الجزء الثالث
@rwayate
(قفلو عليه الباب بقيت بين اربع حيطان متل السجن ضو الشمس مابشوفو ...بعد ما ابي فرض عليه اني ما اطلع من غرفتي الا على الحمام حرموني من الجامعة ومن موبايلي ومن كل شي ومرت اخي كان تجي تشمت فيني وترمي حكي لامي لتكسر خاطرها ومو بس انا كمان انحرمت حتى امي انحرمت تروح لعند اهلها وابي شرطت اذا خالي زيد ابوه لعدي بوصل بيتنا امي بتكون طالق كانت امي يوم عن يوم صحتها عم تتراجع من كتر زعلها عليه ....

#امي : صرلك يامو 3 ايام ماحطيتي شي بتمك الا هالمي حرا عليكي بدك تقتلي حالك وتقتليني معك

#فرح : اااه يا امي كسر قلبي ابي ليش هيك عملو فيني جسمي شوفي شلون مزرق من الضرب انا بشو غلطت قليلي بشو غلطت

#امي : لو بيدي شي اعملو لالك لعملتو

#فرح : طلعيني من هون بترجاكي يا امي طلعيني ابوس على ايدك

#امي : وين بدك تروحي قليلي

#فرح : بدي روح عند دار جدو عند خالي زيد

#امي : بدي ابوكي يقتلك امي سكري على السيرة

#فرح : ماحد رح يعرف من ابي يطلع هو وصابر على المحل بطلع

#امي : وام قويق يا امي اللي 24 ساعة قاعدة على الدرج عم ترمي حكي شلون بدك تطلعي من قداما

#فرح : دبريها امي الله يخليكي امي اعطيني موبايلك دق على عدي امانة يا امي

#امي : والله ماني خايفة بالكون الا على عدي خايفة يصير لالو شي

#فرح : ليش يا امي شو صار لعدي احكيلي الله يخليكي

#امي : اخوكي صابر بعت رفقاتو ليضربوه ومكسرينو يا امي مسكرين عضامو ااخ خالك عم يجري فيه من مستوصف لمستوصف

#فرح : امي لاتزيديها عليه طلعيني من هون ابوس ترابك

( غابت امي ساعتين وبعدها رجعت لالي)))

#امي : قومي قومي بسرعة البسي شالك

#فرح : لوين يا امي قليلي

#فرح : قومي قبل لتطلع ام قويق من الحمام ,,,صبحية جارتنا جاي وهي راخ تاخدك على دار سيدك بسرعة يالا

( البست تيابي واطلعت من البيت وانا عم جر جسمي جر وجع الضرب ماكان هين اخدتني خالتو صبحية لعند دار جدو كنت متلهفة مووت لاشوف عدي واطمن عليه)

#فرح : تيته الله يخليكي طمنيني عن عدي

#تيته : حسبي الله ونعم الوكيل حتى انتي ياتيته عاملين فيكي هيك ومزرقين وجهك

#فرح : سيبك مني انا قليلي وين عدي

#تيته : اخدو خالك على المشفى عندو كمان كسر بضلعوو فوتي ارتاحي

(بعدني مادخلت الا مرت خالي امو لعدي جاي لعندي ركض وبعيونها غضب عليه)

#مرت خالي: شو جاابك يامقصوفة الرقبة شو جابك جي تكملي على ابني مابدك تبعدي عنوو اتركيه بحالو لك مو بكفيه اللي صار من تحت راسك

#تيته : اتركي البنت بحالها مالها ذنب هي كمان ما تركوها بحالها

#فرح : امانه يا مرت خالو والله اللي فيني مكفيني

#مرت خالي: اسمعي لو بتنطبق السما على الارض ابني مارح يتزوجك فهماني لو كل الدنيا رضيت انا مارح ارضى خدي حالك وارجعي على دار اهلك مش ناقصين مشاكل ابوكي واخوكي مرح يرحموه لابني

#خالي زيد: يامووو يامووووو

#تيته : ليكن رجعو اي ياموو جااي

( اخدت حالي وقمت ركض لاطمن على عدي كان عدي كتير تعبان وكل جسمي عليه جبس كسور ايدو ورجلو ورقبتو

#خالو زيد: فرح انتي خالو هوون

#عدي : فرح فرح صرلك شي يابي اركز ضهري بدي شووفااا

#فرح : اي اي انا هون اانا مافيني اتركك ياعدي

#عدي : ليش عاملين فيكي هيك قليلي .. مين اللي عامل هيك فيكي اااااااااخ ياربي ليش عم يصير فيني هيك ياريتني بقدر قووم غدروا فيني من الظهر هالنسوان

#خالتوزيد: معلش يابي لو كانو رجال مامدو اديهن على فرح وماغدروا فيك من ظهرك كان واجهوك بوجهك خال انتي كيف جيتي هوون

#فرح : امي ياخالو هي هربتني مع جارتنا صبحية

#خالي زيد : كيفها امك شو صار معها

#فرح: والله يا خالو حالها مانو منيح وخايفة ابي ليعمل فيها شي اذا عرف انها هربتني

#مرت خالو: حاج لعي فاضي انا ابني بدو يرتاح طالعوه لفوق عندي اهتم فيه

#تيته : وين يطالعوه على الدرج بعدين ابوه هون وانا بهتم فيه

#مرت خالي : الصبر من عندك يارب ماعرفاني من وين رح يلاقيها ابني الله يلطف شو رح يجينا مصايب من ورا هالبنت

الجزء الرابع :
@rwayate
(من بعد ما طلعت مرت خالتي على شقتها فوق لحقها خالي زيد وتيته التهت بشغل البيت كنت قاعدة جنب عدي وعيوني عم يدمعو من الحال اللي وصلت لالو فيه ووصلت عدي معي شو ذنبو ليتحمل كل هالمعاناة )

#عدي: وين سارح غزالتو لحبيبي

#فرح : عدي سامحني انا السبب بعرف الله يكسر ايديهن اللي عملو معك هيك

#عدي : لا مابدي سامحك

#فرح : ليش ياعدي الله يخليك سامحني

#عدي: لان ما سمعت كلمة حبيبي ولا بحبك منك هيك بتقابلي المكسور في حبك

#فرح : مكسور في حبي

#عدي : اي هاد شو اللي شايفتيه مشان مين مو مشان عيون حبيبي الزعلان بس سدقي الزراق اللي حوالين عيونك احلى من المكياج اللي بتحطيه كنتي هههه

#فرح : شوووو يعني عاجبك هاد الضرب اللي بوجهي

#عدي : اي عاجبني كل ماتروح بدي ارجع اعملك متلها يعني اعطيكي بوكسات

#فرح : حتى انت يا عدي

#عدي : الله يكسر ايدي الهي ياخدني عندو اذا يوم بمد ايدي عليكي الله يكسر ايدهن حبيبي حبيت لطف الجو ونسيكي اللي انتي فيه

#تيته : شو ياتيته اخدت عقلك فروحة قوم اشرب الشوربة هاي لاتقوي عضامك

#عدي: مو ياتيته هلاء لو كنت مجوز سهى كان هلاء هي عم تطعمني بايديها

#فرح : سهى هااااا ااااااااخ

#عدى : هههههه سلامتو مانك جاي تضربي الا على الجبس بس وجعتيني

#فرح : تستاهل يا سئيل يا غليز شو دخل سهى بالنص انت بتعرف انتي بتغاظ منها

#عدي : انا بستاهل لكان من الاول خدي طبق الشوربة من تيته وطعميني

#تيته : ههههه الله يشفيك ياستي وتقوم بالسلامة وافرح فيكن خدي يافرح طعميه ياتيته رايحة افتح الباب مابعرف مين عم يدق هيك على بيتنا متل المجانين

#عدي : طعميني بسرع كتير جوعان خلصي يامرتي المستقبلية

#تيته : ليلى (اسم امي )

#فرح : امي

#امي : فرح فرح وينها وينها

#تيته : شو يا ليلي شو في

#فرح : امي شو في

#امي : ابوكي يا امي حالف يمين ليكون اليوم مقتلك بسرعة يا امي ليكن على الطريق رح مووت اعطوني مي

#فرح : امي شو ساوي الله يخليكي

#تيته : يامو يازيد يامو يا منير تعو يا امي

#خالو منير : شو يامو شو في اختي ليلي شو صاير معك

#تيته : الحقني ياخوي ابوها فرح بدو يقتلها

#خالو زيد: لا لا البنت معنا يا اختي لاتقلقي

#تيته : يامو دق على ابوك شوفو وين لازم يحط حد لهالعيلة

#خالو منير : ابي هلاء بالصلاة شكلو جرس الباب بدق رايح افتح

#امي : هاد ابوها لفرح اكيد خبولي هالبنت

#ابي : وينها وينها

#فرح : تيته ..خالو ..الله يخليكن لاتخلووه يضربني امانه خالو منير ... خالو زيد ...تيته عدي ...قوووم قووم احميني ابي جاي يقتلني

#عدي : يااابي قومني يااااابي مافيني ضل هيك بارضي

الجزء الخامس
@rwayate
#خالو زيد : شو القصة ابو صابر ليش هيك عم تعمل ببنتك مو بكفي اللي عملتو بابني انا مشان النسب ماقبلت دخل ابنك السجن فوت شوف ابني شلون مكسر

#صابر : اللي من ايدو الله يزيدوو

#جدو: شو صاير هون اهلين صهري اتفضل

#ابي: اي عمي لا مابدي اتفضل جاي اخد بنتي وبنتك انا طلقتها مابدي اياها

#جدو : بسهوله هيك لا والله مابصير يعني حفيدي ابنك كسروا وبنتي طلقتها وجاي لعند بيتني كمان وعم تقلل احترامك معي

#صابر : لاا جدو ماعم انقلل احترامك بس بدنا ناخد اختي وانتو من طريق ونحنا من طريق

#خالو منير : فوتو لجوا مابصير هيك على الباب مابدنا الناس تحكي عنا حكي طالع نازل

( من بعد مادخلو جوا شي ساعتين وهني اصواتن طالعة ...ورجال تفوت ورجال تطلع اعمامي وخوالي ومخاتير العيلة وانا وامي قاعدين على نار لنعرف شو اخرتا دقايق الا خالي منير دخل لعنا ...

#خالي منير: خالو قومي البسي ارجعي مع ابوكي وخطيبك

#فرح : مين خطيبي امي قليلك شي

#امي : قلي شو صار ياخوي قلي والله قلبي على نار

#خالي منير : نحنا خلصنا مع العيلة هاي يختي ابو صابر طلقك قدام المخاتير

#امي : يا مصيبتي والبنت

#خالي منير : اخوكي زيد طلبها لعدي وابوها رفض ومشان يكسر راس جاب عمها وابن عمها وقرا الفاتحة جكر في ابوكي واخوكي هوون عنا ببيتنا

#امي: قروا فاتحة بنتي هوون وعلى ابن عمها امير

#فرح : خالو لا لا تقولا ابي انجن شكلو ...خال الله يخليك لا تقبل مو انت خالي كمان لاتقبل الله يخليك انا بكرهو لامير مابدي اتزوجو امانة ياخال لاتبعدني عن عدي والله بموت بارضي الله يخليك يا خال

#جدو : قومي ياجدو مافيني اعمل شي ابوكي واعمامك والمخاتير اخدو قرارهم

#فرح : جدو شلون يخطبوني لحد ما بطيقو وبدون قراري هاد حرام يا جدو

#تيته :حسبي الله ونعم الوكيل طول عمرهن هالعيلة مانا مرتاحين منهن لا ريحوو الام ولا بنتها

#فرح : عددددي عدددددددد ي

#عدي : شو في قليلي والله قلبي على نار

#فرح : بدهن يجوزوني لغيرك قووم ياعدي قووووم احميني منهن احميني

#صابر : قووومي انصرفي على البيت قووومي

( اخدني صابر من دار جدو وانا ايدي عم تشبك بكل اكره وتشبك بخالي وبأي حد عم قابلو عم ترجاهن مايخلوني روح ويجوزوني لامير امي كانت عم تبكي عليه وتيته عم تتحسبن وعدي اللي صار يضرب بايدو بالحيط ... اخدوني دغري على بيت عمي دغري على غرفتو لامير لافرح ولا خطوبة ولا اي شي اللي كنت اعملو كنت ابكي واخي وابي يضربوني بزيادة ,,,,,,,,,,