#جمعية_كارهو_النساء_بقلم_امل_احمد
جمعية كارهو النساء (حلقة 5)
@rwayate
امي: مي .. مي .. حااجتك نووم فيقي

مي: (مغمضة عيونها) اي اميي .. حرام عليكي حرااام .. انا صايمة .. صاااايمة انااا

امي: والله جد صايمة !! اي حملينا منية بصيامك ست مي .. قومي وليي لحقي صلاة الظهر .. بسسرعة

مي: امي .. بدي ناام

ولسا ماكملت الكلمة ما بحس غير ع كاسة مي ندلقت بنص وشي ..
انتفضت من تختي وما بعرف كيف وصلت لنص الغرفة .. قلبت ع الرجل الوطواط ..

مي: لك شووو هاااد

امي: هاي لتنتعشي شوي .. ع صلاتك بسرعة

مي: ففففففف يا ربي

امي: سمعي ولي مقصوفة الرقبة ما بدي ضوع صيامي عليكي . .. اصصصحك اسمع صوتك طول لنهار .. صلي والحقيني بسرعة

صليت وانا عم جر حالي جر .. حاكم انا وقت صوم ما بعود شوف شي ولا اسمع شي ولا حس بشي .. كل حواسي بتنشل ..

خلصت صلاة وسجدت ع المصلاية ع اساس ريح راسي شوي .. وما بسمع غير صوت من ورايي ..

لمى: 😂 😂 😂 😂 😂 اخخخ يا امي .. لك شووو عم تعملي بنت حماييي

رفعت راسي وانا مفزوعة .. (شبك .. مانك شايفة .. عم صلي .. عم صلي )

لمى: 😂 😂 😂 😂 اول مرة بسمع بصلاة مع شخير وريالة نازلة

مسحت تمي .. واطلعت فيها ... (انا ريالتي نازلة )

لمى: 😂 😂 😂 فتحي جوالك ع جروب العيلة فتحي

مي: شو عملتي لمى .. اه .. شو عملتي

فتحت جوالي بسرعة وما كنت عم لحق ع الرسائل .. يلي كلا ضحك وشي ريالة وشي شد شد اكتر يا معلم .. وشي حيو ابو مسمار ..

طلعت بالرسائل لفوق وانصدمت من يلي شفتو ..
منظري كان مرعب .. راسي مايل ولعابي كلو نازل وعم اشخر متل التور 😥 😥

ضربت بئيدي ع وشي وما بعرف كيف نطيت فوقا للمى ... انا اضرب فيها وهي فاارطة ضحك ..( 😂 😂 😂 😂 لك هدي هدي ابو مسماار هدي )

مي: انا بورجيكي يا لمى .. انا بورجيكي

لمى: 😂 😂 😂 😂 لك حااج ولوو ابو مسمار .. ليكي كيف حركنا لجروب بعد ما كان نايم

عضيت ع شفتي لهدي حالي وتركتا واقفة وفارطة وفتت لعند امي ع المطبخ ..

امي: بلشي بالقطايف ليجو نسوان اخوتك

لمى: 😂 😂 😂 كيفك مرت عمي

امي: اهلين ست فضيحة .. تعي عاونيني ع اليبرق .. عجلي

لمى: وينن سناء ورهف 😂 😂

دخلت سناء من باب المطبخ .. (ليكني سلفتي ... ليكني )

امي: يالا تعي عاونينا يالا عجلي

سناء: حاضر مرت عمي .. بس لشو كل هالعجقة.. طنجرة شوربة وصحن سلطة بكفو وبوفو

امي: اي تعي بلا لعي .. كلو شهر بالسنة يلي كل ولادي بيجتمعو فيه سوا عندي وما بدك اكرمن

رهف: مسا الخير

امي: مسا الورد .. تعي عجلي رهف يالا

رهف: والله تعبانة مرت عمي

مي: اي شي طبيعي لانو ما تسحرتي مرت اخي

رهف: لك انت هون ابو مسمار .. لك شو عم تعمل

لمى: 😂 😂 😂 😂 😂

ما بعرف كيف ضربتا للمى بقرص القطايف يلي اجا بنص وشا

سناء: هههههههههه خلص ابو مسمار رووووق يا عسل انت رووووق

مي: انا بورجيكن

امي: 😂 😂 😂 😂 الله يهديكن

اكتر من تلت ساعات ونحنا بلمطبخ ع طبخ وتفخ وحلو ومدري شو .. خلصت وفتت ع الحمام وانا عم ازحف ع اديي واجريي من التعب .. تحممت وصليت العصر وقرات جزء قران ..

مي: امي انا رح نام .. هلكانة

امي: دخيلك يا ربي ع هالجيل .. روحي روحي نامي .. اصلا ما في منك فايدة

لمى: 😂 😂 😂 😂😂

مي: هلا انا ما في مني فايدة امي ... لكن شو صرلي من الصبح عم اعمل بلمطبخ

امي: اي روحي روحي بلا فزلكة

سناء: مرت عمي ازا القطقوطة نامت انا كمان رح روح نام ... لانو هلكانة انا

مي: لك قلتلك لا عاد تقليلي قطقوطة

لمى: 😂😂😂😂😂😂😂

امي: يا ربي صبرك .. روحو من وشي كلكن .. روحوووو

رهف: وانا كمان مرت عمي

امي: انت اولن يا روحا لمرت عمك

فتت لنام وانا عم سب واندب .. واختي رنا شمتانة في وعم تضحك وعيونا بكتابا ..

مي: اي ضحكي انت

رنا: اي طبعا رح اضحك .. لحتى تعرفي يلي بيعملو مقالب بالناس كيف الناس بتعمل فيهن مقالب وهي مرتاحة

مي: والله جد .. اي درسي انت بكون احسن

رنا: حبي انت ابو مسمااار

مي: لك تضربو كلكن

رنا: وانا 😲 .. اي تعي لهووون .. والله ما بتنامي قبل لتاخدي عبوووطة

مي: تركيني رنا

وبلشت تدغدغ فيني وانا فارطة .. (لك خلص اختي )

رنا: اي هيك ها .. ما تبلى هالضحكة الهي .. موااااه

مي: لك حبي انت مواااه

ونمت ... 😴

#جمعية_كارهو_النساء_بقلم_امل_احمد
جمعية كارهو النساء (الحلقة 6)
@rwayate
لمى: مي ... يالا شبك لساتك نايمة .. فيقي رح نبلش بمد السفرة

شخرت شخرة طويلة وكتمتا وانا لسا مسكرة عيوني ..

لمى: 😂 😂 😂 😂 😂 موو طبيعية انت .. جد جد

رجعت شخرت شخرة طويلة وفتحت عيوني ع وسعهن وانا عم اطلع بالسقف .. وشخرت كمان مرة ..

لمى: بسم الله 😂 😂.. لك شبك مي

انتفضت اكتر من مرة وانا بفراشي وصرت طالع صوت متل صوت التور المدبوح .. ومرة وحدة نطيت عن التخت وصرت قرب منا وعيوني مفتوحين ع وسعهن وعم اطلع بالسقف ..

لمى: لاااا مي .. شبك حبيبتي .. شبك هههه

خفت ضحكتها للمى وبلش لونا يتغير وتمسمرت بمطرحها وهي مانا قدرانة تتحرك ..
وانا قربت منا لصار وشي مقابيل وشا ... اطلعت بعيونا نظرة سريعة ورفعت ادي ع رقبتها . .

شهقت لمى وصرخت باعلا صوتها .. (مرت عمييييي .. ادهمممم)

وبسرعة البرق تركتا ورجعت ع تختي وتغطيت وهي لساتا واقفة ومانا مستوعبة شو صار ..

ادهم: لك ليش عم تصرخي .. وليش هيك وشك مخطوف

لمى: م.. م... مي .. مي 😂 😂

ادهم: لك شبها مي

لمى: ماا بعرف .. كانت عم تشخر متل التور وهجمت علي ومسكتني من رقبتي 😂 😂

مي: ففففف .. لك شو هالصوت .. بربكن تركوني نام

اطلع ادهم في .. ورجع اطلع بلمى .. (الظاهر لصيام ماثر عليكي .. البنت ليكا بسابع نومة )

لمى: 😂 😂 😂 😂 ادهم والله هلا كانت واقفة هون متل. الجنية

ادهم: لا حول ولا قوة الا بالله .. تعي تعي عاونيها لامي .. تعي

قربت لمى مني شوي شوي بعد ما راح ادهم .. وحطت ايدا ع كتفي بهدوء .. (مي .. مي .. فيقي)

مي: اييي مرت اخي .. رح فيق تركيني شوي

لمى: 😂 😂 😂 بالله تفتحي شوي .. حاكيني

مي: خير مرت اخي شبك

لمى: عم تجدبيها علي مي مو ؟؟ كنت غفيانة ؟؟

مي: مرت اخي .. والله هلكانة وراسي عم يجعني .. شو في.. شو صاير

لمى: 😂 😂 لك هلا كنت تنطي متل الجنية قدامي ومسكتي برقبتي وكنت رح تخنقيني

مي: بالله شووو .. هاد يلي كان ناقص .. تتهميني بقتلك

لمى: 😂 😂 😂 بالله مانك متزكرة

مي: مرت اخيي .. تركيني

لفت وشا لمى وطلعت وانا فرطت ضحك .. (لكن انا تنزليني ع جروب العيلة ... انا )

قمت من فراشي وانا منتعشة .. رحت ع المطبخ وكانو لمى وسناء ورهف ورنا بالمطبخ عم يجهزو بالاكل ..

بلشت ساعد فيهن ..
امي: مي امي انت بلشي فردي السفرة برضايي عليكي

مي: ففففف دائما اصعب شغلة بتسلموني ياها

امي: لا اله الا الله .. ليكي مي لا تخليني اخسر صيامي .. روحي عملي يلي قلتلك ياه من تم ساكت .. ومهند وميس بيعاونوكي

مي: حااضر امي .. حاضر

لمى: 😂 😂 😂 😂 الله يتمم رمضان ع خير

سناء: دخيلك يا ربي .. لك بس مرقي خمس دقايق من غير ضحك

رهف: فففف لك سكتو راسي رح ينفجر

لمى: 😂 😂 😂 😂 متاسفين سلفتي ع الازعاج

وجهز لفطور واخيرا وانفردت السفرة يلي كان طولا شي مترين او اكتر .. لرجال بصدر السفرة وحدن الحريم وع جنب السعادين وانا معن 😔 😔

بلش يقرا قران ويسبح .. وبلشت معدتي ترقص رقص والعصافير عم تتلوى من الجوع والعطش ..

امي: سبحو يا امي ..وقت استجابة الدعاء .. ربي يحميكن

مرق هالوقت وكانو ساعات لوقت سمعتو اذن .. تشاهدت وما بعرف كيف حطيت التمر و المي بتمي ..

#جمعية_كارهو_النساء_بقلم_امل_احمد
جمعية كارهو النساء (حلقة 7)
@rwayate
رح كملكن عن اول فطور برمضان ..
المهم حطيت التمر والمي بتمي .. ما بعرف مين فيهن يلي سبق .. وتشاهدت مرة تانية لانو لساتني عايشة وما متت من عطشي ..

ورح بلش بالاكل .. لك بس هدول السعدين ما عم يسكتو ابدا .. وعم يعيطو ع بعضن ..

مي: لك سناء وقفي اكل شوي واطلعي بولادك .. لك متخانقين ع المعلقة

سناء: اي تركيهن هلا بحلو مشكلتن لحالن

مي: لك ما فيني اكل وهني عم يعيطو ع بعض

ميس : انا رح سكتن عمتو .. تعا انت وياه شبكن اه .. شبكن

غيث: اخدلي معلقتي

ليث: لااا عم يكزب هاي الي

غيث: انت يلي عم تكزب

ميس: هششششش .. سكتو تنيناتكن واطلعو فيني وانا رح اعرف من عيونكن مين يلي عم يكزب .. وعطوني المعلقتين .. يالا

اخدت المعلقتين منن وبدون مقاومة وكتمو وما عاد طلع صوتن .. وانا عم اتصفن بهالمخلوقة وماني مصدقة عيوني ..

ميس: ايييي .. انتو تنيناتكن ما عم تكزبو .. ليش يا حزركم

غيث.. ليث: ليييش

ميس: اي لانو المعلقتين نفس الشي .. ليكن

غيث.. ليث: اي والله مزبزط

ميس: لكن يالا خدو معالقكن وما بدي صوت

مي: هلا انت جد جد بنتا للمى

لمى: 😂 😂 😂 😂 شبك ميوش

ميس: اي طبعا بنتا .. الشغلة بدا شوووية عقل عمتو .. شوية صغيرة

ادهم: يسلملي الفهمان انا

بصراحة ما عم استوعب انو لمى اما لميس .. يعني انو ميس اما للمى والله بتركب اكتر ... ما علينا .. رح بلش باكلي انا ..

لك شبها هاي .. معقول شبعت لحتى قامت عن السفرة ..

امي: شبك رهف .. شبعتي

رهف: لا مرت عمي ما شبعت .. اكلت صحن سلطة رح صلي وارجع كمل اكل

امي: كملي اكلك يا بنتي وبنصلي سوا

رهف: لا مرت عمي .. هيك اريح لمعدتي

امي: اي براحتك

سناء: هههههه دخيلو لبرستيج انا

لمى: 😂 😂 😂 😂 نسيانة حالك سلفتي

لؤي: لك حااج تجروو .. والله صرعتولي راسي

ادهم: ع فكرة .. هالعادة من السنة فحاج عم تعلقو

شادي: لك مين عملا للسلطة هاي

انا حطيت ايدي ع قلبي .. (انا اخي .. ليش فيها شي؟)

شادي: لك كام مرة قلتلكن لا تحطو بقدونس بالسلطة .. لك بقرف منو

امي: حقك علي يا امي .. انا نسيت .. ما عاد نحط بقدونس

هادي: اي ليش الحكي .. والله اكلات ست الحبايب ما الن مثيل

ابي: اي لكن .. هاي ام ادهم هاي مو حيالله

ايهم: يسلمن هالديات امي

سناء: اي ونحنا كمان عاوناها لمرت عمي

ايهم: يسلمن مرتي الحلوة

لؤي .. لك مو قلتلكن .. خواااااريف ما في كلام

مي.. وهيك خلص فطورنا الاول برمضان بين مزح وتلطيش حكي ومناقرات وضحك ولعب .. ومن بعدا لمينا السفرة وتوضينا وصلينا كلنا سوا جماعة ..

ولرجال قعدو مع امي ع البرندة ونحنا كلنا ع المجلى 😔
والسرنوة سناء اخدت القهوة وسبقتنا لتقعد معن ع البرندة ..

لمى: 😂 😂 عجلو لنلحق فنجان قهوة

رهف: لمى .. هلا انت شو مشكلتك .. لك ليش ع طول عم تضحكي

لمى: ما بني شي 😂 😂 .. هيك الله خالقني بحب الضحك والبسط

رهف: اي بس انا خايفة ع حناكك سلفتي

مي: لا تخافي مرت اخي وخافي ع خطوط الكبر يلي رح تبلش تطلع بوشك من كشرتك

لمى: 😂 😂 😂 😂 😂 😂

رهف: هااا .. لا ولوو مو لهالدرجة

مي: لك مرت اخي .. والله شتهيت شوف سنانك والله .. لك تبسمي بس ابتسامة وحدة بس

رهف: اي ما بحب المسخرة

لمى: 😂 😂 😂 هلا الضحك مسخرة .. لك والله ما في بعد الضحك .. مو هيك ميوش

مي: مو مرت اخي مو

لمى: 😂 😂 لك صحيح رنا ليش انت هون بالمطبخ .. روحي درسي

رنا: بدي غير جو .. مليت .. بس بعد نقاشاتكن باين رح غير رايي وروح

مي: لا شو تروحي .. خلص رح نسكت

هلا صح ع طول بنقضي وقتنا نقار ونقير بس وربي احلا وقت هو وقت بكون معن .. بس هاي رهف ضروري طالعا من كشرتا .. فكركن شو لازم اعمل ؟؟

هلا كل يلي قدامي رغوة الفيري ومي .. مممم ... عم تفكرو بيلي عم فكر فيه؟؟؟

لا لا انسو الموضوع والله بتاكلني بلا ملح .. وازا هي ما اكلتني شادي راح ياكلني .. خلص انسووو ..

لحظة .. رح شاورا للرنا ..

رنا: لك جنيتي انت .. والله بتاكلك بلا ملح

مي: ففففف لك والله شتهيت شوفا عم تضحك

رنا: اي بكفي لمى عم تضحك

لمى: وكانو سمعت اسمي انا

مي: بسم الله .. لك لمى حكت جملة من غير ضحك .. الله اكبر

رهف: هههههههههه

مي: لك رهف عم تضحك .. ياااااا الله ما اكرمك

لمى: 😂 😂 😂 😂 😂 😂 لك قامت الحرب عم تكبري
رنا: هههههه لك انو حرب مرت اخي .. والله فرحتنا انا ومي بهاللحظة ما بتنوصف

رهف: اي لهالدرجة هاممكن امري

مي: لا ولوو.. لك صح انت ع طول بتخانقي دبان وشك .. وبتخانقي حالك لحالك .. وكشرة كتييير .. بس والله بحبك من بصبوص قلبي .. بكفي انك مرت اخي حبيبي شادي

وخلصو الجليات واخيرا ع خير وسلامة .. ورجعنا جددنا القهوة واخدنا القطايف يلي من تحت دياتي وطلعنا لعندن ع البرندة وقعدنا احلا قعدة ..

#جمعية_كارهو_النساء_بقلم_امل_احمد
جمعية كارهو النساء (حلقة 8)
@rwayate
متل ما خبرتكن .. رجعنا لتمينا كلنا ع البرندة..

مي: اي لؤي .. كيفك اخي حبيبي

لؤي: من الاخر شو بدك

مي: هلا هيك صار .. شو بدي .. لك الحق علي يلي عم اسال عنك

لؤي: ليكي مي .. انتو حوا مستحيل تسالو عن حدا هيك لله بالله .. الا ما يكون في هدف من وراه

مي: الله يسامحك اخي

لؤي: اي الله يسامحنا الجميع .. بس ما قلتيلي شو بدك

مي: لا تحرجني اخي

لؤي: اي خلص وصلت .. هلا احلا تشكيلة شوكولا لعيونك انت

مي: لك يخليلي ياك الهي .. هات بوسة

لؤي: لك مصلحجية انت .. مصحلجية

رنا: ليش حاسة انو في بالموضوع شوكولا

لمى: 😂 😂 😂 اي لانو مي ما بتعطي بوسات من غير شوكولا

سناء: قطقوطتي .. حسبي حسابي

مي: ليك ايهم سكتا لمرتك بلا ما زعلا هااا

ايهم: لك عم تدللك ولووووو .. رووق ابو مسمااار

لمى: 😂 😂 😂 يحرق حريشك سلفي .. لا تزكرني

لؤي: كل واحد يلتهي بمرتو وما حد يئرب من ميوشتي .. والله بدبحكن

مي: خليلي ياك اخي

ادهم: يالا جهزو حالكن .. صار وقت التراويح

وهيك كل العيلة جهزت حالا للصلاة .. لرجال كلن راحو ع المسجد .. وانا ورنا وامي ولمى ورهف .. وسناء بقيت بالبيت كرمال سعادينا ..

خلصت الصلاة واجواءها الروحانية مع صوت اخي ادهم يلي بخليك تخشع بالصلاة غصب وتنزل دموعك ..

مي: الله يخليلنا ياك يا اخي وما يحرمني من صوتك الهي

ادهم: الله يحفظك يا روحي ويستر عليكي ويهديكي للخير

ميس : جد بابا ما قدرت انو امنع دمعتي وقت كنت عم تدعي بالوتر .. ربي يخليلنا ياك

مهند: ابي .. انا رح صير متلك امام وصلي بالناس لحتى كل اكسب اجر كل اهل الضيعة

ادهم: ان شاء الله يابي .. ان شاء الله

لؤي: اي ميووش .. وهاي يلي وعدتك فيه

مي: لك يسلمن احلا واغلا اخ .. رح اعمل قهوة لنشرب معن

لؤي: لا لا لا تحسبي حسابي عندي سهرة مع رفقاتي

مي: ماشي اخي .. يسلمن

.....................
لؤي.. طلعت من البيت لعند رفقاتي .. طلال وغالب ..

طلال: هلااااا بالشباااب والله

لؤي: لك هلا بشواربك ابو شريك

غالب: لك والله زمان عنكم شباب

قعدنا سوا مع الارجيلة والقهوة والمكسرات والحلووو .. وبلشنا اجتماعنا السري .. اجتماع جمعية كارهو النسااء..

طلال: اي شباب .. الصفحة كل مالا عم يزيدو معجبينا .. ههههه والله طلع في كتير متلنا حاقدين ع حوا

لؤي: لك استنا شوي .. رح تشوف كيف رح تصير اكبر صفحة ع الفيس كلو .. الكل عم يكتشف بخيانة حوا وعم يجو لعنا واحد واحد

غالب: لك لؤي .. بس انو ما عرفنا شو قصتك مع حوا .. انو مين يلي كرهتك بحوا هيك

لؤي: لا تزكرني ولووووو

طلال: اي لا احكي لنشوف

لؤي: لك هاد وقت كنت صف رابع كنت حلو كتير وجنتل .. كالعادة طبعا

طلال.. غالب: 😂 😂 😂 😂 😂

لؤي: اي وكانو تلت بنات رفقات كلن يحبوني ويركضو ورايي .. وانا حبيت وحدة منن .. كان اسما دعاء .. الله لا يوجهلا الخير

طلال: لك ايييي

لؤي: اي وهالسرنوة غدرت في ع اول قرطوس بوضة تقدملا

غالب: بربك جد 😂 😂

لؤي: لك اييييي .. بوقتا كنت رايح ع المدرسة وشفتا واقفة عم تاكل بوظا مع رفيقي .. رحت لعندا وندهتلا
(دعاء: شو بدك لؤي

لؤي: بدي حاكيكي شوي

دعاء: ما عاد بدي رافقك .. لانو ما بتجبلي بوظة .. وهلا روح ولا عاد تحاكيني )

ومن وقتا كرهت كلشي اسمو حوا

غالب: 😂 😂 😂 😂 لك هلا هاي هي قصتك مع حوا

لؤي: لك اي اي ... والله كسرتلي قلبي بوقتا .. اي هاتو لشوف انتو شو قصتكم مع حوا

غالب: والله انا ما كان في بينا شي لوقت شفت مسلسل الزير سالم .. وشفت البسوس والجليلة ومن وقتا كرهت كلشي حوا

لؤي: والله معك حق .. وانت طلال هات لنشوف

طلال: والله يا ابو شريك انا جرحي لساتو جديد .. صرلنا سوا تلت سنين وع اساس بتحبني وعم تستنا لخلص دراسة ونتجوز .. ومن اسبوع ما بسمع الا خطبت ورح تسافر كمان

لؤي: اي بالناقص منا ابو شريك .. ولا يهمك ولووو

غالب: لك ااخ بس لو يحكموني فيهن يوم واحد .. لجنن وربيهن .. 😂 😂 بس بربكن كيف المقلب يلي عملناه بحبيبة احمد

لؤي: لك لا تزكرني 😂 😂 😂

طلال: لك شو هاد .. ما بعرف فيه انا .. هاتو لشوف

لؤي: لك هالبنت شايفة حالا بصورة هستيرية والغبي احمد حبا .. وهي جننتو وكل ما بدو يحاكيها تفضحو بين رفقاتا وعملوه مسخرة .. بس ربك بيحبو لانو وحدة من رفقاتا كانت تكرها وحاولنا نستدرجا بالحكي لوقت عرفنا انو هي بتموت ولا تشوف ضفدع
طلال: خخخخ اي

غالب: اي .. ومحسوبك نحنا عشقنا الضفادع .. جبنا ضفدع وعطينا لرفيقتا اللئيمة وحطتلا ياه بشنتتا ونحنا شغلنا الكاميرا وقعدنا نتفرج بنص الكفتيريا .. ولووو بس شفتا وقت فتحت الشنتة ونط الضفدع بوشا .. بلحظة وحدة كانت بحضنو لاحمد وكل الكافتيريا حششت عليها ..

#جمعية_كارهو_النساء_بقلم_امل_احمد
جمعية كارهو النساء (حلقة 9)
@rwayate
خلصت سهرتي مع الشباب ورجعت ع البيت وتفاجات فيهن كلن لساتن سهرانين ..

لؤي: مسا الخير

وفاء: مسا الخيرات والليرات لحبيب قلبي انا

لؤي: لك هاي فوفتي هون

وفاء: اي تعا تعا لضمك

قربت منا وضميتا وبستا من جبينا ..

لؤي: لك يا اهلا وسهلا بام العيال

وفاء: 😂 😂 ضحكتني من قلبي والله .. شو لعيال اخي .. لساتن تنين

لؤي: اي وازا تنين ههههههه

وفاء: 😂 😂 😂 لك يسعدو يا ناس

لمى: 😂 😂 والله يا وفاء ما حد بفهمني غيرك

وفاء: 😂 😂 😂 😂 لك اي والله يا مرت اخي ما في حد عايش غيرك انت .. ان شاء الله بيسلملك اخي وبتضلي تضحكي ع طول

لمى: امين يا رب 😂 😂

ادهم: يخليلي ياكن تنيناتكن الهي

لؤي: فففففف .. لك فكونا يااااا

امي: الله يرضى عليكن يا امي ويهديك يا لؤي يا ابني
لؤي: امين امي .. امين .. ميوووووش

اجت مي من المطبخ ركض .. (اي اخيي .. جييت )

لؤي: بدي كاسة متة ع كيف كيفك

مي: من عيني هاي قبل هاي

سناء: لك يا الله شو الشوكولا الها مفعول ههههه

لمى: 😂 😂 😂 اي لكن

رهف: خليكن ع الشوكولا لشوف شو رح تفيدكن

لمى: 😂 😂 😂 لك ريتك تسلميلي يا سلفتي .. لك ما حدا خالص منك .. حتى الشوكولا

شادي: هههههه لا حد يجي بمرتي النعنوعة .. فهمانين

وفاء: الله يخليلك ياها اخي .. بس نحنا يعني كرمالا .. والله شتهيت شوف سنانا انا

رهف: والله يا بنت حمايي الدنيا ما عم تتركني بحالي .. وانا ما فيني كون متلكن وانسى بسهولة وجاملا للحياة

وفاء: يا عمري يا مرت اخي .. بعرف موت اخوكي اثر ع نفسيتك كتير .. بس هاد قدرو .. وانت ما بصير اتمي هيك حادة عليه طول العمر .. اي من الله ما بجوز .. صرلو سنة واكتر ميت

لمى: 😂 😂 يسلم تمك بنت حمايي .. ومتل ما بقول المتل الحزن بيجر حزن

سناء: يسلم تمكن .. وانا بضفلك ازا بدك تستني الحياة لتسعدك فرح اتمي طول عمرك تستني .. انت اسعدي حالك من حالك وعيشي حياتك

شادي: ع طول عم قلا هالكلام .. اليوم يلي بروح ما بعود يرجع

لاول مرة بحياتي بحس حالي تفاعلت مع انثى واتعاطفت معا .. اطلعت عليها لرهف وكانت دمعة نازلة ع خدا ع الساكت .. مسحتا بايدا بسرعة وقامت ..

رهف: بالازن منكن .. انا رح روح ع بيتي

امي: الله معك يا بنتي .. الله يرضى عليكي

شادي: وانا كمان رح روح .. تصبحو ع خير

لؤي: لك اخي لوين .. يعني انت كل يوم معا لمرتك .. تعا لنسهر سوا

امي: تركو ابني .. برضايي عليك لا تتركا لحالا يا امي
وفاء: لا حول ولا قوة الا بالله

اجت مي ومعا المتة .. ووقفت وفتحت تما متل الجدبة .. كالعادة طبعا وسرحت فينا ..

مي: لك شبكن اسم الله عليكن .. ليش هيك وشكن

لمى: 😂 😂 😂 ما في شي تعي

مي: اي ازا انت قلتي ما في شي فربك يستر

ادهم: هههههه تعي اختي تعي .. والله هالمتة اجت بوقتا

سهرنا سوا شي ساعتين ومن بعدا كلن راحو ينامو وبقيت انا ووفاء ومي سهرانين ..

وفاء: اي اخي .. ايمت رح تفكا لهالعقدة هاي

لؤي: ايا عقدة

مي: 😂 😂 عقدة كارهو النساء اخي

لؤي: لحتى موت

وفاء: بعيد الشر عن قلبك يا قلبي .. ليك اخي شوفني .. هلا انا مو منيحة .. ليك امك ... اختك رنا .. اختك مي .. شبنا نحنا

لؤي: ليك وفاء .. هلا ازا بدي عددلك قديش غلط فيكن رح تزعلو مني .. لهيك انسي هالموضوع.. وكمان انا اعتراضي ع الزواج كلو كمان مو بس حوا

وفاء: وليش بقا .. شبو الزواج

لؤي: انت يلي عم تقولي شبو .. يعني عاجبك وضعك هيك

وفاء: 😲 😲 وشبو وضعي .. اه شبو

لؤي: ههههه ولا شي .. 12 سنة مدرسة وسنتين روضة واربعة جامعة .. ونهايتك وين .. بين اربع حيطان وبين البامبرز والببرونات

وفاء: اول شي هالوضع يلي انا فيه مؤقت .. انا قدمت لوظيفة وان شاء الله رح اتوظف .. بتعرف شو .. يمكن ما تصدقني .. بس جد مو حابة اتوظف .. صدقني ساعة مع ولادي وبين هالببرونات والبامبرز عندي اغلا من كلشي واحلا من كلشي بعالمك انت

لؤي: ههههه تعودتي اختي .. تعودتي .. انت كمان خورفتي

وفاء: ليك لؤي .. الزواج مسؤولية كبيرة كتير .. وحياة مختلفة تماما عن حياة لعزوبية وخصوصا بالنسبةللبنت لانو رح تنتقل من البيت يلي ربيت فيه لبيت تاني غريب عنها .. بس صدقني اخي الزواج استقرار نفسي وهدوء روحي .. الزواج مودة ورحمة بين تنين ربنا الف بين قلوبن

لؤي: اي تركيكي من هالحكي

وفاء: مانك مصدقني مو ... اي ان شاء الله ما بيخلص هالشهر غير وانت علقان بشي بنت حلال لتفكلك هالعقدة

لؤي: اي هاد من سابع المستحيلات .. انسي

وفاء: اي لنشوف .. ع العموم انا طفيت .. رح قوم نام قبل ليفيقو ولادي .. تصبحو ع خير

لؤي.. مي : وانت من اهلو

لؤي: لك كلو عم يخورف

مي: عقبالك اخي

لؤي: اي روحي من وشي ولووو .. ولا قلك .. انا رح روح .. تصبحي ع خير

مي: وانت من اهلو روحييي

#جمعية_كارهو_النساء_بقلم_امل_احمد
جمعية كارهو النساء (الحلقة 1)
@rwayate
رح بلشلكن بحالي .. انا واعوذ بالله من كلمة انا .. لؤي شب ربنا عاطيني كل المواصفات يلي بتمنوها البنات 😉 .. عيوني كبار وسود ومكحلين .ورموشي كثيفين كتييير .. شعري اسود وناعم كتير وبرجعو لورا متل نجوم هيلوود 😍
واهم شي اهم شي .. عضلاتي 💪 .. بتدرب ومن انا وصغير كمال اجسام واموري تمام ..

السنة هاي انهيت البكلوريا وبلشت جامعة .. عم ادرس علم نفس ..

يعني فيكن تقولو انو كامل مكمل 😊 .. والبنات حوالي متل الدبان .. قصدي متل الفراش ..

بس للاسف الشديد انا عكس ادم كلن .. كل حوا ما بطيقن وما بحبن .. كل امور الزواج والحب بقرف منا ... احيانا بوصل لمرحلة بحس حالي ما بحب امي واخواتي البنات 🙈 .. بس جد جد هالشي مو بئيدي .. هيك الله خلقني ...

لا تسبو علييي يا فراشات .. سامعكن 😉

وهلا رح بلش بالتعريف عن عيلتي الكريمة .. رح عرفكن بايجاز .. وخلال قصتي رح تكتشفو خبايا عيلتي .. عيلة ابو مسمار الوقورة ..

نحنا عيلة كبيرة شوي .. خمس شباب وتلت بنات .. ادهم وايهم شادي وهادي وحضرتي لؤي .. والبنات وفاء ورنا ومي الشعنونة ..

بيتنا كبير كتير .. مكون من شقق فوق بعضا لكل واحد فينا شقة .. ادهم وايهم وشادي متزوجين .. وهادي خاطب ..
@rwayate
وفاء متزوجة كمان ورنا بكلوريا ومي صف عاشر ..

نحنا عايشين بضيعة بعيدة شوي عن المدينة .. لهيك كلنا انا واخواتي عايشين بالمدينة وبنجتمع ببيت اهلي كل يوم جمعة .. ومن بعدا بنرجع كل واحد ع شغلو ..

اخي ادهم لكبير هو ورنا ومي عايشين مع اهلي .. ادهم هو امام مسجد الضيعة .. وهو الملاك الحارس لبيتنا .. ومرتو لمى .. ست فضيحة هي نهفة بيتنا ..

رح جهز كاس متة وارجيلة وارجعلكن .. ولوقتا روحو لبيت اهلي 😉

امي: لك فتحي وشوفي اعلنو رمضان او لا

مي: لك يا امي اعلنوو .. اعلنووووو

امي: لك وعم تتنتوري في يا مقصوفة الرقبة .. تعي لهون تعييي

مي: لك لا لااا امي خلص ... التوبة التوووبة والله

قامت مي وركضت ع غرفتها واما لا حقتا بالشحاطة ... (فتحي ولي فتحي الباب )

(يااا ربي امييي .. لك شو حكيت انا .. شو حكييت ... خلص اسفة خلص )

(ما بدك تفتحي ؟؟ اي لا تفتحي .. بس الحلقة الاخيرة من مسلسلك رح تبلش بعد عشر دقايق )

ضربت مي باجرا ع الارض .. (فففف يااا ربي .. وعديني ما تضربيني امي لافتح)

(اي فتحي فتحي )

فتحت مي الباب شوي شوي وطلت براسا بهدوء من الباب .. وما شافت غير الشحاطة بوشا .. (لك ااااي)

(اي قلتيلي .. والله لربيكي .. خدي هااا .. هااا)

(لك خلللص اميييي .. لك اسفة اسفة وربي اسفة )

فتحت لمى باب البيت ونادت .. (مرت عمي)

وما سمعت غير صوت مي يلي عم تصرخ .. ركضت لعند غرفتا .. وقفت وما قدرت تمسك حالا فررطت ضحك من يلي شافتو ..
كانت مي ع الارض عم تصرخ ومرت عما فوقا وعم تعض فيها وتقرص بايديها ..

وقت سمعو صوت ضحكا للمى نسيو حالن تنيناتن واطلعو فيها ..

امي: لمى !! شو عم تعملي هون

لمى كانت لساتا بضحكا الهستيري وايدا ع بطنا ومانا قدرانة تسكت ..
(اااخ يا امي هههههههه .. لك .. هههههه .. لك .... ههههه .. ندهت عليكن وما حدا فيكن سمعني )

وقفت مرت عما وهي عم تعدل تيابا .. (اي اهلا وسهلا )

لمى: هههههههه .. في ... في هههههه .. فيكي مرت عمي

امي: لك سكتي ولي .. ع شو عم تضحكي

حطت لمى ايدا ع تما لتسكت حالا ومسحت دموعا بايدا التانية وسحبت نفس .. (اووووه .. اسفة .. اسفة مرت عمي .. بس والله شكلكن بضحك ..والله فرررررطت )

مي: اي نتبهي ع حالك مرت اخي .. ما فيني لمك وانا بهيك وضع

زورتا اما .. (اي قومي .. قومي ولي فتحيلي التلفزيون لشوف ايمت رمضان )

ضربت مي ايدا ع جبهتا وغمضت عيونا .. وقبل لتحكي كانت لمى حاكية .. (يووه مرت عمي .. ما سمعتو المسجد .. لك هلا اعلنو .. لكن ليش انا هون .. جيت لقلكن كل عام وانتو بخير )

امي: اي وانت بخير .. بس ما حدا من لولاد اجا

لمى: هلا بيبلشو يجو مرت عمي .. لا تستعجلي .. كلا ساعات وببلش الهجوم

هاي انا .. مي .. وفيكن من اسمي تستنتجو شخصيتي 🙈 عمري 16سنة .. وهاي امي 😓 .. يلي ما الا لا شغلة ولا عملة غير تطير الشحاطة لنص وشي ..

وهي يلي لساتا فارطة ضحك .. مرت اخي لكبير ادهم الجدبة لمى .. يلي مسمينا ست فضيحة متل ما خبركن لؤي ..
ما الا شغلة غير انو تضحك .. شو ما شافت بتضحك .. لك بتزكر بيوم وقت كان القصف فوق راسنا والدنيي ولعانة وهي ماسكة بطنا وفارطة ضحك ..

لك ويوم ابن جيرانا استشهد .. وقت عرفت انو استشهد فرطت ضحك ونحنا كلنا عم نبكي .. لهيك امي ما بتاخدا ع عزا ابدا .. وبالاحرى ما بتاخدا معا ع ايا مكان .. مع العلم هي الكنة الوحيدة يلي ساكنة معنا بالبيت ..

ليكون اجو ولادا .. مهند وميس ..
مهند: كل عاام وانتوو بخييير

وركض لحضن امي وضما ..
امي: وانت بالف خير يا فرحة هالعيلة كلا

(هيك امي مسميتو لانو الحفيد الاول للعيلة )

#جمعية_كارهو_النساء_بقلم_امل_احمد
الحلقة الثانية
@rwayate
فففففف ليكنا وصلنا بيت اهلي .. هلا سمعو لقلكن انا بعشقو لبيت اهلي .. بس .. بس يعني والله ما فيني اتحمل شوف اخواني خواريف لنسوانن .. لك كل حياتن هم وغم .. الطلعة محسوبة عليهن .. القرش محسوب عبيهن .. حتى النفس عم يحسبو عليهن .. اااخ .. كيف رح اتحمل طول الشهر انا 😔

...................

كنت لساتني شاردة وفاتحة تمي متل الجدبة وافكار شيطانية عم تدور ببالي .. عم فكر فوت لعندن التنتين ونكشلن شعراتن وكسرلن المنكاير ولجلاس ..

وقطعلي هالشرود صوت السيارات يلي وقفت ع باب بيتنا ..

امي: ليكن اجو .. الحمد لله يا ربي

ركضت انا بسرعة ع الباب وفتحتو لاستقبلن ..
وكان ابي اول واحد فيهن .. ركضت لعندو وضميتو .. (ابيييي .. شتقتلك )

ابي: ههههههه لك لسا الصبح تاركك

مي: اي وازا .. فففف لك ما عم بقدر ضمك منيح ابي .. ايمت رح تروح هالكرشة هاي

ابي: هههههههههه

ايهم : لك انت ما رح تكبري يا قطتنا

تركتو لابي وركضت لعندو لايهم وضميتو وبوستو .. (شتقتلك اخي .. كيفك )

ايهم: وانا كمان شتقتلك يا قطة

سناء: احم احم

بعدت عنو لاخي ايهم واطلعت بسناء يلي كانت عم تغلي غلي .. لك هالمخلوقة مجبولة بالغرور والغيرة جبل ..

بس هالسرنوة لابقلا .. لك بتسحر .. كلشي فيها بجنن وبيسحر .. اكلت عقلو لاخي ايهم يلي كان مجنن كل بنات كلية الطب بشخصيتو وشعراتو السود ...

سناء: كيفك يا قطة

مي: قطة تخرمشك مرت اخي .. هاللقب خاص بايهم بس

سناء: هههههه اي انا وايهم واحد .. مو حبيبي

ومالت ع ايهم وسبلتلو بعنيها .. وايهم اسم الله ما قصر .. سبلا بعيونو .. (اي حبي اي )

مي: اييي شبكن انت وياه .. ناقص بس تبوسا قدامي

ايهم: عييب ولي .. ستحي

مي: لك وينن سعدينكنن

سناء: مين سعدين ولي مي .. اه مين .. ولادي ملائكة انا

مي: ههههههههه .. بالله تطلعي وراكي مرت اخي لتشوفي الملائكة شو عم يعملو

لفت وشا سناء لتشوفن .. شهقت ونزلت عن الدرج ركض .. (تعا ولا انت وياه .. تعااا )

كانو غيث وليث راكبين فوق السيارة وماسكين عدي كل واحد من ايد وعم يحاولو يطالعو لعندن ..

مي: 😂 😂 😂 يؤبرو البي شو ملائكة

شادي: كيفا عسولتنا

مي: لك تؤبر البي .. تعا لضمك تعا

نقز ورجع لورا بسرعة ..

مي: يوووه .. شبك اخي .. وكانو حية قرصتك

رفع اصبعتو بوشي واشرلي ..
(اصصصحك تضميني .. اصحك .. هلا بتنزعيلي تيابي وشعراتي )

مي: لك اخي انت صرت مهندس .. مهندس ولساتك ع حالك

شادي: بعدي من وشي .. بعدي

......................

لؤي.... ليكنا بلشنا 😂 😂 مو قلتلكن الله يكون بعوني .. هاد ايهم قصة بحد ذاتو .. ايهم كان مجنن كل بنات الجامعة مو بس الكلية .. يعني متلي تماما .. احم احم ..

وما كان يعجبو العجب .. كل يوم مع بنت شكل .. وكلن ع اساس صحبة لوقت كشفو ملاكنا الحارس وبركتنا هادي .. وبوقتا اخد علقة اخت اختا من ابي ..
اااخ 😂 😂 بتزكر بوقتا كيف مسكت اجري وابي عم يضرب فيه فلقة بالقشاط وهو عم يصرخ ..

ابي: عم تعمل صحبة مع البنات .. والله والله لقصلك ياهن هالشعرات يلي شايف حالك فيهن

ايهم: لا ابي بترجاااك .. كلو الا شعراتي

ابي: اي لحتى مرة تانية تعرف كيف تصاحب بنات .. بدك توديني لجهنم بعد كل هالترباية

وطبعا هادي كان ماسكو باجرو التانية وعم يستغفر ويدعيلو بالهداية .. وست فضيحة واقفة ع جنب وفارطة كالعادة ..

لمى: 😂 😂 😂 😂 عمي بترجاك بكفي .. جري تورمو .. بكفي حرام .. ما رح يعيدا

امي: (تبكي) لمى وترتيني .. روحي من وشي

لمى: 😂 😂 😂 اي مرت عمي هاد جزاتي يلي عم دافع عنو

امي: لك روحي من هووون .. ما بدي تدافعي عنو .. روووحي

ووقت خلص ضرب فيه .. قصلو شعراتو وبقي اسبوع متغيب عن الجامعة وبعدا قرر انو يداوم بس مع طاقية ..

ايااام .. الله يرحمها ..

ههههههه كالعادة مي وشادي علقانين لانو بدا تضمو وهو ما بدو .. هالشادي شي غريب عجيب .. لك ازا دبانة مرقت من قدامو بيستفرغ 😂 😂 .. بيتحمم باليوم اقل شي مرتين ..

بس ليش الحكي .. جراباتو ريحتهم احلى من ريحة عطري .. اي والله ...

وليكا ست الحسن والجمال مرتو النعنوعة .. رهف .. لك ااخ .. بس بدي افهم ليش هيك بتمشي .. لك انا بتعب وهي عم تمشي .. صبرني يا ربي ..

هادي: لك مشي لؤي مشي .. بشو سرحان

لؤي: سرحان بجوالك يلي ما عم يسكت .. راسي رح ينفجر منو

هادي: ههههههه اي بكرة وقت تخطب بتفهم 😉

لؤي: لاا دخيلك .. تاركلك الخطبة لالك ولاخواتك

هادي: ليكا قردتنا مي عم تلوحلك هههههه

لؤي: لك انا يلي مصبرني عليكن مي .. روح انت وانا رح استقبلها بطريقتي

هادي: هههههه اي ماشي

مي: هااااادي .. روح الروووح

هادي: لك احلا ميوووش .. بس بتعرفي شوو

مي: لا تقولا

هادي: اي والله نسيت المووز .. لسا ما تعودت ع وجود قردة بالبيت

مي: رح سامحك بس لانو ليلة رمضان

هاي: تسلملي القردة الحنونة

#جمعية_كارهو_النساء_بقلم_امل_احمد
جمعية كارهو النساء (حلقة 3)
@rwayate
ورجعتلكن بعد البوسات والعبوطات والاشيا يلي لساتني ما فهمتا ..

امي: يالا كلكن تجمعو حوالي بدي ملي عيني بشوفتكن

ايهم: شو وينا وفاء .. ما رح تجي؟؟

امي: لا رح تفطر اول يوم مع بيت حماها ويلي بعدو رح تجي

ما قلتلكن عن اختي وفاء .. يلي نسخة مصغرة بالحنان عن امي .. اختي وفاء خريجة ادارة اعمال .. صرلا سنتين متخرجة وهلا عم تدير اعمالو لزوجا وولادو التوام ..

مو قلتلكن الزواج مصيبة .. اربع سنين وهي عم تدرس لاخدت شهادة الجامعة وبالنهاية شووو ؟؟ .. ليكا بالمطبخ مع زوجا ... يلي للاسف خروف متل اخواتي ..

امي: هادي ابني

هادي: روحو لهادي

امي: رفاع راسك من هالجوال شوي وحاكيني

هادي: اي تكرمي .. وهاي سكرنا للجوال .. تفضلي

لؤي: بلا ما تزعل رلوشتك اخي ههههه

لمى: 😂 😂 😂 😂 😂 😂 😂 لك عيب ابن حمايي عيييب شو رلوشة هاي

ادهم: ستحي ولااا

لؤي: لك اي شبكن .. خلص سكتنا

هادي: اي بكون احسن بلا ما هرلك سنانك يا حلو

لؤي: لا دخيلك كلو الا سناني ههههه

امي: عزمتا لخطيبتك ع لفطور ؟

هادي: لا امي ما عزمتا

امي: لكن بتعزما تاني يوم مع اختك وفاء

هادي: حااااضر .. يعني فيني حاكيها هلا ؟؟

ابي: ههههههه قال يعني صرلك ساعة ما حاكيتا .. خود راحتك

هادي: رح اتركن تاخدو راحتكن

اجت مي ركض من المطبخ وهي فارطة ضحك ..

مي : لك سناااء تعي تعي

سناء: شو صاار

مي: لك سعادينك بالغسالة هههههههه

لمى: 😂 😂 😂 😂 😂 😂 اي لحقي لحقي سلفتي

لفت لمى وشا ع رهف مرتو لشادي .. اي شبك سلفتي وكانك بعزاا .. لك ضحكي والله الضحك بيرجعك شباب .. اساليني الي 😂 😂 😂

رهف: شو قصدك سلفتي .. انا ختيارة

لمى: 😂 😂 😂 لك لا يووه شو ختيارة .. بس يعني والله شكلك متل يلي قاعدة بعزا .. يعني هيك ع طول متخانقة مع حالك .. بقلك اضحك للدنيا بتضحكلك .. شوفيني انا قديش الدنيي عم تضحكلي .. لك ع شوي رح تفرط ع قد ما ضحكتلي 😂 😂 😂

لوت رهف بشفافا واطلعت بشادي .. (شادي رح روح ع البيت انا تعبانة كتير )

شادي: اي ماشي حياتي .. بس ليكي غيري الشراشف ولمعي الحمام ونفضي البيت قبل لتنامي

رهف: فففف .. حاضر

امي: الله معك كنتي

رهف: تسلمي مرت عمي

اجا هادي من البرندة .. (امي .. رولا بدا تسلم عليكي)

امي: اي هاتا .. الوو .. اهلين يا بنتي .. الله يرضى عليكي وانت بالف خير

مي: ليكو هالمقوصة عاملة فيها كنة محترمة

لمى: 😂 😂 😂 😂 شو قصدك لموووش

مي: لا ولاشي مرت اخي .. خليكي ضحكي انت

وهيك كانت سهرتنا .. بين ضحك ومزح ومناقرات وسعدنة صغاار .. وكل واحد انتقل ع شقتو استعدادا لاول يوم برمضان .. وبقيت انا ولؤي سهرانين ..

لؤي: واخيرااا هدووء

مي: ايي ابو اللول .. كيفا الجامعة اخي

لؤي: ماشي حالا

مي: وكيفن الصبايا 😉

لؤي: البناات .. اووو .. لك اكتر من الهم ع القلب

مي: هلا هيك .. لك نحنا الجنس اللطيف بتقول عنا هم

لؤي: 😂 😂 الجنس اللطيف ؟؟ لك قولي يا لطييف .. يا عفيييف .. جنس لطيف 😂 😂 😂

مي: لك انت ايمت صرت هيك سقيل وما بتتحاكا

لؤي: من وقت صاحبتك يا قردتي ههههه

مي: هلا هيك صار ... اي ماشي الا ما يجي يوم وزكرك بهالحكي

لؤي: اي ان شاء الله يا حلو .. بس لوقتا تركيني ناام .. هلكااان

مي: اي ومين مانعك .. ليكا غرفتك تفضل

لؤي: اي تصبحي ع خير يا احلا قردة بالعالم .. يوووه قصدي احلا اخت بالعالم

مسكت لمخدة يلي حدي وضربتو فيها وهو هرب ع غرفتو ..

مي: بس والله انك عسل يا اخي (تحاكي حالا)

وهلا رح اتركن لتنامو .. وبكرة بنكفي 😉

#جمعية_كارهو_النساء_بقلم_امل_احمد
جمعية كارهو النساء (حلقة 4)
@rwayate
وهيك الكل نام وبقيت سهرانة لحالي .. وكنت مالة كتير وبدي شي لحتى قضي الوقت فيه لوقت لسحور ...

فتت ع غرفتي انا ورنا واخدت قلم روج لونو احمر فاقع من غير ما تنتبه علي رنا وطلعت ع الحمام ..

لونت وشي كلو بالروج .. ما عاد بين منو شي .. ولبست عبايتي السودا وشالتي السودا يلي كنت مطالعتون من الغرفة ورحت شوي شوي ع الغرفة .. ودخلت بكل هدوء ومشيت من غير ما تحس علي اختي لوقفت وراها بالزبط وهي مدموجة بدراستا ..

مديت ايدي وحطيتا بكل خفة ع كتفا ..

رنا: ففففف مي .. بعدي عني اختي ماني رايقة

شلتا لايدي ورجعت حطيتا ..

رنا: مي حااج .. بعدي عني

شلتا كمان مرة ورجعت حطيتا .. عصبت مني ولفت وشا علي..

رنا: لك م.... م... م....

وقت تطلعت في وشافت وشي نشف الدم بعروقا وما قدرت تكمل ..
نطت متل المجنونة وهي عم تصرخ وهربت ع المطبخ وقفلت الباب وراها .. وانا لاحقتا وفارطة ضحك عليها ..
مطبخنا من التصميم يلي مفتوح من فوق ..
حطيت مجموعة كراسي ووقفت عليهن وطليت براسي عليها من فوق ..

مي: لوين رح تهربي مني ااه

اطلعت رنا علي وغطت عيونا باديها التنتين وبلشت تصرخ باعلا صوتا ..

انا وقت شفتا هيك ما قدرت ثبت حالي فرطت ضحك ..

وما بشوف غير الشحاطة بنص وشي ..

امي: لك الله يغضب عليكي .. لك نزلي نزلي

مي: اي امي .. نازلة نازلة شبك

امي: لك رح تجننينها لاختك يا مقوصة

مي: 😂 😂 😂 😂 😂 امي عم نتسلا

امي: لك نزلي قبل لاسحبك من شعرك .. وركض ع الحمام نضفي وشك بسسرعة

مي: 😂 😂 😂 😂 حاضر امي حاضر

تركتا مع رنا يلي كانت عم ترجف ورحت ع الحمام .. بقيت شي نص ساعة وانا عم نضف بوشي .. لك ما خليت شي ما حطيتو عليه .. لك كنت رح استخدم لفلاش وما كان يروح .. بس مو مشكلة .. المهم تسليت وقضيت وقت..

وبلش تسبيح لسحور . .. والتمو لمى .. وسناء وانا وامي .. جهزنا لسحور ورنا لساتا قاعدة ع جنب وعم ترجف ..

لمى: لك شبك رنا ههههههه .. لك ليش عم ترجفي هيك 😂 😂 😂 😂

رنا: مرت اخي تركيني بحالي دخيلك

لمى: اي حبيبتي ما قلت شي 😂 😂 😂 😂

قربت ع لمى وبلشت احكيلا شو صار .. ولمى عم ترجف من كتر الضحك ..

لمى: ااااااخ يا بتوني .. لك ما عم اتحمل .. لك ليش ما ندهتيلي لشوفا

سناء: ع مين عم توتوتو .. ااه

مي: عليكي مرت اخي

سناء: قطقوطة .. ضبي لسانك

لمى: 😂 😂 😂 😂 😂 😂 قطقوطة ههههه

مي: قطقوطة تخرمشك ... قلتلك ممنوع تقولي هاللقب

امي: لك سكتوووو .. صرلكن ساعة ولسا ما خلصتو .. سبحو وهللو بكون احسن الكن

سناء: حاضر مرت عمي .. روقي

لمى: 😂 😂 😂 اي اي مرت عمي .. ليكنا خلصنا .. بس وينا سلفتي رهف .. لساتا متخانقة مع حالا 😂 😂

مي: هههههه رهف ما بتتسحر بتخاف ع قسماتا

لمى: 😂 😂 😂 الله يرحم ايامك يا سناء

سناء: لا تزكريني لمى .. من غير شي ماني طايقة حالي .. خمسة كيلو زدت وما عم بقدر نزلن

مي: اي حبي بطلي كلي الاخضر واليابس بينزلو

لمى: 😂 😂 😂 😂

امي: لك الله يهديكون بس .. لك وقت فضيل هاد وانتو عم تستغيبو المخلوقة فيه .. تركوها بحالا

خلصنا تجهيز لسحور وفيقنا ابي واخواتي وتسحرنا سوا..

ابي: شادي .. ليش ما عم تاكل معنا يابي

شادي: يسلمن يابي .. رح روح اكل حلاوة بطحينية

امي: الله يهديك يا ابني .. لك في حد بيقرف من امو .. لك والله بغسل قبل لحط ايدي بشي

شادي: اوووف امي .. ماني قرفان بس ما بدي اكل

ابي: اي براحتك يابي .. ووينا مرتك

شادي: مرتي ما بتتسحر .. هلا بتجهز قهوة وبتجي

امي: اي الله يرضى عليها

سناء: هلا صرلنا ساعة عم نجهز لسحور ما قلتيلنا شي وست رهف ع فنجان قهوة الله يرضى عليها

لمى: 😂 😂 😂 😂 😂 هدي سلفتي شبك

امي: الله يرضى عليكن كلكن يا بنتي ويهديكن ويعطيكن

سناء: اي هيك ها مرت عمي .. بدك ايهم يزعل يعني

ايهم: لا ام السوس انا ماني معك بهاي .. انا ما بزعل من امي

لؤي: الله اكبررررر .. لا اصدق ما ارى .. لااااااا .. ايهم بخالف سناااء .. يا ويلتاه

لمى: 😂😂😂😂😂 لك شبك .. قامت الحرب شي سلفي

لؤي: اي هلا رح تقوم مرت اخي بس مو هووون هههههه

وبقينا هيك ع ضحك ودردشة وقهوة لوقت اذن الفجر ... وتوضينا وصلينا كلنا جماعة ورتبنا المطبخ ونمنا ..

#جمعية_كارهو_النساء_بقلم_امل_احمد
جمعية كارهو النساء (حلقة 15)
@rwayate
طلال: اي لؤي .. خير شو صاير

لؤي: لك صدتلكن صيدة غير شكل

غالب: صيدة شو

لؤي: لك بنت بتكره جنس حوااا

طلال: عم تمزح

لؤي: والله ما عم امزح .. بكرة بتشوفو كيف رح حطا ادمن بالصفحة .. اويلييي والله لنكيف

غالب: لك هاي يلي رح تنجح صفحتنا

لؤي: اي لكن

طلال: بس ما قلتلي مين هي

لؤي: بنت عمي .. بس من هلا الحكي معا ع الخاص ممنوع

غالب: هههههه اساسا ما في داعي

لؤي: والله لنكيييف

هالة .. خلصت السهرة ورجعت ع البيت غيرت تيابي ومباشرة ع الفيس لتنفيذ الخطوة التانية من المخطط ..
بعتت طلب صداقة للؤي .. وبلشت اتصفح بحسابو .. يا الله شو انو جد جد معقد .. لك قلبو مليان ع حوا وكلشي بخصا .. وع كلشي زواج كمان

بس بعيدا عن كلشي .. شخصية .. جد شخصية .. فففف لوين رحتو .. قال شخصية قال .. شو بدنا فيه .. خلينا بموضوعنا ..

بعد شي عشر دقايق وانا لساتني عم اتفتل بحسابو وصلني اشعار انو قبل صداقتي .. ومباشرة اجاني رسالة ع المسنجر ..

ودق قلبي مع دقتا تلت دقات او عشرة ما بعرف ههههه .. هلا المهم بمخططي ضروري كون صبورة وتقيلة .. لهيك ما رديت فورا .. لبعد شي ربع ساعة .. كفيت فيهن تصفح لحسابو ورجعتلو ع المسنجر ..

هالة .. هلا لؤي
لؤي.. كيفك
هالة.. تمام .. انت كيفك
لؤي..الحمد لله .. مممممم .. فينا نكفي حديثنا
هالة..اي طبعا .. تفضل
لؤي..كنت عم قول انو انا عندي صفحة عامة لكل الاشخاص المميزين يلي ما بينتمو لهالكوكب بخواريفو وبقصص حوا المعتة
هالة.. شي حلووو
لؤي.. يحلي ايامك .. وكنت بدي قلك تنضمي لالنا
هالة.. اي ما بدا سؤال .. بعتلي دعوة
لؤي.. فورا

كان قلبي عم يضحك ع هالسرعة بالاستجابة .. وخلال ثواني وصل الاشعار وفتت الصفحة وانصدمت فيها .. اسما جمعية كارهو النساء .. وكل البوستات بس عن حوا والشخصيات التاريخية والسياسية السيئة ..

هالة: لك شو هالجنان هاد

ولسا عم حاكي حالي بعتلي لؤي..

لؤي.. اي هالة كيف شفتي الصفحة
هالة.. ليكني عم اتفتل فيها... بس فكرتا حلوة
لؤي.. يحلي ايامك .. عم قول بما انك اول انثى معنى .. ازا بتحبي فيكي تكوني ادمن معنا فيها
هالة.. 😍 كتيير حلوو .. اي اكيد بحب
لؤي.. تمام هلا رح ضيفك

وهيك ضافني ادمن بالصفحة .. ومع المدة اضطريت نزل نكت ضد جنسي الحبيب .. جنس حوا العظيم ..

ومشت الايام وانا كل يوم عم حاكي لؤي ولؤي يحاكيني وكلو بخصوص هالجمعية الغبية .. لوقت اجت الخطوة التالية من مخططي ..

لؤي: لك شبها هالة اليوم ما فتحت ولا عم ترد .. يا ربي دخيلك .. رح روح شوف مي لتدقلا

رحت ع غرفة مي وكان الوقت ظهر ومي غرقانة بالنوم ..

لؤي: مي .. مي .. مييي

مي: اي اي اييييي .. شو صاير

لؤي: فيقي .. عاوزك بشغلة

مي: شو صاير

لؤي: مسكي التلفون دقي ع بيت عمك وسالي عن هالة .. صرلا من مبيرح المسا ما فتحت وبعتلا رسالة واتس وما ردت

مي: لا اله الا الله .. هلا لهيك فيقتني اخي

لؤي: اي لهيك .. مسكي دقيلا

مي: حاضر اخي حاااضر

مسكت مي التلفون ودقت ع بيت عمي وردت عليها مرت عمي وخبرتا انو هالة نايمة وست مي سكرت الخط بكل بساطة ..

لؤي: لك ليش سكرتي ... ليش ما قلتيلا تفيقا

مي: لك شو صرلك انت .. ولشو بدا تفيقا

لؤي: اه .. لشو .. اي هاتي هاتي التلفون ورجعي نامي

تركتا لمي ورجعت لغرفتي وقلبي لساتو عم يغلا غلي .. طيب ليش انا قلقان .. وع مين قلقان .. وشو هاد الوجع يلي عم حس فيه .. اووووف ياااا

مي: لك والله باينتو وقع وما حدا سما عليه ههههه .. قال كارهو نساء قال .. لشوف الفيس بما انو راحت الناعوسة وراحت

فتحت الفيس .. وكالعادة فتحت ع حساب الرجل الفضائي ابو حرف الطاء ...

لك هاد جانن ع الاخير .. ههههه .. لك شوهاااد .. منزل صورة قطة شقرا .. وكاتب فوقا ..
(ينكسر قلبك وتجرح روحك وتهشم عواطفك .. ثم يبعث الله لك من وسط كل هذا قطةً لتعيد ترميم كل هذا )

لك اويلييييييي شو بعشق الطاء انا 😍 ..
ومدري كيف اصبعتي نطت وحطت احببته ع البوست .. لك شو اعمل بحالي .. اكسرا .. اكلاااااا .. لك الله ياخدني وياخد هالاصبع يا حق ..

يا ربي شو اعمل .. لك شووووو اعمل هلا ..