بقلم:#متيلدا
#دلع_الحب
الجزء الاول
فتحت عيونها على ضو الشمس حركت راسها بأنزعج من أشعة الشمس
دانا بأنزعاج:مين فتح البرادي
الخادمة بتوتر:انا انسة دانا هي أوامر امك
قامت بغندرة:أوامر ماما عجيب شوفي
الخادمة وقربت من دانا:مابعرب بس سمعت
اطلعت عليه دانا ورفعت حاجب:شو سمعتي
الخادمة:سمعت انو بيت عمك جايين
دانا بأستغراب:عمي انا
الخادمة ونزلت شفتها:اي عمك هيك سمعت
صفنت شوي بعدين تذكرت انو كان ابوها اوقات يحكي على اخوه الكبير الي ترك البلد وراح من 30 سنة وما حدا بيعرف عنو شي
دانا:معقول
الخادمة:شو هو الي معقول
دانا بسرعة:لا لا ولا شي بس ايمت بدون يجوا
الخادمة:حسب عرفت المسا
دانا ونفخت:هوف طيب انتي فيكي تروحي
طلعت الخادمة
قامت دانا من السرير وهي تثاوب وما افتكرت بموضوع بيت عما لانو ما بيهمها راحت دخلت على الحمام واخدت دوش وطلعت لبست بنطلون جنز ازق كاشف وضيق ومشقشق وعليه تيشرت بيبين صرتها
ونزلت لتحت
......................................................................
دخلت على غرفة الاكل وباست امها بعدين ابوها
دانا وراسمة ابتسامة ناعمة:صباح الخير ماما صباح الخير بابا
رانية:صباح نور حبيبتي
خالد:صباح نور بنتي اعدي فطري
اعدت على طاولة وبلشت تاكل
بعد دقائق ساد الصمت حكا ابوها
خالد بوقار:بنتي في موضوع بدي قلك ياه
رفعت راسها وطلعت بأبوها وابتسمت:اي احكي بابا
اطلع خالد على رانية يلي كانت متوترة
خالد وحكا:كان بدي يكون اخوكي موجود لحتى قلو بس هو مسافر معزور وليخلص دراستو مابدي يعرف شي بس يجي انا رح قلو
دانا بقلق:بابا شبك خوفتني شوفي احكي
خالد حكا وكأنو عم يتذكر شي من الماضي:بتعرفي انو عندي اخ اكبر مني بس مابتعرفي عنو اي شي غير انو مسافر رح احكيلك عن عمك
عمك قبل 30 سنة كان شب متل كل شباب بدو يحب وحب بنت ابوي مو رضيانة عنها لانو مسموعياتها مو منيحة لهيك ابوي رفض رفض قاطع وقلو لعمك اذا بفكر يتزوجها بيغضب عليه وما بضل عندو ولد اسمو ياسر بس ياسر عماه الحب مشي ورا حبو ليمامة بنت مربيتنا المهم اتزوجها بسر وابوي مابيعرف ولما عرف قامت دنيا ابوي غضب على ياسر وقلعو من البيت وقلو اذا بشوف وجهك لا تلوم غير حالك وصار مشاكل كتير لهيك ياسر اخد مرتو يمامة الي كانت حامل وسافر بس ماحدا بيعرف لوين ولا بيعرف عنو اي شي وانقطعت العلاقة بيناتنا وطبعا ابوي نبهنا يلي بيحكي معو او بيتواصل معو رح يكون عقابو متلو لهيك انا وعمتك ما حاولنا ابدا نتواصل معو
ومن فترت شهر اجاني تيلفون من برات البلد من فرنسا وكان اخي اطمنت عليه وعرفت انو صار عندو تلت ولاد بنتين وصبي وبدون يجوا على البلد كرمال يستقروا هون ومابدو يضل ولادو ما بيعرفو بلدون وطلب مني احكي مع جدك واقنعو يرضى عليه لانو تعب من بعد وانا حكيت مع ابوي وبعد كتير اقناع وحكي اقتنع لانو بيضلو ابنو واكيد مشتقلو ووافق يجي ويسكون ببيت العيلة مؤقت لبين ما يلاقي بيت يستقر فيه واليوم المسا كلياتنا رايحين لبيت العيلة وكان بدي ياكي تعرفي كلشي
دانا وكانت كتير مصدومة ما كانت متوقعة تكون هيك قصة عمها
دانا مصدومة:كل هاد وانا ما بعرف عنو اي شي طب ليش ما حكيتلنا عن قصة عمي شو الي بيمنعك
خالد ونفخ:اوف هيك كان بدو جدك ما نحكي عن عمك ابدا
دانا وتفهمت ابوها:تمام بابا مافي مشكلة انا اليوم المسا اكيد هكون جاهزة وهحاول اتأقلم على موضوع يالله صار لازم روح على مرسم
باست امها وابوها
دانا:باي
وراحت على مرسم
......................................................................
رح قلكون مواصفات دانا دانا بنت مالها طويلة 160 طولها وضعيفة وبشرتها لا لها بيضة ولا سمرة متل ما بيقولو حنطية بعيون شهل كبار بشعر خرنوبي طويل انفها صغير كتير وتمها صغير وشفايفها الهن نفخة شوي يعني بتحس وجهها وجه ملاك بنعومتها وببرائتها عمرها 20 سنة هي شخص كتير متفهم بس عنيد بشكل وشخص الي مابتحبو بتصير عليه قطة شرشة بتخرمش اما الي بتحبو بتصير معو قطة أليفة وكيوت يمكن هاد المثال بفهمكن شخصيتا
...............................................................يتبع....