#تعوويذة_الحب_بقلم_مال_الشام

الجزء الرابع

على اثر هاد الحديث .. تقاطعت انا ويزن لتلات ايام .. ما كنا نحكي فيهن ولا ناكول مع بعض ولا نحكي مع بعض .. يمكن لأن حسينا حالنا غرقنا وما في حدا يطلعنا من الي وصلنالو ..
انا ما كنت حاطه ببالي ابداً اتروك ديني .. وكنت صلي قدامو دايماً ..
نورس : طيب بس انتي بتحبيه بشكل فوق الطبيعي .. هالشي ما خلاكي تفكري ولا لحظة انو تتنازلي ؟

يارا : لا لا ابداً .. الصلاة هي كانت الشي الوحيد الي عم يقويني .. كنت دايماً اطلب من ربي يغفرلي على الي عم اعملو .. وادعي يعطيني القوة لاعرف الطريق الصحيح .. هاد الشعور انت صعب تفهمو لان فيه تناقض نوعاً ما…
كيف حدا مقتنع بدينو بحب من غير دين
وكيف حدا بحب للموت بتخلى عن حبو مشان الدين
هاد التناقض ازا بدك تفهمو… اسأل حالك سؤال واحد…
ليش الانسان رغم بيعرف انو نهاية جسدو ياكلو الدود و ينغمر تحت التراب و مع هيك بيمضي عمرو وهو يسعى ليرضي جسدو… سواء بالاكل او لبس الحرير او الزواج… كل مساعينا بتصب برغبات الجسد مع انو فاني!!

توتر نورس وبدون تفكير ( هاد الحكي مو صح، رب العالمين خلقنا و قلنا نسعى بالارض وهي فطرة حطها ربنا فينا! )

يارا: جوابك غلط و فيه تسرع، ربنا حط فينا فطرة نقيه و معتدله.. انو ناكول لما نجوع… نلبس لنستر عورتنا… نتزوج لنبني اسرة و نلبي غريزتنا… بس هلأ الي متجوز بيخون مع عشرة كأنو الشغله للشبع هي فطرة و لا رغبة؟ و الشبعان بياكول و غيرو جوعان كأنو عم يكسب من الدنيا هي فطرة؟

نورس: حكي منطقي نوعاً ما عم تحاولي تبرري حبك المجنون طيب … بفهم انك اخترتي دينك بدل قلبك؟

يارا: ليك متل ما القلب بحتاج الحب ليعيش
كمان الروح بحاجة دين بتآمن فيه لتقدر تعيش ..
والانسان بدون روح او قلب .. مــيــــت ..

نورس : و يزن. شو كان رأيو ؟
يارا : ويزن نفس الشي ما كان عندو اي نية يتروك دينو ..كنا كل الوقت نقعد سوا و نتطلع بعيون بعض كأنو ناطرين معجزة تطلعنا من هالدوامة.. اخر شي
اجا الحل من برا ... اهلي واهلو حلوها ..
____________________________

كنت عم اجلي صحون الغدا بالمطبخ و يزن مو بالبيت .. لما بلش الباب يندق بقوة كبيرة وصار في ضجة وعياط برا ..
وقعت كاسة من ايدي وانكسرت .. و متت من الخوف لما سمعت صوت ابي برا..
فتت على غرفة وسكرت الباب علي انا وعم ابكي ..
تطلعت من الشباك وتمنيت لو فيني ارمي حالي ...
زادت الضجة وحسيت رح يكسرو علي الباب وسكان البناية اجتمعو برا ..
وفهمت انو متاكدين اني جوا .. بعدين عرفنا انو رفيقو ليزن هو خبر امو نحنا وين ، لان ما كان مقتنع بعلاقتنا ..
فتحت لأهلي الباب ... و اول ما انفتح .. انمدت ايد ابي على شعري .. وصار ضربني بجنون .. متل ما بتنضرب الحيوانات .. والعالم تتفرج علينا برا .. وانا ماسكه رجلو وعم اعتزر منو واترجاه يتركنا ..
حاولت اهرب منو .. يرجع يسحبني ويحطني تحت رجليها .. سحبني من شعري لبرا .. ونزلوني على السيارة .. كنت عم اسمع صوت ام يزن وهي عم تدور عليه .. بس ما لقتو.. . هاد كان اسمو لحالو الو رهبة و هيبة عند يزن و لما شفتو نسيت وجع جسمي و رجف قلبي…

وصلنا على البيت و كانت لارا عم تحاول تخلصني بس ما حدا قدر يخلصني من ابي .. الا وهو مشوهلي وشي .. و مغمى علي .. ما ةعلت على حالي بس زعلت على ملامح ابي الي بتقطع القلب..
______________________________________

نورس : ويزن ؟

يارا : يزن رجع على بيتو لحالو بعد يومين .. هيك خبرتني لارا .. وقلعتو امو من البيت..مرقو علي شهرين متل جهنم .. ابي ما كان يسمحلي اطلع من غرفتي .. وكانو يحطولي اكلي على باب غرفتي
ولارا ممنوع تشوفني الا بالسر عن ابي .. وقلبي نطف على يزن .. بعد هدول الشهرين .. دريت من لارا انو ام يزن بدها تخطبلو وهو وافق مشان تسامحو .. بس دريت هيك ما عاد شي قدر يهديني
حسيت سكاكين عم تشرح جسمي .. بكيت دم بحضن لارا و صارت تبكي على حالتي ..
كنت متل الأم الي عم ياخدو ابنها منها .. كأنو عم ياخدو اعضاء جسمي وانا عايشه ..
مرضت مرض قوي واضطرو يطلعوني عالمستشفى .. كان معي فقر دم حاد وكنت رافضه اكول ضليت هنيك ليله ولارا بقيت معي ..
وعلى وش الصبح حسيت بايد يزن على وشي و فكرت حالي عم اتخيل ..
فتحت عيوني ولقيتو قاعد جنبي ..
التفتت وما لقيت لارا بالغرفة ..
بلعت ريقي وصرت ابكي ..
يزن همسلي : ما تبكي خلص .. ليش هيك صايره .. على شوي ما كنت بعرفك .. شو عامله بحالك يا مجنونه !!
قربت باطن ايدو لشفايفي وشميتها بقوة ..
يارا : بدك تتجوز ؟ طيب انا شو اعمل ؟
يزن : لا ما رح اتجوز .. ما تخافي
يارا : ما عم اقدر عيش بلاك امانه اعمل شي
يزن : اهلك عم يضبو اغراضهن .. بدكن تنتقلو لبيت جديد
يارا : شوووو ؟
يزن : ما تخافي .. انا رح امشي وراكن واعرف وين بيتكن الجديد .. انا بحبك ايه ؟
يارا : ما تبعد عني
يزن : هلأ لازم روح .. بس ما تخافي انا جنبك ..
طلع من جيبة جاكيتو بلورة صغيرة .. وحطها با

#تعوويذة_الحب_بقلم_مال_الشام

الجزء الخامس

نورس : مع امهن .. بس هي بيت اهلها بمنطقة بعيده بدي نهار كامل مواصلات لاقدر شوفهن ، وكمان هي ما سامحيتلي التقي فيهن

يارا : ليش على كيفها الشغله ؟ ما على كيفها بنوب .. بطلعلك تطالب فيهن بالمحكمة ..

رجع نورس الجوال لجيبتو وهرب بعيونو من يارا : لا ما فيني .. المحكمة حكمت فيهن الها

يارا : ليش اديه اعمارهن ؟

نورس : أحمد خمس سنين .. وريماس اربعه. .

يارا : كيف هيك .. وكيف بتحرمك منهن .. مو فهمانه شي ..

نورس : اصلاً انا مشان هاد السبب تجوزتك ..

تطلع فيها وضلت عيونو معلقه بعيونها .. حست بفورة غضب وفورة ألم .. وفورة احتياج ..

قامت من وشو بسرعه وفاتت على غرفتها ..

قعدت عالتخت وعيونها موجهين للأرض ..

يارا (( ايه انا ليش زعلانه !! هو تزوجني لسبب .. ما مهم شو هو السبب بس انا الي بهمني انو انا بحالي وهو بحالو .. ما بهمني اي شي
اصلاً مبين عليه انسان بلا مشاعر ما بيعرف شو هي العلاقة وكيف لازم تكون ... بس انا هيك مرتاحه .. المهم ما حدا يلمسني او يجبرني على شي
المهم ضل عايشه انا ويزن سوا .. حتى لو بس باحلامي .. المهم ضل انا وياه .. ))

حضنت حالها و غمضت عيونها هي وعم تحاول تتزكر يزن .. ابتسمت ابتسامة بسيطة .. وغاصت بافكارها ..

______________________________________________________________

فاتت وداد عالبيت .. كانت الساعه وحده بالليل .. رمت الشنته من ايدها .. شلحت السكربينه عالباب .. فاتت عالصالة قعدت عالكنباية ورجعت راسها لورا
المكان كلو عتمه وما في اي صوت ولا اي حركة .. كانت عم تحاول تسترخي وتريح حالها .. لما اشتغل ضو الصالة بشكل مفاجئ
رفعت راسها باستغراب .. ولقت نورس واقف وعم يتطلع فيها ..

وداد : نورس ؟ انت جيت ؟

نورس : لا معليش خليني انا اسالك .. انتي جيتي حبيبتي ؟ طيب ليه هيك خلصتي سهرتك على بكير ؟ بس شو بدك بالحكي
طالعه بهل فستان الأسود القصير شقفه .. يا عمي نيالي مين قدي انا .. هلأ كل الي شافوكي بالشارع بهل اناقة هي وبهل وقت هاد عم يحسدوني عليكي
ولا شو رأيك انتي ؟

وقفت وداد وهي متوترة : ايه بلا حكي فاضي ، ما بتتزكر تسأل عني الا لما يخطرلك .. لو مخبرني انك راجع من سفرتك كنت قعدت بالبيت نطرتك انا والأولاد
بس ما خبرتني لهيك كنت سهرانه عند ميس .. خود الهاتف اتصل واسألها

نورس : ما بدي أسألها .. ما بدي اسألها يا مدام ان شاء الله تكوني بالقبر ما بهمني .. انا الي بهمني فوتك على بيتك بهل وقت وبهاد المنظر و ولادك مو هون
من ايمت عم يطلع معك هيك ؟

مشيت وداد من جنبو بتعب : انا نعسانه ، زكرني بكره نتخانئ بخصوص هالموضوع ايده ؟

مسكها بقوة ورجعها لورا .. : وقفي واحكي متل الخلئ .. شو صايرلك وداد ؟

وداد : ييي علينا بئى .. دائ خلئي وحبيت اطلع اسهر حراااااام يعني ؟ خربت الدنيه ؟ خلص انتو لما تتجوزو الوحده بصير بدكن ياها متل العبد عندكن؟
ما من حقي شوف ناس احكي عالم روح اجي اعمل شي بحبو .. خلص ولو قرفت انا

نورس : حلو .. هاد الحكي حفظتك ياه ميس جديد ؟

وداد : انا ما بسمحلك ها .. شو شايفني بنت صغيره وما بفهم ؟ بعد عني هيك ..

__________________________________________________________

الساعه 9 مساءاً ..

نورس : يارا .. يارا قومي

فتحت عيونها بتعب : يزن بدي ناااام الله يوفئك ..

حط ايدو على كتفها وهزها بقوة : انا نورس مو يزن .. قومي تعشي ..

تركها وطلع من الغرفة .. بلشت توعى وهي مكركبة كتير .. طلعت لعندو وحاولت تكون طبيعيه ..

يارا : يسلمو ايديك عملت عشا ؟

نورس تابع اكلو ببرود : يارا ، انا قلتلك بدي زواج شكلي .. بس ما قلتلك بدي وحده اطبخلها واغسللها .. وياريت تتزكري انو في مصلحة مشتركة بيناتنا

يارا : طيب .. فهمت ..

دارت ضهرها لترجع على غرفتها ..

نورس : وين رايحه ؟

يارا : انا بتعشي لحالي .. ما بدي ازعجك شكراً ..

فاتت وسكرت على حالها الباب .. حط الخبزة من ايدو وبعد تفكير قصير .. جاب صينية حط فيها الأكل وفات لعند يارا ..

كانت عم تلعب بالجوال بعصبيه ..

يارا : شو هاد ؟

نورس : جبتلك الأكل .. نسيت انك عروس

ابتسمت يارا : الله يسامحك ما الك حق تنسى يا عريس

نورس : ما تواخزيني .. يعني المفروض نحنا هلأ بشهر العسل

يارا : لك ايه صحيح وين بدك تاخدني شهر عسل ؟

نورس : ايه كلي كلي لسه بدك تدللي علي يارا خانوم ..

بعدت يارا شوي .. حط نورس الأكل عالتخت قدامها وناولها خبزة ..

بلشت يارا تاكول وهي فرحانه لان حبت تصرف نورس واعتذارو الغير مباشر ..

يارا : انا بجلي ما تزعل ..

نورس : كتر خيرك والله هههه

يارا : ليك عنجد .. خلينا نتفق على قوانين حياتنا الجايه .. انا وانت ظروفنا صعبه ما بدنا نزيد هموم بعض
خلينا نتفق من هلأ ..

نورس : على شو بدنا نتفق ؟

يارا : يعني مثلاً .. انا حابه كفي دراستي .. ورح اطبخلك طبعاً واهتم بامورك كامله

نورس : ايه تمام مني

#تعوويذة_الحب_بقلم_مال_الشام

الجزء السادس

مع مرور الأيام .. بلشت حياة نورس ويارا تنتظم بشكل مستقيم .. كان يعاملها بكل حنية ولطف .. جزء من هاد اللطف لصالح سخصية .. وجزء منو تعاطفاً مع وضعها وقصتها المؤلمة ..

سجلت يارا معهد لغة إنجليزية ، وتابع نورس شغلو كانت تنحصر محادثاتهم على الطريق من البيت للمعهد لما يوصلها الصبح .. و من بيت اهلو لبيتهن لما رجعها المسا ..

طلعت يارا مستعجلة من بيت حماها بعد ما رنلها نورس لتطلع لعندو .. حملت شنتتها وطلعت هي ومستعجلة .. ركبت السيارة وهي مبسوطة ومندفعه بالحكي

يارا : لك تأخرت علي .. ليش ما نزلت تتغدا ؟ امك عامل شيخ المحشي أما شو طالعين ؟ شي بطير العئل .. احزر اليوم شو قلي الاستاز بالمعهد ؟ قال انو مستواي عم يتطور بشكل ملحوظ
وازا ببئى هيك بطلع مني شي مميز بالمستقبل ..

نورس : اها ..

يارا : وتخانئت مع بنت .. يخرب بيتها شو مئنزعة .. بس طلعت من خرجها هههه

نورس : تمام ..

يارا : مممم شبك في شي ؟

نورس : لا ابداً .. مشاكل بالشغل ..

يارا : مممم .. خير ان شاء الله

نورس : وصلنا .. انتي انزلي انا عندي مشوار

يارا : وين ؟

تجاهل نورس سؤالها .. وفهمت انو ما رح يعطيها جواب ..

يارا : اوكي .. انا رح جهزلك اكل ما تتأخر

نورس : تمام ..

نزلت يارا وسكرت الباب بتردد .. ما كان عاجبها وضع نورس ملامحو كتير غريبه وردودو مختصرةعلى غير العاده ما اهتم بتفاصيل يومها ولا خبرها شي عن يومو ولا قال انو جوعان
والأغرب انو راح على مكان وما قلها وين !! ..

غابت السيارة عن عيونها وهي عم تفكر .. رفعت كتافها باستغراب ( شكلو جانن )

طلعت عالبيت .. اخدت دش وبدلت تيابها وفاتت على المطبخ .. بلشت تقطع الخضار و تطبخ اللحمة والرز ..
جهزن صينية خضار و رز بجنبو لحم مدخن .. مشي الوقت وهي قاعده بالصالة وعم تقلب المحطات .. بلشتت تتثاوب من النعس وتحكي حالها

( ايه والله تأخر .. بدي اكول وانام وبعدين !! )

عالساعه 12 .. خلص صبرها .. وما عاد قاومت جوعها .. قعدت واكلت بشهية .. خلصت اكل وحاولت تغطي على الجزء الي اكلت منو وترتب الصحون ..

( ههههه كأني صايره اكول كتير ، عالراحة النفسية .. اديشها الحياة حلوة هون .. الحمدلله كأن رب العالمين فضلي نورس تفصيل على قياسي .. )

حطت ايديها تحت راسها وتمددت عالكنباية .. تطلعت بالسقف وهي مبتسمة .. ( بدي تابع دراستي .. وبس خلص معهد بدي ارجع قدم بكلوريا حره .. وصير انسة .. ودرس بنات وصبيان وعلمهن كتيير شغلات
وبصيرو هن ولادي وانا امهن .. و بتطلق من نورس او لأ ؟ .. )

قلبت عالجهة التانيه وغمضت عيونها بفرح ( لا مستحيل اتطلق .. بدي ضل معو .. بس بلكي هو قرر يطلقني !! .. )

حاولت تنام بس الأفكار كانت تاخدها كل شوي لمطرح .. رفعت الهاتف بعصبيه واتصلت على نورس عدة مرات وما رد..

الساعه وحده ونص رجعت اتصلت .. وفتح الخط .. وجاوبها صوت انثوي ( الو ؟ مين معي ؟ )

تطلعت يارا عالرقم وتاكدت انها طلبت رقم نورس .. ورجعت ردت ( عفواً مو موبايل نورس ؟ )

( ايه صح موبايل نورس .. بس هو نايم .. في شي ضروري ؟ )

يارا بعصبية ( كيف يعني في شي ضروري ؟ مين انتي ؟ )

( شو مين انا .. انتي الي مين !! و وطي صوتك واحكي متل الناس .. انتي مين ؟ )

يارا ( الله ياخدك يا نورس .. )

سكرت الخط ورمت الهاتف ..

يارا ( كان لازم افهم .. كان لازم اعرف .. غياباتو كل فترة والتانيه .. و شرطو الي حطو للزواج .. عم يستخدمني واجهة محترمة وهو بالسر عم .. !! الله ياخدو .. انا حمارة شو كنت مفكرة ! )

تاني نهار .. لبست يارا تيابها ونزلت لتروح عالمعهد .. كان نورس ناطر تحت البناية بسيارتو .. لمحتو يارا وتجاهلتو ولت توقف تكسي بس نزل ليأشرلها انو موجود ..

يارا (انا بروح لحالي .. )

نورس ( شبك انا جيت على وشي لالحق وصلك على دوامك ! )

يارا ( لا معليه شكلك تعبان ومكتر .. اطلع ارتاح يعطيك العافيية )

نورس ( ايه فعلاً تعبان بس لازم روح على دوامي .. )

يارا بعصبيه ( العمى ما اوقحك !!)

نورس ( عفواً !! انا ؟؟؟؟؟؟ )

الشوفير ( لو سمحتي يا مدام .. سكريلي الباب بدي امشي .. )

يارا ( لا اخي طالعه معك .. )

مسكها نورس من ايدها ( كيف يعني طالعه معو شبك انتي جنيتي ؟ )

سحبتي ايدها وتطلعت بعيونو بثقة ( اخ نورس .. ما تتجاوز حدودك .. نحنا بيناتنا شروط .. )

نورس ( اخ نورس ...!!! ما اتجاوز حدودي !! )

تركها تطلع بالتكسي .. ورجع لسيارتو ومشي على شغلو .. رجعت يارا المسا مباشرة على البيت لحالها .. جهزت غدا واكلت وفاتت على غرفتها ..

اتصل عليها كتير وما جاوبتو ... وصل البيت وهو بقمة عصبيتو وتوترو ... فاتت باتجاه غرفتها وصدم بالباب لان كانت قافلتو من جوا على غير العادة

نورس ( كمان قافلة الباب !! شو قصتك افتحيلي ياه لاحكي معك وافهم شبك )

يارا ( شو بدك ؟ الأكل جاهز وبجامتك برا و الغطا والمخدة كالعاده عندك .. في شي تاني ؟ )

نورس ( يارا انا لهلأ ضابط

#تعوويذة_الحب_بقلم_مال_الشام

الجزء السابع

وداد :يااااا عاااااااااالم ... يا ناااااااااااس خلصوني مشاااااااااااان الله ..

مسكتها بقوة رجعت سحبتها لعندي و سكرت تمها بايدي .. ضربتها .. ضربتها بكل قوتي .. بكل قوتي ضربتها وبكل مكان
وشها وجسمها .. ما عاد وعيت على حالي كيف عم اضربها .. عضت ايدي اكتر من مره وكنت ارجع سكرلها ياه ..
تفاجئت لما بطلت تتحرك وبطلت تصرخ ..

ارتخت ايدي و بلشت انفاسي تتخربط ..

قعدت عالأرض وحطيت راسها على ركبتي .. وطبطبت على خدها

نورس : وداد ؟ .. وداد شبك ؟

صرخ أحمد وصار يضرب الأرض برجليه و ريماس بلشت تبكي .. تطلعت فيهن وحسيت ايدي انشلو ..

نورس : خلص بابا هس ما تخافو .. اهدو بابا عادي !! ..

على صوت احمد و ريماس وصريخهن دقت جارتنا على الباب .. حطيت راس وداد شوي شوي عالأرض .. ورحت فتحت الباب ..

نورس بقلق : اهلا وسهلا ام علي

ام علي : اهلين جارنا .. شو خير شبهن الأولاد .. شو صاير عندكن ؟

نورس : اه ؟ لا لا ما في شي ابداً .. بس هيك تخانئو ببعضهن ..

حاولت تمد راسها وحاولت غطي المدخل ..

ام علي : طيب اندهلي وداد بدي ياها بشغله

نورس : وداد ؟ بالحمام .. هلأ فاتت تاخود دش

ام علي : طيب لكن بعتزر عالأزعاج .. سلملي على وداد وخليها تمر تشرب فنجان قهوة

نورس : اي ان شاء الله .. مع السلامة ..

ولحظي التعيس .. قبل ما سكر الباب .. بلحظات بسيطة .. طلع صوت وداد من جوا ..

(( يااا ناااس .. حدا يساعدني .. ))

وقفت ام علي وتطلعت فيني بنظرات شك ..

ام علي : هاد صوت وداد ؟

نورس : لا لا ابداً .. يعطيكي العافيه

كنت بدي سكر الباب .. بس شفت ملامح ام علي انقلبو قلب كأنها شافت شبح وراي .. التفتت لوراي .. وشفت وداد واقفه ومنظرها واضح عليه الضرب ..
بشكل عنيف ..
______________________

صرخت يارا وحطت ايدها على تمها : يخرب بيتك مستحيييييل ما كنت متخيلتك هيك .. كيف كيف .. انت .. انت شو .. كيف بتعمل هيك
مفكر حالك رجال بهل عملة ؟

شد على قبضة ايدو بتوتر ..

نورس : فاتت جارتنا وقتها واخدت الأولاد و وداد معها وما قدرت اعترض ... بعد ساعتين كانت الشرطة قدام باب الشقة .. واخدوني لان ام علي اخدت وداد على مركز الشرطة و فتحتلي محضر ..

يارا بقلبها (( الله لا يردك .. ))

بلع ريقو وتابع حديثو :ـ كبرت المشكلة كتير لان هي ما كانت اول مره بضرب وداد فيها ، كانت تالت مره ..و هالمره غير كل مره لان اثار الضرب واضحه
رفعت علي دعوة وطلبت الطلاق مع كامل حقوقها .. حطيت محامي وحاولو اهلي يتواصلو مع اهلها بس الكل وقف بصفها وحتى المحامي تبعي لامني كتير
بالأخير حصلت عالطلاق و على كامل حقوقها .. لهلأ مو هون المشكلة

يارا : العمى !! ولك بدك تجنني .. كيف مو هون المشكلة ؟

تنهد نورس و وقف من مكانو .. (( منحكي بعدين .. بدي اطلع اتمشى شوي .. عن اذنك .. ))

يارا : نورس استنا .. لك استنا ..

تركها ومشي باستعجال .. طلع من البيت كلو وهو عم يحاول يهرب من عيونها ..

سكر باب الشقه و قعد على الدرج وحط ايديه على راسو (( شو عملتي فيني يا وداد ... حاسس حالي رح اختنق .. لا قادر احكي ولا قادر اسكوت .. لك شو اعمل
لك رح جن .. ررررررررررح جن ))

....

كانت يارا بعدا قاعده مكانها و عم تقلب حكيو براسها .. (( صفقة .. مصاري .. ضربتها .. حطيت ايدي على تمها .. كانو الأولاد يبكو .. قلتلها وداد بالحمام ..
بدي اعطيكي مبلغ محترم ... يمكن تشوفي السبب استغلالي وفيه ظلم ... انا حاولت ما أأذيكي !! ))

حطت ايدها على راسها و غمضت عيونها بقوة :_ يزززن ... يززززز ن وين رحت وتركتني ... يزن خدني لعنننننننندك... يززززن

قامت على الحمام ... رشت وشها بالمي ... اصوات كتيره براسها ... ما عم تفهم شي .. كأنو كانت مفكرة حالها بجنة .. بس طلعت متورطة !
شغلت الدش وقعدت تحتو بتيابها ومتل ما هي ... ضلت وقت طويل بلش يغلبها النعس ... مدت ايدها و سكرت المي .. قامت طلعت والمي عم تقطر منها ..
شلحت تيابها ... لبست قميص قطني أبيض قصير .. لملمت شعرها سكرت باب غرفتها ورمت حالها عالتخت ...

ساعتين مرقو وهي ما عم تقدر تغمض عيونها وجسمها عم يرجف من البرد مع انو الجو دافي ..

فات نورس عالبيت .. توجه لغرفتها مباشرة ...

يارا ( رجعت ؟ )

ما جاوب .. كان عم يتفحصها بعيونو باهتمام ..

يارا بارتباك ( تاخرت ؟ )

عيونو ما تحركت عنها .. ( بستناكي بالصالة .. )

سكر الباب وطلع .. حطت ايدها على البها وتنفست بعمق ( هبلة الله ياخدني .. شو هاد الي لابستو .. فكرتو ما رح يرجع )

فكرت شوي و قامت على الخزانة .. لبست بيجامتين فوق بعض .. ولبست طاقية صوف على راسها .. حملت معها باكيت المحارم وطلعت وهي عم تتصنع السعلة والعطاس ..

قعدت جنبو عالكنباية هي وعم تعطس ( هتسووووو .. .. ما معئولة شو برد يا زلمة .. )

حط ايدو ورا ضهرها وشدها باتجاهو وتطلع فيها بخبث ( بتحبي دفييكي ؟ )

فتحت عيونها بخو

#تعوويذة_الحب_بقلم_مال_الشام

الجزء الحادي عشر

رفعت عيونها فيه وشدت على تيابو بقوة اكبر .. حكت وصوتها عم يرجف ( شو قلت ؟ )

قرصها من خدها بخفة و ضحك باستسلام ( خايف عليكي مني .. انا لازم ضل حالي .. وانتي ديري بالك على حالك .. )

حاول يبعد عنها بس كانت ماسكتو بقوة وما عم تسدء الي سمعتو ..

يارا ( بس انا .. انا ما بدي روح .. )

مسح دمعتها ( لازم تروحي يا مجنونة .. كمان سنه بتخلصي معهدك .. وكفي دراستك .. وعيشي حياتك متل ما بدك .. انا رح احكي مع اهلك .. ورح كملك مصاريفك .. خديه وعد مني
ورح اتفاهم مع ابوكي وما خليه يزعلك شي .. ايه ؟ )

يارا ( نورس ؟ )

نورس ( وحبي .. روحي اختاري الشخص الي بيقدر يعوض الفراغ الي تركو يزن بقلبك .. وحبي .. حبي لانو لازم تعيشي وتفرحي وتكملي حياتي .. )

ضغطت على شفافها وبلعت دمعه مالحة .. ( ما فيني اتجوز بعدك .. )

نورس ( لا عادي ، بس يجي حدا يطلبك .. قولي جوزي ما كان رجال .. يعني مشان تفهميه انك لسه صبيه .. ما رح خلي شي يغبر على سمعتك .. )

غمضت عيونها وحطت راسها على صدرو ( انت شو قصتك .. ليش هيك عم تعمل ؟ )

نورس ( ليكي .. مع كل شي عملتو فيني وداد بس ما فكرت بحياتي جيب سيرتها بالعاطل .. ما رح قلك لاني ملاك منزل وما في بقلبي حقد .. بالعكس كتير احيان كنت اتمنى افضحها واشفي قلبي منها
بس ما بدي ولادي يصيبر اسمهن ولاد الــ ـ ـ ـ .. )

سكت شوي ورجع تابع حديثو .. ( ازا وداد الي هدتني ما اذيتها .. ما تتخيلي انو ممكن أأذيكي .. )

يارا ( بس انا كمان ضريتك .. تخليت عنك وكنت واعدتك وقف جنبك .. )

بعد عنها وحكى بصوت هادي .. ( يمكن هيك احسن الهن .. يمكن ازا جبتهن لعندي وعصبت شي نهار اضربهن متل ما ضربتك صح ؟ )

مسحت دموعها وهزت براسها ( لا .. ابداً .. رح يصيرلي سنه معك وكتير تخانئنا ولا مره ضربتني .. انت كتير منيح .. واب بتجنن ولادك لازم يكونو فخورين فيك .. )

نورس ( بتعرفي انو ريماس بتخاف مني ؟ .. ما بعرف وداد شو بتحكيلها عني .. بس لما تشوفني بتتخبى وراها وبتمسك بتيابها وبتصير تبكي .. ولادي بخافو مني .. )

يارا ( ليك .. ارجاع ارفع قضيه ، والله هالمرة رح وقف جنبك .. بوعدك وقف جنبك وعد وعد

رفعت عيونها فيه وشدت على تيابو بقوة اكبر .. حكت وصوتها عم يرجف ( شو قلت ؟ )

قرصها من خدها بخفة و ضحك باستسلام ( خايف عليكي مني .. انا لازم ضل حالي .. وانتي ديري بالك على حالك .. )

حاول يبعد عنها بس كانت ماسكتو بقوة وما عم تسدء الي سمعتو ..

يارا ( بس انا .. انا ما بدي روح .. )

مسح دمعتها ( لازم تروحي يا مجنونة .. كمان سنه بتخلصي معهدك .. وكفي دراستك .. وعيشي حياتك متل ما بدك .. انا رح احكي مع اهلك .. ورح كملك مصاريفك .. خديه وعد مني
ورح اتفاهم مع ابوكي وما خليه يزعلك بشي .. ايه ؟ )

يارا ( نورس ؟ )

نورس ( وحبي .. روحي اختاري الشخص الي بيقدر يعوض الفراغ الي تركو يزن بقلبك .. وحبي .. حبي لانو لازم تعيشي وتفرحي وتكملي حياتي .. )

ضغطت على شفافها وبلعت دمعه مالحة .. ( ما فيني اتجوز بعدك .. )

نورس ( لا عادي ، بس يجي حدا يطلبك .. قولي جوزي ما كان رجال .. يعني مشان تفهميه انك لسه صبيه .. ما رح خلي شي يغبر على سمعتك .. )

غمضت عيونها وحطت راسها على صدرو ( انت شو قصتك .. ليش هيك عم تعمل ؟ )

نورس ( ليكي .. مع كل شي عملتو فيني وداد بس ما فكرت بحياتي جيب سيرتها بالعاطل .. ما رح قلك لاني ملاك منزل وما في بقلبي حقد .. بالعكس كتير احيان كنت اتمنى افضحها واشفي قلبي منها
بس ما بدي ولادي يصيبر اسمهن ولاد الــ ـ ـ ـ .. )

سكت شوي ورجع تابع حديثو .. ( ازا وداد الي كسرت ضهري ما اذيتها .. ما تتخيلي انو ممكن أأذيكي .. )

يارا ( بس انا كمان ضريتك .. تخليت عنك وكنت واعدتك وقف جنبك .. )

بعد عنها وحكى بصوت هادي .. ( يمكن هيك احسن الهن .. يمكن ازا جبتهن لعندي وعصبت شي نهار اضربهن متل ما ضربتك صح ؟ )

مسحت دموعها وهزت براسها ( لا .. ابداً .. رح يصيرلي سنه معك وكتير تخانئنا ولا مره ضربتني .. انت كتير منيح .. واب بتجنن ولادك لازم يكونو فخورين فيك .. )

نورس ( بتعرفي انو ريماس بتخاف مني ؟ .. ما بعرف وداد شو بتحكيلها عني .. بس لما تشوفني بتتخبى وراها وبتمسك بتيابها وبتصير تبكي .. ولادي بخافو مني .. )

يارا ( ليك .. ارجاع ارفع قضيه ، والله هالمرة رح وقف جنبك .. بوعدك وقف جنبك وعد وعد وعد )

نورس ( انا طالع ، بس ارجع بتكوني صرتي ببيت اهلك .. )

يارا بصوت عالي ( انا ما رح اطلع من هون .. ما بدي روح .. )

نورس ( انا ما رح ارجع لهون لاتاكد انك طلعتي .. )

حكى كلماتو الأخيرة وطبق الباب وراه وطلع ..

يارا ( نورس !! )

ركضت على الشباك وبعد ثواني نزل من البناية .. وكمل طريقو مشي بالشارع .. كان يمشي بتعب .. مو متل مشيتو المعتاده .. ما كان رافع راسو وحاط ايدو بجيبتو وعم يمشي بثقة
حتى مشيتو الي بتعرفا تغيرت !! ..

غاب نورس يومين عن البيت وما كان يرد عل

#تعوويذة_الحب_بقلم_مال_الشام

الجزء الثاني عشر

وداد: كيفك؟

كان بدها تفوت عالبيت.. حط ايدو بطريقها و سكر مدخل الباب ( الاولاد فيهن شي؟ )

وداد ( لا مناح، هن بالسيارة تحت.. جبتهن معي.. )

نورس ( ولادي تحت؟؟ .. ) … حط ايدو على راسو بفرح ولمعت عيونو… ( نازل شوفهن.. ) ..

نزل باستعجال و تركها واقفه وراه… دور على السيارة و لمح ولادو ركض باتجاهن و فتح الباب… ( احمد؟ ريماس؟ تعالو بابا تعو… ) نزل احمد باتجاهو و باسو على خدو ( بابا انا جوعان) …
نورس ( خسى الجوع يا بطل، تعالو نطلع عالبيت لاعمللكن احلى فطور… يلا.. ) بلشت ريماس تبكي لما حملها نورس ليطلعها عالبيت… ضل يهديها لوصل عالشقه… فات و لقى وداد قاعده بالصالة وعم تدخن من باكيت دخانو..

نزلت ريماس من ايدو و ركضت لعند رجلين وداد ( مااااماااا…)

نورس ( ليش البنت بتخاف مني هيك…شبها شو في؟انتي حاكيتلها شي؟ )

وداد ( مابها شي،هي متعودة بس علي و على ابي… المهم)

ترك نورس ايد احمد و اشرلو بعيونو ( خود اختك وفوتو على الغرفة، لجهزلك انا و ماما فطور.. ماشي؟ )

تطلع احمد على امو الي قالتلو ( اي فوتو لهنيك يلا… )

قرب احمد من ريماس وحاول يمسح دموعها و ياخدها عالغرفة..
فاتو و سكر نورس الباب عليهن و التفت لوداد..
(( شو في؟ شو صاير؟))

وداد (( مشان ما نضيع وقتنا، انا حابه نتفق… بخصوص الاولاد))

قعد مواجها هو و متوتر ومو فهمان شي (( فيهن شي؟ ناقصهن شي؟ احكي خلصيني!!))

وداد (( انت مو بدك ولادك؟ ))

ضحك بسخرية (( شو وداد؟ جايه تعزبيني؟ عم تلعبي باعصابي؟… بدك ولادك؟؟؟؟ عم تجدبيها انتي؟؟ ))

وقفت وداد هي وعم ترتب شعرها ( شكلنا ما رح نتفق، يبدو مابهمك الموضوع… ناديلي الولاد)

تطلع فيها باهتمام عم يحاول يفسر تعابير وشها.. ( استني استني… خلص اقعدي… بس احكي بسرعه ما تعطيني ياهن بالتنقيط.. احكي)

حطت رجل على رجل هي وعم تلعب باظافيرها
)) شايفه انو حاجتك، خلص طلعت منك كل الضرب الي ضربتني ياه… ازا بعدك حابب تاخود ولادك بدي اعطيك ياهون..)) غمزتو بخبث.. (( رح اعمل منيح و زت بالبحر))

نورس (( بتحكي جد؟ ))

وداد (( اي.. جد الجد))

نورس (( انو رح تعطيني الولاد عنجد؟ … يعني… يعني بدهن يجو يعيشو معي؟ ))

وداد (( لك اي اي… بس ليك.. مافي شي ببلاش))

تلاشت فرحتو و حس بخوف… (( مافهمت؟ ))

وداد (( مليون ليرة… خلينا نقول تعويض عن عمري الي ضاع معك… بستلم المصاري و بتجوز و بشوف حياتي… و بتنازلك عن حضانة الاولاد بالمحكمة…))

قامت قعدت جنبو بدلال (( شو رأيك بابا نورس؟ ))

ضغط اسنانو على بعض… (( بتساومي على ولادي؟ بتتخلي عنهن بمليون ليرة؟ ))

وداد (( ايوه… بلشنا… يعني مابدك تدفع؟ )) …

تطلعو ببعض بتحدي..

وداد ( احمددد… ريماس… يلا تعالووو) …

انفتح باب الغرقة بعد ثواني و طلعو لعندهن…
التفت نورس عليهن وتطلع باحمد الي ماسك ايد اختو بقوة..

احمد ( بدنا نروح ماما؟؟ )

وداد ( ايه يلا امشو… ) … حملت شنتتها ومشت..

حكى نورس باستعجال ( اي بابا بدكن تروحو تجيبو اغراضكن و ترجعو لعندي لهون… )

التفتت وداد عليه ( شو؟ )

نورس ( اي خلص وداد متل ما حكينا، و الي اتفقنا عليه خلص تكرمي و لا يهمك)

وداد ( يعني بدك تدفع المل…)

قاطعها ومشى لعندها بتوتر.. حكالها بهمس ( رح ادفعلك ماشي.)

وداد بابتسامة نصر ( بستلم و بعدين بتنازلك…)

نورس ( طيب بس بدي الولاد اليوم ينامو عندي)

وداد ( اوك مافي مشكلة...خليهن عندك و ببعتلك اغراضهن مع حدا بعد شوي…)

نورس ( مستعجلة وداد؟ )

وداد ( حاجتي ضيعت كتير من عمري معاك،لازم شوف حياتي) …

بعد اتفاق وداد و نورس…
طلعت و تركتلو الولاد و تركت ريماس عم تبكي…

حاول نورس يحضنها و يلاعبها… سأل احمد ( الها بالعادة تبكي هيك؟ بتكون مريضه؟)

رفع احمد اكتافو و بلش يبكي ( ماابعرف… ) …

فعلياً كانو "تلات اطفال"... ما كان نورس عرفان يتعامل معهن ولا يلبي حاجياتهن وطول الوقت متوتر…
وصلتو اغراضهن تاني يوم الصبح… واتصل بامو لتجي تساعدو…

خلال خمس ايام كان نورس دافع المبلغ لوداد لان خاف تغير رأيها، و حكى مع المحامي ومشي باوراق التنازل عن الحضانة لألو…

كان كل ما يوصل على البيت يحط راسو على الباب و يحاول يتاكد ازا في صوت بكي جوا او الامور منيحه…

ام نورس ساعدتو يقدر يفهم ليش بيبكو و كيف يتعامل معهن… كان حذر كتير و خايف عليهن من كل شي… حتى من حالو…

___________________

فات نورس على البيت و شلح السترة ناولها لامو وباسها على جبينها…
ام نورس ( يعطيك العافية ابني ، الاكل رح يجهز… )

نورس ( وين الولاد مو سامع صوتهن؟ )

ام نورس ( بغرفتهن حبيبي، مبسوطين بالالعاب الجديدة)

نورس بقلق ( كيفهن… سألو عن وداد مره تانيه؟ )

ام نورس ( حبيبي بتضلها امهن و هن بحاجتهن بهاد السن، عم حاول اشغلهن كل الوقت بس بضلو يسألو

#تعوويذة_الحب_بقلم_مال_الشام

الجزء الثالث عشر

يارا : اه ؟ المليون ؟ .. لك كنت نسيانتو

لارا : ينعن ديبك هاد مليون .. بينتسى ؟؟؟؟شو رأيك نطلع سيراااان ؟ ونعمل مشاوي و سلطة و مناخود دربكة والله مننبسط

يارا : مو معقول شو غليظة ، وعطول تفكيرك ببطنك

حطت ايدها على بطنها و سبلت بعيونها : مو انا حبيبتي .. هاد الببو الجديد

يارا : شووو ؟ حااااااااامل ؟

لارا بخجل : ايه .. لسه ما خبرت امك اعملي حالك ما معك خبر بتزعل ازا ما كانت اول حدا بيعرف هههه

يارا : ييي لك تئبري البي .. مشتهية مشاوي ؟ نوصيلك ؟

لارا : لك لا كنت امزح معك ، عنجد شو بدنا نعمل بالمليون ؟ ايمن كتير متدايق انو المصاري عندنا بالبيت ..

يارا : يعلي عليكن .. حقك علي اختي .. عزبتكن كتير معي وجوزك صفى بلا شغل بسببي .. طيب ليكي .. اديه صرف ايمن عليها للحرباية ؟

لارا : ممم 150 الف .. بين هدايا وتياب و طلعات وروحات وجيات ..

يارا : حلو .. خدو 150 وجيبيلي الباقي .. انا بعرف اتصرف فيهن

لارا : طيب فهميني شو بدك تعملي ؟

يارا : خلص بعدين بقلك .. المهم .. بأي شهر صرتي وليه ؟

_____________________________
_____________________________

الساعه 9 المسا .. طلع نورس من غرفة اولادو بعد ما حطهن بالتخت وحكالهن حكاية لينامو ..سكر الباب و قعد على الكنباية بتعب ..
رجع راسو لورا وغمض عيونو هو وعم يفكر .. (( يا الله اديش تربية الأولاد صعبة ، تركتلي ياهن امي وراحت .. خايف يكونو حاسين بتقصير او ناقصهن شي .. صحيح ما عم يقولو .. بس ماني مرتاح .. ))

مرض ابو نورس وقعد بالفراش ، فــ انجبرت امو ترجع على بيتها لتشوف طلباتو وتدير بالها عليه .. كان نورس كل يوم الصبح ياخود الأولاد يحطهن عندا .. وبعد ما يرجع من شغلو الي دبرو بصعوبة يرجع ياخد الأولاد
من عندها ويشوفها اديه تعبانه ..

حس انو بحاجة سيجارة ليهدي راسو .. تزكر انو ما ترك بالبيت اي اثر للداخن وزتهن كلهن مشان ما يدخن قدام اولادو ..

قام فتح باب البرندة و حاول يشم هوا نضيف .. ومع اول نسمة باردة .. مرقت صورة يارا قدام عيونو .. وسمع صوتها بادنيه وسمع ضحكتها .. (( نورس .. نورس .. ))

التفت وراه (( يارا ؟ ))

تطلع حواليه .. تخربطت نبضات قلبو ..

(( بدي ضل اتخيلك ؟ .. هه ))

رجع شق على اولادو .. وفات على غرفتو وحاول ينام ...

بعد يومين تانيات .. وهو راجع لياخود اولادو كانت ريماس هادية كتير وما عم تحكي .. نامت بالسيارة وحملها عالبيت ..

حطها بتختها وقرب ليبوسها .. حس عليها حرارة ..

توتر وجرب يتأكد .. عليها حرارة .. مسك موبايلو واتصل بامو ..

نورس (( امي .. شو بدي قلك .. ريماس كأنها مريضة ؟ ))

ام نورس (( والله يا ابني ما بعرف .. هي اليوم ما لعبت كتير وما تخانقت هي و احمد ..))

نورس (( طيب امي بس عليها حرارة شو اعمل ؟ ))

ام نورس (( حرارة ؟ طيب .. طيب اعمللها كمادات ودفيها كتير منيح .. خليها تتعرق ازا تعرقت بتطيب .. وشربها زهورات .. ))

نورس (( زهورات ؟ ما عندي زهورات !! خلص بدبر حالي .. ديري بالك على ابي .. ما ينشغل بالك .. ))

سكر الخط هو ومتوتر و احمد قاعد جنب ريماس ..

أحمد (( بابا .. مطول وانت تفكر ؟ يلا خلصنا .. ))

نورس (( اه ؟ شو ؟ شو اعمل ؟ ))

ضرب احمد ايدو على جبينو (( يا حبيبي .. شربها دوا يلا ))

نورس (( لا مو دوا .. لحظة خليني اعمل كمادات .. خليك جنبها .. لا تتحرك ها .. ))

راح عالمطبخ بسرعه ورجع ومعو مي دافية وقطعة قماش .. بللها و حطها على جبين ريماس .. شهقت وصارت تبكي ..

احمد (( بااااابااااااا اعصرها اعصرهااااا... لازم تعصر الكمادات قبل ما تحطهن على جبينها ستي هيك كانت تعمل اووففففففف ))

نورس بهمس (( نسيت .. معك حق .. ))

بعد ربع ساعه بلشت تنزل حرارة ريماس .. ورجعت نامة براحة .. واحمد نام من التعب ..

تركهن نورس وطلع من الغرفة .. اول ما قعد على الكنباية رن جرس البيت ..

نورس (( اااخ بس .. مين جاي هلأ .. ))

قام وفتح الباب ...

يارا بخجل .. (( مرحبا .. نورس .. ))

نورس (( _ _ _ _ ))

يارا (( انا .. كنت .. ))

نورس (( اهلا وسهلا يارا .. فوتي فوتي .. ليش واقفه برا ؟ ))

يارا (( لا معليه مو ضروري ))

فتح الباب هو ومبتسم .. (( لك فوتي .. ))

فاتت هي ومتلبكة وعم تطلع حواليها .. مافي شي تغير .. بس في تياب والعاب اطفال مرمين هون و هون ..

يارا (( شو وين الولاد ؟ ))

نورس ((بغرفتهن نايميــ ـ ـ ـ )) .. تطلع فيها باستغراب (( لحظة انتي شو بعرفك انهن هون ؟ ))

حكت راسها وابتسمت (( كل هالفوضى وهالالعاب ؟ معقول التياب هدول الك يعني ؟ ))

نورس (( اي معك حق .. هلأ نامو بغرفتهن .. و ريماس مريضة .. ما عرفت شو اعمل الحمدلله حرارتها نزلت بسرعه .. ))

يارا (( خير شبها ؟ فوت شوفها ؟ ))

نورس (( لا صارت منيحه خليها نايمة وهلأ برجع بتطمن عليها .. ))

يارا (( طيب .. ))
طلعت ظرف كبير من شنتتها ومدتو لنورس .. ((

#تعوويذة_الحب_بقلم_مال_الشام

الجزء الثالث

يارا : لك ايه ايه متل ما عم قلك .. هن كانو جيرانا بس هن مسيحين ونحنا مسلمين .. هلأ هاد الشي اكيد مانو مشكلة بالعكس كانت علاقة اهلي واهلو كتير حلوة بس انا كنت بحبو بجنون وما عندي استعداد اتخلى عن حبو
انا ما حبيتو بارادتي .. ولا قررت او خططت لهاد الشي .. حبو انزرع بقلبي بدون ما اعرف .. ولقيت حالي معلقة بقصة اكبر مني ومنو ..

نورس : العمى !! .. ماشي الحب بخلي الإنسان يتصرف بدون وعي او تركيز .. بس انتي النتيجة عندك واضحه كان لازم تفهمي هالشي

يارا : بتعرف شو ؟ .. لو بعيش حياة تانيه غير هي الحياة .. رح ارجع حبو مره تانيه ..
تطلعت هي ونور بعيون بعض .. وعلى ضو الشموع سرح بملامحها .. اديشها حلوة بشكل ساحر .. كانت عم تحكي وهو ما عم يسمح .. بس عم يراقب حركة شفايف وعيونها كيف عم يلمعو .. حركة ايديها
كيف بتستخدمهن لتشرح و توضح حكيها .. وكيف بطرف اصابعها كل شوي بتزيح خصل شعرها عن عيونها .. ابتسم وهو عم يتزكر لما كان يفكلها شعرها اديه كان مبهور بملمسو الناعم وريحتو الطيبه ..وكان
عم يتقصد يتأخر ليقدر يلمسو اكتر ..
فجأة اجت الكهربا ..

يارا بفرح : خييي .. اخيراً ..
وقفت وهي عم تلملم شعرها : تصبح على خير ..
نورس : بس انا لهلأ ما فهمت شو آخرة قصتك ؟
يارا : بس انا كتير تعبانه .. الساعه صارت 2 .. بدي نام الله يوفئك ..
نورس : طيب .. منحكي بكرا ..
يارا : منحكي ..
فاتت يارا .. سكرت الباب و ضلت واقفه شوي عم تفكر تقفلو او لأ ! قررت تتركو .. واول ما تمددت بالتخت .. نامت بعمق ..
تمدد نورس على الكنبايه وكتف ايديه وهو عم يفكر بقصة يارا .. اخد وقت طويل لقدر ينام ..

صحي هو وياها على صوت باب البيت عم يندق ..
قامت وهي عم تركض وتصحيه بصوت واطي
يارا : لك نورس .. نورس قوم .. لك نووووووورس
نورس : شو مين شو شو .. مين شو
يارا حطت ايدها على تمو : لك اهلي واهلك على الباب قوم
نورس : شو ؟ ليش اديه الساعه ؟
يارا : تنتين الضهر .. قوم بسرعه انا فايته البس ضب الصالة وحاول تشغل اهلك ..

تركتو يارا وفاتت بسرعه على غرفتها ..
قام و ضب الغطا و رماه بغرفه تانيه .. غسل وشو وحاول يرتب الصالة و الباب لسه عم يدق ..
حاول يرتب حالو وفتح الباب وهو مبتسم ابتسامة عريضه : اهلين ! .. اهلا وسهلا ..
فاتو امو وامها واختها لجوا وهن عم يلطشو حكي ..
ام نورس : شو ابني ؟ لهلأ نايمين ؟ يعني ايه حقكن تتاخرو بس ما لهل وقت ..
ام يارا : وينا بنتي ؟لتكون بعدا نايمة كمان
نورس بخجل : لا من زمان صاحيه .. يا يارا .. يارا حبيبتي .. يروشه القمر .. وينك حبيبتي ..
طلعت يارا وهي لابسه قميص ابيض حريري .. طويل و كاشف من عند الأكتاف .. و مسرحة شعرها ببساطة وراخيتو على كتفها .. وحاطة مكياج ناعم وساحر ..
كانت مبتسمة ابتسامة عذبة .. وقعت عيون نورس عليها وما قدر يشيلهن .. وهي عم تسلم على الي اجو وهو عم يتفحصها بدقه ويستغل الفرصة .. قربت لعندو و نكزتو بايدها : حبيبي امي عم تحكي معك رد
نورس : اه ؟ انا ؟ شو ؟ اي مرت عمي مزبوط صحيح
ام يارا : شو المزبوط ابني ؟ عم قلك بعد يومين عازمينك انا وعمك عالغدا عندنا
نورس : لك ايه قصدي انو مزبوط لازم نيجي مو هيك يارا ؟
قربها لعندو وهو عم يبتسم .. قربت هي منو وحكيت بصوت واطي من بين اسنانها : ما تلزق فيني هيك
رد نورس بنفس الطريقه : مشان يقتنعو مو اكتر ..
بعد الزيارة القصيرة .. وبعد ما ودعوهن وسكرو الباب ..
قعدت يارا وهي عم تاخود نفس طويل : لك ما ضل إلا يحطو كاميرات ليراقبونا .. شو هاد
نورس : طولي بالك هن بس بدهن يطمنو .. اهلك بيعرفو بمشكلتك واهلي بيعرفو مشكلتي .. لهيك طبيعي ينشغل بالهن
يارا : شو مشكلتك انت صحيح لهلأ ما فهمت ؟
نورس : خلينا ناكول هلأ ميت من الجوع ..
تهرب من الإجابه و يارا ما حبت تضغط عليه .. غافلتو لترجع تلبس بيجامتها الحمرا و البابوج تبعا وكانت رافعه شعرها بالكامل لفوق .. ولما طلعت خابت آمال نورس انو يرجع يتأملها مره تانيه ..
نورس : نمتي منيح امبارح ؟
يارا : ايه ما حسيت على شي .. كنت هلكانه
نورس : انا ما عرفت نام
يارا : ليه ؟
نورس : كنت عم فكر فيكي ..
قصدي انتي و يزن ..
قعدت عالكنباية ورجعت ضهرها لورا

يارا : الغلط كلو كان بسببي .. انا عنيده كتير ... وحب يزن عمى على عيوني وخلاني امشي بطريق ما الو نهاية ..
انت متخيل انو هو رفضني وضليت عم اعشقو سنتين وما بطلت حبو .. كيف بعد ما سمعتا من تمو !! كيف بعد ما حسيت بانفاسو و دفاه !! كان شي مستحيل انو اسمحلو يبعد عني ..

نورس : شو يعني خليتيه يحبك غصب عنو ؟

رفعت راسها وضحكت : لك ايه انا عنجد عملت هيك .. صرت نطلو كل ما يطلع من بيتهن .. وقفلو عالدرج وعلى باب البنايه .. وضل قاعده عند امو و استغل اي لحظة لالحقو وين ما بروح .. بالمطبخ بغرفتو بأي مكان

لوقت ما ..

___________________________________________

يارا : بس بس .. انا هون

رفع راسو و كمل طلعة الدرج لوصل لعندي ..

#تعوويذة_الحب_بقلم_مال_الشام

الجزء التاسع

يارا ( نورس !! .. نزلني لو سمحت .. )

نورس ( رح توقعي .. ماعم تعرفي تمشي بالكعب .. )

يارا بهمس وعيونها عم تراقب المكان حواليهن ( معليه نزلني .. لو سمحت .. )

قربها اكتر .. وتابع مشيو وتجاهل طلباتها ..

استسلمت قدام عنادو .. تعلقت برقبتو بخجل .. جذبتها ريحة عطرو .. قربت بنوع من المشاكسة وشمتو بعمق .. نزلها قدام باب الشقه وفتح الباب ..

نورس ( فوتي )

كانت منزلة راسها وعم تطلع فيه بخجل .. ( شكراً .. )

فاتت قدامو .. ولحقها ..

توجهت عالمطبخ باستعجال وشربت مي ..

نورس ( شبك ؟ .. طول الطريق ما وقفتي حكي ليه ساكته ؟ )

يارا ( اه ؟ لا مو ساكته ؟ .. كتير كتير نعسانه .. )

قرب نورس لعندها وحصرها ما بين الحيط وبينو ..

نورس ( ايه .. مو قلتلك بدي احكيكي بموضوع ؟ )

تسارعت انفاسها .. نظراتو كانت ثابته باتجاها .. والهن معنى واضح ..

يارا ( ايه صح .. بس احزر شو ؟ نعسانه كتير كتير .. يلا تصبح على خير .. )

نزلت من تحت ايدو وتوجهت لغرفتها بسرعه .. وقبل ما تسكر باب الغرفة .. كانت ايد نورس مانعتا ..

يارا ( نورس شبك ؟؟؟ )

نورس ( لك و لا شي بس بدي غير تيابي !! نام هيك مثلاً ؟ )

يارا ( طيب .. تفضل .. )

فات لجوا طلع تيابو .. وبلش يبدلهن .. صرخت يارا هي ومغطيه عيونا ( لك شبك اطلاع لبرا مو هون )

كتم ضحكتو وحك راسو ( اه عفواً .. نسيت ..)

حط كنزتو على ايدو ومرق من جنبها ( ما تواخذيني .. )

_______________________________________

كان نورس قاعد قدام التلفيزون عم يتابع المباراة وعقلو عند يارا جوا ..

وهي قاعده على تختها جوا عم تاكول اظافيرها بتوتر ..

بعد تفكير طويل .. بدلت تيابها وطلعت عملت صحن بوشار كبير .. وقعدت جنب نورس بالصالة ..

نورس ( بدك تحضري المباراة ؟ )

يارا بحماس ( ايه بين مين وبين ؟ )

نورس ( البرازيل و هولندا. ؟؟ )

يارا ( يا عيني مباراة قوية .. هدول الي لونهن اورنج مين ؟ نحنا معهن ولا لأ ؟ )

كان تركيزو على حركة شفايفها .. وخصل شعرها الي فلتو من ربطة الشعر وهربو ليزينو خدودها ..

يارا ( يبعتلن حمى ضربوه .. ضربوووه وين الحكم وين الحكم نورس شووووووووووف ؟؟؟؟؟؟)

مد ايدو على خدها .. ( مو قادر شوف غيرك .. )

يارا بارتباك ( شو قصتك اليوم .. عم حاول حافظ على علاقتنا طبيعية .. لا تنزع الي بيناتنا )

نورس ( طيب ليش ؟ وين المشكلة ؟ .. انتي ما بدك تطلقي .. ليش ما نكون .. )

بعدت عنو بغضب ( انت جنيت ؟ )

حاول يسيطر عليها بين ايديه .. رغم جسمها الصغير والناعم الا انو كانت ضرباتها على صدرو وكتافو موجعه لتتخلص منو .. ورغم هيك ما سمحلها تبعد عنو .. قرب انفو من شعرها واستنشقها بحب ( طيب كيف بتقدري تلوميني وانتي قدامي كل يوم ؟)

كانت عم تلتقط انفاسها بصعوبة .. نزلت من عينها دمعه لما حست انها ما عم تقدر تسيطر على الوضع .. ارتخى جسمها .. وبلشت بنوبة بكي .. ما لاحظها نورس ..

يارا باستسلام ( انا الحق علي .. )

طبع بوسه خفيفه على خدها لما سمع الرجفة بصوتها ..

واطلق حريتها ..

نورس ( الحق مو عليكي .. بعتزر على الي صار .. )

تركها بالبيت لحالها .. لتقدر تفرغ المها براحتها .. وطلع من البيت بدون وجهة او عنوان ..

كل الطرق متشابه وكل العنواين متل بعض ..

___________________________________________________

نورس : وداد ... ازا ما بتتنازلي عن القضية انا رح احكي للكل كل شي .. سدئيني ..

وداد بثقة : ايه روح احكي ، مين مانعك ؟ لو بدك تحكي كان حكيت بالمره الأولى .. والتانيه .. هلأ ما رح تحكي بالتالته

نورس : ما كنت احكي .. بس لما يوصل الموضوع لاولادي !! .. لما تشهري فيني بالشرطى وبالمحاكم اني بعاملك بشكل حيواني وبدون رحمة .. انتي عم تضطريني احكي
لك انتي مو خايفه ؟ عالأقل كرمال ابوكي ..

وقفت وداد وكتفت ايديها بثقة : والله يا استاز نورس انا ما عندي شي خاف منو .. وانت ما عندك اي دليل .. رغم شهاداتك وخبرتك بالحياة الا انك لسه مبتدء بالعلاقات
اول دليل وقع بين ايدي ما وفرتو لاطلع من السجن والتخلف تبعك .. لازم تعرف كيف تشتغل ..

شد على ايدو بتوتر وضغط على اسنانو ..

نورس : انا ما بدي منك شي .. طلاق وطلقتك .. وحقوقك بتوصلك كامله رغم انك ما بتستاهلي شي .. و وساختك ما حدا عرف فيها .. شو بدك بعد مني ؟
انا بس بدي اولادي .. ؟

ابتسمت ابتسامة خبيثة ( حلم ابليس بالجنة .. رد ردلك كل كف عشرة بس بدون ضرب .. والقى ازا بتلقى يا نورس .. )

___________________________________________

وقف سيارتو بشكل مفاجئ بالطريق .. حط راسو عالدركسيون ( مقود السيارة ) .. : لك انت غبي .. انت غبي .. رجعت سلمت رقبتك لحوا مره تانيه .. ولك اصحى يا نوررررررررررررس اصحى !!

****

فتحت يارا خزانتها .. وطلعت الكرة البلورية الي اهداها ياها يزن ..

قعدت عالتخت ومسحت دموعها .. هزت الكرة وبلشت تتفرج عل

#تعوويذة_الحب_بقلم_مال_الشام

الجزء العاشر

من الساعه 6 الصبح نورس عم يتقلب من جهة للتانيه .. وكل شوي ياخود نظرة عالساعه ويتأفف لان الوقت ما عم يمشي ..
قام من مكانو وفتح الشباك ... تطلع على غرفة يارا وصار يفكر ( صحيها او لأ !! .. )

ابتسم ابتسامة آخيرة وقرر ( خليها نايمة ، عندنا نهار طويل بالمحكمة .. )

فات اخد دش .. حلق دقنو ...فتح جوالو وقلب بين صفحات الفيس .. كل محاولاتو لتضيع الوقت خلتو يتجاوز ساعتين ..

قرر يجهز فطور ويصحي يارا مشان يكونو بالمحكمة على بكير ..

نزل من البيت .. جاب فول و فلافل وخبز ورجع هو وعم يدندن ويغني ..

جهز صينية الأكل وحطها على طاولة المطبخ ..

متل الطفل الصغير الي ناطر ياخود عيدتو بنهار العيد !! .. كان حاسس حالو طفل بكل معنى الكلمة .. عم يتصرف بغرابه ..

وقف قدام باب غرفة يارا ودق الباب مرتين بلطف ..

نورس ( يارا ؟ ما بدك تقومي ؟ موعدنا عال10 قومي عملتلك فطور بتفطري وبتجهزي حالك ؟ )

ما اجاه جواب .. قرب ادنو وحطها عالباب ورجع دق الباب ( يعني ما بدك تصحي ؟ .. رح فوت مو تزعلي مني هلأ !! .. واحد .. تنين .. تلاته .. )

فتح باب الغرفة هو و عم يضحك ( صايرة دبة نــــــو ... )

وقف كلامو والتفت حواليه باستغراب .. ( يارا ؟ .. )

مشي بالغرفة باستغراب ..

توجه للحمام الخاص بالغرفة ودق عليه اكتر من مره وفتحو .. ما في حدا ..

قعد عالتخت هو وعم يحاول ما يفكر شي .. ما بدو يتوقع شي .. اكيد في غلط ..

سحب جوالو واتصل على رقم يارا ..

(( إن الرقم الذي تحاول الإتصال به مغلق ، يرجى المحاولة في وقت لاحق .. ))

ترك الجوال من ايدو وطلع من الغرفة ..

مسح وشو بتوتر .. وضل يروح ويجي هو وعم يراقب الساعة ..

8:30 .. ( اكيد صاير معها شي .. في شي .. اكيد رح تجي .. )

9:00 ( وينها .. شو صار... وينهاااااااااااا... )

9:30 .. رن جوالو ..

ركض عليه متل المجنون ورد ..

( ولك ويننننننننننك انتي وينك شو صاير معك ؟ فيكي شي ؟ تاخرنا على الــمــ ـ ـ ـ )

المحامي : سيد نورس وينك ؟ انت موجود بالمحكمة ؟

بلش يمسح عرقو وعينو تراقب عقارب الساعه ..

انفاسو تباطئت وتمو ناشف كتير حاول يرد بصعوبة .. ( اهلين .. انا .. ثواني وبكون عندك .. رح اوصل .. )

سكر الخط .. غمض عيونو بقوة وصار يسمع نبضات قلبو وهو حاسسهن نبضاتو الأخيرة .. بلشت توضح الصورة قدامو ..

رجع فات على غرفتها .. مسح بايدو على التخت وهمس ( معقول لاقيكي هناك ؟ يمكن تكوني بالمحكمة ؟ مستحيل تتخلي عني .. انا ما عملتلك شي لتتخلي عني !! .. )

_________________________________________________________

كانت يارا بعدها قاعده هي وعم تبكي .. وامها قاعده جنبها وعم تحاول تفهم منها ..

ام يارا : ولك يا بنتي مشان الله ردي علي .. جيتيني امبارح بالليل الساعه 12 .. بالزور لقدرت هدي ابوكي عنك .. وليكو قاعد بكرا وناطر يفهم شو صاير ردي علي مشان الله ..

يارا هي وعم تبكي : يامو ببوس ايدك .. ببوس ايدك تتركيني بحالي اتركييييييني بحاااااااااالي

ام يارا : ولك كيف بدي اتركك ؟ وابوكي شو بدي قلووووووووو ؟

يارا : ما تخافي ما تخافي مو راجعه اقعد بوشكن .. تخانقت مع جوزي وراجعه لعندو ..

سرقت نظرة سريعه للساعه .. وتابعت .. : عالعشرة رح ارجع لعند جوزي بس تناقرت انا وياه وخلص ما في شي

ام يارا بارتياح : يعني راجعه على بيتك ؟

يارا : اي اي رااااااجعه ..

ام يارا : ايه الحمدلله الله يكملك بعقلك .. طالعه طمن ابوكي ..

قامت ام يارا باستعجال وتركتها لحالها بالغرفة ..

وقفت يارا عند الشباك وطقطقت اصابعها بتوتر .. ( ياربي دخيلك .. يارب يكون الي عملتو صح يارب .. الله يستر .. كيف بتكون حالة نورس هلأ !! شو رح يصير بالمحكمة !!1 )

____________________________________________________

طول الطريق كانت الأفكار عم تتشوش براسو .. عم يحاول يتزكر شو صار .. معقول زعلها بشي بدون قصد ؟ ..
تجاوز الإشارة مرتين .. وقفو شرطي السيرة واعطاه مخالفة ..
وصل عالمحكمة الساعه عشرة الا ربع .. نزل يركض من السيارة وصار يلتفت حواليه ..
اول ما شافو المحامي اجا لعندو باستعجال

المحامي : وينك لهلأ ؟ امبارح كان نفسك تجي تنام قدام المحكمة .. ليش متأخر ؟

تجاهل نورس حكيو وكان يتلفت حواليه ويدور بعيونو على يارا بكل مكان وكل زاوية ..

المحامي : وين مرتك ؟ليش ما اجت معك ؟

نورس هو وعم يدور : ما بعرف وينها .. صحيت وما لقيتها !!

المحامي : كيف ؟

تطلع فيه نورس بتوتر : متل ما سمعت

___________________________________________-

45 دقيقة ..

بس 45 ... لا اكتر ولا اقل .. كانت كفيلة انو تدمر كل احلام نورس للمرة الألف .. وتنزلو من سابع سما .. لسابع أرض ..

ترك سيارتو عند المحكمة .. و وصلو المحامي لعند بيتو .. طبطب على كتفو بحزن ( ممكن نرجع نحاول بعدين .. ما تيأس .. رح يجي يوم وتجتمع باولادك .. )

ابتسم نور