#حب_من_طرف_واحدTelegram:@rwayate
الجزء الاول
مرحبا انا لانا عمري 18سنة بيضة عيوني خضر وشعري بني كستنائي طويلة ونحيفة عندي 3 اخوات بنات تنتين اكبر مني رولا وسلام متزوجات ووحدة اصغر مني ألمى وعندي اخ واخد اكبر شي اسمو وليد متزوج وعايش برا البلد مشان شغلو
من انا وصغيرة بحب ابن خالي اياد هو شب عمرو 25سنة دارس محاسبة وبيشتغل محاسب بشركة بالنسبة لشكلو طويل اسمر شعرو اسود وعيونو ملونين يعني شب بجنن وكل صبية بتحلم فيه وانا وحدة من الصبايا يلي بتحلم فيه
صح ما كنت شوفو كتير لانو ما بيجي لعنا غير بالمناسبات والاعياد بس بحبو
واليوم موعد جيتو لعنا مع خالي لانو اول يوم العيد بيجو لعنا
امي: لانا جيبي القهوة ماما
لانا: حاضر ماما
فتت وانا خجلانة وضيفت القهوة
خالي: ماشالله يا لانا كبرانة وصايرة صبية
مرت خالي: اي ماشالله عليها صايرة عروس
خالي: اي اخي ابو وليد
بابا: تفضل أخي ابو اياد
خالي: حاببن نطلب ايد المحروسة بنتك لابنا اياد
اياد: شوووووو
Telegram:@rwayate
انا خجلت كتير وحملت حالي وطلعت من الغرفة واياد كمان طلع من البيت
بابا: خير شبو ابنك
خالي: الظاهر خجل لأنو فتحنا الموضوع فجأة بس متل ما بتعرف انو حكينا بهل الموضوع من قبل من هنن وصغار اتفقنا يكونو لبعض
بابا: كلامك صحيح ومالي نسيان
مرت خالي: اي ونحنا بدنا البنت بظن صار الوقت يعني ابني امن حالو وبقيان العروس
امي: ونحنا منتشوف فيكن
أجتك اختي ألمى لعندي
ألمى: لانا لانا بدن يجوزوكي اياد
لانا: سكتي وليه انتي عيب تحكي هاد الحكي
وانا من جوا طايرة من الفرحة ومو مصدقة انو حب حياتي رح يصير الي
راحو بيت خالي من عنا وع اساس يجو بعد العيد يطلبوني رسمي بس خلص العيد ومر اسبوع وما شفناهن ولا اتصلو وامي خجلت تتصل لانو حكو فيني يعني مو حلوة تقيلة بس بعدين اجو خالي ومرتو بس
ابي: اهلين وسهلين شرفتو
خالي: اهلين فيك
امي: اخي شو وينو اياد ما اجا معكن مابدو يشوف عروستو
خالي: امبلا امبلا كيف ما بدو يشوف عروستو بس هلق هو مسافر
امي: مسافر لوين
خالي: سافر ع الامارات بعتتو الشركة لهنيك شغل يعني اختي
ابي: اي خلص لكن يا جماعة منأجل موضوع الخطبة ليرجع اياد بالسلامة
خالي: لا شو نأجل ما نأجل بس نتفق ونخلص كل الاجراءات رح ياخد اجازة وينزل منكتب الكتاب وبيرجع بسافر لان عندو شغل كتير لازم يخلصو وما بقا يسافر
ابي: يلي بتشوفو مناسب
Telegram:@rwayate
وفعلا اتفقو ع كلشي وحددو موعد كتب الكتاب واجو اخواتي لعندي قبل بيوم من كتب الكتاب وعطوني نصائح كيف بدي احكي واتعامل مع خطيبي واياد اخد اجازة ونزل كتبنا كتابنا وعملنا حفلة خطبة صغيرة حضرو فيها قرايبينا وتاني يوم الصبح سافر اياد ع الامارات حتى اني ما لحقت شوفو كتير واعد معو ونحكي سوا لحالنا بس انا كنت مبسوطة كتير والمهم عندي انو صار إلي
اتصل أخي تاني يوم وباركلي هو ومرتو واعتذر مني انو ما قدر يجي يحضر كتب كتابي بس وعدني يجي ع العرس
استمرت خطبتنا 3 شهور ما كنا نحكي كتير انا واياد فيهن بحكم شغلو وانا كمان كنت مشغولة بجهازي لانو بيت خالي طلبو يكون العرس قريب بس كانو يعزموني لعندن كتير كنت انبسط مع بنات خالي يارة وسارة يارة ادي وسارة اكبر مني بسنة وخالي طلب انو اسكن معهن اول فترة من زواجي لحتى اتعود ع الجو لان بعدني صغيرة ع تحمل مسؤولية بيت لحالي وانا واهلي ما اعترضنا لانو انا بحب بيت خالي كتير
Telegram:@rwayate
بعد هي الفترة رجع اياد ع البلد وبقي لعرسنا اسبوع ماعم صدق انو رح صير انا وحبيب عمري تحت سقف واحد
لانا: ماما ليش اياد ما اجا شافني بنوب معقول ما اشتقلي
ماما: لا شو ما شتقلك بس ما بصير يجي يشوفك قبل العرس
لانا: ليش
ماما: مشان يشتقلك اكتر يا عمري
لانا: ألمى ليش عم تبكي حبيبتي
ألمى: لانك بدك تتركينا وتروحي الله يوفقك لاتروحي خليكي هون
ماما: لا حبيبتي هي لازم تروح وانتي بس تكبري كمان بدك تروحي
ألمى: لا ما بدي روح واختي مافي تروح
قامت على غرفتا وهية عم تبكي بحرقة انا وامي صرنا نضحك عليها لانو مو فهمانة شي
اجا اخي وليد هو ومرتو قبل العرس بيوم بس مشان يحضرو العرس ويسافرو فورا لانو اخي ما بيقدر يترك شغلو كتير
Telegram:@rwayate
قبل العرس بيوم
ماما: لانا اجت بنت خالك سارة قال بدا تحكي معك
لانا: اي ماما خليها تفوت ع غرفتي
ماما: اي يلا
فاتت سارة لعندي
لانا: اهلييييين سارة تفضلي
سارة: انا جاية مشان احكي معك بموضوع مهم......
يتبع.....
الجزء الثاني
الليلة هي ليلة عرسي على حب حياتي كانت احلى ليلة بعمري طلعت اميرة بفستاني الابيض مافي حدا بجمالي كنت انا اميرة هي الحفلة انبسطت كتير رقصنا وانبسطنا وخلصت الحفلة ورجعنا ع البيت فتت انا وحب حياتي ع غرفتا يلي رح تجمعنا سوا تحت سقفها وبرا كان الكل عم يزلغط ويغني وفرحانين فينا
تاني يوم لبست فستاني الطويل الابيض و سشورت شعري وعملت ميك اب خفيف وطلعت الكل صار يطلع عليي ويزلغطو ويقولو طلت العروس طلت
