قصة اليوم : #رجل_المهمات_السهلة

.............
قراءة ممتعة🦋💙"
#ⴅÂÐЄĦÂ

#رجل_المهمات_السهلة
#الجزء الأول
>
بهالنهار الجديد وهالهدوء القاتم.. إتمنى إنه يفيق متل كل هالعالم ع صوت فيروز.. او زقزقة العصافير
تمنى نسمة هوا تمرق من الشباك وتفيقه
بس لا.. هي كلها اوهام براسه
لانه متل كل يوم ما بفيق الا بكف ع وجهه .. او سطل مي.. او صراخ جوا دنيه
وهالمرة فاق بأسلوب جديد من اساليبها
فاق وشعره رح يطلع من راسه

سيف: اااخ لك يخرب بيتك على هالصبح

هالة: الي ساعة عم فيق فيك

سيف: كذابة لا تكذبي ما فيقتيني ابدا.. ع طوول شديتي شعري

هالة: لك والله والله ضليت نادي وحاكيك وهزك من كتفك بس ابداا كإنك كنت ميت

سيف: يا سبحان الله.. اي بعدي بعدي الله ياخد صباحك

قام سيف وهوا عم يتحسس شعرو بوجع.. 

هالة: ههههه هلء هيك الله يسامحك ابن عمي

سيف: ااخ راسي عم يوجعني من ايديكي .. لك ارحميني وفيقيني شي يوم بكلمة حلوة

هالة: اي بلا حكي فاضي.. يلا جهز حالك لتفطر امي جهزت الفطور وعم نستناك

سيف: ماشي اسبقيني.. لاحقك

هالة: لاا تطول

سيف: لك حاضر بس لغير تيابي

نزلت هالة لبيت اهلها وتركته ليجهز حاله.. لف جوا هالبيت الفاضي واطلع فيه.. احتار شو يعمل اول شي
يرتب البيت ولا يجلي الجليات يلي تركهم المسا.. ولا يلبس تيابه ويلحق فطوره
ترك كل شي متل ما هوا وقرر يجهز حاله لينزل ع بيت عمه..
كان عم يتحرك بكسل.. ملل وديقة حال
من 6 سنين وهوا حالو ما تغير
لا قادر يرجع يلي راح ولا عم ينسى.. ولا عم يلاقي شغل.. واحساس النقص عم يرافقه طول الوقت
والي عم يزيدها عليه
احساسه بانه عالة على بيت عمه.. هالشي عم يقتله كتير بس ما ببين ابداً

نزل لتحت وفات ع بيت عمه.. كان متعود عليهم كتير كإنه واحد من هالبيت..

سيف: صباح الخير

ابو كريم: يا صباح الخيرات.. تعى عمي

ام كريم: اهلين ابني.. وينك لهلء.. اقعد يلا الشاي برد

سيف: يسلم ايديكي يارب

كريم: يلا استعجل بالفطور خلينا نطلع ع بكير اليوم

ابو كريم: ما مليتو من الدوارة على شغل

سيف: لا شو ملينا عمي.. رح نضل ندور لنلاقي ما فيها ملل القصة

كريم: اي لو انك بتوافق على الشغل يلي بجبلك اياه ما بتتعذب هيك

سيف: لك كريم انا درست 5 سنوات هندسة لاشتغل بالاخر سواق تكسي! الله يخليك اسكت لا تزودها

ابو كريم: ياعمي ما انت شايف ما حدا عم يلاقي شغل

ام كريم: لك خلص افطرو هلء واجلو هالحكي لبعدين

هالة: اي والله لا تهزو بدن الواحد عالاكل

سيف: انتي هامك بس الاكل.. لك انه يبين عليكي!!! ما بعرف وين عم تروحي فيه كل يلي بتاكليه

هالة: ما دخلك انت

ام كريم: لك احكيلها احكيلها.. ما عم يلحق عمك يشتري لهالبيت.. عم تنسف اول بأول

هالة: ييه والله ما عاد اكل شي

ابو كريم: ههههه لك تركوها بحالها للبنت

هالة: ياعمري انت مافي غيرك بخاف علي

سيف: ههههه اي كلي كلي.. دايمة ان شاء الله.. يلا كريم خلينا نقوم



كانو عم يمشو ورح ينسطلو من الشمس الحارقة.. الهم اكتر من ثلاث ساعات طالعين من البيت
وكالعادة ما استفادو شي
كل الوظائف يلي متوفرة ما بتناسبهم.. عامل بمطعم او شوفير او بواب عمارة.. وهما متعلمين ومتخرجين ومحتاجين شي يعوض التعب يلي تعبوه
سيف خريج هندسة .. وكريم ادارة اعمال
مبدأياً وافق كريم انه يشتغل بالمطعم يلي فاتو عليه.. بس سيف اتردد وما قبل

كريم: رح ترجع عالبيت معي

سيف: لا بدي روح مشوار.. برجع المسا

كريم: لوين

سيف: رح ميل شوف رفيقي

كريم: ماشي لا تتأخر ارجع قبل المباراة لنحضرها سوا

سيف: اي اكيد.. يلا بخاطرك

ركب سيف بتكسي وطلع.. سند راسه ع شباك السيارة واطلع حواليه
قديه هوا انسان مرح.. ضحوك.. اجتماعي.. بس وقت يختفي كل شي حواليه بتحول لانسان تاني
انسان ضعيف.. وحيد.. وهش من جوا
انسان قلبه محترق.. وعم يلوم حالو كتير
وصل عالمكان.. وفات عالحديقة
هوا ما راح عند رفيقه
بس راح لأكتر مكان بيريح باله
نزل عالحديقة المهجورة.. قديمة كتير وكل شي فيها بالي.. ما حدا بيوصلها
بس سيف وقت يفوت فيها.. بيرتاح.. بيرتاح كتير
قعد عالكرسي المعتاد وسند ظهرو.. غمض عيونو وبلش يتذكرهم
امه.. ابوه.. خواته ندى ونور
عم يتذكر صوتهم.. ضحكاتهم.. دموعهم
اشتقلهم كتير واتمنى لو انه ما فارقهم ابداً .. او إنه قدر يقنعهم لييجو لعندو
بس بعد شو! بعد ما خسرهم للأبد

__

كانت قاعدة بغرفتها عم تتصفح الفيس بوك.. كل شوي تفوت ع المسنجر لتحكايه ما بتشوفه متصل اله اكتر من 3 ساعات
قلقت عليه وطلعت لتسال عنه

هالة: كريم وين سيف ما رجع معك

كريم: لا راح يشوف رفيقه قلي رح يرجع قبل المباراة

هالة: ايمتى المباراة

كريم: هلء باقيلها تلت ساعة

هالة: مممم طيب

طلعت برا البيت وقفلت الباب.. قبل ما تطلع عالدرج التقو

هال