#مابين_حب_وتحكم
#جزء_السادس


ﻓﺘﺤﺖ ﺍﻟﻔﻴﺪﻳﻮ ﻭﺷﺎﻓﺘﻬﻢ ﻣﻊ ﺑﻌﺾ ﻣﻦ ﺟﺪﻳﺪ !
ﻭﻭﻗﺖ ﻗﺮﺑﺖ ﻧﻴﺮﻣﻴﻦ ﻣﻦ ﺍﻧﺲ ﺣﺘﻰ ﺗﺒﻮﺳﻪ ! ﺭﻣﺖ ﻛﺎﺭﻣﺎ ﻣﻮﺑﺎﻳﻠﻬﺎ ﻣﻦ ﺍﻟﺒﻠﻜﻮﻥ ﻭﺻﺮﺧﺖ : ﻻﺍﺍﺍﺍﺍﺍﺍ
.
ﻣﺎﺳﺎ : ﺧﻴﺮ ﺷﻮﻓﻲ ! ﺷﺒﻚ
.
ﻛﺎﺭﻣﺎ : ‏( ﺍﺑﺘﺴﻤﺖ ‏) ﻭﻗﻊ ﻣﻮﺑﺎﻳﻠﻲ ! ﻣﺎﻓﻲ ﺷﻲ ﻣﻬﻢ !
.
.
.
ﺩﻳﻤﺔ : ﻧﺎﻡ ﻭﺍﺭﺗﺎﺡ ! ﻭﺍﻧﺎ ﺑﺲ ﺷﻮﻓﻪ ﻻﺧﻮﻙ ﺭﺡ ﺍﺭﺟﻊ ﺭﺑﻴﻪ ﺣﺘﻰ ﻣﺎ ﺗﺘﻀﺨﻢ ﺍﻏﻼﻃﻪ ! ﻭﺗﺼﻴﺮ ﺷﻲ ﺍﻛﺒﺮ ﻣﻦ ﺍﻟﻐﻠﻂ !
.
ﺍﻧﺲ : ﺗﻌﺒﺖ ﺍﻧﺎ ! ﻣﺎﻣﺎ ﺍﻧﺎ ﺷﺨﺺ ﻣﺎﺑﺴﺘﺎﻫﻞ ﺍﺻﻼ ﺍﻧﻮ ﺍﻧﺤﺐ ! ﺍﻧﺎ ﻛﺘﻴﺮ ﻏﻠﻄﺖ ﺑﺤﻖ ﻛﺎﺭﻣﺎ ! ﻭﺣﺘﻰ ﻇﻠﻤﺖ ﻧﻴﺮﻣﻴﻦ ﻣﻌﻲ ! ﺻﺮﻟﻬﺎ ﺳﻨﻴﻦ ﻣﻮﻗﻔﺔ ﺣﻴﺎﺗﻬﺎ ﻛﺮﻣﺎﻟﻲ ! ﻭﺍﻧﺎ !
.
ﺩﻳﻤﺔ : ﺧﻠﺺ ﻣﺎﺑﺪﻱ ﺍﺳﻤﻊ ! ﺑﻌﺪ ﻛﻞ ﻫﺎﻟﺘﺮﻳﺒﺔ ﻳﻠﻲ ﺍﺳﺘﻬﻠﻜﺖ ﻋﻤﺮﻱ ! ﻫﻴﻚ ﺑﺒﺴﺎﻃﺔ ﺑﺘﻌﻤﻠﻮ ﺍﻟﺤﺮﺍﻡ؟ ﺍﺫﺍ ﺍﻧﺎ ﺳﺎﻣﺤﺘﻚ ﺍﻟﻠﻪ ﻣﺎﺭﺡ ﻳﺴﺎﻣﺤﻚ !
.
.
.
ﻗﺮﺏ ﻣﻨﻬﺎ ﻭﻓﻜﻬﺎ ﻭﺣﻤﻠﻬﺎ ﻋﻠﻰ ﺍﻟﺤﻤﺎﻡ ﻏﺴﻠﻠﻬﺎ ﻭﺟﻬﺎ !
ﻭﺭﺟﻌﻬﺎ ﻋﻠﻰ ﺍﻟﺘﺨﺖ ! ﺟﺎﺑﻠﻬﺎ ﻣﺴﻜﻦ ﺍﻟﻢ ﻭﺷﺮﺑﻬﺎ ! ﺍﺗﺴﻄﺢ ﺟﻨﺒﻬﺎ ﻭﺣﻀﻨﻬﺎ !
.
ﻧﺼﺮ : ﺍﺫﺍ ﺳﺎﻓﺮﻧﺎ ﻛﻠﺸﻲ ﺭﺡ ﻳﺘﻐﻴﺮ ! ﺑﺤﺒﻚ ﺍﻧﺎ ﺍﺳﻴﺎ !
.
.
.
# ﻓﻲ _ ﺻﺒﺎﺡ _ ﺍﻟﻴﻮﻡ _ ﺍﻟﺘﺎﻟﻲ
.
ﻧﺼﺮ : ﺷﻮ ﺍﻟﻈﺎﻫﺮ ﺍﺭﺗﺤﺘﻲ ﺑﺎﻟﻨﻮﻣﺔ ﺣﺘﻰ ﻟﻬﻠﻖ ﻧﺎﻳﻤﺔ؟
.
ﺍﺳﻴﺎ : ‏( ﻓﺘﺤﺖ ﻋﻴﻮﻧﻬﺎ ﺑﺘﻌﺐ ‏) ﺍﺭﺗﺤﺖ ! ﻭﺑﺲ ﻧﺴﺎﻓﺮ ﺭﺡ ﺍﺭﺗﺎﺡ ﺍﻛﺘﺮ !
.
ﻧﺼﺮ : ﺍﻧﺎ ﺭﺡ ﺭﻭﺡ ﺍﺣﺠﺰ ﻟﻠﺴﻔﺮ ﻭﺧﻠﺺ ﻛﻞ ﺍﻻﻣﻮﺭ ! ﻭﺭﺡ ﺻﺎﻟﺢ ﺍﻣﻲ ﻭﺍﺑﻘﻰ ﻋﻨﺪﻫﺎ ﻛﺮﻣﺎﻝ ﻧﻔﺬﻟﻚ ﻃﻠﺒﻚ ! ﺑﺲ ﻣﺘﻞ ﻣﺎ ﺍﺗﻔﻘﻨﺎ ﺭﺡ ﺍﻗﻔﻞ ﺍﻟﺒﺎﺏ !
.
ﺍﺳﻴﺎ : ﻭﺍﻧﺎ ﺑﺘﺸﻜﺮﻙ ﻻﻧﻚ ﻭﺍﻓﻘﺖ ! ﻻﺯﻡ ﺍﺑﻘﻰ ﻟﺤﺎﻟﻲ ! ﺑﺪﻱ ﻓﻜﺮ ﺷﻮﻱ !
.
ﻧﺼﺮ : ﻣﺘﻞ ﻣﺎﺑﺪﻙ ! ﺑﺲ ﺍﺻﺤﻚ ﺗﻐﻴﺮﻱ ﺭﺃﻳﻚ ﻻﻧﻪ ﺑﻜﻞ ﺑﺴﺎﻃﺔ ﺑﺤﺠﺰ ﻃﻴﺎﺭﺓ ﺧﺎﺻﺔ ﻭﺑﺎﺧﺪﻙ ﻏﺼﺐ ﻋﻨﻚ ! ﺗﻤﺎﻡ؟ ﺻﺮﺗﻲ ﺑﺘﻌﺮﻓﻲ ﺟﻨﻮﻧﻲ !
.
ﺍﺳﻴﺎ : ﺍﺗﻄﻤﻦ ﻣﺎﺭﺡ ﻏﻴﺮ ﺭﺃﻳﻲ ﺍﻧﺎ ﻣﺼﺮﺓ ﻭﻛﺘﻴﺮ ﻛﻤﺎﻥ !
.
ﻧﺼﺮ : ﻋﻄﻴﻨﻲ ﻣﻮﺑﺎﻳﻠﻚ ﻳﻠﻲ ﺟﺎﺑﺘﻪ ﺍﺧﺘﻚ !
.
ﻓﺘﺤﺖ ﺍﻟﺨﺰﺍﻧﺔ ﻭﻃﺎﻟﻌﺘﻪ ﻭﺍﻋﻄﺘﻪ ﻳﺎﻩ ! ﻓﻮﺭﺍ ﻓﺘﺤﻪ ﻭﺷﺎﻑ ﺍﻟﻒ ﺭﺳﺎﻟﺔ ﻣﻦ ﻣﺎﺳﺎ ! ﻭﻣﻦ ﺍﻣﻬﺎ !
.
ﻧﺼﺮ : ﻣﺎﺑﺪﻙ ﺗﺮﺩﻱ ﻋﻠﻴﻬﻢ؟
.
ﺍﺳﻴﺎ : ﺍﻧﺖ ﺑﻌﺘﻠﻬﻢ ﺍﻧﻪ ﺍﻧﺎ ﺑﺨﻴﺮ ﻭﺑﻜﺮﻯ ﺟﺎﻳﺔ ﻟﻌﻨﺪﻛﻢ ﻭﺩﻋﻜﻢ ﻻﻥ ﺭﺡ ﺳﺎﻓﺮ ﺍﻧﺎ ﻭﻧﺼﺮ ! ﺑﺲ ﺑﺪﻱ ﺍﺑﻘﻰ ﻟﺤﺎﻟﻲ ﺍﻟﻴﻮﻡ ﻭﻣﺎﺑﺪﻱ ﺷﻮﻑ ﺣﺪﻯ !
.
ﻧﺼﺮ : ﻭﺍﻛﻴﺪ ﺭﺡ ﻳﺘﻔﻬﻤﻮ ﻛﻼﻣﻚ ﻭﻣﺎﻳﺠﻮ؟
.
ﺍﺳﻴﺎ : ﺓﻱ ﺑﻴﻌﺮﻓﻮﻧﻲ ﻭﻗﺖ ﺑﺪﻱ ﺍﺑﻘﻰ ﻟﺤﺎﻟﻲ ﻣﺎﻛﻨﺖ ﺍﻓﺘﺤﻠﻬﻢ ﺑﺎﺏ ﻏﺮﻓﺘﻲ ! ﺭﺡ ﻳﺘﻔﻬﻢ !
.
ﺑﻌﺖ ﺍﻟﺮﺳﺎﻟﺔ ﻣﺘﻞ ﻣﺎﺣﻜﺖ ﺍﺳﻴﺎ ﻭﺍﺧﺪ ﻣﻮﺑﺎﻳﻠﻬﺎ ﻭﺭﺍﺡ !
.
.
.
ﻛﺎﺭﻣﺎ ﻗﺎﻋﺪﺓ ﻋﻠﻰ ﺍﻟﺒﻠﻜﻮﻥ ﻭﻣﺎﻗﺪﺭﺕ ﺗﻨﺎﻡ ﺍﺑﺪﺍ ! ﻭﻛﻤﺎﻥ ﻣﺎﻗﺪﺭﺕ ﺗﺒﻜﻲ ﺍﺑﺪﺍ ! ﺳﻤﻌﺖ ﺻﻮﺕ ﺳﻴﺎﺭﺓ ﺍﺷﺘﻐﻠﺖ ﻭﺷﺎﻓﺖ ﻧﺼﺮ ﺭﺍﺡ !! ﺭﻛﻀﺖ ﻟﻌﻨﺪ ﻣﺎﺳﺎ ﻭﻓﻴﻘﺘﻬﺎ !
.
ﻛﺎﺭﻣﺎ : ﻣﺎﺳﺎ ﺑﺴﺮﻋﺔ ﻓﻴﻘﻲ ﻧﺼﺮ ﺭﺍﺡ !
.
ﻣﺎﺳﺎ : ﻛﺘﻴﺮ ﻣﻨﻴﺢ ! ﻟﻴﻜﻲ ﻫﻲ ﺭﺳﺎﻟﺔ ﻣﻦ ﺍﺳﻴﺎ؟؟ ﻭﺍﻟﺮﺳﺎﻟﺔ ﻭﺻﻠﺘﻨﻲ ﻣﻦ ﺭﺑﻊ ﺳﺎﻋﺔ !
.
ﻛﺎﺭﻣﺎ : ﻟﻴﻜﻲ ﻻﺗﺮﺩﻱ ﻋﻠﻴﻬﺎ ﻟﻜﻦ ! ﻻﻥ ﻭﻗﺖ ﻭﺻﻠﺘﻚ ﺍﻟﺮﺳﺎﻟﺔ ﻧﺼﺮ ﻛﺎﻥ ﺑﺎﻟﺒﻴﺖ ! ﻭﺍﻛﻴﺪ ﻋﺮﻑ ﺍﻥ ﻋﻨﺪﻫﺎ ﻣﻮﺑﺎﻳﻞ ﺟﺪﻳﺪ ! ﻣﺎ ﺑﺪﻧﺎ ﻧﺨﺮﺏ ﺍﻱ ﺷﻲ ! ﻭﺍﺭﺩ ﺗﻜﻮﻥ ﻟﻌﺒﺔ ﻣﻦ ﻧﺼﺮ !
.
ﻣﺎﺳﺎ : ﺻﺢ ! ﻭﻫﻠﻖ ﺷﻮ ﺭﺡ ﻧﻌﻤﻞ؟
.
ﻛﺎﺭﻣﺎ : ﻫﻠﻖ ﺭﺡ ﻧﺒﺪﺃ ﺑﺘﻨﻔﻴﺬ ﺍﻟﺨﻄﺔ !
.
.
ﺙ
.
.
# ﺑﻌﺪ _ ﻣﺮﻭﺭ _4_ ﺳﺎﻉﺍﺕ
.
ﺭﺟﻊ ﻧﺼﺮ ﻭﺩﻕ ﺍﻟﺒﺎﺏ ﻋﻠﻰ ﺍﻫﻠﻪ ! ﻭﺍﺗﺼﻠﺖ ﻓﻴﻪ ﻓﺘﻮﻥ ﺭﻓﺾ ﻭﻗﺖ ﻓﺘﺤﻠﻪ ﺍﻧﺲ !
.
ﻧﺼﺮ : ﻛﻴﻔﻚ؟
.
ﺩﺧﻞ ﺍﻧﺲ ﺑﺪﻭﻥ ﻣﺎﻳﺮﺩ ﻋﻠﻴﻪ ﻭﻫﻮ ﺳﻜﺮ ﺍﻟﺒﺎﺏ !
ﺩﺧﻞ ﺑﻬﺪﻭﺀ ﻭﻗﺮﺏ ﻣﻦ ﺍﻣﻪ ﻭﺑﺎﺱ ﺍﻳﺪﻫﺎ !
.
ﻧﺼﺮ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ! ﻛﻴﻔﻚ !
.
ﺩﻳﻤﺔ : ‏( ﻣﺎ ﺍﺗﻄﻠﻌﺖ ﻓﻴﻪ ‏) ﻣﻨﻴﺤﺔ ! ﺷﻮ ﺍﻧﺖ ﻭﻣﺮﺗﻚ ﻟﻴﻪ ﻣﺎﺟﻴﺘﻮ ﻟﻌﻨﺪﻱ؟
.
ﻧﺼﺮ : ﺍﺳﻴﺎ ﺗﻌﺒﺎﻧﺔ ﺷﻮﻱ ﺑﺲ ﺑﻜﺮﻯ ﺍﻛﻴﺪ ﺭﺡ ﺗﺠﻲ ﻟﻌﻨﺪﻙ ! ﻻﻧﻮ ﻗﺮﺭﻧﺎ ﻧﺴﺎﻓﺮ ﺍﻧﺎ ﻭﺍﺳﻴﺎ ! ﻭﻳﻤﻜﻦ ﻣﺎﻧﺮﺟﻊ ﺍﺑﺪﺍ ! ﻭﺍﻧﺎ ﻣﺎﺑﺪﻱ ﺳﺎﻓﺮ ﻭﺍﻧﺘﻲ ﻏﻀﺒﺎﻧﺔ ﻋﻠﻴﻲ ! ﺑﺪﻱ ﺗﺴﺎﻣﺤﻴﻨﻲ
.
ﺩﻳﻤﺔ : ﺍﻧﺖ ﻏﻠﻄﺖ ﺑﺤﻘﻲ ﻭﻓﻮﻕ ﻫﺎﺩ ﻗﻠﻌﺘﻨﻲ ! ﻛﻴﻒ ﺑﺪﻙ ﺳﺎﻣﺤﻚ؟
.
ﺯﺍﻫﺮ : ﺧﻠﺺ ﺳﺎﻣﺤﻴﻪ ﺑﻤﺎ ﺍﻧﻚ ﺳﺎﻣﺤﺘﻲ ﺍﻧﺲ ! ﺍﺑﺪﺃﻱ ﻣﻌﻬﻢ ﺑﺼﻔﺤﺔ ﺟﺪﻳﺪﺓ !
.
ﺍﻧﺲ : ﺍﻳﻤﺖ ﺑﺪﻙ ﺗﺘﺮﻛﻬﺎ ﻫﻴﻲ ﺗﻘﺮﺭ ﻭﺗﺮﻳﺢ ﺣﺎﻟﻚ؟ ﻭﺍﻟﻠﻪ ﻣﺎﻋﻢ ﺍﻋﺮﻓﻚ ! ﻛﻴﻒ ﻫﻴﻚ ﻋﻢ ﺗﺤﻞ ﺍﻟﻤﺸﺎﻛﻞ؟ ﻛﻴﻒ ﻫﻴﻚ ﻣﺎﻋﻢ ﺗﺼﺮﺥ ﻭﺗﺤﻜﻲ ﻭﺗﻨﺘﻘﺪ ﻭﺗﻀﺮﺏ؟ ﺷﻮ ﺻﺤﻲ ﺿﻤﻴﺮﻙ؟
.
ﻧﺼﺮ : ﺍﻱ ﻓﻌﻼ ! ﺷﻮ ﺍﺗﺄﻛﺪﺕ ﺍﻧﻨﺎ ﺻﺮﻧﺎ ﻣﺘﻠﻚ ﺣﺘﻰ ﺗﺨﻠﻴﺖ ﻋﻦ ﺍﻓﻜﺎﺭﻙ ﻳﻠﻲ ﻣﺸﻴﺘﻬﺎ ﺑﺪﻣﻨﺎ؟ ﻭﺍﻟﻠﻪ ﻣﻌﻚ ﺣﻖ ﺧﻠﺺ ﺍﻧﺖ ﺷﺎﻳﻒ ﻭﻣﺘﺄﻛﺪ ﺍﻧﻪ ﻃﻠﻌﻨﺎ ﻧﺴﺦ ﻣﻨﻚ ! ﺑﺲ ﺷﻮ ﻧﺴﺦ ﺍﺟﺪﺩ ﻭﻋﻤﻠﻨﺎ ﺷﻐﻼﺕ ﺑﺤﻴﺎﺗﻨﺎ ﻣﺎ ﺑﺘﺨﻄﺮ ﻋﻠﻰ ﺑﺎﻟﻚ !
ﺩﻳﻤﺔ : ﻭﻛﻤﺎﻥ ﺍﺗﺄﻛﺪﻭ ﺍﻧﺖ ﻭﺍﺧﻮﻙ ! ﺍﻧﻪ ﺍﺫﺍ ﺍﻧﺖ ﺍﻭ ﺍﺑﻮﻛﻢ ﻏﻀﺒﻨﺎ ﻋﻠﻴﻜﻢ ﻛﻞ ﺣﻴﺎﺗﻜﻢ ﺑﺘﻘﻀﻮﻫﺎ ﻣﺸﺎﻛﻞ ! ﺭﻏﻢ ﻛﻠﺸﻲ ﻻﺗﻨﺴﻮ ﻧﺤﻨﺎ ﻣﻴﻦ ! ﺍﻻﺣﺘﺮﺍﻡ ﻭﺍﺟﺐ ﻋﻠﻴﻜﻢ
.
ﺯﺍﻫﺮ : ﺍﻧﺎ ﺩﺍﺧﻞ ﻧﺎﻡ ﺣﺎﺳﺲ ﺣﺎﻟﻲ ﺗﻌﺒﺎﻥ !
.
ﻧﺼﺮ : ‏( ﺍﺗﻄﻠﻊ ﺑﺄﺧﻮﻩ ‏) ﺑﺪﻱ ﺍﺣﻜﻲ ﻣﻊ ﺍﻣﻲ ﻟﺤﺎﻟﻲ !
.
ﺑﻘﻲ ﻟﻮﺣﺪﻩ ﻣﻊ ﺍﻣﻪ : ﺷﻮ ﺧﺠﻼﻥ ﺗﻌﺘﺬﺭ ﻣﻦ ﺍﻣﻚ ﻗﺪﺍﻡ ﺍﺧﻮﻙ؟
.
ﻧﺼﺮ : ﻻ ﻣﻮ ﻫﻴﻚ، ﺣﺎﺑﺐ ﺍﺣﻜﻴﻠﻚ ﺷﻲ ! ﺑﺲ ﺑﺎﻻﻭﻝ ﺑﺪﻱ ﺗﺴﺎﻣﺤﻴﻨﻲ، ﺍﻧﺎ ﺍﺳﻒ ﻛﺘﻴﺮ , ﻣﺎﺑﺪﻱ ﻏﻀﺒﻚ ﻳﺴﺎﻭﻳﻨﻲ ﺍﺳﻮﺃ ﻣﻦ ﻗﺒﻞ ! ﻭﺍﻟﻠﻪ ﻣﺎﻛﻨﺖ ﺑﻌﺮﻑ ﺷﻮ ﻋﻢ ﺍﻋﻤﻞ ﻭﺷﻮ ﻋﻢ ﺍﺣﻜﻲ !
.
ﺩﻳﻤﺔ : ﺍﻧﺎ ﻣﺎﺑﻘﺪﺭ ﺍﻏﻀﺐ ﻋﻠﻴﻚ ﻛﻞ ﺍﻟﻘﺼﺔ ﺍﻧﻪ ﺯﻋﻠﺖ ﻣﻨﻚ ﻭﻫﻠﻖ ﻣﺎﺿﻞ ﻓﻲ ﺯﻋﻞ ﺍﻧﺖ ﺍﺑﻨﻲ ﻭﺍﻧﺎ ﻣﺴﺎﻣﺤﺘﻚ ! ﻭﻫﻠﻖ ﻗﻠﻲ ﻟﻴﻪ ﺑﺪﻙ ﺗﺴﺎﻓﺮ؟
.
ﻗﺮﺑﺖ ﻋﻠﻴﻪ ﻭﺣﻀﻨﺘﻪ ﻭﺻﺎﺭﺕ ﺗﻠﻤﺲ ﻋﻠﻰ ﺷﻌﺮﺍﺗﻪ !
.
ﻧﺼﺮ : ﺍﻧﺎ ﻛﺘﻴﺮ ﺍﺫﻳﺖ ﺍﻛﺘﺮ ﺑﻨﺖ ﺣﺒﻴﺘﺎ ﺑﺤﻴﺎﺗﻲ ! ﺑﺲ ﺧﻠﺺ ﺍﻧﺎ ﻗﺮﺭﺕ ﺍﺗﻐﻴﺮ ﺑﺲ ﻣﺎﺭﺡ ﺍﺗﻐﻴﺮ ﻟﺤﺘﻰ ﺑﻌﺪ ﻋﻦ ﻫﻮﻥ ! ﺭﺡ ﺳﺎﻓﺮ ﻣﻌﻬﺎ ﺑﺲ ﺑﺪﻱ ﺍﻗﻄﻊ ﻋﻼﻗﺘﻲ ﻣﻊ ﻫﺎﻟﺒﻠﺪ ﻋﺎﻻﺧﺮ ! ﻣﺎﺑﺪﻱ ﺍﺗﻮﺍﺻﻞ ﻣﻊ ﺣﺪﻯ ﻣﺎﺑﺪﻱ ﺍﺗﺬﻛﺮ ﺍﻱ ﺷﻲ ﻣﻦ ﻫﻮﻥ !

#قصة_اول_حب
#جزء_الخامس_السادس

و كل خطوط شبكات الاتصالات عم يشهدو هاللحظة التاريخة.... لحظة لن يكررها الزمن....لحظة ولادة حب ام جود و ابو جود.... و كان الرد من الطرف الآخر كالتالي :-

الووووو الووووو ما عم اسممممع مييين؟؟؟ شووو قلت؟؟؟ الووووووو
كان يصرخ و يقلي الشبكة بتقطع و مو فاهم، صفنت شوي... نزلت الموبايل من ايدي.... طلعت وقفت فوق التخت(شهيق -زفير).... نطيت.... رجعت طلعت ( شهيق-زفير) ... نطيت...
و قعدت بالارض و مسكت الموبايل و ابتسمت ( انت واحد حيوان !!! )
- نعممممم؟؟؟ شو قلتييييي؟؟؟
لا ما هو هيك الوضع صار over.. كل شي حكيتو ما سمعت منو شي و هي لقطتا!! ( فهمان...واحد فهمان استاز لهيك بدي اسالك سؤال مهم يعني مشان المادة!! ) ...
راحت أيام و اجت أيام و هالحب ما عم يطلع من راسي، ما كنت شايفه الا هدف واحد بين عيوني...
راكان!! ... كنت شايفتو الماضي و الحاضر و المستقبل... البسمة و الدمعة و الفرحة...
كل شي!! اصعب مرحلة ممكن تمر فيها البنت هي حبها الأول، كل الجفاف العاطفي الي كانت عايشتو بتصير بدها تعوضو...و انا و الحمدلله كنت عايشه تصحر مو بس جفاف و راكان كان بالنسبه الي واحة خصبه في وسط الصحرام تحفها الاشجار الخضراء و تنعم بالمياه العذبة... بس يا خوفي هالواحة تطلع سراب و كون ماكلة ضربة شمس!! ..
بيوم ربيعي جميل و صافي و مسمش
امي ( غلطت) ... غلطت ها...و قالت انو بدا تشطف البرنده... طبعاً انا حطيت راسي بالكتاب و قلت عندي دراسة بعدين انتبهت عالساعه انها 6 المسا،، يعني شو؟ ... يعني ابو جود قاعد قدام باب بيتهن عم يأرجل و لابس الشيال يئبشني ريتو،،،
زتيت الكتاب... و نفخت على غرتي صارت تطير و تحلق... و ضربت على صدري ( خلص عندي،،، طالعه اشطف)
عبيت دلو المي و اخدت القشاطة و ندهت لحكيم يساعدني و امي بعدها بحالة صدمة عاطفيه ...تغندرت و تحومرت و تبودرت و طلعت اشطف بكعب!!! ايه ايه بكعب... لو بايدي لبست فستان سهرة بس ابي قاعد بخاف يلاحظ يعني،،
طلعت و انا عايشه دور ساندريلا لما كانت ماسكه المكنسه و عم تلف بالفستان تبعها و الفيران و القطة عم ينطو حواليها..عشت المشهد و تخيلت جود و اخواتو عم يلفو حوالي...
بعدين صرت العب مع حكيم بالمي و رش عليه قطرات عذبة من الماء...و للاسف ما لاحظت انو اخو الهبلة معصب... كنت رش عليه المي و اضحك ( بيبي حكوومتي يلا يا البي هههههههه يااااي water.. Water)
دفشني الغبي و انا حاطه ايدي بدلو المي...تفركشت و مسكت الدلو قال يعني مشان ما اوقع... وقع فوقي... و قلبت على ظهري متل الصرصور و الدلو قلب فوق بطني و تشتشت مي
اي اي.. مي مي... water... Water
و راكان قلب على ظهرو كمان من الضحك و ولاد الحارة يقولو ( بات مان شقلب) ...
كالعادة انتكست اسبوعين هالمرة و بالواقع ما كنت قدرانه اطلع لان حسيت ظهري انكسر...

#جزء_السادس

و اجت الامتحانات!!! و بالامتحان ( يكرم المرء او يهان) ... انهنت... انمسحت بكرامتي الارض... خبصت الدنيا... كنت بس استلم ورقة الفحص احضن الحيط و ابكي...و مع هيك ما قدمت اي ورقه فاضيه!!
كنت اعبررر و ابدع...اخترعت قواعد تكامل و تفاضل جديد
و ابتكرت قوانين للاعراب بشكل مبتكر و عصري
و عكست جغرافيا الوطن العربي،، اما الانجليزي ف كمان كتبت فيه بس بلغة جديدة لم يعرفها التاريخ بعد!!
و انصمدت شهر و نص بالبيت استنا النتائج و وقف عالشباك اتفرج على راكان...لوقت ما خطب راكان،، و اجت امو تاخد امي مشان تورجيها العروس...
ما كنت عم سدئ كان عئلي رافض يتقبل، ليش طيب؟ انا شو ناقصه؟ شو علتي؟ حرام حب؟
حرام اختار الشخص الي بدي عيش معو؟ ... شو ذنبي... ليش هيك...
انا والله ما عملت شي...
تحملت كتير مواقف مره و عشت كتير لحظات صعبه،، بس قلبي لهفلو...
كان بيعنيلي كل شي.. وبهل بساطه خلص!!! رااااح!!! طيب و انا؟؟؟ لك و اناااا شوووو
هديك الليله ضليت ابكي بغرفتي عالسكت...كل ما كنت اتخيل فرحتو بعروستو موت،، كل ما كنت اتزكر احلامي و آمالي الي بنيتها انكسر...
عادي انا ما عملت شي انا بس حبيتو و كنت مستعده اعملو كل شي كرمال يحبني طيب ليش ما حبني ليش؟!
البنت المجنونة...الطيبه الحنونة انطفت.. نفسيتي تعبت كتير و انتشرت الحبوب بوشي و بجسمي كامل و نزلت 2 كيلو باسبوع واحد مابعرف يمكن لان قطعت الاكل تماماً او يمكن لأن نفسيتي تعبانه ما بعرف بالضبط شو السبب...
لوقت ما طلعت نتائج البكلوريا و اجا ابي و كانت الكسرة واضحه بعينو و طلعت راسبه،، راسبه بجدارة!! ..
وقفت عالباب و كنت اطلع بوش كل واحد من اهلي
الكل ساكت... ما حدا حكى شي...
صمت فظيع، تمنيت حدا يبهدلني
او يلوموني...يحكو اي شي
حتى حكيم قعد بحضن امي و هو ساكت...
(( اسفه)) نطقت الكلمه لابي و نزلت راسي و فتت على غرفتي و سكرت الباب...
و كان هاد الكف الي صحاني من وهم راكان و من الحب الي سيطر علي بالكامل...
حالة هدوء قاتل عشت فيها عم اتخبط و اتعذب،،، و ابي قاطعني و امي كان مكسور خاطر