ليلى : حاسة حالي كتير لئيمة كيف عملت معن هيك ؟ ومشان شو ؟ مروان قلعني بكلمة وحده من امو .. امو الحقيقيه ما فكرت بمشاعرو وهي بتعرف انو منحب بعض .. حولت سعادة ابنها لجحيم

يوسف : لا تلومي حالك الي صاير معك ردة فعل بدون وعي .. الي مريتي فيه مو سهل

ليلى : بيسامحوني هلا بس روح لعندهن ؟

يوسف : ايه طبعاً بيسامحوكي ... انا من وانا صغير كنت شقي ومئذي كتير وابي رايح جاي على الحبوس يطلعني ههههه

ليلى : عنجد ؟ مع انك مبين كتير راكز وهادي
Telegram:@rwayate
يوسف : انا تعرفت على يامن بالحبس ... و صار متل اخي تماماً .. وكنا عم نشتغل سوا شغل مو نظيف .. وضليت هيك لفترة قصيرة تعب ابي وصار معو جلطة وكنت رح اخسرو
بهديك اللحظة صحيت على حالي وحسيت قديش عذبتو لهل رجال المسكين .. تبهدل بحياتو كتير بسببي ... لما صحي بعد عمليتو ولقاني عم ابكي بحضنو .. حط ايدو على شعراتي وصار يمزح معي
قلي انت عم تبكي لانك عارف انو محدا موجعلي قلبي غيرك صح ؟ ... بستلو ايدو و وعدتو ما عاد اوجعلو قلبو ابداً ..

ليلى : ايه ؟

يوسف : ايه ... وقررت ابدا حياة نظيفة وجديده ... بس الموضوع مو بهل سهولة ... شوفة عينك .. الي بيغرق بالوسخ ما بنظف منو بسلام

ليلى : يعني كل شي عم يصير بسبب الشغل الي كنتو تشتغلوه ... ويامن كمان بدو يبطل لهيك بدهن يئذوه ؟

يوسف : يعني تقريباً هيك

ليلى : وليش هو بدو يبطل ؟
Telegram:@rwayate
يوسف : هلا وقت انا قررت اترك هالشغل اول شي هو عارضني وحاول كتير يرجعني لان كان خايف علي من طلال .. بس شوي شوي وقف جنبي وصار يغطي علي مشان ما حدا يعمل معي شي
وبعدين قال انو بدو يترك لان اكتشف حقيقه طلال وانو هو الي ورطو من الأساس وكل شي كان فخ .. بس بدك الصراحه انا ما اقتنعت

ليلى : ليِش ؟

تطلع يوسف على يامن وهو عم يلاعب ابنو وابتسم : اعتقد انو صاحبي رجع قلبو يدق ...

ليلى : مممممم يدق قلتلي

يوسف : ههههه ايه .. يدق

ليلى : طيب خليه يدق منيح ويخلصنا من هالمصيبه الي وقعنا فيها

يوسف : بتخلص انتي بس وكلي الله

ليلى : على خير يارب .. على خير ..

كملنا مشي ونحنا ساكتين .. كان الجو حلو .. والحديقه هادية .. والسما صافيه ... والمشاعر متل البركان .. في الف شعور مختلط ببعضو ... وما في شي مفهوم

_______________
_______________

#ديمة
Telegram:@rwayate
اليوم كان اول يوم برجع فيه لوعيي ... صحيت لما الممرضة فتحت شباك الغرفة وفاتت الشمس .. سألتها وين انا ... وطلبت منها تجيبلي اهلي انا وعم ابكي
تذكرت بشاعه كل شي صار معي .. كنت خايفه كتير وموجوعه .. بعد ما طلعت الممرضة بشوي اجا الدكتور فصحني وسألني اسئلة كتير .. قلي انو اطمن علي ورح يسمح لرفقاتي يفوتو يشوفوني
ورجعت اكدت عليه يتصل بأهلي يجو ياخدوني ..
طلعت الدكتور وفاتت ليلى ويامن
ركضت ليلى لعندي حطت ايدها على راسي وبوستني بحنية

ليلى : الحمدلله على سلامتك ... خفت كتير عليكي
ديمة : بابا بيعرف انو انا هون ؟
ليلى : لا خفنا نخبرو بس هو عم يدور عليكي ... مفكر انك خايفه تواجهيه عم يتصل فيني كتير .. قطعلي قلبي اخر مره قلي خبرك انو هو ما رح يعصب عليكي ابدا وما رح يجبرك تشتغلي شي ما بدك ياه بس ارجعي على البيت
ديمة : اتصلي فيه خليه يجي لعندي بدي ياه
ليلى: وانتي بهل حالة ؟
ديمة : اتصلي فيه كرمالي
ليلى : طيب رح اطلع احكي معو بس خليني فكر شو بدي قلو
ديمة : احكيلو ضربتني سيارة
ليلى : رح يسأل الدكتور
ديمة : انا حكيت مع الدكتور و وافق يقول هيك ..
ليلى : طيب رح احكي معن فوراً
Telegram:@rwayate
طلعت ليلى من الغرفة .. كان يامن واقف بعيد عند الباب

ديمة : آدم منيح ؟
يامن : منيح

حاولت اتجلس .. وجعتني ايدي .. اجا يامن وساعدني .. حطلي الوسادة ورا ضهري .. واعطاني كاسة مي .. وقعد على الكرسي الي جنب التخت

ديمة : ليش ما قلتلي انك لسه عم تشتغل مع هاد طلال
يامن : _ _
تطلعت باتجاه الشباك واخدت نفس : حاسة حالي بحلم .. ما توقعت ضل عايشه
يامن : انا اسف كتير
ديمة : لا تعتذر .. دفعت ثمن غبائي
يامن : غبائك ؟
ديمة : الي بتحب واحد متلك شو بدها تكون غير شقفة بنت غبية ؟
يامن : بس انا مو هيك ..
تطلعت بعيونو وكانت في نار جواتي : حاولو يغتصبوني

نزل راسو للارض وشد على قبضة ايدو لدرجة كل عروقو صارو بارزين

ديمة : انت واحد منهن ... وبتشبهن ... واكيد عامل هيك شي من قبل

يامن : لا !! .. لا انا ما بشبهن ابدا
Telegram:@rwayate
ديمة : ضربوني كتير ... كسرلي ايدي لاعطيه عنوان بيتك ... حاولت اتحمل بس ما قدرت وانجبرت احكي

مسحت دمعتي واخدت نفس .. مديت ايدي ورفعتلو راسو

ديمة : تطلع فيني ... احفظ كيف هيئتي وملامحي .. وكيف حالتي هلأ بسببك ... بتعرف هاد كلو ليش ؟

يامن : _ _ _

صارت الساعه 7 المسا ... لفينا كل الأماكن وسألنا اذا يامن مر او حدا شافو .. بس بدون نتيجة ..
طلعنا من آخر محل قلنا يوسف انو بيعرفو ..
قعدت ديمة على طرف الطريق .. رحت وقعدت جنبها
ليلى : لازم نرجع على البيت .. كلنا تعبنا
ديمة : يامن مات
Telegram:@rwayate
ليلى : لا تحكي هيك
التفتت علي هي وعم تبكي : خلص .. ما ضل في داعي نضحك على بعض .. يامن مات
ليلى : ديمة حبيبتي ..
وقفت ومسحت دموعها : وصلوني على البيت .. ضيعت وقتكن
طلعنا بالسيارة و حاولت كتير خليها تحكي شي .. حسيتها دبلانه ويئسانه .. فجأة رفعت راسها وحكت : يوسف
يوسف : اي
ديمة : بتعرف كراج العم ابو اسراء وين صاير ؟
يوسف : كراجو تسكر من زمان بعد موتو يامن قفلو وصار مهجور
ديمة : ما فينا نروح نشوف ؟ وعد .. آخر شي بطلبو
ليلى : الدنيا عتمت خلص ديمة بكفي
يوسف : مو مشكلة .. رايحين يلا
ديمة : شكراً
رجعت ركنت راسها على الشباك ودموعها عم ينزلو ..
لوقت وصلنا للمكان .. كان بحارة بسيطة كتير وقديمة و صلنا لعند الكراج وكان فعلاً مهجور من سنين ومافي حواليه بيوت او محلات وما في اضاءة منيحه
ليلى : بيخوف هاد المكان
يوسف: شو ديمة ؟ .. نمشي ؟
Telegram:@rwayate
مشت ديمة باتجاه الكراج .. وصلت لعند الباب الي كان مسكر بجنازير حديد وقفلين كبار عليهن صدى
ليلى : ديمة بلا جنان تعي بلا ما يطلعلنا شي هلأ
حطت ايدها على الباب وتنهدت .. ضلت واقفه دقيقتين بعدين رجعت : تمام ... مشينا
((بعد مرور 6 شهور ))
اليوم عرسي ... اليوم الي رح اجتمع فيه مع الشب الي اختارو عقلي وقلبي .. مع الإنسان الي متاكده انو بيحبني ومو ممكن يتخلى عني تحت اي ظرف ولأ سبب
كانو اهلي ورفقاتي حوالي ... فرحتي مكتملة تماماً ... تجهزت ولبست فستاني و رفقاتي تجهزو
كانت ديمة لابسة فستان لونو سماوي وتاركه شعرها نازل ... وفي بايدها محبس خطبتها من ابن صاحب المصنع الي بتشتغل فيه ... صحيح انها باخر فترة نزل وزنها بشكل مفاجئ وكبير
ومع كمية الحزن الكبير الي عايشتو والي واضح بعيونها ... بس لسه عندها هالملامح الطفولية الناعمه بوشها ... رغم كل شي بتضلها الأجمل ... وين ما كانت بتلفت الأنظار
Telegram:@rwayate
نهارها بالحفلة كان خطيبها قاعد معها على نفس الطاولة هو واهلو واهلها ... وانا تفكيري معها وعيوني عليها .. كانت كتير باردة مع خطيبها اي حدا بيقدر يلاحظ انها ما بتحبو وهو عم يحاول يتقرب منها
يوسف : رح بلش صار من ديمة ها .. ركزي معي
ليلى : هههه حبيبي انت اهم شي بحياتي ، بس عنجد زعلانه عليها .. ليك كيف دبلانه البنت
يوسف : معك حق ، بس اليوم يومنا ... فكري فينا وبس ممكن ؟
ليلى : ممكن .. بحبك
صار وقت الأكل ... فتحو البوفيه والناس توزعو لياكلو ... ضلت ديمة على الطاولة لحالها ولسه صافنه .. اشرتلها بايدها وغمزتها .. زتتلي بوسة بالهوا وضحكتلي .. بعدين ما بعرف شو صارلها
تطلعت حواليها .. حطت الشال على كتفها وحملت فستانها وطلعت من الصالة
__________________
__________________
#ديمة
ديمة : ايه عمو هون المكان
الشوفير : يا عمو شو جايبك لهون هاد مكان مهجور ومافيه بشر
ديمة : عمو بس استناني شوي الله يخليك في شي ضروري بدي شوفو وبرجعلك بسرعه
الشوفير : شو الشي الضروري الي بدك تشوفيه بهاد المكان
ديمة : رح ادفعلك قد ما بدك بس استناني هلأ برجع ..
Telegram:@rwayate
نزلت من التكسي .. وبعد خطوتين شلحت الكعب من رجلي لان ما كنت عرفانه امشي.. رفعت فستاني وكملت مشي باتجاه الكراج .. دقيت على الباب بقوة : يامن ... هي انا ديمة
انت جوا صح ؟ افتح الباب واحكي معي ... انا اشتقتلك كتير ... يامن انا دورت بكل البلد عليك ... المشافي و المغافر وكل مكان كنت تروحو ... بتعرف انا صرت امشي بالشوارع ودور على وجهك بين الوجوه
افتحلي الباب خلص ...يامن ..
مسكت حجر كبير من الأرض وصرت اضرب القفل الي على الباب ... صاحب التكسي شغل سيارتو وراح .. رميت الحجر من ايدي وحاولت الحقو لانو المكان مقطوع وعتمه كتير .. بس الندل تركني وراح
قعدت بالأرض انا وعم ابكي : يامن انا بكررررهك ... بكرهك يا غبي يا لئيم بكرهك
حسيت في صوت حوالي ، حاولت وقف بس كنت عم اتفركش بالفستان وحوالي عتمه كتير
يامن : اهدي شوي هاد انا
تطلعت وراي .. فتحت تمي متل الغبية وكان قلبي رح يوقف ..
نزل قعد على رجليه .. حط ايدو تحت دقني : شو جايه تعملي هون ؟
حاولت احكي بس حسيت كأنو لساني انشل ... حطيت ايدي على وشو لاتاكد انو مو حلم ... قرب مني وباسني على خدي
يامن : تعالي هيك خليني طلعك من هون
حملني بين ايديه ومشا فيني لاول الحارة .. فتح الباب السيارة ونزلني : تفضلي ..
Telegram:@rwayate
وقفت على رجلي وضليت عم اتطلع فيه : انت عايش ؟
يامن : اطلعي بالسيارة هلأ .. بس تشوفني عم سوق بتتاكدي انو ماني شبح
ديمة : كيف قدرت تضل بعيد عني كل هالوقت !
يامن : مين قلك انو كنت بعيد ؟

(( يا حبيبي .. طيب وين عنوان بيت رفيقتك ؟ ))
// بشارع المعتصم جنب النادي الرياضي بتعرفو ؟ //
هزيت راسي وحركت السيارة ، كان المكان بعيد نص ساعه ... وانا مقهور منها وهي قاعده هادية وفي ابتسامة خفيفه على ملامحها
// هلأ رح تاخد مني أجار التوصيل ولا ببلاش ؟ // ...
(( ببلاش ))
// شو اسمك طيب ؟ //
(( كتير ضروري يعني ؟ ))
// ما بدي اعرف اسم الشخص الي كان رح يقتلني يعني ؟ ... بتعرف كيف انرعبت فوق ما انا معصبة ومتخانقة مع بابا ؟ وكسرتلي الموبايل ؟ ونزل ضغطي ودخت وغط على قلبي ؟ //
(( اييييييييييي ايييي ... اسمي يامن بطيخ ... ))
// تشرفنا يا يامن ... انا ديمة //
(( يا ديمة انتي دايماً هيك ؟ ))
// كيف هيك ؟ //
Telegram:@rwayate
تطلعت فيها ببرود ونفخت السيجارة (( بتعملي مشاكل للناس ))
// يعني عم تحكي معي هيك ؟ ... بتعرف كيف انرعبت فوق ما انا معصبة ومتخانقة مع بابا ؟ وكسرتلي الموبايل ؟ ونزل ضغطي ودخت وغط على قلبي ؟ //
(( استغفر الله العظيم ، ممكن نكمل الطريق بدون حكي لانو داق خلقي منك ! ))
// اي بيكون احسن .. //
تكتفت ولفت وشها ناح الشباك لمدة خمس دقايق .. بعدين مدت ايدها على المسجل وصارت تقلب المحطات لوقت استقرت على موسيقى هادية وصارت تطلع على الطريق قدامنا
كنت عم اتطلع فيها بطرف عيني وهي كل دقيقتين تطلع فيني كأنو بدها تحكي شي وترجع تسكت .. وأخيراً وصلنا للعنوان واشرتلي على البناية الي بدها تنزل عندها
وقفت السيارة وضلت قاعده ما نزلت ... نطرتها شوي لتنزل لحالها بس ما تحركت
(( مو هي البناية يعني ؟ ))
Telegram:@rwayate
// امبلى هي .. بس انت بتعرف كيف انرعبت فوق ما انا معصبة ومتخانقة مع بابا ؟ وكسرتلي الموبايل ؟ ونزل ضغطي ودخت وغط على قلبي ؟ //
(( انتي في بمخك شي ؟ هي وصلتك واعتذرنا منك وعرضت عليكي اخدك على المستشفى بس ليكك متل القرد اسم الله ما فيكي البلى .. شو بدك اعملك يعني ؟ ))
ردت بعصبيه // مو كسرتلي موبايلي ؟ بدي تعوضني عنو ... بدي موبايل جديد //
(( تمام ، احكي هيك من الأول ولا توجعيلي راسي .. قديش حق موبايلك ؟ ))
// كتير حقو ... موبايلي ايفون اصلاً ! //
(( ايفون قلتيلي ؟ ماشي .. ماشي مو مشكلة .. بكرا بجيبلك ايفون ))
// طيب اكتبلي رقمك على ورقة وهلأ بدقلك من رقم وحده من رفقاتي مشان بكرا ترنلي ونتفق كيف رح تعطيني الموبايل //
Telegram:@rwayate
(( انا بكرا برجع لهون الساعه 6 المسا وبعطيكي ياه ))
// ايه بكون احسن شو مفكرني قاتله حالي لاخود رقمك //
ونزلت من السيارة هي ومعصبة ، ضربت باب السيارة بقوة وضلت واقفه عم تزورني
(( العمى شو هالمجنونه ! )) شغلت سيارتي ومشيت بعد ما استفزتني هالبنت لابعد حد ونزعت مساي ..
______________________________
______________________________
#ديمة
طلعت على البناية و دقيت باب البنات وتأخرو لفتحولي ... فتت انا ومعصبه وعم احكي بانفعال // يعني شو مفكر حالو ؟ لكن انا بقلي متل القردة ؟ هو القرد الحق علي الي ما اشتكيت عليه وبهدلتو //
استغربت انو ما حدا سألني شبني ، كانت مي و هيا ساكتات و اشكالهن حزينة كتير وما عم يحكو شي
ديمة // شبكن هيك كأنو ميتلكن حدا بعيد الشر ؟ شوفي صاير شي ؟ //
Telegram:@rwayate
ضربت جبيني وتذكرت فوراً // لك مو كنتو بعرس ليلى ؟ يعني زعلانين لانها تجوزت وتركتنا ؟ لكن شو احكي انا الي بابا ما خلاني احضر عرسها ؟ بتعرفو اديش انقهرت ؟ اخر شي هربت من البيت واكيد هلأ ماما بتكون عرفت اني مو بغرفتي وخبرت بابا بس ما بهمني .. لك اصلا لازم ما رديت عليهن وجيت حضرت العرس
وانبسطت ... احكولي امانة كيف طلعت ليلى ؟ كتير حلوة مو ؟ كانت مبسوطة ؟ //
ضلو ساكتين وما حدا جاوبني .. رحت وقعدت جنب مي ونكشتها // خلص ولو يعني بدل ما تفرحولها انو اخدت حب حياتها ؟ لك نيالها ... لازم نزعل على حالنا مو عليها //
وانا عم احكي بصوت عالي .. ما شفت إلا ليلى طالعه من غرفة مي وهي لابسة فستانها الأبيض وشعرها منكوش ومكياجها كلو منزوع .. عيونها منفخين و وشها معتم ...
وقفت مكاني وفتحت تمي انا ومصعوقة
جرت ليلى فستانها واجت قعدت معنا .. سندت ايدها على جبينها وحطت راسها بالأرض .. تطلعت بمي و هيا كانو عم يبكو ويتطلعو بليلى بحرقة .. نزلو دموعي انا كمان لان شفتها بهل منظر وعرفت انو اكيد في مصيبة
قربت لعندها ... حطيت ايدي على كتفها وسألتها بتردد
// ليلى .. حبيبتي ... شو .. شو صاير معك ؟ شو في .. والله رح يوقف قلبي //
بلشت تبكي بصوت عالي وتشهق .. تطلعت بالبنات // لك شو صاااار .. مروان صرلو شي ؟ مشان الله رح موت رعبة فهموني شو صار ؟ //
#يتبع

طلال : انت من ايمت بتحمل مسدسك وبتمشي فيه ؟
يامن :ما بمشي فيه .. بس وقت يكون معي بضاعه بالسيارة بخليه معي .. ما خلصت توزيع هلأ رح وصل اخر كيس و بنفق
طلال : تمام يا ظل ، بكرا عال12 بتتحركو .. رح يطلع معك خلدون ما بدي ابعتك لحالك
يامن : قلتلك انا بشيلها لحالي
طلال : وانا قلتلك مو أمان ... البضاعة كبيرة والعين مفتحة هاليومين .. خدو الشاحنة الزرقا محملة بصناديق البرتقال وجاهزة
يامن : مشي معلم ... سلام عليكم
________________
________________
#ديمة
خلصنا العشا وطلب مني بابا اعملو فنجان قهوة والحقو على البرندة ليحكي معي ، جهزت القهوة ولحقتو انا وعم ادعي انو ما نتخانق هي المره كمان
ديمة : تفضل بابا .. بدك شي تاني مني ؟
بابا : اقعدي بدي احكي معك
اخدت نفس وقعدت : تفضل
بابا : كيفها رفيقتك ليلى ؟
Telegram:@rwayate
ابتسمت بفرح : منيحه بس يحرام ما رجعت شفتا
بابا : مو مشكلة بتقدري بكرا تروحي تشوفيها ، اوقفي جنبها بمصيبتها
قمت بستو على جبينو : ما اطيبك يا بابا ، مع انك ما بتحبني رافقهن ودايماً منتخانق على هالموضوع بس ليك كيف ما هان عليك شوف رفقاتي بمصيبه وما وقف معهن
بابا : المهم
ديمة : اي ؟
بابا : في مصنع ادوية ، دبرتلك شغل محترم جداً فيه .. وبراتب مغري
ديمة : بس !
بابا : بدون أي اعتراض ... بتبلشي شغلك من الأسبوع الجاي و ياريت تشتغلي منيح لانو صاحب المصنع صديقي ما بدي فضايح معو
ديمة : انت ليش هيك ؟ قلتلك بدي اشتغل معلمة بمدرسة .. اتركني اعمل الي بدي ياه
بابا : والراتب الي بدك تاخديه بكفيكي مواصلات يا انسة ديمة ؟ ... شغلك شقفة معلمة رح يعمل الك قدر و قيمة بين الناس ؟
ديمة : من ايمت صارت المعلمة ما الها قدر وقيمة ؟ انت ليش بتشوف الناس كلهن اقل منك وما بتحترم اي انسان ... ما بصير تحكم على الــنــ ـ ـ
صرخ فيني : بكفي حكي فاضي ، انا ما عاد في نقاش بيني وبينك .. وبدك تلتزمي بحكيي والي انا بشوفو مناسب الك
ديمة : بس هي مو حياة !
بابا : ع غرفتك
Telegram:@rwayate
ديمة : يا بابا
فتل وشو للجهة التانيه و كمل شرب قهوتو .. وانا ركضت على غرفتي قفلت الباب وصرت ابكي ... نمت انا وعم ابكي .. وصحيت على صوت موبايلي عم يرن
اسناولتو وتطلعت لقيت يامن الي عم يتصل ! استغربت اتصالو بهل وقت .. فكرت حالي عم احلم .. قمت شربت مي وشغلت ضو الغرفة .. تطلعت على الساعه لقيتها تلاته وربع .. خلصت المكالمة ورجع اتصل مره تانيه رديت عليه
ديمة : الو
يامن : مرحبا .. انا .. انا بعتذر على اتصالي بهيك وقت
ديمة : خير في شي ؟
Telegram:@rwayate
يامن : اي في ... انا محتاجك ... محتاج تساعديني ضروري
ديمة : انا ؟ بشو بدي ساعدك وليش ! ما عم افهم
يامن : انا ما الي حدا .. ما لقيت حدا يوقف جنبي غيرك .. وفعلاً محتاجك ديمة
كان صوتو عم يرجف ومتغير كتير بدون ما فكر منيح وافقت ساعدو ما بعرف على شو ... وما عاد قدرت ارجع نام ضل بالي مشغول شربت قهوتي وضليت صاحيه لصارت الساعه سبعه جهزت حالي ولبست
وطلعت من البيت شوي شوي بدون ما حدا ينتبه علي .. وكان يامن ناطرني بالتكسي تحت .. طلعت بسرعه عالسيارة
ديمة : صباح الخير.. شو صاير ؟
التفتت عليه وشفتو بمنظر غريب ...
حطيت ايدي على كتفو : يامن ؟ انت منيح ؟ فيك شي ؟
يامن : تمام .. انا منيح ما فيني شي
بعد ايدي عنو وتنهد ... كان لابس اسود باسود و ملامحو تعبانه كتير في سواد تحت عيونو
ديمة : ما عم افهم شي ... بشو بدك ساعدك احكي عم اتوتر
Telegram:@rwayate
يامن : ليكي ، انا بعرف الي عم يصير كتير غريب ... بس والله العظيم ما لقيت اي مخلوق بقدر اعتمد عليه .. فكرت كتير ... وحسبتها كتير
تخيلي انو انا بني ادم ما في حدا بحياتي ممكن يساعدني ازا احتجت ! ما لقيت قدامي غيرك ..
ديمة : طيب وانا مو فهمانه شي بس اهدا ورح ساعدك وعد ؟ احكيلي شو في ؟
يامن : بصير بدل ما احكيلك ورجيكي ؟
ديمة : شو بدك تورجيني ؟
يامن : لنوصل بتفهمي... رح يكون الشرح اصعب بدون ما تشوفي ...
ديمة : طيب ..
تحركت السيارة وكل الطريق كان يامن ساكت ، وانا ماعم صدق شو عم اعمل معو وكيف رايحه بدون ما اعرف لوين او شو في !
بس من اول لحظة شفتو ... دق قلبي !!! .. ايه ايه .. دق قلبي الو
حسيت بدي اعرفو اكتر ... بدي ياه يكون بحياتي ... اخر موقف عملو معي رعبني منو .. بس في مشاعر كتير لطيفه وغريبه عم حسها تجاه هاد الإنسان الغريب الي بألف شخصية وألأف وجه
يامن : وصلنا ... انزلي
ديمة : لوين ؟ بس قلي وين ماخدني ؟
يامن : امشي معي تحمليني شوي اذا بتريدي
ديمة : طيب ..
Telegram:@rwayate
كان بيت ارضي الو جنينة حلوة كتير وباب خارجي حديد لونو زهري ... ببساطة البيت كأنو جنة صغيرة
فتح يامن الباب الزهري وتطلع علي لألحقو ، وبعدا فتح باب البيت الداخلي .. وقلي تعي وفات لجوا
ديمة : لحظة لوين ؟ بدك فوت عالبيت لجوا ! !
اخد نفس وهز براسو : ايه ..
ديمة : بس مين في جوا ؟

هزيت براسي وضحكت .. ايه انا ... ولسه ما خلصت الحكاية .. (( لما فتت عالحبس تعرفت على المعلم الكبير طلال ، ما بعرف ليش بس هو الي خلصني من الإدمان والتعاطي وحماني من المساجين الي كانو يتسابقو لياكلو لحمي ..
Telegram:@rwayate
ضليت تحت ايدو وحمايتو لكملت محكوميتي وطلعت نظيف .. وبرا السجن رجعت دور على شغل اشتغلو وعيش منو بس محدا رضي يشغلني لاني خريج حبوس .. رجعت لعند المعلم طلال وشغلني معو فترة بتوزيع الحبوب للمتعاطين ..لوقت ما التقيت بعمي ابو اسراء كان عندو كراج سيارات
بيعمل فيه صيانة .. قلي رح يجربني لجمعة ازا كنت منيح رح يخليني عندو ويعطيني راتب ويتركني نام بالكراج ... وفعلاً شافني انو قد هالشغل .. ومع الأيام صار يحبني كتير ويأمن علي كأني ابنو
هو ما كان عندو الا بنت وحده اسمها اسراء .. كانت احياناً تجيبلنا الأكل على الكراج بس بعدين ما عاد اجت لانو صارت صبيه حلوة كتير والعين عليها ... وانا قلبي تعلق فيها لهل صبيه الناعمه
كان عمي ابو اسراء بالنسبة الي خط احمر .. ما اسمح لحدا يحكي معو كلمة زايحه او يزعلو .. تعلمت المصلحة منيح كتير وبعدت عن طلال ... لما بلش ابو اسراء يكبر بالعمر وما يقدر عالشغل متل أول استأمني على شغلو وبيتو ... وصرت الكل بالكل .. وضلت اسراء حلمي الي نفسي اوصلو بس كنت خايف ! خفت يزعل مني او يعتبرني خنت الأمانة ... لوقت ما اجا هو وطلب مني اتجوزها
Telegram:@rwayate
قلي ما رح يأمن عليها مع حدا غيري .. وانو هلأ طلعت من تحت جناحو لتحت جناحي و وصيتو الي عيشها مبسوطة ومستورة .. وتجوزت انا و حبيبة عمري الي كنت احلم فيها .. وعشنا احلى ايام العمر
توفى عمي بعد كم شهر من زواجنا .. بس الله عوضنا بحمل اسراء ... واتفقنا ازا كان صبي رح نسميه على اسم عمي .. آدم ... وبهداك اليوم الأسود .. بيوم ولادة اسراء عرفت انها مخبيه علي سر كبير
كانت مخبيه علي انو قلبها الدافي اضعف من انو يتحمل وجع الحمل و الولادة ... خبت علي لانها متاكده انو كنت رح اجبرها تنزل الولد .. قررت تعطي روحها لابنها والي ... وانولد آدم وخسرتها لاسراء .. ))
Telegram:@rwayate
قامت ديمة على المغسلة .. مسحت وشها بشوية مي ... وقفت وكنت بدي طلع سيجارة دخنها .. بس ما حسيت الا وديمة عم ترمي حالها بحضني .. حطت راسها على صدري ومسكت فيني بقوة

يامن : ديمة شبك ؟

ضلت تبكي بدون ما تحكي شي وانا ضربات قلبي عم تتسارع ومو عرفان شو اتصرف .. رفعت وشها وتطلعت فيني وعيونها مليانين دموع : انا ما رح اتركك ماشي ؟

ضحكت .. حسيتها متل طفلة صغيرة ... : ماشي بس اهدي هلأ ..

بعدتها عني بهدوء وجبتلها كاسة مي لتشرب .. وضليت ساكت .. كنت عم اتأمل هالبنت .. مو معقول شو مجنونة وجريئة بتعمل الي بدها ياه والي مقتنعه فيه .. بس بنفس الوقت ضعيفه وحساسة كتير
بستغرب من شخصيتها وبحاول افهمها ... بعرف هي شو بتحس تجاهي ودايماً بحاول ما اجرحها ... احياناً بخاف منها .. ايه بخاف ... بخاف من نظرات عيونها البريئة .. من ضحكتها الي متل صوت قطرات المطر
من حنيتها ...
Telegram:@rwayate
ديمة : بس آدم ما دخلو بكل شي عشتو

يامن : اكيد ما دخلو .. بس انا بخاف عليه كتير .. ما بدي يشبهني بشي ولا يتعلق فيني لانو انا حياتي مو ملكي

سألت باستغراب : شو ؟

انتبهت على حالي انو رح ازلق بالحكي ... وممكن احكي شغلات ما لازم تنحكى ..

يامن : طيب بتعرفي انو انا وآدم جوعانين ؟

ديمة : هلأ بحضر شي ناكلو ... بس يامن ابنك بحاجتك

يامن : وانا بحاجتو كتير ...

ديمة : لكن لا تقسى عليه ... وتذكر شعورك لما كنت تتمنى يكون عندك اب ... عم تعيش ابنك نفس هاد الشعور .. نفسو تماماً

قامت وبلشت تحضر الغدا انا وعم فكر بآخر شي حكتو !! ... ما عدت عرفان هلأ شو لازم اعمل وكيف لازم اتصرف ... هي البنت لازم تطلع من حياتي قبل ما تقلب حياتي كلها

_____________
_____________

#ديمة
Telegram:@rwayate
حاسة حالي عايشه بحلم ... عم اتطلع بهدول الأتنين وبحسهن عيلتي .. احياناً بعيش بخيالي انو يامن جوزي وآدم ابني ههههه قدرت قرب يامن من آدم ... صارو يقعدو سوا ويلعبو
ودايماً يامن يجي يتغدا معنا ... كان كل شي عم يتغير .. وهاد البيت تعبى فرح وحياة ...

لوقت ما بيوم يامن خبرني انو يوسف ما رح يقدر يجي المسا عالبيت ... و هو كمان ما بقدر يجي .. طلب مني لاقي اي طريقه مشان ضل عند آدم .. وبصعوبة اقنعت امي انو بدي نام عند رفقاتي وليلتها ضليت اتصل على يامن
بس موبايلو صار مغلق ... انشغل بالي وما عرفت نام ... تمددت على الكنباية بالصالون و اخر مره كانت عيني على الساعه شفتها تنتين .. وبعدا غفيت ...
Telegram:@rwayate
حسيت بشي عم يتحرك على خدي .. فتحت عيوني .. كان يامن قاعد على ركبتو و ماسك خصل شعري .. بس شافني صحيت بعد ايدو فوراً

ديمة : انت وينك لهلأ ؟ انشغل بالي عليك ليش مسكر موبايلك !

يامن : انا اسف بس صار معي ظرف