ترانيم_الحزن - خزانة الفوائد

#ترانيم_الحزن الجزء الأول + الجزء الثاني + الجزء الثالث + الجزء الرابع #انتهت
#بقلم_حلا_الشويكي
@rwayate
رنيم : يا تيتي يا تيتي ليش عم تخافي علي كل هالقد والله ما عدت صغيرة

ستي : لك انتي روحي شلون ما خاف عليكي .. وكمان لا تقولي انك كبرتي .. مهما كبرتي بتبقي بعيني صغيرة

رنيم : طيب تيتي احكيلي .. قصة امي وابي

ستي : رنيم .. انا كل يوم عم قلك هالقصة ما عم تملي منها ؟

رنيم : ما عم مل منها لأنه عن امي .. يا الله يا تيتي شو نفسي شوفا وضما وشم ريحة حنانا ... كتير رفقاتي بيحكولي انه حنان الأم ما بيتعوض .. يا ريتني يا امي حسيت بدفا حضنا لو ساعة .. يا ريت عمري راح وبقي عمرا

ستي : من غير شر عن قلبك لا تحكي هيك يا عمري روحي اعمليلنا كاسة شاي وتعالي لقلك القصة للمرة مليون ونص

رنيم : هههههههههه الله يخليلي ياكي يا كل حياتي

مسحت دموعي وقمت اعمل شاي ..

ستي : رنيم .. شو صار بالشاي ؟

رنيم : ليكو عالنار يا ستي

ستي : ليكي في جبنة ولبنة بالتلاجة جيبيهن وهاتي كيس الخبز نتعشى

رنيم : مو جاي على بالي يا تيتي

ستي : ازا ما بتاكلي معي ما رح اكل

رنيم : خلص حاضر رح اكل معك
@rwayate
( يا الله يا تيتي كلشي كلشي لازم شاركك فيه الله يخليلي ياكي وما يحرمني منك )
=======================================
تعشينا وبعدا سندت راسي على صدر ستي وغمضت عيوني ..

رنيم : يلا تيتي احكيلي قصة ابي وامي

ستي : اااااخ يا رنيم شو بدي قلك .. ابوكي وامك كانو رمز الحب بالعيلة .. حبو بعضن كتير كتيييييير وتجوزو .. وبس تجوزو عاشو احلا ايام عمرهن وصارو ينطرو يجيهن طفل .. لحتى بيوم حست امك بدوخة ولعية نفس والكل كان يقلا يمكن حامل .. راحت هي عالدكتورة ورجعت فرحااانة كتيييير وزينت البيت وعملت حلويات وخبرت ابوكي انها حامل .. فرح ابوكب كتييير وحس انو مالك الدنيا كلا .. بآخر حملا حست بدوخة ووجع راس وما حد من الدكاترة فهم شو فيا او شو يلي بصير معا .. وأول نفس الك .. كان اخر نفس لأمك بالدنيا الله يرحما

رنيم : تيتي .. يعني انا السبب بموتا لإمي ؟

ستي : لا يا تيتي .. هي صار معا تسمم بالدم وربنا اختارا شهيدة

رنيم : شهيدة ؟

ستي : اي .. اللي بتموت وهي عم تولد شهيدة بإذن الله
@rwayate
رنيم : طيب كانو يحبو بعضن كتير هي وأبي ليش يتجوز من بعدا ؟؟

ستي : والله يا عمري ما كان بدو يتجوز .. و كان اي حد يقلو تجوز يزعل منو وما يحكي معو

رنيم : اي وشو يلي صار ؟؟

ستي : عمتك .. هي السبب .. ضلت تنق فوق راسو لحتى اتجوز مشان يسكتا

رنيم : ليش ما عارضا متل الباقيين ؟

ستي : كانت كل شوي تقلو انت مو رجال ازا ما بتتجوز .. ما يقدر يقاطعا لأنه هي اكبر منو و لأنها وقفت جنبو بس انهار بعد وفاة امك

رنيم : وقفت معو بس نهار ؟ وجوزتو ؟

ستي : من وجهة نظرا يلي عم تعملو صح .. هو ممكن يكون صح بحال انه تكون يلي تجوزا منيحة حنونة طيبة

رنيم : شي يوم رح تملي مني وتخليني عيش عندا ؟

ستي : لاااااااا مستحيل انتي ماليه علي كل حياتي ما بخليكي تتركيني .. ومستحيل اسمح تعيشي مع مرت ابوكي

رنيم : يا تيتي الله يخليلي ياكي يا عمري

ستي : بوقت كنتي صغيرة .. كنتي تنامي متل هلأ هيك تسندي راسك على صدري والعبلك بشعراتك متل هيك وتنامي .. ما كنتي تنامي الا لأحكيلك حكاية
@rwayate
رنيم : اي .. وشو كمان ؟

ستي : وكنت بس تنامي احملك وفوتك على تختي .. ونام جنبك ما كنت امن تنامي بعيد عني ما كنت اتطمن الا بوجودك جنبي .. حبيتك اكتر من ولادي وما كنتي تطلبي طلب الا يحضر لعندك

رنيم : وابي ؟

ستي : ابوكي ملتهي بمرتو وولادو ومشاكلو .. كان ياخدك مرة بالأسبوع

رنيم : اي بتزكر وبس ياخدني لعندو شوف شلون بيدلل مرتو وولادو وما بيسأل فيني

ستي : اي وبتزكر مرة جيتي تبكي وقلتيلي انه ضربك لأنك تخانقتي مع بنتو

رنيم : ما حاول يحسسني انو هنن اخواتي ابدا

ستي : يا عمري ما احلاها ريحتك .. كلا براءة وحب وحنان .. كل يوم كنت غنيلك غنية يالله رنيم تنام مشان تنامي

رنيم : غنيلي ياها هلأ .. اشتقتلا
@rwayate
ستي : يالله رنيم تنام .. يالله يجيها النوووم يالله تحب الصلااااة يالله تحب الصووووم .. يالله تجيها العوافيييييي كل يووووم بيووووم

ستي : رنيم .. نايمة ؟ رنييييم نامت يا قلبي شلون رح احملك متل وانتي صغيرة والله ما فيني رجلي وضهري تعبو من حمل الزمن
=======================================
جابت ستي غطا وغطتني .. انا كنت تقريبا فايقه يعني قدرت حس فيها لما باستني ولمست وشي لمسة حنونة ..
@rwayate
تاني يوم فقت الصبح شفت ستي بعدا نايمه استغربت كتير ..

رنيم : تيتي .. يا تيتي انتي بعدك نايمة ؟؟؟ تيتي يا تيتي فيقي

ستي : تعبانة يا رنيم تعباااانة

رنيم : شبك يا عمري ؟ ليكي رح جيبلك دكتور اي

ستي : لا مو بحاجة دكتور بس اعمليلي كاسة زهورات من تحت دياتك الحلوات وبخف ان شاء الله

رنيم : من عيوني

📚قصص||روايات||منوعة📚

📚قصص||روايات||منوعة📚