#حبنا_غلطة_بقلمي_رنابارودي
الجزء السادس 💘
(( @rwayate ))
محمد :شو صار وافقت رفيقتك تسحب استقالتها
مرح :مابعرف شو بدي قلك
مارضيت تعطيني أي تفسير
ومصرة عل الاستقالة
محمد :طيب على راحتها
مرح :انت لاتزعل ...هي طيبة ومسكينة
محمد :خلص مو مشكلة
مروان راح لعند رفيق الو فادي
فادي أهلين خي وينك انت مختفي ولاهيك الخاطب
محمد :له ياغالي انت بتعرف انو مالنا غنى
فادي :شو نشربك
محمد :أنا مو جاية اتضيف
انا جايك بخدمة
فادي :أامر
محمد : رفيق إلي متوفي من زمان مرته عم تدور على شغل هي خريجة محاسبة
فادي :نحنا اتوليه للألبسة
وفيني استفيد منها بالمحاسبة
بس ليه ماتوظفها بشركتك
محمد :هي اتوظفت عندي كم شهر وماارتاحت فخطرلي احكي معك
فادي :خلص اعتبرها اتوظفت
وفيها تجي بكرا نتعرف عليها ونعرفها على طبيعة الشغل
محمد :طيب عن اذنك أنا
بس قبل ماأمشي لاتجبلها سيرة اني انا يلي قلتلك على توظيفها حتى ماتتحسس
فادي :ولا يهمك
محمد :مشكور حبيبنا
محمد اتصل بمرح
_مرحبا مرح في إلي صاحب عنده بوتيك البسة شرقية ب وافي مول
ومحتاج محاسبة شوفي رفيقتك اذا بتحب تجي بكرا ولاتخبريها انو صاحبي
مرح :طيب حبيبي حاخبرها
رزان مااعترضت عل الموضوع وخاصة انها بحاجة الوظيفة
وتاني انهار راحت لتقابل المدير
فادي يلي رحب فيها وعرفها على طبيعة الشغل
ارتاحت رزان وباشرت بعملها
مع انها كانت بشركة مروان مرتاحة أكتر لان الها مستقبل وظيفي أحسن بس قبلت تكون بهي الوظيفة حتى تلاقي البديل الأفضل
فادي يبدو اعجب فيها وكان دائما يتردد على قسمها ويسألها اذا مرتاحة
بعد كم اسبوع بيفوت محمد عل البوتيك وبتسبقله صبية من الصبايا يلي فيه
_اهلا استاذ محمد وين هل الغيبة
_والله شغل ومالي فترة راجع من ماليزيا
وين فادي ؟
_الميسو فادي مش مداوم اليوم
محمد :طيب مو مشكلة
بدي نقي شي حلو هدية لخطيبتي
_ ااه من ايمتين خطبت
_صرلي كم شهر
_مبروك ..اتفضل فرجيك نيو كولكشن من كم يوم وصل عل المحل
محمد :طيب
وبالفعل اختار فستان شيك لمرح
وحملته الصبية لعند رزان لتحسبلوا ياه
رزان يلي انزعجت وقت شافته
الصبية :مبارك مسيو محمد وهلاء المدام رزان بتحاسبك وانا عن اذنك
محمد :شكرا الك
رزان :.......
بعد ماكملت الحساب وعم تلف الفستان
كانت ساكتة ومبين انها مزعوجة
محمد :خير في شي
رزان : بتعرف لشوي كنت مصدقة قصة ندمك
ههههه بس انت ممثل شاطر ومحترف
اتفضل رياض عرف يدربك مظبوط
محمد :ممكن افهم شو قصدك
رزان :محل تياب نسائية وانت زبون معروف فيه هل المرة الفستان لمرح وبالمرات الماضية لمين ؟؟؟؟؟
محمد :حمل الفستان ومشي بعصبية
ورزان حطت ايديها على وجها
اااااه ... ياريت انسى ....ياري.....
ان شاء الله يامرح مابتشوفي يلي شفته
بعد فترة فادي بيتصل بمحمد
_خيي وينك ...ووين هل الغيبة
اشتقنالك يازلمة واشتقنا لحكايتك
محمد :والله مشغول بصفقة جديدة بالشركة
انت كيفك وكيف الموظفة الجديدة معك
فادي :ماأنا مشان هييك متلفنلك
تعا اليوم لعندي عل المكتب
محمد :بحاول المسا شوفك بس بكافيه المول اروق
فادي :أوكيه خيي مش مشكل بنلتقى المسا
بعد شوي فاتت مرح على مكتب محمد
_مشغول حبيبي
_عندي شوية وراق ولازم ادرسهن اليوم
_أنا كتير زهقانة وحابة نطلع مشوار المسا
محمد مكمل بوراقه ....مابقدر اليوم واعد رفيقي
مرح :طلعت من المكتب
الو رزان كيفك
_الحمد لله انتي كيفك شبك مدايقة
_لاء مو مدايقة بس حابة اطلع مشوار تروحي معي
_شو رأيك تمر لعندي تجيبي شام وتجي على المول لعندي انا بخلص دوامي عل 7 المسا
_طيب منيح
_اوكيه حبيبي بانتظارك
وصل محمد لعند فادي وقعدوا سوا بالكافيه
ومرح وشام وصلوا لعند رزان وطلعوا سوا يتمشوا بالمول
فادي :خيي الصراحة أنا جايبك لهون بدي اسألك كم سؤال عن المدام رزان
محمد :رزان ؟؟؟ليش
شو بدك تسأل
فادي :انت بتعرف أنا مطلق من سنة
وعم دور على عروس
والمدام رزان عجبتني
محمد :بس هي عندها بنت
فادي :مش مشكل ياخيي انا بحب الصغار وفي أحلى منهن
محمد :طيب أنا شو مطلوب مني
فادي :أنا بدي اعرف عنها كم شغلة قبل مافاتحها بالموضوع
..................
مرح ورزان كانوا عم يمشوا
شام :عمو محمد
مرح: وين
شام :ليكوو وركضت لعنده
رزان كانت واقفة ومتفاجئة كيف مجتمع مع فادي معناها بيعرفوا بعض
_مرح محمد بيعرف فادي من قبل
مرح :هلاء امشي انسلم عليهن
رزان :هو يلي دبرلي الشغل صح
مرح :اه ..هلاء امشي نسلم مو حلوة
سلموا وقعدوا معهن على نفس الطاولة
فادي بين انو انبسط كتير بشوفت رزان
محمد كان معصب وبدو ياهن يمشوا
فادي :وشو اسمك انتي ياقمر
انا شام
ااوه عل الشام ماأحلاها
تاكلي أيس كريم
شام :اممم شوكلت وبلوبيري
فادي :من عيوني
وبعدها مشيوا كل واحد على بيته
فادي عرض يوصل رزان رفضت
محمد خلص انا بوصلكن
بس رزان رجعت هي ومرح لحالهن
فادي كان اهتمامه برزان واضح
وبعدفترة بالبوتيك
صبايا وشباب الموظفين فيه
مسيو فادي بكرا ب

#حبنا_غلطة_بقلمي_رنابارودي
(( @rwayate ))
كنا راجعين أنا وبنتي شام من مشوار بمدينة ملاهي كنت واعدتها فيه من زمان
بماانو الشركة عطتنا تعويضنا اليوم ووقفت شغلنا لانهيار أسهمها فصار عندي الوقت اني اوفي بوعدي بمشوار لبنتي
رزان : يلا ماما غيري تيابك وعل النوم دغري
_ماما خليني نام جنبك وبدي تحكيلي حكاية
رزان : صار عمرك 10 سنين ولسه بدك حكايات
منى :ايه 😍الله يخليكي
رزان :هههه يلا تعي تحت الحرام ندفا سوا
شو الحكاية يلي حابة تسمعيها
شام :أمم بدي حكاية الامير حسن يلي حب الأميرة بدر البدور
رزان :كان يامكان في قديم الزمان وسالف العصر والأوان كان في بلاد بعيدة فيها أمير حلو شجاع ومغوار وبحارب الاشرار
بيوم من الايام كان بالغابة الكبيرة عم يحارب عصابة من الأشرار وهو على حصانه الابيض مسرع بين الشجر لمح صبية حلوة ومرتبة قاعدة جنب البحيرة عم تشوف خيالها وتحاكي حالها شافها حلوة كتير وبرئية عجبته كتير قرب منها وقلها مرحبا نقزت منه وارتعبت وخطوتين لورا رجعت
قلها لاتخافي انا الأمير حسن انتي مين ؟؟؟؟ 😍
ركدت من غير ماترد وعلى قصر أبوها وصلت وببرجها العالي اتخبت
الامير حبها كتير وماقدر يقيمها من باله ضل ايام واسابيع يدور عليها لحتى عرفها مين هي وطلب من ابوه الملك وامه الملكة يطلبوها للزواج الو وهاد يلي صار
الامير حسن خطب بدر البدور واتجوزوا بحفلة كبيرة وحلوة حضرها كل الناس والصحاب
شام :وبعدين شو صار
رزان :يلي صار بعدين بس تكبري بتعرفيه يلا عل النوم اتأخر الوقت
تركت بنتي تنام وعيوني ماغفيت
أفكار تاخدني وذكريات ترجعني
مابيحرق قلبي غير نهاية الحكايات عاشوا بسبات ونبات وخلفوا صبيان وبنات
كذب ...بكذب
قمت من تختي وقربت من الشباك حطيت الشال على كتافي ورجعت فيني الذكريات
ااه كيف الذكرى قدرانة ترجعلك نفس الوجع نفس القهر ويمكن كل مرة وجعها بيقوى
بتذكر كيف كنت بالمعهد أنا ورفقاتي وقت قرب منا شب حلو كتير وسألنا عن مكان المكتبة
كلنا صرنا نضحك وعيونا عليه وهو عم يمشي
رياض صاحب سحر وجاذبية قوية
كل بنات المعهد كانوا مهتميين فيه وهمهن يحكوا معوا ويتقربوا منه وانا منهن كان لافتني ووقت يمر تنحبس أنفاسي وقلبي يدق
بس ماكنت بين الو او لرفقاتي هل الشي
رفقاتي ورفقاتوا صاروا شلة كبيرة
انا احكي معهن عل الخفيف وضليت معهن من بعيد لبعيد
رياض حاول يحاكيني أكتر من مرة ويستفرد فيني بس ماكنت اتركله مجال
يوم عن يوم صارت نظراتو إلي أقوى ومرات كتير يعزمني على قهوة على فطور اعتذر ومرة اتحجج بدفتر محاضرتي انوا محتاجه لقيت بقلبه تاني يوم رسالة حب ورقم شقيته وعطيتوا الورق المقطع كنت حاسة انو هي ألاعيب بيلعبها مع الكل وبأي لحظة بضعف فيها رح كون عادية متلي متل كل هل البنات يلي حوليه
ليوم بتفاجئني رفيقتي بحديثها عن رياض يلي طالب رقم أهلي وعنوانهن وهو حابب يتقدملي
بشكل رسمي مع أهله وحقيقي هاد يلي صار
أهلي ماعارضوا وكانت مسموعيات أهله ممتازه ووقت سألوني رأي كان قلبي طاير من الفرح وقلت موافقة من غير تردد
وليش ماوافق يلي حبيتوا اتقدملي وطلبني رسمي وصرت إلو وصار إلي
كتبنا كتاب الشيخ وعملنا حفلة الخطبة
(رزان سحبت محرمة ومسحت دمعة نزلت من عيونا )
للليش اويها ورياض ورزان اويها
كانت النسوان عم تزلغط
ورياض كانت عيونو كلها محبة ورقة مسكت ايدو لألي بتحسسك انك مع أمير أحلامك هلاء
نظراته بتحسسك بالراحة تطليعاته عم تقول حابب اخدك وطير فيكي للسما
بعد تلبيس الخواتم باسني أول بوسه من ..... كانت خطف
كل الناس استغربت واتضحكت
وأنا قلبي من كتر دقاته حيطلع من صدري
اااه .....ااااه ....اااه غبية انا غبية وساذجة
ايه غبية ماكنت بعرف اقرأ قلوب البشر مظبوط ماكنت بعرف !!!!
أيام الخطبة الأولى كانت رقيقة وحلوة متل نسمة رايقة ولطيفة كل شي فيها حلو ونضيف
أول يوم بنفوت فيه المعهد وبنعلن فيه خطبتنا فريد وهو قريب من رياض وصديقنا بشلة المعهد
قلي انخطبتي لرياض
رياض :ليش عندك مانع
فريد : ههههه لك ديري بالك انتي أحسن منو
رزان :....
رياض :لك حاجة سئالة هلاء بتصدقك
فريد :هههه عم نبها للبنت حتى ماتنصدم بعدين
رياض :لاتردي عليه هيئتو غيران الله يعين يلي بدها تاخدك
فريد :ههه يعين يلي بدها تاخدك وتاخدني مانحنا رفقا ودافنينو سوا 😉 😉
مافكرت بكلامه ولا عطيتوا أهمية فكرتهن شباب وعم يمزحوا مع بعض مافكرت بحكيوا الملغوم ولافهمت
رياض صار يحاول يتقربلي أكتر وأكتر وطلباتو تزيد وكل مااعترض يقلي نحنا متجوزيين وكاتبين كتابنا يعني أنا جوزك وحلالك
هو صح جوزي بس أنا كنت خاف وقلوا بس نحنا مخطوبين وبس يصير عرسنا بنعمل كل شي بدنا ياه
رياض :لك ياحبيبتي هلاء أحلى
وبعدين انتي مالك مأمنة معي
رزان :لا مو هيك حبيبي بس أنا بخاف
رياض وقت يقرب مني كنت اضعف محبتي خلتني أسيرة الو
المشكلة رياض ماكان يكتفي بشي محدد وعلى طول بدو أكتر ودائما يزعل اذا رفضت