#حفيدة_ليلى
@rwayatw
الجزء الاول.

#همس :- انا بنام اذا بدك بالصالة ..

#حسام :-نامي وين مابتحبي .

#همس :-حسام انت ليش عم تعمل معي هيك..

#حسام :-سبق وخبرتك انا قبلت اتزوجك كرمال امي وامك ، لانك مابتناسبيني لا شكلا ولا علما ولا حتى مستوى ..بعرف رح تقولي والله كنت بدي ارفض واني مابعيش مع حد مابدو اياني ، هاد الحكي مابفوت راسي على العموم انا مارح غادر غرفتي في الصالة عندك نامي فيها هاي الليلة لعند ما انقل مكتبي من الغرفة التانية وبحط لالك اغراض اذا بدك تاخدي شي من الغرفة خديه من هلاء راسي عم يوجعني من ضجة العرس ..

همس :- الله يسامحك والله مالي ذنب بكل يلي صار معك..

#حسام :-تعبان اتركيني ارتاح..

همس :-حاضر رح روح..

حسام :-سكري الباب معك..

همس :-حاضر..

حسام :-ياربي شو هالمصيبة هاي ..وانتي التانية يالا ردي عليه خلصي ..الوو سمر..

سمر :-ليش ارجعت تتصل فيني مو انت خنتني ورحت اتزوجت بعد عن حياتي حسام لاعاد تتصل فيني..

حسام :- وحياة عيونك غصب عني والله مالمستها ، ولا رح المسها ولارح قرب عليها وهي بغرفة وانا بغرفة ..انطري عليه رح طلقها واعمل حجة انو فيها علة او لفق لالها شي مصيبة تحل عني وانا والله بحبك لالك سمر حتى شوفي شوفي افتحي كاميرا مانها عندي وهاي الغرفة لالك وماحد رح ينام فيها..

سمر :- اي سدقتك كتير هالقصص مابتمر عليه ، انت كذبت عليه

حسام :-مابكذب عليكي انا مابتخلى عنك سدقيني لابتصل علمك ولا جمالك ولا جاذبيتك ومحبتي لالك .

سمر :- اي بدي اجي شوفها وببيتك..

حسام :-ماعندي مشكلة انا موافق..

سمر :-شو رح تقول لالها شو أنا..

حسام :-رح قول حبيبتي وعمري يلي اخدتي مكانها وبيوم رح ترجع تاخدو وتحتل عرشوا..

سمر :- اي وشو ردت فعلها..

حسام :-مارح تقدر تتنفس بحرف اساسا امي وافقت اتزوجي اياها كرمال ابوها يستفيد شوية مصاري وضعهن تعبان وحياتهن خراب..

سمر :-مابخصني حسام..بدي اضل تحكي معي قدامها وهي تعرف انك حبيبي وماتقرب منها وحكي ماتحكي معها..

حسام :-من غير ماتقولي لالي ..

دق دق دق..

همس :-حسام فيني افوت ..

حسام :- شو اعمل فيها هاي لحظة حبيبتي ..خليكي على التلفون....شو شو بدك مو قلتلك خدي يلي بدك اياه ولا عاد تجي تزعجيني..

همس :-حقك عليه نسيت اخد مصحفي بدي اقرا جزئية اليوم ..

حسام :-خلصيني خدي كل اغراضي ولاعاد تقربي على الغرفة وهاد اخر انذار لالك..

همس :- حاضر والله حاضر...ليكو بالرف اعطيني اياه ماعاد فيني ارجع فوت لهون..

حسام :-اي بكون احسن..

......

((همس أنا يلي قاعدة بهاي الغرفة بين شوي كراكيب واجهزة مفصلة ومكتب وفرشة جنب الشباك..وشوية شنت كان المفروض ينقال عنهن جهازي..علب مكياج بعدهن بالتكت وتياب النمر معلقة عليهن وشوية فساتين كانت احلامي معلقة فيهن وفستان فرح ابيض معلق ارتسم فيه اول يوم تعب بحياتي ..مرقت 23سنة وانا عند اهلي بحياتي ماشعرت اني هم على القلب عندهن ..متل ما انا هم على قلبو لحسام .نحنا عشنا ببيت بسيط بين 6 أخوات مافي لالي اخ.. وسندي بالحياة هو ابي المسكين يلي الزمن جار عليها وضحى بصحتو والهم اكل شبابو وشاب قلبو من الظروف يلي مر فيها كرمال يحقق لبناتو لقمة العيش..انا عشت طفولتي بخجل من تيابي المرمطين والمرقعين ومن شنتايتي يلي عبارة عن قطعة قماش مربوطة بحبل لاحسن احملها على كتفي وبعض الدفاتر يلي كنت احصل عليها من مؤسسات خيرية ..حياة الفقر ما اعطتني القدرة لاتفوق مثل رفيقاتي بالمدرسة ، يمكن لان اغلب اللوازم المدرسية وعلبة الالوان كانت بالنسبة لالي حلم ..احيانا مريول المدرسة الكحلي امي تعطيني فانيلا ابي المشابهة لالها كرمال مشي حالي..اي حياة صعبة عشتها بين خواتي الكبار والصغار ..اربيت وانا راضية بحياتنا وشاكرة الله لانو حياتي احسن من غيري ..يلي كان متعبني ودائما اسال حالي ليش صعب نزور قرايبنا واذا قررنا نزور حد فيهن لازم نعمل المستحيل لتحسن امي تشتري قطعة تياب لاختي الكبيرة او الاصغر كنت دائما اشوفهن عم يبكو بعد رجعتهن من كل مشوار ..يا اما سمعو كم كلمة قاسية من القرايب يا اما اوجعهن وضع عيشتنا...مرقت الايام ومرقت السنين وكان لالي تيته منسية لا اخوال ولا خالات ولا أي قريب مهتم فيها وكانت عايشة وحيدة بمكان اشبه بقرية هي الشخص الوحيد يلي كانت تساند امي..ولهيك بقينا انرد الدين لالها بمكبرها بإهتمامنا فيها..انا عن نفسي بنت بسيطة الجمال عادية ملامحي ناعمة وبشرتي برونزية ماعندي مقومات الجمال الجذابة .

#امي :- هاي بنتي همس الوسط..

#تيته :-ماشاء الله كبرانة وحليانة دخيلك يا سعاد اتركيها عندي اتونس فيها..

#امي :-اي ماشي هي مابتروح مدرسة خلص بتركها تجي لعندك دايما.

#تيته :-اسمعتي قال اختك ام حسام صارت كل يومين اتزورني مابعرف ليش..

#امي :-اختي سماهر..شو بدها..

#تيته :-عم تسألني دايما عن قطع الذهب يلي بإيدي..

امي :-اي وشو بدها فيهن..

تيته :- مابعرف

يا امي الله يهديها

الجزء الاخير ..
@rwayate
#امي : فرح مابدك اتسامحيه يا امي لعدي خلص امي حاجتو يضل يجي يتوسل لالك خطيبتو وتركها مشانك

#فرح : مابهمني امي اتركيني لحالي

#تيته : تيته شيماء بنت عمك اجت

#شيماء: اشتقتلك يازعر

#فرح : وانا شيمو اشتقتلك شو صار معك بالشغل

#شيماء: لك هاد اول راتب وقلت مر جبلك هديتك لك انتي احلى صديقة بالكون

#فرح : ياعمري يا شيماء شو رايك بخالي منير

#شيماء : مالو منيح كتير ووسيم بس ليش بتسالي

#فرح : حكتلو عنك وهو طلبك بصراحة

#شيماء : لك ياذيبة بدك اتزوجيني

#فرح : ههه بدي جيبك لعندي ماحسناني ابقي لحالي واجهو لهاد عدي

#شيماء: حرام عليكي ليني قلبك عليه جيت لقيتو واقف عند الباب ههههه

#فرح : خليه يستاهل ماحد قلو يخوني

#تيته : ياتيته والله مو بيدو امو الله يسامحها هي خطبتلو كل يوم كانت توجعو وتقلوا اتجوزت فرح ,, ورح يصير عندها اولاد هلاء ,,,وجعتو وصارت بدها تغضب عليه الله يخليكي ياستو سامحيه

#فرح : شو رايك يا شيمو سامحو

#شيماء: اي سامحيه خلص والله انا قلبي واجعني عليه

#فرح : هو بقيان برا

#شيماء : اي هلاء شفتو

#فرح : طيب هلاء بشوفوا

؟؟؟؟
#فرح: احم احم نحنو هناااا اا

#عدي: اهلين شو اعملك

#فرح : ارقصلي

#عدي: به به مانك حاسة على حالك قديشك سئيلة

#فرح : انا سئيلة ماشي الحق عليه جاي قلك شي

#عدي : شو بدك تقولي ياذيبة

#فرح : حتى انت بتقلي ذيبة بطلت احكي يالا باي

#عدي : براحتك

#فرح : اي براحتي طيب انت
ليش قاعد هوون

#عدي : بستنا بحبيبتي تطلع مشان شوفها

#فرح : اي ماشي من تطلع قلي

#عدي: تعي لهون انتي مابتجي الا بالقوة

#فرح : هههه بحبك

#عدي : شو ما اسمعت عيديها

#فرح : مابحب عيد كلامي

#عدي : والله انا بحبك والله يافرح بحبك والله تشهد عليه كل مخلوقات الخالق اني بحبك دخيل الله والله اموت وارجع اسمعها عيديها تاني

#فرح : بحبك ممكن تقبل الزواج مني

#عدي : هههههههه شو اقبل الزواج منك ... شو هاي جلدة غاز عاملتيها خاتم

#فرح : مانها عاجبتك

#تيته : ياولاد والله انجن قلبي وين راحت جلدة الغاز بدي ركب اسطوانه الغاز بدي اطبخ لجدكن قبل ليجي

#فرح : هيها تيته بايد جوزي

#تيته : هههه جوزك ياربي منك ياذيبة ..

#فرح : سمع هوووووووس بدي اختم القصة لوسمحتو فيكو تسكتو

#عدي: لا فرح انا بدي اختما

#تيته : لا انت ولا هي مابتحترمو وجود الكبار انا بدي اختمها اسمعو يا اعضاء خطوبة ابني منير على شيماء الاسبوع الجاي وخطوبة عدي وفرح الشهر الجاي

#عدي : ليش ليش ياتيته اجلتيها شهر

#تيته : اي حط بتمك ملبسة بدي احكي لا تقاطعني بضيع افكاري ولك شو هالاحفاد هادول اسمعو وين كنت نسيتوني اي اي اتذكرت كنا عند عرس عدي بقولو بالحنة بياخدو نقارش وحنة وسكر ورز لدار العروس شو رايكن

#عدي : تيته ليش هادول

#تيته : لك اعطوني الشحاطة اطسو فيها لهاد مو لالك يا ابن السطل هادولي لاهلها لشيماء انت وفرح على طول بتطلع فوق لا حنه ولا كيلو رز ناقصنا مصاريف ..

#عدي : هههه خير ماعملتي تيته .. بدي بسرعة مابدي زيطة وليطة بدي اخد عروستي لفووق بخاف تنحسد

#فرح : لك نزلني نزلني

#تيته : لك يا مصخم مو هلاء ليش اخدها هلاء لسه بعد شهر لا تستعجل .. وانتو قومو حاج الرجال جاي من شغلها قومن جهزن الاكل لجوازكن نسوان بس تحب تفسفس

#انتهت

عروس من شكلها ,,, سامعتها انا وهي بتسلم وتضحك مع هيثم ولا امو لهيثم اللي كانت عم ادلل ميسون حسرة بقلبي اااخ كلو منك ياتيته .
#تيته : سوزان ياسوزان تعي ياتيته ..سلمي على ابن عمك...

#سوزان : والله لو على قبري ماطالعة هيك انتي السبب شو صار لو خلتيني اروح والبس..

#تيته : يووه يوووه ليش بتبكي ياتيته...

#سوزان : شفتي ميسون شلون طالعة ما نا قلتلك بحبو لهيثم ليش ماخلتيني اروح اغير تيابي وهلاء جاي تقولي لالي اطلعي سلمي على ابن عمك ماني طالعة قليلو بتقلك الحمد لله على سلامتك او بكرة بقلو ..

#تيته : هيك لكان ماشي تصطفلي ..

(بعد ماراحت تيته مافي ثواني الا راجعة...

#تيته : تعا ياهيثم ياتيته ليكها بالمطبخ قاعدة ....
.
#سوزان : مانها هووون ياتيته صوتها طالع عم تتصهون وتتمايع باالصالون ليش لتجيبي هيثم لهوون...

(وانا من شفت هيثم من خيال شباك المطبخ جاي لعندي ماعرفت وين اتخبا الا ورا فرن الغاز يامصيبي على هالحرجة ..

#هيثم : احم احم نحن هنا شو ماحابة تسلمي علينااا...

#ⴅმძ3Һค

الجزء الثالث

#هيثم : احم احم شو يابنت عمي مانك حابة تسلمي على اللي جايين من السفر..

#سوزان : برضيك يا ابن عمي تشوف حالي هيك اللي يخليك روح من اتحمم واغير تيابي بسلم عليك...

#ميسون : شو حاطك ورا الفرن شو عم تصلحي اسطوانة الفرن هههههه تعا هيثم نقعد نحكي وتقلي شو صار معك بسفرك...

#هيثم : شو هاد اللي جنب الفرن صرصوور اعطوني الشحاطة اضربو قبل ليوقع فوقك يا سوزان..

#سوزان : صرصوور هو وقتو هاد وواااااع؟؟

#ميسون : هههههه شو هالمنظر كلك شحااار هههههههه ياويلي استني صورك...

#هيثم : ههههه هههه مش قادر اتحمل ضحك...

#سوزان : انا ماني مسخرتكن انتو الجوز بعدو هيك انا الحق عليه اني جيت اعمل مع تيته مشان استقبالك...

#تيته : العما طرئك ميسون ليش بتضحكي تعي تيته تعي خلص لاتبكي الحق عليه انا والله....

#سوزان : انا رايحة لفوق تعباني بدي اتحمم وانام...

(اطلعت لبيتنا وانا سامعة ضحكتهن من الدرج وانا ببكي من قهري على اللي صار تعبت مشان ميسون تنبسط ووتتهنى بهيثم ..اتمنيت تنشق الارض وتبلعني اتحممت والبست بجامتي ودخلت غرفتي لانام ماسمعت الا صوت اعمامي وتيته وامي ومرت عمي ام هيثم وكمان هيثم دخلو بيتنا وانا من سمعت صوت هيثم غطيت راسي بالحرام ..

#امي : امي انتي نمتي قومي بيك بدو اياكي ..

#سوزان : قليلن امي نايمة مابدي اطلع قابلهن...

#امي : قومي بدو اياكي ضروري لا تعصبيني....

( قومت ورحت لعند ابي ماهمني البس تياب حلوة اساسا انفضحت وانا باسوء حالاتي .. دخلت وقعدت وهيثم مارفع عيونوا عني وهو مبتسم....

#ابي : انا ماعندي اعتراض انا موافق مارح لاقي احسن من ابن اخي هيثم ..

#تيته : اي ولو هو في احسن كمان من الشاطرة سوزانتي .. حبيبة تيته هاي ..

#سوزان : شووو ماني فاهمي شي

#هيثم : يعني ياعمي نقرا الفاتحة قبل لارجع ايطاليا ولا شوو ولا بدكن روح اخطب ايطالية

#سوزان : وميسون

#تيته : هيثم اختارك انتي تيته بدو بنت فهماني ومأدبة وشاطرة بتسمع الكلام...

#سوزان : فهميني امي..

#امي : يعني يا امي نصيبك ورا الشمس ....

#حماتي : شو يعني ورا الشمس ام سوزان ماعجبك كون حماية لبنتك ولا خايفة مني..

#امي : انا ماقلت هيك ام هيثم شو قصتك بلشنا..

#تيته : شو يا كناين ارجعنا من تاني لا انتي ولا هي لالكن في احفادي بلشو اقروا الفاتحة البنت موافقة...

#امي : حماتي شلون عرفتي موافقة يعني لازم نسالها يمكن ..

#تيته : مايمكن ولا غيروا مين اللي اجا لعندي وقلي بحبو ياتيته..

#سوزان : واااع تيته خلص خلص...

#تيته : ههههه ماشي اقروا الفاتحة الف مبروك..ز

( انا من تيته قالت الحكي هاد وانا بلشت شر وهر عرق منظري بالجامة وقدام هيثم وخطوبة وفضيحة كمان ريتني نعامة ودفنت راسي بالارض .. بعد ماقراو الفاتحة بلشو يحكو بتفاصيل الخطوبة وامي وحماتي كانو قاعدات عم يجاكروا ببعض وهاي تتأمر وهاي تطلب وهاي يعجبها وهاي مايعجبها انا غفيت من التعب على الكنب لدرجة صرت شوخر ومن فقت الصبح لقيت صوت شخااار عم يعيد ويزيد جنب راسي ..

#سوزان : امي شو هاد الازعاج اللي جنب راسي لمين هاد الموبايل.
#امي : موبايل هيثم وهاد صوت شخوارك من نمتي امبارح على الكنبة سجلوو...

#سوزان : العما جد هالحكي يافضيحتك ياسوزان فضيحة تلوى الفضيحة...

#هيثم /: ههههه صباحو شو يا موسيقت بيت هووفن.

#سوزان : ليش هيك عملت..

#هيثم : ههه مو انا تيته قالت سجل لالها صوتها مشان كل ما اتعذبك بالليل سمعو لالها...

#سوزان : تيته بسيطة بدي غير تييابي ممكن..

#هيثم : لا ماممكن انتي هلاء خطيبتي وكمان بتحبيني موهيك ههه...
#ⴅმძ3Һค

الجزء الخامس...
.

(من بعد ماعمل هيثم عملتو السافلة والمنحرفة وقدام الحشود وبوسني من خدي انا طول الطريق وانا عم عد نمل الارض من الخجلة اللي صارت ا..

شلون شيخ وصايع بنفس الوقت بلبسني فضفاض وضبي شعرك ومن هالحكي وبوسني من خدي ....

#هيثم : مالو حبيبي خجلان وعم يصفن بالارض اهااا هاد شواطات جزمتو مفلوتين وقفي اربطهن لالك..

#سوزان : هيثم اتركن عيب شو يقولو الناس عم يعمل شواطات مرتوا هاد محكوم...

#هيثم : دخيل مرتي انا ...
يقولو اللي يقولوه مرتي مابتنزل ضهرها مشان تعمل شواطاتا وانا موجود...

#سوزان : مو مشكلي رح نوصل...

(بعد ماوصلنا كان صوت امي وحماتي طالع على الدرج والاتنين عم يردحو بالحكي لبعض وفضايح وياشماتة ابلة ظاظا فينا ...

#امي :- سبقه ولبقه بتمعس البقه بطرف المعلقه والله وصرتي حماية ياكنة..

#حماتي :شرنة-شرشوحه- أم سبع برآبيك- روحي الهي العين تصيبك...

#امي:- يآبنت غسآلة الأوآعي على نهر طوره...- يبليكي بدآء السل على هالوش

#حماتي:- روحي أسألي عن امك وصيتهآ بالحآره ياللي يآكل من بيتهآ الجردآن والصرصور والفآره....

#سوزان : امي شو في صوتكن واصل اخر الحارة هيثم سكتا لامك..

#هيثم : مرت عمي عيب هالحكي شو صار معكن...

#سوزان : امك اللي بلشت مو امي قلها لامك هيثم هالحكي...

#امي:- آل على خشته رآفع بشته زبآل وشآيل ورده

الجزء السادس:

#تيته : اي شو بعدني مارحت بلشتو تنحرفوا اي قلولي شو عم تتوشوشو ؟..

#سوزان : ولا شي تيته بس كنا عم نحكي عن مرت عمي وامي

#تيته : طيب ياتيته شوفي هاي الاسوارة لالك وهاد يا تيته لالك\ ياهيثم

#هيثم : تيته شو هاد انا مابلبس هيك شي هاد من ايام حرب التنك

#تيته: تنك شو هاد من ريحة جدك يالوصخ.. انتو شو بتعرفو تلبسو الا هالخرق ليكو هاد البنطلون ياتيته مقطع امك ماخجلت على حالها تقوم تخيطو لالك مو عيب هالتياب تلبسها
؟؟

#هيثم : هههه تيته هاد مانو مقطع هاد هيك موديلو

(بلشت تيته تتناقر هي وهيثم مشان كانت بدها تلبسو الشروال تبع جدوا ..وهيثم بدو يجن ومايلبسو بس تيته غصبتو وطلع منظروا ..

#سوزان : هههههههههههههههاااااااااااي اي شوووو هاد

#هيثم : لا تضحكي بلا ابظلك عيونك لرا والعب فيهن دحاديل

#تيته: مشان تعرفي زوق ستك كانت على طول تخيط لجدك احسن تياب شوف شلون فضفاض عليك بدل هالسحسلو اللي كنت لابسو ساليت لعند ركبتك ..

#هيثم : تيته بدك شي قايم روح اكل..

#تيته : لا خليك انا رايحة عند جارتنا مجهزة اكل بالمطبخ حطي ..تيته لخطيبك اكل واتغدوو..\

#سوزان : ماشي تيته

(بعد ماراحت تيته بشوي دخلت ميسون اللي كانت منفخة من البكي وعيونها كلهن قهر وجاي متل يلي تنتقم ...

#سوزان : ميسون اهلين بنت عمي

#ميسون : بعدي هيك وينو هيثم

#سوزان : ليش بدك هيثم

#ميسون : مادخلك بدي احكي معو على انفراد

#سوزان : لا ماحزرتي بنووب

#هيثم : شو في بلشتو كمان انتو تتناقروا

#ميسون : هيثم بدي احكي معك بس ياريت لحالنا

#هيثم : في شي بنت عمي قليلي تعي فوتي .. اتركينا سوز لحالنا

(دخلت ميسون مع هيثم لجوا وانا متل النار وخاصة من دخلت طبقت الباب كان باب الغرفة قزاز مجلي ...يعني بحسن شوف خيالات اللي قاعدين جوا ..

كان الوضع مستتب للحظة وكان الصوت كتير هادي ماحسنت اسمع اي شي.. لعند ماشفت خيال ميسون مرق وصار جنب هيثم وبلش صوت ضحكتها تعلى وبشكل مايع ... دفشت الباب بقوة لقيت ميسون قاعدة بحضنو لهيثم ومتكمشة فية وهو عم يدفشها بس هي كامشتو من رقبتو

#ميسون : انتي بلا زوق شلون بتفوتي هيك علينا

#سوزان : انا اللي بلا زوق ولا انتي اللي مانك محترمة وقليلة ادب شلون بتقعدي بحضن شخص مخطووب..

#الجزء السابع :

#ميسون : اول شي لسه ماكتبتو كتاب تاني شي هو ابن عمي وكا رح يصير خطيبي وهو من شوي قلي انتي احلى بنت بالعيلة ومو هو بس بتمناني الف شاب

#سوزان : شو هالحكي هيثم ليش ساكت على كلامها

#هيثم : انا ماقلت هيك بالمقصد انا قلتها انو انتي كتير حلوة وغيري كتير بتمنوكي واني خطبت وبحبها لسوزان

#ميسون : يوووه يوووه هلاء قلت انو تيته جبرتك عليها لسوزان

#سوزان : شو هالحكي احكي شي هيثم تيته جبرتك عليه

#هيثم : لاتردي عليها سوزان

(مافي شوي الا حماتي نازلة وكأنهن متفقين علية ..فاتت حماتي اللي وقفت مع ميسون وصارت ادافع عنها وتأيد كلامها

#حماتي: والله يا امي حاسة فيك معلش يا امي حكم القوى وستك حاكمة وطلع بيدها تجبرك على سوزان ..

#ميسون : شفتي ياست سوزان يعني تيتة جبرت هيثم عليكي ..

#هيثم : خلص حاج حكي بلا طعمي ماحد بجبرني على شي

#سوزان : سلام

#هيثم سوزان لا تردي عليهن والله ماجبرتني تيته عليكي انا يلي اخترتك .. امي شو عملتي ليش هيك كسرتي خاطرها

#حماتي : يعني امي انا مابحبها ولابحب امها ليش تتزوج وحدة مابدي اياها

#هيثم : انا اللي بدي اجوزها مو انتي انا كمان ماني مجوز امها انا سوزان بدي اياها وعقلها راكب على عقلي وانتي ست ميسون اطلعي من حياتي لو سمحتي لولا ما انتي بنت عمي لورجيتك الوجه اللي يصلح معك سلام طالع شوف خطيبتي ...

#ميسون : شلون بس مرت عمي ههههه

#حماتي : شاطرة يابنت بس يعني ماحلوة قعدتك على حضن ابني زودتيها شوي اذا عرفت ستك رح تبهدلك

#ميسون : عادي مرت عمي المهم هيثم يصير لالي احلا شي هلاء انو سوزان زعلت من هيثم واكيد مارح تمرق هالشي على خير ..

(بعد ماطلعت لبيتنا فتت غرفتي وطلبت من امي

#على_ابنها_حنونة_وعلى_كنتها_مجنونة

الجزء الاول
#تيته:
أوييها ...."ياهيثم " يـا واحـد
أوييها.... "سوزان" يـا اتنيـن
أوييها ....اللي ما يصلّي عالنبي
أوييها.... لـيعـدم العـينتيـن
لي لي لي لي ليش
#حماتي:آويها ...عريسنا عريس العز يا غالي
آويها ... وملبوسك الجوخ ولوكان الحرير غالي
آويها ... وحق النبي ومريم العدرا وإبنها الغالي
آويها ... خالي ياعريس من العيب ومن العار ياغالي

#امي:آويها عنا نجاصة ....
آويها متل المصاصة
آويها يلي بيحكي علينا بالعاطل
آويها يبعتلوا بقلبوا ألف رصاصة
\

#حماتي:آويها ..إيش هاد وإيش منوا
آويها ..إيش هاد وإيش فنوا
آويها ... هيدا فرح هيثم
إنشالله بفرحة أولادوا
نزغرد هيك ونعمل أكتر منوا

#امي:
آويها ...ياعروستنا شوفي شوفي ...
آويها ...وكيف العوازل عم يتغامزوا عليكي
آويها ... هني ما مثلك ولا بيتشابهوا ليكي

#تيته:أوييها.... شـو هالنهار المش لايـق
أوييها.... لمينا علينا الخـلايق
أوييها.... وطقت قلوب الكناين
أوييها.... ولَمّن حقت الحقايق
لي لي لي لي ليش

#تيته : قومن حاج حتى بفرح اولادكو بتتجاكرن قومن جهزوا اغراض الفرح

#امي :سوزان قومي امي نجهز الفطار حاكم اليوم عشاكي بالجحيم

#حماتي : اي نار جوزي ولا جنة هلي ماهيك يا حماتي

#تيته : والله من وراكن راح اتنكدو على العرسان

#سوزان : انا زهقت من هالمناورات تبعت كل يوم قايمة احكي مع هيثم

(مسا مسا اكيد شفتو اوييها تبعت فرحي اي بعدو مابلش بس رح بلش احكي انا عن قصتي ...حابة اعيشكن الاجواء من البداية انا سوزان عمري 20 سنة بعيش مع عيلة فيكو تقولو مسرحية شوي نحنا من عاداتنا مابنجوز لغرب يعني بس للقرايب انا امي وحماتي قرايب وحماتي بتكون مرة عمي اللزم يعني اخووه لابي .. نحنا معروف عنا بالعيلة عيلة الصبيان مافيها بنات كتير بس انا وبنت عمي ميسون كمان بنت عم تاني مو اختو لهيثم .. هيثم بكون خطيبي العريس الايطالي متل مابنقلو لانو كان عايش بايطاليا بيدرس وشكلو متل الايطاليين برونزي وعيوني خضر وطويل ومفتول العضلات شلولخ عمروا يناهز 26 سنة يعني فلفلة الشباب ... قصتي بلشت من يوم ماعرفت انو ابن عمي هيثم جاي من ايطاليا يتزوج وكان لازم يختار يا انا يا ميسون .. بس لانو شاب مميز انا عملت المستحيل لاحصل عليه ومارح تسدقو لوقلت انو صار مسابقات ليتم الفوز فيه ... نروح بالبداية للاجواء اللي فيها امي وحماتي .. طبعا يمكن هادولي اكبر اعداء بالشرق الاوسط امريكا وروسيا متل ما تيته بتوصفهن او شنغل ومنغل دايما صوتهن بالمجاكرة طالع مانهن حبايب وامي كانت مانها حابة ياخدني ابن عمي هيثم مشان زود المحبة اللي بينها وبين حماتي هههه بموتوا على بعض .... بس اقلكن مين السبب اكيد ماغيرها الكنج الكبير ..الراس الكبيرة .....بروسلي العيلة وهي تيته تراتراترااااااا ..اقدملكن تيته صفية ... مخزن وصيدلية وبنك وقاضي العيلة لابعدها كلمة ولابعدها مشورة ....هي السبب العداوة بين امي وحماتي هي سبب الحرب الباردة اللي بتصير هلاء ... بحكم انو نحنا عنا املاك كبيرة بالبلد تحت حكم بروسلي فالتفرقة العنصرية اللي كانت تعملها تيته بين ام الصبيان اللي هي حماتي وبين امي اللي جابتني ...بس السبب وين انو هي حنونة اكتر علينا وحنونة على ابي لانو جاب بنت فشبت النار بين كناين تيته ...من قديم الزمان الا هذا الاوان .....
( يوم اللي سمعت انو هيثم جاي يخطب وحدة فينا يا انا ياميسون حفلت يمين معظم مايكون الا لالي .. مستحيل ميسون تحصل عليه بحفر قبرها ولاتاخدو ..انا وقتها خطرت لالي الفكرة الشيطانية انو مافي غيروا بروسلي هووو الكنج هو اللي مافي بعدو كلمة وخاصة من بعد ماسمعت اقوال انو تيته بدها ميسون لهيثم لانو ام هيثم مانها طياب مع امي .. انا شبت نار المحاصيل بقلبي ..نيزك وانفجر بصدري ... اخدت حالي ونزلت عند تيته وقلت لازم اغير رأيها بلشت شيل وحط وغسل وارفع لدرجة صف النمل اللي كان يمشي على باب شقة تيته غيرت اتجاهو ...لحست البلاط بلساني ... شقوق الزواية كنستهن بشعري ماتركت شي الا صوت اللمعة الطن بتعرفوه هاد طلع منها .. يعني صارت تيته تشوف وجها بالبلاط ...

#تيته : سوزان شو قصتك تيته مانك على بعضك شو هالكرم والنضافة اللي نزلت عليكي

#سوزان : ولا شي تيته قلت اجي رتبلك البيت

#تيته : قلتي اترتبي البيت ..امك بحياتها ماعملتها

#سوزان : امي هاديك مو انا .. صدقي ياتيته بحبك شفتك بالحلم انك بين بستاين خضراء لابسة توب ابيض

#تيته : شو يعني رح موت

#سوزان : بعيد الشر تيته ماهيك شفتك كانك بالجنة وعم تنادي لالي شربك من ماء زمزم\
#تيته : هههه تعي ولي
#سوزان : اخ اخ اذني اذني انقبعت انشلعت
#تيته : بدك تحكي ولا شوو
#سوزان : والله بحبو ياتيته والله
#تيته : حبك برص وعشرة خرس..مين هو يامقصوفة الرقبة من متى عنا بنات بحبو بدك كرباج على جنابك

#سوزان: تيته فهمتيني غلط والله مابحب برا العيلة بس سيبي ذاني ورح خبرك
#تيته : ماشي يالا قولي واياكي تكدبي بعلق مشنقتك على باب الحووش
#سوزان : تيته هي ميسون بشو احسن مني لتقولي انها لهيثم انا ماني معبية عينك مو انا بنت ابنك اللي بتحبيه ...
#تيته : ههههه بتحبي هيثم طلعتي يا زعرا مانك قليلة والله ...قومي طيب بتفكرن انو هيثم هيك بسهولة تحصلن عليه قومي من هون في شغلات كتير لازم تعملوها مشان اعرف مين بتستاهلو

#الجزء الثاني
(انا اطلعت من التعب لبيتنا كانت امي وابي قاعدين بيحكو عن موضوع هيثم وانا اول ماسمعت اسمو مديت خرطومي قصدي داني لعند باب غرفة امي لاسمع شو بقولو..
#امي: والله رباب( ام ميسون ) مبسوطة حاطة ببطنها بطيخة صيفة لان بنتها نفذت لهيثم نيالها
#ابي: من وين اسمعتي هالحكي
#امي : اسمعت قالولي ناس
#ابي : لا اطمني ريحي بالك لسه ماحد حكى بالموضوع امي لسه ماشارت بشي بعدين واذا يعني ما انتي مابتحبيها لام هيثم قومي اعمليلي شاي نازل لعند امي انا نزليه معك..

(انا كلام ابي ريحني وماريحني يعني معاكو معاكو عليكو عليكو المهم قامت امي تعمل شي وانا ضليت اتنطنط قدامها مشان تقلي نزلي الشاي تحت لعند تيته هي وابي ..المهم امي طلبت مني هيك ونزلت .انتو بتعرفوا هدفي مشان اتصنت واتجسس لايمكن افوت شي وخاصة انو صار هيثم حديث العيلة..

#تيته : ههه موبالسهولة هاي ياابني الشاطرة اللي بتغزل على رجل حمار بكرة بنشووف..

#ابي : فوتي يابي سوزان حطي الشاي وروحي ادرسي..

#سوزان : حاضر بابا بدك شي تيته قولي من عيوني بعملو ..اتذكري بدك شي اعملك اياه..

#تيته : لا بس اقفلي الباب وراكي

(الشاطرة اللي تغزل على رجل حمار شو يعني كلام الالغاز اللي بروسلي بقولو خليني اسال امي

#سوزان : امي بدي اسئلك شويعني الشاطرة اللي بتغزل على رجل حمار

#تيته : اكيد سمعتيها من ستك ماغيرها بتقولها

#سوزان : اي امي والله شو يعني ابوس ايدك فسريها لالي

#امي : يعني شاطرة بكل شي بتحسن تعمل كل شي ومابتقول مابعرف ...بتتعلم بسرعة مثلا سحارة البطاطا هاي لومافي غيرها اكل بالبيت ...الشاطرة بتحسن تعمل منها عشر اكلات من دون مابتقول ماعنا افهمتي..

#سوزان : ايوون ماشي امي رايحة ادرس وانام شكلو في تعب طويل جاي على الطريق كرمال عيونك ياهيثم..

#امي : شو عم اتمتمي يابنت شو قصتك طالعة نازلة عند ستك

#سوزان : مافي شي امي ..

في اليوم التالي فقت على عياط تيته على الدرج وهي بتنادي..

#تيته : لك يا ميسووون يا سوزان لك يابنات شو نايمات لهلاء

#سوزان : لاتيته فايقة بس كنت ساعد امك..

#تيته : امك هون عندي غسلي وجهك وتعي ..ميسسسسون يابنت يابنت..

#مرت عمي (ام ميسون : اي مرت عمي صباحو شوفي عياطك على الصبح..
..
#تيته: نزلي ميسون بدي اياها..

#مرت عمي: البنت نايمة اليوم اجازة خليها تنام..

#تيته : لك فيقيها هالخووم نووم بدي اياها..

#سوزان : اي تيته اجيت..

#تيته : روحي فيقي ميسون وانزلو..

(اطلعت فيق ميسون رفضت تنزل..وانا اساسا كنت ادعي الله ماتنزل وياريتني مادعيت بعد مانزلت لعند تيته كانت مجهزة مقشة مشان ننضف الحوش ...وبلشت نضف فيه لحالي انكسر ضهري وبعدها خلتني اشطف درج شي 7 طوابق صرت امشي متل الفكحة ...وبعد شوو لنزلت ميسون وكان الدلع كلو لالها وانا اللي اكلت التعب ...

#تيته : هاا ليكها نزلت العروس شو ياعروسة بعدو بكير ماغابت الشمس..

#ميسون : حياتو تيته تؤبرني الخدودات المجعلكين في بعض انتي بتعرفي انو دراستي كتير مهمة وبتحبي تلاقيني متفوقة مو متل ناس احم..

#تيته : ايووه طيب قومي جيبي الفواكة خلينا نتسلى..

(انا بلشت احفر واطحر مش معقول مش مسدقة شو هالخيانة هاد ظلم وافترا هاد عذاب وياريت وقف على هيك شي وخاصة من اجا اتصال لتيته ..

#تيته : الووو اها يا امي جد ياربي

#سوزان : شو في ياتيته

#تيته : لك اسكتي خليني اعرف احكي ..اي يا امي اي اي ماشي هلاء هلاء الحمد لله على السلامة

#سوزان : الحمد لله على السلامة

#ميسون : شكلو هيثم اجا

#تيته : ماشي امي يصل حفيدي بالسلامة ماشي ناطركن..

#ميسون : انا رايحة ارتب حالي باي باي

#سوزان : وانا كمان..

#تيته : تعو لهون وين رايحاات

#سوزان : انا قايمة ارتب حالي تيته..

#تيته : وين راحت ميسون لحقت تطلع ماشي بسيطة قومي نجهز العشا قبل ليوصل هيثم....

#سوزان : ابوس على ايدك تيته شوفي حالي وملابسي كلهن طين ومي خليني روح غيرهن..

#تيته : مو وقتو نص ساعة ويوصل هيثم...

( اخ ياحظي...ميسون طلعت ترتب حالها وحتى تيته ما اهتمت ولا رمت حكي عليها متل عادتها .. اكيد ماهي العروس وانا خدامتها شلون هالغولة تشفق عليه ...ياخسارة تعبك ياسوزان ... بلشت اشتغل وشيل وحط بالعشا لدق جرس الباب وصوت رجال وانا من منظري لو شفتوني لتقولو شغالة بالبلدية بتنظيف الشوارع .... دخلو الرجال وصارت تيته تهلهل لهيثم وانا ماني عرفاني وين اخبي حالي انحجزت بالمطبخ شوي الا ميسون اجت وكانت

#الجزء الثامن ..

#هيثم : مرت عمي وينها سوزان

#امي : لك صهري شوووف بنتي مانها ملطشة لامك وللعيلة حاجتكن خلص روح اخطبها لميسون لترضي امك بعد عن بنتي..

#هيثم : كمان انتي مرت عمي ..سيبك من كلام امي وميسون انا بحبها لسوزان والله بحبها

(فتحت الباب بسرعة لارد على كلامو لهيثم ...

#سوزان :وانا مابحبك ياهيثم يا كداب مابحبك وانا مابدي اياك وانا تيته بعرف شلون اني حاكيها ..

#امي : بتفكروني اسكت هيك بسهولة لااا والف لااء وينها وينها

#سوزان : امي وين رايحة تعي لهون امي الله يخليكي مابدنا مشاكل ..

#امي : بعدي هيك بعدي وينك ياربااااب وينك

#مرت عمي (رباب ام ميسون): شو في ام سوزان خير

#امي : اسمعي هاا انا مابدي مشاكل معك طول عمري مابجي جنبك بعدي بنتك عن بنتي اذا بدك اتزوجيها لهيثم روحي راسك لراس حماتي ما تحطو بنتي لعبة

#مرت عمي (رباب): شو هالحكي هااااد يلي بتقوليه بعدين انا شودخلني اذا هيثم انجبر على بنتك..

#مي :متل الحرباية بالوش مرايا وبالقفا صرماية.. سلفة بتجيب المغص

#هيثم : انا ما انجبرت على حد انا اللي بحبها لسوزان اميييييي امييييي وينها امي

#حماتي : هاا يا امي يا حبيبي

#هيثم : امي انتي من مين اسمعتي اني انجبرت على بنت عمي ..

#حماتي :قال: ياللي القلم بايدو ما بيكتب حالو من الاشقيا ..وانت امي كتبت على حالك تكون من الاشقياا

#امي :قالو لكتّار الغلبة نص الدنيا الكن..... قالو النص التاني لميين؟؟

#حماتي :اييييوه شكلك مانك مصلية على النبي يا ام سوزان

#هيثم : مرت عمي خلص ابوس على ايدك حاج من يوم ما اجيت من السفر وانا كل يوم عم شوف هاد السيناريوو

#امي : سوزان ي امي قالوا: عاشقك لا تاخديه ومطلقك لا ترديه..يعني ازبليييه ..

#حماتي :فارة وقعت من السقف قالتلها القطة اسم الله قالتلها اتركني بحالي وانا بألف خير من الله... على الله يكون فهمتي يا اللي فوق بالسقف ...

#امي:. راحت الخيل تتحدى مدت الخنفسة رجليها ..واللي بدو يتحدى هاي الحارة من قدها هههاااااي

#حماتي :البرغوت قال للبقة يضرب الشرشوح اذا اترقى...بضلك شرشوحة يا سلفتي ..المهم ياميسون يابنتي والله ماغيرك يحلى لابني انزل يا امي انزل بلا هالنسب اللي بوجع القلب ..

#امي :لابق للشوحة مرجوحة ولابو بريص قبقاب هههه

#سوزان : هههااااي قوية هاي يا امي اعطيني على طواحيني

#حماتي : الجمل لو شاف حردبتو كان وقع وانكسرت رقبتو

#هيثم : انا رح جن منكن سلام عودي لعقلك سوزان رايح جيب تيته انا اتحط لالكن حد ...

#امي : الهي يا ام هيثم يبعتلك 12 سوا نار وبارود وهوا وصياح ونياح وهز رماح وعصا وفالج وكرساح وفقر ودين وغضب والدين يامقطع العنتين ..

#حماتي : اويلي على لسانك شو متبري منك يا شرشووحة

#امي :الله يخليلي ياك يا لساني شلون ما درتك بتندار ههههههه

#تيته : ياخرابي على الفضايح كناين رح يجيبو لالي الجلطة يا رب صبرك يا امه لا اله الا الله ..شو صاير ياكناين شوووو مارح نعيش بلا هالقصص والمواويل والردح تبع كل يووم ..شو ما احكي وشو ما اقول مافي فايدة اذن من طين واذن من عجين ..

#حماتي : على قولتك حماتي ..قال بيتحركش بالحمى لتجيه برديه..

#تيته : بلا حماتك يلا زفت الطين انتي بتشوفيني اطلعت من هون بتبلش تعملي حماية على هالصبية قال: يا فرعون مين فرعنك؟؟ قلو ما لقيت حدا يردني... وانتي يا كنتي مالقيتي حد يردك

#حماتي :اي ماشي رايحة على بيتي انا شكلو الحكي مانفع ..سلام

#امي :قال: صار للدبانة دكانة وصارت تسكّر على بكير..
\\

#تيته : حاااج ام سوزان وانتي اطلعي على بيتك وانتي رباب روحي على بيتك ميسون الحقيني انتي وهيثم ..

#امي : اي ماشي فووتي امي شكلك انتي مانك بالجمعة

#تيته : خلص حاج قلنا من ابعتلك تيته سوزان انزلي ..

( كل واحد رح على بيتو بعد درس الردح الي صار ...ونزل هيثم وميسون لتحت بس انا ماحبيت فوت لحظة.... الفضول بقتلني ولازم اعرف شو بصير...نزلت وبلشت اتصنت على الحديث ..

#تيته : انتي ماحد رباكي ست ميسون مو عيب عليكي تقعدي مع ابن عمك الخاطب وعلى حضنو مشان تجاكري بنت عمك ..وتسمي بدنها وتقولي على مسمعها انو هيثم ستو جبرتوا ...هيثم هو اللي اختارها لسوزان ماجبرت حدا علي حدا اطلعي على بيتك اذا بعرف انك رجعتي تلعبي لعبتك لتأثري على سوزان وتنكدي عليها حياتها والله والله واللي اسمو الله لاخليكي عانس وما اخلي حد يتقدم يطلبك انقلعي من وجهي رفعتي لالي السكر ... وانت تيته هيثم والله ماكنت يا تيته متوقعه من اول ايام يبلش درس الردح ب