قصة جديدة: #خطايا_لم_تغفر
.............
قراءة ممتعة🦋💙"
#ⴅÂÐЄĦÂ

#خطايا_لم_تغفر بقلم :#أيديل_الكاي

الجزء الاول ..ضحيتي الاولى )

صبية: مين هالشخص اللي باعتلي اضافة؟
اقبل ولا لا؟

فضولها ما تركها ..
دخلت ع صفحته لتشوف مين هالشخص اللي باعتلا ..
صبية: باينتو شب محترم .. وبيخاف الله

(كان حاطط ع سيرتو الزاتية( لا اله الا الله)
ومن صورتو الشخصية مبين مثل الملاك شخصي وحليوة

الصبية؛ اوووف شو عندو متابعين! .. بنات وشباب.. اكثر من ١٢ الف متابع ع صفحتو الشخصية
لهدرجة محبوب؟
بس ليش ليبعتلي طلب اضافة اللي بالزات؟
اكيد زيادة عدد .. مو اكثر ..

امها : لك بنتي تعي رفيقتك عم تستناكي ..
الصبية : يلا ماما جاي ..

سكرت موبايلها .. واخدت شنتايتها ونزلت

صديقتها: لك يلاا.. دايما متاخرين !
الصبية ؛ يلا امشيي ..

راحو ع مدرستهم وقدمو امتحان ..

بعد ما خلص يومها وخلصت مدرستها ..
رجعت هي ورفيقتها..

نغم: ولله بتعرفي امبارح الحفلة كانت بتجنن..
حلا (صديقتها)؛ عنجد نغم.. يعني انبسطو؟
نغم: اي كتييير ولله ما قصرتي .. واكلات امك كانو بيجننو .. عقبال ال١٠٠ يا عمري ..
حلا: تسلميلي حبيبة قلبي ..
نغم: يلا بشوفك بكرا ..

رجعت نغم ع البيت .. اكلت وطلعت ع غرفتها غيرت تيابها واخدت دوش سريع ..
ورجعت اتسطحت ع التخت عم تتصفح ع الفيس..

وفجاة بيجها اشعار:(لديك رسالة جديدة ع المسينجر)

نغم: مين هاد...
(فاتت ع تطبيق المسينجر)
نغم: هاد هو نفس الشب اللي بعتلي اضافة اليوم..

نغم : ليش باعتلي رابط ..

نغم عم تكتب ..
نغم : عفوا مين انت؟

الشب: اختي ممكن تدعمي صفحة اخي الصغير ..
نغم : كيف فيني ادعمه ،؟
الشب ؛ من خلال الرابط اللي بعتلك ياه ..
نغم : طيب ماشي ..

(نغم عم تحكي)..
فتت ع الرابط .. بس بعدين علق موبايلي وطفى ع الاخر ..
ف استغربت ... انو كيف هيك ؟
فكرت انو خلص الشحن .. فرحت حطيتو ع الشحن وضليت عم استنى ليشتغل بس ما اشتغل .. ف قررت نام لانو عندي دوام بكرا ..

فقت الصبح .. اتطلعت حواليي .. الضو لسا ما طلع ..
قمت شربت كاسة مي .. تزكرت الشب اللي بعتلي الرابط ..
شلت موبايلي من الشحن .. وشغلتو
واخيرا اشتغل ...

رحت فتت ع المحادثة وحاولت ادخل ع الرابط .. بس ما كان يزبط ..
ف قررت اكتبله رسالة..

رسالة نصية:
نغم : اخي حاولت فوت ع الرابط كذا مرة بس ما عم يشتغل ..

بعد دقائق ..

الشب ؛ خلص اختي ..ما بدي عذبك .. شكرا الك ..
نغم : يمكن من الشبكة عندي .. بس ولله حاولت وما اشتغل ..
الشب : ولا يهمك .. انتي وين عايشة ؟
نغم ؛ انا بسوريا بالشام ..
الشب : وانا من سوريا بس حاليا مقيم ب فرنسا (معلومات غلط)

( دردشو شوي وتعرفو ع بعض .. ونغم كانت فرحانة .. انو تعرفت ع شب محترم وظريف ..

نغم اطلعت ع الساعة ..
نغم ؛ اووف صارت الساعة ٧ .. لازم انجهز للمدرسة ..

لبست بسرعة .. وبعدين كالعادة اجت رفيقتها حلا وراحو سوا المدرسة.

خلصو مدرستهم كالعادة .. ورجعو ع البيت

ببيت حلا..

بيبعتلا رقم غريب ع الواتس..
حلا: لمين هالرقم ..

رسالة نصية:
حلا: مين معي ...

-تم تسليم ٥ صور
حلا 😨 مصدومة 🤯 😳😳😳😳😳

حلا: مييين انت؟
الشب : كيفك يا حلوة ..
حلا: ميين انت ومن وين جبت هالصور؟
الشب : هدي شوي وخلينا ريلاكس😈
حلا: ليك يا بتقلي مين انت او رح احظر ...
الشب : احظري وشوفي كيف رح ابعت هالصور الحلوين لابوكي زياد !

حلا بلشت ترجف وكانت خايفة ..
وفي ميت سوال براسها ..

الشب : اشششت لوين رحتي يا حلوة..
حلا: احذف الصور ..
الشب : بهالسهولة ..
حلا ؛ رح سكر ..متطرة . اجا بابا...

سكرت الخط ومسحت دمعتها .. حاولت تسيطر ع خوفها .. بس ما عم تقدر ..
فاتت ع الحمام غسلت وجها ..

زياد ابو حلا ؛ يلا حلا عم نستناكي ..
حلا : يلا بابا جاي ..
نزلت واكلت معهم بسرعة واخدت منهم اذن انو عندها دراسة ولازم تدرس

زياد: الله يوفقك يا بنتي .. وشوفك احلى دكتورة

طلعت ع غرفتها ومسكت موبايلها

بمكان ثاني..

كان قاعد حاطط رجل فوق رجل وموبايله بايده ومو معبر اي حدا حواليه

ياسين معصب : شو عم يصرلك يا زلمة ما كنت هيك ابدا !
نائل؛ شلون بدك ياني كووون!
دراسة وتركتو ماني خرج..
واهل وما عندي .. شو بتتوقع مني !

ياسين : لك الحياة ما رح تدوملك هيك ..
انت شب لساتك باول عمرك .. روح اشتغل..
روح دور ع اهلك .. يمكن تلاقي منن خبر

نائل: ههههه حاسس امي اللي عم تحاكيني ..
لك صرلي سنتين عم دور عليهم . بعدين انا هيك مرتاح شو بدي ب اهليي ،، يا بيكونو ميتين او .. اني ابن حرام .

( ياسين عرف انو ما رح يقدر يغير عقله وجهله وطريقة تفكيره .. )

ياسين : رح روح لازمك شي ..
نائل مو معبره : ...

سحب الموبايل من ايده..
ياسين معصب 😡 : لك عم بحكي معك !!!

وبنظرة ياسين اتطلع ع الموبايل ليشوف بشو مشغول
ياسين مصدوم: شووو هاد !؟
نائل 😡 : هات الموبايل!

ياسين: لك شو هاااد ؟ انت مجنون شي .. كيف هيك بتعمل ..

وبحركة هجم ياسين عليه .

. ون

#خطايا_لم_تغفر ..
الجزء الثاني .. ( جريمة بلا شهود)

حلا تعبت نفسيتها كتير ..
طول الليل تبكي .. وبردانة عم ترجف .. من الخوف .. ومن التفكير ..

حلا: يا الله ساعدني ماعاد اتحمل ..
بابا اذا يدرى رح يموتني ويموت ..
وماما مريضة .. اذا سمعت هالخبر ح اخسرها..

حلا: لا لا مستحيل اتصور هيك صور وابعتله .. انا بحياتي ما بعتت صوري لشب .. يا الله ساعدني

بلش يديق نفسها .. قامت تربعت بتختها.. وشاردة عم تفكر .. رح تجن من التفكير ...

وفجاة.. بيدق موبايلها..
ارتعبت حلا... متل يجي حدا ويكب عليها سطل مي بوز ..

حملت مووبايلها بدا تشوف مين عم يدق ..

فتحت الخط و..
نغم: الووو
حلا عم ترجف؛ اااااالو ...
نغم: شبك هيك عم تتأتأي بالحكي ..
خايفة من امتحان العربي ؟
حلا: لا مافي شي ..
نغم: يعني درستي للامتحان بكرا؟
حلا: اي درست ..
نغم: اي حلووو .. دقيتلك لانو بدي قلك
اذا بكرا بعد الدوام اذا ما عندك شي نروح نغير جو ..
حلا: لا اسفة مو خرج بكرا ..
انا تعبانة شوي ..
نغم: وانا هيك حاسستك .. خير شبك شوفي ..

بلشت حلا تبكي بدون توقف وحاطة ايديها ع تمها عشان ما حدا يحس عليها ويسمع صوت بكائها

نغم: لك شبك ليش عم تبكي ؟
حلا : ...
نغم: لك ردي .. شبك ؟
حلا وهي عم تبكي ؛ نغم .. هلا اذا الواحد مجبور يعمل غلطة عشان غلطة مو عاملها .. شو لازم تتصرف ؟

نغم: ما فهمت شو عم تقولي ..
حلا: بدي قلك شغلة وحدة ..
انا بحياتي كلا ما فكرت اعمل غلطة ..
دايما كنت انتبه لتصرفاتي وتفكيري ..
عشان اهلي .. ما بدي اخسر ثقتهم ..
وعشان اني بخاف من ربي .. وما بيهون عليي
هلا حاسة حالي .. عم اتعاقب اشد العقاب ع شي ماني عاملتو ..

نغم: شرحيلي اكتر ماعم افهم منك شي..
حلا.: ... خليني كفي..

حلا: اذا صار شي اعرفي انو مالي ذنب ابدا بالشي اللي صار .. لا تلوموني ابدا ..

قديش مر عليي ايام صعبة
مرض ماما وتعب بابا ..
بس متل امبارح واليوم ما مرق عليي ..
بتمنى ما شوف شي اصعب ..صرت هاف من بكرا وما بدي ياه يجي ..

نغم: يا عمري حاج تبكي .. ماعم افهم منك شي .. بس بكرا بس شوفك بنحكي .. تمام؟
حلا: تمام .. تصبحي ع خير ..

حلا سكرت الخط .. بلشت تفكر بشي بشع كتير ينهي حياتها .. صارت تفكر تنتحر .. وتنهي حياتها مشان غلطة مو غلطها

وفجاة بيجيها مسج...
نائل؛ تاخرتي عليي وما بعتيلي الصور ...
بكرا المسا بتشوفي كيف الصور رح يوصلو لابوكي ..

حلا بطلت تحس بالخوووف ..
ابتسمت .. سكرت موبايلها..
وتسطحت..
صارت تسترجع ايامها وطفولتها..
مع امها .. وابوها..
اي صح وضعهم المادي كان زفت ..
بس حلا عاشت بحب بين اهلها..

وهي عم تتزكر ومبستسمة والدمعة علقانة بطرف عيونها.. غفيت ..

عند نائل
:كان قاعد وشارد .. وكانو هم الدنيا كلها فوق ضهرو .. بيكون غير نائل اللي قاعد عن ياذي البنات وتارك كل حياتو وعم يخرب ع غيرو .

نائل عمره ٢٦ وبحياتو ما حس بالحنان او الحب
كل حدا مرق بحياتو كان عم ياذيه ويهينه بعد كل هالمعاملة قسي قلبه كان طفل وقلبه قاسي
لما بيوقع ما بيبكي
ولما حدا يضربو بيضل ساكت وما بيكسر عينه
اذا حدا شفق عليه بيتخانق معهم وبيتحول ل متوحش
ضل هيك لحتى كبر
وتعرف ع صديقه ياسين
ياسين الشخص الوحيد اللي قدر يوصل لقلبو ويخليه يحس باحساس حلو
حس بالحب معو .. اول مرة بيتعرف ع شخص بيريد مصلحتو وبيهتم فيه ..

بس هلا هو وياسين انفصلو بسبب تفكيرو ووساخة قلبو
ياسين كان مفكره رح يتغير وهو شب عندو ضمير بس لما عرف كيف عم يبتز البنات بصورهم .. انصدم وتركه ..

يوم جديد ...
فاقت حلا من نومها كسلانة ..
لبست ع السريع وابتسمت بالمراية
عشان امها ما تشوفها بهالحالة وتتعب صحتها

ام حلا: صباحو يا عمري ..
حلا: يسعد صباحك يا كلشي حلو بحياتي 🌹 (كانت تقول هالكلمات وقلبها بتتقطع من جوا💔)

ام حلا : باينتك تعبانة .. بس تحملي يا بنتي ليكك خلصتي مدرستك وامتحاناتك
بعد بكرا بتتخرجي وبشوفك احلى دكتورة ..

حلا: اي امي اليوم اخر امتحان ..
ام حلا: الله يوفقك يا بنتي (دمعت عيونها)

تقدمت حلا لعندها ومسحت دمعتها
وكانت حابسة بكائها .. باست ايد امها بشوق وحضنتها بقوووة وصارت تبكي ..

ام حلا حاولت تهديها .. بس حلا كانت تبكي بدون توقف .. بلشت ام حلا تبكي معها .. حلا اول ما سمعت صوت امها وهي عم تبكي .. رجعت لوعيها ..
قويت حالها ومسحت دمعتها..

حلا: لا تبكي ماما انا منيحا ..
بس من كتر ضغط الدراسي والتعب اللي شفته حبيت فش خلقي وابكيلك
ام حلا: يا عمري هانت .يلا بنتي روحي ح تتاخري ..جهزتلك الاكل وحطيتهن بشنتايتك..

حلا: اوك...
ام حلا: غريبة انتي اليوم شو صايرة لطيفة كل صبح كنتي تموتيني لحتى تاخدي معك الصندويشات ع الجامعة😂
حلا : يا امي اليوم بالذات حابة اكلهم واسترجع ايامي بلابتدائي❤️ يلا باي ماما بحبك ..❤️

حلا عم تحكي ..
طلعت من بيتي وفي شي واقف بحلقي لا فيني ابلعه ولا طلعه
محتاجة ابكي وصرخ .. التفكير رح يا

#خطايا_لم_تغفر
الجزء الثالث ..

حلا عم تحكي : شفت صحن الفواكة وجمبو سكين !

قررت انهي حياتي بس عشان ما عيش هاللحظة البشعة ..

ما فكرت بحل تاني غيرو ..
وفعلا قربت من الطاولة
وشلت السكينة .. وطعنتو بنص بطني بدون تفكير !

يمكن توجعت شوي .. بس بعدها ما حسيت بشي ..

حلا عم تحكي .. (هي كانت خطيئتي الذي لم تغفر)

اللي بينتحرو عشان يهربو من الواقع
هدول اكتر ناس انانيين !
ما بيفكرو بحدا غير نفسهم ..
وانا كنت وحدة منهم

نهيت حياتي ،، ع خطا ما عملتو
كان فيني واجه اهلي .. يمكن يصدقوني
بس هلا انا بغير مكان .. عم اتعذب كتير
عم اطلب المساعدة بس ماحدا عم يسمع صوتي .. عرفت انو هاد مصيري بعد الموت
وندمااانة بس الندم ما بفيد
عم عيش الوجع الاكبر
تمنيت .. اطمن ع بابا وماما !
بعرف عطيتهم وجع كبير فوق كبر سنهم

بس بدي قلهم الشخص المجرم الحقيقياللي قتلني
الوجع الاكبر رح يكون ل اله ..
لان ما حدا بينفد من عمله ..
ومكاني هاد هو الدليل!

نغم عم تحكي ...
بعد ما ماتت حلا ..
حاولنا نفهم شو اللي صاير ..
الشرطة عم تحاول تفهم..
ما عم تلاقي ادلة ..
فتشنت موبايلها..لان عرفت حلا بالفترة الاخيرة كانت غريبة تصرفاتها..
ولقيت رقم شب ..
وقرات محادثتن ..وفهمت القصة ..
بس الشي اللي ما فهمتو انو كيف هاد الشب جاب صورها ..
انا بعرف حلا بحياتها ما حاكت شب ولا ببعتت صورها لحدا ..
ف اخذت الموبايل ورحت سلمتو لشرطة ..

بعد فترة...
نغم عم تحكي..
هلا رجعت من الجامعة..
اخذت الشهادة 😭💔 بس ماني مبسوطة ابدا ً
مو لانو حلا جابت اعلى مني ..
بس لانو ما سمعت صوت حلا لما تقلي كل سنة ( شدي حالك شوي وقومي ادرس بالليل متلي عشان تجيبي علامات اكتر مني😂)

وقتا كنت روح واركض وراها..بالحارة
ولما توصل لعند باب بيتنا تدق الباب متل الطبل بايدها وتغني ..
حلا: ونجحنا ونجحنا .. هالمرة كمان ونجحنا..😂💃🏼

نغم: مببرووك علي وعليكي..🌹
وكنا نضم بعضنا ..

بس هالسنة رجعت لحالي ع البيت ..
وما كنت فرحانة ابدا ً
الاساتذة سالوني عنك يا حلا ولما كنت قلهم انك رحتي وما عدتي موجودة
انصدمو وحتا المدير اللي كنا نقول عنو قديشو بارد !
شفت دمعتو لما سمع الخبر💔

حلمك ما تحقق يا حلا .. كنتي تقوليلي ما حدا فيو يوقف بطريق حلمك
ليش رحتي بدون ما توصلي لهدفك
وتصيري دكتورة جراحية ؟
تعالجي امك وتساعدي ابوكي ..
بحب قلك عطيتيهن فوق وجعهم وجع اكبر !

ع كلن هلا الشرطة عم يدورو ع الشخص المجرم اللي اخدك منا .. الله يحرق قلبو متل ما حرق قلوبنا..

السلسة رقم )2(

نائل فاق الصبح .. سمع صوت المسج
حمل تلفونه .. بدو يشوف الرسالة..

نائل: رسالة من حلا!
فتح الرسالة..

مكتوب : الاحسن تسلم حالك للشرطة
والا رح نتطر نجيبك بطريقتنا

نائل عم يحكي..
ههه عم تلعب هاي كانو!
بس الاحطياط واجب ..

طلعت الخط من الموبايل وكسرته
..
مافي اسهل من هالشغلة..
واذا الشرطة عرفوني لا يقصرو معي !

مرت فترات ..
شي ٦ اشهر ..

نائل صار يفهم بالهكر اكتر ...
وصار ياخد الصور من الاجهزة بدون علم الشخص ..

وعمل حساب وهمي ع الفيس ..
وعمل كروب .. وبلش ينشر صور البنات
وكروبو توفق ..
لان مع الاسف اللي متلو مليانين
وصارو يشجعوه ويدعموه ..
صار عندو متابعين كتير وصار معروف باسمو الوهمي .. (الصياد)

في شب بالكروب اسمع علاء كان يدعمه ويجبله متابعين ..

وهو لما يشوف صور البنات
يطلب من الصياد(نائل) يجيب ارقامهم
وبما انو نائل قدر يجيب صورهم بسهولة
ف رح يقدر يجيب ارقامهم كمان..

طبعا نائل وافق .. بس مقابل هاد الشي يندفعلو مصاري ..

وفعلا هالمراهقين عجبتهم الشغلة
وصارو ياهذو ارقام البنات بدون علمهم
ويحاكوهم ..
اللبنت المخطوبة ينفسخ خطبتها بسبب شب ابن حرام جايب رقمها من الكروب ..

وشي صبية اهلها يصادرو موبايلها
بسبب شهوات مراهق حيوان..

وشي صبية تاكل قتل من امها وتزوجها لابن عمها رغم صغر سنها بسبب واحد تافه هددها بصورها وهي ما الها ذنب!

كلهم ضحايا هاد الوسخ (اللي اسمو نائل
كبيرهم .. واحد ما عندو ضمير ..

بغير مكان ..

كانت عم تحكي تلفون
ايڤا : اي دكتور .. شو يعني ..
يعني احتمال يضل هيك لفترة اطول ؟
ماشي دكتور .. برجع بحاكيك ..

ايڤا : ماما الدكتور حكا معي .. وقلي عن وضع بابا .. انو هو رح يضل بالغيبوبة لفترة اطول ..

ام ايڤا ؛ اه يا بنتي! ..
ناز : طولي بالك ماما .. الله يرجعلنا ياه بخير وسلامة ..

ايڤا؛ ناز قومي حبيبتي ادرسي .. انتي بكلوريا
لازم تدرسي منيح
مانا انا طالعة ع الشغل . لازمك شي من برا ؟

ام ايڤا : جيبي شوي خضرة وانتي راجعة
ايڤا ؛ طيب ماشي .. يلا طالعة انا

ايڤا عم تحكي :
طلعت من البيت قلبي عم يتوجع ..
كنت اكره حالي كل مرة لما شوف وضع اهلي هيك ..
عمري ٢٤ سنة ولا يوم حسيت حالي مصدر امان لهالعيلة ما كنت غير وجع وبنت غير مرغوبة فيها ،،
بسببي بابا فات بغيبوبة .. وتعب ماما
وبسببي

#خطايا_لم_تغفر
الجزء الرابع ..

ايڤا عم تحكي ..
اتطلعت فيه عم فكر ..
بحياتي ما حدا اتطلع. علي بهالنظرة !
رغم انو الحديث القصير اللي صار بيناتنا انا وياه .. بس حسيت احلا لحظة كانت بحياتي .، حسيت لاول مرة بيصير شي حلو بحياتي ..

رجعت ع البيت ومعي الغراض اللي وصتني عليه امي ..
طلعت ع غرفتي بسرعة .. كنت محمسة ..
طلعت الدفتر اللي كنت مشتريته من لما كان عمري ٩ سنين
(دفتر مزكرات)
بما انو كل صبية بتحتفظ بتواريخ حلوة ولحظات حلوة عاشتها ..
كنت البنت الوحيدة اللي عندها دفتر بس لتواريخها البشعة ..
تواريخي كلا كانت ل ايامي البشعة..
يوم اللي انخلقت فيه!
ويوم اللي فقدت فيه بابا..

اخدت قلم ورحت ع الصفحة التالتة..
ايدي عم ترجف وكتير خايفة ..
فكرت انو هل يا ترى اليوم رح تنقضي ع خير
يومي الحلو هاد اللي عشت فيها لحظة حلوة مع شب ما بعرفه غير كم ساعة . تنقضى ع خير !

كتبت التاريخ .. كان 8-8-2018 ❤️
تاريخ مميز متل صاحبو ..
شرحت فيه تحت هالتاريخ عن شعوري الحلو ويومي المميز مع شخص قابلته لمدة كم ياعة ..
ما بعرف اذا رح اندم بعدين .. بس الشي اللي بعرفو .. انو عشت لحظة حلوة بدون اي ضريبة !

نمت بكير عم اهرب من نهاية هاليوم
عشان ما شوف شي مو حلو فيه !
فقت الصبح .. نشيطة عم اتزكر شخصي المميز يومي المميز..
اول مرة كنت نشيطة لروح فيها ع الشركة

فقت حطيت الفطور فيقت ماما واختي
فطرت معن .. اخدت الليستا (اسماء الشغلات اللازمة للبيت)

وطلعت من البيت بنشاط

وصلت ع الشركة.. ورحت ع مكتبي ..
عيوني عم بتدور ع شخصي المفضل ..❤️
بعد انتظار طويل .. عرفت انو مانو بالشركة
رحت جبت الاوراق وصرت اشتغل ..

ياسين عم يحكي ..
كنت عم امشي بخطوات سريعة لاني متاخر عن الشغل !
بسبب امبارح ! نمت بوقت متاخر
لاني كنت عم فكر فيها ..
كنت عم فكر بضحكتها .. وملامحها
حاول حلل شخصيتها .. بس
بنت متلها صعب فهمها من اول لقاء ..
هيك استنتجت امبارح بعد تفكير ساعات!

وصلت ع الشركة .. دخلت القسم ..
لقيتها قاعدة ورا مكتبها .. عم تشتغل
دقيت الباب ..
ايڤا وهي عم تقرا الاوراق : مشغولة!

اخذت الملف من مكتبها وتركتها ورحت ع مكتبي .. بلشت ب شغلي ..

بعد ساعة ونص
عند ايڤا..
ايڤا: الغي الاجتماع .. لان الاستاذ ياسين مو موجود !
المساعدة: الاستاذ ياسين موجود وليكو بمكتبو ..
ايڤا: ليش ما اجا واستلم الشغل..!؟
المساعدة : امبلا اجا واستلم الشغل بس حضرتك يمكن ما كنتي موجودة بالمكتب !
ايڤا: طيب شكرا الك..

طلعت ايڤا من مكتبها وعم تتجه لمكتبو ..
ايڤا: يعطيك العافية! بس ليش هيك عم تسرق الملفات بدون اذني من مكتبي !

ياسين: الله يعافيكي! اجيت دقيت باب مكتبك بس قلتيلي انك مشغولة
ف ما حبيت قاطع تركيزك
اخذت الملف واجيت ع مكتبي .!
ايڤا: امم طيب لا تواخزني ما شفتك
ياسين : ولا يهمك .. تشربي قهوة ،؟
ايڤا : اي بشرب

ياسين عم يحكي ..
كنت اطلع عليها وشارد بعيونها
انا الشخص اللي ما كنت بامن بوجود الحب
صرت امن بالحب من اول نظرة
كانت مختلفة تماماً .. كنت حسها قريبة مني

حكينا كتير ما انتبهتا للوقت ..
كل الموظفين طلعو من الشركة ونحن لساتنا عم نحكي !
كنت حس حالي انو لازم اسمعها
لازم عوض الايام اللي عشت فيه بدونها

ايڤا: شبك ياسين .. عنجد حاج تطلع عليي
عم انزعج!

ياسين : عم تحكي ولازم اتطلع عليكي !
ايڤا: ليش ما عم تحكي انت ؟
انا حكيت كتير ..
ياسين : حكيك بيشهيني اتطلع عليكي واشرد !
ايڤا: ....
(التزمو الصمت لدقيقة)
ايڤا عم تتنهد : اوووف !
ياسين: شبك مسولتنا حاستتك مزعوجة
ايڤا: الحياة يا ياسين ! الحياة ماعم تخليني اتنفس !
ياسين : شبك احكيلي!
ايڤا؛ لا ياسين .. خلينا هيك غرباء.. ما بنعرف بعض غير بالشغل ..

شربت اخر شفة من فنجانها اللي برد
وحملت خالا وغادرت مكتبي ..
حسيت انو ما لازم وقفها ...
ف تركتها .. واخذت اغراضي وطلعت من المكتب !

كنت عم امشي بخطواطي المسرعة ع البيت
وانا شارد وعم فكر فيها
شو مخبى ورا ضحكتها الحلوة ?
حسيت ما لازم اسالها شو وجعها
كان لازم افهمها بدون ما تحكي!
ما قدرت واسيها شوف ضعفها وما فيني اعمل شي !

اقتباس ؛"لا أستطيع مواساة إنسان، أؤمن أن هناك أحزان يجب أن تُعاش حتى النهاية".💔

_____
عند نائل ..
نائل صار يقبض كتير مصاري من ورا شغلو البشع
وياما راحو ضحايا .. وهو ما بيعرف شو نهاية شغلتو الوسخة ..
ببساطة المصاري والشهوة عمو ع بصرو
وصار اعمى ماعم يعمل شي غير انو ٢٤ ساعة عم ينزل صور الباب ويبيع ارقامهم للشباب!

يا ترى هيك انسان شو مصيرو !؟
مستحيل الحياة ما تعاقبو !
مستحيل ما يتعاقب ع اعمالو وجرائمو
هو وكل واحد مراهق متلو بالكروب!

كان قاعد بغرفتو ورا اللابتوب عم ينزل صور ..
نائل : وهيييك تم تحميل ١٥ صورة!

نزل كل صور البنات بالكروب وبلش يستقبل اعجابات ورسايل ع الخاص !
تلفونو ما وقف اشعارات ..
يتبع..

#خطايا_لم_تغفر
الجزء الخامس ..

علاء كان واحد متفاعل كتير بكروب الصياد ..
دايما كان يجيب اعضاء .. ودايئما يدعم الصياد (نائل) بالكروب ..

وهو عم يقلب بين الصور وعم يضحك ..
علاء: وليييي هاي شو ضررررب..
(كان عم يشوف صور المجموعة الجديدة)

وفجاة....
علاء: ياسمييين!
علاء كان منصدم ...! عصب وصار يكفر ..

علاء : لكككك ياسمين !
دق لياسمين!
علاء : ماعم ترد الحيوانة!!!
ولله لادبحها...

راح ع المسنجر وبعت للصياد..
علاء: من ويين جبت هالصورة!
الصياد: عجبتك؟ الصراحة هالبضاعة شوي غالية!
الصراحة في شباب كتار بعتولي وطلبو رقمها وانا بعت لشبين ..

علاء : لا تعصبني من وين جبت الصوووورة؟
الصياد: واحد متلي .. ما بيصعب عليه يجيب هيك صور يا علاء !

علاء : لك هايي اختي!
الصياد: اختك !
علاء: ليك يا الصياد .. يا بتحذف الصورة
يا ولله ما بيصير خير !

الصياد : شو رح تعمل ! عم تهدد؟
ليك اقعد عاقل .. لان الشباب بحياتي ما تراجعتلن بكلامي ..

علاء: لييييييك ولله بدبحك ..
الصياد: اذا بتلاقيني لا تقصر !
علاء: متخبي ورا الشاشة !
الصياد: احكي مع اختك هي اللي بعتتلي الصور!

علاء: اختيي؟ .....
(سكر الجات) وحمل حالو وراح ع البيت ..

علاء بصوتو الخشن : اميييييي!
امييييي !

ام علاء: شوفيي!؟
علاء بصوت عالي: ويييينها بنتكك؟
وينها!؟
ام علاء : بجامعتها امي وين بدا تكون..
علاء: ولله لدبحها..

طلع من البيت ودمو فاير ..
والغضب عم يطلع من عيونه متل لهيب النار ..

بالجامعة ...
ياسمين عم تحكي ..
كنت قاعدة عم احميلا لرفيقتي ع الشي اللي صار معي امبارح ..
ياسمين ؛ ما بعرف الحقير من وين جاب صوري !

الصبية: طيب شو رح تعملي!
ياسمين : رح خبر ماما وبابا واخي ..
الصبية : بلكي يضربوكي ؟
ياسمين : المهم يعرفو الحقيقة ..
مافيني اكذب ع اهلي ...؟

دخل اخوها ع الصالة .. وبصوتو اللي رج الصالة .. نادا ع اختو
علاء: ياسميييييين !
ياسمين قامت من مكانها وخطت ايديها ع قلبها !
ياسمين ؛ اخييي؟
علاء تقدم لعندها معصب ..
مسك شعرها قدام الطلاب كلها ،، وسحبها

الصبية : اتركها ..
علاء : بعدي عن خلقتي ..
ياسمين ببكي: شبك علاااء اتركني عم توجعني !

علاء: شبني موووو .. ولله لادبحكً..


عند ياسين وأيڤا..

ياسين عم يحكي ..
انتهينا من دوامنا طلبت منها نلتقي برا بشي كافيه ..
ايڤا: نروح ع مكان اهدا مو احسن؟
ياسين : وين مثلا ..؟
ايڤا: ما بعرف ، بشي هارة تكون هادية
او حديقة .. او بحر ..

حسييت فيها وفهمت عليها ..
حابة تضل بمكان هادي بعيد عن انظار العالم .. لتستخرج الطاقة السلبية اللي مغطي ع قلبها ..وواقف بحلقها ..

ياسين: طيب امشي ..

اخدتها ع بيتي اللي بالغابة ..
هاد البيت لابي وامي ..
كنت اجي عليه كلما اشتقلهم ..؟

ايڤا: واو هاد بيتكم ؟
ياسين: اي ..
ايڤا: مو قلتلي انك عايش ببيت اجار بنص البلد؟
ياسين : اه صحيح
ايڤا؛ ليش مانك ساكن هون ؟
ياسين ؛ ما بعرف .. بس احيانا الواحد ما بيحب يعيش ببيت احزانه
ايڤا: اممم ، طيب انت تجي لهون اوقات؟
ياسين : اكيد بجي!
ايڤا: ايمت اخر مرة اجيت فيها لهون؟
ياسين : من شي فترة ٦ اشهر .. لما فقدت رفيقي!
ايڤا: رفيقك! الله ييرحمو
ياسين: لا مو متوفي .. بس انفصلت عنو !
ايڤا: اه اسفة... لهدرجة بتحبو واثر فيك!
ياسين ؛ ما بعرف ،، يمكن انا انسان ببالغ شوي .!

ايڤا؛ ما بظن نحن بنبالغ بالوجع !
الوجع اللي ببالغ فينا ..

ياسين: .....

كانت عم تمشي شوي شوي عم تعمل جولة بالبيت ..

ايڤا: بتعرف .. انتي محظوظ!
ياسين: هههه السبب؟
ايڤا: ملاقي مكان يخليك تحزن فيه وتسترجع احزانك .. وبتفضفض لا حدا بيزعجك ولا حدا بيلاقيك!

ياسين : مزبوط! انتي ما عندك مكان معين ترتاحي فيه؟

اتجهت لعند الشباك ...!
ايڤا: لا يا ياسين ! انا من اول ما خلقت ما بعرف شو معنى الراحة ..

اتقدمت لعندها ..
ياسين: احكيلي !
ايڤا؛ عم حاول اهرب من الماضي وما احكي فيه .. بس ماعاد فيني

اهلي اللي صرلي بيناتن ٢٤ سنة
ولا مرة حسسوني اني بنتهم يا ياسين ..
يمكن معن حق .. يمكن لاني سبب حزنهم !

بابا دايما بيدلل اختي .. بس لما كان يدللني كنت حسو مجاملة !
وماما نفس الشي ،..
انا احيانا بجامل حالي ! لاني بعرف انو انا مصدر حزن بهالبيت مو اكتر !

ياسين عم يحكي ..
اطلعت فيها .. معقول تكوني مصدر حزن وانا وقت لما بشوفك بنسى حزني واسمي وكنيتي .. وبغرق ببحر عيونك!

حسيت وقتها قديشها بتشبهني ..
بتحكي بالغاز .. وما بتضعف قدام حدا
ما حدا بيفهم عليها في اللي بيشبها ..

ايڤا: ماعندي مكان ارتاح في بهالدنيا يا ياسين! المكان بدو يرتاح مني!

فتحت ايديي ..
ياسين : بس انا موجود ..

ركضت لعندي وكانو اختصرت عليها الحكي
حضنتها وصارت تبكي .. بكيت كتير

تحول كل قواتها ونظرتها الحادة لبنت عمرها ٥ سنين عم تبكي لان ايد لعبتها انكسرت !

_
عند علاء وياسمين..

علاء: فوتي لجوا ولي

#خطايا_لم_تغفر
الحزء السادس

الشباب كسر الباب وفاتو لعنده
المنظر كان فظيع
الارض معبا دم
وعلاء مصدوم وواقف مكانه

ام علاء هجمت ع ابنها..
ام علاء بصراخ ؛ لك شو عملتتت يا مجرم !
قتلت اختك بدم بارد ..

صارت تضرب ع صدرو
لحتى ايديها تعبو وفاقدت الوعي ..

هو كان ساكن ما تحرك من مكان وعينو ما انكسرت ولا رمشت

اجو الشرطة والاسعاف
القو القبض ع علاء وحملو جثتها للضحية
الضحية البريئة اللي انتها حياتها بلحظة غضب
وعلاء اللي القو القبض عليه
قوص ع قلبها
حرق قلب امو كمان

علاء عم يحكي ..
كنت واقف بمحلي ساكن
مصدوم
لحتى القو القبض علي وانا طالع شفت ابي
كان عم يطلع عليي بنضرك غضب وغل...

هجم عليي بدو يضربني ...
ولكن الشرطة منعوه
وفورا اخدوني ع المخفر لتحقيق..

يا ترى باي جريمة اعترف!
اعترف بجريمة اختي اللي قتلتها بدون بارد
ولا اعترف بجريمة الابتزاز بصور البنات
وتهديد الاهالي ..
ولا ع جريمة ارتكبتها بحق اهلي واخدت منهم ابنهم وبنتهم بنفس اللحظة!؟

حكيتلن انو جريمة شرف كانت
وراحو جابو الموبايل .. وفتحو وقراو المحادثة
بتعرفو شو؟ اختي طلعت بريئة ..لما حكا النذل الصياد معها .. وارسلت صورة الها
هي كتبتلو ...

ياسمين: ليك اذا ما بتحذف الصورة رح خبر اهلي وخبر الشرطة ... انا ما بعرفك ولا باعتة هيك صورة لحدا!
وهلا رح احظر واعمل اللي بيطلع بايدك!
اذا جبت صورة غيرها ..

بعد ما قرات الرسايل !
ندمت كتير .. (هذه كانت خطيئتي الذي لم تغفر)
خطاياي مو خطيئة وحدة
ابتزيت البنات وتعاملت مع واحد حقير ونزل (الصياد)
قلتلت اختي بدون ما اسمعها) وحكمت عليها وطلعت بريئة ..
انا بستاهل الشنق ..

قررت اعترف بكلشي ييخص الصياد النذل ..
بعد كم يوم طلعنا ع المحكمة واهلي اتبرو مني بعد ما سمعو الحكم ..

انحكم علي ١٠ سنين ..
ردة فعلي .. كانت عادية ..
بس كنت عم اطلع ع امي اللي قلبها محروق عليي وع بنتها!

تمنيت موووت ولا شوفها هيك !
وعدت حالي من هديك اللحظة اني امحي هاد الصياد من وجه الارض ،.

__
عند ياسين وايڤا...

ياسين عم يحيك..
مرت كم يوم .. كنا نشوف بعض
بالمكتب .. ولما يخلص دوامنا نطلع ع بيتي يلي بالغابة
كلما حسها مزعوجة اطلب منها تزورني ببيتي يلي بالغابة..

اليوم كانت حزينة كتير .. فاصريت عليها تزوني ببيتي ..
وهلا بعد شي ريع ساعة رح توصل!

قمت نظفت البيت شوي
وعملت اجواء حلوة بالصالون ..
عشان ترتاح نفسيتها ..
شغلت شمعتين
وحطيت ع موسيقا هادية..

.. قعدت استناها عند الباب ..
واخيرا سمعت صوت الباب ..
رحت بلهفة شوف افتحلها الباب ..

ياسين : اهلا وسهلا..
ايڤا بابتسامة؛ شكراً

ابتسامتها البريئة اللي مخبى وراه الف قصة وحكي ..

ياسين: تفضلي..

فتنا لجوا ..
وتقدمت ع الكناية بتقعد ..

شردت فيها ..
وهي كانت عم تطلع علي وشاردة..
ضلينا هيك لفترة طويلة..
فحاولت اكسر هالصمت واسالها..

ياسين: وبعدين؟
ايفا: شو ؟
ياسيين: عم تطلعي فيي وبتحكي
حبيت تحكي بصوت عالي لاني مشتاق لصوتك..
ايڤا: ليش عم تطلع علي طول الوقت؟
ياسين: ليش انت كمان كنتي عم تطلعي فيني ؟

ايڤا: اطلعت فيك .. لانو بحس انك بتشبه شي قديم بيخصني..
وانت جاوبني ليش عم تطلع فيني؟

ياسين: نفس السبب.. بس في اضافة صغيرة..
ايڤا : شو هو؟
ياسين: انو لما بشوف عيونك بدون ما تحكي
بلاقي حالي فيهن .. بشوف فيهن ياسين المبسوط .. بحس مامني ووطني موحود بعيونك ..

ايڤا:.....

قربت لعندها.. بس قامت قبل ما قرب !
ايڤا: الافضل نضل غرباء يا ياسين !

ياسين : ما دام عم شوف حالي بعيونك
ما بظن بيلبقلنا نكون غرباء ..

ايڤا: انت اناني .. وما بتفكر غير بنفسك..
ياسين: كوني انانية متلي واحيكلي عن نفسك بس ..

ايڤا؛ شخص مثلي عندو ماضي حزين
بيفضل يضل ساكت وما يسترجع زكريات احزانو ونقطة ضعفو ..

حملت حالا بدا تروح!
مسكت ايديها..
ياسين: حابب اسمعك!
ايڤا: مو هلا .. لازم روح ..

ياسين : ضلي ٥ دقايق ..
ايڤا : طيب..

مسكت ايدها وقعدتهت ع الكنابة ..
حطيت راسي ع مخذها.. وضميت رجليي ..
حاولت اغفي بهال٥ دقايق
عشان ما ودعها..
بخاف كل مرة اودعها تتركني وما ترجعلي..

ياسين: معلش خليهن١٠ دقائق؟
ايڤا: ههههههه عنجد صار لازم روح ..
ياسين : ١٠ دقائق وبتروحي ..
أيڤا: امري لله ..

#خطايا_لم_تغفر
الجزء السابع..

ياسين عم يحكي
حاولت اغفي بسرعة .. بس كنت حابب استغل وجودها بهال ١٠ دقائق واشبع منها
غمضت عيوني
مرقو هالعشر ١٠ دقائق لمح البصر ..
كنت مغمض عيوني

قامت شوي شوي عني وجابت مخدة حطتو تحت راسي وغطتني بالشرشف ..
عملت غراضها لتطلع..

وصلت لعند الباب..

ياسين: ايمت رح ترجعي!

التفت وراها..
ايڤا: بشوفك بكرا بالمكتب ..تصبح ع خير ..
ياسين : وانتي بخير..

طلعت من عندي .. وانا عم ودعها بعيوني ..
ولكن عقلي واساني شوي
واقتنعت تنو بكرا ح ارجع شوفها ..

_

عند نائل ..
كان قاعد ع موبايلو . وكالعادة يتواصل مع شباب عشان صور البنات..

اتطلع حواليه ..
نائل بين نفسه: اوووف .. البيت مكركب كتير !

نائل عم يحكي..
حطيت موبايلي ع الطاولة كنت صافن ..
قمت من مكاني اخدت جولة ببيتي (اللي هو اصلا بمال حرام)

قلت: اوووف كاني اول مرة بتعرف ع بيتي ..
رحت ع غرفتي اخدت دوش

طلعت من الحمام وقفت عند المراية ..
اووف شو ملامحي متغيرة ..
لسا امبارح كنت شب بعمر ال١٨
طلعت ع البلكونة..
تزكرت رفيقي ياسين..
اول شخص وثقت فيه بحياتي..
وفضفضتلو ..
جديد حسيت بوقتها انو خسرتو..

فتحت حسابي الفيس القديم
لاتواصل معو ..
لقيت اخر ظهور الو مو مبين ..
ولا عم ينزل منشورات !
يا ترا وينو ... ?

بعتلو رسالة !

كتبت فيها..
نائل؛ كيفك يا خاين !
معقول كل هالفترة مرقت بدون ما تسال عني!؟
ما كنت بعرف رح يجي يوم تزعل مني بسبب خناقة تافهة.. !
_
ايڤا عم تحكي ..
كنت قاعدة بمكتب الدكتور عم اطمن ع وضع ابي..

الدكتور خبرني انو وضعو سيئ ..
ومطول بالغيبوبة..

اختنقت لما عرفت وضعو ..
تعبت وانا بدون سند !
ماعاد فيني ابقى قوية !
طلعت من عند الدكتور ..

دقلي ياسين كنت عم ببكي !
ياسين : وينك ليش مانك بالمكتب ؟
ايڤا عم تبكي: .....
ياسين ؛ شبك أيڤا.. صاير شي ..؟
ايڤا: رح اجي لعندك ع بيت الاي بالغابة
اذا ماعندك اوراق!

ياسين : لا ماعندي شي .. سبقيني لاحقك ..

سكرت الخط ركبت بسيارتي ورحت ..

بعد انتظار نص ساعة وانا واقفة قدام باب بيته والمطر عم تنزل كبس!

وصل واخيراً ...

ياسين عم يحكي ..
نزلت من سيارتي .. لقيتها واقفة عند الباب.. وشعرها مبلل .. وضامة ايديها وعم ترجف!

ياسين : شبك ! ليش انتي مو جوا،،
ايڤا؛ كيف بدي فوت لجوا والباب مسكر ..؟
ياسين ؛ الباب الوراني اللي بالحديقة مفتوح !
ايڤا: حتا لو ، ما بيصير فوت بدون اذنك ..

فتحت الباب بالمفتاح
ورحت جبت نسخة من مفاتيح البيت ..

ياسين: تفضلي..
ايڤا: شو هاد؟
ياسين: مفتاح البيت ! بما انو هالبيت بيريحك انتي كمان وبيخليكي تهداي وتهدي اعصابيك .. ف ما فيني خليكي دايما عم تستنيني عند الباب .. هيك بتكون اخدتي اذني بكل المرات الجاي..

ايڤا؛ .....
ياسين: خبريني شو صاير معك !
مشيت ناح الصالون .. عم تشلح جاكيتها ..

ايڤا: بابا !
ياسين : شبو ؟
ايڤا: هو بالمشفى والدكتور خبرني انو وضعو سيئ ..
ياسين : ما سبق وخبرتيني عن ابوكي! من زمان وهو بالمشفى !
ايڤا: صرله سنتين ...

ياسين: اووووف ! سنتين ! ليييش وكيف !
ايڤا: بسببي
ياسين : بسببك؟! مستحيل شخص بريئ مثلك يكون سبب لشخص موجود بالمشفى ،!
ايڤا: كنت ! يا ياسين..
انا كنت سبب كلشي .. احيانا بكره حالي ووجودي بهالدنيا!

ياسين؛ وجودك بهالدنيا مواساة لكل قلب مجروح !
ايڤا؛ بس مو مواساة لابي ولا لامي..
ياسين ؛ احكيلي..

ايڤا:
( بابا كان اسعد انسان قبل ما اجي ع هالدنيا .. فقد شخص عزيز ع قلبو بسببي ..
لما كنت صغيرة .. كنت لاحظ انو بابا ما بيحب يلعب معي .. بس ما كنت اعرف ليش .. بس لما كبرت وصرت مراهقة .. صرت اسالو .. اسال عمامي واهلي .. لحتى عرفت الحقيقية ! الحقيقية البشعة ..

خبروني انو لما اجيت بيناتهم ما كان مرحب فيني .. اجيت قبل وقتي ع هالدنيا ..
وقتا امي كانت حامل فيني واخي معها كنا جديد راحعين من السفر ! وقتها
ماما وقت من الدرج بالمطار ..ووقعت
ولناس التمو .. حواليها.. واسعفو امي ع المشفى .. وخبرها انو رح تولد اليوم ..

وقتا اخي ضاع بالمطار .. ما حدا عرف عنو اي خبر ..
بابا حاول كتير يشوف الكميرات
شافو بس مقطع صغير اخي كان عم يحكي مع زلمة ختيار والختيار اخد اخي وطلع من المطار !

ماما انولدت بنفس اليوم ..
كانت مزعوجة كتير .. لانو ابنها ضايع ..
وحتا بابا ما اجا وشاف مولودو الجديد
ما حدا اهتم بوحودي .. ولا حدا حملني ..
كانو كلياتهم مشغولين وعم يدورو ع اخي الضايع..

حسب ما امي خبرتني ..
انو كان اولمولود اهم وكان سعادة هالبيت ! كان طفل ذكي .. وبيشبه بابا كتير .. ولما ماما كانت حامل فيني اخي كان متحمس يشوفني ! ويسال ماما ايمت رح تجي اختي!

ياسين عم يحكي..
كانت عم تحكي .. وانا بس عم اسمعها وهتم لكلامها .. كانت تحكي بالاشارات وتحرك ايديها كتير .. كنت حسها عم ترتاح بكل كلمة بتقلي ياها..

قربت لعندها لهديها ..

#خطايا_لم_تغفر
الجزء الثامن ..

ياسين: احكيلي بعدين شو ؟

ايڤا: تعبت عرفت الحقيقة من اربع سنين
وحاولت صلح .. حاولت احكي مع بابا .. بس بابا كان يطنشني ..
قبل سنتين تخانقت معو .. وطلع من البيت معصب
بيومها عمل حادث .. الحادث كان فظيع ..
اثر عليه .. عملولو ٦ عمليات بشهر ..
وبعدين ضل تحت المراقبة ..
بلش يتحسن بس بعد سنة وهو بالمشفى وضعو صار سيئ لانو كان بيفكر باخي ..
وبعدين صابتو جلطة ..
وهلا هو بالغيبوبة !
كل هاد بسببي يا ياسين ..

ياسين: لا مو بسببك ! انتي ما الك ذنب ابدا ،،

ايڤا بلكي ؛ امبلا بسببي .. بس ليكني تعاقبت كل عمري ..
انحرمت من حنان الاب .. وصرلي سنتين عم اتعب وداري اختي وامي ..
بس تعبت ماعاد فيني .. تعبت يا ياسين
تعبت كون سند لامي واختي ..
انا محتاجة سند ..

ياسين عم يحكي ..
فتحتلا ايدي .. وقلتلا : انا موجود !
حضنتني بقووة .. وصارت تبكي ..

بعد ما بكيت وارتاحت ..
ايڤا: لازم لاقي حل !
ياسين : شو هو الحل !؟
ايڤا : لازم دور ع اخي ..

ياسين : اي بندور ليش لا ..
ايڤا ؛ لا انا لحالي رح دور !

شفتها مصرة كتير .. كانو لقت الحل .. بدها تدور ع اخوها وترجع الفرحة لعيلتعا
متل ما مفكرة انو هي اللي سرقت سعادتهم منهم !

ياسين ؛ شو مشان شعرك المبلل ! عبيتي بلوزتي مي ..

ايڤا: اه ... اسفة ! رح نشفو ..

قامت ع رجليها وصارت توطي شعرها لتحت وترفعو لفوق بحركة سريعة !!

ياسين : ههههههههههههه
ايڤا : شوفي ليش عم تضحك !؟
ياسين بضحك ؛ ....
ايڤا: خلص ياسين .. بروح ولله !
ياسين: ههههههه مجنونة !
قايم جبلك السشوار من فوق
..
حطت ايدي ع خصرها عم تهز

ايڤا: وليش ما قلت من الاول 😒🤨
ياسين؛ ما صار مجال دغري نطيتي وعملتي حركتك 😂


مر يومين..

نائل عم يحكي..
صرلي يومين نايم...
فقت بجسم مكسر ..
عم طلع حواليي .. الملل معبى البيت ..
اول مرة حسيت اني محتاج وجود حدا جمبي ..

حدا يهتم فيني .. كنت محتاج لحنان
فتحت الفيس .. الكروب كان عليه كتير ابلاغات ..
والخاص معبى رسايل ..
مليت من الروتين .. ومليت من هاللعبة
رحت بدون تفكير ..حذفت الكروب ..
والاكاونت ..

حسيت انسرق عمري ..
ماعرفت عيش .. صرت هاف اطلع لبرا..
صرلي فترة منيح ماني شايف بني بشر ..

اشتهين وقتا افطر ..
ما كنت بعرف شو هو الفطور ..
شو لازم حط ..
بتزكر بيحطو حواضر !

رحت فتحت البراد .. ما كان فيه شي !
لبست تيابي بدي انزل ع السوبر ماركت اشتري كم غرض ..

حطيت ايدي بجيبي ما لقيت غير ٥٠٠ ليرة معي..
ف رجعت نص الاغراض واخدت الباقي..

طلعت ع بيتي. .. حطيت فطور ..
واكلت .. اي كنت وحيد ع السفرة
بس اول مرة بحضر فطور لحالي ..
دايما كنت رح ع البراد اسرق اي شي بيطلع بوجي واكلو

بهديك اللحظة حسيت حالي كتير جوعان
كانو صرلي سنين مو اكل

كنت حس حالي عم اطلب الحياة ..
عم اطلب عيش متل كل هالعالم!
ومافي شي بميزهم عني ..
بس اكتشفت انو في كتير ناقصني لصير متلهم!
ناقصني الحب .. ناقصني ناس ..

اطلعت ع موبايل .. وفتت ع صفحة ياسين !
لهلا مو شايف رسالتي..

ما بعرف وينو ..
زرتو كذا مرة بشقتو اللي مستاجرها ..
بس ما لقيته!


عند ايڤا وياسين ..
ياسين عم يحكي ..
كنا عم نتمشى .. وتحكيلي عم مخططاتها ..
ما بتعرف كيف تبلش تدور ع اخوها!

ياسين: طيب شو اسمو لاخوكي.
ايڤا: زكرتني بكلام ماما
ماما كانت تقلي اخي تاخر بالحكي والنطق
ودايما كان يتخربط باسمه! وما كان يعرف يلفظه!

ياسين: شو اسمو ؟
ايڤا: اسمه نادر ..
ياسين: امممم .. طيب امك ما خبرتك عن شكلو .. شي يكون مميز عندو ..

ايڤا: امبلا..

#خطايا_لم_تغفر
الجزء التاسع ..

ياسين : شو هو؟
ايڤا: ماما خبرتني انو اخي كان عندو شامة فوق صدرو..
ياسين : شامة؟
ايڤا: اي شامة بين عضمة الرقبة وبين صدرو

ياسين بقلبه: معقول .. يكون نائل؟
ايڤا: شو صرلك ليش شردت!
ياسين : لا ولا شي .. بس زكرتيني بصديق قديم الي .. كان عندو نفس الشامة فوق صدرو..

ايڤا.: سبحان الله .. بيخلق من الشبه اربعين!

ياسين عم يحكي ..
هلا لاستوعبت ! نائل كتير قريب ع اسم ناد اخوها ل ايڤا.. وعندن نفس الشامة
معناتو يمكن نائل يكون نفسو نادر اخوها؟
مستحيل تكون صدفة!؟

ايڤا: ليش كمان شردت!

قمت وقربت منها .. بدي اعرف اكتر عن نادر !
ياسين : قديش لازمي كون عمر اخوكي !؟

ايڤا: شو صرلك؟
ياسين : جاوبي!؟
ايفا: تقريبا لازم يكون ٢٦

ياسين بابتسامة: اوووف مو معقووول!
ايڤا: فهمني شبك!
ياسين : يمكن نلاقي اخوكي يا ايڤا..
نائل يمكن يكون نفسو نادر!
ايڤا: ماني فهمانة شي ؟ كيف هيك!

ياسين: نائل كمان ما عندو اهل !
ايڤا: عنجدد؟ كيف هيك..
ياسين : رح احكيلك

نائل عاش عند رجال كبير بالعمر
نائل وقتها كان يا دوب عمره ٣ سنين
الرجال كان قايلو انو هو ابوه ..

نائل بقي عند هالرجال ..
بس الرجال كان قاسي كتير عليه
نائل كان بدو يدوس بس منعو من هاد الشي
وكمان لما نائل كا يمرض ما كا يوديه ع الدكتور ولا ع المشافي ..
كان يعملو اعشاب بالبيت ..لحتى يشفي ..

الرجال كان يضرب نائل كتير ..
لانو نائل كان مشاغب وكان مصر يدرس ..

ضلو هيك لحتى فترة الرجال مرض ..
رغم كره نائل تجاه هالشخص
كان يعاونه ويدير بالو عليه لانو مريض
وقتا ساء حالتو كتير
ونائل كان بدو يوديه ع الدكتور بس الرجال ما قبل !
قبل ما يتوفا بساعات
خبر نائل بكل الحقيقية ونائل كان مصدوووم وقتها ..
عرف انو ضايع ، عرف انو هو بدون اهل وانو هالرجال مو ابوه ..
بوقتا كان عمر نائل ١٣
بلش نائل يشحد ..

مرة وانا مع امي بالسوق عم نشتري ..
اشترتلي صندويشة لاني مو فاطر الصبح
وانا ما كنت مشتهي ..
لقيت نائل بالسوق كان قاعد .. عم يشحد

امي راحت لعند بائع الخضرة وكانت مشغولة بالشراء
رحت لعند نائل وشوشتو ..:
ياسين: خوود هالصندويشة قبل ما امي تشوفني ..

هو كان جوعان كتير ..يمكن كان ايام بلا اكل!
اخدها من ايدي واكلها ..
ابتسمتلو ورحت..

صرت روح لعندو كل فترة وفترة
بس نائل كان عندو كبرياء كبير
حسيت انو عم ينزعج مني لاني عم جبلو كل مرة اكل ..
فقررت زورو مرات بدون ما اخد معي شي ..
كنت روح لعنده وقلو انا محتاجك هالمرة..
صرنا رفقات .. وهو وثق فيني كتير ..
نائل حب يتعلم ويدرس ..
ساعدتو .. وصرت جيبو لعندي ع البيت ..

بس بعد ما توفو اهلي ..
اجيت ع المدينة درست بمدرسة داخلية
كنت التقي انا ونائل كل شهر مرة ..
كنت نعرف مواعيد بعض وعند اي شجرة نلتقي!
فترة قاطعنا بعض .. وما عاد شفتو ..
بعد ما خلصت جامعتي ..صادفتو
وقلي انو اشتغل بهالفترة اللي قاطعني فيها واشترى بيت !

ايڤا: اي ويبعدين!؟
ياسين: ضليت عنده فترة .. بعدين استاجرت بيت .. قريب عليه
بس قبل فترة شي ٨ اشهر ..
تضاربنا ببيتو .. وبعدها تركت الحارة وانتقلت لهون!

ايڤا: اوووف صرلك ٨ اشهر ما بتعرف عنو شي يعني!
ياسين: مافيني ارجع.. وثقت فيه طلع واحد غير .. طلع شخص ما بعرفو

ايڤا: طيب يمكن عنجد يكون اخي .. لازم افهم منو ...

ياسين ؛ اي يمكن يكون هو ..
ايڤا : لكان عطيني عنوانو رح روح زورو!
ياسين: هلا!

ايڤا: اي لكان ايمت؟
ياسين : لا تروحي لحالك ايڤا رح اجي معك

ايڤا: مو قلتلي تضاربتو .. ما بدي ياكن تضاربو هلا انا ورا شغلة مهمة ياسين
بدي رحع اخي..

ياسين : طيب بس بحرا روحي مو هلق ! لانو منطقتو شوي بعيدة من هون
ايڤا: طيب اصلا ليكو خلص اليوم!

ياسين : ...
ايڤا: شبك !؟
ياسين : ولا شي ..
ايڤا: ليش بلشت تطلع عليي وتشرد !
ياسين ؛ ليش بتسالي كتير ..
ايڤا : اذا ما سالت مين بدو يسال !
ياسين ؛ عم حاول لاقي حالي بعيونك بس اليوم ما عم اقدر لاقيهن !

ايڤا عم تحكي ..
بعد ما سمعت كلامه .. حسيتو محتاجني وبدو ياني ..
قربت منو اكتر ..

ايڤا : وهيييك !؟ لقيت حالك ولا لسه !
ياسين : ستني لا ترمشي كتير ما عم اقدر شوف !

ايڤا : اييي عيوني طلعو ..
ياسين : يسلملي عيونك! اللي ما بلاقي حالي غير فيهن ..
ايڤا: بلا غزل!
ياسين : لا اراديا الكلمات بتتغزل فيكي ايڤا خانوم..

ايڤا: شوف عيونك لشوف اذا رح لاقي حالي فيهن ..

حط ايدي ع جهة صدرو اليسار ..

ياسين: انتي مكانك هون !

ايڤا: وعيونك .. ؟

ياسين : عيوني وكلي الك ..
ايڤا : .....
ياسين : ياريت لو عبر محبتي الك بكلمة بحبك يا ايڤا.. متل كل حدا تنين بيعترفو لبعض بهالكلمة !

حطيت ايدي ع قلبك ..
ايڤا : ما دام انا موجودة بهالمكان .. معناتو محبتك الي عم توصلي وزيادة

حضني .. واكتفينا بالحضن ..
كانو وعدنا بعض واعترفنا بعض من خلال هالحضن ..
مل اللي مرقو ع الطريق يطلعو فينا
بس نحن