قصة جديدة: #رائحة_الموت
.............
قراءة ممتعة🦋💙"
#ⴅÂÐЄĦÂ

#رائحة_الموت....

الجزء الأول - الجزء الثاني

أم إياد : شو قلت ابني ؟
بلعت اللقمة الأخيرة الي كانت بتمي وحملت الشنتاية : لأ امي .. قلتلك لأ
أم إياد : لك ليش والله البنت ظريفة ، أبو إياد احكيلك كلمة
أبو إياد : شو بدي احكي ؟ الصبي راح شافها وما عجبتو الشغله ما بتصير بالزور .. تيسر على شغلك ابني
إياد : حبيبي يا ابو إياد محدا بوقف معي غيرك ... زكاتك بدي بس ارجع نكون انتهينا من هالموضوع وازا كل ما شفنا بنت بدك تزوجيني ياها بالغصب معناها الغي الفكرة كلها انا ما عاد بدي اتجوز
أماني : اخي بصير قول الحق وما تزعل ؟ البنت كتير حلوة وناعمة و من عيلة ومحترمة ... يعني شو بدنا نقول للجماعة ليش ما عجبتنا بنتهن !
إياد : الله يبعتلها الي احسن مني ، ما ارتحت يا جماعة خلص البنت ما خرطت مشطي منشوف غيرها مو مشكلة .. ليش كبرتو موضوع هي البنت بالتحديد .. مو قبلها شفنا اربع بنات وما سبق عملتو هالشي !
أم إياد : ايه لانو البنت ما عليها حكي بنوب ... وبصراحه انا صار وشي أسود من العالم ... بروح بزورهن وبعدين برجع وباخدك معي وما بعود برد خبر .. والله عم استحي يا أمي بعدين حرام ما بيجوز
هي اختك سعرها بسعر بنات العالم بترضى يجي واحد يجرحها هيك ؟
إياد : ليش معتبريتو جرح ؟ البنت احسن مني يخزي العين عنها بس انا ما هاد الي بدي ياه
أماني : شو الي بدك ياه اخي فهمنا مشان الله ، خلينا نعرف على شو عم ندور ؟
رجعت قعدت على الكرسي وبدي احكي .. وصرت تأتأ وتخربطت
أماني : بسم الله عليك شبك اكل القط لسانك ؟
إياد : لك انتي سؤالك غريب .. الشغله ما بتنشرح انا ما بعرف المواصفات الي بدي ياهن بالضبط بس اول احساس بحسو وقت شوف البنت هو رح يدلني عليها فهمتي ؟
بقيت ناطرها تجاوبني بس كانت صافنه فيني بغباء ..بعدين رفعت اكتافها : لا ما فهمت ..
ورجعت تكمل فطورها ..
حملت أغراضي وتطلعت بساعتي : انا تأخرت لازم امشي
طلعت من البيت وامي لاحقتني
أم إياد : ليك طيب على الأقل ارجع اقعد معها رح اطلب من امها تخليكون تقعدو لحالكون .. دردش معا اسألها بلكي بترتاحلها من المرة التانيه ؟
إياد : لأ
شدتني من تيابي قبل ما اطلع من باب البيت : برضاي عليك توافق ما رح تخسر شي !!
إياد : انا قلتلك أنــ ـ
أم إياد : آخرررر مره ..... وازا بعدها قلت لأ ما رح نرجع نفتح الموضوع ... البنت فاتت لقلبي يا حبيبي تسمع كلمتي وما بتكون غير رضيان !
سكتت شوي وما لقيت لحالي أي مخرج ، ف قررت ساير أمي مشان ما تاخد على خاطرها مني .. : طيب ماشي
أم إياد : يعني بتروح ؟
إياد : ايه أمي خلص
أم إياد : رح اتصل بالجماعه واخود موعد
تركتني وفاتت لجوا بسرعه .. اخدت الباب بأيدي سكرتو وضليت نازل على شغلي ..
وصلت متأخر نص ساعه على الدوام و لقيت على مكتبي إنذار موقع من المدير ...
إياد : العمى ! لحقو الفسافيس ينقلو الأخبار ؟
حط فايز راسو بالملفات الي قدامو كأنو ما دخلو ... ضحك بشار و قام من ورا مكتبو لعندي : انت الحق عليك نبهتك اكتر من مرة انو الحيطان الها أدان بس ما كنت تسمع مني
تطلعت بطرف عيني على فايز : والله معك حق بس بسيطة كلو بحسابو ... اطلبلنا قهوة حاسس راسي متل الطبل كان في أزمة سير و تخانقو الركاب بالميكرو
بشار : انت مطول لتشتري سيارة?
إياد : والله عم ندور بس ما في شي نظيف ، يبدو رح اشتري سيارة وكالة لان القرشين الي بدي وفرهن لما جيبها مستعملة رح ادفعهن صيانة
بشار : ايه هاد حكينا ... لكن باخدك على وكالة عمي تشتري من عندو وبيعمل خصم
إياد : خصم خصم و لا حكي فاضي ؟
بشار : له يا صاحي من ايمت انا بحكي حكي فاضي ؟ الك روح معك وتاخود السيارة الي بدك ياها بسعر ما صار لغيرك منيح ؟
إياد : اوووه منيح ونص !
______________
وانا طالع من الشغل اجاني اتصال من البيت خبروني انو بعد صلاة المغرب رح نروح نشرب فنجان قهوة عند الجماعة ، توترت وانقلب مزاجي .. طلعت بالميكرو و قعدت جنب الشباك لاقدر اتنفس لان العالم فوق بعضها
وبلشت اعمل حساباتي طول الطريق متل العاده ، بعد ما أبي الله يطول بعمرو باع الأراضي الي عندو وقرر يوزعهن علي انا وخواتي التنتين بحياتو طلعتلي رزقة منيحه بالإضافة للمصاري الي كنت مجمعهن بالبنك من شغلي و قررت اتزوج و اشتري سيارة وبيت .. صار عمري 28 سنة وصار لازم استقر واعمل عيلة ..
سمعت زمور عالي التفتت لاصرخ على الشوفير لان حسيت ادني رح تنفجر ، بس تفاجئت انو الميكرو فاضي وما في حدا غيري ..
الشوفير : آخر موقف ... بدك تنزل ولا كيف ؟
حملت أغراضي ونزلت انا وعم اعتذر ... ومستغرب من حالي كيف ما حسيت على الوقت ..
وصلت على البيت اخدت دش و تغديت واكدتلي أمي على الموعد وقالت انو اختي أمل رح تجي معنا ، حسيت انو بدهن يلبسوني هالبنت غصب عني .. فتت على غرفتي لريح شوي قبل ما يصير موعد الطلعه
حطيت راسي على الوساده و بقيت عم اتطلع بالفراغ لوقت ما غفيت عيني و ارتخيت ..
(( الساعه 6:00 المسا ))
ضربت المنبه بايدي و وقع عالأرض ومع هيك ما سكت ، فر