#جزء_السابع :
المسا بقصر مصطفى آغا كانت آرين طالعة من المطبخ وحاملة كاسة شاي ومتجهة لبرات القصر ..
فتحت الباب وشافته قاعد بالسيارة
اول ما شافها ايمن طلع من السيارة واتجه لعندها
آرين : مساء الخير أيمن
أيمن : يا مسالخيرات والأنوار
ابتسمت آرين ومدت ايدها لتعطيه الكاسة : اشتهيتلك كاسة شاي بهالبرد
ايمن : لك يسلم هالإيدين " اخد شفة من الشاي وكمل حكي " ... اممممم والله انو اطيب شاي دقته بحياتي كله
ضحكت بخجل وحكت : صحة وهنه لكن انا رح ادخل.. بدك جبلك شي
أيمن : سلامة قلبك
ابتسمت وهزت براسها واندارت لتمشي استوقفها صوت ايمن
ايمن : بس اذا بتعمليلي سندويشة لبنة او زيت وزعتر ما بقول لاء
ضحكت ضحكة واسعة وهزت راسها واخدت طريقها عالمطبخ ركض
بينما أيمن كان بعدو واقف بمكانه وهمس : صار لازم اتحرك واعمل يلي عم فكر فيه
ورجع لعند السيارة وسند ضهره عليه واخد شفة تانية من الشاي...
∞............« ♪٭★٭♪»...........∞
بقصر كمال آغا ...
كانت قاعدة بحديقة القصر وناطرة جدها يرجع من الشركة لحتى تحكي يلي بقلبها وتخلص من هالعلقة يلي دخلت فيه
بينما كانت شاردة سمعت صوت سيارة برات القصر .. ركضت عالباب وفتحته
اروى : اهلين جدي .. اهلين ابي .. تفضلوا
كمال آغا : الله يزيد فضلك يا بنتي
كانوا عم يمشوا بدهم يطلعوا عالدرج.. استوقفت اروى جدها ووقف علاء معه
اروى : جدي ممكن نحكي شوي
كمال : اذا مو ضروري اجليها لبكرا
اروى : جدي ضروري
كانت عم تشبك رؤوس اصابع ايديها ونازلة راسها ومبين توتر عليها
وقف كمال ولما حس انو اروى ما بدها تحكي قدام علاء
اطلع كمال ب علاء وحكا : ابني انت اسبقنا ... انا وحفيدتي رح نقعد هون وندردش شوي
علاء : ماشي ابي
تركهم علاء بينما قعدوا اروى وكمال على حجر النافورة بنفس المكان يلي سبق وقعد فيه عماد بلليلة الخطبة
كانت قاعدة ومنزلة راسها
مد كمال ايدو ومسكلها دقنها بلطف ورفعها ناحية وجهه
كمال آغا : شبك بنتي .. ليش حاسسك مو على بعضك ..
نزلت دموعها وبقيت عم تطلع بعيون جدها
كمال آغا : ما عاش يلي بدو ينزل دمعة منك وانا عايش .. احكي يا جدي احكي
اروى وهي عم تبوس ايد جدها : جدي ببوس ايدك بترجااك يا جدي افهمني .. مابدي ياك تعصب ومابدي تزعل مني بس انا مابدي اتزوج .. ما بدي عمااد يا جدي ما بدي ياه
عقد كمال حواجبه وحكا : مافي دخان من دون نار ورفضك هاد في وراه سبب .. عطيني سبب واحد مقنع ترفضي عماد وانا يا جدي براسي هلق بتصل وبفسخ كلشي
اروى : اي جدي متل ما قلت مافي دخان بلا نار لاني شفته من قبل
كمال آغا بتركيز : اممممم احكي لشوف ..
اروى : كنت بالسوق بدي اشتري هدية لامي وماسكة بكاسة عصير وحاطة شرمونة بتمي وعم اشرب واتفتل
و فجأة هالبني آدم بيضرب حالو فيني .. بس قصداً هاا قصداً يا جدو .. ومو بس هيك خلاني اختنق من شفة يلي علق بنص حلقي وبلشت اسعل كتير ..كتير كتير .. ويا حزرك هو شو كان عم يعمل .. حامل موبايله وعم يحكي .. اول شي تابع طريقه وما عطى للموقف اي اهمية بس صوت صراخي يلي طلع وهز السوق كلها خلاه يوقف غصب عنو ..التفت و شافني معصبة كتير .. انا هون شو عملت يا جدي .. بلشت اصرخ بوجهه قدام العالم كلها وابهدله وابهدله .. قيمت قيامة بالسوق وخليت الكل يجتمع عليي .. . لو شفته بهديك اليوم يا جدي لك مفكررر المكان ملك ابوووه .. قااال شوووو قال كنت مستعجل .. كبيت باقي العصير بنص خلقته وقلتله بتعرف مين انا لك انا حفيدته لكمال آغا انا .. يا جدي ولا رمشله عين وبقي عم يتبحلق فيني .. ولك كأني عم احكي مع الحيط وصار كل همه وطي صوتي .. وبالاخير صار يبربر ويبربر وقبل ما يكمل قاطعته وبهدلته مرة تانية ول... "هون اروى انتبهت على جدها يلي عم يضحك عليها بدال ما يتعاطف معها "
هز كمال براسه وسأل أروى بعدما مسك ضحكته : وياترى هالرفض اجى لانو هو يلي ما بدو ياكي ولا انتي يلي ما بدك ياه
اروى : آآآآ
كمال آغا : يا جدي لهلق ما مر عليي رجال متل رجال عشيرة دينخان .. يا جدي لا تحكمي على موقف ما كان مقصود بأنك ترفضي عماد .. بعدين يا جدي انتي ما قصرتي بالزلمة
نزلت اروى راسها بحزن من دون ما تنطق بشي
حط كمال ايده على راسها وبلش يمسحلا بحنان : الله يرضى عليكي يا جدي مابدي ياكي تاخدي قرار تندمي عليه بعدين .. لسا مبارح لبستوا المحابس عطيه فرصة وبعدين احكمي واذا ما قدرتي تتقبليه ك زوج ف وقتا يا جدي بتؤمري أمر و بينتهي كلشي وكأنه ما كان بالاساس
بقيت اروى منزلة راسها وساكتة
كسر كمال هالصمت وحكا : يلا جدي تأخر الوقت وبرد الجو .. خلينا نطلع
هزت اروى براسها وقاموا وطلعوا ...
∞............« ♪٭★٭♪»...........∞
صار الوقت يمر بسرعة .. ساعات ..ايام .. اسابيع.. لأكتمل 3 شهور على خطبة اروى وعماد
مهفان وجده وابوه وعمه بلشوا شغل مع شريكهم الجديد والفرحة بكل مرة غامرهم لنجاح شغلهم المزيف
المسا بقصر مصطفى آغا كانت آرين طالعة من المطبخ وحاملة كاسة شاي ومتجهة لبرات القصر ..
فتحت الباب وشافته قاعد بالسيارة
اول ما شافها ايمن طلع من السيارة واتجه لعندها
آرين : مساء الخير أيمن
أيمن : يا مسالخيرات والأنوار
ابتسمت آرين ومدت ايدها لتعطيه الكاسة : اشتهيتلك كاسة شاي بهالبرد
ايمن : لك يسلم هالإيدين " اخد شفة من الشاي وكمل حكي " ... اممممم والله انو اطيب شاي دقته بحياتي كله
ضحكت بخجل وحكت : صحة وهنه لكن انا رح ادخل.. بدك جبلك شي
أيمن : سلامة قلبك
ابتسمت وهزت براسها واندارت لتمشي استوقفها صوت ايمن
ايمن : بس اذا بتعمليلي سندويشة لبنة او زيت وزعتر ما بقول لاء
ضحكت ضحكة واسعة وهزت راسها واخدت طريقها عالمطبخ ركض
بينما أيمن كان بعدو واقف بمكانه وهمس : صار لازم اتحرك واعمل يلي عم فكر فيه
ورجع لعند السيارة وسند ضهره عليه واخد شفة تانية من الشاي...
∞............« ♪٭★٭♪»...........∞
بقصر كمال آغا ...
كانت قاعدة بحديقة القصر وناطرة جدها يرجع من الشركة لحتى تحكي يلي بقلبها وتخلص من هالعلقة يلي دخلت فيه
بينما كانت شاردة سمعت صوت سيارة برات القصر .. ركضت عالباب وفتحته
اروى : اهلين جدي .. اهلين ابي .. تفضلوا
كمال آغا : الله يزيد فضلك يا بنتي
كانوا عم يمشوا بدهم يطلعوا عالدرج.. استوقفت اروى جدها ووقف علاء معه
اروى : جدي ممكن نحكي شوي
كمال : اذا مو ضروري اجليها لبكرا
اروى : جدي ضروري
كانت عم تشبك رؤوس اصابع ايديها ونازلة راسها ومبين توتر عليها
وقف كمال ولما حس انو اروى ما بدها تحكي قدام علاء
اطلع كمال ب علاء وحكا : ابني انت اسبقنا ... انا وحفيدتي رح نقعد هون وندردش شوي
علاء : ماشي ابي
تركهم علاء بينما قعدوا اروى وكمال على حجر النافورة بنفس المكان يلي سبق وقعد فيه عماد بلليلة الخطبة
كانت قاعدة ومنزلة راسها
مد كمال ايدو ومسكلها دقنها بلطف ورفعها ناحية وجهه
كمال آغا : شبك بنتي .. ليش حاسسك مو على بعضك ..
نزلت دموعها وبقيت عم تطلع بعيون جدها
كمال آغا : ما عاش يلي بدو ينزل دمعة منك وانا عايش .. احكي يا جدي احكي
اروى وهي عم تبوس ايد جدها : جدي ببوس ايدك بترجااك يا جدي افهمني .. مابدي ياك تعصب ومابدي تزعل مني بس انا مابدي اتزوج .. ما بدي عمااد يا جدي ما بدي ياه
عقد كمال حواجبه وحكا : مافي دخان من دون نار ورفضك هاد في وراه سبب .. عطيني سبب واحد مقنع ترفضي عماد وانا يا جدي براسي هلق بتصل وبفسخ كلشي
اروى : اي جدي متل ما قلت مافي دخان بلا نار لاني شفته من قبل
كمال آغا بتركيز : اممممم احكي لشوف ..
اروى : كنت بالسوق بدي اشتري هدية لامي وماسكة بكاسة عصير وحاطة شرمونة بتمي وعم اشرب واتفتل
و فجأة هالبني آدم بيضرب حالو فيني .. بس قصداً هاا قصداً يا جدو .. ومو بس هيك خلاني اختنق من شفة يلي علق بنص حلقي وبلشت اسعل كتير ..كتير كتير .. ويا حزرك هو شو كان عم يعمل .. حامل موبايله وعم يحكي .. اول شي تابع طريقه وما عطى للموقف اي اهمية بس صوت صراخي يلي طلع وهز السوق كلها خلاه يوقف غصب عنو ..التفت و شافني معصبة كتير .. انا هون شو عملت يا جدي .. بلشت اصرخ بوجهه قدام العالم كلها وابهدله وابهدله .. قيمت قيامة بالسوق وخليت الكل يجتمع عليي .. . لو شفته بهديك اليوم يا جدي لك مفكررر المكان ملك ابوووه .. قااال شوووو قال كنت مستعجل .. كبيت باقي العصير بنص خلقته وقلتله بتعرف مين انا لك انا حفيدته لكمال آغا انا .. يا جدي ولا رمشله عين وبقي عم يتبحلق فيني .. ولك كأني عم احكي مع الحيط وصار كل همه وطي صوتي .. وبالاخير صار يبربر ويبربر وقبل ما يكمل قاطعته وبهدلته مرة تانية ول... "هون اروى انتبهت على جدها يلي عم يضحك عليها بدال ما يتعاطف معها "
هز كمال براسه وسأل أروى بعدما مسك ضحكته : وياترى هالرفض اجى لانو هو يلي ما بدو ياكي ولا انتي يلي ما بدك ياه
اروى : آآآآ
كمال آغا : يا جدي لهلق ما مر عليي رجال متل رجال عشيرة دينخان .. يا جدي لا تحكمي على موقف ما كان مقصود بأنك ترفضي عماد .. بعدين يا جدي انتي ما قصرتي بالزلمة
نزلت اروى راسها بحزن من دون ما تنطق بشي
حط كمال ايده على راسها وبلش يمسحلا بحنان : الله يرضى عليكي يا جدي مابدي ياكي تاخدي قرار تندمي عليه بعدين .. لسا مبارح لبستوا المحابس عطيه فرصة وبعدين احكمي واذا ما قدرتي تتقبليه ك زوج ف وقتا يا جدي بتؤمري أمر و بينتهي كلشي وكأنه ما كان بالاساس
بقيت اروى منزلة راسها وساكتة
كسر كمال هالصمت وحكا : يلا جدي تأخر الوقت وبرد الجو .. خلينا نطلع
هزت اروى براسها وقاموا وطلعوا ...
∞............« ♪٭★٭♪»...........∞
صار الوقت يمر بسرعة .. ساعات ..ايام .. اسابيع.. لأكتمل 3 شهور على خطبة اروى وعماد
مهفان وجده وابوه وعمه بلشوا شغل مع شريكهم الجديد والفرحة بكل مرة غامرهم لنجاح شغلهم المزيف
