#رحلة البقاء
#عبد الرزاق الحجامي
🌠رواية تحكي مسيرة الأنسان في عالم مابعد الموت في عالم لايفنى وتتألف من قسمين (عالم البرزخ والقيامة الكبرى)
🌠اعتمد الكاتب الاسلوب القصصي الذي يجذب القاريء بحيث لايمل من قراءته ولايتركته الى ان تنتهى احداث القصة ومعرفة مصير الانسان النهائي
💡 الصراحة اني من شفت الاسم حسيت بخوف بس بعدين قررت انو اقراه واصير بطلة 💪 وفكرت انو اذا الاسم هيج خوفني شلون بعد يومين من راح اعيش اجوائه ؟؟ وراح اتفاجأ بشغلات اني غافله عنها .... قررت انو اقراه واعرف شنو منتظرني بحياتي الابديه وانو هاي الدنيا مجرد محطة مؤقتة ..وشنو لازم اسوي حته اعبر كل العقبات والانكسارات المنتظرتني
💡الكاتب جان كلش ذكي بأسلوبه بحيث يخليك تعيش حياة بطل الروايه (سعيد)وتتخيل نفسك مكانه ... شلون جان هالانسان مؤمن وانقتل غدر من صديقه ... ومن هاي اللحظة راح تبدي حياته الابدية وراح تتفاجأ وتنصدم من انو كل عمل الك مراح يروح اثره ابد وكل عمل اله بصمة ... قراءة القران نقذته من عذاب القبر ... الصدقه .. الصلاة ...الصوم .. الزكاه .. بر الوالدين .. الكلمة الطيبة ..اكرام الضيف ...ايواء المسافر ....وغيرها كل عمل جان اله تأثير حلوو بعقباته وجانت تخلصه من هواي عقوبات مجان وياه احد بهاي الرحلة غير عمله الصالح وعمله السيئ...وخطيه شكد تعذب بسبب بعض الاعمال مثل الغيبه .. الرياء .. التكبر .... بس كل هذا العذاب جان تزكية وتطهير لروحه واعماله الصالحه متركته ابد وجانت تنقذه بالوقت المناسب ... وبالاخير راح يخلد بالجنة وره ماشاف كل الاهوال ... وجان كل لحظة يندم ويتمنه انو يرجع للدنيا حته يزيد من ميزان حسناته واعمال الخير
💡الروايه ااابد مابيها ذرة خوف واتمنه الكل يقراها حته يعرف شنو ياخذ وياه بحياته الابدية ..ومايحس بأي ندم بعدين ...اذا قريت هذا الكتاب راح تختصر ع نفسك هووواي عقبات بيوم القيامه ...وراح تتفاجأ انو احنه شكد مصعبيها وانو الله لطيف بعباده ومجرد كلمة ايمان بنية صادقة منك هاي شكد الها اجر عظيم وانو ذنبك مهما كان كبير وتتخيل انو مستحيل ينغفر راح تعرف انو استغفار صادق وخاشع راح يمحيه 😍
# من العادات الخطأ انو اهلنه من الصغر ربونه على كلمة
#حرام ... كل زلة يكولك 💔 حرام الله يذبك بالنار بحيث صارت عنده فكرة انو الله ميرحمنه وح يحاسبنه ع كل شي غلط .. صحيح هالشي بس نسوا يعلمونه ... انو نعالج الخطأ بشي صح ... لأن بالمقابل اكو
#جنة 🌿☁
زرعوا كلمة
#حرام بكلوبنه لدرجة انو الشخص ظل يتمادى بالغلط ويكول
#يلا اول وتالي اني بالنار ..... 💔 هاي الروايه حتثبتلك العكس ...
#رواية زيدت عندي الامل وخلتني احب الجنة واشتاق الها😍 رواية كلش اعتز بيها لأن غيرت بيه هووواي شغلات وفتحت عقلي وكلبي ونبهتني ع اشياء چنت غافله عنها وخلتني اعرف قيمة نفسي عند رب العالمين😍
