#ساعة_زمن
فيلوفوبيا
الجزء الاول
الحرب غيرت كتير ناس...كتير اقدار...بالاحرى الحرب غيرت كل شي...مابقي شي على وضعو ابدا
وقلال كتير الي قدرو يحتفظو بحياة بتشبه حياتهن قبل الحرب
لانو عالاكيد مارح يقدرو يحتفظو بحياتهن متل ماهيه
"كان ياما كان.....لم يعد شيء كما كان!")
انا مروة....عمري 22 سنة...صح عمري صغير بس بعتبر حالي اخدت خبرة بتفوق سني بهالحياة
هالحرب شردتنا من بيتنا انا واهلي..اضطرينا نترك منطقتنا و نتهجر لمنطقة تانية و نأسس حياة جديدة
بدأنا من الصفر...من بعد ماكان بيتنا ملك و عايشين مرتاحين
صرنا تحت رحمة الناس و رحمة الاجار و اخر الشهر اللي مابيلحق يروح الا بيجي
بس يعني منحمد ربنا انو لساتو عدد افراد عيلتنا هو نفسو وماخسرنا فرد مننا...عالاقل لحد الان
متل العادة....يوم صيفي مشرق و حلو...وصوت فيروز عم يرنم ببيتنا الصغير
طلعت من غرفتي بعد ماجهزت حالي لروح لشغلي
و لقيت اهلي مجتمعين على برندة بيتنا الي بتطل عالبحر وهاد احلا شي حصلنا عليه
طلعت فيهن و انا ممتنة لوجودهن كلهن بحياتي
امي و ابي و اخي ياسين و اخي احمد
ياسين عمرو 26 سنة و دارس ادب عربي وبيشتغل استاذ
احمد عمرو 24 و بيشتغل فني كمبيوتر
و انا الصغيرة بشتغل بصالون حلاقة...لاني ماقدرت كمل بعد البكالوريا...بس انا مبسوطة بشغلي كتير ومالي زعلانة
ام ياسين:صباح الخير يا وردة
مروة:يسعدلي صباحك ماما
ابوياسين:تعي قعدي جنبي لصبلك فنجان قهوة
مروة:اي والله...وهي قعدة
ياسين:طبعا...الدلال للوردة تبعكن وبس
ابوياسين:والله بحياتك مارح تكبر...مين عنا غيرها وردة فهمني....معقول نسميك انت او اخوك وردة كمان!!
احمد:هههه صبارة كتير عليك
مروة:هههههه...والله بعد ياسين مافي...احلا اخ و شيخ الشباب كمان
ياسين:اي اي...ضحكي عليي
ام ياسين:والله كلكن بغلاوة بعض وماحدا بياخد محل التاني فيكن
ياسين:الله يخليلي الحجة ....انا بعرف بس عم هز الورد مو اكتر...يلا احمد قوم لنمشي سوا اخي
احمد:يلا اخي....خاطركن ياجماعة
_شفت كيف ياسين عم يستند على احمد ليقوم...ومن بعدها اخد عكازو و استند عليه ليقدر يمشي...كان بالجيش وقت تصاوبت رجلو و صار عندو عاهة دائمة
وصارت رجلو اقصر من الرجل التانية ب3 سم
بس هو بيكابر و بيتصرف بشكل طبيعي وكأن ماناقصو شي
بس مافيني اتجاهل لمعة الحزن بعيونو ابدا...ولا احساس الحزن الي سكن جواتي قبل مايسكن بقلبو
صعب كتير عالشب يحس حالو ناقص عن غيرو
بس شو بدنا نعمل هيك الله كتب...وعالاقل انعفى من الخدمة هو و احمد بسبب هالاصابة...يعني
متل مابيقولو مصائب قوم....او بالاحرى....(عسى ان تكرهو شيئا وهو خير لكم)_
ام ياسين:لاتزعلي وردة....ياسين رجال و مابينخاف عليه
مروة:معك حق...ياسين رجال
ابوياسين:انا بعرف شو مربي يا ام ياسين...ابني اقوى من انو هيك مشكلة صغيرة توقف بدربو
ام ياسين:الله يرضا عليهن....رح قوم وحضرلكن فطور
مروة:ماما انا بدي امشي...عنا عروس اليوم لازم لحق اوصل بكير بتعرفي المواصلات
ام ياسين:رح اعملك سندويشة لكن
مروة:ماما لا تتعزبي هلا منجيب شي انا والبنات ومنفطر سوا
ام ياسين:متل مابدك حبيبتي
مروة:يلا بخاطركن
_طلعت من البيت و نطرت الباص 10 دقايق و شردت عالطريق....هاد اليوم حاسستو مميز عن غيرو مابعرف ليش
حاسة في شي جديد وحلو رح يصير معي...وصلت للصالون و فتحت انا لان المعلمة مابتأمن بغيري
وبلشت رتب الصالون و جهز كل شي لجية الزباين
وبعد ربع ساعة اجو البنات رفقاتي...ليندا و جميلة
هالصالون من افخم الصالونات بهالمنطقة و من افضلهن كمان...وبعتبر حالي محظوظة لاني حظيت بفرصة الشغل فيه
بهاليوم اشتغلنا كتير و تعبنا لدرجة ماصحلنا ناكل لقمة من كتر الشغل وماخلصنا لقبل المغرب بشوي_
مروة:شو ليندا منروح نتمشى سوا؟
ليندا:والله مافيني يامروة خطيبي جاية لعندي اليوم
مروة:و انتي جميلة
جميلة:و انا جاييني خطابة كمان!
مروة:هههه مافي غيري عزابية بيناتكن...رح روح لوحدي امري لله
سوسن(المعلمة)مروة...هي جمعيتك هالاسبوع
مروة:يسلمو ايديكي معلمتي
سوسن:تصرفيهن بالهنا
مروة:الله يسلمك.....يلا بخاطركن
_طلعت من الصالون و كانت الدنيا رطبت و الجو صار كتير حلو.....قررت اتمشى لوحدي...مرة ليندا اخدتني لمكان بهالمنطقة كلو بساتين و شجر...قررت روح لهنيك وغير جو شوي قبل ماتعتم الدنيا...اتصلت بأمي وخبرتا اني رح اتمشى مع رفقاتي قبل ما ارجع للبيت و انطلقت بنزهتي لوحدي...حصرت زاكرتي حتى تزكرت الطريق منيح و قدرت وصل للبساتين...المكان اكتر من رائع هون
اصوات العصافير...الشجر عالطرفين وكأن الواحد انتقل لمكان تاني تماما"....دوالي العنب عم تتدلى من كل بستان بمرق جنبو....لدرجة ماعاد اقدر قاوم و قطفت عنقود عنب احمر...و اكلتو خلال دقيقة
فيلوفوبيا
الجزء الاول
الحرب غيرت كتير ناس...كتير اقدار...بالاحرى الحرب غيرت كل شي...مابقي شي على وضعو ابدا
وقلال كتير الي قدرو يحتفظو بحياة بتشبه حياتهن قبل الحرب
لانو عالاكيد مارح يقدرو يحتفظو بحياتهن متل ماهيه
"كان ياما كان.....لم يعد شيء كما كان!")
انا مروة....عمري 22 سنة...صح عمري صغير بس بعتبر حالي اخدت خبرة بتفوق سني بهالحياة
هالحرب شردتنا من بيتنا انا واهلي..اضطرينا نترك منطقتنا و نتهجر لمنطقة تانية و نأسس حياة جديدة
بدأنا من الصفر...من بعد ماكان بيتنا ملك و عايشين مرتاحين
صرنا تحت رحمة الناس و رحمة الاجار و اخر الشهر اللي مابيلحق يروح الا بيجي
بس يعني منحمد ربنا انو لساتو عدد افراد عيلتنا هو نفسو وماخسرنا فرد مننا...عالاقل لحد الان
متل العادة....يوم صيفي مشرق و حلو...وصوت فيروز عم يرنم ببيتنا الصغير
طلعت من غرفتي بعد ماجهزت حالي لروح لشغلي
و لقيت اهلي مجتمعين على برندة بيتنا الي بتطل عالبحر وهاد احلا شي حصلنا عليه
طلعت فيهن و انا ممتنة لوجودهن كلهن بحياتي
امي و ابي و اخي ياسين و اخي احمد
ياسين عمرو 26 سنة و دارس ادب عربي وبيشتغل استاذ
احمد عمرو 24 و بيشتغل فني كمبيوتر
و انا الصغيرة بشتغل بصالون حلاقة...لاني ماقدرت كمل بعد البكالوريا...بس انا مبسوطة بشغلي كتير ومالي زعلانة
ام ياسين:صباح الخير يا وردة
مروة:يسعدلي صباحك ماما
ابوياسين:تعي قعدي جنبي لصبلك فنجان قهوة
مروة:اي والله...وهي قعدة
ياسين:طبعا...الدلال للوردة تبعكن وبس
ابوياسين:والله بحياتك مارح تكبر...مين عنا غيرها وردة فهمني....معقول نسميك انت او اخوك وردة كمان!!
احمد:هههه صبارة كتير عليك
مروة:هههههه...والله بعد ياسين مافي...احلا اخ و شيخ الشباب كمان
ياسين:اي اي...ضحكي عليي
ام ياسين:والله كلكن بغلاوة بعض وماحدا بياخد محل التاني فيكن
ياسين:الله يخليلي الحجة ....انا بعرف بس عم هز الورد مو اكتر...يلا احمد قوم لنمشي سوا اخي
احمد:يلا اخي....خاطركن ياجماعة
_شفت كيف ياسين عم يستند على احمد ليقوم...ومن بعدها اخد عكازو و استند عليه ليقدر يمشي...كان بالجيش وقت تصاوبت رجلو و صار عندو عاهة دائمة
وصارت رجلو اقصر من الرجل التانية ب3 سم
بس هو بيكابر و بيتصرف بشكل طبيعي وكأن ماناقصو شي
بس مافيني اتجاهل لمعة الحزن بعيونو ابدا...ولا احساس الحزن الي سكن جواتي قبل مايسكن بقلبو
صعب كتير عالشب يحس حالو ناقص عن غيرو
بس شو بدنا نعمل هيك الله كتب...وعالاقل انعفى من الخدمة هو و احمد بسبب هالاصابة...يعني
متل مابيقولو مصائب قوم....او بالاحرى....(عسى ان تكرهو شيئا وهو خير لكم)_
ام ياسين:لاتزعلي وردة....ياسين رجال و مابينخاف عليه
مروة:معك حق...ياسين رجال
ابوياسين:انا بعرف شو مربي يا ام ياسين...ابني اقوى من انو هيك مشكلة صغيرة توقف بدربو
ام ياسين:الله يرضا عليهن....رح قوم وحضرلكن فطور
مروة:ماما انا بدي امشي...عنا عروس اليوم لازم لحق اوصل بكير بتعرفي المواصلات
ام ياسين:رح اعملك سندويشة لكن
مروة:ماما لا تتعزبي هلا منجيب شي انا والبنات ومنفطر سوا
ام ياسين:متل مابدك حبيبتي
مروة:يلا بخاطركن
_طلعت من البيت و نطرت الباص 10 دقايق و شردت عالطريق....هاد اليوم حاسستو مميز عن غيرو مابعرف ليش
حاسة في شي جديد وحلو رح يصير معي...وصلت للصالون و فتحت انا لان المعلمة مابتأمن بغيري
وبلشت رتب الصالون و جهز كل شي لجية الزباين
وبعد ربع ساعة اجو البنات رفقاتي...ليندا و جميلة
هالصالون من افخم الصالونات بهالمنطقة و من افضلهن كمان...وبعتبر حالي محظوظة لاني حظيت بفرصة الشغل فيه
بهاليوم اشتغلنا كتير و تعبنا لدرجة ماصحلنا ناكل لقمة من كتر الشغل وماخلصنا لقبل المغرب بشوي_
مروة:شو ليندا منروح نتمشى سوا؟
ليندا:والله مافيني يامروة خطيبي جاية لعندي اليوم
مروة:و انتي جميلة
جميلة:و انا جاييني خطابة كمان!
مروة:هههه مافي غيري عزابية بيناتكن...رح روح لوحدي امري لله
سوسن(المعلمة)مروة...هي جمعيتك هالاسبوع
مروة:يسلمو ايديكي معلمتي
سوسن:تصرفيهن بالهنا
مروة:الله يسلمك.....يلا بخاطركن
_طلعت من الصالون و كانت الدنيا رطبت و الجو صار كتير حلو.....قررت اتمشى لوحدي...مرة ليندا اخدتني لمكان بهالمنطقة كلو بساتين و شجر...قررت روح لهنيك وغير جو شوي قبل ماتعتم الدنيا...اتصلت بأمي وخبرتا اني رح اتمشى مع رفقاتي قبل ما ارجع للبيت و انطلقت بنزهتي لوحدي...حصرت زاكرتي حتى تزكرت الطريق منيح و قدرت وصل للبساتين...المكان اكتر من رائع هون
اصوات العصافير...الشجر عالطرفين وكأن الواحد انتقل لمكان تاني تماما"....دوالي العنب عم تتدلى من كل بستان بمرق جنبو....لدرجة ماعاد اقدر قاوم و قطفت عنقود عنب احمر...و اكلتو خلال دقيقة
