الجز۽ الخامس
🌹🍃🌹
مجد:أنا ماقدرت ارتاح لسراج..بغض النظر أنو عشوي رح تصوريلي ياه ملاك..مع هيك في تفاصيل صغيرة هو عملا أنا ماعجبتني..انتي مابتنتبهي عليها لأنك اصغر مني ولأنك صبية نحن الشباب منفهم ع بعض..بدي تنتبهي منو وتفكري كتير منيح..لاتقبلي بلزواج بسرعة في كتير اشارات استفهام عم تحوم بدماغي..شو رأيك تعرفينا ع بعض
ليلاس بفرحة:عنجد؟
مجد:أي والله وهيك بقدر اعرفو مظبوط
ليلاس:طيب أوك..اكيد رح خليكن تتقابلو،انت بقيان هون اليوم؟
مجد:لا لازم ارجع بس مندبر موعد ومنتقابل أوك..
ليلاس:أوك😍
بيرجعها علبيت وبعد مايودعا بيروح،بلفعل حست أنها رتاحت ماتوقعت بيوم ترتاح مع مجد بعد ماحست أنو كلشي بيربطهن انتهى..
بتتصل ب سراج،وبعد كتير مكالمات بيرد عليها
سراج بتعب:ألو..
ليلاس:حبيبي..سراج انت منيح؟
سراج:أي..
ليلاس:صوتك كتير تعبان..طيب وينك انت؟
سراج:ببيتي...بيتي انا وانتي
ليلاس:طيب ليش بقيان لحالك حبيبي طلاع وروح علفيلا إذا مريض لاتبقا لحالك
سراج:لا حاسس أني بحاجة كون لحالي
ليلاس:ياريت لو فيني كون معك..
سراج بدون تردد:لأ..أوعك ليلاس لاتجي
ليلاس باستغراب:شبك..انا ماحكيت رح اجي
سراج:بعدي عني ليلاس..
بتنصدم وماعاد طلع منها حرف
ليلاس:شو قصدك؟ليش هيك عم تحكي
سراج بيتوتر:بقصد وانا مكتئب بلا مادايقك معي بس هيك
ليلاس:مستحيل اتركك..أنا بدي ابقى معك بكل حالاتك روحي متعلقة بروحك..
سراج:انتبهي عحالك ليلاس..وعديني تنتبهي من كلشي
ليلاس:ليش عم تخوفني؟صاير شي جديد
سراج:لا..بس هيك يلا لازم سكر،سلام..
ليلاس:سلام..
رجعت توترت وماعاد عرفت شو تعمل
تاني يوم،بيرجع سراج علبيت بيلاقي بيت خالتو موجودين
ندى بعصبية مكتومة:انت وين كنت من مبارح..
سراج كان واضح عليه الارهاق:عند غياث..
ندى بتهمسلو:أبوك طلب تأعدو انت وسدين مع بعض
سراج:ماما واضح علي التعب صح..ممكن تتركيني بحالي..
بيتركا وبيطلع بياخد دوش بيطلع بيلبس وبيتمدد ع تختو لحظات وبيسمع نأرات علباب..
سراج:تفضل..
بتفوت سدين وهية حاملة كوب نسكافيه وعيونها بلأرض وبتقدملو ياه
سدين:تفضل..خالتي ندى طلبت جبلك ياه
سراج:اي..شكراً
سدين:واجبي
بيتطلع فيها باستغراب..تدايق من سذاجتها
#حمصية_حرةبتبقا واقفة بمكانها
سراج:فيكي تمشي..
سدين:بس..
سراج:شبك؟
سدين:خالتي حكتلي نحكي وأأعد شوي
سراج:وكلشي بتقلك ياه لازم تعمليه يعني
سدين:اي صح
سراج:طيب..اعدي علكرسي هنيك
بتروح بتأعد بدون ولا كلمة
بيتطلع فيها بيستفزو شكلها من كتر ادبها وخجلها وبرائتها
بيقول جواتو(هي رح تكون زوجتي؟اي مابتنفع تكون بنتي حتى)
(بعد مرور ثلاث أيام)
كانت ماسة مع أمها بلكافيه
ماسة:طيب..وبعدين ماما بترجاكي شتقت لبابا بدي شوفو
ندى:صدقيني عم حاول معو بس لسا مو متقبل يلي عملتيه..هلأ خلينا نخلص من موضوع أخوكي
ماسة:وايمت رح تحكيلي شو موضوع أخي؟
ندى بفرحة:اخوكي رح يتزوج بعد اسبوع
ماسة مصدومة:شو؟؟مين رح يتزوج كيف هيك؟
ندى:سدين
ماسة:نعم!؟؟سدين بنت خالتي زينب؟امي رح جن ها شرحيلي
ندى:مابدها شرح القصة خطبناها من اهلها ورح يتزوجو بعد اسبوع كتب كتاب وبيلبسو محابس كلو مع بعضو
ماسة بتجيها السكتة وماعاد طلع معها حرف،صح مابتعرف شو صار بعلاقة سراج و ليلاس لأنو فعلياً ليلاس بعدت عنها كتير
أما بمكان تاني،كانو آعدين غياث و ليلاس مع بعض
ليلاس:تفضل..احكيلي يلي ماقدرت تحكيه علتلفون،يعني اتصالك فاجأني
غياث:بصراحة مو عارف من وين ابدا،بعتذر أول شي على اتصالي المفاجأ بس خفت اتأخر اكتر من هيك..سمعيني ليلاس مابعرف إذا سراج حكالك شي بس بيأسفني خبرك أنو علاقتي معو خربانة علآخر..سراج كتير متغير صاير انسان تاني بسبب يلي عاشو بلفترة الأخيرة بقصة ماسة وشادي..لهيك بدي اطلب منك تبعدي عنو..لمصلحتك انتي
ليلاس:خلصت كلامك؟
غياث:هاد كلشي بقدر قلك ياه..لازم تبعدي
ليلاس:ليك غياث..يمكن رب العالمين حطو لسراج بهلوضع ليعرف عدوو من صديقو..أنت تركتو بأسوء ظرف عم يعيشو،لا وكمان جاية تقلي لمصلحتي بعد عنو،طيب وهو ؟مين رح يكون جنبو؟إذا عم تقلي متغير منتركو لحالو؟منتركو يأذي نفسو او يعمل شي..اكيد لا..عكل حال منيح بعدت عنو..لأنو صدقني هو مو محتاجك..مارح يكون بحاجة صديق بيتخلى عنو بظروفو الصعبة
غياث بيتدايق كتير منها ومن الهبل يلي فيها..ماعم يقدر يحكيلا الشي يلي عم يفكر فيه سراج لأنو مو متأكد إذا ممكن يعمل يلي حكاه أو لا..وبنفس الوقت مو قادر يتركا تروح للهلاك برجليها
غياث:بعتذر أخدت من وقتك كتير..انتي مابتعرفيني لهيك مو من حقك تحكمي عليي وأنا ماتركت سراج بهلبساطة وألي اسبابي طبعاً،بتمنى تنتبهي عحالك كتير منيح...حتى من حالك...ليلاس
ليلاس:نعم؟
غياث:فتحي عيونك منيح..لاتخطي خطوة قبل لا تفكري فيها مية مرة..وهلأ سلام
بترجع علبيت وهية عم تفكر(ياربي..عم يحسسوني عايشة ب فيلم رعب..عنجد بيكفي كتير زودوها هدول)
بتوصل علبيت بتفوت بهدوء بتسمع ماسة عم تحكي مع ديمة وشادي