#على_ضي_القـمر
#بقلم_سلمى_جنايدة ❤️
حَصْـےـرِيّا علـّۓ. صفحتنا المتواضعه وبعيد كل البعد عن مسابقة مواهب دفينه
الكاتبه المبدعه سلمى جنايده واسطوره جديده بتسطرها بكل ابداع
❤️ على ضي القمر ❤️
#بقلم_سلمى_جنايده
المقدمة......
عم تركض بالنادي لتعمل رياضتها الصباحية وكانت رح تخلص بعد وقت قليل...
عم تسمع غنية هادية بوقت هيي فيه مو هادية بس لتريح اعصابها من ضغط شغل قبل بيوم وتعب وعدم راحة.
وقفت ركض وحنت ضهرها، حطت ايديها عركبها لتقدر تلقط نفسها عم تاخد شهيق وزفير بسرعة...
رن موبايلها....
ماريا : اي ماما.
امها : صباح الخير ماما شو لساتك بالنادي.
ماريا : اي ماما هلأ خلصت رياضة بدي روح اتدوّش وبعدا برجع عالبيت.
امها : اي بس ماتتأخري لان جاية خالتك بعد شوي لتفطر معنا لأن عرفت انك اليوم آخدة اجازة واجلتي سفرتك.
ماريا : ماشي ماما يلا شغلة نص ساعة بكون بالبيت.
**
راحت عغرفتها الخاصة قامت الطاقية عن راسها وارتاحت شوي وبعدا اخدت حمامها وطلعت من النادي.
لاقاها الحارس عباب النادي.
الحارس : شو رايحة بدري اليوم انسة ماريا.
فتحت شباك السيارة : اي عمو جايينا ضيوف والله لهيك مروحة بكير بدك شي قبل ماروح.
الحارس : سلامتك يابنتي كتر خيرك ماقصرتي معي.
ماريا : خير الله ولو يلا بالأزن دير بالك عحالك.
الحارس : الله معك ويخليلك شبابك ويكتر من امثالك يارب.
ببيت ماريا....
ام مهدي :.... تعي يا بدرية انقلي الطاولات الكبار اللي بالمخزن عالبرندا برا ووزعي الكراسي بشكل متساوي.
بدرية : حتفطرو بالبرندا مدام.
ام مهدي : اي هيك ابومهدي بدو قال ارطب لان اليوم الجو كتير حلو.
بدرية : حاضر مدام... بس مافيي انقلهن لحالي.
ام مهدي : نادي لسمر وفداء يساعدوكي.
بدرية : حاضر مدام.
وقت وصلت ماريا البيت كان كل شي جاهز عجبها انو رح يفطرو بالبرندا...
ماريا وهي عم تاكل حبة عنب من جاط الفواكه : يعطيكي العافيه خالة.... بتعرفي هون احلى الفطور بيفتح القابلية للأكل اكتر.
بدرية : اهلين بنتي..... اي اللي بيسمعك بقول هلأ رح تاكلي الأخضر واليابس، ياحسرتي مارح تاكلي كم لقمة.
ماريا : مابتعرفي بجوز الأكل هون يشجعني اكتر..... شكلا خالتي لسا ماوصلت ماهيك.
بدرية : اي لسا ماوصلت مابتعرفيها روحها طويلة.
ماريا : ههه اي انا اللي بعرفها.. طالعة بدل تيابي .
مرقت بالأول عمكتب ابوها، دقت الباب وصبحت عليه...
ماريا : صباحو ياحلو..
ابو مهدي :..... ماتحكي معي لساتني اخد عخاطري منك.
ماريا : له يابابا ليش هالحكي والله انت بتعرف انو مابهون عليي زعلك بتعرف لو مختلفة بالرأي مع حدا تاني فلا كنت بهتم بس انت حبيبي غير عن كل الناس، لك حتى الماما قديه بحبا بس انت عندي غير عنا بحسك بتفهمني اكتر الماما كتير طيبة يعني بتاخد الامور ببساطة وعاطفية كتير لكن فهمك الي ووقفتك حدي بكل شي بخططلو وبفكر فيه هاد واقف بعيوني كتير والو بألبي معاني كبيرة.
ابو مهدي : اي وياريت بتردي علي، لك يابابا انا من كل هالقصة شو بدي غير اني افرح فيكي والله مشتهي متل هالأهالي زفك لعريسك بأيدي وسلمك لألو ووصي فيكي وشوف ولادك........ هلأ انا مابحقلي متل بقية الناس يكون عندي احفاد اااه بدي هيك ضل دلل بولاد الناس وبنتي روح البي ماشوف ولادها وضل اترجى من هالدنيي شوفها عروس، كتير علي جاوبيني كتير.
ماريا عم تضحك بصوت عالي : لأ ياروحي مافي شي بهالدنيي كتير عليك لو بتطلب روحي والبي وعيوني بس بغلاوتي عندك اجللي هالمشروع لبعدين والله مووببالي حاليا، وبعدين عم تقول بدك احفاد اتدللهن هي اختي سوار رح تتزوج عن قريب ورح بتجبلك احفاد وابنك مهدي متزوج وعندو ولاد يعني كمان مانك محروم من الاحفاد لشو معقدها ياسيد بابا.
ابو مهدي : ولك اختك رح تتزوج وتروح مع زوجها لمدينة تانية واخوكي متزوج ومسافر وماشفنا ولادو الا كم مرة واصلا انا بدي شوف ولادك انتي تحديدا عم تفهمي غير هيك رح ضل زعلان منك.
ماخلصت حكايتنا لسا وبألبا احداث مشوقة كتير، شو رح يصير مع ماريا وليش ابوها زعلان منها وشو رح يصير لقدام وياترى شو التغييرات اللي بتصير بحياتا.
حبكن كتير... * سلومة *
#بقلم_سلمى_جنايدة ❤️
حَصْـےـرِيّا علـّۓ. صفحتنا المتواضعه وبعيد كل البعد عن مسابقة مواهب دفينه
الكاتبه المبدعه سلمى جنايده واسطوره جديده بتسطرها بكل ابداع
❤️ على ضي القمر ❤️
#بقلم_سلمى_جنايده
المقدمة......
عم تركض بالنادي لتعمل رياضتها الصباحية وكانت رح تخلص بعد وقت قليل...
عم تسمع غنية هادية بوقت هيي فيه مو هادية بس لتريح اعصابها من ضغط شغل قبل بيوم وتعب وعدم راحة.
وقفت ركض وحنت ضهرها، حطت ايديها عركبها لتقدر تلقط نفسها عم تاخد شهيق وزفير بسرعة...
رن موبايلها....
ماريا : اي ماما.
امها : صباح الخير ماما شو لساتك بالنادي.
ماريا : اي ماما هلأ خلصت رياضة بدي روح اتدوّش وبعدا برجع عالبيت.
امها : اي بس ماتتأخري لان جاية خالتك بعد شوي لتفطر معنا لأن عرفت انك اليوم آخدة اجازة واجلتي سفرتك.
ماريا : ماشي ماما يلا شغلة نص ساعة بكون بالبيت.
**
راحت عغرفتها الخاصة قامت الطاقية عن راسها وارتاحت شوي وبعدا اخدت حمامها وطلعت من النادي.
لاقاها الحارس عباب النادي.
الحارس : شو رايحة بدري اليوم انسة ماريا.
فتحت شباك السيارة : اي عمو جايينا ضيوف والله لهيك مروحة بكير بدك شي قبل ماروح.
الحارس : سلامتك يابنتي كتر خيرك ماقصرتي معي.
ماريا : خير الله ولو يلا بالأزن دير بالك عحالك.
الحارس : الله معك ويخليلك شبابك ويكتر من امثالك يارب.
ببيت ماريا....
ام مهدي :.... تعي يا بدرية انقلي الطاولات الكبار اللي بالمخزن عالبرندا برا ووزعي الكراسي بشكل متساوي.
بدرية : حتفطرو بالبرندا مدام.
ام مهدي : اي هيك ابومهدي بدو قال ارطب لان اليوم الجو كتير حلو.
بدرية : حاضر مدام... بس مافيي انقلهن لحالي.
ام مهدي : نادي لسمر وفداء يساعدوكي.
بدرية : حاضر مدام.
وقت وصلت ماريا البيت كان كل شي جاهز عجبها انو رح يفطرو بالبرندا...
ماريا وهي عم تاكل حبة عنب من جاط الفواكه : يعطيكي العافيه خالة.... بتعرفي هون احلى الفطور بيفتح القابلية للأكل اكتر.
بدرية : اهلين بنتي..... اي اللي بيسمعك بقول هلأ رح تاكلي الأخضر واليابس، ياحسرتي مارح تاكلي كم لقمة.
ماريا : مابتعرفي بجوز الأكل هون يشجعني اكتر..... شكلا خالتي لسا ماوصلت ماهيك.
بدرية : اي لسا ماوصلت مابتعرفيها روحها طويلة.
ماريا : ههه اي انا اللي بعرفها.. طالعة بدل تيابي .
مرقت بالأول عمكتب ابوها، دقت الباب وصبحت عليه...
ماريا : صباحو ياحلو..
ابو مهدي :..... ماتحكي معي لساتني اخد عخاطري منك.
ماريا : له يابابا ليش هالحكي والله انت بتعرف انو مابهون عليي زعلك بتعرف لو مختلفة بالرأي مع حدا تاني فلا كنت بهتم بس انت حبيبي غير عن كل الناس، لك حتى الماما قديه بحبا بس انت عندي غير عنا بحسك بتفهمني اكتر الماما كتير طيبة يعني بتاخد الامور ببساطة وعاطفية كتير لكن فهمك الي ووقفتك حدي بكل شي بخططلو وبفكر فيه هاد واقف بعيوني كتير والو بألبي معاني كبيرة.
ابو مهدي : اي وياريت بتردي علي، لك يابابا انا من كل هالقصة شو بدي غير اني افرح فيكي والله مشتهي متل هالأهالي زفك لعريسك بأيدي وسلمك لألو ووصي فيكي وشوف ولادك........ هلأ انا مابحقلي متل بقية الناس يكون عندي احفاد اااه بدي هيك ضل دلل بولاد الناس وبنتي روح البي ماشوف ولادها وضل اترجى من هالدنيي شوفها عروس، كتير علي جاوبيني كتير.
ماريا عم تضحك بصوت عالي : لأ ياروحي مافي شي بهالدنيي كتير عليك لو بتطلب روحي والبي وعيوني بس بغلاوتي عندك اجللي هالمشروع لبعدين والله مووببالي حاليا، وبعدين عم تقول بدك احفاد اتدللهن هي اختي سوار رح تتزوج عن قريب ورح بتجبلك احفاد وابنك مهدي متزوج وعندو ولاد يعني كمان مانك محروم من الاحفاد لشو معقدها ياسيد بابا.
ابو مهدي : ولك اختك رح تتزوج وتروح مع زوجها لمدينة تانية واخوكي متزوج ومسافر وماشفنا ولادو الا كم مرة واصلا انا بدي شوف ولادك انتي تحديدا عم تفهمي غير هيك رح ضل زعلان منك.
ماخلصت حكايتنا لسا وبألبا احداث مشوقة كتير، شو رح يصير مع ماريا وليش ابوها زعلان منها وشو رح يصير لقدام وياترى شو التغييرات اللي بتصير بحياتا.
حبكن كتير... * سلومة *
