كتو مافي شي متغير

ضلينا بالبيت حوالي ساعتين وانا قاعدة على تخت اهلى وماعم احكي شي وكان تيم يحاكيني ومارد عليه بعدين قمت وقلتلو
تالا_تيم خلينا نمشي
رحنا عالفندق أرتحنا والمسا رحنا على مخفر الشرطه
تالا_مرحبا حضرة المحقق انا تالا بنت المحامي يلي أنقتل من عشر سنين هي هويتي
المحقق_ أهلا وسهلا شو بقدر ساعدك
تالا_بدي ملف مقتل بابا
المحقق عطاني هو بس ماكان فيو شي مهم حسيت حالي ضعيفه وشكلي مارح اخود حق بابا
رجعنا عالفندق وانا يأسانه

تيم_تالا شبك لسا اليوم أول يوم وضعفتي واذا يعني التقرير ماكان فيو شي مهم
أكيد رح نلاقي شي يساعدنا
بعدا تركني تيم وراح على غرفتو وانا ضليت عم فكر شو قصدو بابا بالرساله وليش كان خايف علينا شو القصه .........

تاني نهار الصبح
تيم_دق دق دق انسه تالا ممكن فوت
تالا ليش ماعم تردي
نزل تيم عالأستقبال
تيم_لو سمحتي ممكن سؤال البنت يلي بغرفه 304 راحت شي

الموظفه_اي طلعت الصبح بكير
تيم_ (بينو وبين حالو ) لك هل بنت بدا تجنني وين بدا تكون راحت الله واكبر

اييييي اي اكيد راحت على بيتهن

انا ب وقتا كنت بالبيت عم دور على اي شي يساعدني دورت بين كتب بابا واغراضو الشخصيه وبعدين لقيت شي ممكن يساعدني لقيت دفتر مذكرات بابا
بابا كان كل شي يصير معو يكتبو بالتفصيل ب دفترو

قعدت وبلشت أقرا الدفتر
تيم_ليش الباب مفتوح تالا انتي هون
بس انا كنت عم اقرا الدفتر ومو فاضيه رد عليه
صار يدور علي فات على غرفة ابي وامي تالا انتي هون وانا عم دور عليكي
وانا ماكنت رد ب كلمه قعد حدي وصار يطلع فيني بعد نص ساعه

لك شو هدا مو معقول
نحنا لقينا راس الخيط لك شوف تيم شوف
تيم_شوفي
تالا_مسوك اقرا هون
تيم_هاتي لشوف
كان مكتوب
اليوم بتاريخ
19/2/2006
اليوم لما كنت ب مكتبي اجا لعندي اخوه للمجرم يلي موكلي رافع عليه دعوه وحاول يرشيني كرمال خلي اخوه يربح القضيه ويطلع هل مجرم من السجن طبعاً انا رفضت مابخون ثقة موكلي ولا شغلي ولا بشوه سمعتي ومابكسر اليامين يلي حلفتو لما تخرجت

ورفضت هي الرشوه وقلعتو لبره وصار بينااتنا جدال كتير كبير وعليت اصواتنا وبل اخر هددني اذا بينحكم اخوه رح يقتلني ويلحقني فيه
أنا ماخفت من تهديدو ولا رديت عليه وقلعتو من غرفتي
تالا_قلوب على تاريخ
22/3
تيم_ماشي
بهدا تاريخ كان مكتوب
اليوم انا ربحت القضيه والمجرم ب مكانو الصح ولما طلعنا من قاعة المحكمه اجا اخوه للمجرم وقلي
بنصحك تبلش تعد ايامك .. لك مابكون زلمه اذا بخليك عايش

انا ماخفت منو خفت على عيلتي
ولما رجعت عالبيت كتبت رساله لرفيقي سامي وأمنتو على عيلتي

تالا_تيم تيم معناها اخوه هو القاتل اكيد اخوه للمجرم هو سبب
شوف بابا نقتل بعد هدا التاريخ ب 3 تيام
تيم_خلينا نروح عالشرطه ونسأل عليه
رحنا انا وتيم بسرعه عالمخفر
وسألنا الضابط عن المجرم يلي بابا كاتب عنو وكسب القضية تبعو بس للأسف مات قبل شهر طلبنا نرجع نفتح القضيه وطلبنا عنوان اخوه للمجرم

دورنا كتير ومالقينا حدا انا جنيت ومابقى اتحمل وضعفت كتير
ضلينا 10 تيام عم ندور عالفاضي
كنا انا وتيم بالفندق

تالا_تيم انا فقدت الامل خلص شكلنا مارح نقدر نوصل للقاتل ياالله شوساوي
تيم_اهدي لا تبكي مو بعد ماوصلنا لهون تضعفي وتستسلمي روقي
تالا_بس ياتيم
وقبل ماكمل كلامي رن موبايل تيم تيم_هدا الضابط
تالا_شو رد بسرعه شوفو بلكي عرف شي
تيم_ماشي
الضابط_الو تيم
تيم_اي حضرة الضابط طمني عرفتو شي
الضابط_اي قدرنا نحدد مكانو وهلق العناصر راحو يجيبوه اذا بتحبو فيكن تجو
تيم_اي رح نجي
وسكر الخط
تالا_شو تيم طمني
تيم_مبروك مسكو المجرم ولبين مانحنا نوصل عالقسم بكون هو وصل
انا الدنيا ماعادت وسعتني من الفرحه
طلعنا بسرعه اخدنا تكسي ورحنا عالقسم

وصلنا ووصل المجرم بعدنا بدقائق وبعد التحقيق اعترف انو هو يلي قتل بابا...

بابا مات بس كرمال يحافظ على سمعتو وعلى شرف مهنتو مات نزيه كان عندو الموت اهون مايقولو عليه مرتشي وكذاب وخان شغلو كرمال المصاري
بعد ماحلينا هي القضيه رجعنا على لندن وكانت الفرحه كتير كبيره اني شفت عمو ومرتو ونور يلي هني عيلتي تانيه
عمو سامي_مبروك يابنتي هي ربحتي اول قضيه حتى قبل ماتتخرجي وانا بشكر الله اني خليتك تروحي وسامحيني لانو منعتك

تالا_عادي عمو خلص انسا الموضوع المهم حلينا هل قضيه والمجرم تعاقب
وبعد كم سنه تخرجة واخدت شهادة الحقوق وكان عمو محضرلي حفله كتير كبيره بالبيت كان اسعد يوم بحياتي

بس ماكان ناقصني وقتا غير وجود اهلي معي يلي مافارقوني ولا لحظة بكل سنين حياتي...
الله يرحمهم

#تــــــــــــمــــــــــــت 😐

لتهمة ضرب نار عأجريه عشان يحكي للشرطة انه دافع عن نفسه.. بس ماكان عارف انه رح ينشل ويصير متل ابنه المعاق.. الشرطة عرفت ونسجن زوجي وطلع بعد 3 سنين.. وهوه بالسجن قررت انتقم من كنان لأني كنت بشوف صورة زوجي إسماعيل فيه.. وقررت أحرق البيت وحبيبته معه.. أجت ياسمين على البيت ودخلت عنده عالبرنده وأنا رحت سكرت باب الغرفة عليهم وهمه ضلوا بالبرنده وبعد ما رميت الكاز بكل مكان بالغرفه وحرقتها وطلعت.. كنان ما كان إله ذنب بس ذنبه انه ابن ابوه.. ولا ياسمين الها ذنب.. نحرق البيت فيها والباب مسكر لهيك ماعرفت تطلع.. وكنان حاول يستنجد بالناس بعد ماكانت ياسمين بتحاول تطلع من الغرفة وتنقذ كنان بس علقت جوا.. وكنان وقع من البرنده وهوه عم بتسنجد بالناس.. ولما طلعوا ياسمين كان لسه فيها الروح بس ماتت بالشارع قبل لتيجي سيارة الأسعاف.. وبس سألوني الشرطة وين كنتي قلت أنا مابعرف شي.. كنت طالعه وشكلهم كانوا مبسوطين بالغرفه عشان هيك مسكرين الباب.. اتهمت البنت بشرفها وسودت وجه اهلها بين الناس وكنان مات.. وأنا صفيت بالبيت لحالي لحد ماطلع زوجي من السجن.. حبسته سنتين بهالبيت وكل اسبوع كنت بروح عنده.. ولما شفت ابو سفيان جاي ومفكر انه بنته بتعرف شب من بيتنا.. فكرت وقلت هاد الزلمة سكن جديد هون وشكله مابعرفني ولا يعرف حدا ولا بعرف اللي صار.. وهوه شخص ممكن ابرّد قلبي بنار الخيانه اللي ولعها زوجي وصديقتي فيني.. واخون زوجي معه.. وخصوصاً اني بعدني على ذمته.. وبالفعل صار هيك.. انا ضحية صدقوني.. وا

للي عملته هاد السبب فيه..
تيم كان طول الوقت ببكي على ياسمين وأنا فهمت كل شي.. عرفت وقتها انه كنان اختارني لإلي بعد تيم حتى أنقذ أبوه قبل ما يضيع وينحرق ويموت متله.. كانت روحه بس بدها هالشي.. عرفت انه ياسمين كانت عم تساعدني لأوصل الشقة من خلاله.. لأنه روحها لسه بتحب كنان وموجودة بالمكان اللي طلعت منه.. طلع تيم من الشقة وهوه ببكي وإبتسام قالت أنا جاهزة لأي شي بدكم تعملوه فيه وطلعت من الشقة.. بابا كان متدمر على اللي عمله وطلع هوه كمان.. بقيت أنا وأبو كنان لحالنا بالشقة.. اتطلعت فيه وحكيتله.. كنان بسلّم عليك.. قلي كيف؟ انتي بتعرفيه.. حكيتله لا تسأل شي.. تعال معي.. اخدت عربايته وطلعت فيه من الشقة وجبته على بيتنا.. وقلت لماما هاد هوه اللغز وخلص حليته.. أبو كنان.. ماما اهتمت فيه وعملتله أكل.. وبعد ما أكل وارتاح وديته على البرنده اتطلع على شقة كنان وصار يبكي.. حكيتله حنيت للمكان ولريحته؟ وبهاللحظة اخدته على بيته.. كانت إبتسام مش موجودة بالشقة.. وبعد ساعات عرفنا انها سلمت حالها للشرطة.. صرت كل يوم أزوره وأنظفله الشقة واهتم فيه كأنه أب جديد عرفته بحياتي.. وعوضني عن حنان الأب اللي نحرمت منه.. كان حنون معي وقدّر كل شي عملتله ياه.. من هاد اليوم بطلت أشوف كنان.. صرت أشوف أبوه بداله بالبرنده عم يتطلع ويبتسملي كل نهار وأنا مبسوطه وكل مايبدا نهاري أتصبح فيه.. بعد أسبوع أجا تيم طلبني من ماما.. وخطبني وقلي أنا مبسوط اني عرفتك.. وماكنت متوقع انك إنسانة نبيله لهالدرجة.. ضحيتي وكسرتي خوفك عشان تساعدي شخص ما حد بشوفه إلا إنتي.. مجرد خيال وروح ما الها وجود.. ومع هيك وقفتي معاه وحققتيله اللي بده ياه منك.. أنا بحبك .. قلتله الأهم من كلمة بحبك.. هيه أنا بوثق فيك.. اهم شي تضلك بتوثق فيني ومايجي يوم وتخوني فيه.. لأنه الخيانة صعبه كتير.. وبعد ماخطبت شافلنا تيم بيت بعيد عن الحاره ومشاكلها الكتيرة.. وقبل يومين من يوم عرسي كنت أنا وماما على البرنده بنشرب الشاي وكان قبالنا أبو كنان.. حكيت لماما.. لو بيوم بابا خانك ممكن تسامحيه؟ حكتلي.. الخيانة بتوجع بس مش كل مره ممكن تعمل اللي عملته إبتسام بزوجها وإبنه.. لهيك لو أبوكي خانني أنا رح أسامحه لأني بحبه برغم كل شي سيء فيه.. رن الجرس بهاللحظة رحت أفتح.. كان بابا على الباب.. قلي أشتقتلكم وماقدرت ما اجي اهنيكي قبل يوم عرسك.. دخل عند ماما على البرنده وقلي أتركينا لحالنا.. وبعد ماطلع عرفت انه اعترف لماما بكل شي وطلب منها تسامحه.. ماما كانت صادقه بكلامها معي وما كان مجرد حكي وبالفعل.. سامحته ....

#تــــــــــــمــــــــــــت
هدف القصة #الخيانة شعور صعب ومؤلم ما بحسه إلا اللي عاشه.. وممكن يوصل الشخص للقتل والإنتقام بداعي الإنتصار على الشخص الخائن.. بس الإنتصار الأكبر عليه برأيي بكون مش بالإنتقام.. لأنه الإنتقام صفة من صفات الضعفاء .. الإنتصار بكون بالتسامح والغفران.. والتسامح صفة من صفات الأقوياء.. إذا بنقدر نغفر ونسامح عالخيانة ممكن نكون بنخلق بداية جديدة لأنسان ممكن تكون غيرته هالغلطة الكبيرة ونفتح صفحة جديدة بحياتنا.. إذا مابنقدر ممكن نترك هالشخص يندم على غلطته ونحاول ننسى اللي صار بعيد عنه.. بس قد ما كانت هالغلطة كبيرة وصعبة.. مارح تكون أصعب وأكبر من أنه ننهي حياة شخص وننتقم من غيرنا بداعي الأنتقام عالخيانة...

#ⴅმძ3Һค