#بقلميalaa
#رهان_مقبوض
الجزء الاولى:
احيانا بنمر بموقف بحياتنا صعبة بتخلينا نغير شي جواتنا واحيانا صدفة بتغير حياتنا 180درجة واحيانا كذبة بتتحول لحقيقة
((في جامعة))
بسام:شباب انا حابب اتسلا وفي فكرة براسي رح تعجبكن اكيد بس بدي متطوع
عامر:اي احكي شو هي
بسام:شايفين هي البنت هنيك يلي اسمها حكمت
منير:اي قصدك المسترجلي البشعة هي هههههه
عامر:اي خلصني شو بدك فيها
بسام:مين منكن بيقدر يطبقها ويخطبها مقابل سفرة مرتبة على حسابي
عامر:مالقيت غير هلبشعة مالك شايف كيف عامل شكلها متل الشباب
منير:اممم انا موافق بس بدون خطبة مستحيل اعلق بهيك وحدة
بسام:لك يا فهيم خطبة شكلية وبعدين تركها بس لحتى نتاكد انها اطبقت معك
منير:طيب موافق بس كيف بدي اصدق انك ماعبتضحك علي واضمن الشرط
بسام مسك موبايلو:بنسجل صوت على موبايل بالاتفاق يلي بينا وبيبقى مع كل واحد منا نسخة وهيك بتضمن حقك شو قلت
منير:فكرة حلوة خلص انا موافق لايمت اخر مهلة للشرط
بسام:معك شهر كامل ورح تبلش من يوم
عامر:ماعجبتني الفكرة حكمت ماحلوة ابدا لو منقي بنت حلوة نتسلا فيها ههنهه
بسام:اي صح مسترجلة بس حلوة اتطلع على جسمها بجنن
منير صار يطلع بحكمت:اي والله جسمها كتير حلو بس صعبة هلبنت مابتحاكي حدا وقوية كيف بدي طبقها
عامر:شكلو صاحبنا استسلم
منير:لا شو استسلمت لك انا مطبق نص بنات العالم هي بدها تصعب علي هههه
بسام:كفو منير فرجينا مواهبك
منير وقف وصار يزبط تيابو:شوفو وتعلمو لكن
الجزء الثاني:
مشي منير وقرب من حكمت كانت قاعدة مع راما صديقتها بطاولة لحالن
منير:هاي صبايا ممكن اقعد معكن
حكمت اطلعت فيه من فوق لتحت وكشرت وجهها:لا
منير خجل ومشي من قدام الطاولة رجع قعد مع رفقاتو
عامر بيضحك:شو شفتك رجعت وين هاد يلي مابتصعب عليه بنت وتعلمو ومابعرف شو
منير:يالطيف شو جقرة بس مو انا يلي بستسلم بتشوفو بكرة كيف رح طبقها وعلقها فيني
بسام:اي لنشوف
حكمت صبية حلوة من جواها بس عايشة دور الصبي القوي
ابوها كان حلمو يجيه ولد ويحمل اسمو
لما حملت امها وجابتها ابوها طلق امها
حكمت عايشة ببيت جدها أهل امها لما وعيت صارت تسمع من ناس كيف ابوها ظلمها هي وامها وتركهن وما سأل عنهن بس هي ماكانت بتعرف شو القصة
((قبل 5سنين))
حكمت:ستي احكيلي عن امي وابي كل مابسألكن شي عن حياتن مابتجاوبو
جدتها فايزة: حكمت ياعيوني انتي كبرتي وصار عمرك 20سنة ولازم تعرفي الحقيقة كاملة سمعيني منيح وحاولي تركزي معي
امك تعذبت كتير بحياتها مع ابوكي لاني كان مقضيها شرب وسكر ومن بنت لبنت صبرت عليها وقالت بس يجيه ولد بيتغير
وفعلن اول ماحملت امك طار عقلو من فرح وبدا يتغير ويبطل شرب وسكر بس لما صورة امك وطلعت حامل ببنت ابوكي من كتر ما كان يعرف بنات فلتانات صار يكرهن وصار عندو عقدة من كل شي اسمو بنات
محمد(ابو حكمت): شو بنت لك انتي جنيتي ولسع واقفة امشي معي نزليها
هند (أم نضال): خاف الله يا رجال بدك نقتل روح انا حامل بشهر الرابع ومابجوز نزلها
محمد مسكها من شعرها:لا تجننيني رح تنزليها واجرك فوق رأسك انا مابدي بنات بكرهن بجيبو العار وبحطو رأسنا بأرض
يتبع....