لحظتا من لمستها الناعمة غمض عيونو بشكل غير إرادي وهو عم يحس بلمستها
صارت تمسح ع لحيتو المرتبة بشكل انيق،لحظة وبيحس فيها رفعت رجليها ووقفت ع اصابعها لحتى ترتفع شوي،بتحط ايديها ورا رقبتو
سدين:يمكن هي أول مرة بحس حالي قصيرة..او الأصح أنا قزمة
بيبتسم بيشد بضمتو عليها وبيحملا بين ايديه،بتنصدم سدين بس وقتها صارت طويلة..وصارو عيونهن مقابل بعض تمام
سراج:وهلأ صرتي طويلة
بتضحك ضحكة بريئة بتغزي قلبو بشكل كبير،شعور بيتملكو مو حاسو قبل بحياتو..
ولحظتها بيغرق فيها تماماً
بعد وقت قصير،ذكريات هاجمت خيالو،تركها وحيدة ونزل ع حديقة الفيلا،وهو مو قادر يتنفس...
أعد بلآخر عكرسي ورفع راسو واخد نفس عميق،بغصة كبيرة..مابيعرف ليش فجأة اجت ببالو ليلاس،تأكد أنو مافي اي ذرة مشاعر بقلبو تجاه ليلاس..بس في أمانة لازم يوصلا ياها..لهيك كل الوقت بيتذكرها..ومابيقدر يتقرب من سدين..يمكن من حقها كمان تعرف بلحقيقة لحتى ماينكسر قلبها
بس ماكان بيعرف أنو كسرها وخلص،قبل دقائق قصيرة،لما ندهلا باسم بنت تانية بدون ماينتبه حتى
كانت مخنوقة كتير وعم تبكي طلعت علشرفة وهي عم تكتم آهاتا..هاد هو شعور الحب،يلي بحياتا ماحستو..ولا حتى بتعرف انها عم تعيش الحب،كل يلي حاسستو أنها مقهورة وموجوعة من يلي صار
بيوم جديد،بتصحى ليلاس على ريحة فطور شهي،بتنزل بتلاقي غياث عم يرتب الطاولة بلحديقة
بتطلع لعندو
ليلاس:صباحو..
غياث:وألك عين تصبحي كمان...لهلأ نايمة؟
ليلاس:لك مبارح سهرت كتير
غياث:وليش ياخانم؟
ليلاس:يعني..دراسة وهيك هههه
غياث:اممم..عكل حال هي الفطور فطري وأنا هلأ رايح
ليلاس:عامل الفطور ألي بس؟طيب مابقدر افطر لحالي
غياث:آسف ياقلبي أجاني اتصال ضروري كان لازم روح..
وقبل مايتركا،بيرن تلفونو
بتتغير ملامحو،واضح عليه أنو تفاجأ من الاتصال
بتقرب منو ليلاس وكأنها متأكدة مين المتصل..وبتلمح اسم سراج
ليلاس:رد
غياث:لا مارح رد..كل فترة بيتصل وانا مابرد
ليلاس:رد،لازم تعرف شبو..كرمالي رد وفتاح لاسمع انا كمان
غياث:عم تشكي فيني؟؟
ليلاس:لا مو هيك..بس فهام عليي
بيقلا تسكت وبيفتح التلفون لتسمع
سراج:غياث..واخيراً رديت،ليش هيك تركتني ياصاحبي..أنا بحاجتك،غياث رد
غياث ببرود:خير..
سراج:بدي لاقيها،غياث لازم لاقي ليلاس بترجاك ساعدني
غياث:شو بدك منها؟
سراج:لازم نحكي،واكيد رح يتصلح كلشي وقتها،غياث حياتي كلها ملخبطة ماعم اقدر عيش بشكل طبيعي،أنا خايف اظلم زوجتي أو اأذيها..هي مابتتحمل مابدي تكون الضحية التانية
غياث:صاير عندك قلب وبتحس
بيكمل سراج بنبرة مكسورة،لدرجة غياث نوجع عليه بس تماسك أمام ليلاس
سراج:ماعم اقدر عيش مع سدين بشكل طبيعي،ولا عم اقدر حبها.
غياث بيتماسك وبعد مايضغط عحالو كتير بيسألو:يعني بتحبها ل ليلاس؟
#سارة_العلي
بتتفاجأ ليلاس بسؤالو
سراج:أبداً،أنا بحياتي ماحسيت شي تجاها من مشاعر حب،بس يلي حاسو هلأ ندم وقهر..حياتي مارح تستمر بشكل طبيعي لحتى لاقيها..
غياث بيتطلع بعيون ليلاس وبيقلو:رح تلاقيها،وعن قريب كتير..
بيسكر التلفون ولسا ليلاس عم تطلع فيه بصدمة
ليلاس:شو كان قصدك غياث؟
غياث:أنا تأخرت لازم امشي
بتلحقو وبتمسكو من ايدو
وبتقلو:مافيك تمشي لتحكي شو قصدك...
غياث:بيكفي بقا ليلاس،أنا تعبت ولسا عم شوفك مهتمة فيه..
ليلاس:مهتمة فيه؟انت سامع حالك شو عم تحكي،لك أنا بكرهو
غياث:وانا مابدي تحبيه ولا تكرهيه..بدي تطالعيه من حياتك بنوب ومو كل شوي تشكي أنو لسا علاقتي معو مستمرة
ليلاس بيدمعو عيونها:كيف بدك طالعو من راسي...وهو لسا عايش بشكل طبيعي..وبعد ماكسرني
غياث بعصبية:انتي يلي رحتي لعندو..غبائك هو يلي وصلك لهون،ولسا عم تدوري ع اعذار..سراج كان فاقد وعيو وانتي حتى ماخفتي وبقيتي جنبو،سراج حكالي كلشي بوقتا،حكالي أنو قلك روحي وانتي مع هيك بقيتي،وانتي هلأ معي وماعم تقدري تحبيني حتى،أنا ماعم اقدر صدقك..ولا عم اقدر صدق أنك بتكرهيه
بتنصدم بكلامو،ماتوقعت كل هاد في بقلبو،بتتركو وبتطلع علحديقة وهية عم تبكي بقهر...ماحدا حاسس فيها
بينكسر قلبو عليها بيعرف أنو هي اكتر مرة بيقسا عليها بس كمان هو ماعاد تحمل
بيطلع لعندها بيلاقيها اعدة بلأرض وعم تبكي
بيأعد وراها وبيضما من الخلف
غياث:سامحيني...ماكان قصدي
ليلاس بعصبية وبكا:تركني بحالي،خليني روح من هون أنت ماعم تقدر تحس فيني..أنا ماعم اقدر نام الليل وانت مابتعرف السبب..مو لأنو هيك صار،بس لأنو انا السبب..كل يوم بلوم حالي..أي صح أنا يلي رحت لعندو برجليي بس لأنو كنت بوثق فيه..شادي هو حكالي أنو سراج اكتر شخص موثوق بهلدنيا..وانا مشيت ورا قلبي،كان سراج منهار وكنت مفكرة أنو بحاجتي..كنت مفكرة الحب أنو مااتركو بظروفو الصعبة..أنا أول فترة كنت كارهتو لسراج لدرجة كنت متمنية روح وموتو بأيدي..بس يلي قاهرني هلأ أنو وجودك جنبي خلاني اتناساه..وماعاد فكر فيه متل قبل،انت عم تخليني اتخلى عن انتقامي وانا رافضة هلشي،لهيك كل مابضعف وبتقرب منك،برجع ببعد..
صارت تمسح ع لحيتو المرتبة بشكل انيق،لحظة وبيحس فيها رفعت رجليها ووقفت ع اصابعها لحتى ترتفع شوي،بتحط ايديها ورا رقبتو
سدين:يمكن هي أول مرة بحس حالي قصيرة..او الأصح أنا قزمة
بيبتسم بيشد بضمتو عليها وبيحملا بين ايديه،بتنصدم سدين بس وقتها صارت طويلة..وصارو عيونهن مقابل بعض تمام
سراج:وهلأ صرتي طويلة
بتضحك ضحكة بريئة بتغزي قلبو بشكل كبير،شعور بيتملكو مو حاسو قبل بحياتو..
ولحظتها بيغرق فيها تماماً
بعد وقت قصير،ذكريات هاجمت خيالو،تركها وحيدة ونزل ع حديقة الفيلا،وهو مو قادر يتنفس...
أعد بلآخر عكرسي ورفع راسو واخد نفس عميق،بغصة كبيرة..مابيعرف ليش فجأة اجت ببالو ليلاس،تأكد أنو مافي اي ذرة مشاعر بقلبو تجاه ليلاس..بس في أمانة لازم يوصلا ياها..لهيك كل الوقت بيتذكرها..ومابيقدر يتقرب من سدين..يمكن من حقها كمان تعرف بلحقيقة لحتى ماينكسر قلبها
بس ماكان بيعرف أنو كسرها وخلص،قبل دقائق قصيرة،لما ندهلا باسم بنت تانية بدون ماينتبه حتى
كانت مخنوقة كتير وعم تبكي طلعت علشرفة وهي عم تكتم آهاتا..هاد هو شعور الحب،يلي بحياتا ماحستو..ولا حتى بتعرف انها عم تعيش الحب،كل يلي حاسستو أنها مقهورة وموجوعة من يلي صار
بيوم جديد،بتصحى ليلاس على ريحة فطور شهي،بتنزل بتلاقي غياث عم يرتب الطاولة بلحديقة
بتطلع لعندو
ليلاس:صباحو..
غياث:وألك عين تصبحي كمان...لهلأ نايمة؟
ليلاس:لك مبارح سهرت كتير
غياث:وليش ياخانم؟
ليلاس:يعني..دراسة وهيك هههه
غياث:اممم..عكل حال هي الفطور فطري وأنا هلأ رايح
ليلاس:عامل الفطور ألي بس؟طيب مابقدر افطر لحالي
غياث:آسف ياقلبي أجاني اتصال ضروري كان لازم روح..
وقبل مايتركا،بيرن تلفونو
بتتغير ملامحو،واضح عليه أنو تفاجأ من الاتصال
بتقرب منو ليلاس وكأنها متأكدة مين المتصل..وبتلمح اسم سراج
ليلاس:رد
غياث:لا مارح رد..كل فترة بيتصل وانا مابرد
ليلاس:رد،لازم تعرف شبو..كرمالي رد وفتاح لاسمع انا كمان
غياث:عم تشكي فيني؟؟
ليلاس:لا مو هيك..بس فهام عليي
بيقلا تسكت وبيفتح التلفون لتسمع
سراج:غياث..واخيراً رديت،ليش هيك تركتني ياصاحبي..أنا بحاجتك،غياث رد
غياث ببرود:خير..
سراج:بدي لاقيها،غياث لازم لاقي ليلاس بترجاك ساعدني
غياث:شو بدك منها؟
سراج:لازم نحكي،واكيد رح يتصلح كلشي وقتها،غياث حياتي كلها ملخبطة ماعم اقدر عيش بشكل طبيعي،أنا خايف اظلم زوجتي أو اأذيها..هي مابتتحمل مابدي تكون الضحية التانية
غياث:صاير عندك قلب وبتحس
بيكمل سراج بنبرة مكسورة،لدرجة غياث نوجع عليه بس تماسك أمام ليلاس
سراج:ماعم اقدر عيش مع سدين بشكل طبيعي،ولا عم اقدر حبها.
غياث بيتماسك وبعد مايضغط عحالو كتير بيسألو:يعني بتحبها ل ليلاس؟
#سارة_العلي
بتتفاجأ ليلاس بسؤالو
سراج:أبداً،أنا بحياتي ماحسيت شي تجاها من مشاعر حب،بس يلي حاسو هلأ ندم وقهر..حياتي مارح تستمر بشكل طبيعي لحتى لاقيها..
غياث بيتطلع بعيون ليلاس وبيقلو:رح تلاقيها،وعن قريب كتير..
بيسكر التلفون ولسا ليلاس عم تطلع فيه بصدمة
ليلاس:شو كان قصدك غياث؟
غياث:أنا تأخرت لازم امشي
بتلحقو وبتمسكو من ايدو
وبتقلو:مافيك تمشي لتحكي شو قصدك...
غياث:بيكفي بقا ليلاس،أنا تعبت ولسا عم شوفك مهتمة فيه..
ليلاس:مهتمة فيه؟انت سامع حالك شو عم تحكي،لك أنا بكرهو
غياث:وانا مابدي تحبيه ولا تكرهيه..بدي تطالعيه من حياتك بنوب ومو كل شوي تشكي أنو لسا علاقتي معو مستمرة
ليلاس بيدمعو عيونها:كيف بدك طالعو من راسي...وهو لسا عايش بشكل طبيعي..وبعد ماكسرني
غياث بعصبية:انتي يلي رحتي لعندو..غبائك هو يلي وصلك لهون،ولسا عم تدوري ع اعذار..سراج كان فاقد وعيو وانتي حتى ماخفتي وبقيتي جنبو،سراج حكالي كلشي بوقتا،حكالي أنو قلك روحي وانتي مع هيك بقيتي،وانتي هلأ معي وماعم تقدري تحبيني حتى،أنا ماعم اقدر صدقك..ولا عم اقدر صدق أنك بتكرهيه
بتنصدم بكلامو،ماتوقعت كل هاد في بقلبو،بتتركو وبتطلع علحديقة وهية عم تبكي بقهر...ماحدا حاسس فيها
بينكسر قلبو عليها بيعرف أنو هي اكتر مرة بيقسا عليها بس كمان هو ماعاد تحمل
بيطلع لعندها بيلاقيها اعدة بلأرض وعم تبكي
بيأعد وراها وبيضما من الخلف
غياث:سامحيني...ماكان قصدي
ليلاس بعصبية وبكا:تركني بحالي،خليني روح من هون أنت ماعم تقدر تحس فيني..أنا ماعم اقدر نام الليل وانت مابتعرف السبب..مو لأنو هيك صار،بس لأنو انا السبب..كل يوم بلوم حالي..أي صح أنا يلي رحت لعندو برجليي بس لأنو كنت بوثق فيه..شادي هو حكالي أنو سراج اكتر شخص موثوق بهلدنيا..وانا مشيت ورا قلبي،كان سراج منهار وكنت مفكرة أنو بحاجتي..كنت مفكرة الحب أنو مااتركو بظروفو الصعبة..أنا أول فترة كنت كارهتو لسراج لدرجة كنت متمنية روح وموتو بأيدي..بس يلي قاهرني هلأ أنو وجودك جنبي خلاني اتناساه..وماعاد فكر فيه متل قبل،انت عم تخليني اتخلى عن انتقامي وانا رافضة هلشي،لهيك كل مابضعف وبتقرب منك،برجع ببعد..
