ل اللي بنتي حاملتو هو ابن ابنك ...لك مش قادرة اتحمل ..
#صفاء : امي جاوبني شو..
#الياس: ياربي ياربي .
#ابو الياس: اذا بعرف يابي انو انت اللي عامل بالبنت هيك لا انت ابني ولا بعرفك فهمان ..
#صفاء : شو صرلك ابو الياس ابنك مو هيك ...هاد ابنك شو عم تحكي ..
#ابو الياس: انتي اللي شو صرلك ..المرة وبنتها عاشو عمر تحت ادينا ماشفنا منهن عاطل من يوم ما ابنك شرف وحياتنا انقلبت ..واحد سكرجي وحشاش وتبع بنات مارح تكون عليه انو يغتصب طفلة ..
#الياس: انا ما اغتصبتها هي يلي طلبت ..
#صفاء : يعني شو هالطفل ابنك ..
#ريهام : كداب بنتي قدامي تخجل تلبس تيابها ...انت اغتصبتها من كنا رايحين نسجل لبنتي بالبلدية واتاخرنا روحنا متاخرين وكان هو معتدي على بنتي وخبرتك انو هي اتزحلطت وانتي شكيتي بالامر.. كان وقتها ابنك معتدي عليها ..اعطيني ايدك ..شايفة هاد الجرح من بنتي لانو اعتدى عليها قبل بيوم ..كانت عم ادافع عن حالها ..بنتي مابتعمل هيك ياصفاااااء مابتعمل هيك ...
#صفاء: يا مصيبة ...الياس الحكي هاد صح ..قلي امي خلينا نحلها لاتكدب قلي شو صار معك ..
#الياس : مابدي احكي سلام ..
#ابوالياس: لاترجع علي البيت وانسا انو عندك اهل ...
#صفاء : اختي حقك عليه بترجااكي سامحيني على كلامي ..والله شو مابدك رح اعمل ..حسبي الله ونعم الوكيل مابعرف شو اللي وصل ابني لهاد الحال..
#ريهام :شو بقي لالي فهميني اختي شو بقي ..شو ذنبها هالطفلة يصير معها هيك ..شو اللي اذنبتو لتقلب الدنيا ضدي وضددها هيك ..احكيلي شلون اتخلص من هالمصيبة ..الطفل طبق 4 شهور يعني حرام اجهاضووو ..يعني المصيبة الاكبر ..طيب بنتي انتهكت عذريتها وماعدت افرح لالها بشي ..قليلي شو الحل ..
#صفاء: انا رح حل القصة ورح ابني يتزوج رباب .ذنبو بعرف بس رح كل شي يتصلح ..
#ريهام : ليش انتي مانك حاسة فيني...عم تحكي انو كل هالمصايب بس #مجرد_ذنب صغير ابنك ارتكبو ..وقادرة انك تصلحية ..طيب حليتي قصة الطفل وبدك تنسبيه لابووه طيب بنتي شلون رح تحلي اللي صار بقلبها ونفسيتها ..خليني قوووم تعباني ماقادرة اعمل شي ..
#صفاء: ريهام انطري اختي والله لنصلح كل شي..
#ريهام : هي ريهام مابقيت ريهاام صارت روحها ميتة وجثة ماشية على الارض سرقوا منها حتى فرحة بنتها ..يارب يارب مالي غيرك انقذني من يلي انا فيه ..
#ابو الياس:كأنو جرس البيت عم يدق ..
#ريهام : البنت البنت ..
#ابوالياس : اتفضل مين انت ..
#ريهام : ابي ....عبدالله ..
#ابو الياس: مين هادول ..
#صفاء : مين انتو وشو بدكن ..
#ابي : واخيرا ..مجهزلك الكفن ..صرلي عمر ناطر هالشي ..
#ابو الياس : كفن شووو وعمر شوو مين انتو ..
#عبدالله : جوووز المحرووسة....وابوها ..شو ست ريهام بتفكري مانقدر نصل لالك ...
#ريهام : مين انتو وانا مابعرفكن ...اخي ابو الياس دق على الشرطة بسرعة ...
#ابي: اخوكي ..ماشاء الله وصار عندك اخوات ...
#عبدالله : مشي مشي ..
#ريهام : اتركني لو سمحت ..
#صفاء : اللي بقرب من ريهام رح قووصوا ..
#ابو الياس : صفاء شو عم تعملي اتركي السلاح من ايدك ..
#صفاء : لا مارح اتركوا ..هيك عالم من زمان كان لازم ينمحي اثرها ...
#عبدالله : مشي عمي ...مشي ...اسمعي مصيري ادفنك بايدي ياعاهرة ..
#ريهام : الله ينتقم منكن يا جهلة ..انا حسابي معكن ماخلص ..وانت يابي الله لايسامحك لابدني ولا باخرة ...
#صفاء : ابو الياس قفل الباب منيح وراهن ...احنا لازم نخبر الشرطة الوضع صار خطير ..
#ريهااام: بنتي بنتي ..رباب ماني لاقيها بترجااكن رباب مانها موجودة ..وين بنتي وين راحت حد يساعدني ..بنتي وين راحت..
#صفاء : مصيبة معقول اخدو البنت معهن ..
#ريهام : لا لاتقوليها بترجااكي هلاء رح يقتلوها بقضية شرف ساعدني ابو الياس ..
#ابو الياس : رح خبر الشرطة ...
#ريهام : انا رح اطلع دور على بنتي بالشوارع مافيني مافيني اتحمل ..
((بعد مرور 7ساعات بالزبط بنتي ما ظهر لالها اثر ماتركت مكان اللي بحثت عنها فيه...صرت متل المجنونة دور بالشوراع وبالبيوت وانا عم دور على بنتي ...
#ابو الياس : اتصلت الشرطة وخبروني انو مافي اثر للبنت ..حتى فتشو كل بيوت قرايبهن ..والمصيبة الاكبر انهن ناسيين انو عندهن بنت اسمها رباب..مابعرف هني متقصدين بكدبوا ولاهني ناسييين انو عندهن بنت ...ماتركنا مكان بخصهن حتى اصحابهن مالقينا عندهن شي ..
#ريهام : يعني شوو بنتي اختفت خلص ..
#ابو الياس : تركنا حتى عالم تراقبهن ..حتى الاتصالات تبعتهن مراقبة ...ولهلاء مافي نتيجة ...
((مرق اسبوع كامل وانا حتى مو بوعي عم اتصرف متل المجانين ..حياتي انقلب على عقب بفراق بنتي ...
#عبدالله: وين بنتي ريهاام ..
#ريهام : ماعندي بنات لالك ..
#عبدالله : بنتي رباب وين راحت ..
#ريهام : قلتلك ماعندي بنات لالك ...
#ابو الياس : انت شو جابك لهون ..
#عبدالله : انت لاتدخل بيني وبين مرتي انا عم اسال عن بنتي ..
#ابو الياس : الظاهر انت مارح تبعد من هون الا على جثتك ..
#صفاء : ابو الياااس ..ليكو الياس رد عليه ..

ريهام ريهام البنت معوو..
#ريهام : بنتي اخدها الياااس ..
#عبدالله : مين هاد الياس ..
#صفاء : ابني زوجها لرباب؟؟
#عبدالله : زوجتي بنتي كمان ..
#صفاء :اي ورح يصير عنا احفاااد ..
#الشرطة : اخ عبدالله فيك تتفضل معنا على المخفر ..
#عبدالله : لقاائنا قريب ريهام ..
#ريهام : الله ياخدك ..احكيلي طمنيني شو صار صفااء ..
#صفاء : دقلي ابني بقلي ..
#الياس : الو امي
#صفاء : الياس وين انت امي ..
#الياس : امي مانو وقتو انتي بالعيادة ..بدي جيب مرتي تعباني على الاخر ..
#صفاء : مرت شو وشو بتحكي ..
#الياس : رباب امي ..
#صفاء : رباب معك امي ..بتحكي جد ..شو صاير معها لك ماتركنا مكان الا دورنا عليها فيه ..
#الياس : امي انا اخدتها واتزوجتها وانا رح صلح غلطي بايدي ..
#صفاء : والبنت ..
#الياس : ماقبلاني لاتاكل ولاتشرب وحالتها للاسوء دقيتلك لتساعديني ..لانو ابي لو عرف رح يقلبها جحيم عليه
#صفاء : ماشي امي ناطرتك انا بالمشفى ..
#ريهام : يعني شووو بنتي مانها بخير ليش لياخدها هيك ..مجنون هاد الياس مجنون ..
#صفاء : اختي خليكي هون ..انا وابوه رح نجيب بنتك ..
#ريهام : لا مافيني مافيني بدي اطمن على بنتي رح موت عليها ..
#صفاء : طيب مشي معنا بس انطري لنقدر ناخدها منو ..
((من شفت بنتي قلبي غص حالتها بالويل ...وجها الاصفر ونحافتها المو طبيعية..حتى الياس قاعد جنبها ومتكمش فيها متل المجنون ..كان نفسي اقتلو بمكانو هو السبب يلي بنت وصلت لالو ...اخدت بنتي يومها بالعافيه من الياس ...وبقي متل المجنون ينام جنب الباب..
#الياس : بدي مرتي بدي مرتي: بدي يجيني صبي رح سميه قيس ..
\
#صفاء : يا امي ياحبي شايف حالتك شلون اتركها ترتاح الله يخليك ..ياربي احنا نااقصين ريهام افتحي هااااد ابوكي وعبدالله ومعهن رجال ...
#ريهام : شووو في ..وينهن ..يارب يارب هو انا ناقصة ..
#الياس : امي مين هادولي ..
#ريهام : اهلها لريهام ورباب
#عبدالله : ريهام اذا ماطلعتي بنتي هلاء رح احرقك بارضك انتي ويلي معك ..
#ريهام : لا اسمع منيح ريهام الضعيفة ماااعادت انت مالالك عندي بنات ..رباب لالها جوزها وعندها حياتها ..ومالك حرف واحد معها ..انت كلامك معي انا ...حقي وحق بنتي ماني نااسيىة..الظلم اللي شفتو منك انت وعمي وابي ومرت عمي مابنساااااه ...
#عبدالله :ارحميني ريهام ابي وامي بالفراش لا بكشو ولابنشوو ..وبنطروا رحمه الله انا جيتك لارجعك لبيتك ..انتي وبنتي ...انا ماتركت مكان الا دورت عليكن فيه ...لاتخليني اتصرف تصرف مانو منيح ..
#ابي: ضبي تيابك ومشي معنا ..
#ريهام : لا ماحزرتو ..انا قاعدة جنب بنتي ..واللي بيطلع من اديكن اعملوه ..
((بهاداك الوقت اجت الشرطة والدنيا قامت وقعدت ..تاني يوم وصلني خبر من ابو الياس انو اهلي منزلين تبرئة بالجرايد مني..واني مو بنتهن ...الله معهن ..هم وانزاح عن قلبي ..وخاصة انهن كتبو بالدولة ورق تعهم لايقربوني ولايقربو بنتي ..واللي انجد بنتي انها على اسم عيلة ابو الياس ..وورق الزواج اللي عملو الياس بالقوة لبنتي رحمها من انهن ياخدوها مني اهلها ...وبعد باسبوع وصلتني ورقة طلاقي من عبدالله ..اما بنتي فزوجتها رسمي وبفرح ..ماكان حد بيعرف انها حامل مع انو بطنها كان بارز شوي بفستان الفرح ....بس ماكان باين عليها حتى ذرة سعادة كان فرحها كئيب ..علاقتها هي والياس مانها مقبولة ...ميتة ..رغم انو صفاء وابو الياس وحتى الياس حاولو يسعدوها بس ماقدروا اللي انكسرعمروا مايتصلح ..لعند ما بنتي ولدت وجابت ابنها قيس ..كنت شووف طفلة وعلى ايدها طفلة ..هالشي خفف عن بنتي شوي وبلشت تتقبل حياتها نوعا ما ..وتتقبل الياس ..
#رباب : مع مين مشغول ..
#الياس : رباب مو مع حد ..بس شو هالسؤال الغريب بحياتك ماسالتيني هيك ..
#رباب : اها صح نسيت ..مادخلني ارجع كمل حديثك مع البنات ..
#الياس: احم احم بتغاري ..حقك لانو جوزي شخصية وحلو ..
#رباب : شو مغرور..
#الياس: ههههه دخيلو اللي بغار عليه ..كنت حاكي رفيقي
#رباب: بس انا مابغار..
#الياس : اي صحيح شو كنتي بدك تخبريني..
#رباب : انا حامل ..
#الياس : جد ..ياربي شلون مو كنا عاملين حسابنا منيح ..
#رباب: مابعرف اسال حالك ..
#ريهام : شو يا ولاد اليوم الوضع هادي ومافي مناقرة ..
#الياس : هههه هيك شي ..بس مرتي الحلوة حامل ..وبتوقع متل ماقلت عن قيس صبي بتوقع جاية لالنا عرووس حلوة اسمها ريهااام ..
#ريهام : هههه جد الف مبروك ..ريهام مرة وحدة ..ان شاء الله يكون ..حظها غير حظي..الحمد لله انو الله اصلح الاحوال. وحياة بنتي وحياتي صارت طبيعية ..مرت ظروف علينا تكسر الضهر بس صبرت الحمد لله ..عمري صح ضااع بس فداها لبنتي ..
#انـــــــــتـــــــــــــهـــــــــــت ..
حبيباتي بداية القصة بتحكي عن وقت ما رباب انخطفت ...للتوضيح فقط...

#مجرد_ذنب

الجزء الاول..الثاني الثالث الرابع الخامس ..السادس

ام رباب هيك كانو يقولوا لالي ..بس هلاء ماعاد عندي رباب ..يمكن مو محلي هاد لاحكي فيه قصة ..قصة بنتي اللي ضاعت مني بقضية شرف بلا ذنب..او مجرد ذنب ...قصة لامست فيه كمية المأساة اللي بتفرضها علينا العادات والتقاليد بغياب الدين ..عادات مبنية على حقارة اصحابها ..جالسة انا هون بغرفة بنتي جنب سريرها ومكتبها الصغير وخزانتها اللي فيها كم قطعة تياب قدرت جمعهن لالها من تعبي ...انا الام اللي قرشت الصخر كرمال حقق لبنتي مطلبها ..العيشة اللي عشتها انا هي السبب اللي وصلتها للي هي فيه هلاء ..مافيني اوصف كمية الالم اللي عم يسري بشراين دمي .. حسرة ووجع والم ودموع ..

#جمايكا : ست ريهام انا بدي اسمعلك بدون هالدموع ..بعرف اني عم فتحلك جروحاتك بس انا بدي اتساعديني لتوصلي رسالتك لكتير امهات عم يقرأو قصتك ..

#ريهام : هالامهات اللي عم يتابعوكي ياجمايكا هني انا ..سدقيني ضعيفات بظل الرجل الشرقي المتسلط او المجتمع العربي المغلق ..المنحصر بالعيب والحرام ..انا متاكدة من كل عشر ستات هلاء عم يقرأو قصتي في وحدة منهن فقط بتنام بدون دموع وبالصدفة كمان ...حاجتك تقليلي الستات قوايا ...انا وانتي وهي وهاديك وغيري وغيرك كلنا مرينا بنفس المواقف المؤلمة ..بدك تنكري انك كمان شخصية عانت بحياتها ..

#جمايكا : لا مابنكر بس انا ما اغلقت على حالي متلك ..مابقيت عايشة تحت هالظلم انا اتمردت انا رفضت انا دست ومشيت فوق جروحي ..انا اعلنت الحرب وانا واجهت ..رفضت كون مجرد دفااع ..انا صرت حماية ..انا اللي هزمت تسلط مجتمعي عليه ..انا بنيت لالي سلطة ..انا كنت رئيسة عقلي ..انا اللي رسمت شرقيتي ..

#ريهام : حاجي خلص انتي عم تضغطي صرلك ساعة عليه ..مافيني احكي مافيني خليني هون ابكي حظي وادمي قلبي ...انا بدي ضل اتذكر اللي صار لحتي هالروح تفارقني..انتي عرفاني شو اللي مريت فيه ..

#جمايكا : بدي اسمعلك ..بدي اعرف شو اللي مريتي فيه ..من شو عانيتي ..احكيلي شو اللي صار معك ومع بنتك رباب يمكن اقدر وصل رسالتك ساعدك افهمك...يمكن اتكوني انتي طوق النجااة لالف ام عم تعاني متلك يمكن تكوني عبرة لالف بنت غير رباب ..

#ريهام : طيب ساعديني قليلي شو احكي قليلي من وين ابلش ..

#جمايكا : بلشي من حالك من عندك .بلشي من ريهام الصغيرة ومن كبرت ولوين وصلت .بلشي من يلي مخبااا صرلوا عمر بقلبك ..بلشي باللي عم يدور هلاء بعقلك من الذكريات اللي ماعم تفارقك ..

#ريهام :تعرفي ريهام الصبية الطويلة اللي اتزوجت ابن عمها لان بنت العم مابتصير تروح للغرب ..عشت عيشة حتى الحيوانات مابتعيشها ...سدقي اول ما اتزوجت اعطوني غرفة ببيت العيلة مالها باب ...ومن افوت الحمام كنت روح احفر برمل اللي ورا الغرفة لاحسن اخلص حاجتي وبالاخر طمها ..كنت من اجوع انطر حماتي تعطيني الموافقة فووت المطبخ اعمل اكل ..ومابكدب عليكي ماكان مطبخ كان عبارة عن رف بغرفة مرت عمي .وتلاجة صغيرة جنب سريرها ..الحياة مع دار عمي اشبه بالحظيرة ..مع انهن اصحاب اراضي وبخير ...كان جوزي عبدالله عم يشتغل بمطعم كبير ...كل راتبو كان بنترك تحت سلطة حماتي ..وتعطيه على قد بكيت سجاير يشتريه ...الامر ماوقف على هيك ..كنت كل طفل جيبو اجهضو من التعب اللي اتعبو بحصد محاصيل الاراضي لان هالشي كان متل اجبار عليه ..لعند ماعرفت اني حامل بالشهر السادس ببنتي رباب ..ماكنت اعرف غير من شفت حجم بطني صار كبير ..يومها خبرت حماتي اني بدي روح على عيادة البلدة افحص .

#ام عبدالله: لا مافيكي تروح ماعنا نساوين بتنكشف على دكاترة بقتلك جوزك ..اقعدي ببيتك وروقي ..بكرة بتجي ام صابر وبتشوفك .

#ريهام : بس ام صابر عندها مرض جلدي بايدها ومابدي تكشف عليه ..

#ام عبدالله : لا بتلبس شي بأيديها ..حماكي جاب صناديق البطاطا جبيهن من برا ..

#ريهام : عبدالله قلي هو بحملهن ..

#ام عبدالله : وليش مابدك تحمليهن انتي ...شو حابة يصير عبدالله تشتوش عندك ..

#ريهام : مرت عمي مو هيك ..بس بخاف كون حامل واجهض الطفل ..

#اام عبدالله : بلشنا بدلع النساوين ...انا قايمة رايحة اجيبها لم صابر لتفش هالبحصة اللي عندك ....اسحبي الصناديق سحب خلصيهن قبل ليجي عمك ويعملك قصة ..

#ريهام : حاضر متل مابدك مرتي عمي ..

#عبدالله : وينها امي ..

#ريهام : راحت تجيب ام صابرالداية ..

#عبدالله : مو قلنا رح تروحي على العيادة ..

#ريهام : رفضت مرت عمي شو اعمل ..

#عبدالله : اها ماشي متل مابدها امي ...

#ام عبدالله : اتفضلي ام صابر ...والله جبتك على ملا وجهك ..بس يا اختي بدي شووف دلع هالكنة متى رح يخلص ..

#ام صابر: على خير ان شاء الله ..ياستي يمكن الله يرزقكن صبي تفرحي فيه ؟؟

#ام عبدالله : اي صح لاتبشريني يختي لو فيها زيت لضوت ..

#ام صابر : اتمددي يابنتي افحصك ..

#ريهام : حاضر ..

#ام صابر : اهااا ياعيني ..وبس

م الله ماشاء الله .الف مبروك اختي ام عبدالله حامل كنتك وبالسادس يالسابع ..

#ام عبدالله : يوووه وليش مابان عليها ..

#ام صابر: مشانها ضعيفة ...بطنها صغير ..غذووها منيح مشان الحمل يكون قوي ..

#ام عبدالله : اهااا ان شاء الله ...

((كان هاداك اليوم اول يوم اتبشر فيه بحملي برباب ..مرقت الايام بالقوة ..كانت ايام النكد تزداد وحماتي ماعجبها وضعي كانت على طول تتصنع المرض لاحمل كل تعب البيت على كتافي ..وماكان يعجبها انو حد يهتم فيني ..كان جوزي من يجيب شي لالي يخبيه بالقوة مشان لاتشوفوا واواقات تصير تفتش اكياس الزبالة حشاكي لتشوف شو مخبى فيه ...

#ام عبدالله : والله بحياتكن مارح تصيروا رجال اللي بدسس لمرتوا اشكال والون مارح يجمع مال..

#ريهام : عبدالله فيق مرت عمي صوتها طالع وشكلها معصبة كتير ..

#عبدالله: تعبان من الشغل ..خليني ارتاح....

#ام عبدالله : شوووو نايمين صارت الساعة 7 طلعت الشمس وانتو متلحفين بالفراش ..

#ريهام :((همس)) الله يجبر علينا ونركب باب ل هالغرفة ..مرت عمي انا فايقة من بكير بس عبدالله تعبان من شغل امبارح واليوم الجمعة يوم راحة ..

#أم عبدالله : روح ينفخكم ..قوم ياامو شو لحست عقلك المراا ...

#عبدالله : شو امي خبريني .

#ام عبدالله : شو هالعلب اللي باكيااس الزبالة ..شو يا امي من يوم ما اسمعت انها حامل صرت ادس مصاري عني ...

#عبدالله : امي كلهن علبتين سردين ...اشتهتن مرتي ..ماني جايب شي ..بعدين هادولي من حق علب السجاير اللي باخدهن منك...قلت مابدي جيب سجاير بجبلا اللي نفسها فيه .بعدين حامل ومن حقها تاكل اللي بدها اياه ...

#ام عبدالله : تصطفل انا عم اتعب حالي لاجمع مصرياتك مشان تشتري ارض لالك ..اضل ساندتك ..خلصي قومي خلينا انجهز الغدا رح تصير ساعات الظهر . سابقتك على المطبخ ..

#ريهام : حاضر مرت عمي ...

#عبدالله: الله يسامحك ليش كبيتيهن العلبة ..اتركيهن لالي وانا رايح للشغل بكبهن هلاء رح تحكي لابي ويعملي قصة وسيرة...

#ريهام : ابن عمي هادولي سردين بيطلعو ريحتهن بالغرفة ..انا شو عرفني انها رح تفتش الاكيااس ..

#عبدالله : انتي مانك عرفاها لامي ..لك بتعرف كل صغيرة وكبيرة وبتعرف متى حملتك ..قايم انا اتحمم وروح على الصلاة قومي ساعديها ..

#ريهام : حاضر متلك مابدكن ..

الجزء الثاني..

((حاضر ونعم واللي بدك اياه ..هي الكلمة اللي كنت رددها ..بحياتي مارفضت شي او قلت لا لشي .....كنت دايما اقبل اي ظلم او اي طلب بقلب راضي ومتحمل ...كانت الحياة عبارة عن اوامر ولازم تتنفذ ...وماكنت اقدر ازعل وارجع لعند اهلي لانو هالشي مابصير وغلطة بحق عمي الكبير..وماكنت اقدر اشكي لامي شي ..ويوم ولادتي جبت بنتي رباب اللي كل العيلة قابلتها بالاشمئزاز .

#ام عبدالله : صامت صامت وافطرت على بصلة بنت جابت يا ابو عبدالله بنت ...

#ريهام : مرت عمي كلو من الله خير ..

#ام عبدالله : اي خير يختي هم البنات للمات ...الله يستر من المخبى ..

#ريهام : شو بدك تسميها عبدالله ...

#عبدالله : سميها اي اسم ..فلحة طلحة اي اسم انا رايح على الشغل ..

((الحمد لله كان نصيب بنتي من يوم ماخرجت على هالدنيا ماحد كان متقبلها انترك امر تسميتها لالي وسميتها رباب..تيمن بجمالها وبياضها ..لان اسم رباب السحابة البيضاء ..كانت متل البدر وجها وملامحها كتير صغيرة ..حماتي ولايوم حملتها وعمي كان يرفض وجودها من انكون قاعدين ..وجوزي من يوم ماجبتها يمكن مرة وحدة حملها .كان يكره يسمع صوتها وهي بتبكي وبالليل يهرب لعند امو ينام لانو بنزعج من يسمعها تبكي ..حماتي ماتركت كلمة الا كرهتو بخلفة البنات .صارت بنتي وهي باللفة وصمة عار على العيلة ...واللي كان يزعلني اكتر هو اهتمام جوزي بأبن سلفي ..كان على طول مهتم فيه ويحملو ويلاعبو ..كبرت بنتي وصار عمرها سنتين ..اتخيلي تكون قاعدة بنتي على باب الغرفة وعم تطلع بأبوها وهو عم يلاعب زين ابن عمها ...ومن يجيب لالو العاب والله مابكذب بنتي عيونها ترغرغ دمع وهي بهيك عمر ..ماكان تستجري تروح لابوها مبسوطة برجعتو لان اول مايشوفها يدفشها ..حتى اوقات تهرب منو وتخاف ..ماحد كان حنون على رباب الا انا وخالها عماد ..مرقت الايام والسنين وبنتي صار عمرها 8 سنين ...يوم اللي رحت اخد بنتي من مدرستها لان كان اجتماع اولياء الامورر..ومن رجعت لقيت في عرووس ببيتنا ...

#ريهام : مرت عمي شو في هون ليش هالناس عنا ؟؟

#ام عبدالله : هاي عروسة ابني ..

#ريهام : بس رأفت عمروا 16 سنة معقول جوزتيه ..بدون مانعرف ..

#ام عبدالله: لا هاي مرت عبدالله ..

#ريهام: عبدالله ..هو عند ابن اسمو عبدالله غير جوزي ؟؟

#ام عبدالله: لا هو عبدالله جوزك ماغيروا ..جوزتو لوحدة نافعة تجيب لالو صبيان ..

#ريهام : مرت عمي شو بتحكي انتي ...عبدالله عبدالله ..

#عبدالله : ليش بتصرخي هيك ..

#ريهام : مين هاي اللي برا ..

#عبدالله: مرتي الجديدة ..

#ريهام: شووووووو من عقلك انت ..

#ام عبدالله : اي من عقل

و لا حرام ولا عيب ابني ومن حقو يتزوج

#ريهام : مش مسدقة

#ام عبدالله: لا سدقي ..ابني صرلو اشهر برتب بالغرفة اللي على الشارع ..كرمال يجوز

#ريهام : عبدالله بدك تسكنها بالغرفة اللي بعت كل ذهبي كرمال ننقل عليها ..مو انت قلت لالي هاتي ذهبك بدي ابيعهن واشتري ادوات بنااء واعمل الغرفة الخارجية وننقل عليها ..وانا مبسوطة اعطيتك كل شي بالاخر تاخد ذهبي وتبني غرفة لتتزوج فيها وتجيب لالي ضرة ..حسبي الله ونعم الوكيل حسبي الله ونعم الوكيل ..

#ام عبدالله: بعدي هيك ..امشي ابني الناس ناطرين برا ..لاتهتم لكلامها لهاي انت الشرع حلل لالك 4 ...وبعدين اذا على ذهبها ماهي اكلة وشاربة صارلها سنين هون ..روح انبسط بحياتك وجيب صبيان هاي ريهام ارضها قاحلة مابتجيب هيها صارلها جايبة البنت 8 سنين ماشفنا شي لا حمل ولاشي وانت يامو من حقك يكون عندك اولاد عزوة لالك ..

#ريهام : استنا قبل لتروح طلقني ياعبدالله ..انا مابدي ضل معك هووووون ..

#ام عبدالله : فووتي جوا مو وقت مشاكلك..بعدين اذا ابني طلقك وين بدك تروحي تعيشي عند نسوان اخوتك ولا امك طريحة الفراش ..فوتي خلي هاليوم يمر على خير..

#ريهام : والله اذا ماطلقتني ياعبدالله لاحرقكن ..

#ابوعبدالله : شوو ياكنة مابدك تصلي علي النبي ..اعطيني الكرباااج ولك انا عمها ولازم رييها منيح ...

((اليوم اللي جوزي اتزوج ..كنت انا عم اتألم من جلدات الكربااج اللي ضربني فيها عمي ..برا زغاريد وجوا نوواح ....اتقبلت الامر واتعايشت معو حكم القوي ..وجوزي ماعاد يجي ينام عندي الا قليل وبالاحرى من تجي لضرتي الزايرة الشهرية او من تكون نفااس ولادة وعندها امها .. صارت الغرفة اللي انا مسكرها بلووح خشب لالي ولبنتي رباب ..وحياة العز صارت لضرتي بسمة وحماتي ...وجابت بسمة اول توأم اولاد...وبلشت حياة العز تظهر عليها ..غير كبش العقيقة اللي صارو ينذبحوا والافراح اللي ماعادت تفارق اهل جوزي ...والكل عم يتراقص على جروحاتي ...صبرت الحمد لله وصار عمر بنتي 10 سنين ..وجوزي صار عندو من بسمة 4 اولاد ...و بيوم عرفت اني حامل كمان مرة ..بس شو اوصفلك اني كنت خايفة اتكون بنت ...بس ضليت مخبية موضوع حملي .....اساسا ماكان حد مهتم لالي او لبنتي رباب ..كنا مهمشين بالبيت ...وكنا مانا موجدين وماكنت اسمع اسمي الا من يكون اكوام الجلي او الغسيل ..مشان اخلصهن لان ضرتي كانو اديها محنايين ..مو هي ام الصبيان ...

الجزء الثالث..

#عبدالله : بدي اسئلك انتي فيكي شي ...

#ريهام : ممم لا ليش ..

#عبد الله : كأنك ماكان لالك نفس تاكلي وصرلك ايام مانك طبيعية وبتراجعي كتير ..

#ريهام : انا لا مافي شي بس تعب ..

#بسمة : عبووودتي حبيبي وينك..

#ريهام : مرتك عم تنادي عليك اكيد بتكون فقدتك ..

#عبد الله : اليوم بدي ضل هون ...

#ريهام : شو السبب...

#عبد الله : شو اللي شو السبب .بدي ضل بغرفتي التانية ..بدي نام وارتاح منيح ..

#بسمة : عبدالله ..عبوود ..انت هوون.

#عبدالله : ليش ما اخدتي اذن لتفوتي ..

#بسمة : شلون اخد اذن ...اها انسيت دق على الحيطان ..بس عندي فضول ليكني صرلي اكتر من سنتين وعايشة هوون ليش هالغرفة مالها باب ..يعني لوح هالخشب مارح يحمي من برد ...هههه عبودي مابدك تجي تنام بغرفتك المريحة اكتر ومعطره ...بخاف عليك من رطوبة هالغرفة تتمرض منها ..

#عبدالله : لا بدي نام هون ...فيكي تطلعي وتتركيني ارتاح...جاي علي بالي اقعد مع بنتي ..

#بسمة: بنتك غربية ..اول مرى اسمعها منك ...يالا تصطفل خلي هالبرد ياكل عضمك ...انا رح قفل باب الغرفة بالمفتاح مشان ماتجي تقلي افتحي ..اذا بردت روح عند مرت عمي نام ...

#ريهام : انا بقول روح لعند مرتك بالدفا ارتاح متل ماقالت ...

#عبدالله : لاء في موضوع بدي احكيه معك ..

#ريهام : اها قلي ...

#عبدالله :ثواني جيب غطاا دافي ..طلعت جد هالغرفة باردة ..شلون متحملة النوم فيها ..

#ريهام :لا بالعكس على الاقل حيطان هالغرفة ادفى بكتير من قلوب ناس متحجرة ..بعد شو جاي تذكر انو هالغرفة باردة ..عشت سنين فيها من مية المطر انا وبنتي بنغرق ماكان حد حاسس فينا ..واذا حكيت الف اعتراض بيجي ..بنتي كانت تتمرض ماحد يسأل عني ..متغطية بتيابي الصوف كرمال تدفا ..وانا الحضن الوحيد اللي بدفيها بهالبيت..

#عبدالله : ليكني جيت ..جبت الصوبا كرمال مانبرد بالليل...اها صحيح ماجاوبتيني انتي مرضاني شي ..بتحبي اخدك على الدكتور..

#ريهام : لا ماني مرضاني بالعكس كتير منيحة .

#عبدالله: انتي حامل ما.؟

#ريهام : مممم مابعرف .

#عبدالله : لكان هاي شو الاوراق ..

#ريهام :مممم اوراق شووو ...

#عبدالله : اوراق مراجعة للدكتور ..وهاي فحص الحمل ..ليش بتخبي عليه ..

#ريهام : انا كنت بدي قول بس انت مانك فاضي مشغول باولادك ..

#عبدالله:اها وهاد شي بتخبي عليه ..

#ريهام : مانو كتير مهم الله اعطاك اولاد 4 خلال سنتين وكلهن توائم الله يخليهن لالك مارح هالشي يأثر عليك لو اجتك كمان بنت مني ..

#عبدال

له : ها وشو عرفك انها بنت..بعدين انا مابتفرق عندي اذا بنت او صبي ..قايم انام انا ..ااذا محتاجة شي خبريني ..نزلي هالبنت تنام لتحت مشان ارتاح بالنوم ..

#ريهام : الارض باردة حرام تنام تحت ..خليها جنبي...اذا بدك انا بنام على الارض ...

#عبدالله : لا خلص خليها ..كبرانة رباب ..كم صار عمرها ..

#ريهام : كم صار عمرها الله يسامحك حتى بنتك مابتعرف كم عمرها رح تفوت بال 11 سنة ..

#عبدالله: لاكنت بعرف بس بسأل ..اها خليني نام هلاء بكرة بنحكي ..

(تخيلي انو بنتك تعيش عمرها مابتقدر تحكي لابوها بابا...دايما بالغرفة عم تقرأ وتكتب محبوسة بين كتب والعاب انا خيطها من اقماش قديم ..واتخيلي انو ابوها بتمر ايام مابشوفها مع انو عايش بنفس البيت معها ..حياة صعبة مرت على رباب وخاصة من بلشت تتعنف من جدها ..بلشت تقسى الحياة عليها ..وبلشت بنتي تعيد تاريخي ..وبيوم طلعت على صراخ مرت عمي وبسمة وبنتي اللي عم تبكي ..

#بسمة : هالبنت مانها مربية يامرت عمي ..لك هادولي خواتها شو صار لو دارت بالها عليهن ..الله حماه لابني منيح ما السيارة دعستو ...

#ام عبدالله : يقصف عمرك يا رباب تعي لهوون انتي بالكربااج بس بتفهمي وبتتعلمي ..

#رباب :ماااامااا اااه خلص التوبة التوبة والله ماقصدت بس بسمة قالت لالي لاتكمشي اولادي وانا مافيني اكمشن .

#بسمة: شو هالكدب اكيد امك معلمتك على الكدب ..تضربي منك لامك..

#ام عبدالله :الله يصبرني على هالبنت الله يستر شو رح تجيب لالنا فضايح ...لك والله لاصبغ هالكربااج على لحمك..

#ريهام : بعدوو هيك عن بنتي ..اياكي ثم اياكي تمدي ايدك على هالطفلة ..

#ام عبدالله : شو هالوقاحة ليش هيك بتحكي معي ..لك انا ستها وبدي ربيها ..

#ريهام : على شو بدك تربيها ..شو اذنبت هالطفلة لتخلي الكربااج يعلم على جلدها اتقي الله بكبرت عمرك ..خافي الله بهالطفلة ..

#بسمة : اتقي الله انتي لوابني صار تحت عجلات هالسيارة كان هلاء بتكوني مبسووطة ..

#ريهام : نعم يختي وشو ذنب هالطفلة تحمليها اهمالك..ولا برد اضافيرك اخد وقتك مادامك مو قد الخلفة ليش لتجيبي اولاد وترميهن بالشوارع ..

#بسمة : شوفي مرت عمي الحسد ...يعني هي كانت قاعدة بالحوش ماشافت ابني طالع برا ليش ما كمشتو ودخلتو لجوا..

#ريهام: مو انتي اللي قرصيتها لطلعتي اللحم من جلدها وقلتي لالها لاتلمس اولادك بتقرفي ..اسمعي ولي خدي اولادك وبعدي عن بنتي ..وانتي مرت عمي اذا بترجعي بتضربي هالطفلة ورب هالكون ماينووبك خير..

#ام عبدالله: عم تهدديني ماشي لشووف عمك شو رح يعمل فيكي اليوم هو وجوزك ..

((اخدت بنتي وفتت الغرفة مسكينة ماعرفاني من وين تتلقاها هالطفلة ..بالمسا اجا عمي وحامل الكرباج كالعاادة وانا اتعودت على الضرب وفات غرفتي وصار من وين مابحب يضربني انا ورباب..متل المجنون ..انا كنت عم حاول احمي بنتي من الضرب ..وهونيك اخر البيت كانت بسمة قاعدة ومخبية ضحكتها ..ومرت عمي اللي عم تحاول قد مافيها تنزل تهم ظلم عليه لتجبر عمي يزيد الضرب ....لوقت ما اجا عبدالله وبعد عمي عني ..كنت انا مصفية بدمي ...

#عبدالله : شووو صار هووون ...ليش قايمة قيامتكن ..

#ابو عبدالله : اسمع اذا بفووت طبق اكل على هاي الغرفة لا انت ابني ولا بعرفك غضبي عليك ليوم الدين ..

#ام عبدالله: وغضبي انا كمان لان هيك عالم بدها ترباية ..

الجزء الرابع ..

((ماكانت صعبة عليهن يحرموني من لقمتي انا وبنتي ..اتعودت على عيشة الحرمان ...بعد مشكلة الظلم اللي صارت فات جوزي يحاكي عمي ..وطلع ليخبرني هالحكي ...

#عبدالله : اسمعي رح قلك كلمتين..انا امرك وقف بين طلاقك وبين انك اضلي هون لانك حامل ...واللي صار منك مارح اسكتلك عليه ..وانا رح نفذ كلام ابي ..حاولي ادبري عيشتك ..

#ريهام : بس انا انظلمت اسمع مني ..

#عبدالله: مارح اسمع شي ..الحكي اللي عندي خلص وانتي وبنتك انتهيتوا من حياتي وكأنكن ماكنتو موجدين ...بس كرمال عمي والحمل مارح طلق ..لان حياة ابني الصغير كانت رح تنتهي بسبب الحكي اللي بتقوليه لبنتك عن اخوتها ..واسلوب الحقد اللي عم تشبعيه لالها مافادت بشي ..واعتبريني ماني موجود..

((كان عبدالله بعتقد انو القرار اللي اخدو رح يحرك بانسانة ميتة ساكن ...والظلم انا اتعودت عليه وتركت امري لرب العباد..بس قرار حرمان بنتي من الاكل قرار بقمة الظلم ...هاداك اليوم نمت وبنتي عم تبكي بحضني من وجع الضرب وفقت وانا عم انزف ..اخدت بنتي ورحت على الدكتورة اللي بعيادة المدينة ..

#الدكتورة : انتي بالشهر الخامس ..واللي ببطنك ميت صرلوا ساعات ..رح افوتك العمليات هلاء دغري لانو عندك نزيف شديد ..

((والله فتت وانا ماحد جنبي الا بنتي رباب ..وطلعت وكانت الدكتورة قبالي ..

#الدكتورة : شلون فينا نحكي مع جوزك ..ياخد ابنك يدفنو .

#ريهام : ابني !

#الدكتورة : كان صبي ..بدي اسالك انتي حد ضاربك شي ..جاوبيني لاتخافي لان علامات العصا على ضهرك وبطنك ورجليكي وحتى بنتك كمان ..خبريني شو صاير معك سدقيني

رح ساعدك ..

((مابعرف شواللي خلاني احكي كل شي صار معي للدكتورة هم سنين مخبيتو بقلبي كلو سردتو مرة وحدة ..كنت ببكي وانا عم احكي ..ماتوقعت حتى اني اجعل الدكتورة والممرضة تبكي معي ..يمكن اللي عانيتو ماحد عانى متلي فيه ..بقيت ساعات لوقت ما اجا عبدالله وخبرتو الدكتورة انو الولد مات من ضرب قوي على بطني ..كان رح يتمشكل معها ..بس هي انقذتني باخر لحظة من قالت لالو انو العلامات باينة واضحة وانها مابتعرف شي من قصتي ..ارجعت علي البيت ونظرات حماي اللي كلها حقد عليه مابتخلص ..بس الله لايسامحهن ..

#عبدالله : خدي هاي المصاري جيبي فيهن شوية ادوية لالك ...واكل للبنت ..

#ريهام : شكرا ماني بحاجة الله يغنيني عنك وعنكن كلكن ..الله لايحوجني لناس متلكن حسبي الله ونعم الوكيل ..الله كبير ياعبدالله مانو غافل عن شي ..الله عينو مابتنام شايف وعارف شو بالقلوب ..خد مصرياتك اعطيهن لمرتك يادوووب يكفوها حق مناكير اظافر ..وانا بنتي ان شاء الله مارح خليها تحتاج شي ..

((وبعدني ماكلمت الحكي اللي الضرب ماعرفت من وين صار يجيني من ابي ولا من عمي ولا من عبدالله ...وضعي بعد العملية ماكان يتحمل تحريك ..صار الدم يشر مني من كل مكان ..وبلحظة كمشت ايد بنتي وهربت من هالبيت ..البيت اللي عشت سنين عمري فيه ظلم بظلم ..وقتها ماعرفت وين اروح صرت دوور بالشوارع بالبرد انا وبنتي ..

#عماد : ريهام ريهام ..

#ريهام :ابووس علي ايدك لاتاذيني ..اتركني عماد ..امانة

#عماد: اختي اهدي لاتخافي انا شايفك من طلعتي من البيت وعم اركض وراكي من مكان لمكان خايف عليكي ..

#ريهام : عماد لاترجعني لهونيك شووف اختك الدم ماوقف منها ..سيبني يا اخي سيبني ..

#عماد : وين اتركك اختي بهيك جو وهيك حالة الله على الظالم ..والله مابيدي اعملك شي عمك وابوكي واخواتك الكبار كلهن نفس العقل ومافيني اعمل اي شي ..مافيني وقف بوجه حد ..ومابصير اضلي بالشارع هيك لازم ترجعي على البيت ..

#ريهام : اخي اذا ارجعت رح يقتلوني مابدي ارجع ..

#عماد : لكان وين رح تروحي ...

#ريهام : خدني على الدكتورة صفاء بالعيادة ..

#عماد : بس هلاء طيب اختي مشي ..

#ريهام : عماد ابوس على ترابك لاتقول لحد عني وين رحت انا وبنتي ..

#عماد : حاضر اختي ..

#ريهام : دكتورة صفاء ..دكتورة صفاء .ابوس على ايدك ساعديني مالي غير الله وانتي ..

#الدكتورة : ريهااام شو صار معك ..رجعو اتعرضوا لالك بالضرب ..لازم تخبري الشرطة مابصير ..

#ريهام : دكتورة ريهام انا هربت من البيت ..واذا خبرت الشرطة اهلي راح يعرفوا مكاني ويقتلوني انا وهالطفلة .....الله يخليكي شوفيلي مكان اعيش فيه او اشتغل فيه احقق لقمة يومي ..واعيش هالطفلة صرلا يوم كامل مانها اكله الله يحفظك ...

الجزء الخامس ..

(اطلعنا انا والدكتورة صفاء انعيش عندها بالبيت مؤقت لوقت تشوف لالنا مكان نعيش فيه ..مرق الاسبوع الاول وكنت اسمع الاخبار من اخي عماد ..انو اهلي ماتركو مكان الا بحثو عني فيه ..وانو قتلي صار راجح على كفة الميزان تبعتن ..وبعد الاسبوع الاول طلبت مني صفاء بلش شغل بالبيت عندها مقابل اخد الغرفة الخلفية الموجودة بحديقة البيت نعيش فيها انا وبنتي ..غرفة جدا ممتازة بالنسبة للغرفة اللي كنت عايشة فيها .. مطبخ وحمام بقلب هالغرفة ومكملة من كل شي ..يمكن اول يوم نام دفيانة انا وبنتي وبراحة ..صح كان بالي مشغول على اللي ممكن واجهو من اهلي ..بس الامان اللي لقيتو عند الدكتورة هو اللي ريحني وخاصة انو بيت الدكتورة بمدينة تانية ...بلشت اشتغل بالبيت بالتنظيف والطبخ ..ومرقت الاشهر والسنين والماضى بالنسبة لالي اندفن ..حتى اخي عماد ماعدت اسمع عنو شي ..وصار عمر رباب 16 سنة..كنت شووف بنتي عم تكبر قدامي يوم عن يوم ..بنتي صارت صبية تشاركني همومي ..بس الشي اللي بنتي وقفت عنو هو دراستها ..لان مدرسة الثانوية كانت بمدينة اللي اهلي عايشين فيها..وهالشي هو السبب اللي خلاني وقف دراستها ..وبالنسبة للدكتورة ريهام هي ست ادمية ماقصرت معي بشي ..كانت جوزها دكتور جراحة محترم جدا وماشفت منو الا كل خير وكان يعامل بنتي متل اولادو...

#الدكتورة : ام رباب..دخيل قلبك بدي تجهيزات الحفل تكون ممتازة ابني اليوم جاي من بريطانيا صرلو اكتر من 9 سنين ماداق اكل عربي باتقان ..الله يسعدك ام رباب بدي شي من تحت دياتك طيبين .

#ريهام : ولو ام الياس ..لك عيوني لاكل ولالياس بس ماحكيتي لالنا عن ابنك الياس ..

#الدكتورة : شو بدي قول لاقول حبيب امو صح عنيد وبحب عيشة الاجانب بس ابني شو اقول...

#ريهام : ماشاء الله وكم صار عمروا

#الدكتورة : الياس هلاء صار 27 الله يخليلي اياه .هاد هو شوفي شلون شخصية ..بس ليحلق هالذقن بقلو امي احلقو بقلي لاء البنات بحبوها..

#ريهام :بسم الله ماشاء الله ..شو شخصيتو حلوة الله يفرحك فيه يارب ..

#الدكتورة : تقبشيني عقبال ماتفرحي ببنتك رباب ..صارت عرووس متل القمر الله يحميها لالك...صحيح وينها عنك في كم شغلة جايبتن لالها ...

#ريهام : يووم ليش معزبة حالك حبيبتي يسلمو..والله هالتياب كتير غاليين ..

#الدكتورة : مابغلو عليها ..ببتقل بالذهب .بكفي ادبها واخلاقها وهي متل بنتي ..والله ابو الياس بحبها كتير ودايما بوصيني عليها ..بقلي هاي بنتي اللي ربيتها ....

#رباب: ماما

#ريهام : اي امي ليكني هون بالمطبخ مع ام الياس تعي ...

#رباب: كيفك خالتو ام الياس ..شوفي هالوردات قطفتن لالك ..

#الدكتورة : تؤبري قلبي ..شو بجننو

#ريهام : بعيد الشر عن قلبك اختي ام الياس يالا بنتي غسلي ايديكي وتعي ساعديني اليوم الياس ابن ام الياس رح يجي ولازم نجهز لاحتفال استقبالو ..ان شاء الله بيوصل بالسلامة ..

#الدكتورة : امين ..انا رح قوم وصل للكوافير رتب حالي..وانتي ام رباب لاتنسي انتو كمان معزومين على الاحتفال انتي ورباب ..

((مرق هاداك اليوم بارهاق كبير..اخدت حمام ورتبت حالي انا وبنتي ..واطلعنا نستقبل الياس ..من سفرو ..

#رباب: امي رح رووح جيب موبايلي انسيتو هونيك بالبيت ..

#ريهام : روحي امي لاتتاخري لانو الياس رح يوصل ..

#رباب : ماشي امي تكرمي.....اويلي شو في ناس عنا اليوم الله يستر..مين انت وليش طالع على الشباك هيك ..

#الياس : ممم ليش بتسألي ....ومين انتي وليش واقفة في بيت اهلي ..

#رباب: انا رباب بنت ريهام اللي بتشتغل هون ...

#الياس : اها بنت الخدامة وانا بقول وين شفتك اتذكرت امي من بعتتلي الصور .....انا الياس.كنت بدي اعمل مفاجئة لالهن ..بس شكلو هني عملو لالي مفاجئة احلى شو هالجمال هاد معقول بنات الخدامات حلووين هيك ..

#رباب: بعد ايدك عني لو سمحت ..

#الياس: اووووه عليكي جسم يحرق حرق ..شكلا الايام الجايا رح اعرق فيها كتير ..

#رباب: شو قصدك ..

#الياس : مافي شي ...مااااامااااا

#الدكتورة : ابني الياس دخيل عمرك صرلك من متي جاي اشتقتلك ابني وانا طالعة لبرا اشوف اذا وصلت ..تعا امي احضنك تعا على نار ناطرتك..

#ريهام : اهلا وسهلا اهلا وسهلا الحمد لله على سلامتك ابني الياس ..

#الياس : انتي ام رباب مااا اكيد ..

#ريهام : اي انا ..

#الياس : وانا بقول هالقمر منين طلعت الام تجنن اكتر ..

#الدكتورة: احم امي عيب ...حبيبتي ام رباب لاتواخذيناا هو ابني فري شوي ..

#ريهام : ولايهمك اختي هو متل ابني ...الله يحميه ..انا رايحة شوف رباب ..وراجعة ..

#الدكتورة : يالا ناطرينك جوا ..

#ريهام : رباب امي ..شو حكا معك هاد..

#رباب: مين امي ..

#ريهام : هاد اللي مايسمى الياس ..انتبهي امي ...هاد عايش عيشة اوروبين ..احذرية

#ريهام : ليش امي بتقولي عنو هيك ..

#الياس :خالتو ام رباب وينك ..امي عم تسال عنك ..

#رباب: هاد شو جابو لهون ..

#ريهام : شكلنا يا امي رح نرجع نعاني تاني ..مشي لنطلع ..

#الياس : حلو البيت ...

#رباب: الياس البيت لالو باب دق عليه ماحلوة تفوت هون بدون اذن ..

#الياس : بس هاد بيت اهلي ياحلوة تعي ذوقيني هالخدود..

#ريهام: بعد هيك عنا لو سمحت ..هاي بنتي خط احمر ..لاتقربها ...

#الياس : اووبا على فكرة انا برسم للعالم خطوط حمرا ...يعني كل شي لالي مباح ياحلوة انتي وبنتك والشي اللي بدي اياه رح اخدو لو كان عليه الف خط احمر ..باي

ابتداء من الجزء السادس .. حتى النهاية
الجزء السادس..السابع الثامن حتى الاخير ...
#رباب: امي شو رح نعمل معو هاد..
#ريهام: والله ماني عارفة من وين طلع لالنا..الله يستر من الايام الجاي ..على العموم حاولي لاتقربيه والمكان اللي بكون هو فيه لاتكوني ..هاد ماناوي على خير ..
#رباب: بس الياس رح على طول يعيش هون يعني رح نشوفوا 24 ساعة بوجهنا ..
#ريهام : اتسكر مخي ماعاد فيني فكر متل الخلق ..قلبي حاسسني انو هاد مارح يجي منو الا كل شر ..
#رباب: اي وشو دخلو فينا امي ..
#ريهام : ماهو هاد اللي قاتلني لك هاد ماعندو عيب وخجل بعتبر كل شي ملكو ..لك ماشفتي تصرفوا مع امو كانها رفيقتو ..ونحنا قاعدين كان عم يكمش ارداف النسوان ..وابوه قلو عيب .. ومابصير ..وهو صار يضحك بمسخرة ..بعدين بيشرب كتير ..لا عندو خجل ولا حيا ..
#رباب: خلص امي من يكون بالبيت مارح اجي هونيك رح ضلي بغرفتي...
#ريهام : وهو هاد الافضل انكتب عليكي سجن تاني يا امي اتحملي لاحسن لاقي طريقة بعدو عنا هالمخلووق ..نامي هلاء بكرة عنا كتير شغل بسبب هالحفلة..
((ماعرفت من وين عم تطلع لالي هالمصايب ..يمكن مخاوفي من الجاي والماضي اللي انا هرباني منو هو اللي عملي شلل براسي ماني قدراني اتصور انو ممكن حد يجي ياذي بنتي ويعيد نفس التاريخ اللي عشتو ..مابعرف هاديك الليلة شلون مرت ...لتاني يوم من فقت بكير..لاخلص انا وبنتي امور الحفل قبل ليفيق وتبلش حقارتو علينا ..
#ريهام : رباب شكلو فاق روحي امي على البيت ..
#رباب: حاضر امي ..انا رايحة اقرا شوية بالكتب اذا احتجتي شي دقيلي ..
#الياس : اووووف اوووف ليش هيك عم تركضي ..لك وقفي يا بنت ياحلوة ..
#ريهام : شو الياس شو بدك من بنتي ..
#الياس : شو بدي ..مابدي شي بس بدي احكيها لااضلي لاففتيها بورق ومخبياها ..
#ريهام : شوف بدي قلك كلمتين نسيت خبرك اياهن امبارح ..شوف لاتلعب بالنار كرمال ماتحرق صوابعك ...وانا ناري جهنم بحرقك وبحرق كل يلي بقرب من بنتي,,
#الياس : اوووبا بعدها الدنيا الصبح ليش حمياني هيك علينا ..بعدين انا بعشق الشغلات المغلفة عالم من الجمال بكون تحتن ..
#صفاء : شو في هون ...صباح الخير ..
#ريهام : صباح النور ست صفاء ..لا مافي شي ..بس الياس طلب مني قهوة بتحبي اعملك اياها ..
#صفاء: اي ياريت بدي اشربها برا بالجنينة ..وينها رباب عنك ..
#الياس : على ما اعتقد رح تشرب معنا قهوة ..
#صفاء : اي ياريت بدي احكي معها بشي ..
#ريهام : بس رباب ..
#الياس : من شوي كانت هون ..
#ريهام : اختي صفاء ..بنتي عم ترتب البيت من تخلص بخليها تجي لعندك ..
#صفاء : لا دخيلك رح اطلع هلاء ...بدي احكيها ...
#ريهام : تكرمي هلاء بناديها
#الياس : حلي لالي القهوة مدام ريري ..
................
((حاولت اطلع الف مبرر مشان بنتي ماتقابل الياس ويتحارش فيها بس ماقدرت ...المبررات ماكان عم تنقذني ..هي بالاول والاخير عايشة معو بنفس البيت ...ولازم انا وبنتي انواجه هيك شخصياات ..
#الياس :هاا وليكها اجت رباب وامها ..بس شو يا امي هالرباب ..ياويلي على قلبي بحياتي ماشفت هيك ..
#صفاء : بس هشش ليكن جايين ...اكمش حالك عيب البنت صغيرة لا تحجلها ..
#الياس :صبية صغيرة بتشل ...شو نفسي بس ..
#صفاء : يقطع شرك امي هاي البنت بقلك لاتقربها ..كرمال ابوك جاول تبعد عنها ..هي غالية علينا هي وامها ...
#ريهام : اتفضلو القهوة ..اتفضلي امي اقعدي هون .
#رباب : صباح الخير خالة صفاء..
#صفاء : اهلين حبيبتي صباح العسل تعي اقعدي جنبي ..اقعدي ريهام في موضوع بدي احكيه معكن ..
#ريهام : اها ليكنا قعدنا قولي اختي ..
#صفاء : انا عندي هدية حلوة لرباب من عمها ابو الياس ..
#رباب: شكرا خالتو ..
#صفاء : الاسبوع الجاي ان شاء الله رح نروح انسجل بالجامعة ..
#ريهام : جامعة
#صفاء : اي
#ريهام : بس الجامعة انتي بتعرفي مكانها وين ..
#صفاء : اي بعرف ...وهل الموضوع ابو الياس خلصو ..البنت رح تحمل اسمنا بالجامعة ..رح نقلب لالها اسم العيلة ..ورح يصير شوفير ياخدها ويجيبها ..
#ريهام : ماني عرفاني شو قلك بس والله هاد اللي مخوفني
#صفاء : لا تقلقي ..كل شي مرتب لالو ..احنا رح نروح على البلدية ..انرتب الاوراق انا وانتي ..ومن يجي جوزي رح ياخدها على الجامعة لتسجل تمريض وتكمل سنتين المعهد اللي درستهن بالتمريض شو قلتي ..
#رباب: خالتو مابعرف شلون اتشكركن بس والله شو ماعملت مارح رد لالكن معروفكن ..
#الياس : ههه مبروك ..لابتردية ان شاء الله ..
#صفاء : الياس..
#الياس : شو امي عم امزح .
#صفاء : ههه
#رباب : عن اذنك خالتو رح قوم كمل ترتيب ..
#ريهام : وانا ام الياس حبيبتي قايمة كمل شغلي ..اذا احتجتي شي خبريني ..
#صفاء : حبيبة قلبي يسلمو ..
الجزء السابع ؟؟
((بلشت الايام تمر بالقوة ..وعيني وقلبي ماعم يرتاحو ..نظرات الياس لبنتي مانها مريحتني ..على طول قاعد وعم يعاكسها ..ومزحوا معها مانو مزح برئ ..كل شهوة وقرف ..حاولت صدو عنها كتير بس الامر كان

اكبر من قدرتي ..
#رباب: امي مليت قرفت مش قادرة اتحمل ..
#ريهام : شو صاير معك ..
#رباب:امي هاد الشخص مانو طبيعي امي مريض ..
#ريهام : مين هو..
#رباب : الياس الزفت..
#ريهام : شو عمل معك هالغبي..عصبتيني قولي بسرعة ..
#رباب: كنت عم رتب غرفة مدام صفاء متل ما طلبتي مني ..فتت وانا عم رتب انقفل باب الغرفة ..وكان الياس هو اللي قفلها ...
#الياس: لاتخافي
#رباب: اسمع اذا مافتحت باب الغرفة والله اقتلك ..شايف هاد المقص بنص قلب بغرزوا ..
#الياس : روقي عم امزح ..
#رباب: لا انت ماعم تمزح ..افتح الباب بسرعة ..
#الياس : يووووه ليش انتي عنيدة كلها بس بوسة صغيرة واروح ..
#رباب: بتكون بوسة وداعك ...على قبرك ..بعد هيك افتح الباب بسرعة بسرعة ,,,,,خالتو صفااااء ..
#الياس: ههههههه صفاء مانها هون وامك مارح تسمعك فلا هيك ماتقاومي كتير ..بعدين شوفي ايدك شلون عم ترجف وهي كامشة المقص ..لهيك حطيه على جنب وذوقيني طعمة شفافك ..تعي..اااااااااه لك يامجنونة شو عملتي ..
#رباب: عم دوق المقص طعمة دمك اعطيني المفتاح بسرعة بسرعة ...
#الياس:ليكي اذتيني لك شوفي شو عملتي ..
#رباب: اذا ما اعطيتني المفتاح رح بقلبك اغرسوا مشان تعرف انو الايد اللي عم ترجف مابتخاف..
#الياس :مجرمة ليكو هون ..
#رباب: تفيي
#ريهام : برافو عليكي امي برافو ..بس شو صرلوا ..
#رباب: اجت السكينة بايدو ..وتركتو بنزف ..انا كان بدي اغرسها بقلبو واخلص من قرفوا..
#صفااااء : ريهاااااام ريهااااااام ...رباااب
#ريهام : شكلو امي اليوم راحلين من هون ..
#رباب: عادي الله معن ..
#صفاء: لالحقيني اختي ..هاتي اغراض الصيدلية والحقيني ...تعي بنتي رباب
#ريهام : شو في ام الياس .
#صفاء : ابني الياس غرقان بدمو كان عم يقص بالغلط قص ايدو ..
#رباب: قص ايدو ..
#صفاء : اي بنتي تعي تعي قلبي عم يرجف موقدراني اعمل شي لالو موقدراني طهر جروحو واخيط الجرح ..
#رباب: طلعا خالتو مارح تقدري اطهرية جروحو بس انا رح ساعدك وطهرلو روحو كمان لاتقلقي ...
#ريهام : امي شو بتعملي ..
#رباب: امي صار دوري رح عرفو مين هي رباب ومين هي امها ..هاد امي لازم بالعين الحمرا يمشي ..
#صفاء : وينك بنتي ..
#رباب: ليكني جيت ..
#الياس : امي ليش ما انتي تعملي الجرح ..
#رباب: خالتو اعصابها تعباني انا بعرف اعملو معي معهد ..اعطيني ايدك ...
#اليااس: اااااخ لك هاد بيحرق المطهر ..
#رباب(بهمس).: المرة هاي انا دويتلك جرحك بس المرة الجاي روحك رح داويها ...وارش على قبرك مطهر الجروح ..اذا بترجع تقرب مني تاني ..
#الياس : خلص حاجي تلفي على ايدي ..
#رباب: اي تمام ..سلامتك تعيش وتاكل غيرها ..
#صفاء : امي انتبه تاني مرة من تلعب المقص ..
#رباب: اي انتبه كتير ليقصلك رقبتك ..
#الياس : انا منتبه لاتقلقي امي .ومافي شي بمر بدون ثمن ..كلو لازم اتعب عليه ..
#صفاء : اي امي هالقطع اللي كنت بتقصها ياعمري صعب تنقص بهيك مقص ..
#رباب: وجدا كمان ..مابعرف شلون كنت عم تقص اسلاك حديد بمقص عادي ...حاول تاني مرة لاتعيدها ..
#الياس : انا قايم ارتاح ..
#رباب: ليش لاء... امين ونرتاح منك..
#الياس : ام لسان لاتفكري انهن مانن سامعينك يعني بتقدري تعملي اللي بدك اياه ..انا هالمرة مشيتها لالك ..بس مانسيتها ...عاجل خير اجل رح اخد اللي بدي اياه ...
#رباب: حاول تختار وسيلة افضل من المقص..
#الياس : اوووووف شغلتي هاي ..عندي وسيلة جرحها يبكيكي عمر ...
#ريهام : شو امي عم تتوشوشو ...تعي نروح نرتاح خبرتني صفاء انو عندنا بكرة مشاوير مشان الجامعة ..
#صفاء : تصبحو على خير حبيباتي ..
#ريهام: تلاقي خير اختي...مشي امي ..
#رباب: يالا يامو ..شو ليش مبتسمه ..
#ريهام : دخيل عيونك على هالقوة اللي بقلبك لك شو بردتي على قلبي ..
#رباب: ولو امي بنتك انا ..اي شو قصة بكرة ..
#ريهام : بكرة انا وصفاء رايحين على البلدية نعملك الاوراق ونحنا راجعين رح نروح نشتريلك تياب للجامعة ..
#رباب: وانا مارح روح معكن ..
#ريهام :لا امي لانو ابو الياس جاي لياخدك يسجلك مقعد بالجامعة ..وبعدين هاد اللي اسمو الياس على اكلة المقص اللي اكلها ما اعتقد بكرة يطلع من غرفتو لان حرارتو كانت طالعة ...
#رباب : ما شي امي رح نام انا ..
#ريهام : وانا كمان تصبحي على خير...
الجزء الثامن ..
(تصرف بنتي وهي عم ادافع عن حالها اعطاني الف مبرر لالي ليش بقيت سجينة ضرب وقتل لعمر طويل ليش ما اتمردت متلها وواجهت اللي عم يصير معي ..بنتي اقوى مني..قوتها اعطت للي اذاها حد مايقرب منها ..ونمت ليلتها وانا عم اتصفن بملامح بنتي اللي عاشت ظروف اكبر منها ولسه رح تعيش ..الظروف الصعبة اللي خلت من بنتي انسانة تواجه مصيرها بقوة قلب ..
#ريهام : امي طلع الصبح ..فيقي ابو الياس ناطرك يالا .
#رباب : اووه كم الساعة ..
#ريهام : بعدها بكير هلاء 7 ..بس مشان عندو شغل بالمشفى بدو ياخدك بكير ..قومي البسي وجهزي حالك ..
((انطلقنا انا وبنتي لاخلص امور جامعتها ..هي غادرت مع ابو الياس وانا اطلعت مع صفاء لنحل