#مطرقة_وسكين

الجزء العاشر...

#حازم :-انا السبب..

#دكتورة ايناس :-خد منها المراي شوي شوي لانها ضاغطة عليها ..

#حازم :-شو صار معها ...

#دكتورة ايناس :- عم تذكر شي صار معها ..حبيبتي لاتبكي روقي روقي...

#منار :-سامر عم يضرب امي ...

#دكتورة ايناس :- ياربي

#الممرضة صابرين :-استاذ حازم دخيلك هاي الحقنة اضربها بالمحلول المعلق رح تهدى...

#دكتورة ايناس :- تعو نطلع خليها ترتاح...ابني شو يلي خلاها تعمل هيك..

#حازم :-انا ماكنت بعرف اني من جيب لالها المراي رح تصير تبكي وتنادي سامر...

#دكتورة ايناس :-جوز امها...

#حازم :- اي المشكلة اني شلون اقلها يلي صار كتير عم شوفها بتذكر امها...

#دكتورة ايناس :-والحل ابن اخي لازم لاقي طريقة نوصل لالها قصة امها لازم تعرف مصير امها...

#حازم :- ضحكتني وبكتني بنفس الوقت...

#دكتورة ايناس :-ليش...

#حازم :-كانت عم تحاول تعمل حالها نايمة قدامي طلبت بيتزا مشان من تشم الريحة جوعها ..كنت مفكرها متل البنات بتحبها طلعت مسكينة مابتعرفها.. اساسا وبحياتها ما اكلتها ..ومن شافتها قالت عمها نضال النذل كان ياكل قدامها منها ..ويقلها اعلقي الكرتون..شو حقير هالرجال شو نفسي ربيه بإيدي...

#دكتورة ايناس :-من شافت حالها بالمراي اتذكرت زوج امها الظاهر امها مظلومة يا حازم..

#حازم :- انا فتحت ملف قضيتها...كل التهم ضددها..

#دكتورة ايناس :-هاد سامر الله لايرحمو الظاهر معذبها هي ومنار ..

#حازم :- اكيد لان مافي وحدة بتقتل بالطريقة هاي من فراغ...

#دكتورة ايناس :- طيب مافي اي طريقة نطلع امها لو يوم واحد من السجن تشوف بنتها...

#حازم :-مستحيل عمتي..لان هيك قرار صعب لحالي اخدو...وهيك بعتبروا عم خالف قوانين الدولة..لان محكوم عليها 20 سنة مع الاعمال الشاقة...

#دكتورة ايناس :- ياربي ...

#حازم :-المشكلة مو هون...في لمنار اخ من سامر..ايمن وهاد معاق جسديا. والظاهر عقليا.مخلوق هيك...والولد من دار تاأهيل لدار تأهيل تانية.

#دكتورة ايناس :- ياويل قلبي .كم عمروا هاد..

#حازم :-شي 7 سنين...

#دكتورةايناس :- ياربي هاد الله معاقبو لانو كسر ايد هالبنت الضعيفة ..اعطاه طفل معااق..اللهم لاشماته..

#حازم :-حرام عمتي الطفل مالو ذنب ...

#دكتورة ايناس :-بس الله كبير..صار عندي فضول اعرف قصة قتلو لهاد سامر...

#حازم :-حسب اقول الشرطة انو شفووه مطعون شي 9 طعنات وكل وحدة بمكان شكل بصدرو..اما اقوالها...يلي مكتوبة بالمحضر...

#علا :- تقريبا كانت ساعة المغرب ابني الصغير كان عم يبكي كتير ماكنت بعرف انو ابني فيه مشكلة او اعاقة بالسوء هاد كانو يقولوا انها اعاقة جسدية. وبتروح مع الايام ..يعني شي خفيف شوية ضعف اعصاب بالايدين والرجلين.. .قلت لالو.الولد محتاج دكتور يفهم منيح فيه..هاي الدكاترة بيطرين بس للحيوانات بيفهمو..

#سامر :-قومي قولي لابوكي يعطيكي مصاري يوديكي عند دكتور منيح..

#علا :-هاد ابنك مو ابن اهلي...

#سامر:-ماهو لو اهلك عارفينك منيحة ماجوزوكي لالي..بس لانك فيكي عاهة وبتجيبي اولاد عاهات...

#علا :-مارح رد عليك لان الولد مرضان..

#سامر :-قولي لانك خايفة تنقتلي كمان الليلة...صار جسمك يحكك كل يوم بدك قتلة بالكرباج على جلدك..

#علا:-الله كبير الله كبير...

#سامر :-بتدعي عليه يابنت الكلب...

((شدني من شعري وشحطني لبرا البيت...صرت ادق عليه ماكان عم يقبل يفتح الباب...وابني جوا فرط من البكي...لوقت ماسمعت بقلي

#سامر :- اذا مااخدتي ابنك معك رح انط في بطنو اطلع لالو معلاقوو...

#علا :-سامر افتح الباب الجيران عم يطلعو علي ...انا بااخدو بس افتح الباب..

((فتح لالي الباب ورجع بعد مادخلت قفلو...بس هالمرة لف على رقبتي حبلة كان بدو يقتلني...وهي علاماتها بعدها موجودة...

#سامر :-طلعت روحك ولا لسة يابنت العاهة...

#علا :-خلص خلص التوبة والله...

#سامر:- اسمعي انا ماعندي قدرة اربي ولد معاق حتى لو كان ابني...بتروحي بترمية بشي مزبلة..هاد مارح ينفعني...

#علا :- سامر ابنك هاد..

#سامر :- اي اخرسي انا مابجيب اولاد هيك قلتلك...

#علا:-بدك اياني ارمي ابني متل بنتي..

#سامر : -ارجعنا لسيرة بنتك..الظاهر انتي مابدك تفهمي...اي تعالي لكان.

((هجم عليا كرمال يخنقني بالحبل ..بس انا وقتها ركضت على المطبخ وحملت سكين...

#سامر :-عم ترفعي على زوجك سكين ياساقطة..

#علا :-واقتلك كمان واتخلص منك..

#سامر :-هههه ضحكتيني شوفي شلون عم ترجف السكينة في ايدك..

#علا:- اسمع سامر ..حق بنتي مارح يضيع...انا مانسيت شلون غصبتني ارميها عند باب دار جدها ..انا مابنسى شلون كنت تحرمني شوفها من كانت تبكي مع جدها عند بابي...انا مانسيت من كنت تضربها وتعذبها وتحرمها حتى من الاكل...مانسيت كل شي...انا بنتي راحت مني وبعرف للأبد...بس يكون بعلمك انو عقاب هالشي كتير عسير...

#ⴅმძ3Һค

الجزء الثاني عشر...

((خبروا لسامر عن يلي صار..بالبداية كان سامر علاقنو منيحة معي..او هو كان منافق..مابعرف كان يعاملني ا

نا وبنتي منيح ومن بعد يلي قالو نضال تغير معي...وبعد سنين طلب مني ارجع بنتي منار لاهلها..كنت خايفة من نضال..بس من اتاكدت انها مع جدها من يجي تحت البيت ويمنعني سامر انزل اخدها..كنت ارتاح واحس انها بأمان.....

#الدكتورة ايناس :-بس هيك حكي يعني ياحازم مابثبت براءتها وانها كانت ادافع عن حالها...

#حازم :-ماحد وقف معها ليثبت كلامها وانها جد انظلمت ...لان نضال من جابوه للتحقيق انكر كل شي...والجد ميت..واهلها قالو يلي اتبلاه عليها نضال..يعني مافي اي شي يثبت صحة كلامها..الا بنتها منار..انا انصدمت انها موجودة لهيك ارجعت افتح بملفات امها..

#الدكتورة ايناس :- بدها محامي كتير قوي..

#حازم :-عمتي صارت الساعة 12...وابي يمكن هلاء خلص شغلو...

#الدكتورة ايناس :-عم اتقلعني بالزووق..ماشي حبيبي انتبه على حالك وعلى البنووت...

#حازم :-تكرمي وخبريني شو صار مع امي صار عندي فضوول .😂..

#الدكتورة ايناس :- جاي على بالك قلك مبروك خطوبتك من كاترين...

#حازم :-ابزقيها من تمك عمتووووووو تصبحي على خير ..

#الدكتورة ايناس :-باي حبيبي باي...

#حازم :-اوووه شو تعبان..جاي على بالي ضلي نايم متلك يازعرا...

#منار :- ماني نايمة ...انت من فتحت الباب فيقتني..بدي كمان بسا.

#حازم :-بسا 😂😂 ...بيتزا صح صارت 12 اتاخرتي...بكرة بجبلك..

#منار :-حبيتها كتير طيبة...

#حازم :-جد عجبتك ..

#منار :-اي كتير..

#حازم :-كل يوم رح اجبلك منها...

#منار :- ✌️...

#حازم :-كم هادولي ...✌️..

#منار :- اتنين ...

#حازم :- شطورة رح جبلك 2 كل يوم ..بتعرفي تكتبي..

#منار :-اي شوي...بس بهاي الايد..

#حازم :- فيني اكمشها...

#منار :- .....ليش

#حازم :-خجلتي...لا بس عجبتني حاسستا ايد بنت عمرها 6 سنين...😂😂..

#منار :-لا هي ايدك انت كتير كبيرة...

#حازم :-لاني برفع حديد ..

#منار :-شو يعني..

#حازم :-يعني عم شيل كيلوات كتير...من الحديد..اشياء ثقيلة كرمال اعمل لالي عضلات اكبر...

#منار :-هههه حلوين...

#حازم :-شايفة شلووون عجبووكي..

#منار :-😂..

#حازم :-حلوة ضحكتك...

#منار :-يسلمو 😔😔...

#حازم :-ليش من احكيكي بتحطي عيونك بشي مكان تاني..لاتهربيهن مني...حد قلك قبل هيك انو عيونك بجننو وشعراتك حلوين...وضحكتك حلوة ..وغمازتك احلى...

#منار :-بس ايدي..

#حازم :-تلعبي...

#منار :-شوو...

#حازم :-كنت وانا صغير عمتي تلعبني اي ايد...مثلا انا اخبي شي بإيدي وانتي تقولي بأي ايد موجودة ويصير لالك...

#منار :-اي يالا...

#حازم :-غمضي عيونك...

#منار :- هاااااا...

#حازم :- يالا فتحي اي ايد فيها الكادو...

#منار :-مممممممم ...اي

#حازم :- لازم بإيدك اليمين..

#منار :-بس هاي مابتتحرك..

#حازم :-جربي احمليها بالايد السليمة ...

#منار :-هيكك....

#حازم :-برافووو انتي اخترتي هاي.....

#منار :-اي...

#حازم :-فتحت ...مبروك الكادو ...

#منار :-وردة..

#حازم :- اي ..منار

#منار :-شوو...

#حازم :- شفتي ايدك هاي اللي ماعم تشتغل وايدك التانية شلون ساعدتك ...انا هيك رح كون معك...رح ساندك وضلي حاميكي لتقدري تختاري طريقك الصح..والوردة هاي خليني حطها لشعراتك الحلوين..

#منار :-انت ليش عم تساعدني...

#حازم :-شغلي هاي واجبي اعمل هيك...طيب انتي ليش سموكي رعد وليش بنادوكي منار عندي فضول بتعرفي ..

#منار :-اي امي قالت لالي...

#حازم :-قليلي يالا شو قالت..

#منار :-رعد ومنار ...امي خبرتني من كانت عم تولدني ...ابي اخدها بالسيارة على المشفى..وقتها صار رعد كتير كتير...ومن يجي صووتوا قوي كان يجي بعدو البرق وكان عم ينور الغرفة يلي اني عم انولد فيها...وقتها جيت على الدنيا وسماني ابي رعد وصار يناديني منار...😂😂...

#حازم :-ههههه حلو وانا كمان عندي قصة...

#منار :-شو هي..

#حازم :- انا لالي اخ كمان اسمو حاتم..هو نزل بسرعة بس انا عندت مابدي اجي على الدنيا ...بس صعبت علي امي وهي عم تجيبني قلت خلص احزم امرك ياحازم واطلع اكبر مشان تعرف منار 😂😂...

#منار :-هههههههههه...

#حازم :- دخيلو اللي عم يضحك من قلبو...لحظة هاي عمتي..

#الدكتورة ايناس :-الو ابني الحقني امك تعبت ...

#حازم :-شوو...

#الدكتورة ايناس :-اتخانقت هي وابوك لانكم احرجتوها قدام ضيوفها وكبرت المشكلة ومن الزعل تعبت...تعال بدها اياك عم تبكي...

#حازم :-ماشي عمتي هلاء بجي.....سلام...رح اروح اشوف امي واطمن عليها وارجع رح دق على الممرضةصابرين تجي..لعند ما ارجع...

((بعد ماتركني حازم جنب صابرين...كنت قلقانة ..ماكنت مرتاحة بالمرة...صابرين نامت..وغطت بالنوم..وصوت شخيراا ماكان مخليني نااام...لقدرت بالاخر غفى..

#منار :-مممممممممم صصص....

#نضال :-هشش ولانفس...احملو معي..

#ⴅმძ3Һค

الجزء الثالث عشر..

#مناار :-صصصصاااا..

#نضال :-قفل على تمها منيح ...

((كانت لحظات غيرت مجرى حياتي ...نضال وعيد وكمان شخص مابعرفوا ...كتفو ايدي حاولت اصرخ ماقدرت كان صوت مكتوب بالقماش يلي حطوها على تمي .بهاديك اللحظة فاقت صابرين على صوت ضرب رجليه بالسرير...

#الممرضة صابرين :- لا لا اتركوها دكتووور ...حد يلحقنا...

((ماقدرت صابرين تستنجد بحد يساعدنا لان عمي نضال ضربها بالكرسي ووقعت مغمى عليهااا ...وانا اخر شي شفتو هي الكمامة يلي انحطت على انفي كانت ريحتها غريبة...

#عيد :- شلون رح انزلها...

#نضال :-على الكرسي المتحرك...ارفع يلي على وجهها مو ضروري...

#عيد :-رح انزلها من باب المطبخ ...

#نضال :-تمام ...متأكد انو الطباخة مارح تحكي شي...

#عيد :-لا تقلق دفعتلها ...

#نضال :-خلينا نطلع قبل لبجي حد...

#عيد :-الممر فاضي....

((في الفيلا ))

#ام حازم:- لاتحكي معي بسببك كنت رح موت...

#حازم :-امي ابوس هالايدين الحلوين ارضي عنا ..

#ام حازم :-شفت بيك شو عمل فيني...

#حازم :- مابعرف يامو بس انتي زودتيها معو..هو برجع تعبان من شغلو ليرتاح بشوفتك..وانتي عم تزيدي عليه بموضوع هاي كاترين...

#ام حازم :- بدك ترجع تزعلني منك من تاني...

#حازم :- لا خلص روقي...

#رمزي:- الاسبوع الجاي خطوبتك على كاترين...

#حازم :- شو بابا...

#رمزي :- متل ماسمعت...البنت مناسبة لالك...وامك بتحبها حاول لاتزعلها من تاني...

#حازم :-يابي هاد قراري وانا يلي باااخدو ..كاترين مابتناسبني ...ماعم اتقبلها ..عقلها مو متلي..حياتها بس ترفيه..وانا حياتي عمل...

#رمزي :-بكرة هي تتغير وتتعود عليك ...

#حازم :- ابي هالشي مرفوض وانا مابدي اياها هاي حياتي انا حر ...انا يلي بختار شريكة حياتي..

#ام حازم :- 😢😢😢 ياعمري بس اسمع لالي معقول اختار لالك بنت مو مناسبة...حلوة وراقية ..وقعدتها برستيج وكل شي فيها بناسبك ...

#حازم :- انا طالع شم هوا انخنقت...

#رمزي :- اعرف انو هالقرار مافيو تراجع عليه.....

#ايناس :-عمتي حبيبي وين رايح...اسمعني شو صرلك ...

#حازم :- ابي طول عمروا بعاملني هيك ...ابنو بس حاتم ...حازم اكتر انسان سئ بحياتو ولازم يعاقبو..

#ايناس :-لا يا ابني لاتقول هيك بيك بحبك كتير...

#حازم :- روحي احكي معو فوووق قليلو كاترين مابتناسب ابنك..وقفي بوجه قرارتو...انا مارح ارجع على البيت ..مارح ارجع على البيت...

#ايناس :-عمتو تعاا بس اسمع بس اسمع...لاتروح حبيبي...

#رمزي :-اتركيه....

#ايناس :-شووف خيي انا بحياتي ماوقفت قدامك عارضت شي قرار من قراراتك.. انت بتعرف هالولد شو بكون لالي...وبزعل من حد يزعلو..البنت ماعاجبتو مابحبها...

#رمزي :- من يتزوجها بتعجبو وبحبها ...

#ايناس :-اخي شو عم تقووول ...انت صرلك شي..انت اكتر واحد كنت رافض البنت...

#رمزي :-اختي انا مارح ضيع امووو كرمال هو يرضى او لاء...خلص كلامي...

#ايناس :-ماشي اخي وانا لاحقة حازم..لتغيروا قراركن هاد ..

#حاتم :-شووو صوتكن عالي...

#ايناس :-خليك انت بعالمك الخاص...

#حاتم :-ههههههه ماشي عمتو..اي ياعمري معك...لا هاي عمتي ...خلينا نكمل حديث لوين وصلنا...اها جد...بحبك والله مووت...

#ام حازم :- حاتم حبيبي وين اخووك...

#حاتم :- ثواني ياعمري هاد البيت مابخلص اسئلة اي امي قولي...

#ام حازم :- وين اخوك...

#حاتم :- اخد سيارتو وطلع...في شي تاني امي عم احكي مع حبيبتي حاجي تقطعوني....

#ام حازم :- اها اوك...ايننااااس ايناااس وين رايحة ايناااس...

#ايناس :-نادي براحتك وليكني شغلت سيارتي...سلام..

..
((في المستشفى ))

#سيكيروتي :- الحقنا يافندم حصلت مشكلة ...

#حازم:- مشكلة شووو...

#سيكيروتي :- الممرضة صابرين كانت واقعة بدمها..والانسة يلي كانت مريضة اتخطفت...

#حازم :-شووووو

(( سرعة حازم على الدرج ليعرف شو صار ماخلاه ينتبه مين يلي بطريقو كان الامر صاعق عليه...وخاصة انو ما كان مشغل السماعات من كان مع عائلتو...والغدر يلي صار من الطباخة هو يلي اعطا فرصة لنضال ويلي معو يفوتو ....اما السيكيروتي يلي حطهن حازم يراقبو المشفى..ادو واجبهن ...دون انو ينتبهو على الباب الخلفي للمشفى...

#حازم:- اغبيااااأء ...البنت انخطفت ..كل واحد فيكن قد الباب ماعرفتو تسهروا منيح على المريضة...وين كنتي ست صابرين ...

#الممرضة صابرين :-ااااخ ضربوني على راسي...

#حازم :- انتي لو كنتي فايقة جد...كان من اول ماشعرتي بخطواتهن بلغتي..بس كنتي بسابع نومة...

#الشرطي :-سيدي حوطنا كل المكان ...مالقينا اي اثر لالهن...والكاميرات يلي بالمشفى...الخلفية منها كانت معطلة..ومافي اي ملاحظة على خطف المريضة...

#ايناس :-شوفي هون شو يلي مكسر هوون...حازم ايدك عمتي عم تنزف دم...من شووو ليش عم تضرب فيها هيك..
ششو صاير هون..صابرين شو صرلك.

#الممرضة صابرين :- 😢

#ⴅმძ3Һค

الجزء الرابع عشر..

#ايناس :-حد يحكيلي ياجماعة..وين منار...البنت وينها... حازم البنت وين راحت...

#حازم :- عمتي بشوفك سلام..

#ايناس :-حد يحكيلي البنت وين...حازم انطرني عمتي اتعبت وانا عم الحقك من مكان لمكان...

#السيكيروتي :- الانسة منار اتخطفت يا ست ايناس..

#ايناس :-شو عم تقول .متى هالشي...
#السيكيروتي :- مابنعرف اي معلومة عن الخاطف...بس الست صابرين بتقول انها شافت عمها نضال وواحد اسود وكمان واحد معاهم ..ومابتعرفش شو حصل لانها اضربت براسها ...

#ايناس :- ياربي راحت البنت...

((امام بيت نضال ))

#سيدي فتشنا البيت مالقينا شي...مافي اي اثار لتواجد حد...

#حازم :-شو افهم يعني اتلعب علينا ...

#رح نبقا نراقب المكان..لنعرف نتوصل لنضال...

#حازم :- بدي البنت اليوم ترجع...خبر كل المخافر..ومراكز تجميع الشرطة على الشوارع..على الحواجز وعلى محطات النقل..البنت مالازم تطلع من المنطقة...

((فتحت عيوني كانت الريحة جدا سيئة والمكان بارد...ومعتم...واسمعت صوت حيوانات..او بالاحرى مواشي..((ابقار واغنام..))وتحتي كان قش..حسيت اني محبوسة بحظيرة بس وين انا ماكنت بعرف...كانت الدنيا على وشك يطلع فيها نهار...كنت عم اترقب لتوضح الصورة قدامي...وهاد يلي حصل...

#منار :- هااااااااااا شو هاد يارب يارب...

.((كانت جثة لطفل عمروا شي 11 سنة ..جنبي..والظاهر انو ميت من فترة قصيرة ..كان مالو عيون ...كان منظروا يقتلني ...مستأصلين عيونو..بالقوة قمت من مكاني بدي اهرب ماعرفاني وين..كنت خايفة من البقار يلي كانت بالحظيرة...بس لقيت منفذ اهرب منو وهو الشباك يلي بنزلو الاكل فيه للحيوانات...

#نضال :-غبية وين رايحة...

#منار :-بترجااك تتركني والله والله ما احكي لحد بس ما اتأذيني..

#نضال :-ههههه بتفكري عمك اهبل ولي...

((ضربني كف..وشد شعري بقوة.))

#نضال :- لك في حد بيترك شي بقدر بملايين الدولارات...لك عين وحدة من عيونك بتعيشني ملك..شفتيه هااداك يلي جنبك...يالا ساعديني ندفنو...ولا اقلك رح تدفنيه انتي

#منار :- اااااخ حرام عليك والله حررام...شو ذنبو تعمل فيه هيك...وشو ذنبي انا...

#نضال :- هاد متلك اهلو مابهتمو فيه رمووه يبيع علكة عند السيارات وليكو اجا برجلو لعندي كرمال اشتري منو كم علبة علكة...😂😂...اشتريتو لالو وبعتو ...الشغل هاد متعب ياعمي كتير...

#منار :-انا رح تعمل فيني هيك...

#نضال :-يعني بس مو هلاء ..لاتعب من هالشغلة بتكوني اخر حجر نرد برميكي.

#منار :-لكان شو رح تعمل فيني 😢..

#نضال :- رح تجبيلي احجار نرد...

#منار :- مافهمت 😢...

#نضال :-متل هاداك يلي على القش..

#منار :-جيب اطفال..

#نضال :-دخيل الفهمان ياربي ..طالعة لابوكي اشطر من امك ...

#منار :-مابدي مابدي ...

#نضال :-شو صار ماكنا حلووين....

#منار :- مابدي الله يلعنك...انا بكرهك انت مو عمي انت شيطان...

((ضربني اول كف..ورجع يضربني تاني وتالت ماقدرت الحق عد يلي عم انضربهن ...ربط لالي ايدي...ورجليه ..وجرني من شعري لبرا الحظيرة...وقعدني بنص حقلة....بنص الشمس..بعدها بربع ساعة رجع معو مقص وشفرة حلاقة...حاولت صارعو بس ماحسنت بلش يقصلي شعراتي ...شعري الطويل يلي كانت امي تعتني لالي فيه..قصو لالي كلو...حتى عاد عليه بالشفرة ..وحواجبو كمان...ورموشي.....

#نضال :-بتجنني هيك صرتي متل الفزاعة..وشوية حبوب عليكي..صرتي اكلة مفضلة للطيور والغربان...

((كنت عم ابكي واشهق بحرقة..كل مايقرب مني طير حاول بقوة دافع عن حالي..كان عم يراقبني ويضحك...كان مجنون بمعنى الكلمة..لاغمى عليه وقتها من ضربة الشمس والوجع والقهر والعذاب يلي شفتو وقتها...تاني يوم فقت على مي باردة على وجهي...

#نضال :-نوم الهنا قومي يالا قدامنا شغل طويل...

((كان جرحي عم يوجعني وينزف شوي شوي..اعطاني اداة احفر فيها الارض ...بقيت يوم كامل لقدرت احفر قبر وادفن فيه الطفل يلي كان بايع اعضائو كلها مو بس العيون...لان كان عم يخيط جسمو بعد ما اخرج منو كتير اكياس فيها بودرة متل الطحين...بعد ماخلصت شغلي تقريبا كانت 9 المسا كنت تعبانة حيل..وجرحي كان بعدو عم ينزف شوي دم..اطلعنا ميكروباص صغير بعد ماكانت كلها صناديق مابعرف شو هي...كنت خايفة بالاول تكون جثث او اعضاء اطفال...بس بالاخر من فتحوها كانت كلها كمان سلاح...بقينا بالسيارة نتنقل من مكان لمكان تقريبا اكتر من اسبوع ...

#نضال :-فووتي...

#منار :-حاضر....

#نضال :-احملي معك هاد..

#منار :- ماني شايفة شي...ظلام..

#نضال :- الاضاءة تحت مو على اول الدرج..

#منار :-قبو..

#نضال :-لا فيلا ورثتيها عن ابوكي..الووو اي دكتور شوكت لا لا متل ما اتفقنا انا مابنقرص من حجري مرتين ١٥الف دورلا..انا بجبلك شي مرتب..خلال اسبوع بكونوا عندك...سلام..
الووو اي عيد...ياراجل تعبان هاد القبو...بدي شقة منيحة هالمكان مابتحملو...انت بتعرف لا لاتخاف مابتحسن تنطق نفس

#ⴅმძ3Һค

النهج المبتكر في شرح نخبة الفكر

#ابن حجر العسقلاني
شرحها
#حازم الشربيني
#دار ابن تيميه

#دراسه في
#علم_الاصوات
#حازم علي كمال الدين

#دراسه في
#علم_الاصوات
#حازم علي كمال الدين

#دراسه في
#علم_الاصوات
#حازم علي كمال الدين

#دراسه في
#علم_الاصوات
#حازم علي كمال الدين

#دراسه في
#علم_الاصوات
#حازم علي كمال الدين