البـارت ○ 1 ○


#حاربت_قدري_لأجلك
#للكاتبة_الاوركيدا_السوداء

👌🏻👇🏻 😍
📚 @rewayatyamania 🇾🇪


عائلة تالين

الام سعاد عمرها 30سنه طيبه قوي

الاب محمد عمره 36سنه يحب عائلته وكل همه يصرف عليهم ويعيشهم عيشه حاليه

سندس خالة تالين عمرها 28سنه معاها ولد اسمه كيان اكبر من تالين بشهرين

احمد زوج سندس عمره35


عائلة ريان

الام فاطمه عمرها 35سنه طيبه وتحب جهالها خيرات

الاب عادل عمره 40سنه رجل اعمال ومتكبر واهم شي عنده مكانته في المجتمع

سما وسام توأم اكبر من ريان

جيهان اصغر من ريان

شيرين بنت عم ريان


دائما هناك ضوء في كل طريق متعب
• لا تيأس ، الأمنيات تصبح أفضل عندما تتأخر


سعاد: محمد قوم عتتاخر ع شغلك ويرجعوا ينقصوا عليك من الراتب وقدك بتبسر كوده ايجار وصرفه للبيت قوم الله يرضى عليك

محمد: طيب حاضر ي نظر هوذا قمت لاتضبحي وتطلع بنتي فيوزاتها مضروبه

سعاد: هههههههه ومادراك انها بنت افرض كان ولد

محمد: ماشي متاكد انها عتجي حبيبة ابوها وعد اسميها تالين

سعاد: ماجاء من الله حيا به هيا قوم لاترجع تجي كثيرة هدره سعما ابوها

محمد: هههههه سابر ي سعاد المهم لاتتعبي نفسش ولاتفعلي غداء عد ادي معي من خارج

سعاد: تمام الله يسهل لك كل ماتعسر

محمد: امين وقام يجهز نفسه
.
.

بيت سندس

سندس بتتصل لسعاد

سعاد: الو ي حيا بروحي

سندس: لش الحياه انا فدالش كيف انتي ومازد قالت لش الدكتوره اي حين عتولدي

سعاد: الحمدلله ي قلبي وانتي كيف انتي وكيف كيان والله ماادي لش علم يا اختي بتقول باقي اسبوع واكمل التاسع وانا قد بن احس اني عد اولد في اي لحظه من قوة الوجع

سندس: كيان تاعب شويه محمي بس قد احمد خطاه المستشفى وجابوا له علاجات لاتقلقي ي روحي هو وجع طبيعي والله اني بن ادعي لش في كل صلاة

سعاد: انا فداء روحش الغاليه ماعد انا مصدقه متى ابسر ابني او بنتي بين يداتي بعد العلاجات هذي كلها والسنين اللي مشيت وانا بن ابسر محمد يتمنى الجاهل

سندس: الله كريم ي قلب اختش ومايضيع دعاء احد المهم انتبهي لنفسش واذا زد حسيتي بوجع اتصلتي لي اجي معش عند الدكتوره

سعاد: سابر الله معش بوسي كيان خيرات

سندس: يوصل انا فدالش الله معش
.
.

بيت سعاد

كملت ترتب وتنظف وسبرت الغداء

سعاد: يووو ي ربي ماهو هذا الوجع ي الله
وشلت التلفون تتصل لزوجها

محمد: الو

سعاد: محمد قوا تعال ماعد اقدرت اتحمل الوجع الله يحفظك استعجل

محمد: طيب الان وانا عندش اتحملي شويه

سعاد: استعجل انا فدالك وادي سندس ع طريقك

محمد: الان الان ولايهمش


وصل محمد وسندس معه وشلوا سعاد المستشفى وجالس يسير ويجي في الممر

سندس: لاتقلق ي خي ادعي لها وان شاء الله تقوم بالسلامه

محمد: والله ان قد انا قلق للمه اتاخرت هذا الوقت كله

قطع حديثهم خروج الممرضه

سندس: ها بشري

الممرضه: الف مبروك جابت بنت مثل القمر شويه وعنخرجها غرفة عاديه

سندس: بشرش الله بوجه النبي الف الف مبروك ي اخي تتربى بعزكم ودلالكم ان شاء الله

محمد: الله يبارك في عمرش وقده عيموت من الفرح


دخلوا عند سعاد وباركوا لها وشل محمد البنت واذن لها وقال اسمها في اذنها ثلاث مرات

سندس: ماعتسميها ي اخي

محمد: تالين

سندس: ماشاء الله والاسم الله يجبركم براسها

سعاد: امين انا فدالش قلتي لاحمد انش عتروحي عندي

سندس: ايوه قلت له وعيدي كيان والكل لوما نوصل البيت

سعاد: الله يحفظه هيا محمد خطينا

محمد: يله اتوكلنا ع الله ومكن سندس البنت وروحوا



في البيت

سعاد: ابسرتي ي سندس لا عمي ولاعمتي اتصلوا يباركوا لابنهم ولاشي

سندس: سهل ي اختي لاتقهري روحش لو هم يحبوه ماكان حرمه ابوه من املاكه واتبرى منه بس لانه اختار يتزوج بش
16سنه وهم ماسالوا حتى عليه وهو يتبهذل من شغل لاشغل واخوته عايشين ملوك الله ينتقم منهم

سعاد: حسبي الله عليهم الله يعينه ويقوي قلبه

سندس: امين ي رب

جلست سندس عند اختها اربعين يوم ورجعت بيتها

احمد: اخيراً رجعتي امانه ان البيت شوعه ومابحد انتي

سندس: انا فدالك مانفعل قدك بتبسر مابش احد مع اختي وامي والكل في البلاد والا ماكنت خليتك

احمد: الله يستر عليهم المهم انش رجعتي
.
.

بيت سعاد

محمد: اسمعي ي مره معي بكره سفره للحديده واشتي تجي معي ضروري

سعاد: يوو للمه وتالين عنرجعها عند الدكتور بكره ضروري

محمد: سهل خليها عند سندس عنسافر ونرجع اليوم الثاني ماعنتاخر

سعاد: خيرة الله عنخطى نطرحها عندها الصباح

محمد: ان شاء الله

















📚 @rewayatyamania 🇾🇪