كائن لا تُحتمل خفته 👆☝️
#ميلان_كونديرا
هالرواية ... من أروع الروايات القريتهة ... يبدأها كونديرا بفكرة العود الأبدي الفلسفية لنيتشه
ثم يتكلم عن ألعلاقات من منظور شخص إسمه توماس وشلون يشوف العلاقات ... عنوان الرواية غريب بقدر غرابة هذا الكاتب وتفكيره ألواسع ... تحسه يفهم بهواي شغلات ... إسلوب ألسرد المتقطع والغير متسلسل عند كونديرا فوق ألرائع لأن قابليته على ألربط بين الأحداث رائعة ... هالرواية فعلا تستحق أحد يخسر عليهة وقت
#رآهب

أحب حتى الملامح المنطفئة على وجهك..
أنتِ بلا أي شيء تضيئين الأماكن الداكنة في حياتي ماذا لو ضحكتِ؟
تخيلي حجم الضوء القادم من وراء العالم ..
#مقتبس
#رآهب

@Riko94

رواية هيبتا بعد قليل 👇
ل #محمد_صادق
اكيد سامعين عن هالرواية والبعض بيكم اتردد من قرائتهة لأن مكتوبة باللهجة ألمصرية
جانت هاي أول رواية اقراهة وبسببهة اتغيرت وجهة نظري للروايات .. قبلهة جنت اشوف الكتب العلمية والفلسفية هي التستحق ينصرف عليهة وكت ... بس هيبتا رواية غير شي
صح هية تحجي عن الحب ويجوز اكو بيكم يشوفوه شي تقليدي وممل
بس هنا الكلام الي علحب مو مجرد احلام وردية او نهايات تراجيدية ... هنا يتناول الحب بطريقة شبه فلسفية ومنطقية ومن منظور يختلف
يعني مثلا هو يكول إنو الحب حتى يكتمل لازم يمر ب7 مراحل ...
واثناء ميحجي عن كل مرحلة فهو بالضبط يوصفلك
المراحل والمشاكل الي تصير بكل مرحلة
ويدعم كلامه ب4 نماذج لقصص حب
إسلوب ألسرد عند محمد صادق تطغي عليه التساؤلات .. بس تساؤلات تستحق إنو أحد يتسائلهة وي نفسه
نهاية الرواية شي صادم وقد لا يُفهم دلالة ع إنو الحبكة عند محمد صادق مو سهلة ...
تقييمي إلهة 4 من 5
#رآهب