كان لساتو واقف قدام الجامعة
اسمر: من وراكي يا بنت نمر رح افقد عقلي
شغل السيارة ومشي… .لعند صهيب يالي قاعد ينطرو براس الضيعة… وقف اسمر السيارة ونزل ..
صهيب: اهلن شريك
ركا حالو على السيارة…
اسمر: اهلين
صهيب; شبك مزعوج…
اسمر: مو مزعوج…
صهيب: بس انا هيك حاس
اسمر: ما بقى تحس… .

وعند رنا بعد ما خلصت محاضراتا… طلعت وراحت لعند حنان على صالون التجميل…
رنا: السلام عليكم
الكل: وعليكم السلام
حنان: يالله بس لبدل تيابي وجاي ما بتأخر…
بعد وقت طلعو وبلشو يمشو…
حنان: كيفك
رنا: ما في كيف
حنان: طيب كيف علاقتك بأسمر
رنا: ما في علاقة بيني وبين اسمر…
حنان: كيف عايشين لكان
رنا: قدام اهلو متل اي تنين متزوجين… وبالغرفة ما في غير خناق وعياط ..
حنان: وهاي عيشة
رنا: حنان خلص بلا منا هل سيرة بتخليني اتوتر…
حنان: طيب هاد حل
رنا: لك كيف بدك ياني طالع فيه… وهوا اغتصبني باول ليلة النا مع بعض ..بس فهميني
حنان: هاد حقو انتي ليش عم تشوفيه بهل عنف…
رنا: انا خبرتو ما بدي أبدء معو هيك علاقة…
حنان: انتي عقلك فاصل شي…
رنا: خلص حنان قفلي على السيرة…
وبعدا وقفت سيارة وعترضت طريقن…
حنان :يا ربي ايمت بدو يحل عنك هل رجال…
نفتح الباب ونزل شخص طويل ببشرة بيضا… ورجالو حولو… قرب وقف قداما والمسبحة بايدو… .
محمود: مبروك سمعت تزوجتي
رنا: الله لا يبارك فيك
محمود: انتي ايمت بدك تفهمي اني انا رايدك…
ضربتو رنا بايدا على كتفو… .
رنا: وانت ايمت رح تفهم انا ما بتزوج من حمير…
كانت رح تمشي بس مسك ايدا
محمود: عم تغلطي
رنا: اعلى ما بخيلك اركبو…
تركو ومشو وحنان ماسكا قلبا بأيدا…
رنا: شبك هيك نخطف لونك
حنان: قلبي كان رح يوقف وانتي مو هامك شي…
رنا: دخيلك انتي وخوفك
دخلو وقعدو بمقهى الضيعة…
حنان: انتي لازم تلاقي حل لهل رجال….

رنا: دخلك ليش عامليتلو قيمة لو كان مهتم كتير بالموضوع… ما كان خلاني اتزوج واجا بعد اسبوع من عرسي… يحكي انتي الي ..لك حلي عنا يا ناقصي انا حكي فاضي… .

#عشق_الأسمر
#بقلم_زهرة_اللوتس
#الجزء _الرابع

مسك أسمر رنا ورماها على التخت مع جنب جنى… .صار ورنا تضحك ..
رنا: هههه اسمر تركني هههه اسمر والله بصرخ تركني…
أسمر: اعملي يالي بدك ياه ما رح اتركك…
رنا: هيك لكان بسيطة…
رفعت رجليها ولفتن حول رقبتو… .وقلبتو من فوق التخت لتحت…
جنى: هييي رنا غلبتو لاسمر
ضربت جنى كفا بكف رنا … .
وقف اسمر يطالع برنا
أسمر: لا وبتعرفي بحركات الكيك بوكسينغ…
رنا: أزا بتحب بعلمك
قرب أسمر ورما حالو بمكانو…
أسمر: لا هلق بدي نام… علميني بوقت تاني ..
رنا: ايه براحتك
اسمر: مين بدو ينام بحضن أسمر
جنى: أناااا
رمت حالا بحضنو واسمر لفى بين أديه… اطلعت فيهن رنا وبعد تسطحت بمكانا ونامت… وأسمر لساتو صاحي عم يطالع فيها وكيف رح يخلي قلبا يدق… بعدا خطرت لبالو فكرا اخدا موبايلو وطلع يحكي فيه برا مع صهيب…
والصبح بكير صحيت رنا… تجلست ما كان اسمر جنبى استغربت فكرة حالا متاخرة ..بسرعة اطلعت بالساعة لقت الوقت بكير… كانت رح تقوم بس انتبهت على ورقة في فوقا وردة حمرا بحدا على التخت… مسكتن مستغربة مين بدو يكون حطن هون… شمت ريحت الوردة
رنا: الله ريحتا بتاخد العقل
فتحت الورقة عم تشوف المكتوب…
أسمر: احلا صباح لاحلا عيون… .يسعدلي صباحك حياتي…
سكرة الورقة هيا مستغربة كتير
رنا: بس بدي افهم هاد شو يالي غيرو… هيك
دخلت الحمام عملت دوش لبست تيابا ونزلت لتحت ..
رنا: صباح الخير
ام العز: صباح النور يا بنتي
رنا: شو وينو عمي مو شايفتو
ام العز: طلع الصبح بكير مع عز للأرض…
رنا: وأسمر
ام العز: ما بعرف وينو هاد… استغربت بس شفتو صاحي بكير ..ما الو بالعادة
رنا: وين بدو يكون طلع من عند الصبح
اسمر من خلفا: عم دوري علي يا روح… .
التفت رنا عليه … .
رنا: بدي روح للجامعة.. ازا فاضي بتوصلني
اسمر: من عنيا لك خدام الحلوين انا…
ام العز: ههههههه
رنا: بدك شي مرة عمو ..
ام العز: لا انتبهي على حالك
طلعو رنا وأسمر بالسيارة ومشو…
رنا: انت شو صاير معك…
أسمر: شو صاير
رنا: ورد غزل كلام حلو…
أسمر: مرتي وحابب اتغزل فيها… الك شي عندي ..
ما حبت رنا تتدخل معو بنقاش كتفت اديها ودارت وجها للبلور… ابتسم أسمر على شكلا وهي معصبة ..
وقف السيارة قدام الجامعة فتحت الباب ونزلت… كانت رح تسكر الباب…
أسمر: رنوشتي
هل كلمة خلت كل كيانا لرنا يرجف… ما كان حدا يندهلا فيها الا نمر وأسمر هلق ندهلا فيها ...رفعت راسا رنا عليه واسمر مبتسم. ..
أسمر: انتبهي على حالك منيح…
سكرة رنا الباب واسمر مشي بالسيارة… دخلت رنا الجامعة وكانو بهل كلمة حست بشي دق جواتا… فرحت وحزنت بنفس الوقت… خلصو محاضراتا مسكت غراضا وطلعت لعند حنان للصالون… .
رنا: حنان شو لسا ما خلصتي ..
حنان: امبلا يالله امشي بدنا نروح نشتري فستان ..
رنا: وشو المناسبة
حنان: بعدين بتعرفي هلق امشي ما في وقت المسا لازم يكون كل شي جاهز
رنا: شو هوا يالي بدو يكون جاهز…
حنان: بعدين بخبرك يالله…
اخدتا حنان لقسم الفساتين…
حنان: رنا مين اكتر واحد حلو
رنا: اممم هاد الزهر ليكي ما احلاه…
حنان: لو سمحت بدي هاد الزهر ممكن تنزلو…
صاحب المحل: تكرم عيونك
اخدتو حنان من أيدو واعطتو لرنا
رنا: ليش عم تعطيني ياه انا شو بدي فيه…
حنان: هلق دخلي جربيه .بعدا منحكي…
رنا: لشوف اخرتا معك ..
دخلت رنا وحنان عم تتضحك..تذكرت وقت حكا معا أسمر وطلب منا تجهزا…
رنا: شو كيف طالع
حنان: ووواووو بياخد العقل يالله بسرعة بدلي تيابك
بعد شوي طلعت رنا حاسبت حنان اخدوه وطلعو…
رنا: شو عم يصير معك حنان
حنان: والله ما عم يصير شي… بس انتي اهدي وصبري بتفهمي كل شي…
رنا: وليش جايبتيني للصالون كمان. ...ما تقولي عندك دوام أضافي
حنان: لا لا ما تنقي انتي بس سكتي… وتعي قعدي هون…
رنا: ليش شو بدك تعملي فيني… .
حنان: هووس سكتي… لانا ممكن تساعديني…
لانا: تكرم عيونك كيف بدك الميك أب يكون…
حنان: خليه هادي وناعم… كرمال يتناسب مع تسريحت الشعر…
لانا: تمام
رنا: هووب هوب انتي وهيا فهموني شو عم تعملو فيني…
حنان: انتي اسكتي لانا تابعي ما تردي عليها…
مسكت حنان شعر رنا وفردتو… وبلشت تشتغل فيه…
ولانا عم تعملا الميك… ورنا غير عم تنقل نظرا بين هاي وهاي… ولو بأيدا لتخنقن التنتين ..وبعد وقت وقفت حنان وهيا بقمة فرحتا وقت شافت موديل الشعر جهز ..وكان لايق لرنا كتير والميك آب
لانا: وهيك بكون الميك آب خلص ..ماشالله طالعة بتاخدي العقل
رنا: ممكن اعرف لشو كل هاد يالي عملتو فيني ..
حنان: ولا حرف لانا ممكن تعطيني الفستان… وانتي يالله قومي لبسيه
رنا: حنان ما تجننيني شو هاد التخبيص…

#عشق_الأسمر
#بقلم_زهرة_اللوتس
#الجزء_السادس_والاخير

كانت حنان قاعدة بالمطعم مع صهيب وأمو…
صهيب: بقي ناقصكن شي
حنان: لا
ام صهيب: ليش ابني العرس ايمت…
صهيب: مو باقيلو كتير… عن قريب فترة أسبوع
حنان: مو قريب كتير
صهيب: انا حاسو عن سنة هل اسبوع…
خجلت حنان ونزلت راسا بالأرض… وام صهيب عم تتضحك عليهن
صهيب: نمشي
حنان: اي
دفع لحساب وطلعو من المطعم… وصهيب عيونو على حنان
حنان: صهيب طالع قدامك رح نعمل حادث…
صهيب; كيف بدك ياني طالع قدام… وانتي موجودة…
ما حكت شي حنان اكتفت بابتسامة خجل…
ام صهيب: أبني على مهلك على البنت خجلتا…
وقف السيارة قدام بيت حنان ونزلو… فتح صندوق السيارة عم يطالع كيس لتياب… .
وحنان عم دخلن للبيت…
ام حنان: تفضلي شربي قهوة
ام صهيب: لا بدنا نمشي
ام حنان: ليدخلو لتياب بنكون شربنا القهوة…

كان عبادة واقف قدام المعهد عم ينتظر ربا للتطلع… وبس طلعت مشي بعدا وندهلا
عبادة: ربا
ربا: عبادة شو عم تعمل هون
عبادة: ربا انا بحبك افهميها بقى بحبك
ربا: وانا شو المطلوب مني اعمل احكي
عبادة:
ربا: ليش سكتت احكي لك ازا أبي رفضك… قلو بابا بعتذر منك بس عبادة بحبني وانا بحبو… .
سكتت وبلعت كلاما بس قالت بتحبو… وخدودا توردو بالون الأحمر… كانت اول مرة بتقولا
عبادة بفرح: شو قلتي
ربا :
عبادة: كنت بعرف انك بتحبيني…
ربا: بس حبي الك ما رح يغير شي…
عبادة: بس اعطاني أمل انك رح تكوني الي… وازا ما كنتي الي ما بسمح تكوني لغيري…
ربا: عبادة ابي رفضك عم تفهم… يعني الامل مو موجود
عبادة: رح ابعت اكبارية الضيعة كلا لعند أبوكي… وبدي شوف كيف رح يرفض هل مرة
ربا: رح ترجع تتقدملي مرة تانية
عبادة: تانية وثالثة ورابعة… لوقت يمل ابوكي ويوافق…
ربا: انا صار لازم امشي تاخرت للبيت باي…
تركتو ومشيت وعبادة رجع لبيتو ───────────────────────
كل عيلة ابو العز مجتمعين عند ميس عم يباركولا بولادة…
رؤى: ماما أوس أختك سيلا وينا
تسنيم: يا الله من حنانك يا رؤى… دائماً قاعدة وقلبك على ولادك
رؤى: بحس روحي مو مرتاحة ازا ما اطمنت عنن كل شوي…
رنا: الله يحميلك ياهن
رؤى: تسلميلي انشالله عقبال ما نفرح فيكي…
دخل اسمر وقعد مع جنب رنا…
اسمر: موصين انشالله… .
اطلعت فيه رنا وزورتو… واسمر ابتسم بوجها
رنا: لسى بكير
أسمر: مين قال بكير
تسنيم: والله مرتك
حضن أسمر رنا وضحك
أسمر: ازا رنا عادي مو مشكلة منتافهم بالغرفة…
ياسر: لك عمي انتي كيف قادرة تعيش مع هل بني آدم…
أسمر بعصبية : مو عاجبك ياسر افندي… .
ياسر: لا والله مو عاجبني… شو بدك تعمل .
ابتسم أسمر وزبط قعدتو..
أسمر: الحمدالله اني مو عاجبك لانو زوقك ما بيعجبني هلق تأكدت اني حلو وانت غيران مني…
الكل: هههههههه
ياسر: انا بدي غار منك يا صايع
أسمر: ورح تموت من غيرتك
ياسر: اي والله بدي غار من قميصك يلي مفتوح نصو… .وبنطلونك يلي تحت خصرك بشر… يا أبو البنات
اطلعت رنا فيه بصدمة وكأنا حست بنوع من الغيرة…
رنا: امم ابو البنات شو قصدك عمي…
ياسر: شو أسمر افندي افتح دفترك الحضاري…
أسمر: وما تفتحو رح بتخوفني… رنا عقلا كبير وما بتزعل من هيك شغلات قديمة وما الا معنى… مو هيك حياتي
ما حكت شي رنا بس في شي بقليا تشكل ما عم تعرف انو هاي غيرة…
تسنيم: يمكن انصدمت…
رنا: عن ازنكن ..
أم العز: شو الو لزوم هل حكي يا ياسر…
ياسر: ما كنت بدي احكي بس ابنك ابو لسان هيك بدو
اما أسمر انبسط كتير وتأكد انو قدر يحرك مشاعر رنا من جديد…
رغد: بتكون زعلت أكيد…
أسمر: انا طالع شوفا ..
طلع اسمر كانت واقفة لحالا بالحديقة… ما كانت منتبها لوجود أسمر… فجأة داخت وكانت رح تسقط بس أسمر مسكا بأخر لحظة… دفشتو عنا بعيد مو قابلة تتطلع فيه
أسمر: انتي مو منيحة
رنا: ما دخلك فيني ..ازا بتشوفني ميتا أقدامك ما بطالع فيني
أسمر: امم وليش بقا
رنا: لانو ما دخلك فيني
أسمر; ومين قال ما دخلني فيكي
رنا; ما صير عدد زايد عليك خليك ملتهي بالبنات تبعك… وتترك مني انا
أسمر: ايوو انتي غيرانة… علي ما هيك
اطلعت فيه رنا بنظرة كلا غيظ…
رنا: أسمر بطالع روحك واللهي
أسمر: ههههههه يعني انتي من جد غيرانة ما عم صدق…
قربت ممو رنا وضربتو على كتفو
رنا: وليش بدي غار عليك لا تكون مفكر حالك حلو… او بتعنيني يا سمح الله….
ضما سأمر الو وقرب عم يهمس بأذنا…
أسمر: بعنيكي كتير لدرجة بس سمعتي اسم البنان بحياتي ما تحملتي وطلعتي فورن….
رنا واقفة ما تحركت أبداً… .وحكي أسمر علق بأذنا يلي اجا على الوتر وعزف من نفس الاقطوعة… رنا تدايقت ونزعجت كتير…
رنا: ما بتعنيني بشي يا أسمر…

رفع راسو وطالع بعيونا… بس رنا بعدتت عيونا عنو… مسك وجها ورجع طالع بعيونا من جديد…

#عشق_الأسمر
#بقلم_زهرة_اللوتس
#الجزء _الخامس


دخلو المحاضرة التانية… ورنا كل شوي اسمر ..
اسمر: ايه خلص قلتلك ما رح اعمل شي ..
قعد مع جنبا… دخل الدكتور…
الدكتور: السلام عليكم
الكل: وعليكم السلام ..
بدء الدكتور بالمحاضرة
رنا: اسمر ما تحكي شي مفهوم ..
أسمر: تمام فهمت بكفي… كل شوي تنبهيني
الكل منتبه على الدكتور ..كيف عم يشرح وأسمر من الملل يلي حس فيه مو عارف شو يعمل
اسمر: دكتور ممكن سؤال
رنا بهمس: اسمر شو رح تخبص… أسمر سكوت بترجاك
أسمر: انتي اسكتي
الدكتور: اتفضل يا ابني
أسمر: يعني سؤال عام ما الو علاقة بالمحاضرة…
الدكتور: ازا قدرت بجوابك… تفضل قول
أسمر: هلق ليش بس طالع بعيون رنا (واشر بايدو عليها ) بذوب بقلبي عشقا
رنا: اسمر شو عم تخبص
أسمر: ما جاوبتني دكتور
الدكتور: يا ابني العشق شي حلو… ورائع وقت انت بتلاقي الشخص المناسب انت بتصير اصغر… تفصيل فيه رح يخليك تذوب عشق
أسمر: بحس شي فيني عم يخلق وينبنى من جديد… بحس بسعادة عظيمة ما حدا بيقدر يحسسني فيها غيرا يا دكتور… شو بكون هاد
رنا: كرمال الله يا اسمر خراس فضحتني…
الدكتور: والله يا ابني انت عشقان…
وقف أسمر ونزل لعند الدكتور… وقف مكانو والتفت عم يطالع بعيون رنا…
اسمر: اليوم وبهل لحظة وقدام كل الموجودين… بحب قول (علا صوتا اكتر كرمال الكل يسمعو) انا بحبك يا بنت نمر… بحبك رنا القدسي
رنا حطت اديها على تما موو عارفة شو تعمل… وقفو الطلاب بس سمعو الدكتور عم يصفق… وكلن صفقوو لأسمر ورنا…
رنا بقلبى; بدك ياني حبك غصب عني يا أسمر… ليش عم تخلي مشاعري تتحرك…
أسمر: ما رح أسمع منك شي رنا… .
وقفت رنا وابتسمت: مو بهل سهولة أسمر بيك… بنت نمر القدسي مو سهلة لهيك ما تستعجل كتير… ..
أسمر: ازا مو اليوم فبكرا بكون…
الدكتور: محاضرة اليوم خلصت فيكن تتطلعو…
اخدت رنا غراضا وطلعت وأسمر لحقا…
وبحديقة الجامعة
رنا: شو هل تصرف يا اسمر…
أسمر: شو ما تقولي ما عجبك ..ازا بدك هلق بصرخ هون قدام كل الجامعة .
اسمر بصريخ :يا ناس يا
بس رنا حطت ايدا على تمو ومنعتو
رنا: لك بكفي جنان فضحتني ..يا جاهل
أسمر: ليش فضحتك عم اعترف بحبي انا… مو عاجبك
رنا: مو عاجبني وما رح تعجبني…
كانت رح تمشي بس اجو رفقاتا
شهد: شو لوين ..
رنا: لا مو لمكان
نغم: الله عليك يا اسمر رومنسيتك فضيعة
أسمر: تسلمي
وسام: مين قدك يا رنا.. طلع في واحد عشقانك وذايب فيكي…
سندس: نيالك
رنا: تسلمولي
راحو كلن وقعدو على مقاعد الجامعة…
نغم: احكيلنا كيف وقعت بعشق ..رنا
أسمر: اوو قصة طويلة بلا منا هلق
وسام: لا احكي بدنا نسمعك
اسمر: هاد يا سيدي
رنا: اسمر سكوت شباب هاد شي خاص لو سمحتو
اسمر: شفتو المدام معارضة
شهد; والله حقك رنا هاد شي خاص ونحنا ما دخلنا فيه
نغم: شباب حدا يروح يجيب شي نشربو
رامي: انا رح روح شو جبلكن
نغم: اي شي ما بتفرق
شهد: وانا رح روح معك…
راحو شهد ورامي… والكل ساكت
اطلع أسمر جنبو كان الشب أبو كرش…
اسمر: القدر بدو يجمعنا مرة تانية
رنا: عن مين قصدك
اشرا أسمر عليه بأيدو
رنا: أسمر بكفي يلي عملتو مو ناقصني… انا من دون شي راسي عم يوجعني…
سندس: ازا هيك أسمر غني اغنية صوتك حلو… بلكي راسا لرنا بيصحى
رنا: لا ما تغني
نغم: ليش لا تكوني غيرانة عليه…
رنا: مو غيران بس ما رح يغني
اجا رامي وشهد…
شهد: شبكن ليش صواتكن طالع
سندس; قلت لأسمر يغني ..بس رنا مو قبلانة…
شهد: ليش صوت اسمر كتير حلو…
أسمر: خلص رح غني
رنا: لا
الكل: امبلا رح يغني…
رنا: وانا قلت لا
رامي: الصوت للأكثرية ..ونحنا اكتر منك لهيك رح يغني
رنا: اسمر ما رح تغني
أسمر: وشو رح يمنعني ما غني
رنا: أسمر
شهد; رنا خلص أسمر غني ما ترد عليها…
وقف أسمر ومشي لعند نافورة المي لكبيرة… يالي بوسط الجامعة وقف عليها وكل المجموعة… عم طالع فيه وصار يحكي بصوت عالي…
أسمر: يا شباب صبايا لو سمحتو… الكل يعطيني انتبهاو عشر دقايق…
الكل صار يقرب عليه كرمال يسمعو شو رح يقول…
نغم: عم نسمعك احكي
أسمر: انا عشقانة لهديك البنت… (أشر بأيدو على رنا )ورح غني هل أغنية اهديا ألا…
وسام: تصفيق صبايا شباب… .وتحية كبيرة لرنا القدسي… والعشقان أسمر الخطيب…
الكل: هييييييي
سندس: أسمر المكرفون معك فيك تغني…
وقف أسمر واطلع برنا… عم يشوف تعابير وجها وكيف شعرا عم يطير مع نسمات الهوا الخفيفة… .
أسمر: يمكن كلمات الاغنية تكون قليلة بوصف… عشقي ..اعشقك عشقاً تجاوز عشقهم ..عشقتك بروحي وقلبي ثم اكتفيت بك…
الكل عم يصفق لكلام أسمر والغزل يلي بقولو لرنا… .
والكل صار يشجع أسمر كرمال يغني…

أسمر :تمام صبايا رح غني

#عشق_الأسمر
#بقلم_زهرة_اللوتس
#الجزء _الاول



..& يقول نزار قباني &… .

(( أأقول احبك يا قمري ))
آه لو كان بمكاني فأنا إنسان مفقود لا أعرف في
الأرض مكاني ضيعني دربي ضيعني اسمي
ضيعني عنواني تاريخي ؟! مالي تاريخ
اني نسيان النسيان جرح بملامح انسان ماذااعطيتك
اجيبيني قلقي ؟ إلحادي ؟ غيثاني ؟ ماذا اعطيتك
سوى قدر يرقص في كف شيطان فابتعدي عني عن
((ناري ودخاني إلا عينك وإحزاني ))

الجزء الأول :

بضيعة بعيدة عن العالم بتختلف بالعادات والتقاليد… ..بضيعة راس العين ضيعة معروفة بوجود اكبر عين للمياه… والمسا ومن بين بيت من بيوت الضيعة في صوت خناق طالع… .خلينا نسمع شوو عم يصير هون… .

رنا: يا عمي انا ما بدي اتزوج… .
أبو حيدر: عم تعصي عمك يا رنا… بدك تكسري كلمتي… هاي ترباية اخي نمر الك يا ضيعانة فيكي… .
رنا: عمي لو سمحت فهمني… انا موو قصدي اكسر كلمتك بس انا هلق ما بدي اتزوج…
حيدر: يعني انتي عم تعصي كلام عمك رنا خانوم
رنا: بتمنى ما تتدخل انت ما دخلك بحكي مع عمي انا… .
حيدر بعصبية: كانو لسانك طولا وبدوو قص
ابو حيدر: بكفي يا حيدر وانتي يا رنا… .انا كلمتي وحكيتا رح تتزوجي انا موو… مستعد صغر من قيمتي قدام اهل ضيعة لانوو ما في حدا عاقل عندوو بنت وبيطلبا أبوو العز وما بوافقو… لانوو مو ابو العز يالي ينرفض… لو ما بناتي زوجتن كنت أكيد بعطي وحدة من بناتي… رجال محترم وما في متلوو بكل الضيعة…
رنا: عمي اسمعني انا موو مشكلتي فيهن انا ما بدي اتزوج… .
ام حيدر بتفهم : يا رجال خلي البنت تفكر يمكن تغير رئيا ما تجبرا على شي… .
ابو حيدر باصرار: كلمتي وحكيتا وما بتراجع عنا… وبكرا كتب كتابك على ابن ابوو العز…
ترك الكل وطلع ورنا بقيت مصدومة مكانا…
حيدر: الله لا يقيمك بتعرفي شوو ابنوو لابو العز موو سهل كتير ورح يورجيكي قيمتك… .
شاهين بكون اصغر من حيدر: حيدر تروك البنت بحالا يالله يا أسماء جيبي لولاد خلينا نروح لبيتنا….
وقف حيدر وجه اصبعوو على رنا… .
حيدر: وانتي ازا فيكي عقل بتوافقي على زواجك من أبن أبو العز… لانوو ما رح يصحلك احسن منوو بكل الضيعة… امشي هبة وينن لولاد
هبة مرت حيدر :نايمين فوق
ام حيدر :تركن ابني نايمين روحوو لبيتكن
حيدر وهبة :تصبحوو على خير
ام حيدر :وانا رح روح نام… وانتي يا بنتي يا رنا ..برضاي عليكي فكري منيح اكيد عمك ما بدوو الا مصلحتك
رنا: ولا يهمك عمتي
قامت رنا ودخلت على غرفتا… قعدة بالارض وفاتت بذكرايات قديمة وسبب تفتح جروحا يالي صار قبل شوي… ..مسكت رنا صورة بيها نمر وعم تحكي معا
رنا: ليش ليش رحت يا نمر… وتركتني انا خبرتك انوو رنا من بعدك ضعيفة تركتني بكير كتير انا شوو بدي اعمل بدونك… ليش حرقت قلبي بفراقك
قبل سنتين
… .&… فلاش باك… &…
كانت كل المشفى من اولا لاخرا مليانة عناصر بسبب وجود اكبر ضابط… .بالعمليات الضابط نمر بسبب تعرضوو لاغتيال ما حدا بيعرف مين المسؤول… .. الكل واقف من عيلة ابو حيدر القدسي من حيدر وشاهين وهشام اصغر من شاهين وعبادة اصغر واحد بالعيلة ومن نفس عمر رنا بنتوو الوحيدة للضابط نمر القدسي … ..ورنا منهارة بالارض عم تستنا خبر يفرحا انو نمر رح يعيش وعبادة عم يواسي فيها ومعو ضحى اختوو المتزوجة…
رنا: نمر ما رح يتركني لسا بكير احكي ضحى ما رح يتركني
ضحى: عمي نمر قوي وما بينخاف عليه… .
وبعد شوي طلع الدكتور والكل ركض لعندوو… .
رنا: كيفو نمر وضعوو منيح ما هيك…
ابو حيدر: دكتور احكي كيف وضع اخي نمر
الدكتور: البقية بحياتكن المريض عطاكن عمروو… .
الكل واقف بحالة صدمة والشي يالي خلاهن يصحوو من صدمتهن صوت ضحكة رنا ولدموع محجوزة بوسط عيونا ..
رنا: هههههه ههههه عم تمزح ما هيك… .
مسكت ايد عما
رنا: عمي عم يمزح هاد ما بيعرف… نمر ما بيترك رنا نمر ما بموت ..لك نمر بقتل ما بينقتل نمر ما بينقتل… سقط عم رنا على الكرسي تركتن رنا ودخلت على غرفة العمليات كان عبادة بدو يلحق رنا بس ايد ابو حيدر منعتوو ..
ابو حيدر :تركا براحتا
دخلت رنا وكانوو عم يغطو وجهو…
رنا: وقف والكل يطلع لبرا… .
كل الموجودين طلعو لبرا لانو بيعرفو رنا وقوت شخصيتا وبنت مين بتكون تركوها وطلعو… .قربت من ابوها ببطئ شديد رفعت ايدا عم تلمس مكان العملية ولرصاصات يالي ادو بحيات بيها … ..
رنا: نمر انت ما بتتركني ما هيك… انت كنت واعدني ما بتتركني عم يكذب مو يالله قوم بكفي تمثيل… انا ما عدة صغيرة (نزلوو دمعو يالي كانو محجوزين وصارت تصرخ وتحكي بصوت مبحوح محمل كلو بالم وجع ) ما صغيرة حتى تتضحك علي وتعمل حالك متت انا كاشفك يالله قوم… صارت تضرب باديها فوقو… قوم نمر قوم ما رح تتضحك علي كرمال تبكييني بعرف انك عايش… .يالله قوم قوم يا نمر دخلو ولاد عما وعما ومرتو لعند ودخلو و الممرضين كرمال ياخدوو جثة نمر …